Deputetët i thonë JO“Mësimbesimit” në shkolla

Vetëvendosje pro edukatës fetare në shkolla


Lëvizja Vetëvendosje është për edukatën fetare në shkolla. Një ditë pasi Kuvendi i Kosovës votoi kundër, kjo parti që e lëshoi seancën, ka thënë se në shkollat publike mund të futet një lëndë ku do të mësohej për fenë, por kjo duhet të vij vetëm pas një debati shterrues në shoqëri. Shefi i Grupit Parlamentar të Vetëvendosjes, Visar Ymeri ka sqaruar në një emision televiziv pozicionin e partisë së tij.
"Shteti duhet të jetë sekular ashtu siç e parasheh Kushtetuta, por në shkollat publike mund të futet një lëndë për fenë. Pastaj mund të vendoset nëse do të mësohet për një fe apo më shumë" ka thënë Ymeri.
Më tej ai ka shtuar, se para se të vendoset për fenë, do të duhej që për këtë çështje të hapej një debat i madh shoqëror, të studiohen edhe vendet e tjera e më pastaj të futet në votim. Duke i komentuar akuzat e partive të tjera kundër Vetëvendosjes, ai ka thënë se "sulmet vijnë nga frika që kanë këto parti për aktivitetet në rritje të Vetëvendosjes".