Lajme nga Mjekesia

[Naki]

Shpikja e një inxhinieri mund të zëvendësojë kimioterapinë
09-11-2007 & Zëri i Amerikes

Historia e një burri, i cili u diagnostikua me kancer dhe duke provuar forma të ndryshme kurimi, arriti në përfundimin se duhet të kishte një mënyrë më të mirë për të trajtuar sëmundjen, sesa kimioterapia.
Xhon Kansas jeton me gruan e tij në ishullin Sanibel në Florida. Pesë vjet më parë ai u diagnostikua me kancer, por ajo që e tronditi më shumë ishin pamjet e fëmijëve që i nënshtroheshin kimioterapisë. "I shihja fëmijët tek humbisnin buzëqeshjen e tyre, humbnin flokët... kështu që i thashë vetes: kimioterapia e sotme është e tmerrshme dhe duhet të ketë patjetër një mënyrë më të mirë për të trajtuar kancerin".
Kansas nuk kishte njohuri nga fusha e mjekësisë. Ai ishte inxhinier elektronik dhe mendoi se valët e radios mund të përdoren për të shkatërruar tumoret. Ai përdori pjesë të radios dhe enët e gatimit që përdorte gruaja e tij Marianne për të ndërtuar këtë pajisje. "Më zgjoi nga gjumi në mes të natës nga zhurma që bënte në kuzhinë". Pajisja përdor valët e radios në vend të radioaktivitetit për të shkatërruar qelizat kanceroze.
Doktor Steven Curley, i specializuar në trajtimin e kancerit përmes frekuencave të radios tani është i përfshirë në eksperimentin e Kansasit. "Është një arritje e paparë. Një qytetari të thjeshtë i erdhi në mend ideja dhe kishte mundësitë dhe aftësitë të krijonte këtë pajisje". Doktor Curley thotë se trajtimi ka potencialin të shkatërrojë kancerin pa operacion.
Teknika e Kansasit me valët e radios shkatërroi tumoret kanceroze në mëlçinë e lepujve. Arritja e tij do të botohet në numrin e dhjetorit të revistës mjekësore Kanceri. "E kuptova rëndësinë e asaj që kisha krijuar, vetëm pasi lexova tekste e botuara për të", thotë Kansas.
Ekspertët theksojnë se studimet janë ende në fazat paraprake. Onkologu Robert Young. "Do të parashikoja, bazuar në ato që dimë tani, se ndoshta do të duhen 5 vjet nga prova e parë klinike tek njerëzit. Ndoshta edhe më shpejt". Kanceri i Kansasit është pakësuar, por për sa kohë do të zgjasë kjo gjendje nuk dihet. "Dëshira ime e vetme është të jetojë aq gjatë sa të shohë provën e parë klinike të eksperimentit tim tek njerëzit". //rd//

[Gjumashja]

Puna natën dhe kanceri; Skanimet e tepërta mjekësore shkak për sëmundje...
Zëri i Amerikës, Uashington
04-12-2007

Puna natën mund të shtojë rrezikun e prekjes nga kanceri
Një njoftim shqetësues për ata që punojnë gjatë turnit të natës: një studim i ri thekson se ata janë nën një rrezik të shtuar për t’u prekur nga kanceri. Pas shpalljes së rezultateve të studimit që arriti në këtë përfundim, Agjencia ndërkombëtare për kërkime në fushën e kancerit, degë e Organizatës Botërore të Shëndetësisë tha se së shpejti do ta klasifikojë punën natën si një ndër shkaktarët e mundshëm të kancerit. Dhe ka gjasa që një hap të ngjashëm të ndërmarrë edhe shoqata amerikane kundër kancerit, e cila në të kaluarën i ka parë me dyshim pretendime të tilla të ngjashme.
Dihet se qëndrimi në diell, pa masa mbrojtëse, mund të shkaktojë kancer në lëkurë. Tani thuhet se edhe qëndrimi nën dritë artificiale mund të shkaktojë kancer, jo në lëkurë, por në organizëm. Agjencia për kërkime në fushën e kancerit, thotë se së shpejti ka në plan të shpallë zyrtarisht se njerëzit që punojnë në turnet e natës, mund të përballen me një shkallë më të lartë rreziku nga kanceri. Edhe Shoqata amerikane kundër kancerit thotë se ka të ngjarë të ndërmarrë të njëjtin hap. Dhe ky hap për këtë shoqatë mund të quhet i madh, pasi prej kohësh ajo i ka parë me dyshim të dhënat që e lidhin punës e natës me kancerin, duke i quajtur, si të pabaza, kundërthënëse ose të pavërtetuara. Hapi i tanishëm bazohet në rezultatet e kërkimeve shkencore, sipas të cilave mes njerëzve që punojnë në turnet e natës, rastet e kancerit të gjirit tek gratë dhe rastet e kancerit të prostatës tek burrrat janë më të larta sesa tek ata që punojnë ditën. Por vetëm kjo nuk provon se puna natën mund të shkaktojë kancer. Për të vërtetuar një gjë të tillë duhet që njerëzit që punojnë natën të kenë të përbashkët edhe faktorë të tjerë që i bën ata më të pambrojtur ndaj kancerit. Shkencëtarët shpesh kanë thënë se puna e natës është e rrezikëshme, pasi ajo prek orën biologjike të trupit. Ata thonë se organizmi i njeriut prodhon një lloj hormoni, i quajtur Melatonin i cili pengon zhvillimin e kancerit, dhe është vërtetuar se prodhimi i këtij hormoni gjatë natës pakësohet. Gjithashtu, njerëzit që punojnë nën dritë artificiale ka gjasa të kenë nivele të ulta të hormonit melatonin. Megjithatë ka shumë njerëz që dyshojnë nëse puna natën ka lidhje me kancerin. Por në qoftëse provohet se të punuarit natën mund të bëhet shkak për kancer, kjo do të ndikojë tek miliona vetë në mbarë botën. Llogaritet se afro 20 përqind e fuqisë punëtore në vendet e zhvilluara punojnë natën.
Skanimet e panevojshme mjekësore shkaktojnë sëmundje
Shkencëtarët thonë se aparatet mjekësorë të skanimit mund të sjellin dëm për shëndetin kur përdoren në raste të panevojshme. Kjo për arsye se këto aparate përdorin rrezatim të lartë.
Xhei Sutfin ka kryer një numër skanimesh. Ky fëmijë 5 vjeçar ka 7 tumore në tru. Tani e nëna e tij ka zgjedhur midis dy alternativave; të vazhdojë skanimet apo të besojë rezultatet e një studimi të ri ku thuhet se skanimet janë të dëmshëm për fëmijët si Xhei Sutfind.
Nëpërmjet skanimit, mjekët mund të shohin se çfarë ndodh brenda trupit të njeriut. Ata marrin imazhe 3 dimensionale që ndihmojnë më mirë për zbulimin e kancerit. Por studimi i botuar në revistën mjekësore të Nju Englandid, paralajmëron se skanimet mund të shkaktojnë kancer dhe se në çdo 3 skanime që kryehen, një është i panevojshëm. Doktor David Brener është një nga autorët e studimit.
Ai thotë se kur një njeri vjen në qëndrën e urgjencës me dhimbje në stomak ose dhimbje kronike në kokë, personi dërgohet menjëherë për skanim, para se të vizitohet nga mjeku. Por kjo procedurë tani vihet në pikëpyetje nga ana e studimit.
Në studimin e doktor Brenerit thuhet se rezatimi radioaktiv që rrjedh nga skanimi do të bëhet shkak për afro 2 përqind të të gjithë kancereve në 20 vjetët e ardhshëm.
Autorët i bazojnë këto shifra tek mbijetuesit e bombës atomike në Japoni, tek të cilët u vu re shtimi i rrezikut të kancerit pasi ata morrën të njëtën dozë rezatimi më atë që pacientët marrin kur kryejnë disa skanimeve. Aparatet e skanimit përdorin doza më të larta rezatimi radioaktiv sesa përdoret nga aparatet me reze Rongen apo X. Por gjatë studimit u vu re se në çdo 4 mjekë, tre prej tyre e nënvlerësojnë këtë dozë dhe se nuk janë të vetdijshëm se shtimi i rrezatimit radioaktiv shton rrezikun e kancerit.
Dhe më shumë në rrezik janë fëmijët si Xhei, organizmi i të cilëve është më i ndjeshëm ndaj rrezeve. Doktor Raimond Ze, është shef i radiologjisë në spitalin e fëmijëve në Uashington.
Ai thotë se fëmijët janë ndryshe. Janë më të vegjël dhe disa organe të tyre janë më të ndjeshëm. Prandaj mjekët synojnë uljen e dozave dhe terapi që t’u përshtatet fëmijëve.
Për të marrë këto pamje duhet më pak se një sekondë dhe kjo mënyrë eleminon nevojën për anestezi, pasi fëmija nuk duhet të lëvizë. Kjo është arsyeja përse numri i skanimeve për fëmijët është rritur dukshëm. Në studim thuhet se një milionë skanime pediatrike në vit nuk janë të nevojëshme, dhe për këtë arsye këta fëmijë përballen me rrezikun e kancerit. Por nëna e Xheit, Kathy Sutfin thotë se në rastin e djalit të saj, të mirat nga skanimi janë më të shumta sesa rreziqet.
Ajo thotë se pa skanim, mjekët nuk do të dinin se çfarë ndodh brenda trupit të pacientit, apo në çfarë gjendje është tumori për të përcaktuar sesi të luftohet ai.
Autorët e studimit janë të një mendimi se skanimet janë një mjet i vlefshëm mjekësor, por mjekët dhe pacientët duhet të sigurohen që kalimi në aparatin e skanimit të bëhet vetëm kur një mënyrë e tillë diagnostikimi është e nevojëshme dhe rrezatimi radioaktiv në nivelin e përshtatshëm.

[Naki]

Mungesa e jodit në trupin e njeriut shkakton probleme të mëdha shëndetësore e deri tek kretenizmi. Instituti kombëtar i shëndetit publik ka zhvilluar një hulumtim ku konstatoi se është zvogëluar mungesa e jodit në ushqimin e banorëve të Kosovës.\18.12.07\




Në Kosovë që nga vitet e 80-ta nuk ka pasur shënime të sakta për pranin e jodit në trupin e njeriut ndërkaq, zonat endemike të njohura për mungesë të jodit kanë qenë Deçani, Peja dhe Gjakova. Pas përfundimit të luftës gjegjësisht në vitin 2001 Instituti kombëtar i shëndetit publik mori iniciativën për hulumtimin e përqindjes së jodit në popullatën e Kosovës.
Ky hulumtim ka rezultuar se 50% e grave në moshën e fertilitetit vuajnë nga mungesa e jodit, dhe kjo përqinjde është konstatuar edhe te fëmijët e moshës shkollore që është vlerësuar si alarmuese. Më pas, me hapat e ndërmarra nga institucionet përkatëse kjo përqindje ka shënuar rënie të dukshëm: "Me qëllim që të shohim rezultatet se sa ka qenë rezultat tona e nis me hulumtimin dytë ku u vërtetuar se 90% e familjeve 0.82 % e rëndë 24 % e fëmijëve të shkollave".
Sipas mjekëve Jodi ka rëndësi të madhe për shëndetin e gjithmbarshëm të në jetën e njeriut: "Është konstatuar në bazë të hulumtimeve që mungesa e jodit ndikon tek shtatzënat në lindjen e parakohshme, tek fëmijët ndikon në zhvillimin jo adekuat...", ka thënë Agron Gashi, nga UNICEF.
Në nivel Botëror llogarit që rreth 2 miliard banorë vuajnë nga mungesa e jodit, dhe kjo ka bërë që javën që shkoi në Nju Jork, në një konferencë ndërkombëtare ,të kërkohet nga qeveritë që ti kushtohet rëndësi e veçantë kësaj çështjeje.

[Naki]

Testosteronet në formë tabletash, të paefektëshme


Një studim tregon se marrja e testosteroneve nuk i ndihmon burrat e moshuar për t’u bërë më të fortë e më të shkathët. Në Shtetet e Bashkuara, qindra mijëra të moshuar marrin testosteron në formë tabletash duke shpresuar për forcimin e muskujve e të kockave dhe për një jetë cilësore.
Ndërsa burrat moshohen, niveli i hormonit testosteron në gjak pakësohet. Shkencëtarët pranë qëndrës mjekësore të universitetit Utrecht në Holandë, kryen kohët e fundit një studim për të parë nëse marrja e këtij hormoni në formë tabletash mund t’i ndihmojë ata në përmirësimin e gjendjes fizike.
Mjekja Mariel Emelot Vonk thotë se qëllimi i studimit ishte për të parë nëse testosteroni ndihmon për parandalimin e shenjave të plakjes. Në studim u përfshinë 207 burra të moshës 60-80 vjeçare të cilëve iu dhanë testosteron në formë tabletash për 6 muaj. Mjekja Ivone van der Shoun, një prej autoreve të studimit thotë se shpresohej që testosteroni do të ndihmonte në uljen e shtresave të dhjamit në bark. Por gjatë studimit nuk u vu re një pakësim i tillë. Shkencëtarët panë se niveli i kolesterinës së mirë u pakësua tek burrat që merrnin testosteron. Në përgjithësi, studimi tregoi se marrja e testosteronit në formë tabletash nuk sillte ndonjë të mirë për shëndetin, prandaj shkencëtarët dolën me rekomandimin që ai të mos përdoret. Mjekja Emelot Vonk thotë se ka plot mënyra që burrat e moshuar mund të përdorin për të shftuar fuqinë, përmirësuar funksionin mendor e mposhtur plogështinë. Këto mënyra janë ushtrimet fizike e ushqimet e shëndetshme.

Marrë nga Zëri i Amerikës

[Naki]

Programe për fëmijët e moshës parashkollore

Ekspertët thonë se fëmijët e moshës parashkollore mund të mësohen sesi të mbajnë mend më mirë, si të tregohen më të përmbajtur, më të durueshëm dhe më të vemendshëm. Dhe këto janë disa veti që i përgatisin ata për të mësuar më mirë në fuisha të tjera
Mposhtja e tundimit, injorimi i gjërave që largojnë vemendjen dhe përshtatja me ndryshimet, janë aftësi mendore që e ndihmojnë njeriun të përparojë në jetë, por këto rrallë zenë vend në programet mësimore në kopshte a shkolla.
Një studim i kryer nga ekspertë thotë se fëmijë të moshës 4 vjeçare mund t’i mësojnë këto aftësi dhe të përmirësojnë kujtesën e tyre nëpërmjet lojrave të posaçme. Ekspertët e quajnë këtë program mësimor Mjetet e Mendjes dhe e kanë provuar tek 150 fëmijë të moshës parashkollore.
Gjatë këtij mësimi, fëmijët u nxitën të mendojnë se po luanin. Pastaj iu tha të kryenin veprimtari të përbashkëta si për shembull lexim. Ata gjithashtu u nxitën të flisnin me veten e tyre dhe me zë të lartë rreth gjërave që dëshironin të bënin, veprime që nxisin vendimmarrje dhe vetkontroll.
Studimi zgjatë dy vjet, por në fund të vitit të parë mësuesit ishin shumë të kënaqur me rezultatet e nxënësve dhe nën vitin e dytë kërkuan që në program të përfshiheshin të gjithë fëmijët e shkollës. Rezultatet e provimeve përfundimtare treguan se ata fëmijë që morrën pjesë në këtë program kishin kujtesë më të fortë, ishin më të vemendshëm dhe më të përmbajtur sesa moshatarët e tyre jashtë programit.

marrë nga Zëri i Amerikës

[Naki]

INFLAMACIONI I APARATIT TRETËS

Gastro-enteritet nuk janë karakteristikë vetëm e stinës së nxehtë, por mesa duket mund të shfaqen dhe gjatë dimrit.
Shkaqet janë viruse të ndryshme, që janë patogjenë për aparatin tretës.
Në ajër janë gati 200 viruse që qarkullojnë, disa prej të cilëve kur gjejnë terren të përshtatshëm bëhen patogjenë dhe prekin aparatin e frymëmarrjes duke shfaqur atë që quajmë: “grip”, “rrufë”, etj. Ndërsa të tjerë mund të prekin aparatin tretës, duke u shfaqur gastro-enteritet, të cilët s’janë gjë tjetër veçse inflamacion i aparatit tretës që përfshin: stomakun, zorrët e holla dhe ato të trasha. Shpesh mendohet se kjo sëmundje është karakteristikë vetëm e stinës së verës, por nuk është e vërtetë. Natyrisht në verë numri i rasteve mund të jetë më i lartë, sepse shfaqja e gastro-enteriteve favorizohet nga temperaturat e larta, por siç shihet është e pranishme edhe gjatë dimrit.
Si shfaqen, çfarë ankesash ka pacienti?

Simptomat përfshijnë diarrenë e ujshme dhe të vjellat. Personi i infektuar mund të ketë dhimbje koke, ethe, dhimbje barku, të lokalizuara më tepër në pjesën e poshtme të barkut. Ndonjëherë mund të ndodhë që të shfaqet dhe temperatura.
Eshtë e vërtetë që në rastet kur mund të shfaqet diarre nuk duhen marrë menjëherë medikamente?
Po, kjo është shumë e vërtetë, pasi në një farë mënyre diarreja apo edhe të përzierat, janë reagim mbrojtës i organizmit, pasi në këtë mënyrë trupi largon mikrobet dhe kimikatet që gjenden në të. Prandaj këshillohet që me shfaqjen e diarresë të mos merren menjëherë ilaçe, por vetëm pas 24 orëve të para, kohë e mjaftueshme për organizmin që të “vetëpastrohet”. Në rast të kundërt, organizmi nuk do të arrijë të pastrohet nga toksinat që lëshojnë këto dhe do nisin të shfaqin efekte anësore: dhimbje koke, dobësi dhe mund të ndodhë që problemet të rishfaqen dhe pas disa ditësh.
Kush rrezikon të preket nga këta forma virozash dhe si mund të trajtohen?

Nuk ka grupmosha më tepër të rizikuara dhe më të mbrojtura, çdokush mund të infektohet për vetë natyrën e shkaktarëve dhe mënyrës së transmetimit. Për këtë arsye rekomandohet që të gjithë të tregojnë kujdes maksimal, sidomos personat që kanë sistem imunitar të dobët. Përsa i përket trajtimit, do theksoja se mjekimi bëhet në varësi të gjendjes dhe shkaktarëve. Kështu në rastet e gastro-enteriteve inflamatore, që janë kryesisht me natyrë bakteriale mund të përdoren antibiotikët. Ndërsa në rastet që nuk i përgjigjen mjekimit apo që kanë kaluar në fazë dehidrimi të rëndë, natyrisht kërkohet trajtim i specializuar në spital. Në përgjithësi rekomandohet trisol, sidomos për fëmijët, i cili mund të përgatitet në kushtet e shtëpisë.
Si mund të përgatitet trisoli?
Një paketë trisol hidhet në 1 litër ujë të pastër, zihet, ftohet dhe i jepet pacientit që ta pijë. Duhet treguar kujdes ndaj sasisë së ujit, as më pak e as më shumë, sepse çdo ndryshim në sasi ndikon në efektit e trisolit.
Si mund të parandalohen këto probleme?

Fakti që janë viruse që qarkullojnë në ajër e bëjnë të pamundur mbrojtjen komplete. Gjithsesi rekomandohet shmangia e kontaktit me persona të sëmurë, vendet e mbipopulluara, respektimi i një higjiene të mirë personale dhe larjes së shpeshtë të duarve. Kujdes duhet treguar në ujin e pijshëm, dhe personat që kanë depozita në shtëpi, duhet t’i derdhin herë pas here dhe t’i lajnë.

SHENJAT

diarre e ujshme

të vjella ose të përziera

dhimbje koke

ethe

dhimbje stomaku

këputje trupi

temperaturë

mungesë oreksi

dhimbje gjymtyrësh dhe muskujsh

[Naki]

Studim mbi vlerat e vitaminës E

Burime të vitaminës E mund të gjenden në çdo dyqan që tregëton perime, nënprodhime drithërash, vaj vegjetal, arra e të tjera.Shkencëtarët thonë se vitamina E, në gjendje natyrale, ndihmon dhe mbron trupin nga sëmundjet e zemrës e kanceri.
Mjekja Benedeta Bartali pranë universitetit Jell, është një prej autoreve të studimit që lidh vitaminën E me nivelin e lëvizshmërisë të njerëzve të moshuar.Ajo thotë se rezultatet e studimit tregojnë se kur vitamina E mungon, funksionet fizite të njeriut dobësohen.
Nga viti 1998 deri më 2003, mjekja Bartali dhe kolegët e saj studjuan nivelet e kësaj vitamine në gjak tek 698 italianë, burra e gra të moshës mbi 65 vjeç. Ata gjithashtu analizuan e krahasuan funksionet fizike të tyre gjatë ecjes, qëndrimit në këmbë, ulur dhe ruajtjes së drejtpeshimit.
Gjatë një periudhe 3 vjeçare, 50 përqind e këtyre të moshuarve përjetuan plogështi fizike që u shoqërua me një rënie të nivelit të vitaminës E. Doktoreshë Bartoli thotë se studime të tjera nevojiten për ta lidhur pakësimin e aftësive fizike me rënien e nivelit të vitaminës E.
Vetëm atëherë, thotë ajo, shkencëtarët mund të jenë në gjendje të zhvillojnë një strategji për parandalimin ose vonimin e pasojave të plakjes.81 vjeçarja Lois Akampora përpiqet të hajë ushqime të shëndetëshme dhe kryen ecje çdo ditë. Por ajo thotë se sa më e moshuar bëhet aq me tepër vë re tek vetja ndryshime mendore e fizike. Kjo e shtyn atë t’i kushtojë rëndësi marrjes së vitaminës E.
Shkencëtarët rekomandojnë marrjen çdo ditë të 15 deri 30 miligramëve vitaminë E nëpërmjet perimeve dhe drithrave. Sipas institutit amerikan të shëndetit, vitamina E në formë natyrale është më e efektshme sesa vitamina sintetike për mbrojtjen e organizmit nga sëmundjet.

marrë nga zëri i Amerikës

[Naki]

Mungesa e ndjenjës së nuhatjes, shenjë paralajmëruese e sëmundjeve neurologjike

Sipas një studimi , humbja e ndjenjës së të nuhaturit mund të jetë një nga shenjat e herëshme paralajmëruese për sëmundje të rënda neurologjike.
Dihet se aroma apo era përbëhet nga grimca molekulash shumë të voglaqë thithen nëpërmjet hundës dhe shkojnë në qelizat përkatëse të trurit. Shpesh një aroma na kujton një kohë apo vend të caktuar. Pra del se ndjenja e aromës ka lidhje me kujtesën dhe kur kjo ndjenjë humbet, duket se në qelizat e trurit ka ndodhur diçka.
Studimi i ri lë të kuptohet se humbja e aftësisë për nuhatje mund të jetë shenjë e shtimit të rrezikut për prekjen nga sëmundja e Parkinsonit, sëmundje e rëndë neurologjike. Shkencëtarët në shtetin Havai morrën në shqyrtim më shumë se 2 mijë persona të cilëve iu tha të provonin erëra apo aroma të ndryshme.
Gjatë provave, pjesmarrësve iu dha të nuhasnin aroma duke filluar nga limoni, gazi natyror, e sapun e iu kërkua atyre të identifikonin erën përkatëse, pra nga cili objekt vinte.
Rezultatet treguan se personat që nuk ishin në gjendje të përcaktonin aromat përkatëse kishin 5 herë më shumë gjasa të prekeshin më vonë nga sëmundja e parkinsonit, në krahasim me pjesmarrësit e tjerë që u treguan më mirë përsa përket identifikimit të aromës.
Sipas studimit, ndjesia e nuhatjes shpesh duket se zhduket 4 vjet përpara shfaqjes së shenjave të zakonëshme të Parkinsonit siç janë dridhjet e gjymturëve dhe vështirësi në ecje.
Studime të mëparëshme kanë treguar se një pakësim i ndjenjës së nuhatjes ndonjëherë paralajmëron edhe Alcajmerin, gjithashtu sëmundje neurologjike. Kjo i bën shkencëtarët të mendojnë se dobësimi i kësaj ndjesie mund të jetë shenjë paralajmëruese e vdekjes së qelizave të trurit që janë përgjegjëse për nuhatjen.
Ekspertët këshillojnë që njerëzit të cilët provojnë një humje të papritur e të pashpjegueshme të nuhatjes duhet t’a diskutojnë këtë gjendje menjëherë me mjekun e tyre. Rezultatet e studimit u botuan në revistën Analet e Neurologjisë.

Marrë nga VOA

[Naki]

Aparat i ri për trajtimin e kancerit në tru
Mjekët po përdorin një aparat të posaçëm për trajtimin e tumoreve. Aparati dërgon me precizion të lartë rezet në vendin e tumorit pa prekur qelizat e shëndetëshme. Qëndra mjekësore pranë universitetit amerikan Duke, është e para në botë që po përdor një mënyrë të tillë trajtimi të kancerit. Aparati është fjala e fundit e teknikës dhe ka ngjallur shpresa për shumë të sëmurë nga kanceri.
Megjithëse me dy tumore në tru, Patrik Gallaher thotë se e ndjen veten me fat tani që po trajtohet me këtë aparat të ri tepër të sofistikuar. Kjo është koha më e mirë për t’u prekur nga kanceri, thotë ai me shaka, duke patur parasysh trajtimin me këtë pajisje të re, fjala e fundit e shkencës dhe teknikës.
Xhon është një prej pacientëve të parë në qëndrën mjekësore të universitetit Duke që po trajtohet nëpërmjet aparatit të quajtur Noval TX. Kjo qëndër mjekësore është e para në botë që përdor teknologji të tillë për radiokirurgji për trajtimin e tumoreve dhe sëmundje të tjera nëpërmjet rrezeve.
Doktor Xhon Kirkpatrik thotë se aparati sikur bën mrekullira. Nëpërmjet tij, doza të larta rrezesh dërgohen drejt e në tumor, pa dëmtuar qelizat e shëndetëshme përrreth.
Në këtë rast kur dy tumorë ndodhen në tru, aparati godet me preçision qelizat kanceroze me një shmangje plus minus 1 milimetër. Gjatë kësaj procedure mjekët përdorin një aparat skanimi për vëzhgimin e vendit që trajtojnë. Pacientët zakonisht u nënshtrohen tre trajtimeve të tilla me reze. Trajtimi përfundon në më pak se një orë dhe pacienti nuk ndjen asgjë.

[Naki]

Zemërimi i shfrenuar tek fëmijët e vegjël, shenjë e problemeve psikologjike
Shpesh fëmijët shpërthejnë në të qara e të bërtitura, apo zemërim të shfrenuar. Kjo gjendje quhet në mjekësi temper tantrum dhe mund të jetë shenjë e një problemi më të thellë psikologjik
Zemërimi i papritur i papërmbajtur e sjellje të ngjashme tek fëmijët e vegjël shpesh i tremb e i shqetëson prindërit.
Shkencëtarët mendojnë se sjellje të tilla vihen re tek mbi 75 përqind të fëmijëve 3 deri 5 vjeç. Në të shumtën e rasteve, zemërimi kalon shpejt brenda 5 minutave. Por një studim i kohëve të fundit tregon se zgjatja e zemërimit tek fëmija mund të merret si shenjë se fëmija duhet të vizitohet për probleme emocionale.
Mjekët morrën në shqyrtim 270 fëmijë dhe panë se disa elementë të zakonëshme në raste të tilla lidheshin me depresionin ose çështje të sjelljes ose shrregullim hiperaktiv i vemendjes së pamjaftueshme.
Tek fëmijët me probleme psikologjike zemërimi i shfrenuar zgjaste 25 minuta a më shumë. Tek këta fëmijë, kjo lloj sjelljeje përsëritej më shpesh dhe me shenja dhune si goditja e njerëzve që kishin pranë. Fëmijët me depresion ishin më të prirur për të dëmtuar veten si në raste e goditjes së murit me kokë, ose kafshimit apo pickimit të pjesëve të trupit të vet.
Shpërthime të tilla zemërimi tek fëmijët zakonisht nuk përbëjnë shqetësime. Por ekspertët thonë se kur ato ndodhin në mënyrë të përsëritur fëmija duhet vizituar nga një psikolog. Rezultate e këtij studimi u botuan në revistën amerikane të pediatrisë. Studimi u krye nga shkolla mjekësore e Universitetit Uashington.

[Naki]

Gjeni i jetëgjatësisë përgjegjës për trupin e shkurtër
Shkencëtarët mendojnë se jeta e gjatë dhe trupi i shkurtër janë të lidhur. Sipas tyre, një gjen që afekton hormonin e rritjes apo zgjatjes së trupit duket se ndihmon për të patur një jetë më të gjatë. Ata thonë se ky gjen ndeshet shpesh tek gratë me shtat jo më të lartë se 1 metër e 50 centimetra dhe që jetojnë mbi 100 vjeç
101 vjeçarja Adele Lerner po i bën sfidë moshës. Ajo bisedon dhe kalon kohën me vajzën e saj, Terri, ndërkohë viziton vajzën tjetër, Karen, në një shtet tjetër, duke përdorur kamerën në internet apo WEB CAM.
Ajo shpreh dëshirën për të njohur çdo gjë. Gjithmonë në kërkim të diçkaje, pa u ndalur kurrë.
Dhe pikërisht sepse 100 vjeçarë si Adele duken të palodhura, e shtyu shkencëtarin Nir Barzilai që të merrej me studimin e gjeneve të personave të tillë. Ai dhe grupi i punës kërkimore që ai kryeson kanë gjetur një ndryshim në një gjen që lidh jetëgjatësinë me trupin e shkurtër tek disa persona që kanë jetuar mbi 100 vjeç, përfshi Adele Lerner, me një gjatësi trupore jo më shumë se një metër e gjysmë. Këto ndryshime gjenetike afektojnë përgjigjen e organizmit nndaj hormonit të rritjes, thotë doktor Barzilai pranë kolegjit mjekësor Albert Anshtajn. Sipas tij, në sajë të gjenit të ndryshuar, tek hormoni i rritjes krijohet një pandjeshmëri. Kjo bën që hormoni të mos kryejë mjaftueshëm funskionin e vete dhe kështu trupi të mos zgjatet më.
Studimet e mëparëshme tek kafshët në laborator e kanë lidhur këtë ndryshim gjenetik me jetëgjatësinë. Por në studimin e tij, doktor Barzilai thotë se ndryshimet gjenetike u gjetën vetëm tek gratë 100 vjeçare dhe shton se ky ishte vetëm një prej gjeneve që lidhet me jetëgjatësinë.
Sipas tij, kjo nuk do të thotë se të gjithë njerëzit që jetojnë mbi 100 vjeç duhet të kenë në përbërje këtë gjen të ndryshuar.
Ndërkohë, Adele Lerner, e cila në moshën 83 vjeç mori një diplomë universitare për artet e bukura, duket se nuk shqetësohet nga vitet mbi supe. Mosha, thotë ajo, nuk është gjë, përderisa ndjehesh e re në mendime.

[vjeshta]

Postimi origjinal është bërë nga Naki

Mungesa e ndjenjës së nuhatjes, shenjë paralajmëruese e sëmundjeve neurologjike

Sipas një studimi , humbja e ndjenjës së të nuhaturit mund të jetë një nga shenjat e herëshme paralajmëruese për sëmundje të rënda neurologjike.
Dihet se aroma apo era përbëhet nga grimca molekulash shumë të voglaqë thithen nëpërmjet hundës dhe shkojnë në qelizat përkatëse të trurit. Shpesh një aroma na kujton një kohë apo vend të caktuar. Pra del se ndjenja e aromës ka lidhje me kujtesën dhe kur kjo ndjenjë humbet, duket se në qelizat e trurit ka ndodhur diçka.
Studimi i ri lë të kuptohet se humbja e aftësisë për nuhatje mund të jetë shenjë e shtimit të rrezikut për prekjen nga sëmundja e Parkinsonit, sëmundje e rëndë neurologjike. Shkencëtarët në shtetin Havai morrën në shqyrtim më shumë se 2 mijë persona të cilëve iu tha të provonin erëra apo aroma të ndryshme.
Gjatë provave, pjesmarrësve iu dha të nuhasnin aroma duke filluar nga limoni, gazi natyror, e sapun e iu kërkua atyre të identifikonin erën përkatëse, pra nga cili objekt vinte.
Rezultatet treguan se personat që nuk ishin në gjendje të përcaktonin aromat përkatëse kishin 5 herë më shumë gjasa të prekeshin më vonë nga sëmundja e parkinsonit, në krahasim me pjesmarrësit e tjerë që u treguan më mirë përsa përket identifikimit të aromës.
Sipas studimit, ndjesia e nuhatjes shpesh duket se zhduket 4 vjet përpara shfaqjes së shenjave të zakonëshme të Parkinsonit siç janë dridhjet e gjymturëve dhe vështirësi në ecje.
Studime të mëparëshme kanë treguar se një pakësim i ndjenjës së nuhatjes ndonjëherë paralajmëron edhe Alcajmerin, gjithashtu sëmundje neurologjike. Kjo i bën shkencëtarët të mendojnë se dobësimi i kësaj ndjesie mund të jetë shenjë paralajmëruese e vdekjes së qelizave të trurit që janë përgjegjëse për nuhatjen.
Ekspertët këshillojnë që njerëzit të cilët provojnë një humje të papritur e të pashpjegueshme të nuhatjes duhet t’a diskutojnë këtë gjendje menjëherë me mjekun e tyre. Rezultatet e studimit u botuan në revistën Analet e Neurologjisë.

Marrë nga VOA

E lexova me kujdes Naki ,flm ,por ajo se qka po me intereson eshte ,se personat qe e kan te humbur ndjenjen e nuhatjes perfundojn te gjithe ,herdo kurdo, ne keto dy semundje te lartpermendura ,apo keta persona kan gjasa me te medhaja per te qene te prekur nga keto dy semundje sesa nga te tjeret qe nuk e kan te humbur ndjenjen e nuhatjes ???

[Naki]

[quote=vjeshta]E lexova me kujdes Naki ,flm ,por ajo se qka po me intereson eshte ,se personat qe e kan te humbur ndjenjen e nuhatjes perfundojn te gjithe ,herdo kurdo, ne keto dy semundje te lartpermendura ,apo keta persona kan gjasa me te medhaja per te qene te prekur nga keto dy semundje sesa nga te tjeret qe nuk e kan te humbur ndjenjen e nuhatjes ???
Vjeshta e nderuar,
Nga egzaminimet dhe tabloja klinike në mjekësi egzistonë një ligjë çë vënë çdo herë rrezikun potencial nga shkaktarët me gjasa më të mëdhaja për tu prekur,lënguar nga sëmundjet.

Nga formulimi i pytjes suajë rezultonë përgjigjëja adekfate unë vetëm formatova asgjë më tepër nuk do të shtoja.


Naki

[Naki]

Vaksina e re parandalon rishfaqjen e kancerit në tru
Një vaksinë e re kundër kancerit në tru ka filluar të eksperimentohet në rreth 20 spitale të Shteteve të Bashkuara dhe deri tani mjekët dhe pacientët shprehen të kënaqur me rezultatet e përdorimit të saj. Vaksina, në fakt parandalon rishfaqjen këtij tumori vdekjeprurës pas heqjes me operacion. Dhe për shumë pacientë që përpiqen me çdo kusht të gjëjnë një mënyrë shërimi, kjo vaksinë ka ngjallur shpresa të mëdha.
Rajan Degrand nga Saint Luisi, jetonte ëndërën amerikane; i martuar, me dy fëmijë, dhe pronar i suksesshëm i një kompanie për prodhimin e pajisjeve për lojën e golfit. Katër vjet më parë, në moshën 32 vjeçare ai filloi të vuante nga dhimbje të forta të kokës. Mjekët e vizituan dhe gjatë një skanimi, ata zbuluan një tumor, në pjesën ballore.
Kirurgët e operuan dhe ia hoqën tumorin, por jo sëmundjen që fshihej pas tij. Rajan vuante nga një formë vdekjeprurëse e kancerit në tru. Kur ndodhej vetëm ai edhe qante. Frika më e madhe ishte se po të vdiste çfarë do të ndodhte me familjen e tij e kush do të kujdesej për ta.
Mjekët i thanë familjes Degrand se me këtë lloj tumori njeriu mund të jetojë jo më shumë se një vit.
Bashkëshorja e Rajanit, Kejt tregon se mjekët i thanë se s’mund të bënin gjë për shërimin e tij, përveç trajtimeve të zakonëshme që mund të lehtësonin dhimbjet dhe që nuk sillnin shërim.
Por Rajan nuk e pranoi këtë fat. Ai u interesua në mbarë vendin për të gjetur ndonjë trajtim eksperimental dhe përfundoi në universitetin Duke, ku mjekët po provonin një vaksinë për parandalimin e rishfaqjes së tumorëve në tru, njësoj si në rastin e Rajanit.
Që nga ajo kohë, një herë në muaj, Rajan Degrand shkon me aeroplan nga Saint Luisi ku banon, për në Durham të Karolinës së veriut për të marrë vaksinën me inxheksion. E mira tjetër është se vaksina godet vetëm qelizat kanceroze, çka do të thotë se Rajan nuk ndjen asnjë efekt anësor. E vetmja shenjë që vihet re pas inxheksionit është një fryrje e vogël në vendin e gjilpërës.
Doktor Sampson thotë se pacientët që kanë marrë këtë vaksinë 5, 6 vjet më parë vazhdojnë të jetojnë. Më parë, pacientët me këtë lloj tumori në tru nuk jetonin më shumë se një vit. Vaksina tani po eksperimentohet në 20 spitale në mbarë Shtetet e Bashkuara. Eksertët thonë se është ende herët të thuhet që kjo vaksinë është kurë shërimi, por fakti është se ajo ka ngjallur mjaft shpresa.


marrë nga Zëri i Amerikës

[Naki]

Fosamaks mund të ndikojë ne ritmin e rrahjeve të zemrës

Fosamax është ilaçi më i përhapur kundër sëmundjes së osteoporosës. Vetëm vitin e kaluar nga shitja e fosamaksit u përftuan rreth 3 miliardë dollarë.
Fosamax ngadalëson dobësimin e kockave dhe është provuar si pakësues i rasteve të frakturave tek njerëzit që vuajnë nga osteoporosa.
Por një studim nga specialistë pranë universitetit Uashington lë të kuptohet se përdorimi i fosamaksit mund të ndikojë negativisht në rrahjet e zemrës, gjë që shihet si një efekt i rëndë anësor.
Shkencëtarët morrën në shqyrtim 700 gra që vuanin nga atrial fibrilation, apo shrregullim i rrahjeve të zemrës dhe i krahasuan të dhënat e tyre me të 900 grave të tjera që nuk kishin ndonjë problem në zemër. Rezultatet treguan se gratë që kishin marrë fosamax ishin thuajse dy herë më shumë në rrezik të prekeshin nga shrregullime të rrahjes së zemrës.
Ekspertët thonë studime të tjera nevojiten për të vërtetuar këto rezultate, por ata shtojnë se edhe në se provohen si të vërteta, përfitimet e pacientëve me osteoporozë nga fosamaxi janë më të shumta sesa rreziku i mundshëm për t’u prekur nga aritmia e zemrës. Por mjekët gjithashtu thonë se gratë që janë në rrezik të madh për t’u prekur nga aritmia dhe që kanë kocka të holla, ose ato me diabet ose probleme në zemër, ndoshta duhet të këshillohen me mjekun e tyre rreth trajtimeve alternative për osteoporosën.

marrë nga VOA