Trupi i njeriut

[Zero Cool]

Te dhena te cuditshme mbi trupin e njeriut!





1.80% e trurit eshte uje.Keshtu hidratimi duhet bere per hir te trurit tuaj

2.truri operon me 10 wat energji

3.Me shume endrra baras me nje numer me te larte te I.Q(koeficenti inteligjences).Sa me shume enderra sheh aq me i zgjuar je.Nje numer i larte i I.Q lufton edhe emundjet mendore.

4.Forma e trurit ndryshon ne moshen e pubertetit. Gje qe prek edhe impulsivitetin.

5.Aroma juaj eshte unike. Vetem ne rast se keni nje binjak identik. Edhe foshnjat e vogla mund te dallojne nenen e tyre nga aroma.

6.Adrenalina jep superfuqi. Po,ne rast se ju pergjigjeni ne menyren e duhur ne momentin e duhur, mund te ngrini ne peshe edhe nje makine.

7.Femrat nuhasin me mire se meshkujt. Femrat kane aftesi nuhatese me te mira se meshkujt

8.Hunda juaj mund te memorizoje me shume se 50.000 aroma.

9.Dhembet tuaj rriten pa lindur ende. Edhe pse duhen muaj derisa dhembet te shfaqen ,rritja e tyre nis qe rreth 6 muaj para lindjes.

10.Femijet ne muajt e pare te jetes i kane te gjithe syte blu. Melanina dhe rrezet ultra violet jane te nevojshme qe te nxjerrin ne pah ngjyren e vertete te syve te femijes.

11.Femrat te gjitha kane prirje per te qene biseksuale. Nuk ka rendesi se si e klasifikojne veten ato.Meshkujt jane te prirur te jene gay ose te drejte.

12.Shumica e meshkujve kane ereksion ne gjume

13.Seksi mund te jete nje clirues i dhimbjeve.Dhimbja ekokes perdoret si justifikim per te mos bere seks,por ne fakt ai ndihmon ne uljen e dhimbjeve dhe te stresit

14.Dylli eshte i nevojshem per vesh te shendetshem

15.Gjithe jeten njeriu prodhon peshtyme per te mbushur 2 pishina

16.Kockat mund te vetshkaterrohen ne rast se nuk i jepet sasia e duhur e kalciumit

17.Jeni me te gjate ne mengjes.Gjate ferkimit te kockave diten,ju jeni 1 cm me i shkurter

18.Gjuha eshte muskuli me i forte ne trupin tuaj

19.Koka juaj prodhon zhurma te brendeshme

20.Nuk mund te gudulisesh veten tende

21.Duke perdorur doren e djathte jeton rreth 9 vjet me shume se nje mengjarash

22.Vetem njeriu loton edhe per shkakt te emocioneve.Kafshet kane arsye psikologjike qe e bejne.

23.Apandesiti eshte nje pjese e trupit qe nuk nevojitet.

[Zero Cool]

E vërtetuar: Femrat janë më të forta se meshkujt!





Me shekuj të tërë janë etiketuar si gjinia më e dobët, por kur është fjala për luftimin e sëmundjeve dhe infeksioneve, femrat janë gjenetikisht të programuara që të jenë më të forta se meshkujt.


Duket se natyra ua ka dhënë femrave sistemin imunitar kulmor, duke iu mundësuar që me sukses t’i mposhtin mikroorganizmat me të cilët meshkujt e kanë vështirë të përballen.

Sipas një studimi të ri, gjinia e butë është e programuar në mënyrë që t’u rezistojë infeksioneve dhe karcinomës, dhe po ashtu ka një sistem rezervë për luftimin e sëmundjeve.

Sekreti i imunitetit më të fortë të femrave qëndron në dallimet themelore biologjike mes gjinive. Femrat kanë një kopje shtesë të kromozomit femëror X, ndërsa meshkujt kanë vetëm një kromozom X dhe një kromozom shumë më të vogël Y.

[Zero Cool]

Fakte shumë të çuditshme për trurin tonë





Në vazhdimisht bëjmë përpjekje që të kujdesemi për veten tonë në mënyrë që të jetojmë një jetë të shëndetshme. Truri ynë është vërtetë i mahnitshëm. Ju mund të jeni të habitur me atë që truri juaj është i aftë të bëjë pas leximit të këtyre fakteve të çuditshme:

* Truri nuk ndjen dhimbje. Edhe pse informatat për dhimbje aty procedohen, ai vet nuk ndjen dhimbje.
* Truri ka nevojë të madhe për oksigjen. Truri juaj kërkon 20% të oksigjenit dhe të kalorive që i merr trupi juaj edhe pse ai ka vetë 2% të peshës totale të trupit tuaj. * 80 % e trurit është ujë. Pra, rëndësia e të qenit i hidratuar, është edhe për shkak të mendjes tuaj. * Sigurisht keni menduar që truri është më aktiv gjatë ditës, por jo, në fakt truri është më aktiv kur ju flini. * Fuqia e mahnitshme kompjuterike e trurit tuaj kërkon rreth 10 Wat fuqi për të operuar. * Truri juaj mund të ruaj gjithçka çfarë ju shihni, dëgjoni, lexoni, etj. * Informatat në trurin tuaj udhëtojnë me shpejtësi të ndryshme. Kjo është arsyeja pse nganjëherë kujtojmë një informacion në minutë e nganjëherë kemi nevojë për më gjatë.

Ishin këto gjëra interesante me baza shkencore për trurin. Mund të themi që truri është vet jeta, pa të nuk do të kishte trup as jetë. Dmth. truri është vetë njeriu, vet trupi, e nëse e analizojmë mënyrën e të shkruarit të fjalës truri dhe trupi, shohim që ka dallim të vogël, vetëm një shkronjë.

[LaDy_Diaspora]

Sytë, thonjtë dhe lëkura janë treguesit tanë që na zbulojnë sëmundjet. Mësoni se si të lexoni shenjat e tyre me anë të një kontrolli trupor.

1. SYRI SPIUN
Shikoni sytë tuaj, ata zbulojnë më shumë se 3000 gjendje shëndetsore të ndryshme si: mungesat e vlerave ushqimore, të dëgjuarit, shqetësimet e qarkullimit të gjakut dhe çrregullimet e tretjes.
• Nëse e bardha e syrit ka ngjyrë të verdhë, ju mund të vuani nga verdhëza, e cila është shenja kryesore që tregon se mund të keni probleme me mëlçinë.
• A vini re ndonjë vijë midis irisit dhe pjesës së bardhë apo ndonjë kokërr dhjamore poshtë tyre? Nëse po, kjo tregon nivel të lartë kolesteroli, i cili mund të shkaktojë shqetësimi apo goditje në zemër. Si rrjedhojë, është mirë që të bëni analizat e duhura.
• Fryrjet poshtë syve apo dridhjet e muskujve të tyre mund të jenë shenja të mungesës së magnezit. Ky mineral është i nevojshëm për të patur kocka dhe dhëmbë të shëndetshëm. Ju mund ta gjeni magnezin tek perimet me fletë jeshile, farat dhe drithërat.
• Syri i skuqur dhe i acaruar, është zakonisht simptomë e një anomalie që ka të bëjë me fryrjen e dhimbshme të shtresës së hollë që mbulon kokërrdhokun e syrit. Kjo vjen si rezultat i mungesës së vitaminave B. Këto vitamina gjenden tek drithërat si: orizi i paqëruar, embrioni i grurit dhe mëlçia.
• Të thatët në rrënjët e qerpikëve janë shenjë e sigurt se fuqitë tuaja kanë rënë.

2. TESTI I THONJVE
Kontrolloni thonjtë rregullisht! Ata duhet të jenë të fortë dhe të kenë ngjyrë rozë të çelur. Nëse keni thonj të thyeshëm dhe të valëzuar dukshëm apo me njolla të bardha, ka mundësi që gjëndra tiroide të mos jetë shumë aktive.
• Njollat e bardha mund të shkaktohen nga mungesa e kalciumit, i cili së bashku me vitaminën D nevojiten për t’i rezistuar dobësimit dhe thyerjes së kockave. Kalciumi gjendet tek produktet e qumështit, sardelet dhe peshqit e tjerë të vegjël me kocka të ngrënshme, tek perimet me gjethe jeshile dhe kokrrat e sojës.
• Trashja dhe zgjerimi i majave të gishtave mund të jenë shenjë e sëmundjeve kronike në mushkëri si rrjedhojë e anomalive të zemrës.

3. TESTI I LËKURËS
Tërheqja e lëkurës së pjesës së prapme të dorës, të jep mundësinë të kuptosh se sa je plakur. Nëse lëkura lëshohet shpejt, kjo do të thotë se keni lëkurë të shëndetshme, por Nëse ajo lëshohet ngadalë, lëkura po e humbet elasticitetin e saj. Për ta shmangur këtë sa më shumë, duhet të rrini larg diellit, duhanit dhe të pini sa më shumë ujë.
• Keni grumbullime dhjamore në pëllëmbë apo kofshë? Kjo tregon se keni nivel të lartë kolesteroli. Për këtë, duhet të bëni analizat e nevojshme.
• Ekziston mundësia që të vuani nga sëmundja që shkakton ndryshimin e ngjyrës së gishtërinjve nga e bardha në blu. Kjo ndosh për shkak të ngushtimit të arterieve të vogla të gishtërinjve. Përdorni mjetet e duhura për t’u mbrojtur nga të ftohtët dhe shmangni duhanin sepse nikotina shkakton ngushtim të enëve të gjakut.


4. NXIRRNI GJUHËN
Një gjuhë e shëndoshë duhet të jetë rozë dhe pikëlore si luleshtrydhe.
• Nëse gjuha jote ka një shtresë të bardhë, mund të keni shumë myk, i cili është shenjë e ngrënies së tepërt të produkteve të qumështit.
• Nëse ka një nuancë të verdhë apo jeshile, kjo mund të jetë shenjë se një nga valvolat e stomakut mund të mos hapet apo të mbyllet siç duhet. Ndoshta mund të jetë edhe ndonjë simptomë e një gjendjeje të caktuar të mëlçisë. Hani më shumë fruta dhe perime!
• Nëse brendësia e gojës është veshur me grumbullime të vogla të bardha, ky mund të jetë infeksion i gojws. Nëse shtrydhen, ato do të rrjedhin gjak. Kjo mund të kurohet me anën e tabletave për të rriturit dhe me pika në gojë për fëmijët.

5. ALARMI I CELULITËVE
Nëse shtrëngimi i dhjamit të kofshës shkakton shfaqjen e disa gropave, kjo do të thotë se keni celulitë. Edhe pse fjala “celulit” nuk është fjalë mjekësore, të gjithë e dimë se çfarë do të thotë. Celuliti nënkupton indin dhjamor, në të cilin qelizat dhjamore varen në konstruktin e indit të lëshuar lidhor.
Me kalimin e moshës, indi lidhor bëhet më i dobët dhe lëshohet, ndërkohë që dhjami grumbullohet për të formuar celulitin. Kjo mund të jetë shenjë e mospirjes së mjaftueshme të ujit apo mbajtjes se peshave të tepërta.

6. MATJA E PULSIT
Matni pulsin duke vendosur mbi kyç gishtin tregues dhe atë të mesit. Numëroni numrin e rrahjeve të pulsit për 15 sekonda dhe shumëzojeni me katër, për të llogaritur rrahjet për minutë. Nëse numri i rrahjeve është më i madh se 100 apo më i vogël se 40, kjo do të thotë se keni probleme.
• Rrahjet e përshpejtuara mund të jenë shenjë e ndonjë ankthi, infeksioni apo çrregullimeve të rrahjeve të zemrës.
• Rrahjet e ngadalësuara tregojnë se gjëndra tiroide nuk është shumë aktive apo se po përjetoni një gjendje të njohur si “bllokim zemre”. Gjithashtu, ka mundësi që pulsi të jetë i ulët Nëse jeni shumë të dobët.

7. HARTA E TRUPIT
Kontrolloni lëkurën rregullisht duke u përqëndruar tek pjesët që ekspozohen më shumë në diell. Kushtojuni vëmendje të veçantë nishanëve të trupit. A janë rritur në numër dhe në madhësi? Nëse jeni të shqetësuar për ndonjë nishan, konsultohuni me mjekun për t’u siguruar se nuk është ndonjë shenjë e dyshimtë kanceroze.
• Kujdes nga shenjat që fillojnë të rrjedhin gjak apo nga plagët që nuk shërohen.
• Shenjat dalluese të ndryshimeve në një lëkurë kanceroze përfshijnë nishanët që bëhen më të errët në ngjyrë dhe që kruhen.

8. DITË E KEQE PËR FLOKUN TËND
Flokët duhet të jenë të butë dhe të shndritshëm. Nëse floku yt është i thatë dhe i këputshëm, mund të keni probleme me gjëndrën tiroide.
• Nëse floku ju bie me shtëllunga, kjo mund të tregojë mungesë hekuri ose zinku. Mishi i kuq dhe perimet me fletë jeshile si spinaqi, kanë nivel të lartë hekuri, ndërsa zinku mund të gjendet tek molusqet, bizelet apo fasulet.
• Zbokthi është gjithashtu shenjë e mungesës së zinkut, por edhe mund të tregojë se nuk po merrni lyrna të mjaftueshme nga ushqimi. Ia vlen të përdorësh një shampo kundra zbokthit, por Nëse nuk bën dobi, kërkojini mjekut t’ju japë ndonjë locion që përmban kortikosteroid.


9. REAGIMI I GJURIT
Uluni në cep të tavolinës dhe testoni reflekset duke goditur këmbën poshtë kupës së gjurit, për të parë nëse ajo do të ngrihet apo jo. Kjo goditje teston sistemin nervor dhe siguron nëse sinjali përçohet nëpërmjet qelizave nervore drejt shtyllës kurrizore, duke aktivizuar një neuron lëvizës, i cili tkurr muskulin dhe bën që këmba të ngrihet lart. Ju mund t’i testoni reflekset duke gudulisur shputën e këmbës për të parë nëse dridhet gishti i këmbës, ose duke qëndruar para një pasqyre për të parë shtrëngimin e bebëzave të syve pas hapjes dhe mbylljes së tyre.
• Ndryshimet e këtyre reflekseve mund të sinjalizojnë dëmtimin e sistemit nervor. Si rrjedhojë, është i nevojshëm një ekzaminim i plotë neurologjik.

10. SËMUNDJET E FSHIKËZËS
Ekzaminoni ngjyrën e urinës Nëse ndieni dhimbje gjatë urinimit. Nëse është e turbullt, kjo do të thotë se keni infeksion në fshikëzë.
• Nëse vuani nga çisti, pini sa më shumë lëngje për të shplarë fshikëzën, e cila duhet të boshatiset sa herë që urinoni.
• Për të patur urinë bazike, hidhni një lugë çaji me bikarbonat sodiumi në ujë dhe pijeni çdo gjashtë orë. Ju mund të provoni edhe lëngun e boronicave të kuqe, i cili ndihmon në parandalimin e zhvillimit të baktereve në muret e fshikëzës.
• Nëse shfaqet infeksion, mjeku duhet t’ju këshillojë antibiotikë për të parandaluar përhapjen e infeksionit në veshka.

[LaDy_Diaspora]

Përsëritja: I referohet herëve që ju bëni një lëvizje të tillë. Përsëritja e tepruar e punëve mund t'ju udhëheqë drejt lodhjes së muskujve ose dëmtimeve, veçanërisht nëse ato përfshijnë tendosje apo pozicionime të pakëndshme për trupin tuaj.

Dhimbja e shpinës mund ta bëjë vërtet të vështirë përqendrimin në punë. Profesione të tilla si infermier, ndërtues ose punëtor fabrike do të thonë kërkesa për shpinën tuaj. Edhe puna rutinë në zyra mund ta përkeqësojë dhembjen tuaj të shpinës, nëse bini pre e zakoneve të rrezikshme. Por ju mund ta shmangni dhembjen dhe dëmtimet e shpinës duke qenë të kujdesshëm dhe të dini se çfarë i shkakton ato, por edhe të fokusoheni në parandalimin e tyre.

Forca: Ushtrimi i një force të madhe në shpinën tuaj mund të shkaktojë dëmtime. Nëse puna juaj është fizike, ju mund të përballeni me dëmtime, nëse vazhdimisht ngrini ose lëvizni objekte të rënda.

Përsëritja: I referohet herëve që ju bëni një lëvizje të tillë. Përsëritja e tepruar e punëve mund t'ju udhëheqë drejt lodhjes së muskujve ose dëmtimeve, veçanërisht nëse ato përfshij¬në tendosje apo pozicionime të pakëndshme për trupin tuaj.

Qëndrimi i trupit: Qëndrimi i referohet pozicionit ku jeni ulur, në këmbë apo po kryeni një detyrë. Në rast se kaloni pjesën më të madhe të kohës përpara një kompjuteri, mund të ndjeni dhembje nga të ndenjurit ulur për një kohë të gjatë. Trupi juaj mund të qëndrojë në një pozicion mesatarisht vetëm 20 minuta, përpara se ju të ndjeni nevojën të ndryshoni pozicion.

Stresi: Trysnitë në punë ose në shtëpi jo vetëm që rrisin nivelin e stresit tuaj, por mund t'ju prijnë drejt tensionimit dhe tendosjes së muskujve, duke u bërë kështu shkaktarë për dhembjen e shpinës.

Si t'i shmangim dëmtimet: Gjëja më e mirë në parandalimin e dëmtimeve të shpinës është të jeni të përgatitur më së miri dhe të ndërmerrni disa hapa për ta bërë vendin ku punoni një mjedis sa më të sigurt që të jetë e mundur. Para së gjithash, duhet të mbani peshën në kontroll të vazhdueshëm. Një peshë e shëndetshme mund të zvogëlojë stresin në shpinën tuaj. Mund të bëni ushtrime specifike forcuese dhe tendosësh, që kanë objektiv muskujt e shpinës suaj. Ushtrimet sistematike mund të rrisin gjithashtu lakueshmërinë e trupit. Muskuj të fortë dhe të lakueshëm mund të mbajnë shpinën tuaj në formë të shkëlqyer. Tregohuni të kujdesshëm ndaj qëndrimit, pasi një vendosje jo e duhur e trupit mund të stresojë shpinën. Kur përkuleni ose qëndroni me shpinën shtrembër, ju ekzagjeroni linjat natyrale të shpinës. Pozicione të tilla mund t'ju udhëheqin drejt lodhjes së muskujve, ndërsa qëndrimet e mira shtendosin muskujt dhe kërkojnë përpjekje minimale për të balancuar trupin.

Qëndrimi në këmbë: Nëse qëndroni në këmbë për një kohë të gjatë, lëreni të pushojë njërën këmbë në një stol, ose në një kuti herë pas here. Ndërsa qëndroni në këmbë, mbajeni materialin që lexoni në nivelin e syve. Mos u përkulni përpara se të bëni punë zyre ose krahu.

Qëndrimi ulur: Për të ndihmuar në rehati dhe në një qëndrim, zgjidhni një karrige ku të mbështesni shpinën tuaj. Rregullojeni karrigen në mënyrë që këmbët të qëndrojnë rrafsh me dyshemenë. Nëse karrigia nuk e mbështet fund shpinën tuaj, vendosni një jastëk të vogël pas saj. Mënjanoni objekte të rënda, si kuletën, në xhepin tuaj të pasmë kur jeni ulur, sepse prishin ekuilibrin e fund shpinës.

Ngrini ngarkesat siç duhet: Ka një mënyrë të drejtë dhe të gabuar për të ngritur ose për të mbajtur një ngarkesë. Për të ngritur një ngarkesë në mënyrën e duhur, duhet të lini këmbët tuaja të bëjnë punën e tyre. Mbajini objektet pranë trupit dhe kërkoni ndihmë, nëse ngarkesa është shumë e rëndë.

Përshtatni vendin tuaj të punës: Shihni strukturën e zyrës ose zonës tuaj të punës. Mendoni si mund t'i modifikoni punët e përsëritura për të pakësuar kërkesat fizike. Kujtoni që po përpiqeni të zvogëloni forcën, përsëritjen e veprimeve dhe të qëndroni të shëndetshëm, me një qëndrim të sigurt. Nëse pjesën më të madhe të ditës e kaloni duke u përgjigjur në telefon, provoni kufjet. Shmangni mbajtjen e telefonin mes veshit dhe shpatullës suaj, për të liruar një prej duarve për të bërë një tjetër punë. Nëse punoni në kompjuter, sigurohuni që karrigia juaj të jetë vendosur në përshtatje me monitorin.

Reduktoni stresin: Të qenit të stresuar shkakton tendosje të muskujve tuaj dhe kjo gjë mund t'ju bëjë më të pirur për dëmtimet e shpinës. Sa më shumë stres ndjeni, aq më pak e toleroni dhembjen. Përpiquni të zvogëloni burimet tuaja të stresit, si në punë ashtu edhe në shtëpi. Zhvilloni mekanizma të bollshme në momentet kur ndiheni tmerrësisht të stresuar. Në këtë rast ju sugjerojmë të provoni ushtrime frymëmarrjeje të thellë. Bëni një shëtitje ose flisni për problemet tuaja me një mik të besueshëm.

[LaDy_Diaspora]

Edhe pse shpesh është temë humori, nuk është aspak për të qeshur, sidomos jo për ata të cilët gjatë natës nuk flenë ose zgjohen pasi që ua zë frymën.
Zhurma nga gërhima shkakton probleme të vogla ose të mëdha në familje të ndryshme, madje diku mund ta çrregullojë seriozisht jetën familjare. Personi që gërhit mund të bëhet shumë lehtë objekt talljeje, ndërsa nga ana tjetër mund të shkaktojë çrregullimin e gjumit të familjarëve të tij, duke shkaktuar pakënaqësi. Partnerët e personave që gërhasin zakonisht kanë probleme me gjumin dhe fiksohen pas zhurmës së gërhimës duke mos mundur të flenë, kështu që jepen pas tabletave për gjumë, mbyllësve për veshë, dalin në krevat tjetër ose e largojnë gërhitësin nga krevati. Personi që gërhit, zakonisht është temë e humorit familjar, sidomos atëherë kur i zë gjumi duke shikuar TV, duke ngrënë ushqim, në autobus, apo gjetiu. Ka njerëz që mund të flenë edhe kur ka zhurma të mëdha, mirëpo zhurma e gërhitjes është e veçantë dhe është vështirë që ta injorosh për shkak të ritmit të çrregullt, tonit të lart dhe diapazonit të zërave.

Apnea obstruktive e gjumit

Apnea e gjumit është sindromë që nënkupton sëmundjen në të cilën vjen deri te ndërprerja e rrymës së ajrit nëpër hundë, gojë dhe fyt gjatë gjumit. Shkaktar më i shpeshtë i apnesë së gjumit është ndonjë çrregullim trunor (qendrore), mund të jetë pengese e kalimit të ajrit nëpër hundë ose fyt (obstruktive), ose mund të jetë çrregullim i përzier (qendroro-obstruktiv). Nga të gjitha çrregullimet e gjumit, sindroma obstruktive e apnesë së gjumit është më e shpeshtë, dhe në bazë të pasojave, sëmundjes, ose edhe vdekjes, është forma më serioze e çrregullimit të gjumit.

Rënia e përqendrimit të oksigjenit në gjak, që ndodh sa herë që pengohet frymëmarrja (sulmi i apnesë së gjumit) duke fjetur, mund të sjellë deri te problemet e punës së zemrës, aritmitë, rritja e shtypjes së gjakut, por edhe pamjaftueshmëria e zemrës dhe goditja në tru; si edhe pengesat psikike, pengesat në përqendrim, në sjellje, në ngacmueshmëri etj.

Gërhitja e zhurmshme, e cila vjen pas çdo pengese të tillë në frymëmarrje gjatë fjetjes, është njëri nga simptomat e sëmundjes që quhet sindroma obstruktive e apnesë së gjumit dhe vjen si pasojë e ekzistimit të pengesave të rrymimit të ajrit nëpër rrugët e frymëmarrjes (nëpër hundë ose fyt), si edhe si pasojë e anatomisë dhe funksionit të çrregulluar të hundës, fytit dhe qiellzës së butë.

Zëri i gërhimës vjen si pasojë e lëvizjes turbulente të ajrit e shkaktuar nga pengesat dhe vibracionet e indit limfatik të qiellzës së butë të lëshuar, si edhe nga strukturat e ënjtura të mukozës në pjesën e rrugëve të frymëmarrjes. Masat e ndryshmi në fyt, siç është rritja e tonzillave (bajameve), të cilat ngushtojnë rrugët e frymëmarrjes, shkaktojnë gërhitje. Te fëmijët, gërhitja është gjithmonë pasojë e indeve të tepërta në fyt- rritja e tonzillave dhe adenoidet (e a.q. tonzilla e tretë). Pengesat e frymëmarrjes nëpër hundë (inflamacionet, devijimet etj.) sjellin deri te kalimi i vështirësuar i ajrit nëpër këto struktura dhe shkaktojë gërhitjen. Ndërsa rritja e përnjëhershme e masës trupore me shtresat e yndyrës të deponuara rreth qafës, shkaktojnë ngushtim të rrugëve të frymëmarrjes.
Me anë të ekzaminimit klinik të otorinolaringologut do të zbulohet shkaktari i vërtetë dhe vendi i pengesës së frymëmarrjes, ndërsa në bashkëpunim me neurologun pason edhe mjekimi.

Hipoventilimi më i rëndësishëm te gërhima

Në rastet e apnesë obstruktive, gërhima ndërpritet në momentet e qetësisë dhe mosfrymëmarrjes (apnesë) në të cilat personi mundohet të sigurojë sa më shumë ajër. Pas disa sekondave vjen deri te frymëmarrja e fuqishme, e cila përcillet me gërhimë të zhurmshme, me ç’rast shpesh ndodh që individi të zgjohet nga gjumi, si pasojë e mungesës së ajrit dhe të merr frymë me vetëdije se ka mungesë oksigjeni. Nganjëherë ndodh edhe deri te kontraktimi toniko-klonik i dorës, këmbës ose gjithë trupit. Ndodh që gërhitësi gjysmë i zgjuar qëndron ulur në krevat ose rrëzohet nga ai, dhe kjo sjellje ia prish gjumin partnerit.

Sulmet e kohëpaskohshme të mosfrymëmarrjes dhe gërhimës janë të rralla dhe normale te popullata e shëndoshë. Patologjike konsiderohen nëse zgjatin më shumë se 10 sekonda, dhe paraqiten më shumë se 7-10 herë brenda një ore.
Shumë pacientë me apne mund të kanë qindra sulme që zgjasin më shumë se 30 sekonda dhe paraqiten më shumë se 50 herë në orë, gjë që mund ta kalojnë gjysmën e gjumit në obstruksion, hipoksi (ulje e nivelit të oksigjenit në gjak), pagjumësi dhe gjumë sipërfaqësor.

Këta njerëz zgjohen me ndjenjën e lodhjes, sikur të mos kishin fjetur dhe gjatë gjithë ditës dëshirojnë të flenë (hipersomnolenca ditore). Gjumi i zë shumë shpejtë duke qëndruar ulur në autobus, duke pritur, duke lexuar ose duke shikuar TV. Madje ndodh që nganjëherë të flenë edhe duke vozitur, që paraqet rrezik, sidomos nëse ushtrojnë profesionin e vozitësit profesionist ose pilotit. Te fëmijët gjumësia ditore shpesh shfaqet me hiperaktivitet dhe sjellje joshoqërore

Gjatë gërhimës është me rëndësi kohëzgjatja e ndikimit të hipoventilimit (zvogëlimit të vëllimit të frymëmarrjes) dhe sulmit të mosfrymëmarrjes, që sjellin deri te rënia e përqendrimit të oksigjenit në gjak (hipoksia)- ndaj të cilit janë në veçanti të ndjeshëm truri dhe zemra.

Mund të paraqiten ndryshime thelbësore në nivelin e gazrave në gjak- rritet niveli i CO2 dhe bie niveli i O2- që nëse zgjat shumë, atëherë rritet rreziku për sëmundjet e zemrës dhe enëve të gjakut. Shpesh paraqiten edhe aritmitë e zemrës. Hipoventilimi disavjetor shkakton hipertensionin mushkëror dhe rritjen e ngarkesës së zemrës që mund të sjellë deri te hipertensioni sistemik (rritja e shtypjes së gjakut).

Fëmijët të cilët kanë tonzilla dhe adenoide të rritura, për shkak të mundësisë së gërhitjes dhe paraqitjes së OSA-s, janë shumë më të rrezikuar që të vuajnë nga sëmundjet kardiovaskulare, si dhe çrregullimet në zhvillimin dhe sjelljet e tyre.

[LaDy_Diaspora]

Gërhitja ndikon edhe në prishjen e gjumit tuaj edhe të pjesëtarëve tjerë të familjes. Shumë njerëz mund të gërhasin për arsye të ndryshme.
Shoqata angleze e gërhitjes dhe problemeve të gjumit publikoi disa këshilla për kurimin e problemeve të gërhitjes.
“Daily Express” bën të ditur se është shumë e rëndësishme të përcaktohet nëse gërhitja vjen nga hunda apo goja. Nëse gërhitja vjen nga hunda edhe kur goja është e hapur apo e mbyllur provoni këtë:
Gjuhën nxirreni përpara dhe shtrëngoni dhëmbët. Mundohuni të gërhisni. Nëse vëreni një gërhitje më të lehtë ka shumë mundësi që gjuha nxit gërhitjen. Pra gjuha dridhet dhe shkakton gërhitjen.

Nëse gërhisni me hundë kur mbani gojën mbyllur atëherë provoni:

-Shtrihuni në krahun e djathtë apo të majtë: sipas një teorie kur shtriheni në shpinë muskujt e zonës së gjuhës dhe fytit ngushtohen duke provokuar gërhitjen.

-Përdorni jastëkë më të lartë: kjo mënyrë ndikon në mbajtjen hapur të rrugëve të frymëmarrjes duke mbështetur qafën. Kështu fyti ngushtohet më pak. Dhe vlen derisa t’ju zërë gjumi.

-Merrni frymë me shiritët e hundës: me ndihmën e sistemit brenda shiritit zgjerohen rrugët e frymëmarrjes në hundë dhe në këtë mënyrë parandalohet gërhitja. Ju ndihmon të shpëtoni dhe nga nxënia e hundëve kur jeni me grip apo kur vuani nga alergjia.

-Përdorni strip goje për të parandaluar gërhitjen: karamelet me aromë mendre luftojnë shkakun e gërhitjes dhe janë ideale për ju nëse gërhisni kur jeni shtrirë në shpinë. Këta zotërojnë një formulë e cila pakëson dridhjen e indeve të buta dhe mbulon pjesën e prapme të fytit gjatë gjithë natës. Nuk bën efekt në momentin kur e merrni në gojë por pas disa orëve.

-Spray i gojës: spray i lyen dhe zbut indet e buta në pjesën e prapme të fytit të cilat shkaktojnë dridhjen dhe më pas gërhitjen.

-Aparat kundër gërhitjes: duke shtyrë jashtë faqet e hundës zgjeron kanalet e frymëmarrjes së hundës dhe mundëson një frymëmarrje të lehtë.

-SomnoGuard: është një lloj cigarishteje termoplastike MAD e përdorur për kurimin e çrregullimeve të gjumit të shkallës së mesme, në të njëjtën kohë përdoret dhe nga boksierët. Duke sjellë përpara pjesën e poshtme të nofullës me gjuhën lehtëson frymëmarrjen dhe parandalon gërhitjen.

-Spray bimor: dhe ky spray ngushton pjesën e brendshme të vrimës së hundës dhe krijon më shumë vend për të marrë frymë. Krahas kësaj tendos indet e pjesës se sipërme të gojës duke pakësuar dridhjen. Sprei me erë të mirë pakëson gërhitjen.

-Lënia e cigares: pakësoni konsumimin e cigares ose lëreni krejt më mire. Në këtë mënyrë merrni frymë më lehtë dhe gërhitja do të pakësohet me kalimin e kohës.

[LaDy_Diaspora]

Ku e lashë celularin? Ku dreqin i futa celësat e shtëpisë? Me siguri ju ka ndodhur të paktën një herë të keni patur një bllokim të kujtesës, ose t’ju duket se po humbni memorjen tuaj.Kapaciteti i kujtesës mund të mbahet në formë dhe të forcohet deri në 30 përqind. Ju disa këshilla:

Dietë? Po, por jo shumë drastike
Të dobësohesh shpejt mund të sjellë efekte jo të mira për trurin, pasi redukton memorjen të paktën 20 përqind. Kështu thotë një studim i krye në Mbretërinë e Bashkuar, ku niveli i i vëmendjes pas një diete drastike reduktohet 30 perqind dhe kapaciteti i memorjes në 20 përqind.

Po, humorit të keq
Nëse humori i keq ju bën që të shihni gjërat me pesimizëm, realisht ndihmon në përmirësimin e memorjes, sidomos përsa i përket detajeve.

Vepro me imazhe
Truri kujton më mirë imazhet. Për të memorizuar emrin e një personi që sapo ju kanë prezantuar, lidheni me një imazh.

Jo, rutinës
Profesoresha Margie Lachman, e Brandeis University (Usa), këshillon që të mos krijoni monotoni në zakonet e ditës tuaj. P.sh: ndryshoni dorën me të cilën lani dhëmbët, ndiqni rrugë të ndryshme për të shkuar në punë, apo krijoni larmi në orët e pasdites.

Ruaj imazhin
Ju këshillojmë që ndërsa vizitoni një qendër tregtare, një galeri apo panair, të shihni detaje të ndërtesës, si p.sh kollonat, dritat, daljet e emergjencës, shkallët e lëvizshme, ashensorët…

Stërvitni memorjen e fëmijës tuaj
Qendroni bashkë me fëmijët për pesë minuta në një dhomë plot me objekte dhe pasi të dilni prej andej përshkruani pozicionin e saktë të të gjithë lodrave dhe detajeve duke bërë një garë me njëri-tjetrin.

Truke për të moshuarit
Në moshën e avancuar nuk duhet perqendruar vemendja te informacione të pavlefshme. Fiksoni cdo ditë listën e shpenzimeve, ndonjë rezultat sporti, apo fituesit e ndonjë konkursi.

Bëni sport
Aktiviteti fizik kontribuon në ruajtjen e memorjes duke ndihmuar në rigjenerimin e qelizave cerebrale që vdesin me rritjen në moshë.

Bëni pushime gjatë orarit të punës
Një studim i New York University, i publikuar në revistën “Neuron”, ka sugjeruar se mjafton edhe një pauzë e shkurtër për të ndihmuar trurin që të rivihet në funksion dhe të thithë informacion të ri.

Pini lëng rrushi
Lëngu i rrushit ndihmon për ndihmën dhe rikuperimin e humbjes së memorjes. Një studim i ri britanik tregon se antioksidantët prezentë te rrushi mund të theksojnë kapacitetet cerebrale për të reduktuar efektet e humbjes së memorjes. Konsumimi i lëngut të rrushit jep rezultate të mira në ruajtjen e memorjes.

Mos pini duhan
Sipas një studimi francez, i publikuar në “Archives of Internal Medicine”, thuhet se konsumatorët e duhanit dëmtojnë memorjen e tyre.

[LaDy_Diaspora]

Shkaku nr.1 :Gjumë i pamjaftueshëm

Kjo gjë ka efekte negative në përqendrim dhe shëndet. Për adultet është e nevojshme të paktën 7- 8 orë gjumë çdo natë.
E rëndësishme është vendosja e një programi të rregullt për gjumin.
Një këshillë e thjeshtë, largoni Laptopin ,celularin apo televizorin nga dhoma juaj e gjumit.
Nëse këto masa nuk sjellin ndonjë përmirësim atëherë kërkoni ndihmën e mjekut specialist për ndonjë çrregullim të gjumit.

Shkaku nr.2 :Apnea e gjumit

Në disa raste, njerëzit mendojnë se flenë mjaftueshëm, por ata nuk janë të vetëdijshëm se disa episode të apnesë kanë shoqëruar gjumin e tyre.
Apnea e gjumit është ndërprerje e shkurtër e procesit të frymëmarrjes gjatë natës.
Edhe pse gjatë këtij episodi dikush mund të zgjohet për disa çaste,ai nuk është në dijeni të këtij fenomeni. Si rezultat gjumi është i deprimuar edhe pse koha e kaluar në shtrat është relativisht e gjatë.
Prej masave të thjeshta që mund të ndërmirren për të evituar ose të paktën reduktuar episodet e apnesë, janë: rënia në peshë, lënia e duhanit etj.

Shkaku nr.3 : ”Furnizim” i pamjaftueshëm

Ngrënia e pakët shkakton lodhje sikurse edhe ngrënie e ushqimeve të papërshtatshme.
E rëndësishme është marrja e një diete të balancuar duke plotësuar kërkesat e organizmit për glukozë pasi rënia e nivelit të glukozës në gjak është shkaktuar e ndjenjës së dobësisë apo lodhjes, është i domosdoshem konsumimi i përditshëm i vaktit të mëngjesitsi edheplotësimii nevojave për glukozë e proteina në çdo vakt.
Është e pëlqyeshme të konsumohen vakte të vogla të ndërmjetme për të mbajtur një nivel bazik të energjisë

Shkaku nr.4 : Anemia

Është një nga shkaqet më të shpeshta të dobësisë të gratë. Kjo vjen më së shumti nga humbja e gjakut menstrual që shkakton një deficit në jonin e hekurit, gjë që sjell një ulje absolute të rruazave të kuqe që shërbejnë për transportin e oksigjenit në inde.
Në të tilla raste është e rëndësishme marrja e hekurit suplementar, konsumimi i ushqimeve të pasura me hekur sikurse mishi, mëlçia , peshk, fasule, drithëra të pasuruara etj.

Shkaku nr.5 : Depresioni

Depresioni nuk është thjesht një çrregullim afektiv, por influencon edhe në shumë simptoma fizike, si psh: lodhja,dhimbja e kokës, anoreksia.
Ndjesia e lodhjes dhe gjendja e rëndë psikologjike për mbi 2 javë duhet të nxisë për një konsultë me psikologun.

Shkaku nr.6 :Hipotiroidizmi

Tiroideja është një gjëndër endokrine me funksion kontrollin e metabolizmit.
Kur gjëndra ka nënfuksion,personi do të ndjejë dobësi, lodhje si edhe do të fillojë të shtojë në peshë.
Nëse nëpërmjet dozimit të hormoneve të tiroides vërehen nivele të ulëta, është i nevojshëm zëvendësimi terapeutik i hormoneve.

Shkaku nr.7 : Konsumi i tepruar i kafesë.

Kofeina në doza të reduktuara mund të përmirësojë koncentrimin dhe vigjilencën.
Por kur konsumohet në sasi të madhe shkakton rritje të ritmit të zemrës, rritjen e presionit të gjakut, nervozizëm, lodhje etj.
Zgjidhja është, reduktimi gradual i konsumit të kafesë, çajit, çokollatës, dhe çdo medikamenti që përmban kofeinë. Lënia e menjëherëshme e konsumit të këtyre produkteve mund të shkaktojë simptoma të tërheqjes [abstinencës]dhe rritje të ndjenjës së lodhjes.

Shkaku nr.8: Infeksionet e fshehta urinare

Shpesh herë simptomae vetme e një infeksioni urinar është lodhja. Bërja e një testi urinar konfirmon infeksionin
Me përdorimin e antibiotikëve zakonisht fshihet edhe lodhja

Shkaku nr.9: Diabeti

Tek diabetikët, edhe pse konsumimi i ushqimit është i mjaftueshëm glukoza nuk arrin deri në brendësi të qelizës ku do të konvertohet në energji, dhe kështu organizmi do ndjejë lodhje dhe dobësi. Nëse ndjesia e lodhjes persiston në mënyrë të pashpjegueshme, është e arsyeshme dozimi i glukozës në gjak.
Në trajtimin e diabetit përfshihet:ndryshimii stilit të jetesës, dieta, ushtrime fizike, terapia me insulinë etj.

Shkaku nr.10 : Dehidrimi

Lodhja mund të jetë shenja e parë e dehidrimit.
I rekomandueshëm është konsumimi i të paktën 2 gotave ujë në orë sidomos gjatë stinës së nxehtë ose gjatë një aktiviteti fizik.

[Zero Cool]

Analizat llogaritëse të trurit mund të ndihmojnë në parashikimin e psikozave







Shkencëtarët britanik kanë zbuluar se nëpërmes algoritmeve llogaritëse për analizimin e MRI-ve (rezonancës magnetike) mund të parashohin se sa serioze mund të jetë ndonjë psikozë, gjë që do të mund t’ju ndihmonte mjekëve për caktimin e terapisë sa më adekuate.

Sipas mendimit të shkencëtarëve, ky është hap i parë drejtë shërimit më të suksesshëm të pacientëve me psikozë, për shkak se me siguri mund të parashihet se çfarë kahu do ta merr zhvillmi i sëmundjes.

Psikoza është gjendje që ndikon në të menduar, duke e ndryshuar mënyrë e të menduarit, ndjenjat dhe sjelljen. Tek pacientët me psikozë mund të paraqiten halucinacionet dhe deluzionet (bindjet e gabuara).

Lajmërimi i psikozës është karakteristike për skizofreninë dhe çrregullimin bipolar, por simptomat psikotike mund të paraqiten edhe tek sëmundja e Parkinsonit, konsumimi i alkoolit ose të drogave.

Studimet tregojnë se konsumimi i kanabisit (marihuanës) në moshë të re e shton rrezikun e zhvillimit të psikozave.