Bisedimet Prishtinë-Beograd

[Dilaver]

Pse subjektet politike edhe në ketë rast nuk kanë një platformë dhe qendrim të perbashkët në lidhje me bisedimet me Beogradin.

Unë kam pershtypjen se është proces i pashmangshëm dhe nëse ky dialog bojkotohet apo nuk dilet me një qendrim dhe platformë koncensuale, do të jetë një deshtim dhe një humbje e madhe per Kosovën e në veqanti humbja e përkrahjes dhe ndihmës nderkombëtarë per zgjidhjen e statusit final të Kosovës.



Cili është mendimi juaj?

[ODEONI]

Tung shoki i jem



Une me ty po shkruhna ne gjuhen e popullit te cilit i takoj, pra popullit tem qe e flet gegnishten e qe vehtes i thot shiptar i kosoves.



ma se pari nje gjo ta sqaroj ty edhe tanve shiptarve te kosoves por qe do prej jush e keni harru se jeni qasi fare a lloji dmth shiptar te kosoves, por duke i ngu do llafe te nacionalistave te stilit te Emrush Xhemajlit po delni shiptar te asnje vendi, dmth as te kosoves e as te shipnise e as....



Dialogu....



Ngo shoku i jem qka po te thom une dosti, nese na nuk shkojm ne bisedime me shkijet prej neve ka me met veq vendi pa gjin e thmi, ngase sa kam marr vesh une duhet mu perserit cecenija edhe ktu



qikakq e pata me ty e sa per informim plotesues nese mendoni ju shiptaret e unisuem se TMKja ka me ju mbrojt veq po te kallxoj edhe ni gjo shkijet kur e kan marr maliosheven ne ofansiven e 98 tenkat e haubicat e tyne udhes shkojshin me 60 ne ore kesaj rradhe kan me shku 100 neore per me hy ne kosove



selam

[doni]

Shefi i UNMIK-ut Harri Holkeri, duke folur për dialogun mes Prishtinës e Beogradit më 14 tetor në Vjen, tha sot se koha po kalon dhe përgatitjet duhet bërë. Holkeri theksoi se dera është e hapur, ndërkaq bisedimet janë një derë shumë e rëndësishme për ta bërë një ditë të panevojshme praninë e UNMIK-ut në Kosovë. Sipas tij, afati i fundit është 14 tetori, por shtoi se duhet të vazhdojnë përgatitjet dhe diskutimet me miqtë e Kosovës sesi do të veprohet.

Holkeri ka lëshuar edhe një deklaratë në të cilin ka konfirmuar qëndrimin e shefave të zyrave të 'kuintit' në Prishtinë për zgjerimin e kapaciteteve qeverësise të institucioneve vendore. Andaj që nga fillimi i vitit të ardhshëm një gjë e tillë do të ndodhë në fushën e energjetikës dhe të bashkëpunimit ndërkombëtar.

[doni]

Përfaqësuesi i lartë i Bashkimit Evropian për Politikë të Jashtme dhe Siguri, Havier Solana u ka deklaruar gazetarëve se dialogu ndërmjet Prishtinës dhe Beogradit është esencial për Bashkimin Evropian. Ky dialog duhet të nisë në datën që është parashikuar të fillojë, do të thotë më 14 tetor, ka thënë ai.

Bashkimi Evropian as që dëshiron të dëgjojë për mospjesëmarrjen e delegacionit të Kosovës në Vjenë, siç nuk dëshiron të flitet për asnjë zhvendosje date ose për ndryshim në përbërje të delegacioneve, përveç atyre që Hari Holkeri i ka ftuar në bisedimet e 14 tetorit. Ky është qëndrim i prerë i BE-së.

"Nëse në Vjenë marrin pjesë përfaqësuesit më të lartë të BE-së, të NATO-s apo të Grupit atëherë është e natyrshme të presim që më 14 tetor në kryeqendrën austriake të paraqitet edhe niveli më i lartë institucional i Kosovës, apo më mirë të themi presim Presidentin dhe Kryeministrin", thanë zyrtarët e Bashkimit Evropian.

Ndërkaq, një zyrtarë i lartë i BE-së ka thënë se nëse në Vjenë do të jetë bashkësia ndërkombëtare e përfaqësuar në nivelin më të lartë, pra me Havier Solanën, Kristofer Paten e Lordin Robertso, Lari Rosinin e të tjerë, atëherë me siguri nuk mund të pritet që nga Kosova të vijë kryetari i komunës së Graçamnicës.

Por ata kanë shprehur bindjen se përfaqësuesit e institucioneve të Kosovës do të vijnë në Vjenë, pavarësisht nga hezitimet që po dominojnë kohëve të fundit në skenën politike kosovare. Këto burime tërheqin vërejtjen se në rast të dështimit të takimit të Vjenës Kosova do të ketë pasoja shumë serioze.