Shtetet e Bashkuara të Amerikës

[Arb]

Bush: Pavarësia e mbikqurur e Kosovës do t'i kontribuojë paqes dhe stabilitetit në rajon

Uashington, 28 shkurt - Presidenti amerikan Xhorxh Bush ka deklaruar se SHBA-të besojnë që pavarësia e mbikqurur e Kosovës do t'i kontribuojë paqes dhe stabilitetit në rajon. Presidenti Bush pas takimit me kryeministrin çek Mirosllav Topolanek tha para gazetarëve se si pasojë e luftës që ndodhi gjatë qeverisjes së Slobodan Millosheviqit, ishte dëshira "jonë në Kombet e Bashkuara që të promovojmë atë që quhet plani i Ahtisarit, që është pavarësia e mbikqyrur e Kosovës. Pasi vlerësoi se Kosova është çështje e vështirë, Bush tha se "Qeveria amerikane mbështet pavarësinë e mbikqurur". "Besojmë në shoqëri të lira dhe besojmë se ajo (Kosova e pavarur) në fund do të çojë drejt paqes. Kufijtë e Kosovës tani janë të përcaktuar qartë. Ka ndryshuar lloji i qeverisë. Tani si pjesë e planit të Ahtisarit ne presim plotësisht që ajo (Kosova e pavarur) të respektojë të drejtat e minoriteteve brenda kufijve të vet. Pozicioni ynë në këtë është i qartë", ka thënë Bush.

QIK-u

[Arb]

Burns: Serbia nuk do ta marrë kurrë Kosovën

Nga VOA
Nënsekretari amerikan i Shtetit, Nicholas Burns, ka deklaruar se Shtetet e Bashkuara nuk do ta pranojnë ndarjen e Kosovës. Ai tha se këtë nuk do ta pranojë as Evropa dhe as NATO. Numri tre i Departamentit amerikan të Shtetit i bëri komentet në një forum të organizuar nga Këshilli për Marrëdhëniet me Jashtë në Uashington.

Burns tha se Serbia e ka humbur përgjithmonë Kosovën dhe e humbi atë në periudhën mars-qershor të vitit 1999, kur ajo u përpoq të dëbojë 1 milion njerëz nga ai vend.

“Kur u miratua Rezoluta 1244, në qershor 1999, ajo në fakt bëri që Kombet e Bashkuara t’ia merrnin Kosovën Serbisë. Serbia nuk do ta marrë kurrë Kosovën. Që nga qershori 1999 e deri kohët e fundit, pyetja e vetme që është shtruar ka qenë: Cili do të ishte statusi përfundimtar i Kosovës, do të ishte ajo e pavarur apo autonome dhe kur do të ndodhte kjo? U deshën 9 vjet që kjo pyetje të merrte përgjigje dhe rreth një vit më parë Shtetet e Bashkuara erdhën në përfundimin thelbësor se, nëse e vononim ende pavarësinë e Kosovës, atëherë mundësia më e madhe do të ishte që kjo të provokonte dhunë dhe mungesë qëndrueshmërie në Ballkan”, - tha ai.

Burns tha se pavarësia ka qenë alternativa e qartë dhe përfundimtare qysh vitin e kaluar, kur presidenti Ahtisaari bëri propozimin e tij.

Nënsekretari i Shtetit vlerësoi lart udhëheqjen në Prishtinë për faktin që ajo tregoi vetëpërmbajtje. “Ne kemi parë në Prishtinë një udhëheqje të jashtëzakonshme, e cila iu rezistoi një mijë provokimeve, me të cilat u përball. Ata e mbrojtën popullsinë serbe, kishat dhe trashëgiminë e tyre. Ata nuk e kaluan lumin Ibër për të shkuar në veri të Mitrovicës, ashtu siç dëshironin serbët dhe serbët e Kosovës. Ata janë treguar të përmbajtur”.

Burns kritikoi ashpër Beogradin për “retorikë sharëse” që, siç u shpreh ai, “që të kujton një epokë tjetër në Serbi”.

“Të enjten e kaluar, ne pamë një sulm huliganësh kundër ambasadës sonë në Beograd. Pamë policinë që të zhdukej dhe situata e krijuar ishte e tmerrshme, sepse disa diplomatë amerikanë mbetën të bllokuar në ambasadë për disa orë me radhë dhe ne nuk e dinim se cili do të ishte fati i tyre. M’u desh të merrja në telefon kryeministrin e Serbisë, të cilit i thashë: “Hape televizorin te CNN dhe shiko se ç’po ndodh me ambasadën tonë! Duhet të dërgosh forcat e policisë atje! Dhe më në fund ata e bënë këtë.”

Burns u tregua i prerë në komentet e tij lidhur me zërat se mund të ketë një ndarje të Kosovës. “Mund t’ju them se ne nuk do ta pranojmë ndarjen e Kosovës. As Kombet e Bashkuara, as Bashkimi Evropian dhe as NATO nuk do ta pranojnë atë. Kosova do të jetë e lirë dhe e pavarur në kufijtë e tanishëm dhe këtë njohim ne. Nëse serbët e Kosovës apo serbët në Beograd mendojnë se ata mund ta ndajnë Kosovën, ata e kanë gabim”, - tha ai.

Burns tha se në Kosovë nuk do të ketë konflikt të armatosur, por do të ketë paqe. “Kombet e Bashkuara, - tha ai, - besojnë në tërësinë e tyre se rruga përpara është ajo e paqes dhe e qëndrueshmërisë.”

Duke iu përgjigjur disa qëndrimeve të Rusisë pas njohjes së pavarësisë së Kosovës, Burns tha: “Ishim ne ata që qëndruam në Kosovë gjatë 9 viteve të fundit me trupat dhe me paratë tona e të Evropës, ndërsa Rusia u largua para katër vjetësh. Ishim ne ata që i kërkuam Kombeve të Bashkuara të emëronin një të dërguar të posaçëm – presidentin Ahtisaari – për të zgjidhur të ardhmen e Kosovës. Pastaj, me kërkesën e Rusisë ne e shtymë njohjen e Kosovës për pothuajse një vit. Bisedimet shtesë nuk dhanë rezultat, prandaj ne morëm vendim logjik për të njohur pavarësinë e Kosovës, ashtu si edhe 30 vende të tjera në Evropë, si dhe shumë vende në botën myslimane. Mendoj se Rusia është mjaft e izoluar”, - tha ai.

Nënsekretari i shtetit shprehu keqardhje për deklaratat e ambasadorit të Rusisë në NATO, i cili pak ditë më parë kërcënoi për përdorim force lidhur me Kosovën. “Ma merr mendja se ky ishte një gabim i tij, sepse ai nuk është diplomat profesionist dhe është i ri në këtë detyrë”, - tha Burns. “E megjithatë, - shtoi ai, - Rusia nuk e përgënjështroi deklaratën e tij.”



Baca Burns, po e kryn!

[uliksi31]

Takimi Bush-Shefer, diskutohet për Afganistanin, Kosovën dhe zgjerimin e NATO-s




Zëri i Amerikës 29-02-2008


Presidenti Bush tha se Shtetet e Bashkuara janë të angazhuara për misionin e Natos në Afganistan.
Zoti Bush i bëri sot komentet për gazetarët pas bisedimeve që zhvilloi në Shtëpinë e Bardhë me Sekretarin e Përgjithshëm të Natos Jap de Hup Shefer.
Ai falenderoi shefin e Natos për punën e bërë nga Aleanca në Afganistan dhe misionin stërvitor të saj në Irak. Zoti Bush tha se mirëpret takimin e nivelit të lartë të Natos në prill në Bukuresht.
Zoti De Hup Shefer tha se Natoja ka një angazhim afatgjatë në Afganistan ku aleanca, tha ai, do të dalë fitimtare. Ai përmendi gjithashtu çështjen e Kosovës, duke thënë se aleanca do të mbrojë të gjithë qytetarët e këtij shteti të ri të pavarur. (ze)

__________________

[Kavaleri]

Disa thojne qe ka interez amerika, po shyqyr qe ka, ma mir Miku se armiku.

Thank You USA, Thank You Mr. President.

[Arb]

Presidenti RUGOVA:

"Pavarësinë e Kosovës mund ta garantojnë vetëm Shtetet e Bashkuara të Amerikës”.

[uliksi31]

Shqiptarët e Amerikës në dilemë: Me McCain apo me Clinton?




Shqiptarët e Amerikës në dilemë: Me McCain apo me Clinton?
Ajet Nuro
Zgjedhjet presidenciale në Amerikë, ndiqen me vëmendje jo vetëm prej amerikanëve, të interesuar të zgjedhin udhëheqen e tyre por edhe nga e gjithë bota. Për botën, tek zgjedhjet presidenciale amerikane, përzihen sa kureshtja aq edhe interesi përderisa bëhet fjalë për zgjedhjen e personit që personifikon njeriun politik më të fuqishëm të planetit. Edhe zgjedhjet e 2008s nuk bëjnë përjashtim. Në Amerikë, mobilizimi është i jashtëzakonshëm. Në arsenalin e mjeteve të komunikimit këtë herë janë shtuar edhe propaganda video. Youtube por dhe shumë gazeta dhe televizione janë angazhuar si rrallë mê parë të krijojnë kushtet që beteja zgjedhore krahas vendeve tradicionale të zhvillohet dhe në internet. Në këtë fillim marsi, ndonëse në kampin republikan, gjithshka duket se po buzëqesh për John McCain, demokratët sido që të jetë do ti japin një rekord politikës amerikane. Për herë të parë Amerika ka dy kandidat të veçantë për president; një grua dhe një afroamerikan. Kjo tregon emancipimin e shoqërisë amerikane. Tani le të shohin se ku ndodhen shqiptarët e Amerikës në fushatën elektorale amerikane. Tradicionalisht shqiptarët e Amerikës kanë votuar për partinë Republikane. Shpjegimi mund të gjendet në faktin se diaspora shqiptare e para 1990 ka qenë kryesisht diaspora antikomuniste apo emigrantët që kishin ngelur pa atdhe sepse në adheun e tyre mbretëronin komunistët, dhe si e tillë, partia Republikane si partia e pozicionuar më djathtas dukej se përfaqësonte më mirë interesat e tyre. Edhe shoqatat dhe organizatat që i kanë përfaqësuar shqiptarët kanë ndjekur këtë linjë. Për më tepër, nga 1985 deri më 1989, shqiptarët kanë patur përfaqësues në kongres atë që më pas do të përbënte mbrojtësin e interesave të shqipatrëve në Washington, zotin Joseph DioGuardi. Dhe ky i fundit ishte republikan. Pra dhe vitet 1990 vazhduan në traditën e mëparshme gjersa erdhën zgjedhjet e vitit 2000. Shqiptarët as e kanë harruar dhe as e harrojnë atë që bëri Bill Klinton si shef i Shtëpisë së bardhë në mars 1999. Vendosmëria e tij për të mbrojtur shqiptarët e pambrojtur nga shfarosja që u kishte rezervuar Sllobodan Milosheviç bëri që shqiptarët të mbështesin në vitin 2000 kandidatin demokrat Al Gore që nuk mundi të marr dot pushtetin. Në pushtet erdhi Xhorxh W. Bush. Duhet thënë se Bush, në fund të mandatit të tij nuk është figura më e dashur e amerikanëve. Por duhet shtuar se Bush ka qenë viktim e rethanave që u krijuan në Amerikë pas zgjedhjes së tij. Pa mbushur vitin në Shtëinë e Bardhë, ai është dashur të përballoj 11 shtatorin dhe gjithçka që lidhet me atë ngjarje të hidhur të histories amerikane. Por nëse Bush apo partia e tij do të kishin vetëm zgjedhësh shqiptar, ndoshta ai dhe partia e tij do të merrnin pa frikë mbi 90 % të votave. Sepse, nëse Klinton pati kurajon të çonte sulmin kundër Serbisë deri në fund, Bush pati kurajon dhe këmbnguli tu jepte shqiptarëve të Kosovës pavarësinë. Dilema e madhe Nëse Obama del kandidati që do të përfaqësoj partinë Demokrate, shqiptarët do ta kenë të lehtë çështjen sepse kandidati i tyre do të jetë John McCain. Për më tepër që kryetari i Lidhjes ShqiptaroAmerikane, Joe DioGuardi ka qenë një nga mbështetësit e tij që nga momenti i kandidimit. Dhe kjo, jo se shqiptarët janë racista. Mbase dhe mungesa e ndonjë pranie popullsie me ngjyrë në vendin e tyre të origjinës mund të ndikoj, por mbi të gjitha, thëniet se Barack Obama, nuk është dhe aq i favorshëm ndaj pavarësisë së Kosovës do të bëjnë punên e vetë. Në fund të fundit, në balancën se për kë voton një komunitet në Shtetet e Bashkuara, varet më shumë nga qëndrimi i kandidatit ndaj problemeve të lidhura me vendin e origjinës se sa me zgjidhjen e problemeve të brendëshme amerikane. Problemi për shqiptaroamerikanët do të komplikohet nëse (dhe kjo për mua është më e mundëshmja...) kandidate e demokratëve të jetë zonja Klinton. Shqiptarët do të duhet të ndahen mes traditës dhe risisë. Joseph Dioguardi këshillon bashkëpatriotët e vetë të votijnë McCain dhe ai është zgjedhja më e mirë. McCain do ti ndihmoj më shumë shqiptarët nëse zgjidhet president. Do ta dëgjojnë shqiptarët thirrjen e një politikani të sprovuar si Dioguardi dhe të vazhdojnë traditën apo do të votojnë thjesht në se njëri apo tjetri do ti bind se është më i miri ? Ngelet për tu parë...

GazteaStar
__________________

[Arb]

2 Qershor, 2006

Bush: Shqiptarët nuk duhet të jenë të shqetësuar për pozicionin tim për statusin e Kosovës

Presidenti amerikan Xhorxh Bush i ka kërkuar Rusisë që të zbusë shqetësimet e saj lidhur me programin e mburojes anti-rakete, si dhe për disa çeshtje të tjera, mes të cilave edhe ajo e Kosoves.

“Lufta e ftohte ka mbaruar. Tani jemi në shekullin XXI, ku duhet të përballemi me kërcënimet e vërteta të ekstremistëve dhe atë të pasurimit të uraniumit nga Irani”, ka pohuar Bush, i cili ka ngritur edhe çështjen e Kosovës.

“Është një çështje e vështirë, por plani i Ahtisarit është rruga e drejte për të ecur përpara dhe se shqiptarët e Kosovës nuk duhet të jenë te shqetësuar për pozicionin tim. Unë e kam bërë të qartë se mbështes planin e Ahtisarit dhe këto janë udhëzimet që i kam dhënë Sekretares së Shtetit Rais dhe që do t’u japim edhe Kombeve të Bashkuara. Ne shpresojmë të evitojmë një konflik të madh në rajon. Por besojmë se plani i Ahtisarit është rruga e duhur për të ecur përpara dhe për këtë ne po mundohemi ta bindim Këshillin e Sigurimit të Kombeve të Bashkuara që të mbështesin planin e Ahtisarit dhe po parashtrojmë shpjegimet tona sepse ky plan është i arsyeshëm dhe se ky plan do të vendoste paqen”, ka theksuar Bush.

IP

[Arb]

Fried: Kosovës i duhen 2 miliardë USD, SHBA-të ofrojnë 350 milionë

Nga VOA
Ndihmëssekretari amerikan i Shtetit për Çështjet Europiane dhe të Euroazisë, Daniel Fried, ka thënë të martën se Kosovës i duhen rreth 2 miliardë dollarë ndihma nga jashtë deri në fund të vitit.

Në një seancë dëshmish me zyrtarë dhe ekspertë amerikanë për situatën e re të krijuar në Ballkan, pas shpalljes së pavarësisë së Kosovës, të organizuar nga Komisioni i Senatit për Marrëdhënie me Jashtë, Fried tha se Kosova ka nisur një fillim të mbarë që nga shpallja e pavarësisë nga Serbia, ndërsa ka shtuar se asaj i duhet edhe më tutje ndihmë e madhe për t’u bërë një shtet i aftë.

Ai ka potencuar se shuma prej 2 miliardë dollarësh është një “vlerësim i vrazhdë”. Ai tha se për ta bërë Kosovën të qëndrueshme ekonomikisht, SHBA-të do të marrin pjesë në konferencën kryesore të donatorëve për Kosovën, që do të mbahet në qershor, duke shpjeguar se Kongresi amerikan tashmë ka përllogaritur një ndihmë për Kosovën prej 350 milionë dollarësh.

Pjesa tjetër e parave, rreth gjysma e tyre, sipas Friedit, do të duhej të sigurohej nga Europa, ndërsa pjesa e mbetur nga institucionet siç janë Banka Botërore dhe Fondi Monetar Ndërkombëtar. Duke përsëritur kritikat e ashpra të SHBA-ve ndaj Serbisë për nxitjen e dhunës ndaj Kosovës, Fried tha se Shtetet e Bashkuara shpresojnë se Serbia do ta ndryshojnë kursin në mënyrë vendimtare drejt integrimeve me Europën Perëndimore.

Edhe kryesuesi i Komitetit për Marrëdhënie me Jashtë, senatori Joe Biden, po ashtu i tërhoqi vërejtjen Serbisë për qëndrimin që po mban. “Qeveria e Serbisë duhet ta ndalë shfrytëzimin e pavarësisë së Kosovës që të mos i shkaktojë më tepër dëme këtij vendi”, - tha senatori Biden, duke shtuar se, “Serbia duhet të fillojë të ndryshojë politikën e saj të dështuar në 15 vitet e fundit dhe ta shohë të ardhmen si pjesë e Evropës.”

[Arb]

Krenar që SHBA-të njohën ndër të parat pavarësinë e Kosovës

Nga Joseph Biden
Statusi i Kosovës ka qenë sfida e fundit e madhe që ka mbetur nga zhbërja e Jugosllavisë. Paqartësia politike e këtij vendi ka nënkuptuar për njerëzit e tij të mos kenë para vetes prospekte për të siguruar investime të huaja, aq të nevojshme për rindërtimin e ekonomisë së tyre apo për një themel politik, mbi të cilin do të rindërtohej shoqëria e tyre.

Për dy vite me radhë, Kombet e Bashkuara kanë bërë përpjekje të ndërmjetësojnë një marrëveshje mbi pavarësinë e Kosovës. Fatkeqësisht, Serbia dhe patroni i saj rus e kanë refuzuar planin, nëpërmjet të cilit Kosova do të fitonte “pavarësinë e mbikëqyrur” dhe pakica serbe do të fitonte mbrojtje të fuqishme.

Asnjëherë gjatë këtyre dy viteve negociatash mbi të ardhmen e Kosovës, Serbia nuk ka arritur të dëshmojë se si vazhdimi i sovranitetit të Serbisë mbi Kosovën do ta përmirësonte jetën e shqiptarëve etnikë, të cilët përbëjnë më shumë se 90 % të popullatës në Kosovë.

Në botën moderne, sovraniteti nuk është e drejtë e trashëguar, është një besim i shenjtë midis qeverisë dhe njerëzve që ajo përfaqëson.

Sllobodan Millosheviçi e ka shkelur këtë besim, gjatë përpjekjeve për ta spastruar etnikisht Kosovën dhe qeveritë që pasuan në Serbi nuk bënë asgjë për ta rivendosur atë besim. Beogradi synonte të mbante vetëm Kosovën dhe jo kosovarët që jetonin aty.

Jetojmë në një botë ku historia ka rëndësi, por edhe qeniet njerëzore gjithashtu. Kosova nuk mund të mbetej një suvenir territorial nga fitorja e kaluar imperialiste e Serbisë. Prandaj, edhe pse zgjidhja e statusit të Kosovës nëpërmjet deklaratës së njëanshme për pavarësinë nuk është ideale, megjithatë mendoj se ishte e nevojshme. Jam krenar që Shtetet e Bashkuara ishin në mesin e vendeve të para në botë që njohën shtetin e ri të pavarur të Kosovës.

Qeveria e re e Kosovës duhet të mbrojë trashëgiminë e madhërishme nga e kaluara e Serbisë, por ne duhet të ndihmojmë në ruajtjen e së ardhmes së Kosovës. Qeveria e zgjedhur në mënyrë demokratike në Kosovë është pajtuar me mbrojtjen e fuqishme për pakicat kombëtare në Kosovë dhe ka iniciuar një sërë kontaktesh pajtimi me serbët e Kosovës. Populli i Kosovës është duke demonstruar se çfarë shteti dëshiron të ndërtojë. Nëse kanë sukses, Kosova do të lulëzojë.

Nuk do të jetë e lehtë. Kosova është duke luftuar me nivele të larta të papunësisë, korrupsionin e gjerë dhe tensionet e vazhdueshme etnike. Por, ky vend posedon rezerva të mëdha energjitike, dhe një popullatë të re. Nëse njerëzit e saj vazhdojnë t’i mbrojnë të drejtat e njeriut dhe të luftojnë korrupsionin, liderët e Kosovës meritojnë mbështetjen tonë të fuqishme në punën e tyre për t’iu bashkuar tërësisht komunitetit të shteteve dhe institucioneve ndërkombëtare.

Do të ishte ideale që të ofronim mbështetje entuziaste edhe për ambiciet euro-atlantike të Serbisë gjithashtu. Beogradi duhet ta përcaktojë dinamikën, në bazë të së cilës edhe vendet tjera në Ballkan masin përparimin e tyre në rrugën për t’iu bashkuar Bashkimit Europian dhe NATO-s.

Por, në vend të kësaj, serbët kanë qenë të viktimizuar nga liderët, të cilët nuk e lëshojnë asnjë rast për të lëshuar rastin. Në vend që të ecin me vendosmëri drejt Europës, liderët në Beograd kanë vazhduar me të vjetrën, përkundër politikave shkatërrimtare të së kaluarës së afërt.

Jam veçanërisht i zhgënjyer me veprimet e disa zyrtarëve të qeverisë serbe, të cilët kanë ardhur në pushtet pasi që kanë zmbrapsur një tiran, por tani iu janë nënshtruar taktikave të njëjta, të cilat dikur i kanë kundërshtuar.

Refuzimi i vazhdueshëm i kryeministrit Koshtunica për të bërë thirrje për arrestimin e të përndjekurve për krime lufte dhe refuzimi i tij për të nënshkruar Marrëveshjen e Stabilizim-Asocimit me Bashkimin Europian e kanë dëmtuar rëndë pozicionin ndërkombëtar të Beogradit. Liderët e tjerë serbë kanë qenë më pak flagrantë në veprimet e tyre, por, megjithatë, kanë dështuar të marrin qëndrime të palëkundshme, të cilat do të mundësonin që vendi i tyre të ecë përpara.

Dhuna që pasoi shpalljen e pavarësisë së Kosovës ka qenë një rezultat i parashikueshëm dhe i parandalueshëm i individëve, që në një zemërim publik dhanë zjarr dhe pastaj hoqën dorë nga përgjegjësia për pasojat. Qeveria e Serbisë duhet të ndalojë së përdoruri pavarësinë e Kosovës si një arsyetim për të nxitur edhe më shumë dëme në vendin e saj tashmë të lënduar.

Ajo duhet të fillojë të kthejë faqen në politikat e dështuara të 15 vjetëve të fundit dhe të ecë drejt së ardhmes si pjesë e Europës. Ne nuk mund të lejojmë që mosfunksionimi në Beograd të shpërndahet në Kosovë dhe në Bosnjë. Amerikanët, europianët dhe partnerët e tjerë ndërkombëtarë kanë investuar jashtëzakonisht shumë dhe nuk mund të shohin që ambiciet demokratike të këtyre vendeve të shtypen.

Çdo përpjekje nga Beogradi për të nxitur kaos në veriun e Kosovës apo në Republikën Serbe të Bosnjës, duhet të trajtohet me shpejtësi dhe vendosmëri nga Bashkimi Europian dhe nga NATO-ja. Veprimet e Serbisë duhet të jenë faktorë edhe në vendimet e investitorëve të huaj, të cilët konsiderojnë të nisin projekte në këtë vend.

Për tetë vjet me radhë, njerëzit në Kosovë dhe në rajon kanë qenë në betejë për të ndërtuar ekonominë dhe shoqërinë e tyre në themelet e një pasigurie. Sot kemi mundësinë që ta heqim këtë vello dyshimi. Europianët dhe amerikanët duhet të jenë të kujdesshëm në thirrjet e pamenduara për largim nga ky rajon, tani që Kosova është në këmbë të veta. Tensionet do të vazhdojnë të jenë të larta gjatë muajve të ardhshëm. Madje, edhe nën rrethanat ideale, ruajtja e stabilitetit në Ballkan do të kërkojë infuzione thelbësore të ndihmës për zhvillim, paqe-ruajtje dhe diplomaci të shëndoshë.

* Fjalimi i senatorit Joseph Biden, kryesues i Komitetit për Marrëdhënie me Jashtë në Senatin Amerikan

[Virti]

pa Juve nuk duam te jetojme!
flm shume USA!!!

[DritonPR]

Mos te harrojm Hillary Clintonin, se ne vitin 1999 ishte ajo qe i ben trysni burrit qe ta bombardon Serbin. Ajo edhe ishte ne kampin stenkovc. Ne deklaraten e saj te fundit si kandidate per president e kishte shkruar KosovA e jo KosovO. Edhe kishte bere thirrje qe te gjith shtetet boterore ta pranojn Kosoven sa ma shpejt ;) Me heret edhe kishte thene shum vone bota e ka pranu Kosoven, ma heret u pas duft me shpall pavarsin.

[valiii]

Postimi origjinal është bërë nga DritonPR

Mos te harrojm Hillary Clintonin, se ne vitin 1999 ishte ajo qe i ben trysni burrit qe ta bombardon Serbin. Ajo edhe ishte ne kampin stenkovc. Ne deklaraten e saj te fundit si kandidate per president e kishte shkruar KosovA e jo KosovO. Edhe kishte bere thirrje qe te gjith shtetet boterore ta pranojn Kosoven sa ma shpejt ;) Me heret edhe kishte thene shum vone bota e ka pranu Kosoven, ma heret u pas duft me shpall pavarsin.

Kerkoj falje per nderhyrjen jashte teme, po edhe mua me ka lene pershtypje te keqe se te gjitha shtetet qe na njohen na quajten "Kosovo" e jo "Kosova", perveç Turqisë e cila na pranoj me emrin 'Republic of Kosova'... çka eshte me fatalja se edhe ne disa webfaqe shqiptare (besa edhe qeveritare) e quajne me emrin 'republic of Kosovo' .

[Dilaver]

BE & SHBA kanë urdhëruar fillimin e valës së dytë të njohjes së Pavarësisë së Kosovës.

Bruksel – Brukseli dhe Vashingtoni kanë nxit fillimin e valës së dytë të njohjeve serike të Kosovës, me qellim izolimin e Rusisë në kuadër të G-8 si dhe përpjekjen me sa të jetë e mundshme distancimin e Serbise nga fqinjët që njohin shkëputjen e {(nuk mund e shkruaj si shprehen qenefat) Kosovës}, transmetojnë burime diplomatike evropiane nga Brukseli.
Një nga arsyet e forta për rritjen e presionit ndaj Japonisë, Kandas, Bugarisë, Hungarisë dhe Kroacisë që sa më parë të njohin Kosovën, duhet të shihet fakti që ngeci vala e pritur e njohjes nga ana e shteteve muslimanike, pasi që javën e kaluar diplomacia turke pësoi disfatë në samitin OSHM në Dakar, nuk arrijti të përmbush urdhërin e Vashingtonit e të detyroj turmën e njohjeve.

[DritonPR]

Bushi ka thon autorizimin me dergu SHBAja arme Kosoves, me armatos shtetin e Kosoves, ne rast nevoje emergjence, apo per tu mbrojtur nga terrorizmi, si dhe per te mbrojtur shtetin e vet Kosova :D

Baba Bush o i madh per neve i madh si Kllintoni :)

[Fshatari]

"Presidenti Bush autorizoi ndihmën ushtarake për Kosovën
2008-03-20
Presidenti amerikan, George Bush, ka autorizuar ndihmën ushtarake për Kosovën. Shtëpia e Bardhë ka njoftuar se secila kërkesë për ndihmë ushtarake të Shteteve të Bashkuara për Kosovën do të shqyrtohet.
Në njoftim mëtutje thuhet se furnizimi i tillë do t'i forcoj raportet e sigurisë së Shteteve të Bashkuara me Kosovën, do të promovoj siguri dhe stabilitet në Ballkan dhe do ta përmirësoj kapacitetin e Kosovës për të marrë pjesë në veprimtari paqeruajtëse, t'i luftoj terroristët dhe të menaxhoj emergjencat humanitare.
Shtetet e Bashkuara ishin ndër vendet e para që e njohën pavarësinë e Kosovës".(Radio Europa e lirë)