A po na e japin PAVARESINE,a JO???

[luckyman]

Postimi origjinal është bërë nga Guri i madh

po po daja gjerman kur thot se po nuk ka dilem

Guri,sa per Gjermanin( dhe Evropen ne pergjithsi )"kurrrrr" Kosova e pavarur nuk ish bo!!

po fale Amerikes (dhe Ibrahim Rugoves se ka dit kond ta bej Mik)kemi(ne Kosovaret) identitetin Shqiptar!!....E ne krah te Amerikes (xhaxhit Bush )do ta fitojm edhe pavarsin,besoj.!!

[adidu]

Pavaresia nuk jepet nese nuk e merr. Nje fraze popullore thote: Lype dhe s'ta jep, merre se s'thote gje"
Kjo mendoj se eshte situata e sotme e Kosoves dhe zgjidhja e vetme.

[4peace]

*




KOSOVA NË DIMËR-
DUKE PRITUR PRANVERËN…
”Ne po mbytemi në informacion
dhe po vuajmë për njohuri.”
-Radherford D. Roxhers
Kosova në rregull-
në dimër me mjegull…

Pleqtë po thonë se jemi në arbain,
tue dalë në hamsin…
Kosova në dimër, si edhe në çdo stinë,
terrin e ka mbi shpinë,
ku shumica e shqiptarëve jeton në varfëri,
duke u ngri,
duke u mërdhi,
duke e pritur të shkretën pavarësi…


Për shqiptarët e ngratë-
dimërat janë gjithmonë të gjatë.

Për shqiptarët e Kosovës, në veçanti,
dimërat e bardhë, për një shekull, nën Sërbi,
ishin dimëra të zi…

Për shqiptarët e shkretë,
ky dimër i vitit 2008,
nuk është aspak më i lehtë.

Sipas politikanëve, Kosova po del në dritë,
sepse për Kosovën çdo gjë është në rregull,
por ky dimër po ka më shumë mjegull…

Mjegull shpërndajnë politikanët vendor,
hiç më pak edhe ata botërorë,
nuk kanë dertë pse të gjithë u bënë horë…

Tani, përsëri, presin si do të përfundojnë zdhedhjet në Sërbi,
që ta ndezin dritën jeshile për pavarësi…

”Edhe pak e shpallim,
atëherë, do ta kallim…”
Sa e sa herë kanë premtuar,
por gjithnjë kanë mashtruar…
Caktojshin edhe data,
por ju dolën të thata…

Madje, njeri prej tyre, kinse shumë i informuar, thoshte me krenari,
se edhe orën e di,
me saktësi…
Por, ajo orë,
atij, ju thye n’dorë…


Tani e thonë pa hile,
nga Brukseli dhe Washingtoni,
e presim dritën jeshile…


Kur?
Edhe pak e shpallim, atëherë, da ta kallim…
Kush do ta shpallë?
Do ta shpallin Institucionet,
që kanë dalë nga akrobacionet…

Do ta shpallë Kuvendi ose Parlamenti,
që i merrë vendimet ngjeti,
sepse kaq din i shkreti…


George Fred Williams, (1852-1932), ishte Ambasador i Shteteve të Bashkuara të Amerikës në Greqi dhe Mal të Zi, gjatë viteve 1913-1914, në librin e tij ” SHQIPTARËT”, përkthye nga anglishtja prej Shaban Ballës, botuar në Tiranë-Shtypshkronja “Dielli”, 1934, në ballinë të librit shkruan:
“Drejtësia dhe e vërteta nuk janë mbrojtje ose arsye në Sallat e Diplomacisë”.
“Djali jem, ti nuk e din se me sa pak mëshirë qeveriset bota”.


Deri më sot, të gjitha premtimet nga bota
- ishin joshëse, por të kota,
- siç ishin imponimet për negociata,
- që ishin të thata…
-
Të thata janë edhe premtimet për pavarësi,
- që po thonë se së shpejti da ta shpallim
- dhe kur ta shpallim- atëherë do ta kallim…

[4peace]

*

”PAVARËSI” NËN ROBËRI…
Statusi i Kosovës tashmë është i zgjidhur,
por Kosova do të mbetet me nyje e lidhur…

Ardhja në Kosovë e Misionit të Bashkimit Europian
–na jep me kuptue se Kosova s’është shtet e le më shtet sovran…

Ky Mision, lum miku,
është më i zi se UNMIK-u,
sepse e ka për detyrë,
kjo po dihet, me na mbikqyrë…


Por, para se me ardhë,
para se m’u vendos,
do t’na bën një thirrje,
një kërkesë,
një ftesë,
kinse Kosova vetë po e fton,
që ai mission t’na rehaton…
Institucionet e Kosovës,
të zgjedhura nga OSBE-ja,
edhe pse janë në kaos,
do t’bëjnë çmos,
që ky mission, sa më shpejtë, në Kosovë m’u vendos…


Kosova me t’ardhme europiane…
Kur Misioni Civil (Policor) i Bashkimit Europian në Kosovë të vendoset,
atëherë ç’ështja e Kosovës do të vuloset.
Do të vuloset sepse Kosova s’është shtet,
sepse s’ka sovranitet,
por, do të thonë, s’ka dert…
S’ka dert që Kosova s’është sovrane,
kryesorja është se Kosova ka t’ardhme europiane…
Por, a mund të ketë Kosova t’ardhme europiane nëse nuk është shtet,
nëse nuk ka sovranitet?


Kryeministri i Sllovenisë, Janez Jansha, para deputetëve të Parlamentit Europian, tha: “Misionet e tilla nuk dërgohen në shtete që janë të pavarura dhe ndërkombëtarisht të njohura”.

Ne po mbytemi në informacion dhe po vuajmë për njohuri, thoshte Radherford D. Roxhers.

Pak njohuri për ”Pavarësi”…
Se Kosova do të ketë “Pavarësi”
- këte e di çdo fëmi…
Por, për të pasur njohuri,
- duhet ditur thelbi i tij.
-
Thelbi i asaj që po quhet “pavarësi” –
- është një mashtrim i ri,
- është sikur me na qitë pluhur a hi në sy…
-
“Djali jem, ti nuk e din se me sa pak mëshirë qeveriset bota”, e le më Kosova…
Kosova do të ketë “pavarësi” sipas propozimit të M. Ahtisaarit, por do të qeveriset prej Misionit të ri të Bashkimit Europian…,
- dhe ne do ta quejm “shtet sovran”…
-
-
Në Pakon e Ahtisaarit shkruan:
1. Prania Civile Ndërkombëtare (ICR) dhe jo Kuvendi i zgjedhur i Kosovës, do të jetë “autoriteti përfundimtar për interpretimin e Marrëveshjes” (Parimet e Përgjithshme, Neni:123, Aneksi IX, neni 21.a.)
Pra, Prania Civile Ndërkombëtare është autoriteti përfundimtar, që “pavarësinë” e interpreton siç ajo dëshiron…
Kurse në Draftkushtetutën e Kosovës shkruan:
“Republika e Kosovës është shoqëri shumetnike, e cila qeveriset në mënyrë demokratike…”
Pra, sipas Kushtetutës së Kosovës,
që i ka fry “autoriteti përfundimtar”
në Kosovë s’ka më shqiptar…
Shqiptarët do të shndrrohen në shoqëri,
që do t’i kenë simbolet në këtë “pavarësi”…

Simbolet shtetërore të Republikës së Kosovës, sipas Kushtetutës, janë: flamuri, stema dhe hymni, që pasqyrojnë karakterin shumetnik të saj…
Pra, në Kosovën e “Pavarur”
çdo gjë do të jetë e varur,
e varur në karakterin shumetnik,
kurse Republika e Kosovës do të jetë shtet laik
dhe e paanshme në çështjet e besimeve fetare…
E paanshme në çështjet e besimeve fetare,
shkruan në “kushtetutën kosovare”,
por kjo është hajgare dhe nuk qëndron fare…
Nuk qëndron fare sepse 45 kisha dhe manastire ortodokse do të kenë zona të veçanta, të mbrojtura, të siguruara,
me teritore të zgjeruara
dhe tej mase të priviligjuara….
Së shpejti “Pavarësinë” do ta shpallim –
atëherë do ta kallim…
Pastaj do të dëgjojmë detajet e një fitoreje…
Sapo të dëgjoni detajet e një fitoreje, thoshte Sartri, është vështirë ta dalloni atë nga një humbje.


Mexhid YVEJSI, Gjakovë


***

[Pupi]

http://www.youtube.com/watch?v=AKZrRuVhAEE

[luckyman]

Postimi origjinal është bërë nga Pupi

http://www.youtube.com/watch?v=AKZrRuVhAEE

Athu edhe Pamvarsija ka me qenë kështu cullak a,si Rovena !!!

ishalla jo!

[Pupi]

Postimi origjinal është bërë nga luckyman

Athu edhe Pamvarsija ka me qenë kështu cullak a,si Rovena !!!

ishalla jo!

Jo ,se di në mos të paska ikur ai djali në fillim që ëndërron Rovenen, kthehu e shiqo edhe një her videoklipin.
Kam bindjen që kjo aq fort e shumëpritura do të jetë vetëm një ëndërr llokumi.

[sunshine]

DEMAÇI:”RUSIA KËRCËNON TË NDEZË BALLKANIN”

RADIO EVROPA E LIRË
Zoti Demaçi, liderët kosovarë janë duke deklaruar se çështja e shpalljes së pavarësisë është çështje ditësh. A besoni ju se vërtet brenda disa ditësh do të shpallet pavarësia e Kosovës?
Po, një ditë do të shpallet. Edhe unë besoj se mund të mos shkojë shumë larg. Por, unë e kam fjalën se çfarë pavarësie do të jetë ajo. Nëse do të ishte pavarësi e vërtetë, nuk do të ishte shumë po të prisnim edhe me muaj. Mirëpo, ne do ta kemi një pavarësi të varur në të vërtetë, një pavarësi me mbikëqyrje, një pavarësi që do të jetë shumë problematike; do të quhet pavarësi, por do të kemi këtu kontrolle të mëdha. Dhe, këta që janë instaluar me këto votimet që u bënë, nuk do ta kenë asnjëherë fjalën e fundit për gjëra që janë esenciale, që janë thelbësore për Kosovën dhe për shqiptarët. Kjo më brengos mua, që liderët tanë harrojnë gjithmonë ta shtojnë atë shtojcën që thotë pavarësi e mbikëqyrur; Evropa asnjëherë nuk thotë pavarësi, vazhdimisht thotë pavarësi e mbikëqyrur. Dhe, populli, ashtu siç e ka falë Zoti, që është pa djallëzi, nuk pyet më shumë, veç thotë: ‘a po na e japin pavarësinë, a po na e japin pavarësinë’ dhe kjo më frikëson, sepse pas kësaj do të vijë një zhgënjim te njerëzit, kur të shohin se kjo që po e presin, nuk do të jetë aq e këndshme dhe aq e butë sa mendojnë qytetarët tanë.

RADIO EVROPA E LIRË
Si do të reflektojë kjo që po e quani pavarësi e mbikëqyrur te popullata e Kosovës? Si e shihni ju Kosovën në një pavarësi të mbikëqyrur?

ADEM DEMAÇI
Strumbullari i kësaj pavarësie do të jetë projekti i Ahtisaarit. Dhe, në projektin e Ahtisaarit ka gjëra aq shumë që prekin në sovranitetin tonë, në pavarësinë tonë, në mundësinë që ne të mund ta qeverisim vetveten ashtu si duam, sepse për pakicën serbe janë bërë lëshime aq të mëdha, saqë unë nuk besoj se ka diku në botë, se në Evropë jo që jo, shembull të njëjtë, që pakica të ketë aq të drejta, sa të mund të bllokojë madje edhe nxjerrjen e ligjeve, se për shembull nga 10-15 deputetë serbë, nëse nuk do të pajtohen dy të tretat me atë ligj, ai ligj nuk do të mund kalojë. Unë nuk besoj se ka një shembull të tillë; plus, këto enklavat e shumta, të ashtuquajtura serbe, që u krijuan me dhunë, sepse u bënë shkelje të mëdha të të gjitha ligjeve, kushtetutave, praktikës, që nuk është e vogël kjo Kosovë kështu siç ishte, me një autonomi që kishte. Nuk ka ndodhur asnjëherë që të jetë kaq e shtrënguar dhe të ndodhë që ne do të shkëputemi disi nga Serbia, mirëpo do ta kemi Serbinë brenda, me ato të drejtat e shumta për t’u përzier në punët tona të brendshme, gjoja duke u kujdesur për pakicën serbe; do të kemi telashe shumë të mëdha. Dhe, prapë, duhet ta ceki edhe atë që bëhet fjalë për kthimin e serbëve në Kosovë, të cilët në të vërtetë kanë bërë krime ose kanë qenë të lidhur me krimet që ka bërë ushtria, policia dhe paramilitarët serbë. Kurse, nuk përmendet askund kthimi i shqiptarëve të shumtë, që me dhunën policore janë përzënë nga Kosova, siç është fjala për shembull në Mitrovicën veriore. Askush nuk i përmend ato. Askush nuk i përmend të drejtat e shqiptarëve që gjenden sot nën administrimin e Serbisë; ata në Preshevë, në Bujanovc, janë në gjendje shumë të keqe dhe nuk i përfillin fare. Askush nuk i përmend ata, as këta tanët, as bashkësia ndërkombëtare, e cila do të duhej të kujdesej edhe për ta.

RADIO EVROPA E LIRË
Cila mendoni se do të ishte zgjidhja e duhur për popullin e Kosovës?

ADEM DEMAÇI
Ekziston zgjidhja universale dhe zgjidhja e vetme kur është fjala për popujt e robëruar. Ajo është vetëm vetëvendosja; vetëm referendumi është ai që i bie vulë vullnetit dhe dëshirës politike të çdo populli që është i robëruar. Evitimi, ikja nga kjo zgjidhje, e cila është e sanksionuar edhe me Kartën e Kombeve të Bashkuara dhe me 100 rezoluta të ndryshme që janë praktikuar deri më sot, tregon se dikush do të na bëjë dallavere, dikush mundohet t’ua bëjë qefin atyre që kallen, shkrumbuan, vranë, dhunuan e i bënë njëqind të zeza jo vetëm Kosovës, por edhe boshnjakëve, edhe kroatëve. Me fjalë të tjera, bashkësia ndërkombëtare, në këtë mënyrë, shpërblen dhe në këtë mënyrë sikur edhe mbështet vazhdimin e krimeve, vazhdimin e ekzistencës së regjimeve militariste, regjimeve mafioze, regjimeve kriminale, regjimeve që bënë dhe po vazhdojnë të bëjnë krime të ndryshme. Bota është duke u munduar të luftojë kundër tyre, kurse këtu, ku janë argumentet shumë të dukshme, shumë të prekshme, këtu bëhet përpjekje të evitohen, për disa interesa që Serbia nuk do të dëgjojë për atë punë. Ka interesa që ta tërheqin Serbinë në BE, në paktin NATO etj. Mirëpo, Serbia këmbëngul se ajo punë nuk i intereson. Dhe, për çudinë e madhe, bota demokratike, në të cilën ne mbështetemi dhe nga e cila ne kemi pritur shumë dhe presim shumë, sikur bëhet një lypëse, sikur mundohet ta lusë, sikur të ishte Serbia ndonjë faktor i patejkalueshëm. I bëjnë lëshime edhe sa i takon zënies, burgosjes, dorëzimit të Mlladiqit e të Karaxhiqit e shumë kriminelëve tjerë, edhe për shumë obligime të tjera që do të duhej t’i plotësonte Serbia. Evropa e harron këtë punë, bashkë me Amerikën, me miken tonë, për disa hesape, për disa llogari, që fatkeqësisht popullin tonë po e përcjellin që nga Lidhja e Prizrenit, më 1878, e deri në ditët e sotme; gjithmonë në kurriz të shqiptarëve.

RADIO EVROPA E LIRË
Dihet se janë bërë disa muaj negociata para se të përmbyllen me planin e Ahtisaarit. Meqë thatë se referendumi për vetëvendosje është zgjidhja më e mirë, a ka qenë e mundur që kjo çështje të përfshihet në dokumentin e Ahtisaarit?

ADEM DEMAÇI
Këta miqtë tanë, së pari, e kanë studiuar Kosovën mirë. Kanë qenë këtu me ne 10-15 vjet, kanë seleksionuar mirë dhe i kanë zgjedhur për bashkëbisedues të vet njerëzit që kanë dhënë prova se nuk u kërcet fort për interesin e Kosovës, të cilët kanë dhënë prova se janë, të mos themi pa përgjegjësi, por që janë dorëlirë dhe që mund të bisedojnë me ta dhe të gjejnë zgjidhje që u përshtatën atyre, të cilët i kanë ftuar në bisedime. Dihet se si janë formuar këto delegacione. Nuk i ka dërguar askush këto delegacione. Gjithmonë i kanë zgjedhur të huajt. Kurse, të tjerët, mua, Albinin (Kurti) e të tjerët, që kemi qenë për interesin e përgjithshëm në radhë të parë, e pastaj për interesin tonë, na kanë lënë jashtë, sepse u kemi penguar. Edhe sot përpiqen të na mbyllin gojën, në mënyrë që fjala jonë të mos shkojë atje ku duhet, të mos dëgjohet shumë, të mos u pengojë atyre në këto pazarllëqe, të cilat bëhen në kurriz të popullit shqiptar.

RADIO EVROPA E LIRË
Në fillim të intervistës shfaqët skepticizmin tuaj rreth misionit të ardhshëm të BE-së në Kosovë. Si në të vërtetë e shihni këtë mision? A mendoni se do të jetë i ngjashëm me UNMIK-un, apo do të ketë rol tjetër?

ADEM DEMAÇI
Po, në diçka që është thelbësore do ta ketë. Domethënë, misioni i Evropës do të ketë të drejtë të vendosë, do ta ketë fjalën e fundit për të gjitha gjërat që janë esenciale. Ndoshta do të ketë ndryshime në stil, ndoshta do të ketë ndryshime sa i përket përgatitjes së Kosovës ashtu si i përshtatet Evropës. Me fjalë të tjera, mund të ketë disa korrigjime që i kanë bërë Kombet e Bashkuara. Pres të paktën kështu, kështu presin edhe qytetarët tanë, që të ketë sa i përket çështjes së kriminalitetit, çështjes së dosjeve që janë të ngarkuara e të stërngarkuara e që nuk u hapen asnjëherë dhe të cilat dihen shumë mirë nga UNMIK-u, e do të dihen edhe nga Evropa. Unë besoj se do të bëjnë diçka, që të paktën kapitali i shqiptarëve që është investuar dhe që është rezervuar nëpër bankat evropiane, të gjejë rrugë që të vijë e të investohet në Kosovë. Besoj se do të bëjnë diçka edhe sa i përket ekspertëve të vërtetë, e jo të na çojnë neve gjithfarë ekspertësh, që vijnë të mësohen këtu në kurrizin tonë, se si bëhet shteti, si bëhet ekonomia. Unë besoj se Evropa do të sillet pak më seriozisht me këtë punë. Gjithashtu i kanë rezolutat, i kanë projektet. Projekti i Ahtisaarit është një projekt që do t’i detyrojë edhe ata që do të jenë eventualisht të ndërgjegjshëm, edhe ata që do të duan të vendosin një demokraci të mirë për interesin e paqes edhe në këtë rajon, edhe në Evropë, do t’i kenë duart e lidhura. Aq më keq, shqiptarët, Kuvendi i Kosovës këtu e pranoi atë farë projekti me sy jokritikë dhe ua la barrë qytetarëve tanë që të palaviten me të gjitha problemet që do të mund të na i nxjerrë Serbia. Qysh tash ajo na thotë neve se ka plane të shumta për qeverisjen e Kosovës dhe ato plane duhet t’i marrim shumë seriozisht, sepse Serbia do të mund të na nxjerrë probleme, se ajo nuk është në rrezik. Serbia nuk rrezikon asgjë që dikush do ta sulmojë ose do të marrë masa kundër saj. Serbia e ka mbështetjen e Rusisë sa i takon ekonomisë e tjerë. Serbia ka gjithashtu edhe një zgjerim të madh të shkëmbimit tregtar me të gjitha këto vendet e Evropës, kështu që ajo nuk rrezikon asgjë. Prandaj, Serbia është shumë më e rrezikshme, sesa që mendojnë shqiptarët.

RADIO EVROPA E LIRË
Thatë se kërcënimet serbe po merren me një dozë lehtësie. Po, çfarë në të vërtetë mund të bëjë Kosova përballë këtyre kërcënimeve?

ADEM DEMAÇI
Nuk e ka lehtë Kosova, sepse Kosova në të vërtetë nuk po qeveris me vetveten. Krejt ajo çka është vendimtare për sigurinë e Kosovës, është në duar të tjerëve, është në duar të KFOR-it, është në duar të policisë, e cila gjithashtu drejtohet nga KFOR-i, e nesër do të drejtohet nga Evropa. Dhe, ata (serbët) i bëjnë zgjedhjet edhe në Kosovë, ata i organizojnë dhe ata thonë se ‘as nuk i ndihmojmë, as nuk i pengojmë’. Vjen Nikoliqi në mes të Mitrovicës, i mbledh në miting me mijëra njerëz, mban fjalim e flet çka do, e këta thonë se ka qenë në vizitë private. Me fjalë të tjera, këso lojërash pa kripë dhe këso lojërash pafytyrë na i bën ne Evropa demokratike, të cilën ne e duam dhe presim nga Evropa që të korrigjohet jo vetëm për ne, por duhet të korrigjohet, sepse çështja e Kosovës nuk është vetëm çështje e Kosovës. Çështja e Kosovës është se a do të jetë Evropa ende ajo që do të vazhdojë të merret me zjarr-fikje politike e ekonomike, apo do të jetë Evropa ajo që do t’i parandalojë të gjitha zjarret, nga të cilat u kërcënuam, nga të cilat u dogjëm dhe të cilat prapë po na kërcënohen nga Rusia, nga Serbia, që të ndizet përsëri kjo pjesë e Ballkanit.

RADIO EVROPA E LIRË
Zoti Demaçi, ju, për shumë vite me radhë, keni qenë i përfshirë në politikë. Ku është sot Adem Demaçi?

ADEM DEMAÇI
Unë, aktualisht, jam prapë i përzier në politikë, por në një mënyrë tjetër. Tash shkruaj romane, por shkruaj romane politike. Mundohem që ta mësoj popullin tim që të dijë të mendojë politikisht, të veprojë politikisht dhe ta kuptojë se pa ngritjen e vetëdijes kombëtare dhe pa një syçelëti të madhe, nuk mund të merresh me politikë. Nuk është politika diçka ‘hajde të japim votën atëherë që e kërkojnë’ dhe pastaj të shikojmë se çka po bëhet. Domethënë, nuk është politika bixhoz, politika është një shkencë shumë e lartë dhe shumë precize, që shqiptarët duhet ta njohin, nëse nuk duan të vazhdojnë që bota të na mashtrojë, që me ne bota të sillet si me do farë kalamajsh, si me do farë qytetarësh të rendit të dytë e të tretë etj.

Marrë nga Evropa e Lirë!

[Cipiripipr]

Vetem le ti thuhet pamvarsi !!ska dert se do te kemi nje pamvarsi me republika srpska,me eks teritotialitet ne ter kosoven.se ne i ham fjalet masandej, epo keshtu e ka kur je lypes .Nuk mund te lypesh edhe te zgjedhesh.qkat bajn me rahmet te medhejt!!......

[Bjeshka1]

Përfaqësuesi i Ministrisë së Punëve të Jashtme të Rusisë, Alexander Kharchenko, ka deklaruar sot se - shpallja e njëanshme e pavarësisë së Kosovës dhe njohja e saj, "de facto", mund të çojë drejt ndarjes së Kosovës.

Në mbledhjen e zgjeruar të Komitetit për marrëdhënie ndërkombëtare të Dumës ruse, Kharchenko ka thënë se perëndimi, në këtë mënyrë do të vije deri të varianti, të cilin më herët e ka konsideruar si më të keqin, dhe kundër të cilit ka luftuar gjatë gjithë kohës.

Kharchenko ka thënë se ekziston një lidhje thelbësore në mes të Serbisë dhe serbëve në pjesën veriore të Kosovës, të cilët Beogradi i ndihmon financiarisht, dhe se, “asgjë nuk do të jetë pengesë që integrimi i tyre të vazhdojë pa probleme të mëdha”.

Diplomati rus nuk ka përjashtuar mundësinë që serbët, pas njohjes eventuale të pavarësisë së Kosovës, të anulojnë mikpritjen për forcat e NATO-s dhe BE-në, duke shtuar se mund të vije deri të vala e re e refugjatëve, sikur edhe deri të ekseset e reja në Jug të Serbisë dhe në Maqedoni, ku jetojnë shqiptarët.

Kharchenko po ashtu ka thënë se Rusia është duke punuar “në mënyrë aktive” me BE-në dhe NATO-n, për t’i dëshmuar pasojat që mund t’i sjellë shpallja e njëanshme e pavarësisë, për të cilën po punohet çdo ditë.

Ai ka vlerësuar se ekzistojnë gjasat për vazhdimin e bisedimeve për Kosovën, mirëpo këto gjasa, sipas tij, çdo ditë po i afrohen zeros. Kharchenko po ashtu ka tërhequr vërejtjen se tensionet në Kosovë po rriten nga dita në ditë – dhe se Rusia pandërprerë po punon që këtë proces ta kthejë brenda kornizave ligjore.

Ai ka kritikuar synimet e BE-së që ta dërgojë misionin në Kosovë, duke shtuar se BE-ja është duke e kthyer mbrapshtë rezolutën 1244 të Këshillit të Sigurimit, “duke kërkuar të ashtuquajturën bazë ligjore për njohjen e pavarësisë së Kosovës”.

Kharchenko ka thënë se Amerika është duke bërë presion mbi Ban Ki-Moonin, por ka shtuar se Rusia është duke punuar seriozisht më të, prandaj sipas tij, “ekziston një bazë që sekretari i përgjithshëm Ki-Moon, megjithatë të orientohet, para se gjithash, drejt një zgjidhjeje në pajtim me Kartën e OKB-së. (Telegraf)

[Fshatari]

Postimi origjinal është bërë nga Bjeshka1

Përfaqësuesi i Ministrisë së Punëve të Jashtme të Rusisë, Alexander Kharchenko, ka deklaruar sot se - shpallja e njëanshme e pavarësisë së Kosovës dhe njohja e saj, "de facto", mund të çojë drejt ndarjes së Kosovës.

Në mbledhjen e zgjeruar të Komitetit për marrëdhënie ndërkombëtare të Dumës ruse, Kharchenko ka thënë se perëndimi, në këtë mënyrë do të vije deri të varianti, të cilin më herët e ka konsideruar si më të keqin, dhe kundër të cilit ka luftuar gjatë gjithë kohës.

Kharchenko ka thënë se ekziston një lidhje thelbësore në mes të Serbisë dhe serbëve në pjesën veriore të Kosovës, të cilët Beogradi i ndihmon financiarisht, dhe se, “asgjë nuk do të jetë pengesë që integrimi i tyre të vazhdojë pa probleme të mëdha”.

Diplomati rus nuk ka përjashtuar mundësinë që serbët, pas njohjes eventuale të pavarësisë së Kosovës, të anulojnë mikpritjen për forcat e NATO-s dhe BE-në, duke shtuar se mund të vije deri të vala e re e refugjatëve, sikur edhe deri të ekseset e reja në Jug të Serbisë dhe në Maqedoni, ku jetojnë shqiptarët.

Kharchenko po ashtu ka thënë se Rusia është duke punuar “në mënyrë aktive” me BE-në dhe NATO-n, për t’i dëshmuar pasojat që mund t’i sjellë shpallja e njëanshme e pavarësisë, për të cilën po punohet çdo ditë.

Ai ka vlerësuar se ekzistojnë gjasat për vazhdimin e bisedimeve për Kosovën, mirëpo këto gjasa, sipas tij, çdo ditë po i afrohen zeros. Kharchenko po ashtu ka tërhequr vërejtjen se tensionet në Kosovë po rriten nga dita në ditë – dhe se Rusia pandërprerë po punon që këtë proces ta kthejë brenda kornizave ligjore.

Ai ka kritikuar synimet e BE-së që ta dërgojë misionin në Kosovë, duke shtuar se BE-ja është duke e kthyer mbrapshtë rezolutën 1244 të Këshillit të Sigurimit, “duke kërkuar të ashtuquajturën bazë ligjore për njohjen e pavarësisë së Kosovës”.

Kharchenko ka thënë se Amerika është duke bërë presion mbi Ban Ki-Moonin, por ka shtuar se Rusia është duke punuar seriozisht më të, prandaj sipas tij, “ekziston një bazë që sekretari i përgjithshëm Ki-Moon, megjithatë të orientohet, para se gjithash, drejt një zgjidhjeje në pajtim me Kartën e OKB-së. (Telegraf)

Kharchenko nuk i tha "dumes" se misioni i tij i fundit dështoi se hasi në një mur të pathyeshëm ku thyen kryet serbët, rusët, e disa tjerë, në vitet 1989-1999.

Evropa perëndimore(katolike e protestante)në të cilën bën pjesë kryekëput shqiptaria nuk do i përfill diktatet e sllavizmit oriental evropian.
Trekëndshit rusi-kinë-iran iu është bërë shumë e qartë se nuk do iu lejohet të tejkalojnë disa vija të kuqe të cilat, në instancën e fundit, do të mbrohen edhe me armë të shkatërrimit në masë. Kurfarë destabilizimi evropjanë nuk do të tolerohet pas krijimit të shtetit të dytë shqiptar në Evropë. Të gjitha kërcnimet,inskanimet, përgatitje planesh, embargo... janë letra të djegura kaherë në trollin 4 herë mijëvjeçar autentik shqiptar : Kosova.
E sfida më e rëndë në fillim të këtij mejëvjeçari do të ndodh në ditët në vijim: shpallja e Kosovës shtet i pavarur e sovran nga vetë autoritetet legjitime shqiptare. Jo mjerimi i Migjenit po kjo do të jetë kafshata që do tu mbetët në grykë e do i zihet fryma serbo-rusisë.

[Fshatari]

Postimi origjinal është bërë nga luckyman

Guri,sa per Gjermanin( dhe Evropen ne pergjithsi )"kurrrrr" Kosova e pavarur nuk ish bo!!

po fale Amerikes (dhe Ibrahim Rugoves se ka dit kond ta bej Mik)kemi(ne Kosovaret) identitetin Shqiptar!!....E ne krah te Amerikes (xhaxhit Bush )do ta fitojm edhe pavarsin,besoj.!!

USA-Britani e madhe-Gjermani-UÇK e kanë çlirue dhe do ta bojnë shtet Kosovën e komb shqiptarinë.
Asnjë emër tjetër i përveçëm a i përgjithshëm nuk do të figurojë kurrë në paradigmën e cituar. Asnjë individ i posaçëm, përkundër të gjitha përpjekjeve, nuk do të shndërrohet kurrë në hero : Historia nuk duron gënjeshtrat.

[Guri i madh]

Postimi origjinal është bërë nga Fshatari

USA-Britani e madhe-Gjermani-UÇK e kanë çlirue dhe do ta bojnë shtet Kosovën e komb shqiptarinë.
Asnjë emër tjetër i përveçëm a i përgjithshëm nuk do të figurojë kurrë në paradigmën e cituar. Asnjë individ i posaçëm, përkundër të gjitha përpjekjeve, nuk do të shndërrohet kurrë në hero : Historia nuk duron gënjeshtrat.

fshatar e paske harrue edhe francen

[Kercovari]

Pa pa e thash..?!

Tani,kure Kosova pritet te shpalle pavaresine,shumkush ndoshta ka haruar,se cila ishte rruge e zhvillimit te saj dhe cila ishte nxitja fillestare te saj,rruge e gjate,e dhimbeshme,toke e djegur nga hordhit sllave,me ekonomi te shkatruar,varreza te fresketa edhe te foshnjeve qe ende nuk kishin thene fjalen nene.Emocionalisht,te gjitha keto duhet te na bejne te derdhim lotet reke pa i shkeput mendje keto viktima te pafajshme,lulet me te fresketa te lulishtes Kosovare dhe mbareshqiptare.Keto,nuk jane emra te artit,as te sportit,as te politikes.Jane keto emra te shkruan ne gurre te ftohte qe kelben nene ato gurre, duke lene ne siperfaqe nje histori te gjalle te nje populli i cili me gjake paguajti arsimin,dinjitetin,identitetin,qe me funde vetem kurora e pavarsise do te u sheronte plaget.
Tani,pas nente vitesh,Kosova me nje dizajn te ri,me permendore e shtatore te reja,me kurora lulesh te fresketa.Po a do te mjaftonte vetem kjo si shpreblim per gjakun e tyre te dhene per truallin ame?.Po a duhet qe ne te meremi me „fakte“se cila parti politike ka me shume merita per pavarasine e Kosoves?.Po nga dolen keto parti qe ne te hudhim bajrakun nga njera dore ne tjetren?!Apo flijuan jeten keto bije dhe bija te Kombit qe ne te ushtrojme profesionin e gazetarise“Partijake“!
O gjen i im i dashur!A nuk shihni se sllavet jane te bashkuar si mishi me kocken kure eshte ne pyetje Kosova jone,toka qe e paguam shtrejte nga padrejtesit shekullore dhe grabitjte te cdo pellembe toke shqiptare!E ne?.Vetemohojme urat e komunikimit publik dhe aftesite e gazetareve profesionist te afte botes te i tregojne realitetin shqiptare,kurse ne me shkrimet tona amatoreske dhe perkatsije partijake,minojme cdo perpjekje te kujdoqofte aleati perpara se te vendos te mbeshtes Interesat tona dhe luften e drejte e cila nuk mund te kushtezohet me asnje ligje nderkombetare,po as me pallamurdite sllavoruse.
Redimenzionimi dhe realacionet midis fjales publike,kushtezohen me jonjeanshmeri dhe vlersime te njerzve,por me aftesi kreative te bashkimit te kerkesave te nje opinjoni te gjere dhe informim korekt mbi aktivitetet e cdo partie duke u perqendru ne pasqyrimin e ngjarjeve qe ecin me kohen,sepse,ketu kemi te bejme me nje interes te vetem dhe te perbashket;Pavaresia e Kosoves.
Partite politike bashkerisht arriten te perfitojne nje pjese te madhe te shteteve Evropjane ne favor te pavaresise Kosoves,bashke me Shtetet e Bashkuara te Amerikes si aleat i ngushte i shqiptareve,por kjo nuk mend te i pershkruhet si e arritur e madhe vetem nje partie.Keto vlen te permenden edhe gazetaret si fuqi e „shtate“ ne krahe te politikes konform kerkesava legjitime te popullit,ketu aty me kritika te ashpra drejtuar individeve ose kreut partijak,por ne menyre profesionale qe keto te fundit te korgjojne gabimet ne politke,gjithmon duke shpreh moskenaqsin e elektoratit-Populli,dhe interesat e Shtetezimit te Kosoves dhe kauzes shqiptare nepergjithsi.
Diskutuesit ne internet faqe jan pasqyra me e keqe,dhe gradualisht shendrohet ne nje force qe minon cdo perpjekje per te arrit qellimet tona.Demokracia ka edhe nje kod te posaqem diskutimi i cili nuk lejon shtremberime te interesave te popullit dhe Shtetit,dhe nese une nuk e kam te njohur kete kode,nuk kam te drejte te fajesoj ate tjeterin pa u mbeshtet ne argumentin „baze“.
Qarqet antishqiptare sllave,ne Moske,Beograd,Nish,Shkup,kan regrutu gazetare“agjente“ qe njohin gjuhen shqipe dhe kann kriju „Transllatore Elektronik“perkethyes,nate e dite jan kujdestare dhe vizitore te Internet faqeve shqiptare per te mbeledh te dhena mbi mendimet dhe qendrimet tona.Çdo shkrim,çdo diskutim qe shkon deri ne grindje dhe minimizim te interesave tona,ne te shumten e rasteve pa argumente te sakta,dhe paste dhe copi nga autore te ndryshem per te cilet nuk kemi asnje informacion se a jane shqiptare,pa menduar mire futemi ne lojen e qarqeve antishqiptare,duke minimizuar çdo hapesire interesi tonin,si „argat“te tyre.
Se cka mund te na pregatisin keto qarqe me embargo qe kan paralajmeruar nese shqiptaret shpallin pavaresin,edhe hapsira multimediale shqipatre mund te pesojne deme kolosale.

Prandaj,uniteti i yne eshte pavaresia e Kosoves dhe interesat tona Kombetare,asesi ideologjite partijake.

[sunshine]

Angazhimi për pavarësi nuk prodhon
asgjë më shumë se paketën Ahtisaari

Po të flasim me gjuhën e prodhimit të produkteve mund të themi se tash jemi në prag të daljes në jetë të produktit politik të quajtur "Pavarësi e Kosovës". Produkti është projektuar në vitin 1990 nga Lidhja Demokratike e Kosovës. Është shpikur pa u bërë analizat e duhura se a kishte mundësi reale që të ndërtohej edhe një proces adekuat për finalizimin e këtij produkti. Procesi i prodhimit të këtij produkti politik ishte konceptuar nga ideatori i tij si një proces paqësor me çdo kusht, duke u mbështetur vetëm në faktorin e jashtëm si përcaktues i çdo faze të procesit. Projektuesi kishte premtuar se produkti do të ishte krejtësisht sipas aspiratës kombëtare të popullit shqiptar dhe do të realizohej shumë shpejt. Mjaftonte që populli të mos e bënte asnjë përpjekje të dhunshme dhe çdo gjë do të shkonte sipas projektit. Projektuesi ishte plotësisht i bindur për këtë. Vitet ecnin dhe finalizimi nuk vinte. Mosrealizimi i premtimeve filloi të nxiste padurimin. Filluan edhe dyshimet mbi zotësinë e projektuesit për ta realizuar këtë projekt. Projektuesi i bindur në saktësinë e projektit të vet shpikte lloj-lloj marifetesh, së bashku me faktorin e jashtëm, për ta mbajtur durimin. Por edhe kjo nuk mund të zgjaste deri në pakufi. Populli kishte nevojë ta realizonte kërkesën e tij dhe nuk mund të besonte as përjetësisht dhe as symbyllas. Populli filloi ta kërkonte një projektues të ri e të aftë për ta gjetur rrugën e duhur për realizimin e aspiratës së tij kombëtare. Pas fillimit të humbjes së besimit nuk vonoi shumë dhe projektin e jetësimit të aspiratës kombëtare (produktit politik) e mori përsipër Drejtoria Politike e Ushtrisë Çlirimtare të Kosovës. Projektuesi i ri e kishte idenë fillestare që ta ndryshonte qëllimin politik që e kishte vendosur Lidhja Demokratike e Kosovës, sepse besonte se gabimi qëndronte pikërisht në vendosjen e gabuar të qëllimit. Pra, sipas projektuesit të ri, duhej synuar produkti politik "Bashkimi Kombëtar", ndërsa procesi duhej të bazohej në mjete dhune që ishin të ligjshme, sepse nuk kishte rrugë tjetër për realizimin e kësaj kërkese krejtësisht të ligjshme. Kështu vendosi projektuesi i ri dhe në parim kishte të drejtë. Projektuesi i ri eci për pak kohë pas këtij koncepti, por që në pengesën e parë të zhvillimit të procesit u tërhoq. Tërheqja nga qëllimi i Bashkimit Kombëtar, si i vetmi produkt politik që duhej synuar, u arsyetua se ishte një vendim i domosdoshëm i kohës dhe rrethanave. Me këtë hap praktikisht edhe projektuesi i dytë u katandis në idenë e projektuesit të parë dhe pothuaj në momentin e marrjes së këtij vendimi mori edhe vendimin që të bashkëvepronte e të bashkëjetonte me projektuesin e parë, me Lidhjen Demokratike të Kosovës. Në heshtje dhe pa i kërkuar njëri- tjetrit falje për fyerjet dhe sharjet e bëra reciprokisht, dy projektuesit u bashkuan dhe në rrugë e sipër bënë së bashku mjaft ndryshime në përkufizimin e qëllimit politik (produktin e synuar) që e kishin proklamuar vetë. Pak nga pak produktit politik "Pavarësi e Kosovës" iu hoq krejt përmbajtja e premtuar nga dy projektuesit tashmë të bashkëdyzuar dhe mbeti vetëm forma e produktit. Ishte një forcë jashtë tyre që i shtynte këta projektues ta hiqnin përmbajtjen në vazhdimësi, deri sa e sollën këtë produkt në një emër pa përmbajtje. Ajo forcë jashtë tyre e vlerësoi saktësisht qenien pakurrizore të projektuesve dhe me pak shtytje i detyroi ata të hiqnin dorë nga përmbajtja. Pavarësia e premtuar humbi çdo element të pavarësisë kombëtare siç ishte premtuar në fillim. Kishte një forcë që e diktonte procesin e prodhimit të produktit politik të synuar. Kjo forcë dalëngadalë i detyronte vetë projektuesit të zhvishnin kërkesën politike nga elementet kombëtare shqiptare. Vetë procesi i kishte mbërthyer projektuesit që të pajtoheshin me zhveshjen nga elementet vitale qenësore kombëtare të projektit të tyre. I tillë ishte procesi që sa më shumë të bënin lëshime projektuesit, aq më shumë e lavdëronin projektin e tyre për t'ia bërë popullit sa më të ëmbël e më të pranueshëm. Aq më tepër projektuesit e ndjenin veten krenarë që ishin shpikës dhe zbatues të këtij procesi. Proces tejet interesant dhe çudibërës. Tash pas zhveshjes së plotë të përmbajtjes kombëtare të aspiratës së shqiptarëve (produktit politik të kërkuar nga populli) procesi i prodhimit të këtij produkti po përfundon. Produkti që u projektua si Pavarësi e Kosovës, i kthyer për pak muaj si Bashkim Kombëtar dhe i rikthyer sërish në Pavarësi po del nga procesi përfundimtar i prodhimit si produkt Made by Ahtisaari. Sido që të jetë, angazhimi për Pavarësi nuk ka asnjë mundësi ta ndërtojë një proces të mirëfilltë që do të përfundojë në diçka më të mirë se produkti "Made by Ahtisaari". Nuk ka mundësi të prodhojë më shumë se kaq politika që nuk bazohet në shkaktarin e problemit: në çështjen e pazgjidhur shqiptare në Ballkan. Ky është maksimumi që mund të arrijë angazhimi për zgjidhje parciale të çështjes së pazgjidhur shqiptare.

Sabit Gashi