Lajme nga Mjekesia

[Zero Cool]

Pse është birra e mirë?


Hulumtimet shkencore kanë treguar se birra është e pasur me materie të vlefshme që kanë veprim të mirë për organizmin, por me kusht që të mos teprohet.


Birra përmban të gjitha mineralet dhe drithërat nga të cilat përbëhet (më së shpeshti malti i elbit), posaçërisht vitaminën B6, e cila e mbron zemrën dhe enët e gjakut dhe “qetëson nervat”. Pastaj ndihmon në metabolizmin e sheqerit dhe ushqimin e lëkurës. Një shishe birrë në ditë plotëson nevojat e organizmit tonë për vitaminat e grupit B që ka edhe në tharmë buke, gjithashtu përbërës i birrës.
Përmban mineralet: K, Ca, P, Mg, Na, kështu që mund ta pinë edhe ata që mbajnë dietë pa kripë, e posaçërisht është i vlefshëm për të sëmurët nga veshkat me gurë ku bën shpërndarjen e gurëve të vegjël dhe largimin e tyre.

Sipas hulumtuesve francezë, pirja me masë nuk ka probleme as me helikobakter pilorin, që shkakton të thatin në lukth dhe gastritisin. Te meshkujt ndikon në rritjen e kolesterolit të mirë (HDL), kurse te gratë zvogëlon nivelin e kolesterolit të keq (LDL).

Një nga përbërësit e birrës, në përbërës ksantohumol ndikon në inhibimin e enzimave të cilët nxisin kancerin, thonë hulumtuesit e universitetit Oregon. Kjo, dmth se duhet marrë edhe një shishe birrë. Studimet preliminare në universitetin amerikan, thonë se ksantohumol mund të ndikojë në shkatërrimin e tumorit në fazat e para në gji, zorrë të trashë, vezore dhe prostatë.

Birrën preferohet ta pini të ftohtë, në temperaturë prej 6 deri në 12 gradë Celsius.

[Zero Cool]

Mund të jetojmë deri 150 vjeç


Një ilaç që mund të ndalojë plakjen do të jetë i gatshëm brenda kësaj dekade duke rritur mundësinë që njerëzit të jetojnë deri në moshën 150-vjeçare.

Pilulat e “mrekullueshme” që do të ndihmojnë trupin të rigjenerohet janë në proces zhvillimi, sipas profesorit Peter Smith, i universitetit New South Wales, në Australi.

“Mendoj se ka një mundësi të mirë që të zgjasim jetën e njerëzve edhe disa dekada të tjera. Qëllimi nuk është vetëm zgjatja e jetës, por që të jetohet një jetë e shëndetshme. Nuk duam që thjesht të kemi një jetë të gjatë dhe ta kalojmë pleqërinë me sëmundje dhe vuajtje. Pilulat do të ndihmojnë edhe në rigjenerimin e organizmit”, shprehet Smith.

[Naki]

Dhimbja, shpesh sëmundje më vete







Publikuar: 22.10.2011 - 16:45 Koha Net
Dhimbja që nuk ndalet prek rreth 30 për qind të popullatës evropiane, ndërsa tek më shumë se 50 për qind prej tyre janë të nevojshme dy vjet që mjekët ta bëjnë dhimbjen të tolerueshme për pacientët.

Dhimbja kronike më së shpeshti paraqitet pa ndonjë shkak të dukshëm. Nuk është pasojë e sëmundjeve të tjera, dhe për të është karakteristike që mesatarisht mund të zgjasë të paktën tre muaj. Edhe pse çdo i katërti i sëmurë pret madje gjashtë muaj para se të vizitojë mjekun, sepse beson që dhimbja do të kalojë vetvetiu, rekomandohet që sa më parë ta bëjë këtë gjë. Nëse zgjat më shumë se katër javë ose ju pengon që të funksiononi normalisht, gjithsesi kërkoni ndihmë.

Nëse pritni shumë gjatë, dhimbja do t’ju parandalojë të jeni aktiv, çka çon te dobësimi i muskujve dhe shtangimi i nyjave dhe me këtë gjë përkeqëson gjendjen e përgjithshme të organizmit. Dhimbja kronike mund të shkaktojë edhe depresionin dhe madje edhe të zvogëlojë trurin – pacientët të cilët një vit kanë pasur dhimbje shpine kanë humbur prej pesë deri 11 për qind të qelizave trunore, ka treguar një hulumtim amerikan. Por e rëndësishme është që të gjendet mjeku i cili do të kuptojë problemin tuaj dhe do të përgatis strategjinë e mjekimit ose do t’ju drejtojë te specialisti më i mirë.

Rekomandohen edhe ushtrimet sepse shumë hulumtime kaun treguar që aktiviteti fizik zvogëlon të gjitha llojet e dhimbjeve. Me ushtrime lirohen hormonet endorfine, të cilat luftojnë kundër proceseve inflamatore në trup, ngrenë disponimin, por edhe zvogëlojnë dhimbjen.

Por, është shumë e rëndësishme që me ushtrime të filloni ngadalë dhe me kujdes, me këshillimin e domosdoshëm me mjekun. Të mjaftueshme janë disa shëtitje të shkurta në ditë ose notimi në ujë të ngrohtë. Nëse dhimbja ndikon edhe në gjendje psikike dhe ndiheni të pashpresë përveç antidepresivëve, rekomandohet edhe vizita psikologut i cili me terapi biheviorale do të lehtësojë stresin emocional i cili me të madhe përkeqëson dhimbjen kronike.



Pyetjet e duhura çojnë tek shërimi

Hulumtimi i pavarur në internet për trajtimet, ilaçet dhe përvojat e të sëmurëve të tjerë nuk do të sjellin zgjidhjen vetvetiu, por mund t’ju ndihmojnë të keni kontroll më të mirë ndaj gjendjes suaj. Të informuar në këtë mënyrë kur shkoni tek mjeku do të dini të bëni pyetjet e duhura.



Duhet të keni kujdes me ilaçet për dhimbje kronike

Shumica e mjekëve përshkruajnë ilaçet të cilat në fillim nxisin efektin e “e drogimit”, por kjo është vetëm afatshkurtër. Po ashtu, dozat nuk munden të rriten ose zvogëlohen në mënyrë të pavarur apo paushall, ndërsa gjithsesi tregojini mjekut nëse pini alkool dhe sa shpesh.



Më i miri është kombinimi i disa metodave të mjekimit



Operimet do duhej të jenë opsioni i fundit për largimin e dhimbjes kronike, thotë dr. Tim Carey nga Univesiteti në Kaliforni Veriore. Më së miri është të kombinohen ilaçet, psikoterapia dhe ushtrimet e rregullta, pajtohen mjekët.

[Zero Cool]

Gjaku i prodhuar nga orizi i modifikuar gjenetikisht


Rezervat me gjak neper spitale shpesh mungojne vecanerisht kur ne nje zone ndodhin fatkeqesi te medha. Per momentin spitalet mbeshteten ne dhuruesit vullnetare, por ne te ardhmen ky problem i madh mund te zgjidhet permes orizit.

Telegraphi britanik ka raportuar per suksesin e shkencetareve kineze te cilet nga kokrra e orizit te modifikuar gjenetikisht kane arritur te prodhojne perberesin kyc te gjakut te njeriut.

Fjala eshte per proteinat e plazmes se gjakut, albuminat, qe do te duhej te mundesojne prodhimin e gjakut artificial dhe keshtu te ofrojne alternative te sigurt per dhurimin vullnetar te gjakut.

Me rritjen e orizit te modifikuar gjenetikisht ne fusha mund te prodhohen sasi me te medha te proteinave te cilat kane rol thelbesor ne transferimin e hormoneve dhe mineraleve, pastrimin e gjakut nga materiet e demshme dhe rregullimin e tensionit te gjakut.

"Albuminat nga orizi jane identike me gjakun njerezor, ndersa testimet ne minj kane treguar qe nuk kane efekte anesore te padeshiruara”, ka deklaruar dr. Daichang Yang, shkencetar i cili ka udhehequr hulumtimin. Ai ka shtuar qe prodhimi i albuminave nga orizi jep shprese edhe per krijimin e proteinave te tjera si hemoglobina dhe imunoglobulina.

[Naki]

Përse na hapet goja?


Sipas një studimi të ri, nuk ka lidhje as përgjumja dhe as lodhja: hapja e gojës ndihmon trurin që të “ftohet” për të punuar më mirë
“Hapja e gojës na ndihmon të mbajmë mendjen të freskët”, ky është pak a shumë kuptimi i saj. Kjo gjë është konfirmuar nga një studim i ri, rezultatet e të cilit mund të ngjallin shumë interes për ata që vuajnë nga pagjumësia, migrena, e madje epilepsia. Studiuesit janë përpjekur të formulojnë hipoteza nga më të ndryshmet për t’ju përgjigjur pyetjes se përse na hapet goja, që nga lodhja ose mungesa e oksigjenit, por deri tani asnjëra prej këtyre nuk është e saktë.
“Çuam njeriun në hënë, por ende nuk e kemi kuptuar funksionin që ka hapja e gojës”, - thotë bashkautori i studimit, Gary Hack, nga universiteti i Merilendit, Baltimora. Sipas Hack dhe autorit tjetër të studimit, Andrew Gallup, nga Universiteti i Prinstonit, hapja e gojës lejon muret e sinuseve maksilare të zgjerohen, duke futur kështu më shumë ajër në tru, e si pasojë duke ulur temperaturën. Sinusi maksilar është më i madhi nga katër sinuset paranazale, kavitete të vendosura në brendësi të zgavrës së kafkës, që marrin emrin nga kockat brenda të cilës janë vendosur: sfenoidale, frontale, etmoidale dhe maksilare.
“Truri i njeriut, që funksionon njësoj si një kompjuter, është jashtëzakonisht i ndjeshëm ndaj temperaturës dhe duhet të qëndrojë i qetë në mënyrë të punojë më me efektivitet”, - shpjegon Hack, që së bashku me Gallup e ka publikuar studimin në revistën “Medical Hypotheses”.
Vëzhgime dhe eksperimente

Në vitin 2002, gjatë autopsisë së një kufome, Hack vuri re se muri i poshtëm i sinusit maksilar ishte shumë më i hollë, e si pasojë më i thyeshëm, në krahasim me ato që përshkruheshin në shumë shkrime të mjekësisë. Në atë moment studiuesi hodhi një hipotezë: kur mandibula lëvizte (nofulla e poshtme), muret e sinusit përthyheshin, duke u ajrosur. Në vazhdim, Hack iu rikthye studimit të profesor Gallup-it, i cili në vitin 2007 e kishte hedhur i pari hipotezën e hapjes së gojës si një sistem për ftohjen e trurit dhe se që nga ajo kohë ka kryer një sërë eksperimentesh, si tek kafshët (disa prej të cilëve u hapet goja), ashtu edhe te njerëzit. Për shembull, profesor Gallup-i vendosi disa sonda në trurin e disa minjve, duke regjistruar ndryshimet e temperaturës para, gjatë dhe pasi kafshëve u ishte hapur goja. Nga ky eksperiment ai zbuloi se temperatura cerebrale ngrihej pak para hapjes së gojës, pastaj fillonte të zbriste për t’u rikthyer sërish në temperaturën e para hapjes së gojës.
“Kjo gjë tregon se hapja e gojës nxitet nga një rritje e temperaturës cerebrale dhe që favorin ftohjen e trurit”, - thotë Gallup. Gjithashtu, profesori ka ekzaminuar edhe dy zonja të cilat vuanin nga hapjet e shpeshta të gojës, duke u regjistruar ndryshimet e temperaturës së trupit. Të dhënat e mbledhura kanë konfirmuar rezultatet e marra nga kaviet. “Pavarësisht kësaj, duhet të veprojmë me kujdes, të mos rrëmbehemi nga emocionet, sepse deri tani studimi është realizuar vetëm te dy subjekte njerëzore”, - shpjegon studiuesi.
Në fakt, edhe Hack ka parashikuar që teoria e tyre të përqafohet me një skepticizëm të madh: “Vazhdojmë të lëvizim në një hapësirë ende të paeksploruar mirë”. Në përgjithësi, të kuptosh funksionin e hapjes së gojës mund të jetë një mjet tepër i vlefshëm për të diagnostikuar një sërë patologjish mjekësore, si epilepsia dhe migrena, që kur shfaqen, paraprihen nga një hapje goje e tepërt, shpjegojnë studiuesit.
Legjenda e oksigjenit në tru

Bindja më popullore e hapjes së gojës ishte kjo: që oksigjenohet truri. Por, nuk është aspak e saktë (i pari që e teorizoi ishte Hipokrati, në vitin 390 para Krishtit, i ndjekur nga shkencëtarë të tjerë, por që kjo bindje u hodh poshtë më vonë nga disa studiues amerikanë). “Mund të bëjmë shumë zbulime, por është pothuajse e pamundur të shpjegosh një gjest kaq banal”, - ka thënë Uolter Seuntjens, akademik holandez, babai i “chasmology”, ndër të parët që teorizoi hapjen e gojës erotike (sipas tij, hapja e gojës mund të tregojë edhe një dëshirë për t’u lidhur). Jo rastësisht, një numër i madh çiftesh u drejtohen seksologëve për një shpjegim më të hollësishëm për faktin se u hapet goja gjatë bisedave paraprake ose gjatë vetë aktit seksual. Pa dyshim, ky mund të jetë një problem për dy persona që janë bashkë, por mund të shpjegohet edhe me natyrën ngjitëse të gjestit: nëse sheh një person para teje që i hapet goja, me shumë gjasa edhe ti do të bësh të njëjtën gjë”.
Por përveç dëshirës fizike, edhe ankthi mund t’ju nxisë që të hapni gojën, siç ka konfirmuar Walusinski. “Zakonisht ata që hidhen për herë të parë me parashutë, gjithmonë para hedhjes u hapet goja dhe teoria ime është se, ky akt ka në fakt një efekt kompensimi: kur je i stresuar, të qetëson, ndërsa kur je i lodhur, të stimulon”.

marrë nga Bota Sot

[Naki]

Shqisa e gjashtë


10-12-2011 zëri info



Bie telefoni dhe kemi ndjesinë se e dimë kush po e merr, shohim në ëndërr një aksident dhe ai ndodh një ditë më pas, jemi në një situatë dhe kemi ndjesinë se e kemi jetuar më parë... këto dhe shumë përvoja të tjera "misterioze" i përjetojmë në jetën tonë të përditshme...
Shikimi, dëgjimi, prekja, shija dhe nuhatja, janë shqisat që i njohim mirë por pikëpyetjet e mëdha dalin kur flitet për një shqisë të gjashtë, të cilën disa mohojnë ta kenë, të tjerë thonë se e zotërojnë e të tjerë e cilësojnë si legjendë.
Nëse është e vërtete që ekziston, ku ndodhet, a mund të zhvillohet, këto dhe shumë pyetje të tjera kanë tashmë një përgjigje. Shqisa e gjashtë ndodhet në një pjesë të trurit që na ndihmon në zgjidhjet e rëndësishme duke gjetur një rrugë të ndërmjetme ndërmjet arsyes dhe ndjenjës.
Shqisa e 6 –të ekziston dhe ndodhet në tru midis dy hemisferave. Kjo pjesë e trurit është si një sistem alarmi që na paralajmëron kur do të ndodhe diçka. Gjithçka funksionon si një qark që na jep informacione në mënyre të tillë që ne të arrijmë të mendojmë dhe të veprojmë në varësi të situatës.
Ky zbulim është bërë dy vjet më parë nga dy shkencëtarë të Washington University në St. Louis. Mendohet se intuita ka lidhje me një transmetim të saktë dhe të shpejtë të informacioneve që japin shqisat.
Logjika ndodhet në hemisferën e majtë të trurit të njeriut ndërsa në të djathtën impulset dhe ndjenjat. Intuita është një proces që ka nevojë për një proces neutral në të dyja këto pjesë.

[e-uritura]

Dy gota alkol ne dite i bejne mire femrave per te luftuar semundjet



Është kryer një studim dhe qenkësh arritur në përfundimin nga kërkuesit shkencorë se një ose dy gota pije alkoolike në ditë, tek moshat e mesme, mund t’i ndihmojnë gratë të gëzojnë një pension të lumtur dhe të shëndetshëm.
Gratë e moshës 50-vjeçare, të cilat kanë pirë rregullisht në vaktin e darkës një gotë verë, kanë më shumë gjasa të jenë të lira nga rreziqet e sëmundjeve, duke filluar që nga sëmundja e kancerit të zemrës.
Studimi ka dalë në përfundimin se mendjet e tyre janë më të mprehta, trupat e tyre janë më të shëndetshëm dhe konsistojnë të jenë në një gjendje të mirë mendore.
Ekspertët amerikanë të studimit, sqaruan se studimi nuk duhet të përdoret për të justifikuar “asgjë përtej niveleve tepër modeste të alkoolit”.
Ata thanë se gjendja e mirë shëndetësore mund të jetë për shkak të faktorëve të tjerë, të tillë si mbajtja e një diete të shëndetshme dhe ushtrimi i veprimtarive fizike.
Ata gjithashtu vunë në dukje se alkooli mund të shkaktojë edhe çështje problematike në pleqëri.
Studiuesit në Universitetin Harvard, morën informacion se si 120.000 infermiere femra, pinin në moshën e mesme, duke krahasuar të dhënat me shëndetin e tyre në moshën 70 vjeçare.
Pothuajse 11 për qind e atyre që jetonin deri në moshën 70 vjeçare, kishin pasur fatin të kalojnë “një moshë me sukses”, domethënë ata i kishin mbijetuar pothuajse 11 sëmundjeve duke përfshirë infarktet dhe sëmundjen e diabetit.
Raportet e Mjekësisë tregojnë se, ata që pinin rregullisht sasi të alkoolit, gjatë moshës së mesme, kanë më shumë të ngjarë të jenë pjesë e këtij grupi.
Pirja e 15 deri 30 gramë alkool në një ditë, rrisin mirëqenien e shëndetit në vitet pasardhëse me 28 për qind, duke përfshirë verën dhe pije alkoolike të dobishme.
Por për shkak të shqetësimit se alkooli rrit shanset e kancerit të gjirit, studiuesit rekomandojnë që gratë të konsumojnë 15 gramë alkool në ditë.
Kjo sasi është e barabartë me rreth dy gota verë në ditë, duke rritur kështu shanset e një moshe të shëndetshme me gati 20 për qind.
Ky studim u publikua nga Departamenti i Shëndetit në Britaninë e Madhe.
Por, për personat, të cilët nuk e konsumojnë alkoolin, nuk do të rekomandohet kurrë që të nisin konsumin e tij.
Shumë njerëz mund ta gjejnë të vështirë të kontrollojnë futjen e alkoolit në jetën e tyre, prandaj nuk duhet ta trajtojnë këtë studim si një anë pozitive të shëndetit, në mënyrë të tejkaluar.

[Zero Cool]

Izmir,Turqi 21 dhjetor


Në një studim që është bërë në Universitetin e Egjeut, në Izmir, u zhvillua një metodë e re që përshpejton përcaktimin e qelizave kanceroze me ndihmën e nano-grimcave prej ari, bën të ditur TRT.

Së shpejti do të kemi bijo-agjentë që do të sigurojnë një diagnostikim më të hershëm të sëmundjes së kancerit.

Punimi shkencor jep shpresa për diagnostikimin dhe kurimin e sëmundjes së kancerit dhe ka marrë çmim stimulues nga TUBITAK, që është Agjencia Turke për Studime dhe Kërkime Shkencore.

A mund të zbulohet kanceri më shpejt se sa sëmundja të ndryshojë jetën e përditshme dhe shprehitë e pacientëve?

Punimet shkencore që bëhen sot në lidhje me kancerin po përparojnë në këtë drejtim.

Një prej këtyre punimeve është edhe studimi shkencor që zhvillohet në degën e biokimisë të Fakultetetit të Shkencave Natyrore në Universitetin e Egjeut në Izmir të Turqisë.

Profesoresha Suna Timur nga Fakulteti i Shkencave Natyrore të Universitetit të Egjeut, tha se studimi ka për qëllim të zhvillojë e përsorë sisteme të cilat do të punojnë me radioaktivitet më të ulët dhe do të shkaktojnë më pak dëme tek qelizat e shëndosha të pacientit.

Timur thotë se për diagonstimikimin e kancerit gjatë studimit kanë përdorur biomolekuala të posaçme, si struktura polimerike dhe grimca prej ari, të cilat mund të laujnë rolin e qelizave bartëse. Madje ato mund të jenë të përshtatshme edhe me qelizat bio dhe nuk i dëmtojnë qelizat e shëndosha.

Agjencia turke për studimet dhe kërkimet shkencore, TUBITAK, pjesëmarrësit në projektin që përshpejton diagnostimin e qelizave kancezore i ndihmoi duke u dhënë atyre Çmimin Stimulues.

[emine]

Ejakulimi mbron nga kanceri i prostatës.
Sipas rezultateve të fundit të publikuara, të bazuara në disa studime amerikane, marrëdhëniet e shpeshta seksuale apo masturbimi (ejakulimi), mund të jenë preventivë mbrojtëse e meshkujve nga kanceri i prostatës.
Hulumtimi i cili ka zgjatur për më shumë se 8 vjet dhe i cili ka përfshirë më tepër se
30.000 meshkuj, tregon se ata të cilët ejakulojnë më shumë, janë më pak të rrezikuar nga kanceri i prostatës. Në grupin e të anketuarve me numër të shpeshtë të ejakulimit (rreth 21 herë në muaj), rreziku nga shfaqja e kancerit të prostatës është vërejtur të jetë ulur për rreth 1/3 në raport me meshkujt të cilët ejakulojnë vetëm 7 herë në muaj.
Dr. Michael Leitzman dhe bashkëpunëtorët nga instituti nacional i shëndetësisë në SHBA, me këtë hulumtim praktikisht kanë hedhur poshtë teorinë disavjeçare sipas
të cilës ejakulimi i shpeshtë, rrit rrezikun e shfaqjes së kancerit të prostatës.
Megjithatë, duhet kohë e gjatë deri te vërtetimi i plotë i këtij hulumtimi dhe zbulimi, thotë Dr Graham Giles, udhëheqës i Institutit simotër të Australisë, i cili ka mbikëqyrë 1500 meshkuj të diagnostikuar me kancer të prostatës. /Telegrafi/

[emine]

Frikohet se do t’i shperthejne gjinjte

Kohë më parë është zbuluar e dhëna se rreth 40 mijë femra në Britani të Madhe, kanë të vendosura implante PIP, të cilat konsiderohen të dëmshme.

Bodibilderja Jodie Marsh, shpreson se nuk është në mesin e tyre, pasi nuk dëshiron të futet sërish nën briskun e kirurgut. Jodie 32-vjeçe nuk është e sigurt nëse implanet që i ka të vendosura në gjoksin e saj, janë punuar nga xheli i silikonit toksik të kompanisë franceze “PIP”, kështu që do të paraqitet në spital për të parë se çfarë i kanë vendosur kirurgët.
“Jam e zemëruar sepse një operacion i tillë i vështirë, bëhet me materiale të dobëta, ndërsa këtë pacientet as që e dinë. Na i marrin paratë, ndërsa fare nuk brengosen për ne”, është shprehur Jodie, duke shtuar se pacientet nuk pyesin shumë në lidhje me implantet gjatë operacionit, sepse u besojnë mjekëve të tyre.
“I dua gjinjtë e mi, por vërtetë nuk mund të paramendojë se duhet të futem sërish në operacion. Por i frikohem edhe shpërthimit të gjinjve të mi, pasi silikoni në fjalë mund të shpërthejë. Shpresoj se nuk kam implante silikoni të kualitetit të dobët”, ka shtuar Jodit

[emine]

Femra me dy vagina

Anglezja 27-vjeçare Hazel Jones ka treguar në ITV, një nga televizionet më të ndjekur në Britani, situatën e saj fizike, që sipas mjekëve, haset një herë në 1 milionë raste.

Gruaja nuk ka qenë aspak në siklet kur tregoi për veçorinë e saj: “Kam dy vagina dhe dy mitra. Sapo e zbulova ua thashë të gjithëve! Eshtë fantastike ... Nëse ndonjë është skeptik, mund ta verifikojë. Nuk kam kompleks ta dëshmoj për të gjithë këtë gjë të rrallë, që më bën të ndryshme nga të tjerët”.

Ky tipar i pazakontë i Hazel, ka mbetur i fshehur deri në pubertet, kur ciklet e para menstruale ishin shumë më të dhimbshëm se ato të bashkëmoshatareve dhe asaj i rridhte shumë gjak, nga të dyja vaginat.

Në moshën 18-vjeçare, vajza u bë e vetëdijshme për situatën, kur i dashuri i saj i parë i tha, se ishte ndryshe nga vajzat që kishte pasur përpara saj.

Kështu, jeta e saj seksuale nuk mund të mos ishte ndryshe nga ajo e femrave të tjerë: “E kam humbur virgjërinë dy herë, nga momenti që kisha dy membrana”, ka shpjeguar Hazel pa u vënë në siklet para telekamerave, duke shtuar edhe se ka refuzuar disa herë ndërhyrjen kirurgjikale.

Vajza është e vetëdijshme se në këto kushte, lindja e fëmijëve mund të rezultojë shumë e rrezikshme. Ajo tregon se është këshilluar nga mjekët, që kur të mbetet shtatzënë të ketë kujdes me marrëdhëniet, pasi mund të mbetet sërish shtatzënë dhe të krijojë probleme të pariparueshme.

[emine]

Nena humbet shikimin per dy vajzat !



Shume prinder thone se i kane femijet si driten e syve por ne SHBA nje mama e ka sakrifikuar edhe driten e syve per te shpetuar dy vajzat e saj.
Prej dy vjetesh ajo nuk shikon fare dhe ka hequr dore nga trajtimi i semundjes per te kuruar te bijat, te cilat vuajne nga e njejta semundje.
Pasi nderpreu kurimin, ajo nuk arrinte te shikonte as nje fije drite. 48 vjecarja Monique Zimmerman-Stein vuan qe prej lindjes nga sindroma Stickler, nje semundje gjenetike qe demton retinen.
Ne nje interviste per St. Petersburg Times ajo rrefen se ne moshen 16 vjecare humbi shikimin ne syrin e djathte dhe me te majtin arrinte vetem te dallonte se kur ishte dite dhe nate. Dy vajzat e saj trasheguan sindromen e se emes. 10 vjecarja Aliyah shikon shume pak, ndersa 13 vjecarja Dava nuk shikon me nga syri i majte.
Polica e sigurimit mbulon shpenzimet deri ne 80 % por kurimi i te trejave do te ishte i mundur nese do vuanin nga crregullime te lehta. Familja eshte mbytur nga borxhet, 500 mije dollare ne 10 vitet e fundit dhe eshte detyruar te shese gjithe mobiljet. Keshtu, mamaja ka hequr dore nga 380 dollaret mujore per kurim duke ua transferuar te bijave.
E di qe nuk do shikoj me asnjehere por nese kjo do sherbeje per te shpetuar vajzat e mia, mendoj se kam marre vendimin e duhur. Cdo mama do ta bente nje gje te tille, shprehet Monique Zimmerman-Stein.

[emine]

Kollitet dhe... nxjerr tumorin qe kishte ne gryke

Nje britanike vetesherohet duke nxjerre me te kollitur tumorin qe kishte ne gryke.
Claire Osborn, një grua 37 vjeçare, nuk e kishte fare idenë se kishte kancer ne gryke. Kur një dite u kollit pa përveç kollës edhe disa substanca te çuditshme qe kishin dale nga goja e saj. Ne fakt ajo nuk u shqetësua dhe e hodhi shaminë. Te nesërmen, Claire-a ka pasur përsëri kolle dhe ka nxjerre serish mbetje te çuditshme. Kësaj here ajo i mbajti ato ne shami ne mënyrë qe t’ua tregonte mjekeve.

Pas disa analizave, u provua se behej fjale për një tumor kanceroz i cili ishte formuar ne fund te grykës. Sipas mjekeve, kanceri ishte aq agresiv saqë ne trup duhet te kishte te tjera qeliza kanceroze. “U shkatërrova”- ka thënë ajo. “Mendoja se do te vdisja, madje fillova edhe te mendoja për funeralin”. Pas disa ekzaminimeve te tjera u pa se Claire-a e kishte nxjerre te gjithë tumorin dhe tashme gëzonte shëndet te plote.

“Sipas nesh, tumori ishte formuar ne një lloj kërcelli mbrapa grykës dhe ishte e vështirë qe te vihej re. Ky kërcell u këput ndërkohë qe Ckaire-a është kollitur dhe ajo e ka nxjerre jashtë tumorin”- thonë mjeket, sipas te cilëve një rast i tille është i rralle, por jo i pamundur.

[Zero Cool]

Arritjet e mjekesise gjate vitit 2011


Nje Exo-Skelet qe lejon nje te paralizuar te ece perseri; nje aparat fotografik qe mat kalorite duke vezhguar dieten e femijes; nje analize gjaku qe i mundeson mjeket te dallojne nje qelize te vetme kanceroze mes miliarda qelizash te shendetshme, keto dhe te tjera jane disa nga perparimet qe shenoi mjekesia gjate vitit 2011. Por viti 2011 filloi me nje nga rreziqet me te medha ndaj shendetit publik, pasojat e termetit dhe cunamit te madh qe goditen nje stacion berthamor ne Japoni.

Ishte mars dhe bota ndiqte me vemendje se si do te perfundonte nje fatkeqesi e ketyre permasave. Japonia perjetoi nje termet masiv me fuqi 9 te shkalles Rihter. Termeti u pasua nga nje cunam shkaterrues qe goditi reaktoret ne centralin berthamor Dai-Ichi ne Fukushima.

Ekspertet ne mbare boten filluan menjehere punen per te vleresuar rrezikun e helmimit nga rrezatimi.
Ne gusht, Agjencia Kombetare japoneze e energjise berthamore raportoi se me shume se 20 mije njerez kishin humbur ose kishin vdekur. Ndersa ne dhjetor qeveria njoftoi se clirimi i radioaktivitetit ishte vene nen kontroll. Kjo shihet si faze kyce perpara shfuqizimit te urdhrit te evakuimit dhe mbylljes se plote te reaktorit berthamor; qe ende mund te marre dekada.
Nderkohe, ndotja mbetet nje rrezik serioz per shendetin, dhe ushqimet jane vazhdimisht duke u kontrolluar per permbajtje radioaktive.

Nga permasat e katastrofes se Japonise tek historia e nje individi qe u trajtua nga nje demtim shkaterruese ne Amerike.
Ne maj te vitit 2011, Dallas Wiens doli ne podium duke tronditur audiencen. Ai ishte njeriu i pare ne SHBA me fytyre plotesisht te transplantuar.
Ne vitin 2008, Dallas u rrezua mbi linjat e tensionit te larte, ndersa po lyente nje kishe. Demtimi ishte i madh, te gjitha tiparet e fytyres iu dogjen. Ai nuk kishte hunde, sy dhe asnje ndjesi nuhatjeje a te prekuri ne fytyren e tij.
Operacioni i transplantimit u financua nga ushtria amerikane, e cila shpreson qe procedura te ngjashme t’i perdore per te ndihmuar ushtaret me plage te renda ne fytyre.

Ne SHBA, ne vitin 2011 beteja kunder kancerit shenoi perparim me zhvillimin e nje analize gjaku aq te ndjeshme sa mjeket jane ne gjendje te dallojne edhe nje qelize te vetme kanceroze mes miliarda qelizash te shendetshme.
Shkencetaret ne Boston thone se kjo analize mund t’i ndihmoje mjeket te vleresojne menyren me te mire te trajtimit per shume lloje te kancerit, vecanerisht te gjirit, prostates, zorres se trashe dhe mushkerive.
4 qendra te medha per kerkime ne fushen e kancerit ne SHBA kane vendosur per te filluar prova duke perdorur analizen eksperimentale.

Mjeke te kirurgjise plastike ne Gjermani. si edhe disa kirurge britanike te dhembeve tani perdorin hipnozen per trajtimin e pacienteve te tyre.
Shoqata franceze e anestezise e pershkruan hipnozen si nje menyre te vlefshme per te plotesuar anestezine tradicionale per te pakesuar ankthin, stresin dhe dhimbjet gjate trajtimeve mjekesore.
Nuk ka shifra se si eshte perdorur hipnoza ne te gjithe Evropen. Instituti francez i Kerkimeve terapeutike e ka perdorur hipnozen ne rreth 50 per qind te te gjitha operacionet ne France, ndersa cdo vit pergatit 500 profesioniste te shendetit per trajtimin e pacienteve nepermjet hipnozes.

Por beteja kunder semundjes nuk zhvillohet gjithmone ne laborator ose ne sallen e operimit. Kjo nene deshiron te siguroje per femijet e saj qe frutat dhe perimeve te perbejne kabinetin natyror te barnave
Perimet jane gjithmone ne listen e pazarit te saj, vecanerisht nje lloj brokoli; quhet Benforte dhe shkencetaret britanike nga Instituti i Kerkimeve te Ushqimit thone se mund ta mbroje njeriun nga semundjet e zemres dhe disa lloje te kancerit.
Shkencetaret thone se Benforte eshte nje lloj brokoli i kultivuar apo hibridizim bimesh te buta e te egra nga Italia. Benforte permban “glucoraphanin” natyral, qe pasi tretet transformohet ne nje substance te quajtur “sulphoraphane”.
Sulforafan parandalon pezmatimet dhe ndalon ndarjen e pakontrolluar qelizore qe ndodh ne fazat e hershme te kancerit.
Shkencetaret thone se nga kjo substance perfiton gjithe trupi, sepse ajo kalon permes mureve te stomakut dhe zorreve, ne gjak. Brokoli Benforte, gjithashtu ndihmon metabolizmin, thone ata.

Kanceri eshte nje nga shkaqet me te medha te vdekjes. Por, mjeket ne te gjithe globin thone se stili i jeteses dhe shprehite e te ngrenit po krijojne nje popullsi te dhjamosur, me te prirur per semundje te zemres dhe diabetit.
Ne SHBA, nje aparat fotografik qe numeron kalorite eshte duke u perdorur mes nxenesve te shkollave si nje nderhyrje e hershme per te ndaluar zhvillimin e zakoneve te keqija te te ngrenit, qe cojne ne mbipeshe.
Perpara se te hahet, nxenesit tregojne dreken para nje aparat fotografik, qe fotografon vetem ushqimet duke llogaritur kalorite qe permbajne.
Cdo tabaka ka nje kod identifikues per cdo nxenes. Kur dreka ka mbaruar dhe tabakaja eshte kthyer ne kuzhine, nje tjeter aparat merr nje pamje te asaj qe ka mbetur pa ngrene, keshtu qe krijohet nje ide e mire se sa kalori ka marre personi. Mbi dy te tretat e te rriturve ne Shtetet e Bashkuara te Amerikes (SHBA) jane mbipeshe dhe nje menyre per te trajtuar mbipeshen eshte per te ushtruar.

Akullorja zakonisht shoqerohet me kenaqesi, por tani shkencetaret thone se ajo mund t’i ndihmoje pacientet me kancer per lehtesimin e disa efekteve anesore te kimioterapise.
Nje lloj akullore me luleshtrydhe eshte zhvilluar duke perdorur nje yndyre te vecante qumeshti dhe kombinim proteinash, qe shkencetaret shpresojne se do te ndihmoje ne zbutjen e disa pasojave te keqija te kimioterapise si, diarreja dhe pakesimi i qelizave te bardha te gjakut.
Shkencetaret thone se veshtiresite me te medha ndeshen me pasterizimin, sepse gjate ketij procesi substanca te qumeshtit c’aktivizohen dhe shkencetareve iu desh te krijonin nje tjeter menyre per prodhimin e kesaj akulloreje. Pacientet thone se pamja dhe perberja eshte pak ndryshe nga akullorja e zakonshme, por njesoj e shijshme.

[Zero Cool]

Tuberkulozi i pashërueshëm në Indi!



(INFOSOT)

Në Indi është shfaqur një version i ri i sëmundjes së tuberkuklozit që për momentin është i pashërueshëm.

12 persona kanë vdekur nga kjo sëmundje deri tash. Organizata Botërore e Shëndetësisë është është alarmuar për këtë lloj të tuberkulozit. Mjekët ndihen të shqetësuar.

"Është një situatë shqetësuese. Sa herë që shfaqet një problem i tillë, është e domodoshme që të gjejmë një zgjidhje përpara se të shndërrohet në një problem botëror”, tha një ekspert i kësaj sëmundjeje mushkërish në OBSH.

Nuk është hera e parë që tuberkulozi rezistent ndaj mjekimeve të njohura është dokumentuar. Disa raste të tjera të lokalizuara u regjistruan në vitin 2003 në Itali dhe Iran.