Lajme Aktuale....

[Neferta]

Dr. vdekja dhe miqet e tijë

kryen 11 operacione në klinikën “Medicus”

Gazeta londineze “TheTimes” botoi të shtunën, më 8 tetor, një shkrim të gjatë me titull “‘Frankenshtajni turk’ i lidhur me gjyqin rrjetit të mjekëve për trafikim organesh”, shkruar nga korrespondenti i kësaj gazete në Romë, James Bone (Xheimz Boun).
Gazetari Bone njoftoi se në një gjykatë të veçantë të Bashkimit Evropian, një person nga Bellorusia, i njohur vetëm me inicialet A.K., si dëshmitar i mbrojtur, ka dëshmuar se atij i është marrë veshka në Kosovë nga një rrjet trafikantësh të organeve njerëzore. “Ky dëshmitar është i pari në radhën e shumë viktimave të pandehura të këtij gjykimi, që kanë vënë hije mbi shtetin e ri në Ballkan” – thotë gazetari, i cili në vijim jep dëshminë e A.K.-së, ku ai pohon se si ka shkuar në Kosovë për ta shitur veshkën në klinikën “Medicus” në periferi të Prishtinës, dhe se pas operimit nuk i është dhënë krejt shuma e premtuar në para.
Artikulli përkujton se ky gjykimi ka filluar në kohën kur BE-ja ka filluar një hetim tjetër të veçantë rreth pandehmave ndaj komandantëve të Ushtrisë Çlirimtare të Kosovës, të udhëhequr nga Hashim Thaçi, tani kryeministër i vendit, për trafikim të organeve njerëzore gjatë kohës së luftës në Kosovë në vitet 1998-99. Duke iu referuar raportit të senatorit zviceran Dick Marty, i cili implikon “figura të shquara në mesin e shqiptarëve nga Kosova, por edhe ndërkombëtarë”, gazetari Bone bën të ditur caktimin e prokurorit John Clint Williamson-it (Xhon Klint Uilliamsonit) për të drejtuar grupin e hetimit rreth këtyre akuzave.
Artikulli në vijim tregon për rrjedhën e rastit “Medicus”, që për herë të parë doli në sipërfaqe kur një djalosh i ri turk u alivanos në aeroportin e Prishtinës. Dëshmia e tij implikoi 6 mjekë kosovarë, duke përfshirë edhe Dr. Lutfi Dervishin, profesor i mjekësisë në Universitetin e Prishtinës, dhe Ilir Rrecajn, asokohe Sekretar Permanent në Ministrinë e Shëndetësisë. Ndërsa i pari akuzohet për operim ilegal, i dyti për dhënien e licencës klinikës ”Medicus”, edhepse transplatimi i organeve është joligjor në Kosovë.
Avokati i Dr. Lutfi Dervishit, Linn Slattengren, ka deklaruar për gazetën “The Times”: “Dr Dervishi akuzohet për kryerje të operacioneve pa licencë. Dr. Rrecaj akuzohet pse ka lëshuar licencë. Është pak si kontradiktore kjo”.
Në këtë rast, pohon gazetari Bone, është i përfshirë edhe i ashtuquajturi “Frankenshtajni turk”, kirurgu Yusuf Sonmez, i cili është akuzuar paralelisht nga autoritetet turke për kryerje të së paku 11 operacioneve në klinikën “Medicus”, së bashku me një ndërmjetësues tjetër izraelit, Moshe Harel, i cili gjykohet në mungesë. Autoritetet thonë se kanë rënë në gjurmë të pagesave në shumë prej 652862 eurosh.
Prokuroria turke ka kërkuar dënim prej 171 vitesh për dr Sonmezin, Hareli-in dhe dy shtetas të tjerë turq, njofton “The Times” i Londrës.
Një dëshmitar i dytë, edhe ky i mbrojtur, do të dëshmojë në një seancë të mbyllur ditën e martë, përkujton gazeta.

[Zero Cool]

Ndërpritet regjistrimi në Maqedoni





9:20 / 11.10.2011

Të gjithë anëtarët e Komisionit Shtetëror për Regjistrimin e Popullsisë, kanë dhënë dorëheqje dhe me këtë konstatohet se është ndërprerë regjistrimi i popullsisë dhe amvisërive familjare 2011 në Maqedoni, raporton Alsat M.


Arsyet për dorëheqjen e anëtarëve dhe ndërprerjen e këtij procesi janë për shkak të problemeve në terren me interpretimin e ligjit në forma të ndryshme.

Burime të Alsat M bëjnë të ditur se Qeveria e Maqedonisë në një seancë të jashtëzakonshme të martën do të sjell një vendim të ri lidhur me situatën e krijuar.

Nuk përjashtohet mundësia që në Kuvend të propozohen ndryshime të ligjit për regjistrimin e popullsisë. /Telegrafi/

[Neferta]

Gjermania insiston kushtëzimin e statusit të kandidatit ndaj Serbisë

Bruksel, 11 tetor 2011 - Gjermania insiston që Komisioni Evropian në opinionin e vet për dhënien e statusit të kandidit Serbisë të shtrojë kushte të reja, të rrepta lidhur me Kosovën, kanë thënë për gazetën "Blic" burime diplomatike nga Brukseli dhe nga kreu i pushtetit në Serbi.
Kërkohet përmbushja e katër kërkesave: që dialogu i Beogradit dhe Prishtinës të vazhdojë pa kushte, që të arrihet marrëveshja për prezantimin rajonal të Kosovës, telekomin dhe energjinë, që Prishtina të marrë në duart e veta gjykatën në veri të Kosovës dhe të fillojë me pezullimin e institucioneve paralele.
Komisioni Evropian do të publikojë nesër në mesditë analizën e progresit të Serbisë në refrma dhe rekomandimin e vet për dhënien e statusit të kadidatit.
E përditshmja serbe "Blic", duke iu referuar burimeve të besueshme gjithashtu shkruan se kërkesat e kancelares gjermane Merkel që ia ka paraqitur Presidentit Boris Tadiq gjatë viziëts në Beograd në muajin gusht, që nga nesër mund të bëhen kushte zyrtare të Komisionit Evropian, ndonëse paraprakisht nuk janë caktuar me marrëveshje, megjithëse disa anëterë të BE-së me to ose nuk pajtohen ose nuk janë konsultuar

Bosnja do të ndryshojë Kushtetutën


E marte 11 Tetor 2011 10:05
Sot parlamenti i Bosnjes filloi procedurat për të ndryshuar Kushtetutën e vendit që Gjykata Evropiane e të Drejtave të Njeriut thotë se diskriminon çifutët dhe romët, të cilët i ndalon të kandidojnë për funksione të larta.
Zyra e shtypit parlamentar bëri të ditur se një përfaqësues i grupit prej 13 partive parlamentare është i ngarkuar që të propozojë në parlament para datës 30 nëntor, amendamentet kushtetuese, si dhe amandamentet e nevojshme për të ndryshuar ligjin zgjedhor
Reforma është një nga kushtet kryesore për Bosnjën, për të marrë statusin e kandidatit për Bashkimin Evropian./rel/

Fule rekomandon që Kosova ta marrë udhërrëfysin për viza

Komisioneri për Zgjerim, Stefan Fule pritet të rekomandojë sot pasdite që Kosovës t’i jepet Udhërrëfyesi për Viza.

E mërkure 12 Tetor 2011 14:12
Kjo është konfirmuar edhe nga Ministrja e Integrimeve Europiane, Vlora Citaku.
“Brenda këtij viti ne do ta marrim Udhërrëfyesin”, ka thënë Citaku, për Express.
Proceduralisht, rekomandimi i z. Fule pritet të diskutohen në mbledhjen e Këshillit të Ministrave.
“Këshilli i Ministrave do të mblidhet me 1 Dhjetor të këtij viti. Aty do të vendoset që Kosova ta marrë Udhërrëfyesin”, ka thënë një zyrtar i lartë i BE’së në kushte anonimiteti për Express.
“Nëse gjithçka shkon në rregull, kosovarët do të lëvizin lirshëm në Zonën Shengen sot një vit”, ka thënë ai.

Zarif Farid shef i misionit të OKB-së në Kosovë

Sekretari i Përgjithshëm i Kombeve të Bashkuara Ban Ki-moon ka njoftuar emërimin e diplomatit Zarif Farid, nga Afganistani, si përfaqësuesi i ri i posaçëm i OKB për Kosovën dhe kreu i misionit të Kombeve të Bashkuara atje.
Zarif pason Lamberto Zannierin e Italisë, i cili drejtoi misionin e OKB deri në qershor.
Një deklaratë e OKB-së tha se Zarif sjell "përvojë të gjerë në, çështjet diplomatike ndërkombëtare dhe OKB-së," ka shërbyer në pozicione të ndryshme brenda dhe jashtë Afganistanit, përfshirë këtu si ambasador i Afganistanit në OKB 1981-1987.
Zarif u bashkua me OKB-në vitin 1993 dhe ka shërbyer në selinë e OKB-së në Nju Jork, si dhe në operacionet e saj, politike, humanitare dhe paqeruajtëse në Eritrea, Liberi, Afrikë të Jugut, Irak dhe Sudan.

8 të vrarë nga të shtënat me armë në në jug të Kalifornisë

SEAL BEACH, Calif. —Tetë njerëz janë të vdekur dhe një tjetër të plagosur rëndë pasi një i armatosur hapi zjarr në një pasdite e mërkurë sallon flokësh në zonën afër plazhit në Seal Beach - Los Angeles..
Një i dyshuar, që besohet të jetë vrasësi, ka qënë i vetëm kur shtiu disa herë në sallonin e flokëve. Dorazi u arrestua nga policia pas të shtënave vdekjeprurëse ", pa asnjë afër rezitence," tha zëdhënsi i policisë Sergetnti Steve Bowles i Departamentit të Policisë në qytetin Seal Beach .
Policia e ka identifikuar personin që shtiu me armë zjarri - mbasi ai u paraqitë si ish burri-e njërës prej viktimave, sipas gazetës njujorkeze New York Daily News. Një dëshmitar okular tha se dorazi ka vrarë në fillim ish-gruan e tij, të quajtur Michelle, e cila ka punuar në sallon megjithse kishte marrë një "thirrje" për të mos punuar në atë sallon flokësh.

"Ai e qëlloi herën parë drejt e gruan e tij, atëherë ia vuri armën një punonjësi tjetër, që quhet Randy , një tjetër stilist i këtij salloni. Kur Randy iu kthye për t'i kapur armën - njeriu e ka qëlluar Randy-n dhe pastaj dukej i "çakërdisur" nuk dinte se çfarë po bënte ... unë vetëm pashë një armë që nxirrte plumba njëri pas tjetritit, saqë ai nuk dinte me u ndal. .
Zëdhënsi i policisë Sergetnti Steve Bowles tha: "Me të mbërritur kemi gjetur gjashtë njerëz të vdekur, në mes të sallonit së bashku me tre punonjës të tjerë të plagosur në mënyrë kritike, të cilat janë transportuar menjëherë në një spital lokal." Dy të plagosur vdiqën më vonë nga plagët e tyre në spital duke eçuar numërin e të vdekurve në tetë vet" tha ai.
Ai tha se të gjitha viktimat kan qenë "viktima të gjithë brenda në sallon," i cili ishte plot me njerëz në atë kohë.
Të shtënat , sipas tij ndodhën rreth orës 1:30 të mesdrekes sipas orës lokale, në Salon Meritage, një sallon bukurie mjaft luksoz i vendosur përgjatë autostradës bregdetare Pacific Coast Highway, në jug të Los Angelos-it.
"Dorazi për momentin i kapur të gjithë në befasi deri sa njerëzit filluan duke dalë jashtë, mes tmerrit dhe bërtitmave të tmerrshme me atë se çfarë po ndodhte", tha Zach Benson, i cili ishte duke punuar në një restorant aty pranë,duke shtuar se "Ishte një skenë shumë e çuditshme dhe e përgjakëshme."
Ai e ka përshkruar të dyshuarin si " një njeri të "çakërdisur" i vendosur për të bërë vrasje, me një mjekër" dhe mund të ketë qenë, sipas tij i veshur me rroba speciale kamufllazhi
Zëdhënsi i policisë Sergetnti Steve Bowles i Departamentit të Policisë në qytetin Seal Beach u tha gazetarve se Vrarësi u kap, teksa udhëtonte me një kamion kamionçinë të bardhë, pak se një milje nga vendi i ngjarjes, gjatë një stopi të dritave të trafikut(sinjalistikës). Policia e rrethoi kamionçinën ndërsa një helikopter policie qëndronte në ajër , dhjetra skuadra të policisë rrethuan atë dhe e urdhëruan njeriun të dilte nga kamioni dhe të shtrihej me duar mbrapa për tokë, ai nuk ka rezistuar fare gjatë arrestimit.
Policia tha se mbas kontrollit të kamionçinës në garazhin e saj dhe poshtë sediljeve u gjetë armë të shumta.
Policia tha se Identitetin e njeriut që dyshohet se vrau tetë veta dhe ka lënë një tjetër në gjendje të rëndë, për momentin zyrtarisht nuk tregohet.
Zona bregdetare Pacific Coast Highway, në jug të Los Angelos-it, në qytetin Seal Beach, ka një komunitet ku jetojnë vetëm të pasurit. Kjo zonë bënë pjesë në prefekturën Orange County, dhe është zona që e ka nivelin e krimit zero. Vtini e kaluar ajo pati vetëm një vrasje dhe asnjë vrasje gjatë tre viteve të fundit, sipas statistikave të siguruara nga Departamenti i Policisë në Seal Beach ./BEQIR SINA/

Formohet këshilli islam-kristian në Egjipt


E shtune 15 Tetor 2011 20:28 Sipas burimeve egjiptiane të informacionit, qeveria ka formuar një këshill islam-kristian për të qetësuar revoltën që shpërtheu mes koptëve të krishterë dhe forcave të armatosura.
Burimet zyrtare të informacionit, kanë bërë me dije se kryeministri egjiptian Isam Sheref, ka formuar këshillin islam-kristian të titulluar “Shtëpia e familjes” me në krye vetë shejhun e Ez’herit dhe kreun e kishës kopte. Rezidenca e këtij këshilli do të jetë në Kajro, në institucionin e Ez’herit.
Ky këshill, ka për qëllim të ruajë strukturën shoqërore të Egjiptit, në koordinim me të gjitha organet dhe ministritë përkatëse.
Këshilli në fjalë përbëhet nga një numër dijetarësh myslimanë, klerikë të kishës ortodokse, përfaqësues të kishave të tjera dhe një numër mendimtarësh dhe ekspertesh./AO/

[Neferta]

Per tu pershenetur
publikohen emrat e palestinezvete liruar


Izraeli ka publikuar listën e emrave të 477 palestinezëve të burgosur, që do të lirohen në këmbim të ushtarit izraelit të zënë rob, Gilad Shalit. Zyra e presidencës ka bërë të ditur se presidenti i Izraelit, Shimon Peres, e ka filluar procesin e amnistisë së të burgosurve. Ata do të lirohen nesër, në kuadër të fazës së parë të zbatimit të marrëveshjes, ndërkohë që 550 të burgosurit e tjerë do të lirohen pasi ushtari Shalit të arrijë në shtëpi. Sipas marrëveshjes së nënshkruar të martën e kaluar, Izraeli do t’i liroj 1027 palestinezët e burgosur, në shkëmbim të lirimit të ushtarit 25 vjeçar izraelit, i cili mbahet në Rripin e Gazës prej më shumë se 5 vitesh.

[Neferta]

Sipas Al Arabija pas plagve te mara ne luftimet e fundit ne Sirte, sot vdiq Muhamar Gadafi trupi i tij gjendet ne qytetin Misurata

[Giovanni]

Qe nje foto per confirmim

[pinto]

Ngordhe diktatori Khadafi !

Nje tem ne vete, ju lutem !

Allahu e bekoft, muxhahidin qe vrau Dexhallin Khadafi !

Lajm, qe gezon zemrat njerzore :)

[Neferta]

http://http://www.bbc.co.uk/news/world-africa-15389428
Tregimi autentik per vrasjen e ish liderit prorus, sipas usharit qe vrau Gadfin as revolja e arte nuk i beri pune
Play Gaddafi 'captor' brandished golden pistol

[Zero Cool]

Libi, konfirmohet zyrtarisht vdekja e Gaddafi-t


Ish-diktatori i Libisë, koloneli Muammar Gaddafi, është konfirmuar i vdekur nga burime zyrtare, disa orë pas përhapjes së zërave të parë për këtë ngjarje.

Njeriu që drejtoi vendin e Afrikës Veriore për më shumë se 40 vjet nëpërmjet një regjimi autoritar dhe ushtarak, mbeti i vrarë në betejën për marrjen e Sirtes, qyteti i fundit i cili kishte mbetur ende në duart e besnikëve të diktatorit.

Ministri i Informacionit i qeverisë së përkohshme, Mahmoud Shammam, deklaroi se luftëtarët e ushtrisë rebele kanë mundur të identifikojnë trupin e pajetë të kolonelit. Ndërkohë, festimet kanë nisur të zhurshme në pjesë të tjera të vendit.

Fillimisht u raportua nga mediat ndërkombëtare se koloneli ishte plagosur në këmbë, por më tej u njoftua se Gaddafi ndërroi jetë ndërsa po transportohej me ambulancë.

Në Spitalin e Misurata-s, ish-dikatori mbërriti i vdekur. Koloneli u kap ndërsa po tentonte që të largohej nga qyteti i tij i lindjes, Sirte. Por një sulm i NATO-s i mbështetur edhe nga rebelët, plagosi Geddafi-n.

“Ai u kap, u plagos në kokë dhe në të dyja këmbët dhe është marrë nga një ambulancë”, deklaroi fillimisht për agjencinë e lajmeve “Reuters” anëtari i KKT-së, Abdel Majid.

Sipas këtij burimi, pati një shkëmbim të ashpër zjarri mes rebelëve dhe grupit mbrojtës të kolonelit para se ky të kapej, në vendlindjen e tij, Sirte.

Ndërsa një ushtar që thotë se e kapi personalisht liderin e rrëzuar ka deklaruar për BBC se në momentin e arrestimit Gaddafi bërtiti: “Mos qëlloni”.

Gaddafi, i cili ka qeverisur Libinë prej vitit 1969, u rrëzua nga pushteti pas protestave që nisën në vend në muajin shkurt.

Gjykata Ndërkombëtare e Hagës kërkoi arrestimin e tij, nën akuzën për krime kundër njerëzimit, të kryer ndaj popullsisë libiane.

Ndonëse reporterët e mediave ndërkombëtare nuk kanë mbërritur ende në Sirte dhe lajmi nuk është konfirmuar prej tyre, deklarata e Shammam përbën burimin e parë zyrtar që konfirmon ngjarjen.

Vazhdon gjykimi për vrasjen e vëllezërve Bytyqi


20-10-2011 14:40 CET


Në Kolegjin për krime të luftës së Gjykatës së Lartë të Beogradit sot vazhdon rigjykimi i Sreten Popoviqit dhe Milosh Stojanoviqit, të akuzuar për krime lufte kundër Yll, Agron dhe Mehmet Bytyqit, shtetas amerikan me prejardhje nga Kosova, në korrik të vitit 1999.
Gjykata e apelit në Beograd në nëntorin e vitit të kaluar ka miratuar ankesën e prokurorit dhe ka pezulluar aktgjykimin e gjykatës për krime të luftës, me të cilin Popoviq e Stojanoviq janë liruar nga akuza se kanë kryer krime të luftës.
Për këtë rast kanë qenë të dyshuar edhe ish gjenerali i policisë serbe, Vllastimir Gjorgjeviq i akuzuar nga Gjykata e Hagës për krime në Kosovë, por edhe ish komandanti i xhandarmërisë serbe, Goran Radoslavljeviq – Guri, atë kohë komandant i qendrës në fjalë, por të dy e kanë mohuar të kenë ditur diçka.
Në hetimet e këtij rasti kanë marrë pjesë edhe pjesëtarët e FBI amerikane, kurse përfaqësuesit e Ambasadës amerikane në Beograd e kanë përcjellë gjykimin nga dita e parë. /rtk/