Lajme nga Mjekesia

[Janna]

Zbulohet perse bien floket tek meshkujt


Ekspertët pretendojnë se kanë zbuluar se çfarë shkakton rënien e flokëve tek meshkujt, raportoi BBC gjatë ditës së sotme.

Flokët ndërrohen gjatë të gjithë kohës, por për shkak të një problemi gjenetik, tek disa njerëz ato zëvendësohen nga qime aq të shkurtra e të imta, sa që janë të pashikueshme nga syri i njeriut.

Një ekip amerikan është duke hetuar shkaqet dhe beson se është pranë gjetjes së një kure, që do të ndërhynte tek ADN-ja, për të zgjidhur përfundimisht problemin tek njerëzit me këtë mangësi.

Mjekimi do të jetë një lloj kremi, i cili me t’u vendosur në kokë, do të depërtojë në rrënjët e flokëve dhe do të bëjë që qelizat e reja të zhvillohen në mënyrën e duhur gjatë procesit të zëvendësimit.

Deri tani ka qenë e paqartë arsyeja e shkaktimit të tullacllëkut, por ekspertët besojnë se hormoni mashkullor testosteron është i përfshirë në një lloj mënyre, ndërsa kanë evidentuar edhe një tendencë të trashëgimit gjenetik.

[Janna]

Si te mbroheni nga ftohja

Simptomat e ftohjes nuk janë rezultat i ndikimit destruktiv të virusit, por mënyra në të cilën imuniteti juaj reagon në ta.

Në të vërtetë, simptomat e fortë të ftohjes janë rezultat i imunitetit të fortë, e jo i dobësimit, thekson ekspertja Jennifer Akerman në librin e saj “Ah-Choo”. Infeksioni virusal, i cili di të na kaplojë edhe disa herë brenda vitit, është i përhapur në mbarë botën, mirëpo për ftohjen na rrethojnë disa mite.

Imunitet më i dobët - ftohje më të fortë?
Simptomat e ftohjes nuk janë rezultat i ndikimit destruktiv të virusit, por mënyra në të cilën imuniteti juaj reagon në ta. Në të vërtetë, simptomat e fortë të ftohjes janë rezultat i imunitetit të fortë, e jo i dobësimit, thekson ekspertja Akerman.

Vitamina C e shëron ftohjen?
Më shumë se 30 hulumtime klinike me më shumë se 10 000 pjesëmarrës kanë treguar se konsumi ditor i vitaminave C nuk parandalon ftohjen. Ndikimi i tij është shkurtimi i kohëzgjatjes së simptomave.

Më së miri pa alkool?
Një apo dy pije në ditë do të mund të zvogëlonin gjasat të prekeni nga ftohja. Personat që nuk përdorin alkool më shumë i janë të ekspozuar ftohjes. “Është e mundur që personat të cilët konsumojnë alkool më pak të jenë të ekspozuar ftohjes, këtë nuk e kemi të qartë”, ka deklaruar Sheldon Kohen, udhëheqës i hulumtimeve.

Me puthje bartet ftohja?
Lirisht mund të putheni me një person të ftohur, nuk do të sëmureni! Deri në këtë përfundim ata kishin ardhur, pasi në studim kishin qenë të përfshirë personat e ftohur, të cilët për një minutë të tërë i kishin puthur personat e ftohur. Prej 16 rasteve, vetëm një person ishte infektuar.

Të moshuarit sëmuren më shpesh?
Jo, jo. Sa më të vjetër të jeni, aq më rezistent jeni ndaj ftohjes. Kështu që një person 50-vjeçar, për gjysmë më pak do të jetë i ekspozuar ndaj ftohjes në krahasim me një adoleshent. Pse? Personat e moshuar me kohë janë bërë më rezistentë dhe i kanë zhvilluar antitrupat, të cilët mbrojnë nga ftohjet.

[Jana]

Kujdes me pijet energjike

Shkencëtarët këshillojnë të alarmuar që problemi më tepër qëndron te sasia* të mos teprohet me të dhe ka shumë rëndësi mosha e atij që i pi. Është pije për të rritur dhe jo adoleshentë dhe shkaktojnë edhe tumore. Këtë e pohon Fondi Botëror i Studimeve mbi Kancerin.

Të bëjnë me krahë. Si një ‘deux ex machina’* magjike* me efekt të pazakontë dhe të menjëhershëm. Si ‘kot pa lidhje’* do t’i përkufizonin po shkurt dhe shpejt rëndom adoleshentët shqiptarë me gjuhën e tyre. Pije energjike për ta bërë sa më të gjatë dhe efektshme ditën* për të sfiduar natën* për të kapur maksimumin e energjive dhe çdo të mire që vjen prej tyre. Për ata që studiojnë dhe pastaj shkojnë të kërcejnë deri vonë* për shefat që kanë shumë stres* angarira dhe mbledhje* për ata që drejtojnë makinat me kilometra të tëra. Janë elisir për të pasur paraqitjen fizike dhe balsam për ankthin* duke çliruar humorin e duhur. Taurinë* glukoronolat* guarana* ginseng* aminoacid dhe karbohidrat për të cilat përsëri dyshohet shumë* por që në fakt janë substanca të pranishme në organizëm dhe në ushqime të tjera si vera e kuqe dhe molusqet. Por këto përzierje bashkë janë koktejl për të pamposhturit. Ja disa emra të tyre: Burn (zjarr)* Relentless (i paepur)* Vault (hedhje)* No Fear (jo frikë)* Estreme* Samurai* Atomic* Dinamite etj.

Ndonjëherë me vitamina dhe kripëra minerale. Një alkimi gjeniale ushqyese dhe kulturore* por.. nëse për pak çaste të bëjnë të fluturosh lart* duke të çuar drejt fuqive të epërme* fshehtazi ‘me hile’ grumbullojnë pak nga pak më shumë çaste kur këto krahë do të dobësohen keqazi. Veç të mirave të përkohshme që kanë* ka dekada që studime* shkencëtarë* media botërore flasin e flasin edhe rreth dëmeve të pijeve energjike. Shkencëtarët* mjekët nëpër botë* që janë marrë me studime rreth tyre* këshillojnë të alarmuar që problemi më tepër qëndron te sasia* të mos teprohet me të dhe ka shumë rëndësi mosha e atij që i pi. Është pije për të rritur dhe jo adoleshentë. E të pihen së paku një herë në javë dhe jo në sasi të tepruara* sepse shkaktojnë edhe tumore. Këtë e pohon Fondi Botëror i Studimeve mbi Kancerin. E sidomos të dëmshme janë nëse përzihen me alkool.

Por tek ne nuk bëzahet pothuajse fare rreth kësaj të keqeje. Një pjesë e medias të cilës i kap veshi diçka* nuk bëzan rreth dëmeve* sepse ushqehet nga reklamat e importuesve të tyre. Por masa e gjerë dhe e gjorë e njerëzve* të cilëve ende nuk i kanë mbërritur valët informative rreth dëmit* pinë e pinë tërë qejf dhe hapin sytë nga habia kur rastësisht dëgjojnë se ato bëkërkan edhe dëm. Sa herë e lëshon me dëshirë drejt tyre një këshillë* vështirë se has që ta dinë këtë informacion. “E pse bëka dëm?’* ‘Ç’ne?!’* pyesin rëndom. “Unë i pi pijet energjike kot për qejf. Më pëlqen shija. Jam mësuar”* thotë dikush. “Po nuk piva pije energjike* nga tre në ditë* nuk punoj dot. Ato më japin fuqi* se vuaj nga anemia’* thotë dikush tjetër. Një tjetër ka punë shumë të lodhshme dhe…pijnë sërish edhe disa në ditë. Ka dhe moskokçarës* që e presin pa iu bërë shumë vonë të keqen* sepse ende nuk janë ndërgjegjësuar për të* sa nga mosha e parritur* sa nga niveli kulturor. E vazhdojmë të dëmtohemi derisa ia bëjmë ‘bam!’ nga të këqijat që na sulmojnë nga të katër anët* e nga vetvetja.

Akuza për dëme pijet energjike kanë pasur në gjithë botën që nga vitet ’80* kur ato nisën udhën e tregtisë botërore. Alarme në dy vitet e fundit vijnë nga SHBA për sjellje të shfrenuara* në limit ekstreme* që çojnë në seks të pambrojtur apo akte dhune nga ata që përdorin pije energjike. Sidomos mes adoleshentëve ato sjellin qëndrime devijuese me predispozicionin për probleme në shëndet dhe sigurinë vetjake. Në studime që janë bërë në shkollat amerikane* konkretisht në dhjetë universitete në Karolinën e Veriut* ata që përzienin pije alkoolike me pije energjike deheshin dyfish. Ndërkohë* shoqatat dhe prodhuesit e pijeve u mbrojtën me idenë se janë pije për të rritur dhe në çdo vend të botës ku ata janë të pranishëm nuk ka pasur efekte të dëmshme. Autoritetet ndërkombëtare të shëndetësisë kanë nxjerrë përfundimin se produkti është i sigurt për t’u konsumuar. Të dhënat klinike* testet dhe analizat toksikologjike të shoqëruara me studime pararendëse kanë arritur të pohojnë se prodhimi është i sigurt* por ka vende si Franca që ende nuk i qasin pije të tilla tek dera. Studiuesit brazilianë Souza-Formigoni* ndër të shumtët që flasin rreth pijeve energjike* thonë se më të rinjtë në moshë mund të ndihen klinikisht keq nëse nuk pijnë aq sa është normale dhe dëmi në tru është si ai i pijeve alkoolike. University of Maryland School of Public Health zbulon se djemtë që pinë jo më pak se një energy drink në javë pinë më pas edhe sasi të mëdha alkooli. Dhe intoksikimi mund të sjellë edhe takikardi* shqetësime gastrointestinale* axhitim psikomotorik dhe në raste të rralla edhe vdekje.

E më mirë t’i dimë të gjitha këto se mos t’i dimë sa herë që do të shijojmë të papërsëritshmet pije energjike. Dhe ashtu si thotë populli: “pijet me energji* por dhe energjia me karar…”

[Jana]

Kujdes me limonin

Ekspertët nuk e rekomandojnë vënien e lëngut të limonit direkt në lëkurë* sepse ekziston rreziku nga irritimi.

Veç kësaj* ekspertët nuk rekomandojnë përdorimin e këtij preparati as për trajtime tjera të zbukurimit: lëngu i limonit mund t’i bëjë flokët më të shndritshme* por vetëm në diell* ndërsa njëkohësisht shkakton edhe irritimin e lëkurës dhe hiperpigmentimin e saj nëse arrin në lëkurën e fytyrës dhe trupit.

Mos e përdorni limonin nëse keni flokë shumë të thatë dhe të brishtë* sepse mund ta përkeqësoni edhe më shumë situatën. Limoni mund të përdoret vetëm në ato raste kur floku është i yndyrshëm* ose normal. Efekti ndriçues i limonit është përdorur gjithmonë. Bëni kujdes të mos e kaloni në lëkurë* por vetëm në rrënjën e flokëve.

Si të veproni: përzieni në një filxhan ¼ lëng limoni të freskët dhe ¾ ujë mineral. Më pas aplikojeni masën e përftuar në flokë dhe lëreni të veprojë për rreth dy orë. Për të shmangur efektin “tharje”* mos harroni që të përdorni zbutësin pas larjes me shampo.

Një Aspirin në ditë

Përdorimi i rregullt i aspirinës mund të ndalojë lloje të ndryshme kanceri.

E marte 25 Janar 2011 14:15
Përdorimi i rregullt i një doze të ulët të aspirinës në moshën e mesme mund të ndalojë lloje të ndryshme kanceri - kjo sipas një studimi të ri britanik me mjekë të Universiteti Oxford.
Studiuesit thonë se pas marrjes së aspirinës për dy dekada, rreziku i vdekjes nga kanceri i prostatës apo i mushkërive do të ishte 20 përqind më i ulët. Ilaçi që është zbuluar shumë kohë më parë duket si i parëndësishëm. Aspirina përdoret rregullisht nga pacientët me kolesterol të lartë, tension të lartë apo diabet dhe dihet që ndihmon në pakësimin e goditjeve në zemër dhe hemoragjisë cerebrale.
Analizat e reja të publikuara nga revista mjekësore Lancet ndoqi tetë prova klinike me 25 mijë pjesëmarrës. Studimi thotë se aspirina ul rrezikun e vdekjeve nga kanceri me gati një të tretën. Mjekët megjithatë paralajmërojnë se një aspirinë në ditë nuk spraps efektet që vijnë nga mbipesha, duhani apo mungesa e fiskulturës.

[Jana]

Ilacet kunder dhimbjes, si ndikojne ne shendet...

Dhimbja me të vërtetë ekziston në kokën tonë, theksojnë shkencëtarët të cilët kanë zbuluar si mendimi pozitiv mund të forcojë efektet e ilaçeve kundër dhimbjes dhe ato negative të bllokohen. Shkencëtarët nga Oksfordi, Kembrixhi dhe dy universitete gjermane kanë kryer hulumtime me ndihmën e 22 vullnetarëve. Për zvogëlimin e dhimbjeve mjekët u kishin përshkruar ilaçe kundër dhimbjeve. Ajo që ishte vërejtur është se vullnetarët ishin ankuar për dhimbje më të forta në momentet e mosmarrjes së ilaçeve dhe në momentet kur kishin marrë ilaçet, por nuk dinin një gjë të tillë. Në të vërtetë, në momentin kur mjekët i kishin njoftuar se ju japin ilaçet, në të njëjtin moment vullnetarët kishin ndjerë më pak dhimbje. Në të njëjtën kohë mjekët kishin vëzhguar aktivitetin e trurit me ndihmën e skanerit MRI dhe kishin vërejtur se si hapësirat e trurit për dhimbje ishin më aktive, atëherë kur vullnetarët kishin menduar se nuk marrin ilaçet.

Dashuria, efikase
Në një studim të ri kanë marrë pjesë 15 vullnetarë, që të gjithë në fazën e hershme të një lidhjeje romantike. Atyre u janë treguar fotografi të partnerëve të tyre, ndërsa nëpër pëllëmbë u është lëshuar energji elektrike nëpërmjet diodave, që do të duhej t’u shkaktonte dhembje të lehta. Gjatë kohës së studimit kanë skanuar trurin e tyre me ndihmën e rezonancës magnetike, me qëllim që t’i vërejnë ndryshimet eventuale.

Studimi tregoi se ndjenjat e dashurisë, të nxitura vetëm prej shikimit të fotografisë të personit të dashur, ka po të njëjtin ndikim, sikurse medikamentet kundër dhembjes. Mirëpo, ky rezultat nuk është vërejtur kur vullnetarët kanë parë fotografitë e personave të panjohur, por tërheqës të gjinisë së kundërt. Studiuesit zbulojnë se efekti i dashurisë mund të krahasohet me ndikimin e disa narkotikëve, si morfina dhe kokaina. “Kur dashuria është ashtu siç e përshkruajmë, energjike dhe me pasion, atëherë ajo në një farë mënyrë krijon varësi”, është shprehur dr. Han Mekej për “Daily Telegraph”.

[Jana]

Yndyrat e qumeshtit e mbrojne zemren...

Është e njohur se qumështi, produktet qumështore si edhe produktet e tjera shtazore, përmbajnë sasi të madhe të trans yndyrave. Këto yndyra karakterizohen me faktin se përmbajnë një apo më shumë lidhje dyfishe.

Studimet e reja të realizuara te minjtë kanë treguar se trans yndyrat nga qumështi dhe produktet e tij, në realitet mund ta zvogëlojnë rrezikun nga sëmundjet e zemrës.

Shkencëtarët i kanë ushqyer minjtë me ushqim në të cilin kanë injektuar sasi të mëdha të trans acidit yndyror, i cili është i pranishëm në qumështin natyror të kafshëve dhe në produktet e tij. Pas 16 javësh, rezultatet kanë treguar zvogëlim të sasisë së përgjithshme të LDL-kolesterolit dhe triglicerideve.

Supozohet se për aftësinë pozitive të veprimit të këtij trans acidi yndyror është meritore aftësia e tij për zvogëlimin prodhimit të hilomikroneve, grimca të cilat luajnë rol në transportin e yndyrave dhe të cilat konsiderohen edhe si faktorë të rëndësishëm në disa çrregullime metabolike.

Rezultatet tregojnë se trans yndyrat natyrore dallojnë nga trans yndyrat e dëmshme, të cilat më së shpeshti janë të pranishme në ushqimin e përpunuar dhe këto yndyra jo-natyrore janë në lidhshmëri me rritjen e rrezikut për sëmundje të zemrës.

[rastesishT]

Qeshuni, është mirë për shëndet!

Ndryshoni mënyrën e të menduarit. Shpirti i gjallëruar dhe sensi i humorit do të ndikojnë mirë në shëndetin trupor dhe psikik. Cinizmi, vulgariteti apo joserioziteti ndikojnë ndryshe.
"Falë humorit, njerëzit bëhen më të tolerant, dinë të përballen me frustrimet dhe ruajnë shëndetin e tyre trupor dhe psikik", shkruan Sueli Damergian, nga universiteti në São Paulo.

Mirëpo, si të kthjellemi? Profesori vlerëson se disponimi i mirë mund të mësohet njëjtë sikurse mësohet edhe shkrimi e leximi.

Kjo qartazi kërkon nga njerëzit me karakter të egër, që të ndryshojnë mënyrën e vet të mendimit. Profesoresha e psikologjisë Raquel Rodrigues Kerbauy sqaron: "Nëse dikush mendon se do të mund të qeshet vetëm atëherë kur është e drejtë të veproj ashtu, atëherë gjithmonë do të mbetet i ngrysur. Në fund të fundit, bota është përplot me padrejtësi".
2486
Njerëzit me temperament të gjallëruar kënaqen në kontaktet e tyre shoqërore, ndonëse kanë orar të kërkueshëm kohor, thuhet në raport. Për ta kanë vlerë gjërat e vogla, siç janë, “biseda me miq, ëmbëlsirat apo pesë minuta dëgjimi të muzikës së mirë".

Megjithatë, Damergian tërheq vëmendjen: "Çiltërsinë nuk do të duhej ta përziejmë me joseriozitetin e as me vulgaritetin".

[rastesishT]

Plakja është proces natyral, mirëpo stresi te shume njerëz shkakton plakje te parakohshme.

Stresi vjen ne forma te ndryshme dhe nëse nuk dimë te ballafaqohemi me te trupi behet i tendosur dhe paraqiten pasoja negative.

Kjo përfshinë ngritjen e shtypjes se gjakut, koke dhimbje, pengesa ne tretje, hidhërim etj. Gjithashtu stresi e thane lëkuren e cila pasoje rrudhet.

Te gjitha këto ne kombinim me faktorët e jashtëm e plakin njeriun para kohe.

[rastesishT]

Uashington – Ajri i pastër do të zgjas jetën e amerikanëve. Këto janë rezultatet e një studimi të fundit të revistës së njohur amerikane New England Journal of Medicine. Sipas studimit në fjalë, pastrimi i ajrit në SHBA ka ndikuar në mesatarisht 21 javë zgjatje të jetës së shtetasve amerikanë. “Që nga vitet 1980 e në vazhdim kur në SHBA u morën masa për pastrimin e ajrit, me ndërhyrjet që janë bërë në fushën e automobilistikës, në përdorimin e qymyrit dhe të centraleve që prodhojnë gazra të ndryshme, jeta mesatare e amerikanëve është rritur me 2.7 vjet”, thuhet në raportin e revistës New England Journal of Medicine.

Një faktor i rëndësishëm në zgjatjen e jetës së amerikanëve, duket të jetë edhe lënia e pirjes së duhanit, kurse faktorë të tjerë po aq të rëndësishëm shfaqen edhe përmirësimi i kushteve ekonomike dhe pastrami i ajrit, citohet në raport.

[Jana]

Peceta apo tamponë?

Nëse përdor peceta apo tamponë, ky është vendimi yt. Në rastin më të mirë duhet t'i provosh të dyja. por mos bli peceta të parfumosura. Substancat aromatike acarojnë lëkurën dhe mund të shkaktojnë alergji!

Gjithashtu mos përdor mbathje me fortesë të parfumuar ose ato prej materiali plastik. Materiali sintetik krijon një mjedis të lagësht në vaginë. Ky është një terren i përshtatshëm për bakteret dhe kërpudhat (myqet). Gjatë natës, përdor më mirë peceta. Pikërisht për këtë, ka ekstra të gjata dhe të trasha.

Tamponët nuk duhet t'i mbani më shumë se 5 orë. Kur sasia e gjakut pakësohet është më mirë një pecetë. Kur ka pak sasi gjaku, tamponët thithin lëngun e vaginës e si rrjedhojë mungon mbrojtësi kryesor kundër nxitësve të sëmundjeve. Dhe kjo mund të shkaktojë infeksione. Në fillim të periodave ose kur ka pak gjakderdhje këshillohen mini-peceta ose mini-tampone.

[Jana]

Cokollata me e mire se lengjet e frutave

Shkencëtarët deklaruan se çokollata e preferuar shumë, përmban përbërës më të shëndetshëm bimorë se shumë lëngje frutash.

Bazuar në një lajm të The Telegraph, studimi i zhvilluar në Qendrën e Ushqyerjes dhe Shëndetit ka treguar se çokollata përmban përbërës më të shëndetshëm bimorë se shumë lëngje frutash.

Specialistët zbuluan se çokollata Bitter përmban shumë më tepër antioksidues dhe polifenole, të cilat ndikojnë në mbrojtjen e trupit nga shumë sëmundje si kanceri apo sëmundjet e zemrës.

Studiuesit përzien çokollatën Bitter, kakaon, çokollatën e nxehtë me lëngjet e frutave Acai berry, shegë dhe thanë. Sipas rezultateve të përftuara bëhet e ditur se çokollata bashkë me kakaon zotërojnë më shumë aktivitet antioksidues dhe flavonol.

Në studimin e publikuar në revistën Chemistry Central Journal shkruhet se çokollata humb vetitë e saj të shëndetshme kur shkrihet.

[Jana]

Kanceri ne vezore, faktoret qe ndikojne

Sipas studimit më të fundit, alkooli nuk ndërlidhet me njërin nga dy format më të shpeshta të kancerit të vezoreve. Kanceri i vezoreve radhitet si shkaktari i gjashtë më i shpeshtë në botë që shkakton vdekjen, ndërsa shfaqet si njëri nga dy llojet bazë: kanceri në qelizë apo adenokarcinom. Në vendet perëndimore është vërejtur një rritje shqetësuese me këtë të dytin, përderisa numri i atyre që preken me kancer në qelizë është në rënie. Deri më tani kanceri në qelizë ishte ndërlidhur me konsumimin e alkoolit. Autorët e studimit kanë analizuar të dhënat nga 15.000 pacientë dhe kanë zbuluar se adhuruesit e alkoolit që konsumojnë shtatë apo më shumë pije alkoolike brenda ditës për 9.5 herë janë më të rrezikuar se do të preken nga kanceri në qelizë, në krahasim me ata që nuk konsumojnë alkool. Mirëpo, autorët nuk kanë gjetur fakte që ndërlidhin këtë sasi të alkoolit, apo ndonjë lloj të caktuar të alkoolit që shkakton rritjen e rrezikut për t’u prekur me kancerin e vezoreve. Gjatë analizës së pacientëve po ashtu ishte vërtetuar se personat që mesatarisht konsumojnë një sasi të vogël të alkoolit gjatë ditës (një gotë alkool) janë më pak të rrezikuar nga njëri prej dy llojeve të kancerit të vezoreve, në krahasim me ata persona që nuk konsumojnë alkool.

[Naki]

Një protezë e re bionike për krahun

Carol Pearson | Zëri i Amerikës E enjte, 14 Prill 2011


Jeta e dhjetëra mijëra njerëzve - burra, gra e fëmijë - ndryshon përgjithmonë kur ata humbasin duart apo këmbët në shpërthimet e minave tokësore, sulme me bomba apo aksidente. Në dekadën e kaluar gjithnjë e më shumë pajisje motorrike protezë kanë ndihmuar këta njerëz të rifitojnë disa nga funksionet e gjymtyrëve të humbura. Shkencëtarët tani janë duke zhvilluar një lloj krahu protezë që mundëson një pacient të rifitojë ndjesinë e prekjes.
text
Ushtarët amerikan të cilët kanë humbur gjymtyrë në luftërat në Afganistan dhe Irak shpesh përfundojnë në Spitalin Walter Reed në Uashington për rehabilitim dhe për t’u pajisur me proteza.
Dr Todd Kuiken punon me këta pacientë dhe të tjerë për të provuar një krah bionik që ai i zhvilluar.

Këtu, Dr Kuiken shpjegon punën e tij me ndihmën e veteranit të luftës në Irak, Glen Lehman. Puna e Dr Kuiken është përqëndruar në zhvillimin e një krahu artificial që mund t’i përgjigjet komandave të trurit.
"Ajo që ne bëjmë është përdorimi i fijeve nervore që kanë mbetur ende. Megjithëse krahu ka humbur,"

Dr Kuiken shpjegon se fijet nervore nga krahu i prerë lidhen me muskujt e mbetur, në gjoks dhe në krah. Fijet nervore që kontrollojnë hapjen dhe mbylljen e dorës janë bashkangjitur në vende të ndryshme.

"Tani Glen mendon të përthyej krahun dhe fijet nervore e ndihmojnë atë të lëvizë brylin.”

Në këtë rast, elektrodat e vendosura në muskuj veprojnë si antena. Kur truri dërgon një impuls elektrik nervor, elektroda i merr sinjalet dhe ia dërgon protezës e cila aktivizohet. Me krahun e tij të ri, Lehman mund të mbajë një tabaka, ose të hapë një derë frigoriferi, pothuajse pa menduar.

"Kjo ka bërë që unë të rifitoj aftësinë lëvizëse të krahut. Sepse të mos jesh në gjendje të kryesh as veprimet më të thjeshta, ose t’i kryesh ato me një dorë, është shumë e vështirë.

Mjekët janë në gjendje tani që pjesë të fijeve nervore të duarve dhe gishtave t’i transferojnë tek muskujt e krahut dhe në këtë mënyrë pacienti me protezë mund të rifitojë ndjesinë e prekjes.

"Nëse ju prekni lëkurën, pacienti ndjen sikur ju po prekni dorën e tij të humbur.

Dr Kuiken thotë teknologjia prosthetike ndodhet në fazën kur pritet të shihet një numër në rritje i gjymtyrëve artificiale bionikë, që do t’i ndihmojnë personat me gjymtyrë të prera të bëjnë jetë normale.

[Jana]

Duhen pese vjet per te lene duhanin


Shkencëtarët amerikanë thonë se për të hequr dorë nga cigaret ju nevojiten pesë vjet dhe shumë përpjekje.

Me hulumtimin e tyre, shkencëtarët, e kanë shqyrtuar sjelljen e rreth 3.000 duhanxhinjve të sotëm që e kanë lënë duhanin. Njëra nga arsyet më të shpeshta dhe motivet e atyre që kanë hequr dorë nga duhani është shqetësimi për shëndetin, por edhe për mostërheqjen tek gjinia e kundërt, kohë pas kohe aroma e gojës dhe akuzimi nga pjesëtarët e tjerë të shoqërisë.

Lënia e duhanit është proces i gjatë dhe i vështirë që është i “ushqyer” edhe me doza të mëdha të stresit, në veçanti gjatë javës së parë ku dëshira për cigare është më e madhe. Prandaj, për t’u duruar java e parë e vështirë, është mirë që duhanpirësi pranë vetes të ketë dikë që do t’i japë mbështetje.

Në ditët e para duhanpirësi sugjerohet të merret me ndonjë gjë, të fillojë me një hobi të re dhe me ushtrime, sepse në atë mënyrë do ta largojë vëmendjen nga dëshira për nikotinë. Në masë të madhe mund t’i ndihmojë edhe një listë me arsye se pse është mirë t’i lini cigaret. Ajo duhet të jetë në një vend të dukshëm që t’ju japë nxitje që të duroni deri në fund.