Kur 1 edhe 1 bëjnë TRE

murrizi · 13-08-10, 20:36

I keni përcjell sot dy opinjonet e liderëve që e kan n'dor Kosovën ?
Po mesiguri !
Por a keni mundur të nxjerrni një gjë të përbashkët në këto dy opinjone ? as unë se besoj !?

Shihni "letren" e Klintones dërguar Metës.
si dhe,
Takimin e Kryeministrit Thaçi me Tërnavën.

Kush është më i menqur se unë e të më thotë që këta të parët nuk i shajnë njëkohësisht këta të dytët .

Citim:

Hashim Thaçi
GJND e ka fuqizuar sovranitetin e Kosovës

Nga Express më 13.08.2010 në ora 12:46
Kryeministri Hashim Thaçi tha sot se procesi i pavarësisë së mbikëqyrur është duke u përmbyllur suksesshëm dhe se opinioni i GJND-së e ka fuqizuar sovranitetin e Kosovës.

Thaçi përsëriti zotimin se do të angazhohet në fuqizimin e sovranitetit të Kosovës dhe heqjen e kompetencave ekzekutive për misionet ndërkombëtare në vend.

“Opinioni i GJND-së ka qenë shumë i qartë, realiteti në Kosovë tash e tutje duhet të ndërtohet sipas këtij opinioni që e ka fuqizuar sovranitetin e Kosovës, dhe natyrisht se angazhimet e mia do të jenë më tepër fuqizim dhe punë sipas standardeve më të larta të sovranitetit të një shteti, këshilla dhe mirëkuptim nga ndërkombëtarët”, tha kryeministri Thaçi, transmeton KosovaPress.

Kryeministri i bëri komentet, i pyetur nga gazetarët, gjatë një vizite në Bashkësinë Islame të Kosovës, me rastin e fillimit të muajit të Ramazanit.

Kreu i ekzekutivit ka falënderuar Bashkësinë Islame të Kosovës për tolerancën e treguar ndërfetare, e cila sipas tij është shembull në rajon.

Ndërkaq, myftiu i Kosovës, Naim Tërnava, tha se edhe BIK-u po mundohet të japë kontributin e tij për shtimin e njohjeve të reja për Kosovën si shtet sovran dhe i pavarur.

Ai deklaroi se tashmë ka marrë premtime për njohje të reja nga drejtues të Konferencës Islamike.

“Dje kam marrë një letër nga sekretari i Përgjithshëm i Konferencës Islamike, Ekmeledin Ihsanollu, ngase menjëherë pas marrjes së vendimit i pata dërguar një letër, dhe i cili thotë se më tërë përkushtimin që ka si sekretar i Përgjithshëm do të bëjë të pamundurën që sa më shpejt të rrjedhin njohje të reja për Kosovën si shtet sovran dhe i pavarur”, është shprehur Tërnava.

Si dhe,

Citim:

Sekretarja Amerikane e Shtetit, Hillary Clinton, i ka shkruar një letër zëvendëskryeministrit dhe ministrit të Jashtëm të Shqipërisë, Ilir Metës, me të cilën falënderon për letrën e kryediplomatit shqiptar në lidhje me Kosovën.
Në letër thuhet :
Ne vlerësojmë thellësisht gjithçka që Shqipëria dhe Ju personalisht keni bërë për të çuar përpara kauzën e një Kosove të pavarur, paqësore dhe demokratike, ndërkohe që keni ndjekur në mënyrë të shpejtë dhe të qëndrueshme pajtimin rajonal me Serbinë.
Opinioni këshillimor i Gjykatës Ndërkombëtare të Drejtësisë përforcoi në mënyrë të vendosur qëndrimin tonë të hershëm se deklarata e pavarësisë së Kosovës është në përputhje me ligjin ndërkombëtar.
Ju falenderoj për koordinimin tuaj të ngushtë dhe të fortë, i cili ndihmoi për të realizuar këtë gur themeli të rëndësishëm.
Shtetet e Bashkuara do të vazhdojnë të nxisin ato shtete që ende nuk e kanë njohur pavarësinë e Kosovës që të ndërmarin këtë hap dhe do të mbështesë veprime konstruktive në Asamblenë e Përgjithshme të Kombeve të Bashkuara.
Opinioni i GJND-së mund të shërbejë gjithashtu si një katalizator për Serbinë dhe Kosovën, për të lënë mënjanë diferencat dhe të punojnë së bashku në mënyrë konstruktive mbi cështjet praktike dhe për të përmirësuar jetën e popullit të Serbisë, Kosovës dhe të gjithë rajonit.
Kjo është rruga drejt një të ardhmeje të përbashkët si pjesë e një Evrope që është e lirë, e bashkuar dhe në paqe.

murrizi · 15-08-10, 19:45

...edhe një zbulim(du me ja u kalu zbuluseve këtu ma me fam që i kemi).

AAK ka disa ditë që kërcënon me shpalosjen e faktëve që dikush nga Qeveria po e kurdis prapaskenen politike për bisedime me Serbin.
Sot erdhi Dacic ("me leje") dhe n'zemer t'kosovës kumtoj lajmin për zbutjen e zemrimit nga ana e serbis, dhe se në rastin konkret mund të vijë edhe deri te njohja (Shqiptarët spo dojn me jetu me neve).

ëhëëëëë...