Fetua në lidhje me rregullat e shkurtimit të namazit dhe bashkimit mes dy namazeve

[Pause_Print_Scroll]

Shkurtimi i namazit për ata që dalin për piknik

Pyetje: Nëse dalim për piknik, a na lejohet që t'i shkurtojmë dhe t'i bashkojmë namazet?


Përgjigje: Nëse vendi ku do shkoni është larg vendbanimit tuaj dhe shkuarja atje konsiderohet udhëtim, atëherë ju lejohet që t'i shkurtoni namazet, nëse distanca është përafërsisht 80 km. Shkurtimi i namazit gjatë udhëtimit është më mirë se plotësimi i tij, pra e fal drekën dy rekate, ikindinë dy rekate dhe jacinë dy rekate. Po ashtu, lejohet që të bashkojë mes drekës dhe ikindisë, si edhe mes akshamit dhe jacisë. Mos-bashkimi mes namazeve është më i pëlqyeshëm, nëse udhëtari nuk është në ecje e sipër, sepse Profeti salallahu alejhi ve selem, në haxhin e lamtumirës, gjatë kohës së qëndrimit të tij në Mina, i shkurtonte namazet, por nuk i bashkonte, kurse në Arafat dhe Muzdelifeh i bashkoi, sepse bashkimi ishte më i dobishëm. Nëse musafiri e vendos të qëndrojë diku më shumë se katër ditë, e ka detyrë t'i plotësojë namazet. Ky është mendimi i shumicës së dijetarëve. Dhe nëse qëndron katër ditë ose më pak, është e pëlqyeshme që t'i shkurtojë namazet. Allahu është që jep sukses.

[Pause_Print_Scroll]

Nëse bashkon drekën me ikindinë, a është mirë që bashkimi të bëhet menjëherë pas ezanit të drekës apo ta vonojë?

Pyetje: Nëse i shkurtoj dhe i bashkoj drekën me ikindinë, a është më mirë t'i fal menjëherë pas ezanit të drekës apo t'i vonoj, deri në mesin e dy kohëve?


Përgjigje: Nëse musafiri e fillon udhëtimin para hyrjes së kohës së drekës, është e pëlqyeshme që ta falë drekën me ikindisë, me bashkim të vonuar (pra, në kohën e ikindisë), ndërsa, nëse do udhëtojë pas hyrjes së kohës së drekës, atëherë më e mira është ta falë drekën me ikindisë, me bashkim të parakohshëm (pra, në kohën e drekës). Po kështu vepron me akshamin dhe jacinë: nëse udhëton para perëndimit të diellit, e vonon akshamin, që ta falë së bashku me jacinë, me bashkim të vonuar; nëse do udhëtojë pas perëndimit të diellit, atëherë e fal jacinë së bashku me akshamin, në kohë të akshamit, me bashkim të parakohshëm. Ky është Suneti i Profetit salallahu alejhi ve selem.


Nëse udhëtari nuk është në lëvizje e sipër, por është në qëndrim, atëherë është i lirë të zgjedhë: nëse do, i bashkon, me bashkim të parakohshëm ose i bashkon me bashkim të vonuar, por më e mira është që ta falë çdo namaz në kohën e tij, siç veproi Profeti salallahu alejhi ve selem në Mina, në haxhin e lamtumirës, duke falur çdo namaz në kohën e tij, sepse nuk ishte në lëvizje e sipër.


Nqs udhëtari, i cili është në qëndrim, e ka të nevojshme t'i bashkojë namazet, nuk ka asnjë problem, lejohet, sepse Profeti salallahu alejhi ve selem i ka bashkuar namazet në betejën e Tebukut, megjithëse nuk ishte në ecje e sipër. Po kështu vepron i sëmuri: nëse i vjen më e lehtë që t'i bashkojë me bashkim të parakohshëm, e bën diçka të tillë; nëse e lehtëson më shumë që t'i bashkojë me bashkim të vonuar, e bën diçka të tillë. Nëse nuk ka vështirësi apo mundim që ia bën të nevojshme t'i bashkojë namazet, atëherë e fal çdo namaz në kohën e tij, sepse kjo është më e mirë, por megjithatë i lejohet që t'i bashkojë namazet.

[Pause_Print_Scroll]

Koha e bashkimit mes dy namazeve dhe koha e namazit të vitrit

Pyetje: Cila është koha, në të cilën bashkohen dy namazet? Cila është koha e namazit të vitrit?


Përgjigje: Bashkimi mes dy namazeve mund të bëhet në fillim të kohës ose në fund të tij. Ka hapësirë të gjerë në këtë aspekt, sepse sheriati na ka treguar se lejohet bashkimi mes dy namazeve në kohën e namazit të parë ose në kohën e namazit të dytë, ose ndërmjet dy kohëve, sepse dy kohët janë shndërruar si një e vetme për atë person që ka justifikim për t'i bashkuar, siç është musafiri dhe i sëmuri. Lejohet që të flitet ndërmjet dy namazeve të bashkuara, nëse kjo e folur është e nevojshme. Koha e namazit të vitrit fillon që nga mbarimi i namazit të jacisë - edhe nëse e fal jacinë të bashkuar me akshamin, me bashkim të parakohshëm - dhe mbaron me agimin e sabahut. E lusim Allahun të na japë ne dhe ju të kuptuarit e fesë dhe të na bëjë të qëndrueshëm në të, deri në Ditën kur do ta takojmë Atë. Me të vërtetë, Ai është Bujar që jep shumë.

[Pause_Print_Scroll]

Bashkimi i namazit, kur udhëtojmë për piknik

Pyetje: Ishim një grup shokësh që kishim dalur në udhëtim dhe mbërritëm tek vendi që kishim për qëllim, rreth një orë pas namazit të akshamit. Unë u kërkova atyre të merrnin abdes, që të falnim akshamin dhe jacinë, të bashkuara e të shkurtuara. Njëri nga vëllezërit më tha:"Nuk lejohet të falemi në këtë kohë, por duhet të presim derisa të hyjë koha e jacisë, sepse mes dy kohëve të namazit ka një interval kohor që nuk lejohet të falesh në të". Unë i thashë:"Kur i bashkon namazet, mund t'i falësh në njërën nga të dy kohët, dhe se kur del koha e akshamit, hyn menjëherë pas tij koha e jacisë (duke mos pasur boshllëk kohor mes tyre)". Kërkojmë nga ju, o shejh i nderuar, të na sqaroni gjykimin e sheriatit në këtë çështje. Po ashtu, në lidhje me kohën e bashkimit mes drekës dhe ikindisë. Allahu u shpërbleftë me të mira.


Përgjigje: E vërteta është ashtu siç ke thënë ti, sepse mes kohës së akshamit dhe kohës së jacisë nuk ka ndonjë interval kohor, në të cilin nuk lejohet të falesh. Po kështu, në lidhje me drekën dhe ikindinë, nuk ka mes tyre interval kohor, në të cilin ndalohet të falesh, përkundrazi, sapo del koha e njërit namaz, menjëherë hyn koha e namazit pasardhës, pa pasur ndarje mes tyre. Musafirit dhe të sëmurit u lejohet t'i bashkojnë dy namaze në kohën e njërit prej tyre, sepse kohët e këtyre dy namazeve bëhen si një e vetme. Nqs musafiri është në udhëtim e sipër dhe e ka filluar udhëtimin para se të hynte koha e namazit të parë, më e mira për të është që ta vonojë atë namaz, deri në kohën e namazit pasardhës, ashtu që ti bashkojë bashkim të vonuar; nëse e fillon udhëtimin pas hyrjes së kohës së namazit, atëherë është e pëlqyeshme që ta falë namazin pasardhës së bashku me namazin aktual, me bashkim të parakohshëm, duke marrë si shembull në këtë Profetin salallahu alejhi ve selem.


Për sa i përket musafirit që nuk është në ecje e sipër, më e mira për të është që të mos i bashkojë namazet, por ta falë çdo namaz në kohën e tij, duke e shkurtuar, por pa e bashkuar – kjo, nëse qëndrimi i tij zgjat katër ditë ose më pak - sepse Profeti salallahu alejhi ve selem qëndroi në Mina, në haxhin e lamtumirës, ditën e Bajramit dhe dy ditë pas tij nga ditët e Teshrikut, duke e falur çdo namaz në kohën e tij, pa i bashkuar.


Nëse musafiri e vendos të qëndrojë më shumë se katër ditë, atëherë më e sigurta për të është që ta falë çdo namaz të plotë në kohën e tij, pa e shkurtuar. Ky është mendimi i shumicës së dijetarëve. Allahu na dhëntë sukses të gjithëve.

[Pause_Print_Scroll]

Si duhet të veprojë udhëtari, nëse i qëllon që ta falë namazin në një xhami gjatë rrugës?

Pyetje: Nëse jemi udhëtarë dhe kalojmë pranë një xhamie në kohë namazi, psh, në namaz të drekës, cila është më e pëlqyeshme për ne: ta falim namazin me xhematin e xhamisë dhe pastaj ta falim ikindinë të shkurtuar, apo të falemi ne udhëtarët xhemat më vete? Nëse e falim drekën me xhematin dhe duam të bashkojmë me të ikindinë, a duhet të ngrihemi për t'u falur menjëherë pas selamit, ashtu që të jenë namazet të njëpasnjëshme, apo mund t'i bëjmë dhikret dhe tespihet e pastaj ta falim ikindinë?


Përgjigje: Më e mira është që të faleni xhemat më vete, që ta falni namazin të shkurtuar, sepse Suneti në lidhje me musafirin është që ta shkurtojë namazin katër rekatësh, kurse, nëse faleni me vendasit, e keni detyrë që ta plotësoni namazin, siç është vërtetuar kjo në Sunet. Nëse doni t'i bashkoni namazet, është e pëlqyeshme që ta bëni bashkimin sa më shpejt, duke zbatuar Sunetin, ashtu siç e qartësuam në përgjigjen e pyetjes së mëparshme5, pasi të bëni tre herë estagfirullah dhe të thoni: Allahume entes-selamu ue minkes-selamu tebarakte ja dhel xhelali uel ikrami. Nëse është vetëm një musafir, atëherë e ka detyrë që të falet me xhematin vendas dhe ta plotësojë namazin, sepse falja me xhemat është vaxhib (detyrë), kurse shkurtimi i namazit është mustehab (i pëlqyeshëm), kështu që e ka detyrë t'i japë përparësi kryerjes së vaxhibit ndaj mustehabit.

[Pause_Print_Scroll]

Mbërriti në aeroport pas namazit të jacisë dhe akoma nuk ka falur as akshamin dhe as jacinë. A duhet t'i bashkojë dhe t'i shkurtojë?

Pyetje: Unë jam nga qyteti Baha i Arabisë Saudite. Nëse mbërrij në aeroportin e Rijadit pas namazit të jacisë dhe nuk kam falur akoma as akshamin dhe as jacinë, a t'i bashkoj dhe t'i shkurtoj?


Përgjigje: Është e pëlqyeshme që musafiri gjatë udhëtimit t'i shkurtojë namazet, ndërsa bashkimi i namazeve ka nevojë për sqarim. Nëse është në ecje e sipër, atëherë më e mira është që t'i bashkojë namazet - qoftë bashkim të parakohshëm apo bashkim të vonuar, si të jetë më e mirë për të, në varësi të gjendjes - sepse Profeti salallahu alejhi ve selem kështu ka vepruar. Pra, nëse ishte në ecje e sipër, bashkonte mes drekës e ikindisë dhe mes akshamit e jacisë. Profeti salallahu alejhi ve selem, kur nisej nga shtëpia e tij para kohës së drekës, e vononte namazin e drekës, që ta bashkonte me ikindinë, me bashkim të vonuar; nëse nisej pas hyrjes së kohës së drekës, atëherë e falte drekën dhe ikindisë, me bashkim të parakohshëm. Po kështu vepronte me akshamin dhe jacinë: nëse nisej para perëndimit të diellit, e vononte akshamin, që ta falte me jacinë, me bashkim të vonuar; nqs nisej pas perëndimit të diellit, atëherë e falte akshamin dhe jacinë, me bashkim të parakohshëm.


Nëse udhëtari nuk është në ecje e sipër, atëherë më e mira për të është që të mos i bashkojë, sepse Profeti salallahu alejhi ve selem, në haxhin e lamtumirës, nuk i bashkonte namazet gjatë kohës që qëndroi në Mina. Për sa i përket atij personit që ka mbërritur në aeroportin e Rijadit dhe akoma nuk e ka falur as akshamin dhe as jacinë, është e pëlqyeshme për të që t'i bashkojë këto dy namaze dhe ta falë jacinë të shkurtuar, sepse aeroporti është jashtë qytetit. Nëse ai do që ta vonojë jacinë, ashtu që ta falë me njerëzit në xhami, të plotë, pa e shkurtuar, nuk ka problem, lejohet diçka e tillë. Allahu është që jep sukses.

5. Kjo fetva do vijë më vonë në renditjen e këtij libërthi.

[Pause_Print_Scroll]

A i lejohet mysafirit, i cili do nisej pasi kishte hyrë koha e drekës dhe para se të hynte koha e ikindisë, që t'i bashkojë këto dy namaze në kohën e drekës?

Pyetje: Një person vendosi që të nisej pas hyrjes së kohës së drekës dhe para se të hynte koha e ikindisë. A i lejohet që të bashkojë mes drekës dhe ikindisë, në kohën e drekës?


Përgjigje: Nuk i lejohet bashkimi mes dy namazeve, derisa të dalë jashtë ndërtesave të vendbanimit të tij (fshat qoftë apo qytet) dhe të jetë në shkretëtirë (ose hapësirë jashtë qytetit), sepse Profeti salallahu alejhi ve selem, në haxhin e lamtumirës, e fali drekën në Medine me katër rekate, pastaj u nis dhe e fali ikindinë dy rekate në Dhul Hulejfeh6. Allahu është që jep sukses.

[Pause_Print_Scroll]

Musafiri, i cili është vetëm, e ka detyrë të falet me imamin në xhami dhe ta plotësojë namazin

Pyetje: Nëse jam musafir dhe qëndroj atje ku kam udhëtuar disa ditë, tre ose katër, më pak ose më shumë, dhe hyj në xhami në kohë të drekës dhe i fal me xhematin katër rekate, pastaj ngrihem vetëm dhe e fal ikindinë të shkurtuar, a është i saktë veprimi im? A më lejohet mua, si musafir që jam, që t'i bashkoj dhe t'i shkurtoj namazet në banesën ku unë qëndroj, duke ditur se unë jam në qendër të një qyteti me xhamia të shumta dhe e dëgjoj ezanin?


Përgjigje: Nëse musafiri e vendos që të qëndrojë diku më shumë se katër ditë, e ka detyrë t'i plotësojë namazet, sipas mendimit të shumicës së dijetarëve, ndërsa, nqs do rrijë më pak se katër ditë, më e mira është që t'i shkurtojë namazet, por, nqs i plotëson, nuk ka problem, lejohet. Nëse është vetëm, nuk e shkurton namazin, por e ka detyrë që të falet me xhematin në xhami dhe e plotëson namazin si xhemati, duke u bazuar në argumentet, të cilat e bëjnë detyrë faljen e namazit me xhemat, si dhe në hadithin e saktë, që transmetohet në Musnedin e imam Ahmedit dhe Sahihun e Muslimit, nga Ibn Abasi, i cili tha se Suneti në lidhje me mysafirin, i cili falet pas imamit vendas, është që të falë katër rekate, si imami. Gjithashtu, duke u bazuar në përgjithësimin e hadithit:"Imami është bërë që të pasohet, prandaj mos e kundërshtoni atë (duke i paraprirë në veprime apo duke u vonuar shumë pas tij)". (Mutefekun alejhi)

[Pause_Print_Scroll]

Udhëtari, i cili është vetëm, e ka detyrë të falet me xhematin e muslimanëve dhe ta plotësojë namazin

Pyetje: A i lejohet udhëtarit që ka ardhur për Umre, që ta bashkojë drekën me ikindinë dhe t'i shkurtojë, duke pasur parasysh se ai do qëndrojë në Meke dy ose tre ditë dhe banon në një hotel shumë pranë Qabes?


Përgjigje: Nuk i lejohet mysafirit, i cili është vetëm, që ta shkurtojë namazin, përkundrazi, e ka detyrë të falet me xhematin e muslimanëve dhe ta plotësojë namazin, sepse shkurtimi i namazit është mustehab (e pëlqyeshme), kurse falja me xhemat është vaxhib (detyrë). Por, nëse janë më shumë se një udhëtar, lejohet që ta falin namazin të shkurtuar, nqs qëndrimi i tyre zgjat katër ditë ose më pak.

[Pause_Print_Scroll]

Çfarë është më e mira për musafirin: t'i shkurtojë namazet pa i bashkuar, apo t'i bashkojë dhe t'i shkurtojë?

Pyetje: Disa njerëzve u është krijuar ideja se shkurtimi dhe bashkimi i namazit janë dy gjëra të pandashme nga njëra tjetra, dmth nuk mund të ketë bashkim pa shkurtim dhe nuk ka shkurtim pa bashkim. Cili është mendimi juaj në lidhje me këtë?

6. Vend rreth 10 km. larg Medines.
Përgjigje: Atij mysafiri që Allahu ia ka ligjëruar shkurtimin e namazit, po ashtu, ia ka lejuar dhe bashkimin, por nuk janë dy gjëra të pandashme nga njëra tjetra, mund t'i shkurtojë namazet pa i bashkuar. Mos-bashkimi mes namazeve është më i mirë nëse musafiri nuk është në ecje e sipër, siç veproi Profeti salallahu alejhi ve selem në Mina, në haxhin e lamtumirës, ku i shkurtonte namazet pa i bashkuar. Profeti salallahu alejhi ve selem i shkurtoi dhe i bashkoi namazet në betejën e Tebukut (megjithëse nuk ishte në ecje e sipër), gjë e cila tregon se të dyja lejohen.


Profeti salallahu alejhi ve selem, kur ishte në ecje e sipër, i shkurtonte dhe i bashkonte namazet. Çështja e bashkimit të namazeve është më e gjerë sesa shkurtimi, sepse bashkimi i lejohet të sëmurit dhe u lejohet muslimanëve vendas nëpër xhamia në rast shiu, apo kur ka rrezik rrëshqitjeje (nga lluca apo akulli). Pra, u lejohet që të bashkojnë mes akshamit e jacisë dhe mes drekës e ikindisë, por nuk u lejohet shkurtimi, sepse shkurtimi i namazit është i veçantë vetëm për udhëtarin. Allahu është që jep sukses.

[Pause_Print_Scroll]

Shkurtimi dhe bashkimi i namazeve për atë person që e ka zënë koha e namazit në vendin e tij pa u nisur akoma

Pyetje: Nëse hyn koha e namazit duke qenë personi akoma në vendin e tij, pastaj niset para se ta falë atë namaz, a i lejohet shkurtimi dhe bashkimi? Po nëse i fal drekën dhe ikindinë të shkurtuara dhe të bashkuara në udhëtim, pastaj mbërrin në vendin e tij në kohë të ikindisë, a janë të sakta namazet e tij që i ka falur në udhëtim, duke pasur parasysh se ai e dinte që do mbërrinte në vendin e tij në kohën e namazit të dytë?


Përgjigje: Nëse koha e namazit e zë musafirin duke qenë akoma në vendin e tij, pastaj ai niset pa e falur namazin, i lejohet që t'i shkurtojë namazet, pasi të dalë jashtë banesave të qytetit, sipas mendimit më të saktë nga dy mendimet që kanë dijetarët në këtë çështje, i cili, njëkohësisht, është edhe mendimi i shumicës së dijetarëve.


Nëse i shkurton dhe i bashkon në udhëtim, pastaj mbërrin në vendin e tij, para se të hyjë koha e namazit të dytë ose pasi ka hyrë, nuk ka përse ta përsërisë namazin, sepse e ka kryer atë në përputhje me sheriatin. Por, nëse do që ta falë namazin e dytë me njerëzit në xhami, kjo do të jetë nafile për të. Allahu është që jep sukses.

[Pause_Print_Scroll]

Bashkimi i namazit të akshamit dhe jacisë në qytete, për shkak të shiut

Pyetje: Çfarë mendimi ka hirësia juaj në lidhje me bashkimin mes akshamit dhe jacisë, për shkak të shiut, në kohën e sotme, në qytete, kur dihet se rrugët janë të shtruara e të asfaltuara, me trotuare dhe të ndriçuara, duke bërë që të mos ketë vështirësi apo llucë?


Përgjigje: Lejohet bashkimi mes akshamit e jacisë dhe mes drekës e ikindisë, për shkak të shiut, nqs ai i sjell vështirësi njerëzve nëse dalin për në xhami. I njëjti gjykim është nëse ka llucë dhe baltë, në të cilën mund të rrëshqasin njerëzit ose nëse rrjedh uji nëpër rrugë dhe tregje, sepse kjo u sjell vështirësi njerëzve. Ky është mendimi më i saktë nga dy mendimet që kanë dijetarët në këtë çështje. Argumenti i kësaj është hadithi i transmetuar në dy Sahihet nga Ibn Abbasi se Profeti salallahu alejhi ve selem ka bashkuar në Medine mes namazit të drekës e ikindisë dhe mes namazit të akshamit e jacisë7. Muslimi ka transmetuar një shtojcë në transmetimin e tij, ku thuhet: E bëri këtë pa ekzistuar ndonjë frikë apo shi, apo udhëtim8.

7. Transmeton Buhariu 1/137 dhe Muslimi me nr.705.
8. Transmeton Muslimi me nr.705.
Ky hadith tregon se tek sahabet dihej se frika dhe shiu janë arsye justifikuese që e bëjnë të lejueshme bashkimin e namazit njësoj si udhëtimi, por në këto raste nuk lejohet shkurtimi, sepse xhemati janë vendas dhe jo udhëtarë, dhe shkurtimi është i lejuar vetëm në udhëtim, prandaj atyre u lejohet vetëm bashkimi. Allahu është që jep sukses.

[Pause_Print_Scroll]

Kriteri me të cilin përcaktojmë bashkimin mes dy namazeve në kohë shiu.

Pyetje: Cili është kriteri, në bazë të së cilit arrijmë ta përcaktojmë se kur mund të bashkojmë mes dy namazeve, për shkak të shiut?


Përgjigje: Nëse ekziston arsyeja justifikuese, atëherë lejohet bashkimi mes dy namazeve: mes drekës dhe ikindisë apo mes akshamit dhe jacisë. Arsye justifikuese për bashkim mund të jetë: sëmundja, udhëtimi, si dhe shiu i madh, sipas mendimit më të saktë nga dy mendimet që kanë dijetarët në këtë çështje. Disa dijetarë e konsiderojnë të ndaluar bashkimin mes drekës dhe ikindisë, për shkak të shiut që sjell vështirësi ose llucës, në të cilën mund të rrëshqasin njerëzit, nëse je vendas, brenda në qytet. E sakta në këtë çështje është se lejohet bashkimi mes akshamit dhe jacisë apo mes drekës dhe ikindisë nëse shiu është i rrëmbyeshëm apo ka llucë që mund të shkaktojë rrëshqitje, sepse këto u sjellin vështirësi njerëzve. Lejohet që t'i bashkojnë me bashkim të parakohshëm – qoftë në fillim të kohës apo edhe më vonë. I rëndësishëm është fakti që, nqs shiu u sjell vështirësi, atëherë u lejohet bashkimi. Psh, janë brenda në xhami dhe filloi të binte shi i madh, duke e bërë të vështirë ecjen nëpër rrugë e tregje – për shkak të ujit dhe baltës -, atëherë i bashkojnë namazet pa asnjë lloj problemi. Por, nëse nuk duan t'i bashkojnë, u lejohet që ta falin namazin në shtëpitë e tyre, për shkak të shiut dhe baltës.

[Pause_Print_Scroll]

Nuk lejohet bashkimi mes dy namazeve, veçse me arsye justifikuese, të vërtetuar me sheriat.

Pyetje: Në ditët e kaluara, disa imamë të xhamive bashkuan mes akshamit e jacisë, sepse ra një shi i lehtë, i cili nuk sillte asnjë lloj mundimi. Cili është gjykimi për këtë veprim dhe a është i saktë namazi i tyre apo duhet ta përsërisin atë?


Përgjigje: Nuk lejohet bashkimi mes dy namazeve, veçse me arsye justifikuese, të pranuar me sheriat, siç është udhëtimi, sëmundja apo shiu, i cili t'i qullë rrobat dhe të sjellë ndonjë lloj vështirësie, duke krijuar llucë nëpër rrugë, etj. Ndërsa, kush bashkon mes akshamit dhe jacisë apo mes drekës dhe ikindisë pa arsye, ka kryer një vepër që nuk lejohet dhe e ka detyrë ta përsërisë atë namaz që e ka falur para kohe, sepse Profeti salallahu alejhi ve selem ka thënë:"Kush punon një vepër, e cila bie në kundërshtim me fenë tonë, ajo vepër është e refuzuar" (Transmeton Muslimi (me nr.1718), dhe në dy Sahihet, nga Aishja, nga Profeti salallahu alejhi ve selem se ai ka thënë:"Kush shpik në fenë tonë çfarë nuk është prej saj, ajo është e refuzuar"9. Në bazë të kësaj që thamë, bëhet e ditur se çdo musliman e ka detyrë që t'i kushtojë kujdes dhe rëndësi ibadeteve të tij, ashtu që të jenë në përputhje me sheriatin dhe t'i largohet gjërave që bien në kundërshtim me të. Allahu u dhëntë sukses të gjithë muslimanëve, që t'i përmbahen fesë dhe ta kuptojnë atë.

9. Transmeton Buhari 3/167 dhe Muslimi me nr.1718.

[Pause_Print_Scroll]

A është nijeti kusht për lejimin e bashkimit?

Pyetje: A është nijeti kusht për lejimin e bashkimit? Sepse shpesh herë falet akshami pa pasur xhemati nijet për bashkim dhe pas namazit konsultohen mes tyre dhe e vendosin ta bashkojnë me jacinë dhe falen.


Përgjigje: Dijetarët kanë rënë në mospajtim mes tyre në këtë çështje, por mendimi më i saktë është se nijeti për bashkim nuk është kusht që të ekzistojë që në faljen e namazit të parë, përkundrazi, lejohet që ta bashkojnë edhe nëse e vendosin pas faljes së namazit të parë, kuptohet, nëse ekziston arsyeja që e bën të lejuar bashkimin, siç është frika, sëmundja apo shiu.