Barcelona

[LaCoStA]

9-0



Barcelona e ka dërguar në spital me trauma skuadrën nga divizioni i tretë spanjoll, L Hospitalet, pasi Blaugranët siguruan kualifikimin tutje në Copa del Rey me një fitore prej 9-0 në Camp Nou.

Ishte kjo një seancë e rëndomtë stërvitore e realizuar në Camp Nou, me skuadrën nga paralagjia e Barcelonës, L Hospitalet.

Goleadën e filloi nga penaltia Pedro (11’), ndërsa atë e vazhduan Andres Iniesta (19’), Thiago Alcantara (23’), Xavi (36’) dhe Tello (43) për rezultatin e pjesës së parë prej 5-0.

Në pjesën e dytë Barcelona vazhdoi me goleadën ku u shquan talentët e rinj si Cuenca (49’), Thiago Alcantara nga penaltia (54’), Tello (64’), Cuenca (81’), të cilët shënuan për rezultatin përfundimtar të takimit prej 9-0.

Me këtë fitore dhe me rezultat të përgjithshëm prej 10-0 nga dy ndeshjet, Barcelona kualifikohet në 1/8 e finales së Copa del Rey./

[LaCoStA]

Rosell Neymarit: Të shkon ty fanela e Barcës



Presidenti i Barcelonës Sandro Rosell e ka porositur yllin brazilian Neymar, se do ti rrrinte bukur fanela e Barcës.

”Këto ngjyra do të dukeshin bukur tek ti. Edhe në kravatë. Por edhe në veshje elegante” ishin disa nga fjalët e Rosellit.

Por Rosell ka demantuar çdo marrëveshje të mundshme me lojtari, ashtu siq po supozojnë disa media, duke thënë se një gjë e tillë pritet në të ardhmen, pasi deri më tani s’ka asgjë konkrete.

[LaCoStA]

Guardiola ndan pushimet për lojtarët




Pep Guardiola do ti pushoj të gjithë lojtarët, për festat e fundvitit. Në fakt Guardiola i ka lejuar lojtarët e Barcelonës që të presin festën e Krishtëlindjeve pranë familjeve të tyre, dhe se duhet të kthehen në klub me datë 29 dhjetor në orën 19.00.

Por të njejtin termin nuk e ka ndarë edhe për futbollistin më të mirë në skuadër Lionel Messi. Guardiola i ka dhënë Messis pushim deri me datë 2 janar. Edhe Alvesit thuhet ti ketë dhënë pushim 2 ditë më shumë, pasi që atij i është lejuar të qëndrojë në Brazil deri më 31 janar.

Pushim afatgjatë jo të dëshiruar, do të ketë edhe Andres Iniesta i cili ka pësuar lëndim në ndeshjen ndaj Hospitalet dhe do të mungoj 2 javë.

Barcelona ndeshjen e radhës e zhvillon me 4 janar, ndaj Osasunës, ndeshje e vlefshme për Kupën e Mbretit.

[LaCoStA]

Viti 2011: Barca 170- Reali 167



Barcelona ka arritur të shënojë më shumë gola se sa Real Madridi, në vitin 2011.

Fitorja prej 9-0 ndaj skuadrës Hospitalet i mundësoj Barcës që të ketë këtë privilegj ndaj Real Madridit. Lionel Messi është golashënuesi më i mirë i skuadrës me 59 gola.

Fitorja ndaj Hospitalet ishte më e thella në krejtë vitin

[LaCoStA]

Iniesta mungon 15 ditë



Tifozët e Barcelonës mund të jenë të qetë pasi është konfirmuar se Andres Iniesta do të mungojë vetëm për 15 ditë pas lëndimit të pësuar në demolimin prej 9-0 ndaj Hospitaletit në Copa del Rey.


Pas dyfishimit të epërsisë Andres Iniesta u përplas me portierin e ekipit kundërshtar, për t’u zëvëndësuar menjëherë si i lënduar.

Sidoqoftë, klubi katalanas ka konfirmuar se mesfushori më i mirë në botë pritet të jetë i gatshëm për lojë vetëm brenda 15 ditëve dhe se lëndimi është i vogël.

[LaCoStA]

Messi sportisti më i mirë i vitit 2011

Magazina e njohur sportive L ‘ Equip e ka shpallur sulmuesin e Barcelonës, Lionel Messi si futbollistin më të mirë për vitin 2011. Zgjedhja e sportisteve të vitit nga kjo revistë është gjithnjë në interes të mediave pasi ka edhe ndikimi në vendimet finale qe mund të marrin asociacione të ndryshme sportive për zgjedhjen e sportistit të vitit. Revista L’Equipe ka bërë publike listën e plotë të 10 sportistëve më të mirë gjatë këtij viti.

1. Lionel Messi
2. Novak Dokovic
3. Sebastijan Fetel
4. Nicola Karabatic
5. Keli Slejter
6. Tedy Riner
7. Sebastian Leb
8. Dirk Novicki
9. Richy Mek Cou
10. Cadel Evans







Lionel Messi është shpallur sportisti më i mirë i vitit 2011 nga revista sportive prestigjioze franceze, L’Equipe.

Superylli i Barcelonës ka mundur në konkurrencë tenistin serb, Novak Djokovic dhe të riun kampion të Formula 1, Sebastian Vettel, për t’u shpallur më i miri i vitit.

Lionel Messi gjatë vitit 2011 me Barcelonën fitoi La Ligën, Ligën e Kampionëve dhe Kupën e Botës për Klube. Ai ka shënuar 80 gola në 80 ndeshjet e fundit.

[LaCoStA]

Cesk: Nëse Guardiola shkon, Barca degradohet





Cesc Fabregas ka një kërkesë për Plakun e Krishtlindjeve: “Që Pep Guardiola të rinovojë kontratën e tij”. Kështu thotë lojtari i Barcelonës, që vlerëson kështu teknikun e ri të katalanasve, që nga stoli drejton skuadrën më të fortë në botë.

“Vetëm ai e di nëse do ta rinovojë kontratën, por unë e shoh shumë të motivuar. Lojtarët janë të rëndësishëm, por është ai që e bën makinën të ecë”, deklaron Fabregas.

Duke folur për të përditshmen “Sport”, Cesc shton se: “Nëse ai ikën do të vijë degradimi i Barcelonës”.

Nën udhëheqjen e Guardiola-s, Barca ka fituar së fundmi Klasiken me Real Madrid, titullin e botërorit për klube, si dhe Kupën e Mbretit me rezultatin 9-0.

[LaCoStA]

Bianki: Messi e Barcelona më të mirët në histori





Ish trajneri i Argjentinës Carlos Bianki ka thënë se Lionel Messi është lojtari më i mirë në histori të futbollit, ndërsa Barcelona skuadra më e mirë.

Bianki ka thënë se loja e Messit është në nivel shumë të lartë, dhe sipas tij kalon çdo formë të futbollistëve të kaluar duke përfshirë Diego Maradona.

“Demonstrimi i lojës kolektive që e bënë Barcelona, ka shkatërruar Santosin në finale të Kupës së Botës. Lirisht mund të them se jam me fat që mund të shikojë skuadrën më të mirë të të gjitha kohërave. Këtë mund ta them edhe për Messin”, ka shtuar Bianki.

[LaCoStA]

Villa, në shtëpi për Krishtlindje




Sulmuesi i Barcelonës, David Villa e ka kaluar me familjen e tij festën e Krishtlindjes pasi që iu dha leja të dalë nga spitali, disa ditë pas operacionit. Mjekët që e kanë operuar vlerësuan se ai ka bërë rikuperim të mjaftueshëm për të dalë nga spitali. Gjithsesi, lëndimi në ndeshjen me Al Saad pritet ta mbajë jashtë fushës për muaj të tërë.

[LaCoStA]

Sanchez vetëkritikë: Asgjë s’kam bërë në Barca



Alexis Sanchez është njëri prej transferimeve që bëri bujë në Barcelona. Madje mesfushori kilian ishte një nga më të mirët që nga rikthimi i tij prej një lëndimi, duke arritur të shënojë gol në El Por mesushori kilian gjen kohë për ti bërë kritika vetvetes.

”Do të mundohem të ndjekë rrugën e Messis, ngase unë në Barcelonë deri më tani nuk kam bërë asgjë. Më duhet të punoj edhe shumë, që një ditë të komentojnë se Sanchez është i madh në Barcelonë" deklaron Sanchez.

Sanchez gjithashtu ka deklaruar se ka raporte shumë të mira me Messin dhe se është vetëm ai që kupton shakat e tij. Kiliani ka një akuzë ndaj portierit Valdes, duke thënë se vetëm Valdes më akuzon, duke më thënë se ju Kili s’dini asgjë

[LaCoStA]

Barcelona lehtë ndaj Osasunës





Barcelona pa mund të madh ka mposhtur në shtëpi Osasunën në ndeshje e parë të Kupës së Spanjës, me rezultat 4-0. Edhe pse në mungesë të shumë futbollistëve bazë, kampionët e Spanjës nuk kishin asnjë problem që të nxjerrin fitore nga kjo sfidë në shtëpi.

Goli i parë për vendasit erdhi shpejtë qysh në minutën 14-të kurë realizoi Cesc Fabregas i cili ishte edhe autor i golit të dytë 4 minuta më vonë. Edhe në pjesën e dytë vazhdoi dominimi i vendasve derisa lojtari më i mirë në botë Lionel Messi u fut në lojë në minutën e 70-t , ndërsa realizoi edhe 2 gola për rezultatin përfundimtare 4-0. Barca pothuajse ka siguruar çerekfinalen në kupë ndërsa nëse Reali arrin të nxjerr rezultati pozitiv nga udhëtimi në Malaga që dje i kan mposhtur 3-2, atëherë do të shohim edhe një tjetër ‘El Clasico’ kësaj radhe në kuadër të ndeshjeve çerekfinale të Copa Del Rey.

[LaCoStA]

Osasuna akuzon: Pse thatë Messi është i sëmurë?





Zyrtarët e skuadrës së Osasunës kanë dërguar kritika të ashpra në drejtim të Barcelonës të cilët i akuzon se na mashtraun duke thënë se Messi është i sëmurë. Trajneri Mendilibar ishte i pari në konferencën për shtyp që e tha këtë gjë:


”Pak minuta para ndeshjes ne kuptuam se Messi ka ethe dhe se nuk mund të luaj. Por si duket kjo gjë paska qenë e montuar sepse për këtë ju kërkonit që ndeshja e parë të luhej në Osasuna” akuzon Mendilibar.
Edhe presidenti i skuadrës së Osasunës e tha të njejtën gjë, duke thënë se gjera me pretekste të dyanshme janë të dëmshme në futboll.
Kujtojmë që Messi u fut nga banka rezervë në këtë takim, për të shënuar 2 gola të shpejtë, e që në një mënyrë ia ka humbur shpresat Osasunës për në ndeshjen e dytë.

[LaCoStA]

Barca e ëndrrave 53:0 në Camp Nou





Barcelona vazhdon me rezultate fantastike në të gjitha garat e mundshme. Fitorja ndaj Osasunës me rezultat 4 me 0 shënoi një rekord të ri në futbollin spanjoll.


Skuadra e Pep Guardiolës ka harruar kur e ka pranuar golin e fundit në Camp Nou. Barca në terrenin vendas është me një rezultat vërtet fantastik, duke shënuar plot 53 gola për të mos e pranuar asnjë të vetëm.


Goli i fundit që është shënuar në Camp Nou është ai i Thiago Silvës në Ligën e Kampionëve, në atë barazimin në sekondate fundit 2 me 2.


Në këtë seri përfshihet edhe loja e Barcelonës ndaj Sevillas, ku në terrenin vendas Barca barazoj 0 me 0.

Gjatë kjësaj periudhe Barcelona arriti disa fitore të larta si ajo ndaj Hospitalet me rezultat 9 me 0 dhe ajo ndaj Osasunës me rezultat 8 me 0.

[LaCoStA]

Busquets: Jemi inovativë



Mesfushori i Barcelonës, Sergio Busquets, thotë se kampionët e Spanjës dhe të Evropës gjithmonë kërkojnë rrugë të reja për t’i befasuar kundërshtarët dhe për të shënuar gola.

“Trajnerët dhe lojtarët përpiqen të shtojnë variante në lojën e ekipit ashtu që ne të mund të sulmojmë mirë dhe të shënojmë gola, që është gjëja më e rëndësishme”.

“Nuk e di shkallën e inovacionit tonë. U takon atyre të cilët e ndjekin historinë e futbollit të vendosin nëse do ta çojmë futbollin në një nivel tjetër”, ka thënë Busquets.

[LaCoStA]

Alves pret test të vështirë ndaj Espanyolit



Mbrojtësi i Barcelonës, Daniel Alves, pret një test të vështirë kundër rivalit lokal, Espanyol.

Alves nuk mendon se ekipi i tij duhet të jetë i qetë në prag të derbit të së dielës kundër Espanyol, që qëndron në pozitën e tetë të tabelës dhe që ka kaluar katër ndeshje si i pamposhtur para pushimit dimëror.

“Ndeshja e të dielës është një ndeshje e vështirë, është një derbi dhe këto lloj ndeshjesh gjithmonë janë të komplikuara”.

“Ne do të përballemi në ndeshje me ambicie .Nëse luajmë në një nivel të lartë, ata do të kenë kohë të vështira”, ka thënë Alves.