Leximet e se Djeles

[Giovanni]

Te dashur lexues ketu keni mundesi ti lexoni gjdo jave leximet e se djeles qe leohen ne meshen shejte.
Me nderime Giovanni

[Giovanni]

E DIELA E XXV GJATË VITIT

24.09.2006.

Leximi i parë (Urt 2,12.17-20)

Lexim prej Librit të


Urtisë

Thanë të paudhët: “T`i vëmë pritë të drejtit, sepse na pengon dhe u

kundërshton veprave tona, sepse na qorton për mëkatet kundër Ligjit e
na i përplas në sy mungesat e edukatës që kemi marrë. Të shikojmë a
janë fjalët e tija të vërteta dhe të shqyrtojmë çfarë mbarimi do të ketë:
nëse i drejti është vërtet bir i Hyjit, Ai patjetër do ta ketë në kujdes dhe do
ta shpëtojë nga duart e kundërshtarëve.
Ta vëmë në sprovë me fyerje e me e me mundime e ta shohim butësinë
e sedrës së tij, ta sprovojmë durimin e tij. Ta dënojmë me vdekje të
turpshme: sepse, siç thotë ai, shpëtimi do t`i vijë!”

Fjala e Zotit

Psalmi: 54(53


) Ti, O Zot, je mburoja ime.

Më shpëto, o Hyj, pashë Emrin tënd,

me fuqinë tënde mbroje të drejtën time.
O Hyj, vështroje lutjen time,
prire veshin nga fjalët e gojës sime!

---------------------------------------------------

Sepse krenarët u çuan kundër meje,

mizorët kërkojnë të ma marrin shpirtin:
për Hyjin ata s`kanë kujdes.

----------------------------------------------------

Por, ja, Hyji po më vjen në ndihmë,

shpirtin tim ai po e merr ndore.
E unë me ëndje do të të kushtoj fli,
do ta lavdëroj Emrin tënd, o Zot,
sepse është i mirë.

----------------------------------------------------

Leximi i dytë: (


Jak 3,16-4,3)

Lexim prej Letrës së shën Jakobit apostull

Fort të dashur, ku është smira dhe grindja, atje ka pështjellim dhe çdo të

keqe. Kurse urtia që vjen prej së larti më së pari është e pastër, pastaj
pajtuese, e butë, e përshtatshme, plot mëshirë dhe vepra të mira, e
durueshme dhe jo shtiracake. Fryti i drejtësisë mbillet në paqe për ata që
punojnë për paqe.
Nga vijnë ngatërresat dhe grindjet që vlojnë ndër ju? A thua jo këndej:
nga lakmimet tuaja që luftojnë në gjymtyrët tuaja? Dëshironi e nuk keni;
vritni e keni smirë, dhe gjë nuk fitoni; griheni e luftoni. Nuk keni pse nuk
luteni. Luteni e nuk fitoni, pse luteni keq që t`i shpenzoni në plotësimin e
ëndjeve tuaja.

Fjala e Zotit

Aleluja!

Po të bekoj, o Atë, Zotërues i qiellit e i dheut,

që të vegjëlve ua zbulove misteret e Mbretërisë qiellore.

Aleluja!

Ungjilli: (


Mk 9,30-37)

Lexim i Ungjillit shenjtë sipas Markut

Në atë kohë, Jezusi dhe nxënësit e tij kaluan nëpër Galile, por ai nuk

donte ta dinte kush, sepse mësonte nxënësit e vet. U thoshte: “Biri i
njeriut do t`u dorëzohet njerëzve e ata do ta vrasin, por kur ta kenë vrarë,
ai do ngjallet pas tri ditësh.” Ata nuk e morën vesh këtë fjalë e kishin frikë
ta pyesin. Arritën në Kafarnaum. Si hyri në shtëpi, i pyeti: “Mbi çka
biseduat rrugës?” Ata nuk bënë zë, sepse udhës kishin biseduar kush
ishte më i madhi. Jezusi u ul, i thirri rreth vetes të Dymbëdhjetët e u tha:
“Kush dëshiron të jetë i pari, le të bëhet i mbrami i të gjithëve dhe
shërbëtori i të gjithëve.” Pastaj mori një fëmijë të vogël, e vuri në midis
të tyre, e mori ngrykë dhe u tha: “Kush e pranon një vogëlush si ky në
Emrin tim, më pranon mua; e kush më pranon mua, nuk më pranon mua,
por atë që më dërgoi mua.”

Fjala e Zotit

Fjala e Zotit është ushqim i shpirtit tonë. Duke e dëgjuar apo lexuar Fjalën

e Zotit ne mendojmë për Zotin dhe porosinë e Tij. Ai na mëson dhe

frymëzon që të jetojmë denjësisht dhe shenjtërisht, sepse jemi të krijuar në

përngjasimin e Tij. Njeriu është Ikonë e Hyjit.

[Giovanni]

Porosia e leximeve

Leximi i parë që e dëgjojmë sot ka kuptimin e vuajtjes që aludon në vet
Jezu Krishtin, i cili nuk erdhi për të qenë i shërbyer por për të shërbyer.
Shikuar nga ky aspekt lirisht mund të themi se atë që flet në emër të Zotit
për të patenzonin, për atë që bënë vepra mëkatare, fjalët për kthim,
pendim dhe përmirësim të jetës janë të tepërta që vrasin, sepse njerëzit
të tillë janë të robëruar në të këqija dhe mëkate.
Leximi i dytë i shën Jakobin na mëson dhe qorton për njerëzit të cilët
ende ishin nën ndikimin apo më mirë më thënë në traditën pagane sepse
kishte grindje pështjellime, smirë dhe shumë fenomene të cilat prishnin
imazhin e mirë që duhet pasur njeriu i krishterë.
Edhe në ungjillin e sotshëm Krishti vazhdon të flet për atë që e pret në të
ardhmen: Për vdekjen dhe ringjalljen që do të pasojë pas tri dite. Por
apostujt nuk kuptojnë dhe as që duan të kuptojnë. Arsyet e kësaj
mosbindjes së tyre i kemi cekur të dielën e kaluar. Por Krishti iu tregon
se si duhet të sillën nëse dëshirojnë të kenë pjesë në Mbretërinë e Atit të
Tij. Po përse Krishti e merr fëmiun si shembull? Së pari të theksojmë se
ju si prindër e realizoni dëshirën e Krishtit kur me dashuri i pranoni
fëmijët prej Zotit. Ndërsa Krishti nuk dëshiron që ne të jemi fëmijërorë –
fëmijët gjithë ditën luajnë nëpër baltë, e ujë, pa dëshirë që të marrin
ndonjë punë me seriozitet. Por, Krishti dëshiron të jemi si fëmijët me
zemër. Fëmijët mund të kacafytën mes veti, por ata menjëherë pajtohen.
Fëmijët nuk dinë të gënjejnë, nuk kanë dredhia, besojnë në prindërit e
vet, ata e kanë dashurinë e sinqertë pa interes dhe intriga. Fëmijët edhe
nëse ia bëjnë ndokujt ndonjë sherr nuk ia bëjnë me qëllim për ta
shkatërruar. Ata nuk kanë urrejtje, xhelozi në atë masë çfarë e kemi ne
të rriturit. Përveç tjerash, në të kaluarën fëmijët kanë qenë shërbëtorë të
prindërve të vet, të dëgjueshëm dhe të arsyeshëm. Krishti dëshiron të
jemi të tillë. Sot fëmijët janë në qendër të vëmendjes të lazdruar sa të
duash, sepse prindërit shumë pak iu prishin qefin atyre duke ju plotësuar
çdo dëshirë.
Mos të harrojmë se fëmiu që e përqafon Krishti, paraqet jo vetëm fëmijët
por të gjithë ata njerëz që kanë nevojë për ndihmën dhe përkrahjen tonë:
pleqtë, të sëmurit, të vetmuarit. Risia e Krishtit është se ne jemi fëmijë të
Zotit dhe mes veti vëllezër dhe motra, andaj lypset që të gjitha aftësitë
tona t`i vejmë në shërbim të të afërmit, njeriut, për të mirën e përbashkët.
Sikur, ne vëllezër dhe motra, të kishim ndjenja të tilla për njëri tjetrin
atëherë, në mesin tonë do të kishte shumë më pak dhimbje dhe vuajtje.
Sikur ne të dinim t`i fshinim lotët njëri tjetrit, do të kishte shumë më pak
lot. Por e keqja është se ne qëllimisht i shkaktojmë njëri tjetrit vuajtje, lot
e të këqija, gjë që dëshmon se jemi fëmijë të këqij të prindërve tanë dhe
të Atit tonë qiellorë. Mos të harrojmë faktin se dëshira për të qenë i pari
është e vjetër sa vet njerëzimi. Tek e fundit edhe vet Adami dhe Eva
mëkatuan nga dëshira për të qenë më të mëdhenj se Zoti. Natyrisht ata
këtë e bënë nën ndikimin e djallit. Dhe kjo dëshirë për të qenë i pari
vazhdoi gjatë historisë dhe do të jetë e pranishme edhe në të ardhmen.
Të përkujtojmë se sa luftërat, sa gjaku, sa vuajtjet janë bërë, prej
njerëzve që nuk kanë kursyer askënd dhe asgjë vetëm për të qenë i pari,
në pushtet? Ai që me meritë është i pari, ai e di se ka përgjegjësi të
madhe që t`i realizon kërkesat e atyre që ia kanë besuar atë vend.
Ndërsa ai që pa meritë është i pari nuk i intereson askush më tepër se
vetvetja. Ai që dëshiron të jetë besimtarë, duhet t`i pranojë principet e
Krishtit: Ta duam Zotin dhe vëllanë njeri, si vetveten! Dashtë Zoti që
populli dhe Kisha jonë të kenë udhëheqës të mirë, të sinqertë, të drejtë
që e duan të mirën e popullit dhe të këtij vendi. Dashtë Zoti që çdo
katolikë shqiptarë, por edhe të tjerët, të ketë një zemër të butë dhe të
dashur fëmije që të kemi besim, zemër dhe ndjenja njëri për tjetrin, që
një ditë të gëzohemi së bashku me vëllanë tonë të madh - Krishtin, në
mbretërinë e Atit tonë të përbashkët qiellorë. Pra, të bashkohemi që të
punojmë për një botë më të mirë, më të drejtë dhe më të dashur për të
gjithë në rrethin ku jetojmë




.

[Giovanni]

E DIELA E XXVI GJATË VITIT
01.10.2006.



Leximi i parë (Nr 11,25-29)


Lexim prej Librit të Numrave
Në ato ditë, Zoti zbriti në re dhe zuri të bisedojë me Moisiun. Nga shpirti
që ishte në Moisiun mori dhe u dha shtatëdhjetë burrave pleq. Kur Shpirti
pushoi mbi ta, filluan të profetizojnë, por këtë nuk e bënë askurrë me.
Porse dy pleq ndenjën në tëbanishtë. Njëri quhej Eldad e tjetri Medad.
Edhe mbi ta pushoi Shpirti. Edhe këta ishin shënuar, por nuk erdhën te
Tenda. Kur filluan të profetizojnë në tëbanishtë, vrapoi një djalosh e i
tregoi Moisiut me këto fjalë: “Eldadi e Medadi po profetizojnë në
tëbanishtë!” Jozuehu, biri i Nunit, që Moisiu e kishte zgjedhur t`i shërbejë
qysh të ri, tha menjëherë: “Ndalojau, Imzot, Moisi!” Kurse Moisiu
përgjigji: “Po a ke smirë për mua? Eh, po të ishte e mundur që i tërë
populli të profetizojë e Zoti t`ia jepte Shpirtin e vet!”



Fjala e Zotit


Psalmi: 19(18)
Urdhërimet e Zotit japin gezim.


I përsosur është Ligji i Zotit,
shpirtin përtërinë:
për t`u besuar është Dëshmia e Zotit,
të miturve u jep dijen.



---------------------------------------------------


E panjollë është frika e Zotit,
nuk ndërron në shekuj të shekujve;
gjyqet e Zotit janë të vërteta,
të gjitha njënjë të drejta.
Më të çmueshme se ari, se më i pastri ar,
më t ë ëmbla se mjalti, se hoja që rrjedh mjaltë.



----------------------------------------------------


Ruaje shërbëtorin tënd, o Zot,
prej krenisë, që të mos më zotërojë ajo,
atëherë do të jem i patëmetë,
i pastër krejtësisht prej mëkatit të madh.



----------------------------------------------------


Shërbëtori yt me kujdes i mëson:
t`i mbash ato është ftesë e madhe.
Porse kush i heton gabimet?
Më pastro, o Zot, prej mëkateve të fshehta.



----------------------------------------------------

Leximi i dytë: (

Jak 5,1-6)


Lexim prej Letrës së shën Jakobit apostull


Kujdes, tani ju, o pasanikë! Qani dhe vajtoni për të këqijat që do të vijnë
mbi ju! Pasuria juaj u kalb dhe petkat tuaja i brejti tenja. Ari dhe argjendi
juaj u ndryshk dhe ndryshku i tyre do të bëhet dëshmi kundër jush dhe
do ta hajë trupin tuaj porsi zjarri. Keni mbledhur visare për ditët e fundit!
Ja! Paga që u hëngrët punëtorëve që ju korrën arat, bërtet dhe –
ofshama e korrëtarëve arriti në veshët e Zotërisë së Ushtrive! Jetuat mbi
tokë plot luks dhe u këndellet në ëndje të prujta, i ushqyet zemrat tuaja
për ditën e therjes! E dënuat, e vratë të drejtin: ai nuk ju kundërshton.



Fjala e Zotit


Aleluja!


Fjala jote o Zot është vërteta:
na shenjtëro në të vërtetën.



Aleluja!


Ungjilli: (
Mk 9,38-43.45.47-48)


Lexim i Ungjillit shenjtë sipas Markut


Në atë kohë, Gjoni i tha Jezusit: “Mësues, e pamë një njeri që i dëbonte
djajtë në Emër tënd. Ne ia ndaluam, sepse ai nuk na ndiqte.”
Jezusi i tha: “Mos ia ndaloni! Sepse s`ka njeri që të mund të bëjë mrekulli
në Emrin tim e menjëherë pastaj të flasë keq për mua. Kush nuk është
kundër nesh, është me ne.
Ai që do t`ju japë të pini një gotë ujë përse jeni të Krishtit, për të vërtetë
po ju them: me siguri nuk do ta humbë shpërblimin e vet.
Porse, për atë që mëson ndonjërin prej këtyre të vegjëlve që besojnë në
mua të mëkatojë do të ishte më mirë t`i varej rreth qafës guri i mullirit e të
hidhej në det.
Prandaj, nëse dora jote të çon në mëkat, preje ! Më mirë është për ty të
hysh dorëcung në jetë se me të dy duart të shkosh në ferr – që s`fiket
kurrë. E nëse këmba jote të çon në mëkat preje! Më mirë është për ty të
hysh në jetë i çalë se t`i kesh të dy këmbët e të hidhesh në ferr. Po qe se
edhe syri yt të çon në mëkat, nxirre! Më mirë është për ty të hysh në
Mbretërinë e Hyjit me një sy se t`i kesh të dy e të hidhesh në ferr. Ku
`krimbi i tyre nuk cof e zjarri nuk fiket.`



Fjala e Zotit

Porosia



Cila është porosia e Ungjillit të sotshëm?
Ta përsërisim: “Vaj për atë që mëson ndonjërin prej këtyre të vegjëlve që
besojnë në mua të mëkatojë do të ishte më mirë t`i varej rreth qafës guri
i mullirit e të hidhej në det.” Ky është një kërcënim i rënd i Jezusit. Një lloj
kërcënimi të tillë e përdorë në rastin kur Juda e tradhton atë. U është
drejtuar atyre që mashtrojnë dhe shkandullojnë, qojnë në mëkat të tjerët.
Vaj për ta…sa janë sot të tillë që më fjalë, me gjeste, me vepra japin
shkandull.
Njeriu duhet pyetur veten si sillemi në familje në shoqëri, në rrugë, në
kishë? Sot mas mediat janë të stërmbushura në listat e zeza që ka lajme
të kobshme. Para pak ditëve diku në Tropojë një vajzë e re ishte dhënë
në punë të liga për të shpëtuar familjen nga varfëria. Shihet se kishte
qenë e mashtruar, sepse këtë zeje për ca kohë e kishte ushtruar në
Kosovë. Dhe një ditë e kupton se është në gabim atë që bën. Kthehet
në familje, por nuk jeton shumë, ai që e kishte “shitur” për vepra të tilla e
vret pranë familjarëve. Ky rast tragjik nuk përfundon me kaq, sepse pas
pak ditëve e gjejnë edhe vrastarin të vrarë ose më mirë me thënë të vetë
vrarë në fund të fshatit (Top Channel lajmet e orës 12.00.25.08.2006).
Sot për fat të keq nuk gjedhen mjete për të arrit deri tek kënaqësia
trupore, deri të parat, deri tek mëkatet e ndryshme, por shtrohet pyetja:
Si mund të jetohet pa norma të mirëfillta të jetës? Si mund të shkohet
përpara pa moral të krishterë? Si mund të ketë përparim në shoqëri nëse
nuk e vendosim rendin shoqërorë të mirëfilltë që ka një ligj të vetëm jetën
morale në të gjitha sferat e jetës?
Ungjilli është një bazë e fortë në të cilin na flet Zoti, Ai na qorton, mëson
dhe edukon për një të ardhme më të mirë. Me të drejt është thënë:
Tragjedia e sotme është se njeriu e ka humbur ndjenjën ndaj mëkatit.
Nëse flasim për mëkat gjithmonë nxirremi në atë se të gjithë po bëjnë,
nuk jam as i pari as i fundit: Kjo është filozofia e djallit, dhe mashtrimi i tij,
për ta arsyetuar të keqen me të cilën jemi të bashkuar.
Edhe ne meshtarët, edhe shekullaret, të gjithë duhet t`i kemi sytë e
hapur që mos të shkandullojmë as me fjalë, as me vepra, sepse Zoti na
ka dhënë mundësinë ne të jemi prijës të popullit, e të tjerët të jenë prijës
të familjes, prindër, fëmijë që kanë prindër dhe kanë prindin qiellorë Atin
në qiell, Atë të përbashkët, i cili dëshiron që të gjithë të shëlbohemi, në
saje të besimit, fesë sonë dhe veprave tona të mira që dëshmojnë dhe
argumentojnë Zotin e pranishëm në mesin tonë, në familje tona.
Don Marjan Demaj
Luzern



Fjala e Zotit është ushqim i shpirtit tonë. Duke e dëgjuar apo lexuar Fjalën

e Zotit ne mendojmë për Zotin dhe porosinë e Tij. Ai na mëson dhe
frymëzon që të jetojmë denjësisht dhe shenjtërisht, sepse jemi të krijuar në
përngjasimin e Tij. Njeriu është Ikonë e Hyjit.

[Zana_ch]

E DIELA e VI. gjatë vitit, më 11. shkurt 2007





Leximi i Ungjillit shenjt sipas Lukës (Lk 6, 11. 20-26)



Në atë kohë, Jezusi zbriti bashkë me të dymbëdhjetët e zuri vend në rrafshinë. Ishte aty një shumicë e madhe nxënësish të tij dhe një turmë e madhe e popullit prej mbarë Judesë, prej Jerusalemit dhe prej bregut të detit të Tirit e të Sidonit.



Jezusi, si i drejtoi sytë e vet mbi nxënësit, thoshte:



“Të lumët ju, o skamnorë,

sepse juve ju përket Mbretëria e Hyjit!



Të lumët ju që tani keni uri, sepse do të ngiheni!



Të lumët ju që tani qani, sepse do të qeshni!



Të lumët ju kur njerëzit do t’ju urrejnë,

kur do t’ju përjashtojnë prej rrethit të tyre,

kur do t’ju poshtërojnë,

kur do ta çmojnë emrin tuaj për të pandershëm

për shkak të Birit të njeriut!



Atë ditë gëzohuni dhe kërceni sepse ju pret shpërblim i madh në qiell.



Vërtet, në të njëjtën mënyrë vepruan edhe etërit e tyre me profetët!



Por, vaj për ju, o pasanikë,

sepse e keni ngushëllimin tuaj!

Vaj për ju që tani jeni të ngopur,

sepse do të pësoni uri!



Vaj për ju që tani qeshni,

sepse do të vajtoni e do të qani!

Vaj për ju, kur të gjithë njerëzit do t’ju lëvdojnë, sepse ashtu vepruan edhe etërit e tyre me profetët e rrejshëm!”



Fjala e Zotit

[Zana_ch]

E DIELA e VII. gjatë vitit, më 18. shkurt 2007


Leximi i Ungjillit shenjt sipas Lukës
(Lk 6, 27-38)

Në atë kohë, Jezusi u tha nxënësve të vet: “Po ju them juve që më dëgjoni: ‘Duani armiqtë tuaj, bënu mirë atyre që ju urrejnë, bekoni ata që ju mallkojnë, lutuni për ata që dijekeqas ju mundojnë’.

Atij që të bie njërës faqe, ktheja edhe tjetrën! Atij që ta rrëmben pallton, mos ia ndal as këmishën! Secilit që lyp prej teje, jepi, e atij që merr gjënë tënde, mos i kërko ta kthejë!

Si dëshironi t’ju bëjnë juve njerëzit, ashtu bëjuni edhe ju atyre! Nëse i doni vetëm ata që ju duan, çfarë merite të veçantë pritni? Sepse edhe mëkatarët i duan dashamirët e vet. Edhe nëse, u bëni mirë vetëm atyre që ju bëjnë mirë, çfarë merite të veçantë pritni? Aq bëjnë edhe mëkatarët. E në qoftë se u huazoni vetëm atyre, prej të cilëve shpresoni se do t’ju kthejnë, ç’shpërblim do të keni? Edhe mëkatarët u huajojnë mëkatarëve, por që t’u kthehet aq sa dhanë.

Por ju duani armiqtë tuaj, bëni mirë e huazoni pa pritur se do t’ju kthejnë gjë. Kështu do të jetë i madh shpërblimi juaj dhe do të jeni bijtë e të Tejetlartit Zot, sepse ai ua do të mirën edhe mosmirënjohësve e të këqijve.

Bëhuni edhe ju të mëshirshëm sikurse edhe Ati juaj është i mëshirshëm.”

“Mos gjykoni dhe nuk do të gjykoheni! Mos dënoni e nuk do të dënoheni! Falni e do të gjeni falje! Jepni e do t’ju jepet: masë e mirë, e dendur, e tundur, me grumbull do t’ju jepet nën sqetullën tuaj: sepse me atë masë që të matni, do t’ju matet edhe juve në kthim.”


Fjala e Zotit