Lajme nga bota Islame

[xnjeri]

Ndërroi jetë dijetari Dr. Sejjid Nuh Në mëngjesin e 30 korrikut të viti 2007, në moshën 62 vjeçare u këput edhe një lule në mesin e dijetarëve të mëdhenj të botës islame.Bota islame e humbi edhe një dijetar dhe thirrës të njohur dhe autor i një numri të madh librash.Dr. Sejjid Muhammed Sejjid Nuh gjatë jetës së tij punoi si profesor në shumë universitete.
Fakultetin në Universitetin e El-Ez'herit e kreu në vitin 1971, po aty magjistri në vitin 1973 dhe doktoroi në vitin 1976.

Në Universitetin e Kuvajtit punoi si profesor i Sheriatit, në El-Ez'her si profesor i shkencave të hadithit, ishte dekan i Fakultetit të Tefsirit dhe Hadithit në Universitetin e Kuvajtit.

Nga botimet e tij më të njohura, në mesin e 20 titujve si më të rëndësishme veçojmë:

1. Pengesat në rrugë – 4 vëllime

2. Personaliteti i muslimanit mes personales dhe shoqërores

3. Udhëzime pejgamberike

4. Sahabët në shërbim të hadithit

5. Tabi'inët në shërbim të hadithit, si dhe shumë libra tjerë.

E lusim All-llahun e Madhërishëm që veprat e mira të kësaj bote dijetarit të nderuar t'ia vë në peshojën e punëve të mira në Ditën e Gjykimit.
marr nga http://www.fri.org.mk/public/index.p...d=35&itemID=66

[xnjeri]

Eksponohet një kopje e artë e Kur'anit Famëlartë Në një panair të cilin e organizoi Ministria e financave e Rusisë u eksponua edhe një kopje e Kur'anit që ishte i shkruar (qëndisur) me ar të pastër. Dekani i Fakultetit të letërsisë dhe gjuhës arabe pranë Institutit të vendeve aziatike dhe afrikane të Universitetit të Moskës, prof. Dimitrij Frolov, thotë se kopja e artë e Kur'anit Famëlartë është e vetmja e këtij lloji që daton nga shekulli i tetë, e që është ruajtur në Sankt Petersburg në Institutin e Akademisë së Shkencave të Rusisë.
Prof. Dimitrij Frolov vazhdon më tej të thotë se kjo kopje e artë në vete përmban më shumë se gjysmën e Kur'anit, dhe se është për t'u lavdëruar për kujdesin që i bëhet trashëgimisë kulturore në Rusi, sepse Rusia është shtet i përberë prej shumë kombeve dhe besimeve, kurse përfaqësimi i muslimanëve nuk është i vogël, por është i konsiderueshëm.
Kjo kopje e Kur'anit të artë përbëhet nga 163 llamarina të kallajit të qëndisura me ar të pastër, ku gjatësia është 136 mm, gjerësia 96 mm, trashësia 0.3 mm, ndërsa pesha 75 gr.

marr nga: http://www.fri.org.mk/public/index.p...d=33&itemID=66

[Preshevar]

Dënohet heshtja e vendeve arabe përballë krimeve te regjimit izraelit


Kryetari i Unionit botëror të dijetarëve muslimanë dënoi ashpër heshtjen e disa vendeve arabe përballë krimeve çnjerëzore të regjimit izraelit kundër popullit palestinez.

Sheikh Jusuf El Kardavi deklaroi se të gjithë arabët dhe muslimanët e botës i dënojnë krimet e fundit të regjimit izraelit kundër popullit palestinez dhe shtoi se popujt muslimanë dënojnë heshtjen e qeverive të tyre përballë krimeve izraelite. Dr.Jusuf El Kardavi theksoi se regjimet arabe po te bashkohen mund ti ndihmojnë popullit palestinez, por për fat të keq jemi dëshmitarë të heshtjes së vendeve arabe disa prej të cilave veprojnë ndaj Izraelit sikur të mos ketë ndodhur asgjë.

Kryetari i Unionit botëror të dijetarëve muslimanë i kërkoi Ligës arabe, OKI, BE dhe KS të OKB të marrin masa urgjente për të ndihmuar popullin e përvuajtur palestinez.

[Preshevar]

Sulm racist kundër një xhamie në Amerikë

Qendra islame në qytetin Kolombia në Amerikë ka marrë flakë pas një sulmi racist, ku në një raport televiziv është vënë re kryqi i nazistëve.




Në bazë të këtij raporti është bërë e ditur arrestimi i tre personave si përgjegjës për këtë sulm terrorist. Davud Abudajb kreu i kësaj qendre islame e cila është ndërtuar në vitin 2000 ka theksuar se kjo ngjarje ka ndodhur për herë të parë.

Sulmet mbi qendrat islamike dhe vënia e zjarreve në xhamia është një fenomen gjithëpërfshirës në Amerikë dhe organet islamike kanë kërkuar shtimin e sigurisë në këto qendra./irib/

[Preshevar]

Asambleja Europiane e Imamëve

....kjo organizate do te jete ze i larte per mbrojtjen e te drejtave te imameve ne Europe dhe ngritjen e nivelit te tyre ne te gjitha sferat.





U inaugurua Asambleja Europiane e Imamëve

Me 23-24 Shkurt ne Bruksel te Belgjikes u be inaugurimi i Asamblesë Europiane të Imamëve dhe Udhëzuesve Fetarë. Ne Kuvendin Themelues te kesaj organizate morren pjese perfaqesues nga 28 shtete Europiane.
Nga Maqedonia prezentuan Mr.Bashkim Aliu, i cili njeherit u zgjodhe anetari i keshillit ekzekutiv, dhe Fevzi Musliu.

Kjo organizate meton te beje koordinimin e veprimtarise se imamëve ne Europe dhe unifikimin e qendrimeve te tyre, per te dalur si nje ze para opinionit Europian.
Po ashtu, kjo organizate do te jete ze i larte per mbrojtjen e te drejtave te imameve ne Europe dhe ngritjen e nivelit te tyre ne te gjitha sferat.

[Preshevar]

Vritet një imam në Tajlandë

Imami 56 vjeçar Yapa fillimisht u torturuar dhe pastaj u vra nga autoritetet tajlandeze

Shembull i fundit i dhunës së ushtruar ndaj pakicës muslimane në Tajlandë nga qeveri tajlandeze ishte tronditëse. Së fundi një imam u vra pasi u torturua rëndë.

Sipas burimeve të një organizate për mbikëqyrjen e të drejtave të njeriut, ngjarja kishte ndodhur të mërkurën më 19 Mars ku imam nga rajoni Patani në Tajlandë, fillimisht ishte arrestuar dhe ishte dërguar në një kamp ushtarak. Ndërsa pas dy ditsh trupi i pajetë i Japas, që posedonte shenja të shumtë të torturës, u dorëzua të afërmve të tij .

Burimet ushtarake e konfirmuan rastin dhe deklaruan se do të krijohen një komision hetues lidhur me rastin

[Preshevar]

Postimi origjinal është bërë nga Preshevar

Të verbërit e Kosovës duan ta lexojnë Kuranin

Të verbërit e Kosovës duan ta lexojnë Kuranin
Intervistë me Kryetaren e Komitetit të Grave të Verbëra të Kosovës, Bajramshahe Jetullahu.



Intervistën me Kryetaren e Komitetit të Grave të Verbëra të Kosovës, Bajramshahe Jetullahu, ka kryer korrespondenti i ueb faqes më të madhe Islame, Islam On Line, Hany M. Salah.







A mund te na beni nje njohje apo prezantim te ketij projekti dhe si ju lindi kjo ide?

Ideja me ka lindur per shkak se egziston nji numer i madh i te te verberve te cilet nuk kane pasur raste te kene nje Kur'an te lexojne me gishtrinjet e vete meqenese u mungon drita e syrit dhe nuk kane mundesi ta lexojne Kur'anin me shkrim te zi.
Kam bere nje kerkese ne Bashkesine Islame te Kosoves (BIK ) e cila ka qendruar dy vite me rradhe te ata pas dy viteve nje shoqate " Kisha Katolike Amerikane " perkrahu projektin e kerkuar nepermes te BIK-ut i cili projekt kushtonte 6900 Euro ku ketu hynte blerja e letres speciale e cila nji flete kushtonte 0.80 cent nji faqe e Kur'anit me te pame jane 3 faqe ne sistemin e Brait.
Sa i perket Kur'anit munde te themi qe ne te gjitha trojet tona nuk ka Kur'an ne alfabetin e Braitit.
Na brene fakti se Bibla egziston ne kete alfabet dhe shume te verber kane filluar ta lexonin kete.

Si po ecen projekti, sa keni bere dhe sa ju ka mbetur per ta realizuar?

Kur'ani eshte shtypur deri te kaptina e 8 -te.

A keni pengesa per ta realizuar kete projekt?

Pengesa me e madhe per shtypjen e ketij Kur'ani eshte mungesa e mjeteve financiare dhe mungesa e nji shtypesi ( Printer Brait ) i cili kushton 4700 Euro.

Po ndonje ndihme, a ju eshte ofruar per ta realizuar?

Duke ju faliminderuar vellaut Musliman Sadatit jane ofruar mjete financiare mbi 2000 Euro.

Sa eshte numri i te verberve te cilet do te perfitojne nga ky projekt apo do tu vije ne ndihme, per te kuptuar Kur`nin Kerim?

Numri i pergjitheshem i te verberve pa dallim gjinie eshte mbi 2500 anetare, shumica nga keta i perkasin fese Myslimane.

A keni bashkepunim me BIK-un ne kete projekt ? Dhe kush e ka lejen per te dhene autorizimin per kete projekt?

Per projektin e pare mjete ka kerkuar Bashkesia Islame e Kosoves (BIK) per ta realizuar ku e perkrahu CRS-ja (vullnetaret e Kishes Katolike Amerikane).
U shtyp Kur'ani deri ne 80 faqet e fundit por fatkeqsishte mu dogj shtepia dhe u dogjen edhe fletushkat e Kur'anit dhe fatekeqesishte Kur'ani Kerim nuk doli ne drite dhe te verberit mbeten duarthate.


Kush do ta realizoje botimin, sa do te jete tirazhi ne numer dhe a do te shperndahet falas apo do te shitet?

Botimin do ta beje une vete, do te behet vetem nje kopje dhe do te kene mundesi qe te verberit ta lexojne njeri pas tjetrit per arsye se ne nuk kemi mundesi per mungese te mjeteve materiale te bejme me teper egzemplare por nese sigurohen mjete ne do te shtypim edhe me teper qe te kene mundesi me shume te verber te lexojne.

A keni ndonje evidence per numrin e sakte ose te perafert te grave te verbera ne Kosove?
Numri i perafert grave te verbera eshte rreth 500.

Cilat jane problemet me te rendesishme qe hasin keto gra?
Problemet me te rendesishme te grave te verbera jane mosintegrimi i tyre ne shoqerine tone dhe jo perkrahja e duhur nga institucionet tona qeveritare.

A ka ndonje perpjekje nga ana e qeverise per ti ndihmuar ato? Dhe a ka zgjidhje te problemeve te tyre?

Asnjihere qe nga perfundimi i luftes, grate e verbera nuk jane perkrahur nga qeveria.

A ju ndihmojne organizatat joqeveritare dhe si eshte bashkepunimi me to?
Bashkpunimi me OJQ-te vendore eshte i mire, kemi perkrahje morale por financiare jo.

Cili eshte roli i mediave vendore per te perkrahur ceshtjen e grave me aftesi te kufizuara?
I dobet.

Kur eshte themeluar shoqata?
Komiteti u themelua ne vitin 2006

Pse menduat per te themeluar kete shoqate dhe cili eshte qellimi apo objektivi i shoqates?
Qellimi i Komitetit eshte avokimi dhe lobimi i te drejtave te femrave, pamvarsimi i tyre, edukimi dhe integrimi i tyre ne shoqeri.

Cilat jane aktivitetet me te rendesishme dhe projektet qe keni realizuar dhe qe presin te realizohen?
Qe nga themelimi i Komitetit kemi pasur projektet Zhdukja e analfabetizmit dhe Orientimi i personave te verber ne hapesire dhe edukimi shendetsor projetke te perkrahura nga zyrja holandeze.

Cilat jane arritjet e shoqates deri tani?
Te arriturat e ketij Komiteti jane aftesimi i femres se verber per shkrimin e leximin e alfabetit te Braitit, masovizimi i tyre .

A ka shoqata te tjera qe punojne ne sherbim te grave te verbera ne Kosove pervec jush? Dhe nese pergjigja eshte po , a ka bashkepunim midis jush?

Komiteti i ka deget e veta ne tere Kosoven dhe kemi bashkpunim te mirefillt ne mes vete .

Ku jeni lindur dhe rritur? Cili eshte arsimimi juaj dhe cila eshte profesioni juaj?
Jam lindur ne Gllogovc, Komuna e Lipjanit, ne vitin1958, shkollen fillore per te verber kam kryer ne Prishtine ndersa te mesmen ne Osjek te Kroacis sepse ne ate kohe nuk ka pase shkolle te mesme per te verber ne Kosove Profesioni im eshte manipulant (telefoniste) dhe jam ligjeruese e alfabetit te Braitit. Jam nene e kater femijeve dhe tani i kam tete niper dhe aktualisht jam Kryetare e Komitetit te Grave te Verbera te Kosoves.

Intervistoi per Islam On Line Hany M. Salah
www.islamonline.net

Shtypet përkthimi i Kuranit
në gjuhën shqipe me alfabet të Brajit



Këto ditë Kryesia e Bashkësisë Islame të Kosovës për nevojat e besimtarëve të verbër ka botuar përkthimin e Kuranit në gjuhën shqipe- versioni i alimit tonë të njohur H. Sherif Ahmeti me alfabetin e brajit.

Vet botimi i përkthimit të Kuranit në cilën do gjuhë paraqet një ngjarje të rëndësishme në shumë rrafshe, mirëpo botimi i përkthimit të Kuranit me alfabet të brajit ka një rëndësi të veçantë ngase behët për një kategori të veçantë të njerëzve.

Është ky botimi i parë përkthimit të Kuranit në gjuhën shqipe me alfabet të Brait-it. Për momentin janë shtypur 10 ekzemplar, të cilët do t'u ofrohen besimtarëve të verbër në 10 qendrat regjionale të Kosovës përmes shoqatës së të verbërve të Kosovës.

Me këtë rast sot para dite në selinë e Kryesisë së BI të Kosovës, Myftiu Naim Tërnava priti kryetarin e shoqatës së të verbërve të Kosovës Bujar Kadriu dhe nënkryetarin e kësaj shoqate Daut Tishuki, të cilëve Myftiu Tërnava ua dorëzo solemnisht përkthimin e Kuranit në gjuhën shqipe me alfabet të Brait.

Në takim përfaqësuesit e shoqatës së të verbërve e falënderuan Myftiun për përkrahjen e dhënë, sidomos me botimin e përkthimit të Kuranit në gjuhën shqipe .

Myftiu Tërnava u premtoj një përkrahje dhe përkujdesje edhe më të madhe nga ana e bashkësisë islame të Kosovës për këtë kategori të njerëzve në nevojë.

Do theksuar se kohë më parë kryesia e BI të Kosovës ka botuar me alfabet të brait edhe doracakun "Drita e zemrës; si dhe librin e Bajrush Ahemtit Historia e pejgamberëve.

bislame.net

[Preshevar]

Në kampin e KFOR-it suedez në Hajvali hapet xhamia










Me 29 mars 2008 në kampin e KFOR-it suedez "Victoria" në Hajvali, me një ceremoni solemne, hapet xhamia, e cila është e vogël për nga sipërfaqja por e madhe për nga përmbajtja. Xhamia është nën një kulm me kishën. Ndërtimi i saj u bë si përgjigje ndaj kërkesës së ushtarëve suedez mysliman që shërbejnë në këtë kamp, për ndërtimin e xhamisë, kërkesës janë bashkangjitur edhe e disa ushtarë që vijnë këtu në Kosovë kah muaji Maj dhe të cilët në aplikacionet e tyre kanë kërkuar që ta kenë edhe vendin për faljen e namazit.

[Preshevar]

Myftiu i Kosovës, Mr. Naim Tërnava sot vizitoi Gërdecin, ku u njoh nga afër më dëmet dhe pasojat që pësoj ky rajon nga shpërthimi i paradokohshëm.

Myftiu Mr. Naim Tërnava është pritur edhe nga Kryetari i Bashkisë së Vorës, Fiqri Ismaili, të cilit ia dorëzoi mjetet financiare të tubuara nga xhemati i Kosovës për ndihmë të prekurve nga shpërthim i Gërdecit.

Në aksionin për ndihmë Gërdecit të organizuar nga Bashkësia Islame e Kosovës janë tubuar 54 mijë euro dhe 10 mijë e 400 franga zvicerane, mjete këto që tashmë u janë dorëzuar autoriteteve të Vorës.

Myftiu Tërnava, ndihëm e xhematit të Kosovës e ka cilësuar si një detyrim për vëllezërit që pësuan nga shpërthim në Gërdec.

[Preshevar]

“Aromë trëndafili” në Shkodër



I ftuar nga Kosova ishte aktori i mirenjohur Enver Petrovci, i cili interpretoi "Hutben e lamtumires".

Të Martën ne Teatrin Migjeni (Shkoder) Medreseja Shkoder ne bashkepunim me shoqaten "Istanbul" dhe Myftinine Shkoder organizoi nje aktivitet madheshtor me titull "Arome trendafili" ne perkujtim te figures me te larte islame; Muhammedit a.s.

Aktiviteti ishte i perbere nga nje montazh poetik dhe ilahi te ndryshme te kenduara nga nxenesit e Medresese Shkoder, Rezarta Smaja, Alban Kali, Adnan Bala dhe Bujar Qamili. I ftuar nga Kosova ishte aktori i mirenjohur Enver Petrovci, i cili interpretoi "Hutben e lamtumires".

Ne kete aktivitet moren pjese rreth 45 myslimane greke, Kryesia e Bashkesise Islame e Malit te Zi, te Kosoves e Maqedonise. Gjithashtu merrnin pjese edhe nje pjese e madhe e myftive te Shqipersie, deputete, pushtetare lokal, intelektuale, qytetar te ndryshem, etj.

Nder te tjera, e veçanta e ketij aktiviteti, tashme tradicional per Medresene e Shkodres, ishte pjesmarrja e nje italiani te konvertuar ne Islam, i cili tregoi per udhen e tij per ne Islam.

Ky aktivitet u organizua pas nje inaugurimi festiv qe u be per fillimin e puneve te kompleksit te Medresese se Shkodres; konvikt – xhami, projekt i cili tashme do terheq vemendjen e çdo personi qe do hyje ne qytetin e Shkodres.

[Fokus]

1000 kisha janë të rrezikuara të mbyllen në Gjermani


Duke e parë rrezikun që simboli i kishës mund të shërbente për qëllime komerciale, kishat të shndërroheshin në diskoteka, lojëra fati apo kinema, njerëzit kompetent organizuan debate që objektet e rrezikuara fetare të shndërroheshin në muze, shkolla..
E hënë, 28 Prill 2008 18:33

Corporate identity i kishës apo Zoti pa shtëpi

Gazeta express

Përkundër influencës së madhe qe e kanë kishat në Gjermani dhe përkundër faktit që edhe vet Papa Benedikti XVI është me origjinë gjermane, më shumë se 1000 kisha janë të rrezikuara të mbyllen
ose të rrënohen për shkak të mungesës gjithnjë e më të madhe të besimtarëve krishterë dhe në mungesë të fondeve adekuate për mirëmbajtjen e tyre.

Ernest Ferizi

Kisha në Gjermani është bërthama e një qyteti. Për ndërtimin e një kishe gjithmonë është gjetur
një vend prestigjioz ndërtimi, për të funksionuar pastaj si simbol për përkujdesjen e njerëzve
që jetojnë në mjedisin e saj dhe para së gjithash për t'u ofruar vendstrehim të përndjekurve dhe
të pastrehëve.
Prandaj duke pasur parasysh pozicionimin strategjik të një kishe nuk është e rastësishme që
edhe organizimi urbanistik i një vendbanimi në Gjermani si pikënisje e kishte dhe e ka mu objektin
e kishës, ku me të drejtë mund të thuhet se kisha është pasqyrë e një qyteti.
Përkundër influencës së madhe qe e kanë kishat në Gjermani dhe përkundër faktit që edhe vet
Papa Benedikti XVI është me origjinë gjermane, më shumë se 1000 kisha janë të rrezikuara të mbyllen
ose të rrënohen për shkak të mungesës gjithnjë e më të madhe të besimtarëve krishterë, por
edhe në mungesë të fondeve adekuate për mirëmbajtjen e tyre.
Lidhjet fetare dhe emocionale të njerëzve me kishat e rrezikuara nga rrënimi kanë bërë që ato t'u
jepen në shfrytëzim investitorëve për një kohë të pacaktuar. Kusht themelor për investitorët ishte që
kisha ta ruante formën e saj të jashtme dhe të brendshme, por së fundi investitori vendoste lidhur
me shfrytëzimin e mëtutjeshëm të kishës.
Kështu që varësisht nga qasja e investitorëve e shndërrimit të një kishe, në fillim nuk i është
dhënë rëndësi aspektit kulturor, edukativ apo emocional , siç është rasti me kishën e qytezës Milow
të Brandenburgut të Gjermanisë, e cila u shndërrua në bankë, ku automati i parave të kësaj banke,
me dashje apo pa dashje, ishte vendosur mu në vendin e mëparshëm të altarit.
Apo rasti më drastik i kishës St. Raphael të Berlinit e cila u shndërrua në një vetëshërbim të tipit
ALBI.
Duke e parë rrezikun që simboli i kishës mund të shërbente për qëllime komerciale, të luhej
me Corporate Identity të kishës, psh. kishat të shndërroheshin në diskoteka, lojëra fati apo kinema
me filma aksion, njerëzit kompetent organizuan debate, konferenca dhe konkurse që objektet
e rrezikuara fetare të shndërroheshin në biblioteka, muze, shkolla, vendbanime, çerdhe fëmijësh
por edhe në restorante ekskluzive.
Në njërin prej këtyre restoranteve që gjendet në Bielefeld të Gjermanisë, mysafirja më e rregullt
është zonja e moshuar Adelheit Feder e cila përkundër atmosferës së zhurmshme që mbretëron
aty, gjithmonë gjen qetësinë e saj shpirtërore. Është pikërisht ky, vendi ku ishte pagëzuar
shumë vite më parë dhe ku e kishte kaluar gati tërë jetën.
Ajo ende e ka përshtypjen që ndodhet në kishën e saj të mëparshme Martinikirche, përkundër
makiatos që ia shërben një kamerier me aksent të huaj nën përcjelljen e muzikës së Vaya Con
Dios - Something's Got A Hold On Me, dhe jo muzikës që vinte nga kori i kishës që e kishte dëgjuar
me endje dikur si fëmijë.
Për të gjetur një kompromis lidhur me situatën e vështirë në të cilën ndodhen një numër i madh
i objekteve fetare, nga arkitektët tani kërkohet një zgjedhje adekuate për detyrën komplekse që
do të ishte i pranueshëm për të gjithë dhe para së gjithash për besimtarët krishterë.
Në këtë rast arkitektët nuk kanë të bëjnë me një zgjedhje të rëndomtë arkitekturore, por me mënyrën
se si ata i qasen çështjeve religjioze, psikologjike, sociale por edhe urbanistike, që lidhen
ngushtë me përdorimin e mëtutjeshëm të një kishe.
Pikërisht lidhur me këtë temë kemi disa arkitektë që kanë arritur qëllimin t'u japin kishave një
impuls arkitekturor, duke i ruajtur njëkohësisht vlerat ekzistuese të saj, siç është shembulli i kishës
Elias të Berlinit.
Derisa planifikohej ndërtimi I një muzeu për fëmijë, në të njëjtën kohë kisha Elias ndodhej para
rrënimit. Një shoqate bamirëse I lindi ideja por edhe i siguroi mjetet që kisha të rinovohej që të
mund të vendosej pastaj në të muzeu i fëmijëve. Kisha Elias e shndërruar në muze tani vizitohet
nga shumë fëmijë dhe është gjithashtu atraksion për të rriturit.
Shembulli tjetër i mirë është kisha Bonifatius e Mynsterit e shndërruar nga arkitektët e njohur
nga Niederhausen and Partner, në shtëpi botuese.
Krahas intervenimeve të shumta që janë bërë në enterierin e kishës për pozicionimin e zyrave të shtëpisë
botuese dhe sipërfaqeve të tjera, arkitektët janë munduar për të mos u humbur karakteri i kishës
të përdorin materialin e xhamit, që intervenimet e bëra të jenë sa më transparente.
Kisha gotike - Jakobi në Myhlhausen, e ndërtuar gjatë shekullit 14, i kishte shpëtuar rrënimit
pasi që në fillim të vitit 2000 ishte marrë vendimi që ajo të shndërrohej në bibliotekë të qytetit.
Shndërrimi i kishës Jakobi në bibliotekë cilësohet si vepër më e rëndësishme arkitekturore e zyrës
projektuese Winkler + Dehnel, por edhe i tërë regjioni i Tyringenit të Gjermanisë ka filluar
të identifikohet me bibliotekën e re, duke u bërë magnet për vizitorët nga e tërë Gjermania.
Edhe pse Firma Link qysh në vitin 1988 e kishte blerë kishën Heilige drei Konige, të cilën e
shndërroi në banesa dhe zyre, megjithatë mundësia e blerjes së një kishe është e rrallë për të mos
thënë e pamundur.
Ka edhe shumë shembuj kreativ të shndërrimit të kishave në objekte të mirëfillta arkitekturore
jo vetëm në Gjermani por edhe në Angli, Amerikë e gjetiu. Është ndjenjë e mirë ta dish se disa nga
objektet fetare përkundër problemeve financiare nuk bëhen rrafsh me tokë por shndërrohen në hapësira të reja arkitekturore, ku po ashtu njerëzit ndihen mirë gjithmonë pranë Zotit.

[unix]

Doherty në burg bëhet mysliman

Rokeri Pete Doherty është bërë mysliman në burg dhe aktualisht po e lexon Kuranin për të arritur të përballojë jetën brenda në qeli. Ylli i bendit "Babyshambles", 29-vjeçar, ka kërkuar versionin e përkthyer të librit arabisht, pasi është burgosur javën e kaluar, dhe është shumë i lumtur që po kapërcen vështirësitë. "Është duke e lexuar Kuranin që nga koha që është burgosur. Ai ka shumë miq myslimanë që ia kanë rekomanduar atë libër për një kohë të gjatë. Tash ka kohë dhe ka filluar ta studiojë librin. Jam i befasuar sa shumë e ka qetësuar libri dhe si ka arritur ta transformojë në një njeri të qetë. Është shumë i interesuar në këtë libër. Besoj se po i ndihmon", ka thënë një mik i afërt me të.

Marre nga: http://www.teuhid.net/lajme-islame/d...t-mysliman.php

[unix]

Në Egjipt Koptët krishterë konvertohen në islam

Maks Mishel, i njohur si atë Meksimus, bëri të ditur se 80 deri në 200 koptë në ditë konvertohen në islam, duke paralajmëruar për situatën shumë të rëndë në kishën kopte. Në takimin e Këshillit kishtar në krye me atin Bahmijus, argjipeshkvij nga province El-Buhejre,
në veri të Kajros, ku gjithashtu morën pjesë edhe atë Musa, episkop i të rinjve, atë Daniel dhe atë Enstansa, për të shqyrtuar dhe diskutuar në temën "konvertimi i një numri shumë të madh të krishterëve në islam".

Maksimus bënë të ditur vendimin e Këshillit kishtar që numri i atyre që shpallin konvertimin e tyre në islam sillet prej 80 deri në 200 në ditë, duke shtuar gjithashtu pohimin e këtij Këshilli se numri i krishterëve në Egjipt që konvertohen në islam arrin edhe në 50.000 në vit. Prandaj Maksimus bëri të qartë se Këshilli kishtar hedh poshtë thashethemet për detyrimin e vajzave krishtere që ta pranojnë islamin, ato, siç thonë ata, këtë e bëjnë vullnetarisht.

Maksimus kritikoi ashpër - emisionin e televizionit 'Jazira' në kanalin satelitor - dhe gjendjen e brendshme të kishës ortodokse dhe ligjet e saj, duke kërkuar nga kisha reforma komplete të gjendjes së brendshme, për t'i 'ruajtur' koptët krishterë. Ai, gjithashtu, paralajmëroi për situatën shumë të rëndë brenda kishës egjiptiane, si dhe në vetë punën dhe mënyrën e udhëheqjes së papa Shenod III me kishën kopte.

Për numrin shumë të madh të konvertimit të krishterëve egjiptian në islam, Kisha ortodokse kërkon nga autoritetet egjiptiane zbatimin e ligjit - siç e quajtën - "dënim për renegim nga feja" ndaj krishterëve që pranojnë islamin.

Marre nga: http://www.teuhid.net/lajme-islame/n...en-n-islam.php

[Fokus]

Pete Doherty kthehet në Islam


LORENA KOLLOBANI gazeta standard




Rokeri i varur nga droga, Pete Doherty, është kthyer në fenë islame. Ai gjendet në burg dhe lexon vazhdimisht Kuranin për t’i ndihmuar atij për t’u përballur me jetën brenda burgut.

Ylli i grupit “Babyshambles”, 29-vjeçar, ka kërkuar përkthimin e librit të shenjtë, nga qelia ku ishte izoluar në burgun e Londrës gjatë javës së kaluar.

“Ai po lexon Kuran që kur shkoi në izolim. Ai ka shumë miq myslimanë dhe ata e kanë udhëzuar që në fillim këngëtarin që të studiojë atë libër. Dhe më e çuditshmja është se vetë këngëtari tashmë mendon se është koha që ai të kthehet ne mysliman”, - ka thënë një burim brenda burgut.

“Jam i befasuar se sa shumë e ka qetësuar, pasi që ai ishte shumë i trazuar brenda. Ai vërtetë duket shumë i qetë. Në të shumtën e kohës ai e mban në prehër librin dhe vërtetë është shumë i dhënë pas tij. Mendoj se kjo e ka ndihmuar tej mase”, - vijon burimi për mediat angleze.

Rokeri është dënuar me 14 javë burgim në burgun e Londrës, për shkak se e ka thyer lirimin me kusht duke marrë droga.

http://oe3.orf.at/aktuell/stories/274984/

[Preshevar]

Postimi origjinal është bërë nga Fokus

Pete Doherty kthehet në Islam


LORENA KOLLOBANI gazeta standard

Befasi ! Allahu i ndihmoft !

...