Në pritje të 16 Shtatorit 2011

[Zero Cool]

Në pritje të 16 Shtatorit 2011 kur shteti i Kosoves duhet te shtrije pushtetin e vet ne tere hapsiren e Kosoves

Quinti: Shtrijeni sovranitetin në tërë Kosovën






Nga Express më 15 shtator 2011 në ora 14:32

(E plotësuar) Pak orë para nisjes së implementimit të planit të qeverisë së Republikës për veriun, aleatët e mëdhenj të Kosovës – SHBA-ja, Britania e Madhe, Gjermania, Franca dhe Italia kanë takuar kryeministrin Thaçi për t’i dhënë përkrahjen për 16 shtatorin.

Ambasadorët e shteteve të Quintit shprehën mirënjohjen e tyre për mënyrën se si Qeveria e Kosovës ka bashkëpunuar me partnerët e saj ndërkombëtarë, në veçanti me KFOR-in dhe EULEX-in gjatë përgatitjeve për këtë hap të rëndësishëm për Kosovën.

Ambasadorët po ashtu kanë inkurajuar qeverinë që të vazhdojë këtë bashkëpunim për të konsoliduar autoritetin e Kosovës në porta gradualisht dhe qetësisht gjatë një periudhe kalimtare.

“Po ashtu, ata kanë mirëpritur dhe mbështetur deklaratat e dhëna dje nga Përfaqësuesi i Posaçëm i Bashkimit Evropian, Fernando Gentilini dhe Shefi i misionit të EULEX-it, Xavier Bout de Marnhac dhe shprehën mbështetjen e tyre për pritjet se tash mund të hiqen embargot për tregti ndërmjet Serbisë dhe Kosovës, duke hapur shtegun për përparim të mëtejshëm në dialogun e lehtësuar nga BE-ja”, thuhet në një njoftim të qeverisë.

Ambasadorët përsëritën mbështetjen e qeverive të tyre për integritetin territorial dhe sovranitetin e Kosovës, përfshirë edhe në veri. (IO)

Gjendje e qetë, por në tension

Gazetarja e Express-it, e cila gjendet në Mitrovicë ka thënë se gjendje në qytetin verior të Kosovës deri në orët e pasdites ka qenë e qetë, përderisa edhe lëvizjet e njerëzve kanë qenë normale.

Serbët që në orët e mëngjesit kishin vënë barrikada me rërë dhe gjësende të tjera në urën mbi Ibër përderisa kanë prishur edhe kamerat e sigurisë që kanë qenë të vëna në këtë urë.

Express ka kaluar edhe në anën veriore të Mitrovicës dhe ka marrë opinionin e qytetarëve të thjesht të cilët kanë thënë se ata nuk dëshirojnë që situata të eskalojë dhe se dëshirojnë “që më shumë të merren me hallet e tyre ekonomike sesa me politikë”.

Megjithatë, gjendja edhe pse e qetë deri në momentet kur është raportuar, duket në tension, përderisa mbi urën e Ibrit janë parë policë të Kosovës por edhe të karabinierë italianë, të cilët edhe janë duke e mbikëqyrur situatën.

Së gjendje deri në orën 14:00 është e qetë ka lajmëruar edhe zëdhënësi i Policisë së Kosovës për veri, Besim Hoti. Ai ka thënë se deri me tani nuk është shënuar ndonjë incident edhe pse policia është në gjendje gatishmërie.

Gjendjen tensionuese e përshkruajnë edhe agjencitë e huaja të lajmeve të cilat janë akredituar në Kosovë. Agjencia e lajmeve Reuters ka raportuar për vizitën e sekretarit gjeneral të NATO, Anders Fogh Rasmussen, përderisa ka thënë se gjendja mund të eskalojë më të filluar dita e premte, kur edhe do të filloj zbatimi i marrëveshjes së arritur me datën dy shtator në mes të Kosovës dhe Serbisë në Bruksel.

“Kosova e ka akuzuar Serbinë se po planifikon dhunë në veri të Kosovës sepse nuk po lejon që në dy pikat kufitare në veri të këtë doganier të Policisë së Kosovës”, shkruan Zëri i Amerikës.

Ndërkohë për një eskalim të mundshëm të situatës kanë reaguar edhe mediat ruse, të cilat kanë cituar ambasadorin e Rusisë në Kombet e Bashkuara, Vitaly Churkin.

“Konflikti në veri ka shumë mundësi që të eskalojë”, citohet të këtë thënë Churkin për Zërin e Rusisë.

Sipas tij, fajin për këtë e ka Prishtina pasi që, sipas Churkin, po dëshirojnë që t’i marrin me dhunë pikat kufitare në Veri të Kosovës.

Zëri i Rusisë flet po ashtu edhe për mbledhjen e Këshillit të Sigurimit që pritet të mbahet sonte, ku Serbia do të tentoi që të ndaloj vendosjen e doganierëve në veri të Kosovës.

Strukturat paralele po përgatiten për luftë në veri

Burime të Kosovapress-it kanë bërë të ditur se strukturat paralele në veri të vendit të mbështetura nga Beogradi po përgatiten për luftë në veri.

Sipas të njëjtave burime, shtabi i krizave në veri ka emëruar gjeneralin serb Bozhidar Deliq për komandant të operacioneve luftarake.

“Në Kosovë gjatë 48 orëve kanë hyrë rreth 1 mijë pjesëtarë rezervë të xhandarmerisë dhe ushtrisë serbe, në mesin e të cilëve edhe shumë oficerë, si dhe armë kundër neutralizimit të automjeteve të blinduara”, kanë thënë burimet.

Shqiptarët e “Kodrës së Minatorëve” të ngujuar në veri

Shqiptarët në lagjen “Kodra e Minatorëve” në veri të Mitrovicës kanë mbetur të ngujuar në shtëpitë e tyre, ndërsa për shkak të pamundësisë së shkuarjes së arsimtarëve dhe mjekëve të enjten nuk kanë punuar as shkolla dhe as ambulanta.

Ndërkaq, banorët e tri fshatrave shqiptare të komunës së Leposaviqit kanë arritur në Mitrovicë nën përcjelljen e Policisë së Kosovës të stacionit Zveqan. (KP)

Serbët bllokojnë urën mbi Ibër

Serbët lokalë kanë bllokuar urën e Lumit Ibër, duke zbrazur së paku katër maune zhavorr mbi të.

Lajmin e ka konfirmuar për Radion Evropa e Lirë zëdhënësi i Policisë së Kosovës për rajonin e Mitrovicës, Besim Hoti.

"Ajo çfarë e karakterizon natën e mbrëmshme në Mitrovicë është zbrazja e së paku katër maunave zhavorr mbi urën e Lumit Ibër në Mitrovicë dhe dëmtimi i një kamere të sigurisë në veri të Mitrovicës".

"Policia e Kosovës, ajo e EULEX-it dhe KFOR-i do të koordinohen për veprimet e mëtejshme. E rëndësishme është se nuk ka persona fizikë të tubuar në afërsi të urës kryesore mbi Lumin Ibër, ndërsa pengesa fizike është prezente. Policia e Kosovës ka rritur masat e sigurisë në zonat e banuara me popullatë të përzier në veri", tha Hoti.

Në veri janë rishfaqur tensionet pas paralajmërimeve të Qeverisë se Kosovës se nga e premtja do të hapen vendkalimet kufitare 1 dhe 31.

Ndërkohë, sekretari i përgjithshëm i NATO-s, Anders Fog Rasmusen, do të qëndrojë sot në Kosovë.

Rasmusen pritet të takojë komandantin e ri të KFOR-it, gjeneral-majorin, Erhard Drevz, kryeministrin e Kosovës, Hashim Thaçi, ministrin e Forcës së Sigurisë së Kosovës, Agim Çeku, dhe përfaqësues të bashkësisë ndërkombëtare.

Zëdhënësja e NATO-s, Karmen Romero, tha se Aleanca synon uljen e tensioneve kufitare në veri të Kosovës.

"Shefi i NATO-s do të kërkojë që të gjitha palët të bashkëpunojnë, të mbajnë dialog konstruktiv dhe të shmangin dhunën", tha Romero. (REL)

[Zero Cool]

OKB nuk mund të ndalë Planin për Veriun






Nga Express më 15 shtator 2011 në ora 08:45

(E plotësuar) Me kërkesën e Serbisë dhe të Federatës Ruse sot mblidhet Këshilli i Sigurimit i Kombeve të Bashkuara, për të shqyrtuar situatën në Kosovës pas vendimit të Qeverisë që bashkërisht me EULEX’in dhe KFOR’in t’i funksionalizojë doganat në veri.

Pajtimi për të mbajtur këtë seancë është arritur në një mbledhje të mbajtur mbrëmë në New York.

Ambasadorët kanë vendosur që sesioni i sotshëm të mbahet gati plotësisht me dyer të mbyllura. Nga OKB është njoftuar që vetëm një përfaqësues i saj do të flasë në pjesën e hapur të takimit, ndërkaq pjesëmarrësit tjerë do t’i shprehim qëndrimet e tyre prapa dyerve të mbyllura.

Me urgjencë, drejtë New Yorkut ka udhëtuar Ministri i Jashtëm Enver Hoxhaj, i cili në kohën kur është marrë vendimi për mbajtjen e seancës ka qenë në Egjipt.

Atje tashmë ndodhet edhe homologu i tij serb, Vuk Jeremic.

Duke marrë parasysh ndarjen e thellë që ekziston mes shteteve perëndimore dhe Rusisë, nuk ka të ngjarë që Këshilli i Sigurimit të marrë ndonjë vendim që ndalon planin për zbarkim të policëve dhe doganierëve në Veri, plan ky që do të jetësohet nesër, më 16 Shtator.

Ndryshe, Serbia dhe Rusia kishin insistuar që kjo mbledhje të mbahet sot ose më së largu të premten.

Presion nga New Yorku

Serbia dhe aleatët e saj po bëjnë përpjekje që nëpërmjet Këshillit të Sigurimit të ndalin planin e Qeverisë së Kosovës për vendosjen e kontrollit në pikat doganore në Veri. Burime të Express kanë thënë se të mërkurën në mbrëmje Këshilli ka mbajtur konsultime rreth një letre të Serbisë. Ndërkaq, Rusia pritet të kërkojë që seanca e jashtzakonshme për Kosovën të mbahet të premten.

Serbia ka trokitur edhe në dyert e Këshillit të Sigurimit të OKB’së me shpresë se aty mund të ndal planin e Qeverisë së Kosovës, që bashkë më EULEX’in dhe KFOR’in të vendosin kontrollin doganor në Bërnjak dhe Jarinje.

Burime ndërkombetare të Express kanë thënë se të merkuren në mbrëmje, në New York, Këshilli i Sigurimit është ftuar të mnbajë konsultime me dyer të mbyllura, ku në agjendë ka qenë letra e Serbisë, e dërguar këtë javë, me të cilën ajo kërkon nga KS i OKB’së që të ndal “përpjekjet e Prishtinës që me dhunë të marrë Veriun”.

Express mëson se në orët e vona të mbremjes, Rusia ka parashtruar kërkesën për mbajtje të një sesioni emergjent të Këshillit të Sigurimit rreth çështjes së Veriut të Kosovës dhe veprimeve të përbashkëta të EULEX’it dhe Qeverisë së Kosovës për kthimin e doganierëve në kufi. Nëse aprovohet kërkesa e Rusisë, e cila është anëtare e përhershme e Këshillit të Sigurimit, atëherë pritet që mbledhja të mbahet jo më vonë se të premten.

Shefi i diplomacisë serbe, Vuk Jeremic është tashmë në New York, ndërsa edhe ministri kosovar Enver Hoxhaj është nisur me emergjencë për paraqitje eventuale, nëse aprovohet mbajtja e takimit.

Nëse vendoset që mbledhja të mbahet, ajo do të jetë e katërta e Këshillit të Sigurimit dedikuar Kosovës këtë vit, pa e përfshirë tentativën e abortuar të Serbisë për të diskutuar veprimet e ROSU’së në korrik. Një javë pas veprimeve të ROSU’së Serbia, po ashtu, tentoi të organizojë një mbledhje nëpërmjet Rusisë, por asokohe nuk kishte fare simpati për këtë propozim nga anëtarët e tjerë të Këshillit dhe Jeremic as nuk u lejua të jetë fizikisht prezent në sallën e Kombeve të Bashkuara, ku u diskutua Kosova prapa dyerve të mbyllura. Burimet në New York thonë se kësaj radhe, për shkak të insistimit rus, mbledhja ka gjasë të mbahet.

[Zero Cool]

Tadic: E premtja mund ta rrezikojë paqen në rajon






Nga Express më 15 shtator 2011 në ora 12:33

Presidenti i Serbisë, Boris Tadic, ka thënë sot se “veprimet e njëanshme të Prishtinës, të paralajmëruara për të premten, mund ta kërcënojnë seriozisht paqen dhe stabilitetin e gjithë rajonit”.

“Një gjë e këtillë duhet të pengohet”, ka thënë Tadic, në hapje të punimeve të forumit mbi sigurinë në Beograd.

Sipas tij, “e vetmja zgjidhje e pranueshme për Kosovën është ajo që do të mund të dilte nga dialogu, në të cilin do të tejkaloheshin dallimet”.

"Zhvillimet në Kosovë kanë rrënuar rëndë bazat e raporteve ndërkombëtare, e nëse kjo vazhdon të ndodhë, ky sistem do të rrënohet përgjithmonë”, ka thënë Tadic, duke nënvizuar se në këtë formë, “do të legjitimohej ndarja e dhunshme dhe shkatërrimi i kufijve të një shteti Sovran”. (REL)

[Zero Cool]

Kukan: Palët të përmbahen nga përshkallëzimi i situatës





13:36 / 15.09.2011

Anëtar i Parlamentit Evropian, njëherësh kryetar i Delegacionit për Evropën Juglindore, Eduard Kukan, pas tensionimit të situatës ndërmjet Prishtinës e Beogradit lidhur me zbatimin e marrëveshjes për doganat, veçanërisht në veri të Kosovës iu ka bërë thirrje palëve që të përmbahen nga përshkallëzimi i mëtejmë i situatës.
Përmes një komunikate për media, Kukan iu ka bërë thirrje politikanëve përgjegjës të të dy palëve, si dhe serbëve kosovarë që jetojnë në veri të Kosovës që të përmbahen nga çdo veprim emocional dhe potencialisht të dhunshëm.

“Duhet të jetë në interes të të gjithëve rivendosja e sundimit të ligjit në këtë pjesë të Kosovës. Ne të gjithë vlerësojmë mënyrën e përgjegjshme, në të cilën dialogu mes Prishtinës dhe Beogradit kishte ri-filluar në fillim të muajit dhe do të më vinte shumë keq nëse arritjet do të shkonin dëm”, ka thënë ai.

[Zero Cool]

Serbët paralajmërojnë rezistencë të armatosur





15:58 / 15.09.2011

Radenko Nedelkovic, i ashtuquajturi kryetar i qarkut të Mitrovicës, caktohet nga shtabi serb i krizës në veri të Kosovës në detyrën për të koordinuar veprimet në mes të faktorit politik dhe grupit serb që janë nën armë në veri të Mitrovicës.
Ky vendim është marrë në një takim që ka mbajtur shtabi i krizës në veri të Kosovës, kanë njoftuar burime ndërkombëtare për “Koha Ditore”.

Sipas këtyre burimeve në këtë takim serbët janë pajtuar të mos lejojnë vendosjen e institucioneve të shtetit të Kosovës në veri të vendit.

Nëse një gjë e tillë ndodh, atëherë duhet të reagohet edhe me armë është thënë në këtë takim. Gjithashtu në këtë takim është kërkuar që KFOR-i dhe EULEX-i të mos bëjnë bartjen e policëve dhe doganierëve shqiptarë për në veri të Kosovës, nëse një gjë e tillë ndodhë atëherë strukturat serbe në veri nuk do të marrin përgjegjësi, por ajo do të bie mbi KFOR-in dhe EULEX-in ka thënë burimi i gazetës.

Në këtë takim kanë marrë pjesë përfaqësuesit politikë, policorë dhe ushtarakë serbë.

[Zero Cool]

Konuzin zemërohet me serb, për Kosovën





Nga Express më 15 shtator 2011 në ora 17:10


Ambasadori i Rusisë në Serbi, Aleksandar Konuzin, ka kritikuar të enjten me një ton të pazakonshëm në Beograd pjesëmarrësit e forumit të parë të sigurisë nga Serbia, se nuk po i mbrojnë interesat e vendeve të tyre lidhur me Kosovën, dhe ka braktisur sallën ku po mbahet forumi.

“A thua në këtë sallë nuk ka serbë”, ka thënë disa herë Konuzin, duke folur me emocione dhe ton të ngritur në panelin, i cili i kushtohet ndryshimeve të sigurisë globale.

Ambasadori rus ka akuzuar KFOR-in dhe NATO-n se “po shkelin Rezolutën 1244 të Kombeve të Bashkuara, pasi që dëshirojnë që në kufirin me Serbinë të dërgohen doganierë dhe policë dhe këtë askush nga pjesëmarrësit e forumit nuk e ka përmendur.

Konuzin ka thënë se në mbledhjen e sontme të Këshillit të Sigurimit për Kosovën, interesat e Serbisë do t’i mbrojë Rusia dhe shefi i diplomacisë serbe Vuk Jeremiq, ndërsa “këtu në sallë nuk është askush që mbron interesat e Serbisë”.

Ambasadori rus pas fjalimit 15 minutash, ka braktisur me nervozizëm sallën, ku mbahej forumi, në të cilin marrin pjesë ministra të Jashtëm të shumë vendeve, ekspertë për siguri të jashtme dhe siguri, dhe gazetarë.

[Zero Cool]

EULEX, nga e premtja në veri të Kosovës






Nga Express më 15 shtator 2011 në ora 14:32
(E plotësuar) EULEX do të kryejë punët policore dhe doganore në portat 1 dhe 31 (Jarinje dhe Bërnjak). Kjo do të bëhet në përputhje me mandatin ekzekutiv që ka misioni, thuhet në një komunikatë për shtyp të dërguar nga EULEX në orët e mbrëmjes.

“Në fakt, kjo do të thotë që EULEX-i do të ndihmojë implementimin e marrëveshjes për vula doganore të arritur më 2 shtator në Bruksel, në kuadër të dialogut të ndërmjetësuar nga BE-ja. Marrëveshja për vulat doganore ishte pjesa e fundit që mungonte për të lansuar një sistem të mirëfilltë doganorë, të cilin ne edhe e synojmë. Kosova, nën administrim të UNMIK-ut, që nga viti 2000 është bërë një zonë doganore, dhe është trajtuar nga BE-ja gjithmonë si e tillë”, thotë zyra e EULEX-it.

Marrëveshja ,e cila nuk ka asgjë të bëjë me statusin, është për të ndërmarrë një hap të madh përpara në sundimin e ligjit në Kosovë, e që është në interes të gjithë qytetarëve.

“Mungesa e funksionimit të sistemit doganorë në të gjithë territorin e Kosovës ka lejuar që aktivitetet ilegale të zhvillohet lirshëm, veçanërisht por jo ekskluzivisht në veri të Kosovës. Tani do të kemi mundësi të merremi shumë më mirë me këtë çështje. Ky është një hap i rëndësishëm dhe të gjithë do jenë përfitues. Operacionet doganore në porta do të kryhen nga doganierët e EULEX-it, në prezencë të doganierëve të Kosovës”, thuhet në komunikatë.

EULEX-i ka ftuar të gjithë ë qytetarët të përkrahin këto masa për të përmirësuar sundimin e ligjit për të gjithë.

Masat dhe detajet e para përfshijnë:

“Pikë kalimi në Bërnjak do të jetë e hapur për trafik komercial dhe personal, si dhe për mallra komerciale dhe jo-komerciale. Importet e mallrave komerciale nëpërmjet pikës në Bërnjak duhet të zhdoganohen në Terminalin Doganorë në jug të Mitrovicës”;

“Deri sa të instalohet infrastruktura e duhur në Jarinjë, ky pike kalim do të jetë i hapur vetëm për mallra jo-komerciale dhe trafik personal”, dhe;

“Të gjitha mallrat komerciale që i nënshtrohen akcizës (si alkooli, cigaret dhe karburantet) duhet të zhdoganohen nëpër pike kalimin e Merdares ose në ndonjë pikë tjetër të autorizuar për trafik tregtar”.

Quinti: Shtrijeni sovranitetin në tërë Kosovën

Pak orë para nisjes së implementimit të planit të qeverisë së Republikës për veriun, aleatët e mëdhenj të Kosovës – SHBA-ja, Britania e Madhe, Gjermania, Franca dhe Italia kanë takuar kryeministrin Thaçi për t’i dhënë përkrahjen për 16 shtatorin.

Ambasadorët e shteteve të Quintit shprehën mirënjohjen e tyre për mënyrën se si Qeveria e Kosovës ka bashkëpunuar me partnerët e saj ndërkombëtarë, në veçanti me KFOR-in dhe EULEX-in gjatë përgatitjeve për këtë hap të rëndësishëm për Kosovën.

Ambasadorët po ashtu kanë inkurajuar qeverinë që të vazhdojë këtë bashkëpunim për të konsoliduar autoritetin e Kosovës në porta gradualisht dhe qetësisht gjatë një periudhe kalimtare.

“Po ashtu, ata kanë mirëpritur dhe mbështetur deklaratat e dhëna dje nga Përfaqësuesi i Posaçëm i Bashkimit Evropian, Fernando Gentilini dhe Shefi i misionit të EULEX-it, Xavier Bout de Marnhac dhe shprehën mbështetjen e tyre për pritjet se tash mund të hiqen embargot për tregti ndërmjet Serbisë dhe Kosovës, duke hapur shtegun për përparim të mëtejshëm në dialogun e lehtësuar nga BE-ja”, thuhet në një njoftim të qeverisë.

Ambasadorët përsëritën mbështetjen e qeverive të tyre për integritetin territorial dhe sovranitetin e Kosovës, përfshirë edhe në veri. (IO)

Gjendje e qetë, por në tension

Gazetarja e Express-it, e cila gjendet në Mitrovicë ka thënë se gjendje në qytetin verior të Kosovës deri në orët e pasdites ka qenë e qetë, përderisa edhe lëvizjet e njerëzve kanë qenë normale.

Serbët që në orët e mëngjesit kishin vënë barrikada me rërë dhe gjësende të tjera në urën mbi Ibër përderisa kanë prishur edhe kamerat e sigurisë që kanë qenë të vëna në këtë urë.

Express ka kaluar edhe në anën veriore të Mitrovicës dhe ka marrë opinionin e qytetarëve të thjesht të cilët kanë thënë se ata nuk dëshirojnë që situata të eskalojë dhe se dëshirojnë “që më shumë të merren me hallet e tyre ekonomike sesa me politikë”.

Megjithatë, gjendja edhe pse e qetë deri në momentet kur është raportuar, duket në tension, përderisa mbi urën e Ibrit janë parë policë të Kosovës por edhe të karabinierë italianë, të cilët edhe janë duke e mbikëqyrur situatën.

Së gjendje deri në orën 14:00 është e qetë ka lajmëruar edhe zëdhënësi i Policisë së Kosovës për veri, Besim Hoti. Ai ka thënë se deri me tani nuk është shënuar ndonjë incident edhe pse policia është në gjendje gatishmërie.

Gjendjen tensionuese e përshkruajnë edhe agjencitë e huaja të lajmeve të cilat janë akredituar në Kosovë. Agjencia e lajmeve Reuters ka raportuar për vizitën e sekretarit gjeneral të NATO, Anders Fogh Rasmussen, përderisa ka thënë se gjendja mund të eskalojë më të filluar dita e premte, kur edhe do të filloj zbatimi i marrëveshjes së arritur me datën dy shtator në mes të Kosovës dhe Serbisë në Bruksel.

“Kosova e ka akuzuar Serbinë se po planifikon dhunë në veri të Kosovës sepse nuk po lejon që në dy pikat kufitare në veri të këtë doganier të Policisë së Kosovës”, shkruan Zëri i Amerikës.

Ndërkohë për një eskalim të mundshëm të situatës kanë reaguar edhe mediat ruse, të cilat kanë cituar ambasadorin e Rusisë në Kombet e Bashkuara, Vitaly Churkin.

“Konflikti në veri ka shumë mundësi që të eskalojë”, citohet të këtë thënë Churkin për Zërin e Rusisë.

Sipas tij, fajin për këtë e ka Prishtina pasi që, sipas Churkin, po dëshirojnë që t’i marrin me dhunë pikat kufitare në Veri të Kosovës.

Zëri i Rusisë flet po ashtu edhe për mbledhjen e Këshillit të Sigurimit që pritet të mbahet sonte, ku Serbia do të tentoi që të ndaloj vendosjen e doganierëve në veri të Kosovës.

Strukturat paralele po përgatiten për luftë në veri

Burime të Kosovapress-it kanë bërë të ditur se strukturat paralele në veri të vendit të mbështetura nga Beogradi po përgatiten për luftë në veri.

Sipas të njëjtave burime, shtabi i krizave në veri ka emëruar gjeneralin serb Bozhidar Deliq për komandant të operacioneve luftarake.

“Në Kosovë gjatë 48 orëve kanë hyrë rreth 1 mijë pjesëtarë rezervë të xhandarmerisë dhe ushtrisë serbe, në mesin e të cilëve edhe shumë oficerë, si dhe armë kundër neutralizimit të automjeteve të blinduara”, kanë thënë burimet.

Shqiptarët e “Kodrës së Minatorëve” të ngujuar në veri

Shqiptarët në lagjen “Kodra e Minatorëve” në veri të Mitrovicës kanë mbetur të ngujuar në shtëpitë e tyre, ndërsa për shkak të pamundësisë së shkuarjes së arsimtarëve dhe mjekëve të enjten nuk kanë punuar as shkolla dhe as ambulanta.

Ndërkaq, banorët e tri fshatrave shqiptare të komunës së Leposaviqit kanë arritur në Mitrovicë nën përcjelljen e Policisë së Kosovës të stacionit Zveqan. (KP)

Serbët bllokojnë urën mbi Ibër

Serbët lokalë kanë bllokuar urën e Lumit Ibër, duke zbrazur së paku katër maune zhavorr mbi të.

Lajmin e ka konfirmuar për Radion Evropa e Lirë zëdhënësi i Policisë së Kosovës për rajonin e Mitrovicës, Besim Hoti.

"Ajo çfarë e karakterizon natën e mbrëmshme në Mitrovicë është zbrazja e së paku katër maunave zhavorr mbi urën e Lumit Ibër në Mitrovicë dhe dëmtimi i një kamere të sigurisë në veri të Mitrovicës".

"Policia e Kosovës, ajo e EULEX-it dhe KFOR-i do të koordinohen për veprimet e mëtejshme. E rëndësishme është se nuk ka persona fizikë të tubuar në afërsi të urës kryesore mbi Lumin Ibër, ndërsa pengesa fizike është prezente. Policia e Kosovës ka rritur masat e sigurisë në zonat e banuara me popullatë të përzier në veri", tha Hoti.

Në veri janë rishfaqur tensionet pas paralajmërimeve të Qeverisë se Kosovës se nga e premtja do të hapen vendkalimet kufitare 1 dhe 31.

Ndërkohë, sekretari i përgjithshëm i NATO-s, Anders Fog Rasmusen, do të qëndrojë sot në Kosovë.

Rasmusen pritet të takojë komandantin e ri të KFOR-it, gjeneral-majorin, Erhard Drevz, kryeministrin e Kosovës, Hashim Thaçi, ministrin e Forcës së Sigurisë së Kosovës, Agim Çeku, dhe përfaqësues të bashkësisë ndërkombëtare.

Zëdhënësja e NATO-s, Karmen Romero, tha se Aleanca synon uljen e tensioneve kufitare në veri të Kosovës.

"Shefi i NATO-s do të kërkojë që të gjitha palët të bashkëpunojnë, të mbajnë dialog konstruktiv dhe të shmangin dhunën", tha Romero. (REL)

[Zero Cool]

AAK inkurajon për kujdes dhe vendosmëri në veri





18:25 / 15.09.2011

Kryesia e Aleancës për Ardhmërinë e Kosovës (AAK) vlerëson se operacioni që pritet të ndërmerret nesër (e premte, 16 shtator 2011) nga institucionet vendore, EULEX-i dhe KFOR-i, është i rëndësisë së veçantë si një prej hapave të vendosjes së autoritetit shtetëror në veri të Kosovës.
Kryesia e AAK-së inkurajon institucionet e Republikës së Kosovës, sikurse edhe mekanizmat ndërkombëtarë në Kosovë, KFOR-in dhe EULEX-in, që me kujdes dhe me vendosmëri të realizojnë përmbushjen e qëllimit legjitim dhe demokratik të vendosjes së oficerëve policorë dhe doganorë në vendkalimet kufitare 1 dhe 31.

Kryesia e AAK-së vlerëson koordinimin dhe angazhimin e përbashkët të institucioneve vendore dhe mekanizmat ndërkombëtarë në Kosovë me synim të sigurimit të udhëheqjes së përkushtuar të operacionit Kushtetues dhe ligjor. Kryesia e AAK-së po ashtu rithekson se problemi i përshkallëzuar i situatës në komunat në veri të Kosovës është çështje e mungesës së sundimit të ligjit, mungesë kjo që i ka dhënë hapësirë funksionimit dhe forcimit të grupeve të krimit të organizuar dhe kontrabandës atje.

“Duke përcjellë me vëmendje zhvillimet e tashme, AAK është e bindur se qytetarët e asaj pjese të Kosovës do të shohin se funksionimi i Kushtetutës dhe ligjeve të Kosovës është në mirën e tyre dhe perspektivën demokratike të tyre. Interesi i qytetarëve të komunave në veri të Kosovës vlerësojmë se është direkt i lidhur me mundësimin e funksionimit të shtetit demokratik atje, duke bërë veprime të duhura për të rritur sigurinë e përgjithshme dhe garantimin e lirisë dhe të drejtave të njeriut” thuhet në një njoftim të AAK-së.

[Llapi]

Thaçi informon ministrat

Publikuar: E enjte 15 Shtator 2011, 9:44 0 Komente 0 Rekomandime
Prishtinë - Në mbledhjen e radhës së Qeverisë së Kosovës, kryeministri ka prezantuar planin qeveritar operacional për veriun, ndërsa ka falënderuar të gjithë ata që kanë kontribuar në hartimin e tij. “Unë edhe sot kam vazhduar të kem takime me autoritetet e EULEX-it, gjithashtu me Kuintin, por edhe me Rasmusenin. Është rikonfirmuar mbështetja e plotë e EULEX-it, mbështetja unike e BE-së për planin operacional të Qeverisë së Republikës së Kosovës dje. Gjithashtu, edhe sot është rikonfirmuar mbështetja e plotë nga shtetet e Kuintit”, tha Thaçi, duke shtuar se implementimi i tij do të bëhet në bashkëpunim të ngushtë edhe me NATO-n.
Kryeministri ritheksoi se ky plan nënkupton vendosjen e plotë të kontrollit doganor në pikat 1 dhe 31 dhe duke marrë në konsideratë rrethanat aktuale të funksionalizimit të tyre, rregulla të veçanta do të aplikohen. “Ajo çka është e rëndësishme është fakti që gjitha operacionet do të kryhen në pajtim me ligjet dhe rregulloret e Kosovës. Autoritetet e Kosovës do të kenë autoritetin komandues, ekzekutiv në këto pika dhe do të ketë mbikëqyrje teknike të EULEX-it”, tha ai. Kreu i Qeverisë ka bërë të ditur se Policia e Kosovës, Doganat dhe Policia e EULEX do të kenë personelin për kontroll në Jarinje dhe Bërnjak, ndërsa trafiku komercial në Jarinje do të fillojë pas riparimit të shpejtë të infrastrukturës në këtë pikë, për çka janë duke u bërë përgatitjet. Ndërsa gjithë mallrat që kanë akcizë do të zhdoganohen në pikën 3 në Merdar.

[Llapi]

Thaçi: Të sillemi
si burrështetas, jo si qyqarë


Publikuar: E enjte 15 Shtator 2011, 6:54


“Nuk ka çka të fshihet, nuk jemi të vetmit që jemi takuar me presidentin Tadiq në Vjenë, Nju-Jork dhe Bruksel. Kemi pasur edhe dreka, edhe darka tërë delegacioni kosovar. Natyrisht ‘Vikiliks’ i ka kushtuar vëmendje ndoshta më shumë ndonjë dorështrëngimi. Por duhet të jenë të shqetësuar ata të cilët nuk i ka prekur ‘Vikiliks’ dhe jo ata që i ka prekur”, është shprehur, kryeministri i Kosovës, Hashim Thaçi, në një intervistë ekskluzive për “Kosova Sot”.
“Kosova Sot”: Vetëvendosja kërkoi dorëheqjen e Qeverisë dhe mbajtjen e zgjedhjeve të reja. Ju shqetëson kjo kërkesë?
Thaçi: Naivitet, papjekuri. Kosova ka institucione shumë stabile, funksionale dhe efektive. Kosova nuk e ka luksin e eksperimenteve politike. Jemi në agjendën e konsolidimit të shtetit tonë, të njohjeve të fuqishme që po vijnë, të zhvillimit ekonomik të vendit, të implementimit të projekteve madhore historike për Kosovën, të fillimit të implementimit të rendit dhe ligjit në veri pas 12 vjetësh. Dhe unë mendoj se edhe të gjitha partitë duhet të respektojnë rregullat demokratike dhe mandatet zgjedhore. Zgjedhjet mbahen për qeverisje dhe jo për të organizuar zgjedhje të reja.
“Kosova Sot”:Pas debatit për lëndët fetare, nga mediet është paralajmëruar për mundësinë që PD-ja të dalë nga koalicioni qeverisës. Keni paralajmërime të tilla?
Thaçi: Qeveria është shumë stabile, mazhoranca është shumë funksionale, debatet në Parlament janë shumë dobiprurëse për shoqërinë e Kosovës. Prandaj opinionet e ndryshme që paraqiten janë opinione që duhet reflektuar nga të gjithë. Por, kemi bashkëpunim të mirë.
“Kosova Sot”: Partia e liderit të AKR-së thotë se keni premtuar edhe një post ministror. A keni plan të jepni edhe një?
Thaçi: Unë, me gjithë angazhimet, jam i fokusuar për qeverisje të mirë nëpërmjet një pune ekipore që po bëjmë. Mund të them me përgjegjësinë më të lartë nga përvoja ime në mandatin e dytë se ky ekip qeverisës është ekipi më i mirë ndonjëherë që ka pasur Kosova si ekzekutiv, me njerëz të rinj dhe energji të reja, vizon dhe mentalitet krejt ndryshe nga qeverisjet e kaluara. Pra, një qeverisje që është duke u mbështetur fuqishëm edhe prej gjithë komunitetit ndërkombëtar që është e përcaktuar për rend dhe ligj, udhëheqje efikase dhe në shërbim të gjithë qytetarëve të vendit. Natyrisht ne kemi konsulta të vazhdueshme me partnerët e koalicionit edhe me z. Pacolli, edhe partitë minore, edhe të tjerët.
“Kosova Sot”: Dhe sipas jush vlerësimi pozitiv i ministrave heq dilemat për riformatizim?
Thaçi: Gjashtë muajt e parë të mandatit të dytë vlerësimi për çdo ministër bëhet në baza ditore për punën e tyre. Do të vijë koha që do të kemi vlerësimin real, konkret dhe profesional, politik edhe vlerësimin përgjegjës ekzekutiv të secilit dikaster përkatës.

Autostrada Prishtinë-Shkup dhe fondet e FMN-së
Gradualisht ne po arrijmë në finalizim të gjitha angazhimeve tona të mbulesës financiare, sepse kjo i kushton Kosovës. Sot kam pasur takime me përfaqësuesit e FMN-së dhe jemi duke i harmonizuar prioritetet tona të përbashkët si Qeveri e Kosovës. Jemi në rrugë të mirë të aprovimit të kësaj agjende të Qeverisë së Kosovës me FMN-në.
Kosova tashmë ka fituar fondet e premtuara dhe do t’i fitojë edhe vitin e ardhshëm, sepse kemi pajtueshmëri të plotë me procesin e programit të premtuar.

I përmbahem marrëveshjes

“Kosova Sot”: Jemi në proces të reformës zgjedhore dhe asaj kushtetuese. PDK-ja ende nuk ka dalë me propozimet e saj. Si kryetar partie çfarë ndryshimesh do të preferonit në sistemin elektoral?
Thaçi: E para, unë do të respektoj në përpikëri dokumentet që kemi nënshkruar me kryetarin e LDK-së, Mustafa dhe kryetarin e AKR-së, Pacolli. PDK-ja do të ulet dhe do të marrë vendime përkatëse në organet drejtuese, duke dhënë opinionet e veta për sistemin zgjedhor të ardhshëm dhe ato do të zyrtarizohen në kryesinë e PDK-së, këshillin drejtues dhe pastaj do të prezantohen në grupet punese për reformën zgjedhore dhe për mënyrën e zgjedhjes së presidentit, por edhe për zgjedhjet e ardhshme të përgjithshme. Kjo do të ndodhë në të ardhmen e afërt.
“Kosova Sot”: A vazhdoni t’i përmbaheni marrëveshjes së arritur me liderin e LDK-së dhe AKR-së për afatet elektorale, zgjedhjet presidenciale dhe reformën?
Thaçi: Nga ana ime në përpikëri.
“Kosova Sot”: A jeni duke shqyrtuar mundësinë e kandidimit për president të vendit dhe a prisni të keni ndonjë kundërkandidat në parti, apo në koalicion siç është Pacolli?
Thaçi: E kam theksuar edhe më herët me gjithë potencialin tim jam angazhuar në kryerjen e obligimeve të mia ekzekutive si kryeministër i Republikës së Kosovës. Jam duke kryer pjesën e parë të mandatit. Kam kontratë me qytetarët e Kosovës pasi kam kërkuar besimin e tyre për të udhëhequr ekzekutivin. Kontratën me qytetarët e Kosovës nuk e thyej në asnjë rrethanë dhe me asnjë çmim për asnjë post, sepse është kontratë që e respektoj në përpikëri. Është në pyetje besimi i qytetarit dhe nuk e thyej në asnjë mënyrë dhe me asnjë çmim. Prandaj do të vazhdoj me angazhimet e mia ekzekutive për të përmbyllur agjendën e konsolidimit të shtetit të Kosovës, zhvillimin ekonomik, ngritjen e mirëqenies sociale të qytetarëve dhe integrimin euroatlantik.
“Kosova Sot”: Nëse respektoni kontratën me qytetarë, atëherë kemi zgjedhjet presidenciale si afat i marrëveshjes?
Thaçi: Periudhën kohore të sistemit zgjedhor do ta përcaktojmë bashkërisht me gjithë spektrin politik kosovar. Është vendim konsensual në të cilin nuk ka monopol askush, asnjë individ dhe asnjë parti. Unë çdo vendim konsensual të spektrit politik do ta respektoj me përpikëri në kohën e duhur kur kërkohet. Si partia më e madhe e vendit me besimin më të lartë qytetar ne do të reflektojmë edhe sa i përket presidentit dhe zgjedhjeve të ardhshme të përgjithshme. Ka diskutime të partive për sisteme të ndryshme të zgjedhjeve, duhet të dëgjohen opinionet edhe brenda vetë partisë e pastaj ato opinione duhet të institucionalizohen brenda partive, pastaj ato veç e veç t’i prezantojnë qëndrimet e tyre unifikuese. Tek më pas do të ndërtohet qëndrimi i politikës kosovare.

“Kosova Sot”: Çfarë marrëdhëniesh keni me presidenten Atifete Jahjaga dhe si e vlerësoni rolin e saj në skenën politike dhe institucionale?
Thaçi: Kam raporte bashkëpunimi shumë të mira, raporte të shkëlqyera. Janë raporte institucionale, por edhe personale. Raporte të ndërtuara mbi bazën kushtetuese dhe ligjore, që i vlerësoj si mjaft pozitive.

Pret njohje të reja të pavarësisë

“Kosova Sot”: Kemi pasur disa njohje së fundmi, ndërsa paralajmërohen njohje të tjera. Zyrtarët kosovarë duket se janë aktivë, por ka edhe një mburrje të vazhdueshme për njohjet që po ndodhin. Si e vlerësoni?

Thaçi: Është shumë me rëndësi që procesi i njohjes së pavarësisë së Kosovës po konsolidohet dhe forcohet çdo ditë e më tepër. Tani kemi 83 njohje dhe tash së fundmi edhe Nigeria, një shtet i fuqishëm në atë pjesë të botës, ka njohur pavarësinë. Presim njohje të reja në të ardhmen e afërt. Është një angazhim jashtëzakonisht i fuqishëm i zëvendëskryeministrit Pacolli dhe ministrit të Jashtëm Hoxhaj. Prandaj kjo që po ndodh tani do të duhej t’i ndodhte Kosovës edhe më herët. Është një sukses i diplomacisë së Kosovës.

“Kosova Sot”: Pesë vendet e BE-së, që janë problematike për raportet e Kosovës me BE-në, ende nuk e kanë njohur pavarësinë. Çfarë prisni ju?

Thaçi: Pesë vendet e BE-së, edhe pse ende nuk e kanë njohur pavarësinë e Kosovës, gradualisht janë duke e unifikuar qëndrimin për perspektivën evropiane të Kosovës me 22 vendet e tjera. Ndërsa në të ardhmen e afërt presim që të kemi lëvizje me njohjen e pavarësisë së Kosovës jo si bllok, por veç e veç.

“Kosova Sot”: Politikanët kosovarë janë akuzuar vazhdimisht se nuk kanë vullnet për luftimin e korrupsionit. Cila është strategjia juaj për luftimin e kësaj dukurie dhe a keni besim në drejtësinë kosovare?

Thaçi: Definitivisht kam besim dhe mbështes drejtësinë kosovare. Ne kemi bërë hapa konkretë në reforma në drejtësinë kosovare, që janë në përputhshmëri të plotë me legjislacionin e vendeve të BE-së. Ndërsa edhe zotimet për zbatueshmërinë e kushtetutshmërisë së institucioneve të Kosovës së bashku me ndërkombëtarët për rend dhe ligj, luftimin e korrupsionit dhe dukurive të tjera negative ka një vendosmëri të jashtëzakonshme, dhe mund të them lirisht se nëse krahasojmë me vendet e tjera të rajonit, lufta kundër korrupsionit në Kosovë është shembulli më i mirë i mundshëm.

‘Vikiliks’, tekstet e historisë

“Kosova Sot”: ‘Vikiliks’ po publikon mesazhet diplomatike të ambasadave amerikane, ku një nga to flet edhe për takimet tuaja me presidentin Tadiq. Cila është e vërteta sipas jush?

Thaçi: E vërteta është se nuk kanë ndodhur dy takime, por shumë më shumë takime në konferencat e ndryshme ndërkombëtare edhe në Vjenë, edhe në Bruksel, edhe në Nju-Jork dhe vende të tjera. Ato kanë qenë konferenca ndërkombëtare ku nuk ka munguar dorështrëngimi. Prandaj ne duhet të sillemi si burrështetas, jo si qyqarë. Nuk ka çka të fshihet, nuk jemi të vetmit që jemi takuar me presidentin Tadiq në Vjenë, Nju-Jork dhe Bruksel. Kemi pasur edhe dreka, edhe darka tërë delegacioni kosovar. Natyrisht ‘Vikiliks’ i ka kushtuar vëmendje ndoshta më shumë ndonjë dorështrëngimi. Por duhet të jenë të shqetësuar ata të cilët nuk i ka prekur ‘Vikiliks’ dhe jo ata që i ka prekur.

vazhdon

[Llapi]

“Kosova Sot”: Me profesion jeni historian. A keni një qëndrim për kërkesën e Turqisë që të shqyrtohen disa pjesë të teksteve të historisë?

Thaçi: Deklarimet e askujt nuk mund t’i prezantojmë si qëndrime të ndonjë shteti dhe kërkesa e tillë nuk ka ardhur as nga Turqia. Por ne jemi vend sovran. Në anën tjetër historinë nuk e shkruajnë qeveritë, por historianët. Kështu që në asnjë rrethanë nuk lejoj politizimin e historisë. Historia është ajo që ka qenë. Natyrisht ndonjëherë është shkruar apo ndikuar prej politikës. Por historia është shkencë që nuk duhet të jetë e ndikuar nga politika, ideologjia apo në kuptimin e njëanshmërisë etnike.

“Kosova Sot”: Si i keni raportet me mediet. Çfarë ju tërheq apo ju pengon në gazetarinë e Kosovës?

Thaçi: Raportet me medie janë të shkëlqyeshme. Falënderoj të gjithë për prezantimin e tyre korrekt në kuptimin edhe pozitiv, por edhe kritik ndaj punës sime, por edhe të Qeverisë. Ne jetojmë në një vend demokratik me një rol fuqizues të medieve të pavarura. Për mua mediet kanë qenë, janë dhe do të mbesin partnerë i angazhimeve të përbashkëta.
Kohën e lirë në bjeshkë
“Kosova Sot”: Keni kaluar një vit të ngarkuar me plot zhvillime. Cila është jeta e kryeministrit të Kosovës përtej politikës dhe çfarë bëni në kohën e lirë. A jeni të përkushtuar ndaj familjes suaj?

Thaçi: Realisht kjo verë ka qenë e stërngarkuar për mua si kryeministër i Qeverisë së Kosovës, me të gjitha zhvillimet që kemi kaluar veçanërisht në veri. E kur është fjala për çështjen e sigurisë duhet të ketë angazhim konkret dhe direkt. Në këtë drejtim kam qenë i involvuar personalisht në të gjitha zhvillimet. Prandaj fokusimi im ka qenë i theksuar dhe maksimal. Kam arritur të gjej ndonjë orë të lirë për angazhime fizike. Unë i dua bjeshkët dhe i shfrytëzoj për të ecur ndonjë ditë fundjave me familjen.

[Llapi]

Thaçi: Ne nuk do të zbrapsemi

Kryeministri i Kosovës, Hashim Thaçi në një konferencë për mediet që mbajti sonte ka deklaruar se nesër do të fillojë implementimin operacional për funksionimin e pikave kufitare 1 dhe 31.
Ai ka theksuar se plani është hartuar nga qeveria e Kosovës dhe në koordinim me SHBA, BE, NATO dhe EULEX.
Thaçi ka bërë thirrje që të gjitha qytetarët të ruajnë qetësinë dhe ka shprehur vendosmërinë e qeverisë së Kosovës për vendosjen e rendit në veri.
“Nesër policët dhe doganierët e Republikës së Kosovës bashkë me EULEX dhe NATO do të fillojnë implementimin e planit operacional për funksionalizimin e pikave kufitare 1 dhe 31. Plani është hartuar nga qeveria e Kosovës dhe në koordinim me SHBA, BE NATO dhe EULEX. Publikisht kam marrë mbështetjen e të gjitha faktorëve relevantë ndërkombëtarë. Bashkë me ju i besojmë suksesit të përbashkët dhe mbështetjes së plotë të partnerëve tanë ndërkombëtare”, është shprehur Thaçi.
“Edhe sot unë ju ftoj të ruajmë qetësinë dhe maturinë. Veprimi i nesërm në veri nuk është i drejtuar kundër askujt dhe ndonjë grupi etnik. Në veri nuk është në konflikt e drejta me qytetarin, por e drejta me paligjshmërinë. Qeveria e Kosovës është garantuesi më i mirë për të drejtat e qytetarëve, edhe ata serbë që jetojnë në veri. I ftoj ata që të jetojnë të barabartë dhe të respektojnë vendimet tona. Askush nuk ka nevojë të shqetësohet. Asnjë qytetarë kudo që jeton në Republikën e Kosovës. Ne jemi në përpjekje për rend dhe ligj”, tha kryeministri.
“Të nderuar qytetarë ju lutem si kryeministër për mirëkuptim. Ju siguroj se ne nuk do të zbrapsemi. Integrimi i veriut do të ketë një proces më shumë sfida, por jam i bindur se bashkërisht si qytetar dhe bota demokratike, do ja dalim me sukses. Ne kemi shumë punë për të bërë që nga gjykatat dhe shërbimet e tjera. Ju garantoj se ne nuk do të ndalemi se punuari deri në shtrirjen e plotë të ligjshmërisë”, theksoi Thaçi.

[Zero Cool]

NYC: Republika e Kosovës në veri





Nga Express më 15 shtator 2011 në ora 23:32
Republika e Kosovës po parapërgatitet për të marrë kontrollin në dy pikat kufitare të premten, që janë ende dy pikat ku qeveria kosovare nuk e ka shtrirë autoritetin e vet, pavarësisht se janë këto dy pika që po kërcënojnë paqen.

Përderisa dy vendet, kohëve të fundit kanë bërë një progres të madh gjatë bisedimeve sidomos për regjistrim të pronës dhe tregtisë, plani për të marrë pikat kufitare, nga Serbia shihet sikurse një sulm i shqiptarëve të Kosovës në një pjesë serbe. Gjendja ishte acaruar gjatë 25 korrikut kur Kosova kushte dërguar njësinë speciale në Veri dhe serbët kishin vrarë një oficer të njësisë speciale.

“Populli atje nuk e pranon këtë – Serbia nuk mund ta pranon këtë”, tha Borko Stefanovic, kryenegociator i Serbisë në bisedime me Kosovën në një intervistë për gazetën New York Times nga zyra e tij në Beograd. “Përballë kemi një krizë që po vije”.

“Kjo mund ta dëmtoj dialogun dhe do të këtë një ndikim shkatërrues të stabilitetit në rajon”, ka shtuar ai.

Nga ana tjetër zyrtarët në kryeqytetin e Kosovës, Prishtinë, bashkë me Qeverinë e tyre kanë bërë përgatitjet për të shtrirë autoritetin e tyre në tërë vendin e tyre, pas 12 viteve qëkurse NATO hyri në Kosovë pas një kampanje tre mujore të bombardimeve kundër Serbisë.

Mirëpo, duhet të pranohet se pjesa mbi lumin Ibër de fakto ka qenë një territor serb me popullsi shumicë serbe që kanë jetuar dhe vepruar sipas ligjeve të Serbisë. Serbët vendor dhe qeveria Serbe ende janë të përkushtuar që ta largojnë këtë pjesë nga Kosova.

Për shkak të një intervenimi të mundshëm, mediat vendore por edhe ato të huaja raportojnë se serbët vendorë kanë filluar që të bllokojnë rrugët që nga e marta pasi që kanë mësuar se kosovarët do të marrin kontrollin në kufijtë e tyre.

Problemi i dy pikave kufitare duket se është shumë i ndjeshëm, përderisa serbët konsiderojnë se nga ato dy pika kufitare edhe jetojnë.

Tensionet për kufirin vinë pas një momenti politik dinamik. Analistë të zhvillimeve politike jashtë rajonit mendojnë se problemet e akumuluara tashmë kanë dalë në dritë.

Presioni për të normalizuar marrëdhëniet në mes të dy vendeve është shtuar nga vendet e Bashkimit Evropian. Anëtarët e BE – së, e kanë bërë të qartë se nuk e dëshirojnë një Qipro të dytë dhe një shtet t’i bashkohet BE-së me një problem të njëjtë.

Liderët e të dyja palëve kanë shprehur optimizmin se bisedimet në mes të Prishtinës dhe Beogradit pasi ishin arritur disa marrëveshje, sidomos ajo për vulat doganore, kishin përparuar.

Këtë javë, zyrtarët e perëndimit kanë bërë thirrje që Qeveria e Serbisë të qetësoj strukturat paralele në Kosovën Veriore.

“Ne mendojmë se Kosovë duhet që të ushtroj autoritetin e vet në tërë vendin”, tha ambasadorja amerikane në Serbi, Mary Warlick. “Ky hap nuk duhet të jetë një pikë që të prish marrëdhëniet e Kosovës dhe Serbisë”.

Stefanovic ka thënë se Serbia po kërkon rizgjidhje të problemit në mes të dy “vendeve” përderisa thotë se Serbia kurrë nuk do të njeh Kosovën. “Ne duhet të gjejmë një zgjidhje sistemore sepse ne e dimë se pa zgjidhur problemin e Kosovës nuk o të mund t’i bashkohem Bashkimit Evropian”, tha ai.

Vizita e kancelares gjermane, Angela Merkel në Beograd para tri javëve ku Serbia shpresonte se do të ndante veriun e Kosovës, ju kthye bumerang. Merkel kishte thënë se Serbia nuk do ti bashkohet “BE-së deri sa t’i heq strukturat paralele në veri të Kosovës”.

Gjersa diplomatët perëndimorë në Beograd thonë se pozicioni i palës nuk do të thotë se prezanton një plan për ndarje – në një konferencë për shtyp në Beograd presidenti Boris Tadic, kishte mesazhe të ashpra sot.

“Si një analist sondazhesh mund të them se është e rëndësishme për një politik mbështetja e popullit”, thotë Srdjan Bogosavljevic, drejtor i Ipsos Strategic Marketing në Beograd. “Tani të gjithë e dimë se Kosovë nuk mund të trajtohet më si pjesë e Serbisë”.

Pala kosovare e mbështet bisedimet me ndërmjetësim me Brukselin, thotë Edita Tahiri, lidere e grupit negociator , por vetëm për problemet teknike; nuk bisedohet për sovraniteti, integritetin territorial.

“Ne nuk bisedojmë për këto gjëra”, tha Tahiri.

Përderisa ajo përkrah bisedimet teknik me palën serbe, ajo thotë se Serbia ende ka probleme me anëtarësimin e saj në BE.

“Mendoj se Serbia ka probleme me politikën e jashtme”, tha Tahiri.

Nga ana tjetër, Lëvizja Vetëvendosje thotë se vendosja e pikave kufitare në veri është kruciale për stabilitetin dhe pavarësinë e Kosovës.

“Me pavarësi ne morëm një emër të ri, por pa përmbajtje”, thotë lideri i Vetëvendosjes Albin Kurti për gazetën. “Është kruciale për Kosovën për të pasur një lloj zhvillimi ekonomik dhe të kontrolloj kufijtë e saj dhe territorin dhe të bëhet sovrane dhe jo një shtet i dobët apo shtet i dështuar”.

[sherri]

Jan ngul shkinat asi kan ngul kamb nuk e leshojm veriun :P:P

[Zero Cool]

Dodik, e humbëm Kosovën - Stefanovic niset për Jarinj





Nga Express më 15 shtator 2011 në ora 22:48
(E plotësuar) Goran Bogdanovic, i ashtuquajtur ministër për Kosovën në Qeverinë e Serbisë është nisur për në pikën kufitare në Jarinj bashkë me shefin e delegacionit serb për bisedime me Kosovën, Borislav Stefanoviq.

Media serbe ka kanë thënë se dy zyrtarët serb janë nisur për në veri për t’i mbështetur serbët lokalë në përpjekjet e tyre për t’i penguar forcat e autoriteteve kosovare që të vendosen në pikat kufitare në veri.

Nga ana tjetër, kryetari i Republika Srpska, Milorad Dodik, ka thënë se Serbia do të duhet të pranojë faktin se një ditë policët shqiptarë do të vendosen në kufijtë e Kosovës.

Dodik i bëri këto deklarata në një intervistë për “Veçernje Novosti” dhe tha pavarësisht dhimbjes së madhe Kosova është në duart e fuqive të mëdha.

“Është e qartë se sa e dhimbshme është çështja e Kosovës. Mirëpo, atë e kanë në dorë të mëdhenjtë dhe të fuqishmit. Dhe është krejtësisht e qartë se Serbia këtë nuk mund ta ndalojë më. Gjithçka do të përfundojë dhe një mëngjes do të shohim policë shqiptarë nëpër kufij, të cilët do të ruajnë hapësirën që i është marrë Serbisë. Serbia nuk do të ketë kah t’ia mbajë: ose ta mbrojë territorin me armë, ose të tërhiqet. E këtë të paren nuk do ta rekomandoja, pasi që dihet se ku na çon”, ka thënë Dodik për “Novosti”.

KFOR në gjendje të lartë gatishmërie

Pasi ka dalë në konferencë për shtyp, kryeministri i Kosovës Hashim Thaçi KFOR ka filluar të vë tela më gjemba përderisa e ka mbyllur totalisht pikën kufitare në Jarinje.

Por, përderisa KFOR ka bllokuar këtë pikë kufitare më lartë serbët kanë dalë me kamionë dhe e kanë mbyllur vendkalimin.

Sipas agjencisë serbe të lajmeve “Tanjug”, KFOR në të gjitha anët ka vendosur shenja ku shkruhet “STO ose do t’iu qëllojmë”. Në këto pika ka edhe reflektorë të mëdhenj ku çdo gjë shihet.

Gjendja ushtarake e KFOR-it është në gatishmëri më të lartë që pas luftës në Kosovë ndërkaq pikat kufitare po kontrollohen nga ushtarë francezë, gjermanë dhe amerikanë.

Edhe më herët gjatë ditës por edhe tani serbët kanë vazhduar duke bllokuar rrugën. Pas urës së Ibrit ata akne bllokuar vendin e quajtur Zupç dhe kanë vendosur një barrikadë në Bërnjak.

Pas mesnatës, mbledhja e KS-së

E kërkuar nga Serbia dhe Rusia , mbledhja e Këshillit të Sigurimit për Kosovën do të mbledhet pas mesnatës.

Takimi është caktuar pas konsultimeve të mbrëmshme shumëorëshe të vendeve anëtare të Këshillit të Sigurimit të OKB-së, ndërsa me insistimin e vendeve perëndimore, nuk do të jetë e hapur për opinion. Megjithatë, raportohet se vetëm fillimi i seancës do të jetë i hapur.

Vendeve anëtare të Këshillit të Sigurimit të OKB-së u janë dërguar letra e ministrit të jashtëm të Serbisë, Vuk Jeremic, dhe ajo e ambasadorit rus në OKB, Vitaly Churkin. Ky i fundit në letrën e tij ka theksuar se kërkon mbledhje urgjente të hapur për sot, në mënyrë që të “shqyrtohet situata në Kosovë për shkak të mundësisë së përshkallëzimit të tensioneve”. (Telegrafi)