Lobimet për njohjen e Kosovës

[Makresh]

Postimi origjinal është bërë nga uck_aksh

shum esht mesim i mir per shqiptaret se vatikani nuk po na nje edhe shtetet islamike qe nuk po na njohin ne duhet qe ti bojkotojm te gjitha qe te mos jemi as krishter e as musliman nese ata nuk na duan edhe ne duhet qe mos ti duam te refuzojm fen e tyre te rrim qysh kem qen gjithmon ATEIST

feja so e arabve mare !? Ku po i lexon ti te drejtat e autorit t'fes ?

Pse nuk beson ti ne fe uçk ? Ku i ke provat qe s'ka Zot ?

[uck_aksh]

Postimi origjinal është bërë nga Makresh

feja so e arabve mare !? Ku po i lexon ti te drejtat e autorit t'fes ?

Pse nuk beson ti ne fe uçk ? Ku i ke provat qe s'ka Zot ?

per ta kryr nje nga shtyllat kryesore HAXH duhet te shkosh ne shqipri ne kosov apo ku duhet te shkohet
edhe ketu e kupton se nga na ka ardh feja

[Makresh]

Postimi origjinal është bërë nga uck_aksh

per ta kryr nje nga shtyllat kryesore HAXH duhet te shkosh ne shqipri ne kosov apo ku duhet te shkohet
edhe ketu e kupton se nga na ka ardh feja

Iliret, ktynehere kan jetue n'Split, n'Dallmaci, n'deti ! Pse mos t'shkojm edhe aqe mu rrezit n'haxh ?

[Zero Cool]

Afrika ime






Zëvendëskryeministri i vendit, Behgjet Pacolli shkon në Afrikë për herë të katërt i bindur se do të sigurojë njohje për Kosovën. Do të takojë edhe presidentin e Afrikës së Jugut.


Në një intervistë për gazetën Express, ai po ka folur edhe rreth disa çështjeve tjera. Duke folur rreth riformatimit të Qeverisë, ai ka thënë se bëhet së shpejti dhe se pret një ministri të re për koalicionin Kosova e Re.

Pacolli tha se ende nuk ka vendosur nëse do të kandidojë për president të Kosovës, por beson se zgjedhjet nuk do të shtyhen.

Zëvendëskryeministri duke folur rreth vizitës së presidentit të Hondurasit në Kosovë e Shqipëri tha “Së pari falënderoj institucionet e Kosovës dhe çdokënd këtu që ka punuar që kjo vizitë të kalojë në mënyrë dinjitoze. Edhe pse me pengesa, kjo vizitë ka shkuar mirë dhe shpresoj se Presidenti të jetë ndarë i kënaqur. Kuptohet që ka mundur të pritet më mirë, por mirë që u krye”.

Pacolli foli edhe rreth pritjes më të organizuar që i është bërë presidentit të Hondurasit në Shqipëri. “Po, është e vërtetë dhe për këtë unë i falënderoj përfaqësuesit e institucioneve më të larta të Shqipërisë duke filluar nga Presidenti i shtetit, Bamir Topi. Ju e dini se Shqipëria vjen nga një traditë e madhe dhe protokolli shtetëror i saj është i jashtëzakonshëm. Por përveç kësaj, më lejoni që t’ju përmend detaje të vogla. Shqipëria kishte në rrugët kryesore të kryeqytetit flamuj të mëdhenj të Hondurasit, duke i dhënë karakter shtetëror vizitës. Unë isha në krah të Kryeministrit Berisha dhe Kryetares së Parlamentit, Jozefina Topalli në pritjen që ata i rezervuan Presidentit të Hondurasit”, tha ai.

Sipas tij, kryetarja e Parlamentit të Shqipërisë, Jozefina Topalli nga kati i tretë, ku e ka zyrën, ka zbritur poshtë dhe e ka pritur dhe njëjtë po ashtu e ka përcjellë mysafirin tonë.

“Kryeministri Sali Berisha, i cili dha drekë për mysafirin ishte aq i përgatitur për takimin me Presidentin e Hondurasit saqë në takim dëshmoi se kishte lexuar shumë gjëra për historinë, kulturën dhe ekonominë e Hondurasit....Presidenti i Hondurasit edhe në Shqipëri rikonfirmoi mbështetjen e tij dhe angazhimin për të lobuar për Kosovën. Mos të harroj të përmendi faktin se ai na ka ndihmuar shumë për njohjet nga Caricomi”, tha Pacolli.

Ndërkaq, duke iu përgjigjur pyetjes rreth vonesave për njohje nga disa vende që ai kishte thënë se do të vijnë shumë shpejt, Pacolli u shpreh se njohjet nuk janë një gjë e cila varet nga vullneti i tij ose prej dëshirës së kosovarëve.

Ai vlerësoi se njohjet janë një proces jashtëzakonisht i vështirë dhe çdo vendim i çdo shteti për ta njohur Kosovën sigurisht nuk kalon pa ndonjë hallakamë brenda atij shteti.
“Për arsye se prishet një qetësi, e cila është tani tek ai shtet; për arsye se dikush sigurisht do të intervenojë, do të thotë se do t’i prishim marrëdhëniet me Serbinë, për shembull. Këtu, e dini se nuk është vetëm dikush i vogël, por kjo shkon deri te Rusia. Kërcënimet pra ekzistojnë. Lobi serb është shumë i madh në shtetet afrikane dhe duhet gjithmonë të gjinden rrugë që prishja e kësaj qetësie të jetë me efekte sa më të vogla negative për atë shtet që na njeh. Prandaj, njohjet që kanë ardhur janë pasuar me kërcënime nga Beogradi për ato shtete që na kanë njohur. Këto shtete do ta kenë vështirë tani të jenë prezentë në Beograd në aktivitetin për 50-vjetorin e organizatës së vendeve të painkuadruara dhe unë nuk di si do të veprojë nikoqiri.... Për këtë ju them edhe një herë se njohjet të cilat unë i kam përmendur edhe me emra, do të vijnë shumë shpejt. Unë kërkoj mirëkuptimin në këtë çështje edhe nga mediat këtu, por edhe nga shoqëria civile, sepse njohjet nuk kanë qëllim vetëm shkrimin e një letre, ato janë proces”.

[Zero Cool]

Irani nuk e njeh Kosovën, aleanca me serbët






Irani kurrë nuk do njoh pavarësinë e Kosovës, edhe pse këtë e kërkojnë disa nga anëtaret e Organizatës Islamike. Kjo u theksua mbrëmë nga ndihmës ministri i punëve të jashtme të Iranit, Muhamed Mehdi Akondzadeh, në një darkë të organizuar me gazetarët serb në rezidencën e ambasadës iraniane në Beograd.

“Irani nuk e njeh Kosovën. Kam krijuar përshtypjen se populli serb është i fuqishëm dhe i ndershëm. Kam parë ndërtesat e rrënuara nga bombardimet e NATO-s dhe kam përshtypjen se edhe këto aksione nuk kanë arritur që të shkatërrojnë identitetin e popullit tuaj”, theksoi Akondzadeh.

Zyrtari i jashtëm iranian po merrë pjesë në Konferencën e vendeve të painkuadruara që po mbahet në Beograd. Ai ka paralajmëruar se Irani do të forcojë marrëdhëniet me Serbinë me projekte konkrete në të ardhmen në Ballkan.

[Zero Cool]

Greqia nuk ka presion për ta njohur Kosovën






Ndonëse Greqia nuk e njeh pavarësinë e Kosovës, kjo nuk e pengon që “energjikisht të synojë për afrimin e të dyja palëve dhe të mbështesë dialogun ndërmjet Beogradit dhe Prishtinës”, ka thënë shefi i diplomacisë greke Stavros Lambrinidis, i cili të enjten viziton Kosovën.


I pyetur nëse po shtohen presionet mbi Greqinë që të njohë pavarësinë e Kosovës, ministri i jashtëm grek tha se “kurrfarë presioni nuk po ushtrohet, as që ai mund të ketë ndonjë efekt, sepse Greqia gjithmonë ndjek politikën e parimeve dhe kësaj i mbetet besnik”.

“Kjo është politikë e forcimit të paqes, sigurisë dhe mirëqenies në rajon. Marrëdhëniet e mira fqinjësore dhe bashkëpunimi rajonal janë në mesin e prioriteteve themelore”, është shprehur shefi i diplomacisë greke në një intervistë për gazetën e Beogradit “Veçernje novosti”, transmeton Qik.

Duke komentuar zhvillimet në veri të Kosovës, Lambrinidis tha se veprimet e njëanshme rrezikojnë sigurinë në rajon, ndërsa për tensionet nga fundi i korrikut në Kosovë tha se “shkaktojnë shqetësim”.

Sipas tij, dialogu është korniza e vetme për zgjidhjen e të gjitha mosmarrëveshjeve që ekzistojnë, ndërsa BE ka dëshmuar se mund të t’i kontribuojë kësaj. Ai shprehu kënaqësinë që bisedimet e javës së kaluar në Bruksel rezultuan me uljen e tensioneve.