Hashim Thaçi, personalitet i shekullit

Postimi origjinal është bërë nga Llapi

Kure ta Kujtoni Lirine Kujtone Adem Jasharin,
Kure ta Kujtoni Pavarsine Kujtone Hashim Thaçin

....nese kujtoim Hashim Thaqin do kujtoim Llapin, hahahah...

[Llapjani_HH]

Postimi origjinal është bërë nga Llapi

Kure ta Kujtoni Lirine Kujtone Adem Jasharin,
Kure ta Kujtoni Pavarsine Kujtone Hashim Thaçin

QELI asi Llapi se u habita, a e kie fjalën për Hashim Thaçin e PDK-ës a për naj tjetër Hashim Thaç

Se ne paq fjalën për Hashimin e PDK-ës leje mos u lodh me na kallxue prralla se krejt Kosova e din se kush është e ne paq fjalën për naj Hashim tjetër atëher kallxona te dim kush është ai

Postimi origjinal është bërë nga Llapjani_HH

QELI asi Llapi se u habita, a e kie fjalën për Hashim Thaçin e PDK-ës a për naj tjetër Hashim Thaç

Se ne paq fjalën për Hashimin e PDK-ës leje mos u lodh me na kallxue prralla se krejt Kosova e din se kush është e ne paq fjalën për naj Hashim tjetër atëher kallxona te dim kush është ai

....me fale qe po nderhyje ti has Llapjani veq deshta me te thane shtoja qe jo poplli i kosoves po edhe pelat e din kush eshte Hashim Thaqi i PDK-s hahahahah...

[Alima]

Postimi origjinal është bërë nga Llapjani_HH

QELI...

...

...

Edhe ktu eshte ,a , ...


o kur te don dikon , e don ! ...Çorrohesh dy sysh belivallha !!!


.

[Guri i madh]

Qeveria riformatohet gjatë shtatorit







Publikuar: 28.08.2011 - 08:27Prishtinë, 28 gusht – Brenda një muaji
kryeministri Hashim Thaçi ka në plan të zëvendësojë disa ministra dhe
zëvendësministra, si dhe të bëjë rokada përbrenda Kabinetit qeveritar, shkruan
sot gazeta Koha Ditore. Sipas gazetës, procesin e riformatimit të
Qeverisë do ta bëjë në kohën kur i duhet ta zëvendësojë një ministër të partisë
së tij, PDK-së, me një të partnerit kryesor në koalicion, AKR-së, në mënyrë që
ta përmbyllë marrëveshjen e bashkëqeverisjes, ka thënë të shtunën një burim i
gazetës i afërt me kreun e Ekzekutivit. Deri atëherë i duhet të bëjë
zëvendësministra edhe dy njerëz që do t’i propozojë AKR-ja.“Kryeministri tashmë ka një pasqyrë vlerësimi
të punës së secilit ministër. Do t’i marrë edhe pak kohë për të vendosur. Besoj
se nga fundi i shtatorit do të dihet rezultati i vlerësimit të punës së secilit
anëtar të Kabinetit qeveritar”, ka thënë ky burim. “Nuk do të ketë ndryshime të
mëdha në Qeveri dhe Qeveria nuk do të freskohet vetëm me ndërrimin e ministrave
të PDK-së”.Sipas këtij burimi, janë duke qarkulluar emrat
e tre-katër ministrave aktualë që do t’i nënshtrohen procesit të riformatimit,
por ai nuk ka përmendur emrat e tyre. Po kështu, ai ka theksuar se gjatë këtij
procesi nuk do të ndërrojnë partnerët e koalicionit.“Jo, partnerët mbeten të njëjtët. Vetëm ndonjë
ministër ose zëvendësministër do të ndërrohet”, ka shtuar ai. Një burim tjetër ka treguar se kryeministri
Thaçi, që është edhe kryetar i PDK-së, ka pasur një takim të gjatë të premten
me zëvendësin e parë të tij në Qeveri, Behgjet Pacollin, me të cilin ka
nënshkruar marrëveshjen e koalicionit në emër të AKR-së. Sipas këtij burimi,
një nga çështjet e diskutuara midis tyre ka qenë edhe implementimi i
marrëveshjes së partneritetit qeverisës, por ky është shprehur skeptik se
riformatimi mund të ndodhë shumë shpejt.

(Tekstin e plotë në gazetën e sotme Koh




ehh kush e ka kysmet me dal prej prej ksaj qeverie



e kush e ka taksirat me ju bashkangjit ksaj qeverie



po presim shmitrin po shengjrgjin kjo qeveri nuk e pret

[Guri i madh]

Roli i ambasadorit Dell mbi kryeministrin “e pamatur” Thaçi






Publikuar: 29.08.2011 - 09:31Prishtinë, 29 gusht – Publikimi i kabllogrameve të Ambasadës amerikane në Prishtinë nga “Wikileaks” ka treguar rolin e ambasadorit amerikan, Christopher Dell, mbi kryeministrin “e pamatur” Hashim Thaçi dhe PDK-në e tij “të pamëshirshme” pas zhvillimeve që çuan në prishjen e koalicionit qeveritar me LDK-në.

Në mesazhet dërguar Departamentit amerikan të Shtetit jepen vlerësimet e Dellit për liderin “bashkëpunues’ të AAK-së, Ramush Haradinaj, dhe paralajmërimi bërë Behgjet Pacollit për rëndësinë e “frenimit të ndikimit ekstremist islamik” në Kosovë. Dell e kishte bërë të qartë se popullata kosovare ka ndjenja properëndimore, mirëpo shihte elemente të “ideologjive më ekstreme” myslimane.

Dell po ashtu kishte siguruar mbështetjen e kryeparlamentarit Jakup Krasniqi në mandatin e parë lidhur me protokollin e shumëpërfolur të EULEX-it dhe Serbisë për bashkëpunim në fushën e drejtësisë, ku Krasniqi ishte zotuar se do ta përkrahte marrëveshjen e arritur pa marrë qëndrimin e autoriteteve të Kosovës.

Delli paralajmëroi Thaçin “e pamatur dhe emocional”

Kryeministri Hashim Thaçi e kishte njoftuar Ambasadën amerikane për qëllimin e tij për prishjen e koalicionit qeveritar me LDK-në menjëherë pas njoftimit se ishte arritur një marrëveshje parazgjedhore ndërmjet LDK-së dhe AAK-së në natën e 19 nëntorit, thuhet në një kabllogram sekret të Ambasadës amerikane në Prishtinë, publikuar nga “Wikileaks”.

Thaçi u kishte thënë zyrtarëve të Ambasadës amerikane se LDK-ja me këtë veprim kishte shkelur parimet e koalicionit qeveritar dhe se “synonte formimin e një Qeverie të re me partitë opozitare, Lidhjen Demokratike të Dardanisë të Nexhat Dacit dhe Aleancën për Kosovë të Re të Behgjet Pacollit.”

Por kriza e koalicionit qeveritar ishte tejkaluar mëngjesin e 20 nëntorit pas një takimi të mbajtur ndërmjet kryeministrit Thaçi dhe presidentit të atëhershëm, Fatmir Sejdiu.

Mesazhi sekret i Ambasadës amerikane më tej bën të ditur se pas spekulimeve se Thaçi kishte kërcënuar me shkarkimin e Sejdiut nga posti presidencial, Ambasada amerikane ishte nxitur “ta paralajmëronte Thaçin se nuk do ta mbështesnin ndonjë përpjekje ekstra-kushtetuese për ta detyruar Sejdiun të largohej nga zyra dhe se kjo do ta dëmtonte imazhin e Kosovës në mbarë botën, dhe do t’i dënonte mundësitë e Kosovës në procedurat e ardhshme para Gjykatës Ndërkombëtare të Drejtësisë, e cila do të shprehet për ligjshmërinë e Deklaratës së Pavarësisë së vendit”.

“Sipas të gjitha llogarive, kryeministri Hashim Thaçi veproi me pamaturi natën e kaluar kur vendosi ta largonte LDK-në nga koalicioni vetëm një orë pasi mësoi për marrëveshjen ndërmjet LDK-së dhe AAK-së. Ai nuk ishte konsultuar as me LDD-në, e as me AKR-në, dhe do të kishte problem të siguronte votat për ruajtjen e qeverisjes. Në fakt, i tillë ishte Thaçi në humorin e tij më të keq – emocional, impulsiv dhe i ngutshëm”, thuhet në komentin e ambasadorit amerikan në Kosovë, Christopher Dell, në fund të kabllogramit.

Ambasada amerikane kishte parë se kishte pak gjasa që koalicioni të vazhdonte mbijetesën pas fërkimeve ndërmjet LDK-së dhe PDK-së.

“Në të njëjtën kohë, lajm i mirë është se sistemi funksionoi, dhe mbijetoi një test kritik politik. Për më tepër, kosovarët ia dolën vetë ta kalonin këtë (fazë)...Kjo ishte një përvojë e mirë mësimi për të gjithë ata”, thuhet në komentin e ambasadorit Dell, publikon “Wikileaks”.

Partitë në pushtet vazhduan edhe pak kohë bashkëqeverisjen deri në momentin kur Sejdiu tërhoqi LDK-në nga koalicioni pas dorëheqjes së dhënë si pasojë e mendimit të Gjykatës Kushtetuese të Republikës së Kosovës se Sejdiu kishte shkelur Kushtetutën duke vepruar njëkohësisht edhe si kryetar i LDK-së.

Haradinaj e shikonte Dellin si “udhërrëfyes”

Ndërkaq në një kabllogram tjetër të publikuar në “Wikileaks”, që mban titullin “Ambasadori takon liderin opozitar”, thuhet se Christopher Dell ishte takuar me liderin opozitar të Aleancës për Ardhmërinë e Kosovës, Ramush Haradinajn, më 9 shtator të vitit 2009, i cili i kishte konfirmuar atij dallime dhe çarje të thella ndërmjet partive opozitare.

Haradinaj i kishte ofruar Dellit bashkëpunim të plotë, duke theksuar se “ambasadori amerikan ka një rol të rëndësishëm për të luajtur në Prishtinë dhe se ‘ne presim prej jush të na prini neve’”.

Ish-kryeministri Haradinaj kishte diskutuar me Dellin marrëdhëniet me rivalët e tij politikë, duke i cilësuar “të varfra” me kryeministrin Thaçi, “korrekte” me ish-presidentin Sejdiu dhe “problematike” me liderët opozitarë të kohës, Behgjet Pacollin e AKR-së dhe Nexhat Dacin e LDD-së. Haradinaj ia kishte bërë të ditur Dellit se AAK-ja nuk kishte “objektiva politike në Kuvend derisa nuk mbarojnë zgjedhjet lokale të 12 nëntorit”, shkruan në kabllogramin e Dellit dërguar Departamentit amerikan të Shtetit pas takimit me liderin “bashkëpunues” të AAK-së.

“Me Kosovën në një pikë delikate në marrëdhëniet e saj me Evropën, politikanët e Prishtinës duhet të punojnë bashkë për t’i shmangur grackat e Beogradit dhe paragjykimet evropiane me qëllim të avancimit të interesave të vendit”, kishte komentuar Dell në fund të kabllogramit, ku shpjegohet sesi ai i kishte rekomanduar të tregohej e matur edhe për protokollin e shumëpërfolur të EULEX-it me Serbinë.

Haradinaj kishte marrë mesazhin, sepse “refuzoi të përgjigjej për protokollin kur u pyet nga gazetarët”.

Delli për çështjen e protokollit të nënshkruar ndërmjet Serbisë dhe EULEX-it për fushën e drejtësisë kishte takuar edhe kryetarin e Kuvendit të Kosovës, Jakup Krasniqi.

Krasniqi i kishte premtuar Dellit “mbështetje për protokollin”, ani pse përmbajtja e tij kishte shkaktuar një reagim të madh të shumicës së politikanëve dhe opinionit publik të Kosovës. EULEX-kishte draftuar në vitin 2009 edhe protokollet për dogana dhe polici, por u detyrua të hiqte dorë pas presionit të madh.

Në kabllogram thuhet se Krasniqi kishte mbrojtur marrëveshjen e protokollit si një marrëveshje të domosdoshme me EULEX-in për luftimin e krimit të organizuar dhe trafikimit, si pjesë e përpjekjeve për rritjen e sundimin e rendit dhe ligjit në pjesën veriore të vendit. Në komentin e tij Dell shkruan se “Krasniqi ka mbajtur një qëndrim jopopullor” për opinionin kosovar, por ka demonstruar “bashkëpunim”.

Frikë nga “ndikimi ekstremist islamik” i Pacollit




vazhdon

[Guri i madh]

Ambasadori Dell kishte zhvilluar një takim edhe me liderin e atëhershëm opozitar të Aleancës për Kosovë të Re, Behgjet Pacolli, lidhur me zhvillimet e fundit brenda Kosovës dhe aktivitetit privat të lobimit për njohjen e shtetit të pavarur të Republikës së Kosovës.

Në përmbledhjen e raportit të kabllogramit të 11 shtatorit të vitit 2009, Ambasada njofton se Delli kishte diskutuar me Pacollin edhe për “rëndësinë e frenimit të ndikimit ekstremist islamik” në prag të zgjedhjeve komunale. I pranishëm në takimin e Dellit me Pacollin ishte edhe Esad Pushkar, këshilltar i lartë i Pacollit. Pushkari kishte shkëmbyer SMS me ambasadorin Dell gjatë dështimit të dy raundeve të para për zgjedhjen e Pacollit president më 22 shkurt të këtij viti, kur disa deputetë të PDK-së nuk i ishin bindur marrëveshjes së arritur ndërmjet Thaçit dhe Pacollit për ndarjen e posteve kryesore. Pacolli u zgjodh president në raundin e tretë, por dha dorëheqje pasi Gjykata Kushtetuese vlerësoi se nuk ishin respektuar procedurat e rregullta të votimit.

Ambasadori amerikan ia kishte shprehur në sy Pacollit shqetësimin e tij për takimin me disa liderë të shteteve të botës së tretë, si ai i zhvilluar me tashmë diktatorin e rrëzuar libian, Muammar Gaddafi.

“Ambasadori kishte ngritur çështjen e ekstremizmit islamik që po hynte në Kosovë dhe i tërhoqi Pacollit vërejtjen e shqiptarëve potencialë që punojnë brenda kufijve të regjimeve si ai në Libi dhe (të cilët) pastaj kthehen në shtëpi me ideologji më ekstremiste. Ambasadori ia ka bërë të qartë se ne nuk duam të shohim rritje të ndikimit ekstremist në mesin e popullatës së moderuar properëndimore të Kosovës”, thuhet në përmbledhje të kabllogramit.

“Hyrja miqësore ia promovoi ambasadorit një mundësi për t’i bërë Pacollit shumë mesazhe në lidhje me qëndrimin e Qeverisë amerikane për një numër të çështjeve të brendshme dhe ndërkombëtare me të cilat ballafaqohet Kosova”, thuhet në komentin e Ambasadës amerikane. “Ne do të vazhdojmë të angazhohemi me Pacollin dhe AKR-në, të inkurajojmë AKR-në të luajë një rol më konstruktiv në politikën e Kosovës dhe për të theksuar rëndësinë për AKR-në që të koordinojë përpjekjet e saj për lobim për njohje bashkë me Qeverinë e Kosovës”.

“Dobësimi” i pozicionit të Thaçit

Departamenti amerikan nëpërmjet një tjetër kabllogrami të Ambasadës amerikane ishte njoftuar në detaje edhe për zhvillimet pas deklaratës së ish-deputetëve Adem Salihaj dhe Gani Geci më 29 nëntor kur njoftuan mediat se kishin një DVD me të dhëna për sulmet dhe vrasjet e drejtuesve të LDK-së ndërmjet periudhës 1999-2003, nga siç thanë ata, SHIK-u, krah inteligjence i PDK-së së Thaçit. Geci e identifikoi operuesin e SHIK-ut, Nazim Bllaca, i cili në të njëjtën ditë doli para Kuvendit të Kosovës dhe tha se ishte i përfshirë në 16 raste të vrasjeve, rrahjeve, torturimeve, dhe akuzoi zyrtarë të lartë të PDK-së se urdhëruan kryerjen e tyre. Bllaca kishte deklaruar se kishte marrë urdhra direkt prej Azem Sylës, anëtar i Kryesisë së PDK-së, nëpërmjet Shpresim Ukës, nip i Sylës.

Bllaca, i cili e ka pranuar se edhe vetë e ka kryer një vrasje, në dëshminë e tij kishte implikuar edhe ministrin e atëhershëm të Transportit dhe të Telekomunikacionit, Fatmir Limaj, ish-zëvendësministrin e Punëve të Brendshme, Fatmir Xhelilin dhe Xhavit Halilin, anëtar i Kryesisë së PDK-së dhe anëtar i Kryesisë së Kuvendit të Kosovës.

Kabllogrami thotë se dëshmia e Bllacës u bë “në kohën kur kryeministri edhe ashtu kishte një pozicion të dobësuar” pas përplasjeve me LDK-në. EULEX-i ende është duke hetuar rastet që lidhen me “peshqit e mëdhenj”, si test për përkushtimin e tij për sundimin e rendit dhe ligjit në Kosovë.

PDK-ja, “e pamëshirshme”

Kryetari i Grupit parlamentar të LDK-së, Lutfi Haziri, kishte kërkuar krijimin e një komisioni parlamentar për hetimin e akuzave të Bllacës, por nuk mori mbështetjen në Kuvendin e dominuar nga PDK-ja.

Kabllogrami konfirmon se Thaçi kishte dështuar ta bindte ish-presidentin Sejdiu të dilnin në një konferencë të përbashkët shtypi më 30 nëntor për t’i dënuar akuzat e Bllacës.

Bashkësia ndërkombëtare i kishte bërë thirrje EULEX-it të tregohej i vendosur për zbardhjen e akuzave të Bllacës, por edhe i kishte kërkuar të tregonte “përgjegjësi politike” dhe ndjeshmëri për zhvillimet e brendshme në Kosovë.

“Kjo konfirmon një perceptim të zakonshëm në mesin e qytetarëve të Kosovës se PDK-ja është e pamëshirshme dhe e përgatitur për të ushtruar dhunë për t’i arritur qëllimet e saj, dhe kjo nuk i ndihmon aspak PDK-së derisa ajo po shkon drejt zgjedhjeve parlamentare të 13 dhjetorit. Duke pasur parasysh këtë, kriza mund të jetë një mundësi për EULEX-in dhe Kosovën. Nëse EULEX-i heton akuzat e Bllacës kundër zyrtarëve të lartë të PDK-së ashtu si duhet, dhe nëse njerëzit e fuqishëm thirren të japin përgjegjësi për veprimet e tyre, ky incident mund ta ndihmojë Kosovën të merret me trashëgiminë e politikës së dhunshme të periudhës së paskonfliktit, sikurse edhe t’i bindë qytetarët e saj se ‘sundimi i rendit dhe ligjit’ është më shumë se një slogan”, thuhet në komentin e kabllogramit të ambasadorit amerikan në Kosovë, Christopher Dell.

[Guri i madh]

Partia jam unë







Publikuar: 04.09.2011 - 09:57Prishtinë, 4 shtator - Tash e një vit nuk ekziston Partia Demokratike e Kosovës (PDK), por i vetmi subjekt që mund të quhet parti është një person, ai është kryetari Hashim Thaçi, shkruan gazeta “Zëri”.

Organet e ndryshme të partisë, që në një shoqëri demokratike mblidhen dhe vendosin për gjithçka që ndërlidhet jo vetëm me partinë, por edhe me qeverisjen e vendit, në partinë e kryeministrit të Kosovës kanë vdekur kaherë.

Kështu të paktën konsideron njeriu numër dy i PDK-së, Fatmir Limaj, i cili në zgjedhjet e fundit është radhitur i dyti në Kosovë për nga legjitimiteti qytetar. Limaj konsideron se ish-struktura bazë e partisë është zëvendësuar me “parashutistë” të cilët në parti i ka sjellë vetë Thaçi dhe të cilët të kënaqur me pozita prej më të ndryshmëve nëpër institucione, vazhdojnë të jenë të dëgjueshmi te tij.

Fatmir Limaj i ka bërë këto komente gjatë një interviste televizive në KTV, ku mes tjerash ka akuzuar kryetarin e PDK-së se partinë ua ka përshtatur interesave të veta dhe se ka shkëputur tërësisht lidhjen me elektoratin e partisë. “Partia Demokratike qe njëmbëdhjetë muaj nuk funksionon, që nga zgjedhjet (parlamentare

[Llapi]

Postimi origjinal është bërë nga Llapjani_HH

QELI asi Llapi se u habita, a e kie fjalën për Hashim Thaçin e PDK-ës a për naj tjetër Hashim Thaç :rolleyes:

Se ne paq fjalën për Hashimin e PDK-ës leje mos u lodh me na kallxue prralla se krejt Kosova e din se kush është e ne paq fjalën për naj Hashim tjetër atëher kallxona te dim kush është ai :biggrin:

ti e din qe kushumlin ngat e kemi
prandaj na qe jemi Llapjan shqiptar me gjak te paster jemi radhitur pas Çlirimtarve
jo vetem tash por kaher edhe para Hashimi
ndersa pjesa e tjeter pas tugjarve te agim veliut e te kushumlis
e me heret edhe pas shehollve

e une o dai po flas per Hashim Thaçin njeriun ma te votuarin nder shqiptaret e ballkanit
e Kryeçlirimtarin e popullit ton
e ti vazhdo me ata tugjaret e kushumlis
se popoulli me te vertet e din kush eshte Hashimi
dhe ka me e dit edhe ti kie meu bind edhe ne zgjedhjet e ardhshme kur te vin prap e ateher do fitoi bindshem si kryetar i Kosoves

[Tropojani30]

U erdhi fundi 'shokve' qe marshuan se kush do ta mashtroje me shume, e kush do te zhvase me shume , e kush do ta vrase me shume shqiptare ne Kosove e gjitheandej .Tani jemi ne nje proces te pa-ndalur qe per Kosoven eshte po aq i rendesishem sa Pavaresia e saj.Shberberja e bandeve mafioze kriminale SHIK[PDK] eshte e rendesishme per Kosoven sa edhe Pavaresia e saj.Nuk ka force qe mund ta ndaloje shperberjen totale te struktarave kriminale -agjenturore,tash kane marre vrull konfliket e brendshme brenda kurbes politike te krimit dhe me ne fund Kosova do te marre fryme lirsheme ngase ishte ngulfatur e tera nga patriotet e rrejshem dhe bashibuzuket bothqire.

[Llapi]

Postimi origjinal është bërë nga Tropojani30

.Shberberja e bandeve mafioze kriminale SHIK[PDK] eshte e rendesishme per Kosoven sa edhe Pavaresia e saj.

per neve shqiptarve te Kosoves keta qe i ke cek ti SHIK e PDK jan ÇLIRIMTAR te vertet te Kosoves
per ket e ka vertetue populli me voten e vet disa here
e per disa minoritete se qfar mendoin nuk eshte fort me rendesi

[Tropojani30]

Postimi origjinal është bërë nga Llapi

per neve shqiptarve te Kosoves keta qe i ke cek ti SHIK e PDK jan ÇLIRIMTAR te vertet te Kosoves
per ket e ka vertetue populli me voten e vet disa here
e per disa minoritete se qfar mendoin nuk eshte fort me rendesi

SHIKU- organizate kriminale ka prova gjitheandej..PDK organizate paramilitare pjelle e mafijes se kuqe marksiste-enveriste ,gjithashtu.Ka shume prova qe e kualifikuan Shikun si kriminale dhe kundershqipatar.Jane duke deshmuar kete qe une them.Zoteri voten e vodhen kjo u pa.Zgjedhjet u peresriten ne ato komuna ku plackitjet ishin deri 159% te votave dhe perseri u vodhen.Dhe si te tilla e ben Kosoven te duket si delja e zeze e rajonit.

[Llapi]

Shteti në sfidë




Ismail Syla

Ngjarjet e 25 korrikut 2011 ishin zhvillim në miniaturë që skanuan gjendjen aktuale të procesit të shtetndërtimit të Kosovës si në planin e brendshëm, ashtu edhe në atë të jashtëm, ndërkombëtar. Zbatimi i parimit të reciprocitetit ndaj produkteve të Serbisë e rishpalosi edhe njëherë pozicionin politik të Kosovës që nga çlirimi saj, me gjendjen e krijuar dhunshëm e çnatyrshëm në pjesën e saj veriore.

Ecuria e shtetkrijimit

Edhe njëherë doli në pah pozicioni i vështirë i Kosovës, në rrugën drejt realizimit të plotë të shtetësisë. Por, pikërisht këtu qëndron epika, pesha e rëndë dhe madhështia e shtetkrijmit, që duhet kaluar nëpër një proces me faza të vështira, nëpër procedura sfiduese, që mund të përfshihen në një fjalë konceptuale mjaft sintetike dhe kuptimplote të shqipes – ecuri e shtetkrijimit. Pra, procesi i të ecurit përpara, i tërësisë së të ecurit me hapa të njëpasnjëshëm, të sigurt, të qëndrueshëm dhe të ngulitshëm si një realitet i krijuar, i përfunduar dhe i përmbyllur për së mbari.


Të zbatosh masa reciprociteti ndaj një shteti fqinj aspak miqësor, në kohën kur ende je në procesin e konsolidimit të pavarësisë së shpallur nuk është e lehtë. Por, pavarësisht vështirësive me 25 korrik Kosova dha shenjën e duhur, veprimin e një organizmi të gjallë që vë në lëvizje gjymtyrë dhe muskuj për të mbrojtur vetekzistencën, për të mbrojtur shëndetin, për të rritur imunitetin.


Nuk është e lehtë për Kosovën të reagojë në përputhje të plotë me interesat e saj nacionale kur ende ajo është shtet i pavarur për vendet më të fuqishme të botës, por nuk është shtet për Organizatën e Kombeve të Bashkuara, kur individualisht është shtet i njohur nga vendet e Pesëshes së madhe evropiane, por nuk është e pranuar si shtet nga Bashkimi Evropian, nga OSBE-ja, NATO-ja etj.


Por, përkundër kësaj, përkundër faktit se Serbia është pjesë e OKB-së, përkundër faktit se ende Kosova ka një mbikëqyrje ndërkombëtare, Kosova ka ndjeshmërinë e reagimit edhe në këtë identitet të shumëfishtë, të mangët apo të kontestuar nga jashtë. Me veprimin e 25 korrikut Kosova tregoi se përkundër kapaciteteve të brendshme të saj dhe përkundër qëndrimit të institucioneve ndërkombëtare (BE, ICO, EULEX) është e gatshme dhe e ndjeshme ndaj interesit të saj për të treguar se është shtet i pavarur, demokratik dhe sovran, e denjë për të qenë pjesë e organizatave ndërkombëtare.

Fytyra humane e shtetit

Veprimi i 25 korrikut është tregues i saktë i faktit se Kosova është e vendosur në ecurinë e saj drejt ushtrimit të shtetësisë së plotë, ashtu si përkon me natyrën e një shteti të pavarur me synim krejt legjitim që bazohet në të gjitha dokumentet kombëtare, Kushtetutën si ligj suprem dhe ato dhe ndërkombëtare (Grupi Kontaktit, Dokumenti i Ahtisarit etj.) që pranojnë, konfirmojnë dhe garantojnë tërësinë e saj territoriale.
Veprimet e Qeverisës së Kosovës treguan më së miri natyrën demokratike dhe humane, përgjegjësinë politike dhe përkushtimin kushtetues. Veprimet e Qeverisë nuk u drejtua kundër askujt, por ekskluzivisht ishin në mbrojtje të interesave kushtetuese të vendit.


Ruajtja e racionalitetit nga ana e Qeverisë së Kosovës, apeli për ruajtjen e qetësisë dhe mosrënien në nivel të provokimeve të turmave serbe të manipuluara në veri, ishin shenja të qarta të dominimit të arsyes mbi revanshin, të kulturës mbi vulgaritetin, të paqes mbi zjarrvënien. Rënia e policit të njësisë speciale Enver Zymberi në krye të detyrës u bë simbol i sakrificës për vënien e kushtetueshmërisë në të gjithë territorin e Kosovës, duke prodhuar solidaritetin dhe unitetin që e krijon flijimi për ideale të larta. Në këtë kontekst, të vlerave pozitive dhe afirmative, duhet veçuar figura e ushtarit të KFOR-it, i cili gjithmonë, në të gjitha fazat e zhvillimeve në vendin tonë, që nga hyrja e këtij misioni ushtarak në Kosovës, ka gëzuar një respekt të veçantë në mesin e popullatës sonë. Bashkëpunimi me policinë kufitare dhe doganierët e Kosovës është shprehje e dinjitetit, forcës, guximit dhe lartësisë së misionit që ushtron ky trup ushtarak, që për ironi nga një drejtuese e një emision në RTK u përpoq padrejtësisht dhe me cinizëm të zhvlerësohet në misionin e “taksisë” (fale o zot, se ka nga mendjekufizueshmëria.)

Kundërshteti

Ngjarjet pas 25 korrikut kanë krijuar një disponim politik të brendshëm pozitiv, ku veprimi në mbrojtje të interesave të vendit amortizon kundërshtimet automatike të opozitës. Votimi i Rezolutës në Kuvend tregon se këso ngjarjesh prodhojnë një koncensus, qoftë edhe me një unanimitet formal.

Opozita, veçanërisht pjesa e saj “luftarake”, ajo që e ka për turp të jap deklarata para flamurit të Kosovës, por afrohet qoftë edhe te shoprta e bërllogut (Paramendojeni nëse një deputet francez thotë se nuk jap deklaratë për media para flamurit kombëtar francez, se nuk e njeh për flamur shteti) është duke akumuluar të dhëna empirike, vëzhgon dhe kujdestaron mbi drejtimin e këtij veprimi politik. Ajo është e mbërthyer dhe duarlidhur, sepse prej 25 korrikut asnjë produkt dhe kamion serb nuk ka hyrë në Kosovë përmes portës 31 dhe 1. Ajo nuk mund të kapet, si në një argument shpëtimtar, as në tërheqjen e njësisë speciale të Kosovës, përderisa KFOR-i është duke qëndruar në kufi dhe nuk ka thyerje të zbatimit të parimit të reciprocitetit të produkteve serbe.
Pavarësisht se si po rrjedhin gjërat deri më tash, moshyrja e kamionëve serb në Kosovë vazhdon të jetë rezultati numër një i veprimit të 25 korrikut. Veprimet e turmave serbe dhe barrikadat më shumë se institucionet e Kosovës dhe ato ndërkombëtare, janë pasqyrë turpi e fytyrës së strukturave parapolitike dhe paramilitare të shtetit serb.


Edhe dora e atij tipi të analistëve dhe publicitstve të Kosovës që mjetet e tyre të informacionit, komentet dhe kolumnet e tyre i kanë kthyer jo në tekste analitike, kritike, vlerësuese dhe opinionbërëse, por në helm, vrer, sharje, fyerje, mbjellje të urrejtjes, në aktaakuzë dhe linçim publik, janë në heshtje momentale. Kjo dorë e opinionbërësve në mediumet e tyre elektronike, të shkruara dhe televizive me një pjesë të opozitës mjerisht janë të gatshëm që pa asnjë skrupull dhe barrierë morale ta shkatërrojnë shtetin e Kosovës, vetëm për faktin që sovrani nuk ua dha besimin e duhur që ta qeverisin këtë popull, këtë shoqëri dhe këtë shtet.



Pa dashur për të bërë apel për veprime vulgare, akti i djegjes së produkteve serbe nga disa qytetarë të Ferizajt kishte simbolikën e qëlluar. Ka ardhur koha e rezistencës së ndërgjegjës. Ka ardhur koha e reciprocitetit. Nëse shteti i Serbisë ka fanatizmin ekstrem dhe nuk pranon asgjë me firmën “Made in Kosova”, përse ne të konsumojmë dhe blejmë produkte serbe. Më e fortë se çdo barrikadë, më i fortë se çdo zjarr e shkrumb është vetëdija e mosblerjes dhe moskonsumimit të produkteve të një shteti që asnjëherë nuk rresht qëndrimin armiqësor ndaj Kosovës. Madje as edhe në atë periudhë kur ka hyrë edhe në bisedime për çështje teknike.

Autori është publicist dhe këshilltar politik i kryeminsitrit Thaçi

[Guri i madh]

WikiLeaks: Thaçi i ‘frikohej’ Limajt, opozita e dështuar

Ish-ambasadorja Kaidanow i bën “horë” partitë politike
Në dokumentet e fundit sekrete të Departamentit të Shtetit të botuara nga WikiLeaks, ku është përfshirë edhe Kosova, tregohet për një politikë më ndryshe, nga ajo që jemi mësuar ta shohim. Aty thuhet se Hashim Thaçi nuk i donte listat e hapura në zgjedhje, pasi që “frikësohej” se nënkryetari i PDK-së, Fatmir Limaj, do të dilte më i votuar se ai. Kurse Hajredin Kuçi kërkonte zëvendësimin e disa deputetëve të PDK-së që kishin merita të luftës. Opozita e Kosovës përshkruhet e dobët, e pafuqishme përball Qeverisë së Thaçit dhe reflektojnë karakterin e liderëve të tyre, shkruajnë mediat në Kosovë duke ju referuar portalit WikiLeaks.
Në një raport diplomatik të Ambasadës amerikane në Prishtinë, dërguar Departamentit të Shtetit, në gusht të vitit 2007, shkruhet në detaje për përçarjet brenda partisë së Hashim Thaçit dhe rivalitetin brenda partisë.
Sipas këtij dokumenti, Hashim Thaçi nuk i donte listat e hapura në zgjedhjet që do të mbaheshin në nëntor të atij viti, pasi që “frikësohej” se nënkryetari i PDK-së, Fatmir Limaj, do të dilte më i votuar se ai.
Po ashtu Wikileaks, jep detaje tjera për përçarjet në PDK dhe rivalitetin brenda saj. Në këtë dokument paraqiten bisedat e zyrtarëve të PDK-së me ata të Ambasadës amerikane, përfshirë atë të nënkryetarit të PDK-së, tani zëvendëskryeministrin aktual Hajredin Kuçi.
Ai përshkruhet t’i ketë thënë në atë kohë zyrtarëve të Ambasadës amerikane se PDK-ja do të duhej t’i zëvendësonte disa deputetë, siç ka thënë Kuçi, ata kanë zënë karriget vetëm për shkak të meritave në luftë, siç janë Nait Hasani, Hydajet Hyseni, Xhevat Bislimi.
WikiLeaks ka botuar dokumente sekrete, që flasin edhe për opozitën. Ish-ambasadorja amerikane në Kosovë, Tina Kaidanow në korrik të vitit 2009 i kishte shkruar se partitë opozitare: AAK, LDD e AKR, nuk po i bënin dot ballë Qeverisë së Hashim Thaçit, ku më shumë të angazhuar, e të organizuar e she vetëm AAK-në, që jeton me shpresën për t’u kthyer në pushtet.
“Përkundër shkathtësisë taktike, AAK-së dhe pjesës tjetër të opozitës i mungojnë votat në Kuvend për ta sfiduar koalicionin qeveritar. Prandaj, e frustruar me ambiciet politike në Kuvend, AAK sulmon koalicionin e PDK-së nëpërmjet komunikatave duke e akuzuar për korrupsion, pastaj nëpërmjet mbulimit të orkestruar medial nga gazeta e saj përkrahëse Zëri, dhe nga sfidimi ligjor i vendimeve qeveritare.
AAK po provon që të forcohet nëpërmjet apeleve të maskuara për nacionalizmin shqiptar. Gjithashtu po mban qëndrim provokativ, të pa kompromis ndaj çështjeve të sigurisë dhe sovranitetit, sidomos kur bëhet fjalë për veriun, dhe kjo jep një ton shqetësues shovinist në diskutimin politik në mesin e përpjekjeve për ndërtimin e institucioneve multi-etnike të Kosovës. Përkundër aftësive organizative, AAK pengohet nga e kaluara e saj korruptive dhe rekordi i mjerueshëm i arritjeve në qeverisjen e saj prej vitit 2004 deri më 2007. AAK mbetet alternativa kryesore për shumë kosovarë të shtresës së ultë, por i duhet të punojë shumë për ta përmirësuar vendin e 5 dhe 9%, me të cilin përfundoi në zgjedhjet e 2007”, shkruhet në dokument.
Ndërsa për AKR-në thuhet se është më shumë një hobi maskaradë e një të pasuri sesa një parti politike.
“AKR u krijua në vitin 2006 nga një prej biznesmenëve më të pasur të Kosovës, Behxhet Pacolli, një tajkun dinak që ka një konzorcium ndërtimi me bazë në Zvicër. Ai u pa fillimisht si diletant dhe AKR-së iu dhanë pak shanca për të kaluar pragun zgjedhor për të marrë ulëse në zgjedhjet e 2007-s. Por, AKR u paraqit para votuesve me një mesazh miqësor për biznesin që zgjoi interesimin e bizneseve të vogla. Në javët e fundit të fushatës raportohet se Pacolli investoi në reklama më shumë para sesa të gjitha partitë e tjera bashkë. Partia përfundoi e treta me 13 % dhe me 13 ulëse në Kuvend (tani vetëm me 10).
Pacolli është lider që mungon, që kalon më shumë kohë jashtë Kosovës sesa brenda saj. Në mungesë të tij, AKR udhëhiqet nga dy liderët parlamentarë të saj, Ibrahim Makolli, ish-aktivist për të drejtat e njeriut dhe Ibrahim Gashi, profesor i së drejtës, pa përvojë politike derisa nuk u bë pjesë e AKR-së.
Të dy kanë shumë pak gjëra të përbashkëta me Pacollin, dhe ndërmjet vete. Pacolli, që e udhëton globin në lobim për njohjet e Kosovës, e paraqet veten si burrështetas, dhe jo një politikan i ricikluar. Një refren i zakonshëm në Prishtinë është se kritikat e AKR-së drejt qeverisë rriten në proporcion direkt me atë se sa larg është Pacolli prej Kosovës. Partitë e tjera opozitare e shohin AKR-në si partnerin e heshtur të PDK-së”, thuhet në dokument.
LDD, shkruan se u krijua pas Kuvendit katastrofal zgjedhor të LDK-së në vitin 2006 kur ish-kryetari i Kuvendit dhe një nga zyrtarët në të lartë të LDK-së, Nexhat Daci e humbi garën zgjedhore për partinë me Fatmir Sejdiun.
“Daci, që fitoi reputacion si kryekuvendar i vështirë dhe autoritar, e formoi më 2007 LDD-në me disa mbështetës besnik.
Duke kërkuar vota nga votuesit tradicional të LDK-së që ishin të pakënaqur për koalicionin me AAK-në, ai e dërgoi LDD-në drejt vendit të katërt në zgjedhjet e 2007. Partia, e formuar më shumë nga inati sesa parime të dukshme politike, duket se ekziston vetëm për të penguar estabilishmentin politik në Prishtinë. 10 deputetët e saj, një rreshtim i mbetjeve të patalentuara të LDK-së, janë zakonisht përkrahës të besueshëm, nëse jo të zjarrtë të makinacioneve ditore parlamentare të AAK-së.
Një shembull aktual i cektësisë së kësaj partie mund të shihet edhe në shamatën që po zhvillohet se cila parti do të udhëheqë me Komisionin e ri Parlamentar të Inteligjencës. Komiteti duhet të udhëhiqet nga opozita dhe LDD është e para që mund ta ketë. Por, kandidati ‘më i mirë’, që LDD mundi ta propozojë ishte një deputet bandit, Gani Geci, i njohur për të keq, kur gjuajti karrige në Kuvendin e LDK-së dhe që rrahu me grushta kryetarin e Komisionit për buxhetin në ndërtesën e Kuvendit.
Anëtarët e mundshëm të këtij komisioni nga partitë e tjera refuzojnë ta pranojnë këtë njeri si kryetar dhe e kanë lënë pezull krijimin e komisionit. Kryetari i Grupit Parlamentar të LDD-së, javën e kaluar bëri thirrje për tejkalimin e krizës, dhe ishte e qartë se kishte frikë nga konfrontimi me deputetin e partisë së tij”, shkruan ambasadorja.
Ndërsa komenti i fundit është se tri partitë opozitare reflektojnë karakterin e liderëve të tyre.
“AAK është e organizuar, kalkulative dhe e dalldisur në ambiciet për t’u kthyer në pushtet. AKR, hobi part-time i një biznesmeni të pasur dhe të hutuar, duket më shumë si një OJQ apo grup konsultues sesa parti politike. LDD është një ish-bashkëshort(e) e inatosur dhe e hidhëruar nga prishja e martesës me LDK-në dhe nuk ka vizion apo maturi politike për ta bërë askënd me vete. Të pangjashëm në qëllimet e tyre dhe kolektivisht shumë pak në numër për të sfiduar koalicionin, opozita është e paaftë të ofrojë kontroll efektiv ndaj qeverisjes së PDK-së”, thuhet në dokument.

[Llapi]

per ata qe nuk e kan lexue biografin e Kryeçlirimtarit te Kosoves




Hashim Thaçi Kryeministër
Biografia e kryeministrit Hashim Thaçi

Pas fitores së Partisë Demokratike të Kosovës në zgjedhjet parlamentare të 17 nëntorit 2007, z. Hashim Thaçi u zgjodh Kryeministër i Qeverisë së Kosovës, më 9 janar 2008.

Me 17 shkurt 2008, Kryeministri Hashim Thaçi në Kuvendin e Kosovës shpall Kosovën shtet të pavarur, sovran dhe demokratik.

Z. Hashim Thaçi është kryeministri i parë i Qeverisë së Republikës së Kosovës.

Gjatë procesit negociator (2005 – 2007), të udhëhequr nga i dërguari i Posaçëm i OKB-së, Presidenti Martti Ahtisaari, z. Hashim Thaçi ishte anëtar i Ekipit të Unitetit.

Dokumenti i Ahtisaarit rezultoi me propozimin gjithpërfshirës për pavarësinë e Kosovës.

Gjatë Konferencës Ndërkombëtare për Kosovën, të mbajtur në Rambuje të Francës, (6 – 22 shkurt 1999) z. Hashim Thaçi ishte Kryesues i Delegacionit të Kosovës.

Konferenca përfundoi në Paris më 18 mars 1999, ku pas nënshkrimit të palës shqiptare, iu hap rruga intervenimit ushtarak të NATO-s për Kosovën.

Z. Hashim Thaçi është ndër themeluesit kryesorë të Ushtrisë Çlirimtare të Kosovës (1992).

Gjatë viteve të luftës, ishte drejtues politik i Ushtrisë Çlirimtare të Kosovës.

Që nga marsi i 1999 deri në janar të viti 2000, z. Hashim Thaçi ishte Kryeministër i Qeverisë së Përkohshme të Kosovës (Qeveria e Unitetit).

Në këtë periudhë zhvilloi aktivitet të dendur politik dhe diplomatik në qendrat kryesore botërore, në SHBA dhe Evropën Perëndimore.

Në jetën politike fillimisht angazhohet në Lëvizjen Popullore për Republikën e Kosovës në vitet 1989 – 1993, (LPK).

Ishte lider i Lëvizjes studentore në vitet 1990 – 1993.

Në vitin 1991, z. Hashim Thaçi zgjidhet prorektor student i Universitetit të Prishtinës.

Pas largimit të dhunshëm të studentëve dhe mësimdhënësve nga objektet universitare, punon për ngritjen dhe strukturimin e arsimit universitar.

Në Fakultetin Filozofik të Universitetit të Prishtinës, më 1993, z. Hashim Thaçi, me sukses të lartë i përfundon studimet në Degën e Historisë.

Pas themelimit të UÇK-së, policia serbe dështon në përpjekje për ta burgosur më 1993.

Gjykata serbe e Prishtinës më 1997, z. Hashim Thaçi dhe një grup pjesëtarësh të UÇK-së, në krye me Adem Jasharin, i gjykon në mungesë me shumë vite burg.

Në Universitetin e Cyrihut në Zvicër (1996), i ndjek studimet postdiplomike në lëmin e Historisë së Evropës Juglindore dhe shkencave politike, deri në fillim të vitit 1998.

Gjatë periudhës së qëndrimit të tij në Perëndim, z. Hashim Thaçi shpesh herë kthehet ilegalisht në Kosovë, për t’i forcuar formacionet e UÇK-së në terren.

Pas luftës, si Kryeministër i Qeverisë së Përkohshme të Kosovës, z. Hashim Thaçi udhëhoqi negociatat me faktorin ndërkombëtar dhe është nënshkrues i Marrëveshjes për transformimin e UÇK-së, në Trupat Mbrojtëse të Kosovës (TMK).

Me fillimin e punës së Këshillit të Përkohshëm Administrativ (KPA), si strukturë e përbashkët qeverisëse me misionin e OKB-së në Kosovë (UNMIK), ishte anëtar i këtij Këshilli prej janarit 2000, deri në zgjedhjet e para parlamentare 2001.

Në tetor të vitit 1999 e themeloi Partinë e Progresit Demokratik të Kosovës (PPDK), ndërsa në Kuvendin e Parë Zgjedhor (2000), z. Hashim Thaçi zgjidhet kryetar i Partisë Demokratike të Kosovës, (PDK).

Z. Hashim Thaçi u rizgjodh kryetar i PDK-së edhe në Kuvendin e Dytë (2002) dhe të Tretë Zgjedhor (2005).

Në tri legjislatura të Kuvendit të Kosovës është zgjedhur deputet.

Është lider politik me numër më të madh të votave në zgjedhjet e fundit parlamentare në Kosovë.

Prej vitit 1999, z. Hashim Thaçi ka afirmuar dhe mbrojtur çështjen e Kosovës me shumë ligjërata dhe fjalime, në dhjetëra universitete dhe institute prestigjioze të vendeve Perëndimore.

Në shtypin vendor, rajonal dhe atë ndërkombëtar ka botuar shkrime dhe artikuj të shumtë.

Flet gjuhën angleze dhe atë gjermane.

Është i lindur më 24 prill 1968 në Burojë të Skënderajt.

Jeton në Prishtinë, me gruan Lumnijen dhe djalin, Endritin.