Shqipëri - zgjedhjet 2013

[Zero Cool]

Kush do të fitoj zgjedhjet në Shqipëri ? Cila parti duhet të fitoj zgjedhjet për të mirën ee popullit brenda kufijve? Cila parti do të ishtë më e mirë për Shqiptarët e Kosovës ? Cila parti duhet të fitonte kështuqë të kenë dobi të gjithë Shqiptarët etnik pa marrë parasysh se ku administrativisht jetojnë ?

[Zero Cool]

Berisha: Nëse humbas do të pranojë rezultatin





Tiranë, 20.06.2013

Kryeministri Berisha për herë të parë në një intervistë për mediat austriake, thotë se nëse do të humbasë do pranojë rezultatin, transmeton Koha.

Njëherësh ai betohet se kurrë nuk do bëjë protesta nëse do të dalë në opozitë. Në lidhje me mundësinë e një koalicioni me Metën pas zgjedhjeve, ai thotë që duhet ta pyesni pas 23 qershorit. Berisha tha se do jetë në krye të PD-së dhe në opozitë.

[Jana]

Sali Berisha .....

[Fshatari]

Postimi origjinal është bërë nga Jana

Sali Berisha .....

... do të pranojë rezultatin !

[murrizi]

Shqipria nuk e pati forcen e ndryshimit te njemende e te zgjidhje Kuqezinjet do ti kishte dhene fund njeher e pergjithmone okupimit serbo-grek.
Mjerisht !

[Jana]

Postimi origjinal është bërë nga Fshatari

... do të pranojë rezultatin !

Tutu ti ...ky asht MBRETI i shqiptaris ....

[Domira]

Postimi origjinal është bërë nga Zero Cool

Kush do të fitoj zgjedhjet në Shqipëri ? Cila parti duhet të fitoj zgjedhjet për të mirën ee popullit brenda kufijve? Cila parti do të ishtë më e mirë për Shqiptarët e Kosovës ? Cila parti duhet të fitonte kështuqë të kenë dobi të gjithë Shqiptarët etnik pa marrë parasysh se ku administrativisht jetojnë ?

Per t'miren e Shqiperise, per t'miren e Kosoves, per t'miren e shqiptarise dhe qe ka shume rendesi per te miren e demokracise, duhet te fitoje Partia Demokratike me Sali Berishen.
Pa Sali Berishen nuk do te kishte as rruge qe bashkoi Kombin, as anetarsim ne NATO, as liberalizim te vizave e as miqesi te Shqiperise me SHBA.
Pa PD dhe Sali Berishen nuk do te kishte as bashkim te Kombit.

PS dhe Edi Rama kane qene perhere kunder te gjitha ketyre vlerave, pa marre parasysh se cfare thone tani sa per fushate zgjedhore.
Edi Rama e ka per detyre qe ta luftoje Sali Berishen me te gjitha format, ne menyre qe ti permbyse te gjitha keto vlera properendimore per te cilat shqiptaret kane punu me shekuj!

[elvio]

Mjerisht s'mundi te luftoje aspak papunesine e varferine Domira,,,,,,,,,,,,,,,,,!

https://fbcdn-sphotos-b-a.akamaihd.n...65830600_n.jpg

Kur flitet me pasion per nje force politike edhe vend per zhgenjimet ne reale s'kane vend!

Si ajo foto ka mijera familje ne Shqiperi,edhes'po flasim per borxhin .

Per zgjedhjet ne Shqiperi nje gje eshte e sakte,se nga ai popull mjeran ,pisat ka per te nxjerre ,nga nje ane serbofilet,edhe nga ana tjeter grekofilet.

[Zero Cool]

Shqiptarët sot pushojnë nga zhurma e politikës, nesër dalin të votojnë





Tiranë, 22.06.2013

Partitë politike në Shqipëri mbrëmë i dhanë fund fushatës zgjedhore për zgjedhjet parlamentare të së dielës. Dita e shtunë është heshtje zgjedhore, ndërsa të dielën shqiptarët do të japin votën e tyre në qendrat e votimit që do të hapen nga ora 7 e mëngjesit.

Partia Demokratike i dha fund fushatës me një miting në sheshin "Nënë Tereza" në Tiranë, ku më pas vijoi një koncert festiv, ndërsa Partia Socialiste mbylli fushatën në Shkodër dhe më pas në Vlorë. Partitë e tjera gjithashtu mbyllën fushatën me mitingje finalizuese dhe takime me qytetarë dhe forma të tjera të fushatës.

Në votimet e 23 qershorit gara kryesore do të zhvillohet midis dy koalicioneve politike, të djathtëve dhe të majtës. Koalicioni i së majtës, i quajtur “Aleanca për Shqipërinë Evropiane”, e udhëhequr nga PS-ja, tubon rreth 40 parti politike, ndërsa koalicioni “Aleanca për Punësim, Mirëqenie dhe Integrim”, i udhëhequr nga PD-ja, tubon 24 parti.

Në garën zgjedhore janë edhe partitë e tjera politike LSI, FRD, Aleanca Kuq e Zi dhe partitë tjera më të vogla. Ndërsa kësaj gare i janë bashkëngjitur edhe deputetë të pavarur, mes tyre Arben Malaj, Nikollë Lesi, Dritan Prifti e të tjerë, të cilët do të garojnë nëpër qarqe të caktuara.

Këto janë zgjedhjet e teta parlamentare që nga demokratizimi dhe fillimi i pluralizmit politik në Shqipëri.

Gjithsej mbi 3.1 milion zgjedhës janë të regjistruar për votimet e 23 qershorit.

Për herë të dytë zbatohet sistemi zgjedhor proporcional-rajonal. Vendi është ndarë në 12 qarqe prej ku do të dalin 140 deputetët e parlamentit të ri.

Përveç vëzhguesve lokalë, rreth 550 vëzhgues ndërkombëtarë nga OSBE-ODIHR, Këshilli i Evropës, Parlamenti Evropian, NATO dhe BE do të ndjekin nga afër zgjedhjet.

Këto zgjedhje konsiderohen si një test i rëndësishëm për demokracinë në Shqipëri dhe integrimet evropiane.

[Domira]

Postimi origjinal është bërë nga elvio

Mjerisht s'mundi te luftoje aspak papunesine e varferine Domira,,,,,,,,,,,,,,,,,!

https://fbcdn-sphotos-b-a.akamaihd.n...65830600_n.jpg

Kur flitet me pasion per nje force politike edhe vend per zhgenjimet ne reale s'kane vend!

Si ajo foto ka mijera familje ne Shqiperi,edhes'po flasim per borxhin .

Per zgjedhjet ne Shqiperi nje gje eshte e sakte,se nga ai popull mjeran ,pisat ka per te nxjerre ,nga nje ane serbofilet,edhe nga ana tjeter grekofilet.

Kush e luftoi deri me sot varferine dhe papunesie ne kete pjese te Evropes i nderuar Elvio?

E kishim ne rrezik qenien kombetare deri vone.
Deri vone nje pjese e mire ne Shqiperi e kishin per nencmim te na pranojne si pjese te shtetit ame. Tani ka ndryshuar rrenjesisht kjo gjendje. Jane vetedijsuar njerezit dhe proceset po shkojne drejt funkcionimit te natyrshem te shqiptareve si nje komb, ne te gjitha sferat e jetes.

Kontributi i Sali Berishes eshte i pakontestueshem ne kete vetedijsim. Dhe kjo ka shume rendesi. Se sa per socialistet (pjeses se madhe te tyre) ndasia ne mes shqiptareve do te thellohej shume dhe kushedi se ku do te ndalej...

Varferi ka shume bile, papunesi gjithashtu por pa shtruarjen e themeleve te shtetit dhe vetedijes
kombetare nuk do te kishte kuptim marrja me ceshtjet tjera edhe pse (ne mos paralelisht), vijne menjihere pas procesve te cilat Sali Berisha i realizoi ashtu si i kam permende me larte (sipas mendimit tim).

Cfare ti bejme Elvio, shekulli per shqiptaret arrijti teper vone. Megjithate me mire vone se kurre!

[Zero Cool]

Nisin keq votimet në Shqipëri, në Laç 1 i vdekur dhe 3 të plagosur






Tiranë, 23.06.2013


(E plotësuar) Diku rreth orës 9 ka ndodhur një incident i rëndë në një qendër votimi në qytetin e Laçit. Nga BalkanWeb raportohet se ka pasur të shtëna armësh në një qendër votimi, ndërsa dyshohet se si pasojë e të shtënave ka mbetur i vdekur një person dhe tre të tjerë janë plagosur.

Policia bën me dije se incidenti ka ndodhur para ambienteve të qendrës së votimit tek gjimnazi ‘At Shtjefen Gjeçovi’.

Sic raporton korrespondenti i BWi disa votues që ndodheshin në radhë, që njiheshin si simpatizantë të PS janë ndaluar të hyjnë në qendrën e votimit nga një grup personash. Në këto momente ka nisur edhe konflikti, i më tej situata ka degjeneruar deri në përdorimin e armëve.

Ndërkaq hetimet kanë nisur për identifikimin dhe kapjen e autorëve. Drejt Laçit janë nisur edhe forcat RENEA.
----

Hapen qendrat e votimit për 3.271.885 votues shqiptarë

Tiranë Zgjedhjet e përgjithshme të 23 qershorit 2013 janë të tetat që zhvillohen në Shqipëri, që nga vendosja e sistemit pluralist politik në vitin 1991. Shqiptarët vendosin me votë për ata që do na qeverisin në 4 vitet e ardhshme. Procesi i votimit ka nisur sot që në orën 7:00, për t’i dhënë popullit të drejtën të vendosë me votë për 140 parlamentarët e rinj. Simbolikisht kryetarja e KQZ-së Lefterie Lleshi ka hapur qendrën e votimit tek Akademia e Arteve, në Tiranë, aty ku edhe ka votuar.

Pritet që rreth 3 milionë e 271 mijë e 885 zgjedhës të ushtrojnë të drejtën për të votuar, bazuar në regjistrin kombëtar elektronik, transmeton BalkanWeb.

Nga këta për herë të parë votojnë 165 mijë zgjedhës të rinj të grupmoshave 18, 19 dhe 20 vjeç . Po ashtu drejt kutive, në të gjithë Shqipërinë do të shkojnë edhe 560 mijë pensioniste nga të cilët 750 zgjedhës konfirmon Ministria e Brendshme nuk janë përfshirë në lista për shkak të moshës mbi 100 vjeç në datën e votimit dhe se të cilët nuk janë paraqitur pranë zyrave të gjendjeve civile. Por ndryshe nga këta, 380 persona të moshës 100-vjeçare të tjerë, të cilëve u ishin bllokuar emrat për shkak të moshës me kërkesë të posacme rifituan të drejtën e votës.

Në orën 7:00 të kësaj të diele hapën 5508 qendra votimi, të cilat, pritet të qendrojnë të hapura deri në orën 19:00, sipas orarit zyrtar. 19 qendra të posaçme votimi janë ngritur dhe në burgje për 5000 të dënuar dhe paraburgosur që zgjedhjet i gjejnë në qeli.

Subjektet politike janë grupuar në dy koalicione: "Aleanca për Punësim, Mirëqenie dhe Integrim", e drejtuar nga Partia Demokratike e kryeministrit Sali Berisha dhe "Aleanca për Shqipërinë Europiane", e drejtuar nga Partia Socialiste, me kryetar Edi Ramën. Qarku i Tiranës do të nxjerrë numrin më të madh të deputetëve 32, ku pritet të votojnë 785 mijë persona kurse ai i Kukësit numrin më të vogël, 4 deputetë, ku pritet të votojnë 77 mijë.

Në këtë proces zgjedhor ka një numër më të lartë të komisioneve në të gjithë piramidën elektorale. Po ashtu, ky është edhe procesi më i vëzhguar nga ndërkombëtarët dhe organizatat në vend. Monitoruesit vendas janë rreth 8 mijë, ndërsa ata të huaj rreth 1 mijë, në përputhje me rëndësinë që procesi elektoral i së dielës është konsideruar nga ndërkombëtarët si tejet të rëndësishëm për integrimin e Shqipërisë në BE.

Policia njofton se ka marrë në ruajtje 5.508 Qendrat e Votimit në të gjithë territorin e vendit dhe se në këtë aksion janë angazhuar 6200 policë.

Komisioni Qendror i Zgjedhjeve printoi në Slloveni rreth 3 milion e 337mijë e 385 fletë votimi, ashtu siç e parashikon kodi, 2% më shumë se numri i zgjedhësve. Kryetarja e këtij komisioni i bëri apel komisionerëve në të gjithë vendin që të bashkëpunojnë. Kosto e këtyre zgjedhjeve është llogaritur nga KQZ rreth 744 milionë lekë. Kësaj vlere iu shtuan dhe rreth 3 milionë euro të tjera që cilat i janë paguar kompanisë spanjolle Indra pavarësisht se dy projektet pilote për numërimin elektronik në Fier dhe identifikimit elektronik të kartave të identitetit në Tiranë dështuan.

Menjëherë pas votimit kryetarja e KQZ-së Lefterie Lleshi i bëri apel të gjithë shqiptarëve t’i drejtohen qendrave të votimit, pasi vota e tyre vlen, sic tha ajo.

“I ftoj shqiptarët të paraqiten të votojnë pasi është përgatitur e gjithë infrastruktura zgjedhore që të votojnë të lirë dhe në fshehtësi. Motoja jonë është: Vota jote vlen, votoni”, tha ajo.

Një apel tjetër kryetarja Lleshi e bëri për të gjithë komisionerët zgjedhorë, të cilët i ftoi të bëjnë detyrën duke iu përmbajtur kodit zgjedhor.

“Komisionerët të kryejnë detyyrën sipas kodit zgjedhor, të jenë jashtë ndikimeve politike’, shtoi ajo.

[Diana007]

Forca Sala forca

[elvio]

Postimi origjinal është bërë nga Diana007

Forca Sala forca

Diana merre seriozisht temen




Fluks i madh pushuesish nga vellezerit kosovare ne doganen e Morines.
-Per se e vizitoni Shqiperine?
-Per pushime!
-Kur i mbaroni ato?
-Sonte!

[Zero Cool]

DEPUTETI I KOSOVËS VOTON NË SHQIPËRI


Deputeti nga radhët e Lidhjes Demokratike të Kosovës, Arben Gashi ka shfrytëzuar dyshtetësinë e tij për të votuar në Shqipëri.

Gashi këtë e ka bërë publike në profilin e tij në Twitter, duke i vlerësuar zgjedhjet në Shqipëri si të qeta deri me tani, përkundër që është vrarë një person dhe janë plagosur tre të tjerë.

“Unë votova, shumë qetë ishte”, ka shkruar Gashi në foton që e ka postuar.

[Zero Cool]

Vijon numërimi i votave, ja rezultatet e orës 11:00


Tiranë, 24.06.2013 11:30

Të dhënat e fundit zyrtare nga Komisioni Qëndror i Zgjedhjeve deri në orën 11:00 flasin për këto rezultate:


TIRANË

Janë numëruar aktualisht 159/1422 kuti votimi ku ASHE ka marrë 29 114 vota, APMI 20 315 vota, AK 616 vota dhe FRD 1230 vota.


KORÇË

Janë numëruar deri tani 134 nga 447 kuti gjithsej ku ASHE ka marrë 20374 vota, APMI 14898 vota, FRD 330 vota.


KUKËS

Janë numëruar 74 nga 169 kuti gjithsej, ku ASHE ka marrë 5822 vota, APMI 10969 vota, dhe 82 vota FRD.


ELBASAN

Janë numëruar 88 kuti nga 540 kuti, ku ASHE ka marrë 11523 vota, APMI 88128 vota, FRD 340 vota.


DURRËS

Janë numëruar deri tani 13 nga 444 kuti gjithsej, ASHE 4592 vota, APMI 4504 vota dhe FRD me 86 vota.


FIER

Janë numëruar deri tani 112/576 kuti gjithsej ASHE 24 349 vota, APMI 12 206 vota, AK 191 vota, FRD 537 kurse 1142 vota kanë shkuar në adresë të kandidatit të pavarur, Dritan Prifti.


LEZHË

Janë numëruar deri tani 69 nga 258 kuti gjithsej ASHE ka marrë 9091 vota, APMI 8285 vota, dhe 83 vota FRD.


BERAT

Janë numëruar deri tani 70/302 kuti ASHE 16023 vota, APMI 6959 vota, FRD 137 vota.


DIBËR

Janë numëruar 53 nga 264 kuti ku ASHE ka marrë 6540 vota, 6071 vota APMI, 323 FRD.


GJIROKASTËR

Janë numëruar 25 nga 237 kuti gjithsej ku ASHE ka marrë 2946 vota, 1274 APMI dhe 22 vota FRD.


SHKODËR

Janë numëruar deri tani 56/417 kuti gjithsej ku ASHE ka marrë 8343 vota, APMI 6008, dhe FRD 207 vota.


VLORË

Janë numëruar 87 nga 432 kuti ku ASHE ka marrë 18 029 vota, APMI 8643 vota. Kandidati i pavarur Arben Malaj ka marrë 668 vota, FRD 372 vota kurse AK, 220 vota.