Ikja e mikut

[Lapsi]

Ikja e mikut


Sa shpejtë që kaluan ditët dhe netët...gjithëçka na paraqitet sikur në ëndërr. Udhëtimi me barkën e shpëtimit po i vjen fundi. Miku jonë po ik. Ai la urtësinë... çdo hap përparimi, na e bëri me dije se bëhet rezultative nëse vërtetë kemi kuptuar nga lundrimi i barkës. Gjithë ne mbetemi të habitur... miku jonë duket në horizont si largohet nga ne... duke dhënë frymën e fundit... duke bë luftën që ta ruajmë disiplinën për të cilën na foli. Për fuqinë e krijuar për ti kapërcyer pengesat gjatë udhëtimit që kishim me te dhe që duhet vazhduar deri në takimin tjetër, e për ti përvetësuar e të na mbeten në jetë... që na foli për parimin e dashurisë së sinqertë dhe që na furnizoi me shpresë se si të jetohet e sotmja dhe si bëhet hap drejt së ardhmes… për të kuptuar sa më mirë jetën... për ti mbajtur nën kontroll epshin tonë dhe për të luftuar të keqen. Por, tani gjithçka morri në vete një heshtje… heshtja që nuk mundemi ta përkufizojmë me… lëvizja ka një drejtim tjetër, ndoshta nuk përputhet edhe me të dëshiruarën apo… Shpirtërat na janë mbushur me frikë, keqardhje e pikëllim, kemi një mendim që ndoshta ky është edhe takimi I fundit me mikun… Larg shihet një tablo, aty është ndërgjegja jonë, në te shkruhet shumeçka nga ai udhëtim, nga ai përjetim dhe ajo kënaqësi që iku me të shpejtë… gjithçka përshkruhet nëpërmjet thellësisë së shpirtit. Shkruan për ata që pasuan dhe respektuan, mirëpo shkruan edhe për ata që u mashtruan kësaj here, që mos të mashtrohen edhe herave tjera… shkruan për shumë gjëra, për planet, projekte…, kurse mbrendësinë tonë e përshkruan me një fjalë, ART. E shpirtërat tanë janë përshkruar si artist të zjarrtë që pasuan mikun dhe asnjëherë nuk do të groposen në tokë për të humbur ata projekte dhe plane, ngase edhe pse duket përreth nesh gjysëmerrësirë, aty ka një mesazh nga Zoti. Ky mesazh kërkon thirje shpirtërore që manifestohet me pikpamjet e dekorit dhe të bukuris… dhe reth nesh lule ka. Shpirti përfiton ngjyrosjen e dëshiruar…andaj, mos ngurroni, zbukuroni kështuqë çdo kush nga ju le të vesh gjëra të bukura dhe le të tregoje urtësinë dhe bekimin që ia dhuroi Zoti, sepse arriti dita e bekimeve… dita kur takohet triumfi mbi… dhe kur largohen te keqijat nga vetja, inati merre pamje tjeter, kurse hidhërimi shndërohet në pajtim e lumturi, ngase me buzëqeshje shtrihet dora vëllazërore e thuhet ME FAT BAJRAMIN!

I varferi tek Zoti, Lapsi