Lulzsec dhe Anonymous

**Zero Cool** · 27-06-11, 13:41

Grupi i hakerave Lulzsec shpërbëhet, jo nga frika ndaj FBI-së

Një nga hakerat e grupit Lulzsec ka pohuar ditën e sotme se grupi Lulzsec është shpërbërë, jo sepse ata janë të frikësuar nga FBI-ja, por thjesht ngaqë janë të mërzitur.

Grupi ka sulmuar CIA-n, FBI-në dhe Sony-n, duke u lëvduar nëpër internetit për veprat e tyre.

Lulzsec ka lajmëruar në Twitter se ata do të shpërbëhen- me autoritetet që po u afrohen gjithnjë e më shumë.

"Ne nuk po ndalojmë sepse jemi të frikësuar nga forcat e ligjit. Shtypi po mërzitet nga ne dhe ne po mërzitemi nga vetja jonë" ka thënë një anëtar i Lulzsec.

**Zero Cool** · 27-06-11, 13:44

Kush jane ata:

Rrjeti PlayStation i Sony sulmohet përsëri

Pasi ka qënë viktimë e sulmeve të hakerave, Sony Corp. tha se rrjeti i tij PlayStation do të kthehet në SHBA, Evropë dhe pjesë të Azisë. Të gjithë konsumatorët, përveç atyre në Japoni, Hong Kong dhe në Korenë e Jugut, do të jenë në gjendje të përdorin përsëri këtë shërbim. Shkarkimi i lojërave falas ishte pjesë e paketës së "Mirëseardhjes" që ofrohet nga kompania.

Por, në të njëjtën ditë që Sony Corp. më në fund arriti të rifillojë shërbimin PlayStation Store, një grup i ri hakerash pohoi se ka anashkaluar me sukses sigurinë online të kompanisë, duke kompromentuar informacionin e një milion klientëve të Sony.

Grupi i hakerave "LulzSec" ka marrë përgjegjësinë e sulmit të fundit, në një postim në faqen e tyre të Twitter.

3.6.2011

**Zero Cool** · 27-06-11, 13:45

Kush jane ata:

Hakerat e Lulzsec në luftë me Anonymous

Grupet e hakerave Lulzsec dhe Anonymous kanë filluar të sulmojnë njëri-tjetrin publikisht, dhe kjo mund të çojë në një betejë masive midis dy komuniteteve të hakerave që kanë shumë të përbashkëta.

Grupi Lulsec ka "ofenduar" në llogarinë e tij në Twitter grupin Anonymous. Pak më vonë grupi Anonymous iu përgjigj postimit duke shkruar se e pranojnë sfidën e tyre.

Por, ndërsa shumica e sulmeve të Anonymous duket se janë të motivuara politikisht, Lulzsec duket se sulmon të gjithë.

Një rezultat i mundshëm i përleshjes midis dy grupeve është se pjesëtarët e secilit grup mund të fillojnë të bëjnë të ditur identitetin e rivalëve të tyre.

17.6.2011

**Zero Cool** · 27-06-11, 13:47

Kush jane ata:

Hakerat sulmojne Sega-n, Lulzsec ofron ndihmë

Videolojrat po vihen gjithmonë e më shumë në rrezik për ata që përdorin platformat online. Pas Sony-t dhe Nintendo-s, hakersa të paidentifikuar kanë arritur të depërtojnë në serverat e Sega-s, nga të cilët mund të marrin të dhëna mbi abonentët.

Sipas BBC, grupi japonez i ka dërguar një e-mail abonentëve për t’i njoftuar për një “hyrje të paautorizuar” të ndodhur në 24 orët e fundit.

Megjithatë, kompania ka theksuar se nga kontrollet e kryera nuk ka rezultuar të jenë vjedhur numra të kartave të kreditit.

Sa për autorët e krimit, Lulzsec, grupi haker që realizoi sulmet ndaj faqeve të Sony-t dhe Nintendo-s, ka thënë se nuk kanë qënë të përfshirë në këtë sulm duke shtuar se ata do të ndihmojmë Sega-n të shkatërrojnë hakerat që e kanë sulmuar.

20.6.2011

**Zero Cool** · 27-06-11, 13:48

Kush jane ata:

Arrestohet një haker i rëndësishëm i grupit Lulzsec

Një i ri britanik i dyshuar si organizatori prapa një grupi të njohur hakerash është arrestuar në një operacion të FBI-së dhe Scotland Yard.

Ryan Cleary, 19 vjeçar, besohet të ketë qënë një "lojtar i madh" me Lulzsec, një grup i cili ka sulmuar edhe njësi qeveritare në Britani dhe SHBA.

Autoritetet në të dyja anët janë përpjekur për të gjetur grupin haker, i cili kishte pranuar se ka sulmuar Nintendo-n dhe Sony-n, për disa javë.

Cleary u arrestua në një "operacion të para-planifikuar" në Wickford. Autoritetet amerikane po mbaheshin të informuara ndërsa adoleshenti po merrej në pyetje në një stacion policor në Londër. Ai u arrestua nga oficerët e njësisë së krimit elektronik.

Në fillim mendohej se grupi po shënjestronte vetëm transmetuesit në SHBA, duke përfshirë PBS dhe Fox, dhe kompanitë e lojrave.

Por në faqen e tyre në Twitter, grupi Lulzsec ka deklaruar qëllimet e tij për të sulmuar faqet e internetit të qeverisë dhe për të lëshuar dokumentet e tyre konfidenciale.

Nuk ka pasur reagime në Twitter për arrestimin e sotëm.

21.6.2011

**Zero Cool** · 27-06-11, 13:49

Kush jane ata:

Faqja e Lulzsec rrëzohet përkohësisht

Lulzsecurity.com, faqja e grupit të njohur të hakerave, nuk ka qënë e disponueshme për të paktën një orë në ditën e sotme, pas disa sulmeve DoS (Mohimi i shërbimit) nga hakera të panjohur (edhe pse një haker i quajtur On3iroi dyshohet të jetë një prej tyre).

Faqja e internetit të Lulzsecurity është e mbrojtur nga shërbimi i njohur Cloudflare, por edhe kjo nuk mund të parandalonte që faqja e internetit të Lulzsec të bëhej e padisponueshme.

24.6.2011

**Zero Cool** · 29-10-13, 19:04

12 vjeçari pranon që ka sulmuar faqet qeveritare për Anonymous

Një 12 vjeçar në Montreal u vetëshpall fajtor për thyerjen e disa uebfaqeve të qeverisë dhe policisë në emër të grupit të hakerëve Anonymous, raporton Toronto Sun.

Sidoqoftë, sulmet nuk ishin të motivuara politikisht; djaloshi dëshmoi që ai iu kishte dhënë informacionet për anëtarët e Anonymous në shkëmbim për video lojëra.

I mituri pranoi që ka sulmuar uebfaqet e policisë së Montrealit, Institutit të Shëndetit Publik në Quebec dhe qeverinë e Kilit, si dhe faqe të tjera. Sulmet e tij përfshinin “përmbytjen” e serverëve për të rrëzuar faqet, duke shpartalluar tekstin dhe dukjen e faqeve dhe duke fituar qasje në informacionet e përdoruesit.

Gjykata vlerëson që ai ka bërë dëme në vlerë prej 60 mijë dollarë dhe emri i tij ka mbetur anonim për shkak të moshës.

**Zero Cool** · 03-01-14, 15:30

Snapchat per iphone dhe android???

Bëhen publike 4.6 milionë emra përdoruesish dhe numra telefoni nga Snapchat

Mbi 4.6 milionë emra përdoruesish dhe numrash telefoni janë zbuluar online gjatë ditës së martë nga një haker anonim i cili i ka postuar këto të dhëna në një uebfaqe të quajtur SnapchatDB.info. Baza e të dhënave që përmbante keto informacione ishte e disponushme për t’u shkarkuar si një skedar SQL ose CSV përmes SnapchatDB.info, e cila për momentin është pezulluar. Për të parë një version të ruajtur (cache) të faqes, klikoni këtu.

“Po shkarkoni 4.6 milionë informacione lidhur me numrat e telefonit së bashku me emrat e përdoruesve. Njerëzit tentojnë të përdorin të njëjtin emër përdoruesi në ueb, kështu që këtë informacion mund ta përdorni për të gjetur të dhëna mbi llogaritë e tyre në Facebook apo Twitter, ose thjesht të gjeni numrat e telefonit të njerëzve që ju interesojnë,” shkruhej në faqe. Hakerët kanë përdorur një dobësi të publikuar në Snapchat API për të aksesuar emrat dhe numrat e telefonit të përdoruesve.

“Motivi ynë në këtë rast ishte të rrisnim dijeninë e publikut lidhur me këtë çështje si dhe t’i ushtronim presion kompanisë të bënte rregullimet e duhura për këtë dobësi. Kuptohet që startup-et kanë burime të kufizuara por siguria dhe privatësia nuk duhet të jenë qëllim dytësor. Siguria ka po aq rëndësi sa edhe përvoja e përdoruesit,” janë shprehur hakerët.

Ata thanë gjithashtu se kishin hequr dy shifrat e fundit të numrave të telefonit të përdoruesve në mënyrë që të minimizonin abuzimet. Megjithatë, kjo nuk do të thotë se një publikim të plotë mund të mos e bëjnë në të ardhmen. Ata shtuan se vendosën ta pezullonin faqen për shkak se trafiku në të u ngarkua shumë dhe nuk synojnë ta rikthejnë sërish. Gjithsesi, baza e të dhënave që është bërë publike mund të gjendet në shumë vende në internet. Nga ana tjetër, kompania është shprehur se po merr të gjitha masat e nevojshme për të rikthyer sigurinë e përdoruesve.