Lajme Aktuale....

[Lona]

Sipas Crvenkovskit dhe Gashparoviçit, pavarësia e Kosovës sjell rreziqe

Bratisllavë, 11 mars - Presidentët e Maqedonisë dhe Sllovakisë, Branko Cërvenkovski dhe Ivan Gashparoviç, janë shprehur se pavarësia e Kosovës sjell rreziqe. "Maqedonia i sheh rreziqet nga pavarësimi i Kosovës, por është e bindur se ka mjaft kapacitet demokratik për të zgjidhur problemin e pakicës shqiptare të saj", tha pas takimit Cërvenkovski, transmeton agjencia sllovake SITA. Cërvenkovski ka thënë se Maqedonia ende nuk ka qëndrim definitiv lidhur me njohjen e Kosovës dhe do të ndjekë se ç'do të ndodhë në BE rreth Kosovës, por ka shtuar se vendimi për njohjen ose jo do të merret në pajtim me interesat e Maqedonisë. Gashparoviç është dakorduar me vlerësimin për rrezikun që sjell pavarësia e Kosovës, dhe ka shtuar se Sllovakisë ndoshta do t'i duhen vite që të njohë Kosovën. Presidenti sllovak gjithashtu ka mbështetur Maqedoninë në kontestin për emrin me Greqinë, dhe u bëri thirrje dy palëve që të merren vesh. Gjatë vizitës dy ditëshe, e cila filloi sot, Presidenti i Maqedonisë do të takohet edhe me kryeministrin e Sllovakisë, Robert Fico.

Nesër shpallet konkursi për himnin e Kosovës, shqyrtohen 10 projektligje

Prishtinë, 11 mars - Kryesia e Kuvendit të Kosovës nesër do të shpallë konkursin për himnin shtetëror, ndërkohë që edhe deputetët do të mblidhen po nesër në një seancë të jashtëzakonshme ku rend dite kanë shqyrtimin e 10 projektligjeve që dalin nga pakoja e Ahtisarit. Kryetari i Kuvendit Jakup Krasniqi bëri të ditur se për himnin e shtetit do të përfillen kriteret që janë përcaktuar nga Ahtisari. "Kriteret përcaktojnë që himni të mos jetë më i shkurtër se 30 sekonda dhe më i gjatë se sa 60 sekonda", sqaroi Krasniqi. Njëherësh ai tha se himni mund të jetë vetëm muzikë, por mund të jetë dhe tekst edhe muzikë. Konkursi do të jetë i hapur 30 ditë. Po sipas kryeparlamentarit Krasniqi, himni i Kosovës nuk duhet të jetë i ngjashëm me ndonjë himn të ndonjë shteti tjetër. Duhet të jetë një tekst i ri që përfill të gjitha kriteret që janë të përcaktuara nga pakoja e Ahtisaarit. Ndryshe Kuvendi në seancën e nesërme të jashtëzakonshme pritet t'i shqyrtojë 10 projektligjet e pjesës së dytë të ligjeve në kuadër të përmbushjes së obligimeve që dalin nga pakoja e Marti Ahtisarit. Në mesin e tyre është edhe projektligji për Ministrinë e Punëve të Jashtme që ishte tërhequr në seancën e kaluar si dhe ai për Ministrinë e Mbrojtjes.

Në ve ri të Kosovës fillojnë ushtrimet dyditore taktike të KF0R-it

Mitrovicë, 11 mars - Në zonën e liqenit të Gazivodës fillojnë sot ushtrimet dyditore taktike të KF0R-it, të cilat kanë për qëllim që forcat ndërkombëtare të stërviten rreth sistemimit të mjeteve dhe procedurave të punës. Gjatë këtyre ushtrimeve do të vëhet në lëvizje një numër transporterësh dhe heliktorësh në zonën e Zubinpotokut. Me këtë rast KF0R-i i ka bërë thirrje popullsisë lokale për durim në rast se do të ketë pengesa në trafik. Qëllimi i këtyre ushtrimeve është që KF0R-i të mund të vazhdojë të kujdeset për një mjedis të sigurt në tërë Kosovën. Edhe komandanti i KF0Ri-t Ksavie dë Marnak ka deklaruar se trupat paqeruajtëse në pajtim me rezolutën 1244 të Këshillit të Sigurimit do të garantojnë një mjedis të sigurt për të gjithë qytetarët.

Republika Çeke herët a vonë do ta njohë pavarësinë e Kosovës, por jo para Pashkëve, tha zv/kryeministri Vondra

Bruksel, 11 mars - Republika Çeke herët a vonë do ta njohë pavarësinë e Kosovës, por kjo nuk do të ndodhë para festës së Pashkëve, u ka deklaruar gazetarëve zv/kryeministri çek për Çështjet Evropiane. Alekasndar Vondra refuzoi të thotë një datë, por theksoi se kjo do të mësohet pas Pashkëve, duke shtuar se Çekia ka qenë realiste kur bëhet fjalë për njohjen e Kosovës.
Kreu i OKB-së: Kosova është rast i veçantë

Nju Jork, 11 mars - Sekretari i përgjithshëm i Kombeve të Bashkuara Ban Ki Mun tha për mediat ruse se rezoluta 1244 është ende në fuqi dhe se UNMIK ut vepron në bazë të saj. I pyetur nëse bashkësia ndërkombëtare do të mund të pranonte pavarësinë e rajoneve tjera në botë, Ban Ki Mun u shpreh se "secilën situatë duhet marrë në konsideratë duke u bazuar në specifikat e saj. Duke mos dashur të komentoj pavarësinë e Kosovës, dua të them se ajo paraqet një rast të veçantë", deklaroi sekretari i OKB së, Ban Ki Mun.

Këshilli i Sigurimit sot diskuton për Kosovën, por nuk priten rezultate

Uashington, 11 mars - Këshilli i Sigurimit i Kombeve të Bashkuara do të zhvillojë sot një mbledhje të hapur për Kosovën e cila do të pasohet nga konsultime. Mbledhja zhvillohet pas kërkesës së bërë nga Serbia e cila donte një takim të ngutshëm për të diskutuar mbi atë që ajo e quante "rëndim të gjendjes" në Kosovë. Në një njoftim për mediat, zyra e shtypit e Kombeve të Bashkuara thotë se nuk ka gjasa që mbledhja të dalë me ndonjë rezultat të veçantë. Pritet gjithashtu që Serbia të ngrejë çështjen e formimit të "Grupit Ndërkombëtar të Drejtimit për Kosovën" dhe të misionit të Bashkimit Europian EULEX. Në një letër drejtuar Sekretarit të Përgjithshëm Ban Ki Mun, qeveria serbe ka thënë se ky grup dhe ky mision nuk kanë bazën e duhur ligjore dhe politike.

[Lona]

BE kërkon nga UNMIK u që ta shtojë sigurinë përgjatë kufirit të Kosovës me Serbinë

Bruksel, 11 mars - Ministrat e jashtëm të vendeve anëtare të Bashkimit Evropian në takimin e djeshëm në Bruksel diskutuan situatën në Kosovë pas shpalljes së pavarësisë së Kosovës dhe vendimin për dërgimimn e misionit EULEX në vendin tonë. Në këtë takim Bashkimi Evropian ka kërkuar nga misioni i Kombeve të Bashkuara në Kosovë që ta shtojë sigurinë përgjatë kufirit me Serbinë. Diplomatët kanë thënë se BE ja do të kërkojë nga Sekretari i përgjithshëm i Kombeve të Bashkuara Ban Ki Mun të sigurojë se policia e UNMIK ut nuk do të dobësohet deri në dorëzimin e detyrave të misionit të BE së që pritet të kompletohet nga mesi i qershorit. Ka pasur sulme në këtë kufi, janë djegur kontejnerët e të tjera, prandaj UNMIK u duhet të luajë rol shumë të rëndësishëm, ka thënë Dimitrij Rupel, Ministri i Jashtëm i Sllovenisë pas takimit në Bruksel. Disa ministra kanë shprehur qëndrimin e tyre se Misioni i BE së në Kosovë do të jetë i përfshirë në tërë territorin e Kosovës, por edhe kanë nënvizuar se nuk do të jetë lehtë që të tejkalohen ndasitë në shoqërinë kosovare në mes të shumicës shqiptare dhe pakicës serbe. Për këtë ka folur edhe Ministri i Jashtëm i Suedisë Karl Bilt, i cili ka qëndruar për vizitë në Kosovë në fundjavën e shkuar. "Unë isha atje, qëndroja në urën e Mitrovicës dhe pashë atje atë urë që ndante dy shoqëri, të cilat kanë shumë pak gjëra të përbashkëta. Të tejkalohen këto ndasi në Kosovë do të duhet shumë kohë, shumë durim dhe lidership", ka thënë Bilt. Ministrat e jashtëm të vendeve anëtare të BE së kanë shfaqur edhe njëherë qëndrimin se nuk duhet lejuar skenarë të ndarjes së Kosovës. Ministri i Jashtëm i Sllovenisë Dimitrij Rupel ka thënë se është i kënaqur edhe me faktin se shumica e vendeve të BE së e kanë njohur pavarësinë e Kosovës dhe disa do të vazhdojnë ta bëjnë këtë. Ai këtë e ka thënë duke u përgjigjur në pyetjen a mos është i dëshpruar me numrin e shteteve që po e njohin pavarësinë e Kosovës. Rupel ka thënë se fillimisht është supozuar se UNMIK u do të zëvendësohet me Misionin evropian, mirëpo shtoi ai, kjo do të kërkojë më shumë kohë sepse tranzicioni kërkon pak më shumë angazhim. Rupel e kualifikoi situatën në veri të Kosovës si jo të qetë dhe jostabile, mirëpo për pjesën tjetër të territorit tha se është shumë më e mirë se që ka pritur shumëkush nga Bashkimi Evropian Edhe shefi i diplomacisë evropiane Havier Solana ka thënë se që nga miratimi i planit operative për EULEX in është paramenduar që misioni evropian të jetë i pranishëm në tërë territorin e Kosovës dhe se duhet të vazhdojë puna në këtë drejtim, porse duhet vazhduar bashkëpunimin me UNMIK un. Nga takimi i djeshëm ministror doli porosia se megjithatë UNMIK u të vazhdojë të mbetet në kufirin ndërmjet Kosovës dhe Serbisë. Po ashtu duket se periudha tranzitore e paraparë sipas planit të Marti Ahtisarit që të zgjatë prej 120 ditëve do të zgjas pak më tepër. Këtë tërthorazi e konfirmoi Ministri i Jashtëm slloven Dimitrij Rupel vendi i së cili kryeson me Bashkimin Evropian.

Valdete Idrizi nga Kosova nderohet me Çmimin Ndërkombëtar për Gra të Guximshme

Uashington, 11 mars - Sekretarja amerikane e Shtetit Kondolisa Rajs dhe Nënsekretarja e Shtetit për Demokraci dhe Çështje Globale, Paula Dobrianski shënuan dje Ditën Ndërkombëtare të Gruas për vitin 2008 me ndarjen e Çmimit Ndërkombëtar për Gra të Guximshme. Këtë vit me Çmimin Ndërkombëtar për Gra të Guximshme u nderuan gra nga Kosova, Afganistani, Fixhi, Iraku, Pakistani, Autoriteti Palestinez, Paraguai dhe Somalia, për rolin që kanë luajtur për transformimin e shoqërive të tyre dhe ndikimin frymëzues në komunitetin ndërkombëtar. Valdete Idrizi shqiptare nga Kosova, një nga gratë që u nderuan me këtë çmim, vetë e shpërngulur nga konflikti, është aktive në zonat me banorë serbë në Kosovën veriore ku drejton projekte për gra dhe të rinj me synimin për të ripajtuar dhe për të sjellë paqen ndërmjet komuniteteve të ndryshme etnike. Çmimi Ndërkombëtar për Gra të Guximshme është i vetmi vlerësim që jep Departamenti i Shtetit për gra që kanë marrë role udhëheqëse në botë. Ky vlerësim shihet si një mundësi unike për diplomacinë transformuese për çështjet e gruas.

Për Kosovën po diskutohet edhe në konferencën dyditore të komanduesve të Bundesverit gjerman

Berlin, 11 mars Për Kosovën po diskutohet edhe në konferencën dyditore të komanduesve të Bundesverit gjerman që po mbahet në Berlin. "Shumë probleme nuk mund të zgjidhen pa ndihmesën dhe mbështetjen e NATO s", ka thënë Sekretari i Përgjithshëm i NATO së Jap de Hop Skefer. Ai ka shtuar se ka kaluar koha e kufizimeve të operacioneve ushtarake, kështu që ne duhet të veprojmë aty në ato vatra ku ndodhen konfliktet. Në konferencën dyditore të komanduesve të ushtrisë gjermane ka folur edhe kancelarja gjermane Angela Merkel. Ajo ka theksuar rëndësinë e veçantë rreth bashkëpunimit të BE së dhe NATO s lidhur me angazhimin e ushtrisë gjermane në trupat paqeruajtëse të KFOR it. "Jam e sigurt se ndonëse ekzistojnë vështirësitë në mes të Kosovës dhe Serbisë se pas një kohe do të jemi krenarë për angazhimin tonë në Ballkan", ka thënë Merkel, duke vçënë në dukje edhe misionin civil EULEX në kuadër të BE së. "Ballkani qëndron në interes të Qeverisë gjermane dhe NATO s andaj në çështjen e Kosovës mund të vështrojmë se EULEX i është duke koordinuar angazhimin e tij me UNMIK un dhe jo krijimin e një vakuumi në mes të këtyre aktorëve", ka thënë kancelarja gjermane Angela Merkel. Edhe Ministri gjerman i Mbrojtjes, Franc Jozef Jung ka shprehur rëndësinë e veçantë të kooperimit të ngushtë në mes të NATO s dhe BE së në lidhje me

Ankaraja do të insistojë për njohjen e Kosovës në samitin e e shteteve islamike

Ankara/Dakar, 11 mars Ministrat e jashtëm të Konferencës Islamike janë takuar në Dakar për të diskutuar përgatitjet që po bëhen për mbajtjen e samitit të këtyre shteteve me 13 dhe 14 të këtij muaji. Sipas gazetës turke "Zaman", Turqia është munduar që në një pikë të kokluzioneve të fusë edhe njohjen e pavarësisë së Kosovës,. por kjo është kundërshtuar nga Azerbejxhani, Egjipti, Sudani dhe Indonezia. Në vend të kësaj në dokument vetëm do të shprehet solidariteti me popullin e Kosovës. Megjithatë, Ankaraja do të inisistojë për njohjen e Kosovës në takimet me ministrat dhe kryetarët e shteteve islamike.

UNMIK u është i vendosur të administrojë për Kosovën për aq sa ka mandat, thotë Ryker

Zubin Potok, 11 mars Shefi i UNMIK ut Joakim Ryker u ka thënë këshilltarëve komunalë të Komunës së Zubin Potokut, komunë me shumicë serbe në veri të vendit, se UNMIK u është i vendosur të administrojë tërë Kosovën për aq sa ka mandat për ta bërë një gjë të tillë. Ryker pastaj ka qëndruar edhe në Çabër, fshatin e vetëm i banuar me shqiptarë në këtë komunë dhe ka përgëzuar banorët për kontributin e dhënë për stabilitet, për bashkëpunim me fqinjët e tyre serbë dhe me strukturat komunale. Ai ka vlerësuar se fshati Çabër është një shembull i mirë i bashkëjetesës, që kanë komuniteti shqiptar dhe ai serb.

Sllovenia do të dërgojë 15 policë në kuadër të misionit të EULEX it në Kosovë

Lubjanë, 11 mars Sllovenia do të dërgojë 15 policë që do të punojnë në kuadër të misionit të EULEX it në Kosovë, ka bërë të ditur Shtabi kryesor i policisë sllovene. Misioni do të fillojë punën në fillim të qershorit, ndërsa detyrat kryesore do të jenë mbikëqyrëse dhe këshilluese. Përveç policëve në misionin EULIX Sllovenia do të dërgojë edhe një numër gjykatësish për të cilët pritet të vendoset në ditët e ardhshme.

U vendosën pllakat me mbishkrimin Republika e Kosovës në pikën kufitare me Maqedoninë

Prishtinë, 11 mars - Pas pikës kufitare Merdar në kufi me Serbinë punonjësit e Departamentit të shërbimeve të inxhinieringut dhe të menaxhmentit të ndërtesave të Ministrisë së Shërbimeve Publike në bashkëpunim me policinë kufitare, dje kanë vendosur pllakat me mbishkrimin Republika e Kosovës në pikën kufitare me Maqedoninë në Han të Elezi dhe në Glloboçicë, duke e çuar në tre numrin e pikave kufitare me mbishkrimet Republika e Kosovës. Janë këto dy pika kufitare që ndajnë Republikën e Kosovës me atë të Maqedonisë.

[Lona]

Kryengritësit islamik u heqin kokën 3 ushtarëve somalezë

Mogadishu, Somali, 13 mars – Kryengritësit islamik ua kanë hequr kokën tre ushtarëve somalezë në jug të kryeqytetit somalez, Mogadishu, njofton Rojter. Ky është rasti i parë i prerjes së kokës që nga rrëzimi i islamistëve nga pushteti më 2006 nga ana e qeverisë dhe të aleatëve ushtarakë etiopianë, kur edhe nisi kryengritja e përgjakshme, që karakterizohet nga shpërthime bombash skaj rrugës dhe sulme guerile.

Gjendet trup i pajetë i kryepeshkopit në Irak, i rrëmbyer muajin e kaluar

Romë, 13 mars - Paulos Faraj Raho, kryepeshkop në Irak, i cili është rrëmbyer muajin e kaluar, është gjetur sot (e enjte) i vdekur dhe i varrosur, ka bërë të ditur një agjenci katolike italiane e lajmeve, njofton Rojter. Trupi i pajetë i kryepeshkopit në fjalë ishte varrosur afër qytetit irakian, Mosul, ku edhe ishte kidnapuar. Papa Bendeikti XVI ka thënë se është thellë i prekur dhe i pikëlluar për vdekjen e tij. Kryepeshkopi ishte rrëmbyer në Mosul më 29 shkurt.

Xhihadi islamik ka shkrepur sot raketa në brendësi të Izraelit

Gaza, 13 mars - Grupi militant Xhihadi islamik ka shkrepur sot (e enjte) raketa në brendësi të Izraelit, duke i dhënë kështu fund moratoriumit të brishtë egjiptian, njofton Rojter. Raketimi është bërë në shenjë hakmarrjeje në sulme e përgjakshme izraelite në Bregun Perëndimor. Raketat kanë rënë në qytetin kufitar Sderot. Më vonë, Izraeli ka kryer një sulm ajror kundër lancuesit të raketave në qytetin e Gazës, Beit Hanun. Në këtë sulm nuk është plagosur askush.

Reporterët pa Kufij shprehin shqetësimin për arrestimin e 5 gazetarëve në Sri Lankë

Paris, 13 mars – Grupi i të drejtave të njeriut “Reporterët pa Kufij” ka shprehur shqetësimin rreth fatit të pesë gazetarëve të arrestuar nga policia në Sri Lankë, njofton BBCVorld. Ky grup me seli në Paris ka bërë thirrje gjithashtu që policia të japë sqarim për shkakun e arrestimit të tyre javën e kaluar. Gazetarët janë akuzuar se kanë marrë para nga Tigrat e Tamilit.

Fillon punimet Samiti i BE-së në Bruksel për klimën

Bruksel, 13 mars - Ndryshimet klimatike dhe siguria në fushën e energjisë pritet të dominojnë punimet dyditore të samitit të Bashkimit Evropian që fillon punimet të enjten në Bruksel. BE-ja kërkon të drejtojë përpjekjet globale për të pakësuar emetimin e gazrave që shkaktojnë efektin serë. Një faktor që pritet të ndihmojë për t'i bërë më të vendosur udhëheqësit e BE-së në misionin që i kanë vënë vetes, do të jetë dhe një raport i shefit të BE-së për Politikë të Jashtme Havier Solana në këtë fushë. Raporti parashikon migrim masiv nga Afrika dhe Lindja e Mesme për në Evropë deri në vitin 2020 për shkak të rritjes së temperaturave.

Grupi irakian kërkon mbikëqyrjen e OKB-së

Bagdad, 13 mars - Një grup i liderëve fisnorë, i intelektualëve dhe i ish politikanëve kanë kërkuar nga Kombet e Bashkuara që ta marrë kontrollin ndaj Irakut. Në një letër dërguar sekretarit të përgjithshëm të OKB-së, Ban Ki Mun, ky grup shkruan se nën mbikëqyrjen e Kombeve të Bashkuara, procesi politik i Irakut do të lëvizte në mënyrë korrekte


Qeveria afgane të marrë më shumë përgjegjësi

Nju Jork, 13 mars - I dërguari i Kombeve të Bashkuara në Afganistan, Kai Eide i ka bërë ftesë qeverisë së Afganistanit që të marrë më tepër përgjegjësi në stabilizimin e këtij vendi. Diplomati norvegjez, Kai Aide, i tha Këshillit të Sigurimit të Kombeve të Bashkuara se veprimtarët civilë dhe ushtarakë po ashtu duhet më mirë ta mbështesin qeverinë e presidentit Hamid Karzait.

[Lona]

Kryesia qendrore e PDSH vendosi ta braktisë koalicionin qeverisës

Tetovë, 13 mars Kryesia qendrore e Partisë Demokratike Shqiptare në mbledhjen e mbrëshme në Tetovë vendosi që ta braktisë koalicionin qeverisës me VMR0-DPMNE. Ndërkaq në një takim të sotëm pasdite në Shkup këtë vendim duhet ta konfirmojë edhe Këshilli Qendror i partisë, me të cilin kryeson kryetari i nderit, Arbën Xhaferi. Lideri i PDSH Menduh Thaçi tha se është i sigurt se Këshilli Qendror do ta konfirmojë vendimin e Kryesisë dhe ai do të jetë i pakthyeshëm dhe përfundimtar. Ai theksoi se ky është problem i rëndë dhe krizë e rëndë politike, por qëndrimi i PDSH së është që të jetë pjesë e zgjidhjes së problemit, e jo problemi.

Tadiq shpërndan parlamentin - zgjedhjet në Serbi më 11 maj

Beograd, 13 mars - Presidenti i Serbisë, Boris Tadiq, e ka shpërndarë sot Kuvendin dhe ka caktuar zgjedhjet e reja për datën 11 maj. Këtë vendim presidenti Tadiq e ka marrë në bazë të propozimit të qeverisë së Serbisë. "Zgjedhjet janë rrugë demokratike në të cilën qytetarët do të thonë se si duhet të zhvillohet Serbia në vitet që vijnë", tha Tadiq.

Kroacia, Mal i Zi pajtohen të shkojnë në gjykatë për kufirin

Zagreb, 13 mars - Republikat ish-jugosllave të Kroacisë dhe të Malit të Zi ranë dakord të zgjidhin një mosmarrëveshje të vjetër për kufirin në Gjykatën Ndërkombëtare të Drejtësisë. Agjencia kroate e lajmeve "Hina" tha se kryeministri Ivo Sanader dhe homologu i tij malazez Milo Gjukanoviq ranë dakord që një vendim i gjykatës do të pranohet paraprakisht nga parlamentet e të dy kryeqyteteve. Njoftimi pason bisedimet në Zagreb mes dy udhëheqësve. Të dy qeveritë deri tani i janë përmbajtur një marrëveshjeje të përkohshme për kufirin mes tyre në Detin Adriatik. Të dyja vendet kanë pretendime mbi gadishullin e pabanuar, Prevlaka, i pozicionuar përballë portit kryesor të Malit të Zi.

[Lona]

Në Mitrovicë arrestohet një epror i SHPK-së, dyshohet për disa vepra penale

Mitrovicë, 13 mars - Në Mitrovicë është arrestuar një epror i Shërbimit Policor të Kosovës, i cili dyshohet se është përfshirë në disa vepra penale. Eprori me gradë togeri, i caktuar me detyrë zyrtare në stacionin policor në Vushtrri, është arrestuar nga hetuesit e SHPK së, njoftoi sot zëdhënësi rajonal i policisë, Besim Hoti. Sipas raportit të policisë, i dyshuari i shtyrë në motive të zemërimit, me veturën e tij civile BMV, kishte vënë në rrezik jetën e pjesëtarit të SHPK së, i cili në atë kohë po ngiste veturën zyrtare të SHPK së. Incidenti besohet të jetë shkaktuar pasi hetuesi i SHPK së, kishte intervistuar një dëshmitare dhe viktimë femër, banore të Vushtrrisë, për përfshirjen e mundshme të dyshuarit në vepër penale "shpërdorim të detyrës zyrtare". Sipas zëdhënësit Hoti, përveç procedurave penale, mbi bazën e dyshimit për "sulm ndaj personit zyrtar", "mashtrim", "marrje e mitos" dhe "lëndim i lehtë trupor", zyrtari policor i dyshuar i përfshirë në këtë rast do të jetë subjekti i zhvillimit të hetimeve të brendshme nga Inspektorati Policor për shkelje të parimeve dhe procedurave të shërbimit dhe shpërdorim të detyrës zyrtare. Të dyshuarit i është caktuara masa e paraburgimit prej 72 orësh, për vepër penale të kualifikuar si "sulm ndaj personit zyrtar gjatë kryerjes së detyrës zyrtare" në bazë të Ligjit Penal të Kosovës.

Server: Rusia dhe Serbia nuk mund ta parandalojnë vendosjen misionit të BE-së në Kosovë

Pragë, 13 mars - Bashkimi Evropian ka arritur unitet për vendosjen e misionit të tij në Kosovë, ndërsa Rusia dhe Serbia mund të bëjnë probleme, por nuk mund ta parandalojnë vendosjen, -tha Daniel Server nga Instituti amerikan i Paqes, me seli në Uashington. Mirëpo, siç vëren Server, "problemi real është në veri", ku në vend të Prishtinës "autoritetin po e imponojnë Bashkimi Evropian dhe NATO ja". Prandaj, derisa kjo të bëhet, de fakto do të shohim ndarje", theksoi Server për Radion Evropa e Lirë. Duke folur për raportet ndërmjet UNMIK-ut dhe misionit të BE-së, ai tha se "Kombet e Bashkuara po largohen, ndërsa Bashkimi Evropian po arrin". "Kjo do të thotë se është krejtësisht e qartë se në Kosovë do të ekzistojë një prani ndërkombëtare", shpjegoi Server, duke shtuar se është e rëndësishme që kosovarët të "kuptojnë se ekziston sovranitet i kufizuar" që e kanë e pasur shumë vende. Në kontekstin e zgjedhjeve të ardhshme të Serbisë dhe nëse Beogradi mund t'i organizojë ato edhe në Kosovë, Server thotë se në bazë të planit të Ahtisaarit "serbët e Kosovës kanë të drejtë të votojnë në zgjedhjet e Serbisë", duke shtuar se nuk sheh asnjë problem lidhur me këtë çështje. "Nuk kam problem me njerëzit që duan të votojnë, kudo që ata jetojnë. Nuk mendoj se dikush duhet të ndjehet i provokuar nga kjo", shprehet ai. Nga një anë, Server porosit shqiptarët që të bëjnë ç'është e mundur për t'i bindur serbët e Kosovës për të marrë pjesë në institucionet e reja, por në anën tjetër thotë se nuk duhet të pengonte as fakti nëse serbët angazhohen edhe në institucionet e Serbisë.

Dy qytetarëve të Republikës së Kosovës 15 ditë burgim për kalimin ilegal të kufirit

Bujanovc, 13 mars - Dy qytetarë të Republikës së Kosovës janë dënuar me nga 15 ditë burgim për shkak të kalimit ilegal të kufirit me Serbinë. Sipas policisë së Bujanovcit, bëhet fjalë për Shëptim I. nga Gjakova dhe Fatmir S. nga Klina. Që të dy ata, më 12 mars, rreth orës 14,00, afër fshatit Konçul ilegalisht kanë kaluar kufirin, ku edhe i ka arrestuar policia.

Qeveria kërkon përshpejtimin e nxjerrjes së dokumenteve të udhëtimit

Prishtinë, 13 mars - Qeveria e Kosovës në mbledhjen e rregullt mori vendim që të përshpejtohet procedura e nxjerrjes së dokumenteve të reja të udhëtimit në përputhje me statusin e ri të Kosovës si shtet i pavarur dhe sovran si dhe miratoi disenjin e pasaportës. Kryeministri i Kosovës, Hashim Thaçi kërkoi nga Ministri i Punëve të Brendshme që kjo çështje të procedohet dhe menjëherë pas përfundimit të fazës tranzitore, qytetarët e Kosovës kudo që jetojnë, t'i kenë dokumentet e tyre shtetërore. "Është nevojë e domosdoshme koha e duhur për nxjerrjen e dokumenteve të reja në përputhje me statusin e ri të Kosovës si shtet i pavarur dhe sovran", theksoi Thaçi, duke shtuar se kishte kërkuar nga Ministri i Punëve të Brendshme "të bëjë përgatitjet adekuatë si për pasaporta, letërnjoftime dhe patentë shofer, dhe të gjitha dokumentet tjera të lëshuara nga institucionet e Kosovës, duhet të jenë të reja dhe në përputhje me ato që i lëshojnë institucionet e shtetit të Kosovës". Kryeministri vlerësoi se këto dokumente janë të cilësisë së lartë dhe sipas standardeve të BE së. Ministri i Punëve të Brendshme, Zenun Pajaziti ndërkaq tha se procesi i dokumenteve është pak më i ndërlikuar për nga aspekti teknik, por ka shtuar se janë marrë masat e nevojshme dhe mbështetjen e fuqishme edhe nga zyra e kryeministrit. "Me këtë vendim, mendoj se përmbyllen të gjitha përgatitjet edhe formale për të filluar procesi praktik i aranzhimit të procesit për finalizimin e nxjerrjes së dokumenteve të udhëtimit. Nuk do të ketë telashe që do të krijoj vonesa, por jemi në pritje vetëm të kodit i cili nuk është problem politik, dhe shpresojmë se në fazën optimale do t'i kemi pasaportat, por edhe dokumentet tjera civile", u shpreh ministri Pajaziti. Kabineti qeveritar miratoi edhe disenjimin e pasaportës e cila është me ngjyrë blu të mbyllët dhe në mes është stema e Republikës së Kosovës. Si pikë e veçantë e rendit të ditës ka qenë edhe përgatitja për Konferencën e Donatorëve e cila do të mbahet së shpejti në Prishtinë. Kryeministri Thaçi kërkoi nga ministrat që t'i koordinojnë punët me autoritetet lokale, në mënyrë që kjo konferencë të ketë sukses. "Qeveria ka formuar dy grupe në nivelin politike për organizimin e konferencës së donatorëve dhe një grup tjetër për organizimin teknik. Kemi një lobizim edhe me zyrat e jashtme që janë në Kosovë dhe jashtë saj dhe jemi të bindur se deri kah mesi i prillit do t'i ofrojmë projektet tona", sqaroi Thaçi, duke vënë në dukje dy qëllime: rritjen e shumës së donacioneve dhe që donacionet të jenë në përputhje me prioritetet e qeverisë. Shefi i ekzekutivit vlerësoi se njohja e shtetit të Kosovës po vazhdon me ritëm të pandalshëm dhe sipas tij, tashmë jemi në fazën e fundi të "njohjes kualitative" të njohës së pavarësisë së Kosovës. "Lobimi ynë është intensifikuar tash për fazën e fillimit të njohjes numerike në mënyrë që të kalojmë në fazën e konsolidimit, në fazën përfundimtare të njohjes së shtetit të Kosovës nga e gjithë bota demokratike", u shpreh Thaçi. Ai po ashtu theksoi se gjendja e sigurisë në përgjithësi në Kosovë është nën kontroll dhe autoritetet e KFOR it dhe se mekaznimat e sigurisë së Kosovës janë duke bërë punën e tyre në përputhshmëri me kushtet dhe realitetin e Kosovës së pavarur. Qeveria shqyrtoi dhe miratoi kërkesën për nxjerrjen e dokumenteve civile dhe lejimin e procedurës së negociuar si dhe projektligjin për përdorimin e vulës së Republikë së Kosovës.

Basha lobing në Senegal për njohjen e pavarësisë së Kosovës

Tiranë, 13 mars - Ministri i Punëve të Jashtme të Shqipërisë Lulzim Basha, do të kryesojë delegacionin shqiptar në Samitin e 11 të të vendeve të Organizatës së Konferencës Islamike, që do të mbahet më 13 14 mars në Dakar të Senegalit. Në këtë Samit, Ministri Lulzim Basha do të mbajë një fjalim, si dhe do të zhvillojë një numër takimesh dypalëshe me përfaqësuesit e lartë të vendeve të OKI së, ku do të përqendrohet në diskutimin e situatës në rajon dhe veçanërisht, në lobimin për njohjen e pavarësisë së Kosovës.

Fejt: EULEX-i në veri të Kosovës pas zgjedhjeve në Serbi

Bruksel, 13 mars - I dërguari i posaçëm i BE-së në Kosovë Piter Fejt ka dekaruar se do të presë 11 majin dhe rezultatet e zgjedhjeve të jashtëzakonshme parlamentare në Serbi para se të marrë vendimin për vendosjen e EULEX-it në veri të Kosovës. Duke u përgjegjur në pyetjen e gazetarëve në Bruksel se si mund të jetë përfaqësues i posaçëm i BE-së nëse Kosovën nuk e njohin të gjitha anëtaret e Unionit, Fejt tha se misioni me përfaqësuesi e posaçëm dhe njohja trajtohen - ndaras. Ai ka shtuar se baza legale për punën e tij është rezoluta 1244 e Këshillit të Sigurmit. Fejt gjithashtu ka thënë se BE është e vendosur që të sistemohet në të tërë territorin e Kosovës, por se duhet kohë që për t'u parë kur dhe si do të realizohet ky qëllim.

Sot në Bruksel shefat e shteteve apo të qeverive të BE-së diskutojnë për Kosovën

Bruksel, 13 mars - Sot në mbrëmje në Bruksel takohen në një sesion dyditor shefat e shteteve apo të qeverive të Bashkimit Evropian në të cilin do të diskutojnë lidhur me angazhimin e BE-së në Kosovë dhe problemet me të cilat përballet misioni evropian EULEX, si dhe për temat e tjera ballkanike. Do të bëhet fjalë edhe lidhur me atë se ç'mund të bëjnë anëtarët e BE-së që të mbështesin përcaktimin evropian dhe demokratik të Serbisë deri në zgjedhjet e majit në këtë vend. Për Kosovën sot në mbrëmje do të diskutjnë edhe ministrat evropianë të punëve të jashtëm, të cilët do t'u raportojnë shefave të shteteve apo të qeverive të vendeve anëtare të BE-së.

[Lona]

Kryqi i Kuq i Luksemburgut ndihmon Klinikën e Gjinekologjisë Obstetrike në Prishtinë

Prishtinë, 13 mars - Ministri i Shëndetësisë, Alush Gashi, gjatë një takimi me përfaqësuesit e Kryqit të kuq të Luksemburgut, që kryesohej nga Gerhard Riter, dhe drejtorin e Klinikës së Gjinekologjisë Obstetrikës, Shefqet Lulajn, u njoh me projektin me të cilinë është rregulluar kulmi i Klinikës Gjinekologjike Obstetrike me vlerë prej 397.000 euro, me participim të QKUK në vlerë prej 96.700 euro. Projekti i dytë është renovimi i katit të tretë të KOGJ me vlerë prej 397.000 euro, me participim të Ministrisë së Shëndetësisë në vlerë prej 85.000 euro dhe projekti i tretë - kanalizimi dhe ujësjellësi i KOGJ, i cili do të kushtojë 420.000 euro dhe për te cilin ende nuk ka as participantë e as donatorë. Ministri përgëzoi Qeverinë dhe Caritasin e Luksemburgut për përkrahjen maksimale të deritashme, si dhe shfaqi interesim për përkrahje për rregullimin e kanalizimit dhe ujësjellësit të cilat për momentin në klinikë janë problem. Ministri ofron mbështetjen e mëtutjeshme për Klinikën Gjinekologjike e Obstetrike edhe për ngritjen profesionale të kuadrit.

Shefi i misionit evropian në Kosovë EULEX sot i nis aktivitetet zyrtare

Prishtinë, 13 mars - "Do të mundohem të krijoj kontakte me popullatën e këtushme, duke i bërë të ditur se sundimi i ligjit është interes i përbashkët për çdo kend. Nëse doni lirinë e lëvizjes, respektoni paqen, nëse doni mbrojtje për njerëzit duhet të përpiqeni për sundimin e ligjit dhe mendoj se ky është interes i përbashkët për të gjithë". Kështu u shpreh, shefi i misionit të ri evropian në Kosovë EULEX, Iv dë Kermabon me të mbërritur në Prishtinëa. Misioni që do të drejtojë ai do të jetë përgjegjës për drejtësinë dhe policinë në Kosovë. Ai ka shtuar se duhet të sqarohet se çfarë është EULEX, të krijohen kontakte dhe të punojmë së bashku për të ardhmen e Kosovës. Francezi Kermabon ishte komandant i KFOR it në vitin 2004. ndërsa më 7 shkurt të këtij viti mori besimin e Bashkimit Evropian për të drejtuar misionin EULEX në Kosovë. Që nga dita e sotme ai do të fillojë takimet me krerët shtetërorë të Kosovës.

Ahtisari thotë se nuk do të lejohet ë të krijohen struktura që bien ndesh me planin e tij

Londër, 13 mars I dërguari i posaçëm i Kombeve të Bashkuara, Marti Ahtisari ka thënë se bashkësia ndërkombëtare nuk do të lejojë që në Kosovë të krijohen struktura që bien ndesh me planin e tij. Ai shfaqi shpresën se tashmë statusi i Kosovës është qartësuar dhe të gjithë në rajon do të sjellen me përgjegjësi. Ish Presidenti finlandez deklaroi se nuk ka më kthim në të kaluarën. Ai i bëri këto komente në një intervistë dhënë BBC së. Duke folur për problemet dhe sfidat më të mëdha për Kosovën në të ardhmen, Ahtisari tha se ekonomia është çështja kryesore. "Nëse e bëni ekonominë të funksionojë ashtu si duhet, njerëzit do të fillojnë të përmirësojnë jetën e tyre. Kjo do të ndikojë në uljen e papunësisë", tha Ahtisari. Në të njëjtën kohë, Ahtiusari konsideron se është jetike që njerëzit e të gjitha komuniteteve të fillojnë të ulen bashkë dhe të ndërtojnë të ardhmen e re, sepse si] thotë, "kjo është e vetmja shpresë për Ballkanin". Ai beson se askush nga në Evropë nuk do që të shohë rishfaqjen e problemeve të tilla në Ballkan vit pas viti. "Është koha që të shikojme kah e ardhmja dhe të pranojme se diëka e tmerrshme ka ndodhur në të kaluarën", tha ai.

Sejdiu: Integrimi në rrjedhat euroatlantike orientim themelor i Republikës së Kosovës

Prishtinë, 13 mars - Presidenti i Republikës së Kosovës, Fatmir Sejdiu priti dje pasdite ambasadorin e Britanisë së Madhe në Kosovë, Dejvid Blant, me të cilin bisedoi për zhvillimet e fundit në Kosovë, me theks të veçantë në pjekurinë e institucioneve të Kosovës dhe popullit të saj për ta menaxhuar në mënyrë dinjitoze situatën pas pavarësimit të vendit. "Qytetarët e Kosovës kanë treguar një maturi madhështore dhe unë do t'i inkurajoja ata ta vazhdojnë këtë qasje", theksoi ambasadori Blant. Presidenti i Republikës falënderoi ambasadorin Blant për përkrahjen që ka dhënë Britania e Madhe, përkrah gjithë vendeve të tjera, në mbështetje të Kosovës duke ritheksuar edhe një herë përkushtimin e Kosovës për implementimin e të gjitha parimeve që dalin nga Plani i Ahtisarit. "Orientim themelor i Republikës së Kosovës, krahas angazhimit për zhvillimin ekonomik të vendit dhe mirëqenies së gjithë qytetarëve të saj, mbetet integrimi në rrjedhat euroatlantike", theksoi në fund Presidenti Sejdiu. Po dje Presidenti i Republikës, Fatmir Sejdiu priti shefen e Zyrës së Finlandës në Prishtinë, znj. Kristiina Haikio, e cila solli letrën origjinale të njohjes së Republikës së Kosovës nga Finlanda. Presidenti Sejdiu pasi që falënderoi për njohjen e pavarësisë së Kosovës nga Finlanda dhe gatishmërinë e vazhdimit të marrëdhënieve të mira edhe në relacion të veçantë të vendosjes së marrëdhënieve diplomatike në proces, theksoi: "Kjo frymë e bashkëpunimit dhe e qasjes së veçantë që është bërë në ndihmë Kosovës dhe proceseve për zgjidhjen e statusit të Kosovës do të hapë shtigje të mëtejshme të bashkëpunimit dhe natyrisht edhe në kuadër të Bashkimit Evropian, ku Finlanda ka rol të veçantë". Presidenti Sejdiu vlerësoi rolin e veçantë që kanë personalitetet e Finlandës në politikën evropiane dhe botërore për proceset e mëdha që kemi kapërcyer, duke përmendur Presidentin Ahtisaari dhe Oli Rehn. Ndërkaq, znj. Heiko, duke vënë në pah kënaqësinë për takimin me Presidentin Sejdiu, theksoi se Finlanda angazhohet për marrëdhënie të veçanta me Kosovën.
Policia ka arrestuar një serb të dyshuar për krimet e luftës në rajonin e Pejës

Pejë, 13 mars Policia e rajonit të Pejës ka arrestuar një pjesëtar të nacionalitetit serb të dyshuar për krimet e luftës të kryera gjatë periudhës 1998/1999. Në njoftimin e policisë thuhet se Momçillo Jovanoviq është arrestuar si i dyshuar për krimet e luftës të kryera në vitin 1999 në rajonin e Pejës. Pjesëtarët e familjeve Prelvukaj nga Vitomirica dhe ata të familjes Alijaj nga Katundi i Ri akuzojnë Jovanoviqin se ai është pjesëtar i drejtëpërdrejt në vrasjen dhe zhdukjen e anëtarëve të familjeve të tyre. Ai është dërguar në arrest në burgun e Pejës.


Drejtuesit e Trustit Pensional kanë paga disa herë më të larta se Presidenti dhe Kryeministri

Prishtinë, 13 mars - Më shumë se 2.5 milionë euro shpenzohen për administrimin e Trustit Pensional të Kursimeve që ka një staf vetëm prej 25 personash. Madje drejtuesit e Trustit kanë paga disa herë më të larta se Presidenti dhe Kryeministri i Kosovës. Pagat e menaxherëve të Trustit janë të krahasueshme me pagat e presidentëve dhe kryeministrave të fuqishme të botës. Punonjësit e Trustit të Kursimeve Pensionale të Kosovës vazhdojnë të kenë paga me shiuma marramendëse. Burimet e RTK së bëjnë të ditur se pagat e punonjësve në këtë institucion janë edhe deri në 10 mijë euro. Ndërsa Presidenti dhe Kryeministri i Kosovës mund të kenë pagën 4 - 5 herë më të ultë se drejtuesit e Trustit të Kursimeve Pensionale. Këto të dhëna Zëvendësdrejtori i Trustit nuk i mohon duke theksuar se pagat e tyre janë krahasuese në treg, por nuk pranon të përmend shifra duke u thirrur në Ligjin e konfidencialitetit. Por juristët nuk vlerësojnë si shkelje ligjore publikimin e pagave të Trustit.

[Dardan Kastrati]

Protesta në Mitrovicë

Rreth 150 protestues serbë sot në mëngjes hynë me dhunë në ndërtesën e Gjykatës Komunale dhe të Qarkut në Mitrovicë. Njoftohet se protestuesit kanë shfrytëzuar gjashtë autoambulanca për të demoluar dyert në oborrin e kësaj ndërtese, mbi të cilën tash valëvitet flamuri i Serbisë.

Zëdhënësi i Shërbimit Policor të Kosovës në Mitrovicë, Besim Hoti tha për Radion Evropa e Lirë se protestuesit janë përplasur fillimisht me njësitet speciale të policisë, por në vijën e parë të turmës, sipas Hotit, protestuesit kanë vënë kry gra.
Ndërkohë që në prapavijë protestuesit sistematikisht i kanë sulmuar forcat e rendit me gjësende metalike dhe me gurë.

Gjatë një takimi të përbashkët në mes të Presidentit të Republikës së Kosovës, Fatmir Sejdiu dhe Kryeministrit, Hashim Thaçi është diskutuar situata në Mitrovicë pas ndërhyrjes së dhunshme në ndërtesën e Gjykatës së Qarkut në Mitrovicë dhe heqjes së flamurit të OKB-së nga ky objekt.

Si presidenti ashtu edhe kryeministri i kanë kërkuar kryeadministratorit, Joachim Ruecker që forcat e sigurisë të policisë së UNMIK-ut dhe të KFOR-it të reagojnë urgjentisht për nxjerrjen e huliganëve jashtë objektit dhe mbrojtjen e tij të vazhdueshme, thuhet në deklaratën e lëshuar nga zyra e presidentit.

[Lona]

Ryker dënon ashpër sulmin mbi Gjykatën e UNMIK ut në Mitrovicë

Prishtinë, 14 mars - Shefi i misionit të Kombeve të Bashkuara, Joakim Ryker e ka dënuar fuqishëm sulmin e sotëm mbi Gjykatën e Qarkut të UNMIK ut në Mitrovicë. "Një bandë e madhe ka shfrytëzuar forcën kundër Policisë së UNMIK ut për të hyrë në ndërtesë. Ata, të cilët i janë kthyer dhunës në Mitrovicën e veriut, e kanë kaluar vijën e kuqe të UNMIK ut", ka thënë Ryker në një komunikatë për shtyp, duke e cilësuar këtë akt si tërësisht të papranueshëm. Kreu i administratës ndërkombëtare e ka udhëzuar Policinë e UNMIK ut që të rivendosë rendin dhe ligjin në veri dhe për të siguruar kontrollin e sërishëm të Kombeve të Bashkuara mbi gjykatën. Në komunikatë gjithashtu thuhet se "UNMIK u do të mbrojë mandatin e tij në tërë territorin e Kosovës, pa asnjë përjashtim".

Hyrja e protestuesve në gjykatë paraqet dështim për UNMIK un, tha kreu i Mitrovicës Rexhepi

Prishtinë, 14 mars - Çështja e gjykatave në veri të qytetit dhe hyrja e protestuesve serbë brenda tyre ka qenë tema kryesore për të cilën është biseduar të premten në takimin e rregullt të Komitetit për Siguri në komunën e Mitrovicës. Kryetari i komunës Bajram Rexhepi tha se ka kërkuar që të merren veprime dhe sa më shpejt të merret situata nën kontroll në ato gjykata. "Nëse UNMIK u lejon një gjë të tillë dhe nuk ndërmerr masa për largimin e protestuesve nga objektet e gjykatave, ata këtë do ta konsiderojnë si fitore dhe do të vazhdojnë të bëjnë veprime të tilla. Kjo është edhe matje pulsit së autoriteteve, prandaj duhet treguar vendosmëri nga UNMIK u që është përgjegjës për atë pjesë të qytetit", tha Rexhepi. Rexhepi tha se kjo paraqet dështim për UNMIK un në këtë pjesë të Kosovës, prandaj edhe duhet të veprohet dhe të mos tolerohet një gjë e tillë.

Kadare: Kosova është shteti që ka flamurin më europian

Shkodër, 14 mars - Shkrimtari i shquar Ismail Kadare tha gjatë një takimi me lexuesit e veprës së tij në qytetin e Shkodrës se vetëm disa javë pas shpalljes së Pavarësisë së Kosovës, kombi shqiptar tashmë gjendet në një situatë të pazakontë. "Nga një vend që ishim mësuar të kishim një atdhe dhe që quhej Shqipëri" - tha Kadare, - "tashmë jemi bërë me dy shtete shqiptare dhe kjo ka filluar të veprojë në ndërgjegjen tonë. Kombi shqiptar tani ka dy shtëpi". Kadare vlerësoi qendrimin e shqiptarëve të Kosovës ndaj flamurit të tyre të ri. Kosova është shteti që ka flamurin më europian nga të gjithë të tjerët. Flamuri i Kosovës, tha ai, duket si një bir i flamurit të Bashkimit Europian. Kosova është një shtet si gjithë të tjerët, tha Kadare, transmeton "Zëri i Amerikës". Shumica e shteteve europiane janë multietnike, por tashti Kosovës kjo i theksohet për arsye të kushteve politike kur u krijua, të reaksionit kundër Pavarësisë së saj, etj, etj. Më thoni një shtet unietnik në Europë, pyeti Kadare, Nuk ka asnjë. Të gjithë janë multietnike. Prandaj, askënd nuk duhet ta shqetësojë ky theksim, qoftë edhe i tepruar, i multietnicitetit të shtetit të Kosovës. Ky është një shtet shqiptar, me shumicë apsolute shqiptare, ku është vënë në provë tolerance e shqiptarëve. S'ka asgjë të keqe. Më pas do të tregohet si proverbiale se shqiptarët e dhanë tolerancën maksimale për etnitë e tjera dhe nuk humbën asgjë. Askush nuk do të humbë, veç do të fitojnë të gjithë, tha mes tjerash Kaadere.

Qiproja nuk do të njohë Kosovën, thotë Presidenti i ri

Nikozi, 14 mars - Presidenti i ri i Qipros Demetris Kristofias e ka përjashtuar mundësinë e njohjes së pavarësisë së Kosovës, duke thënë se hapi "nuk ishte legal". "Ne vendosëm të shmangim çdo njohje të këtij veprimi, të cilin e konsiderojmë të padrejtë, dhe sipas ligjit ndërkombëtar, jo legal", tha Kristofias në matgjinat e samitit të Bashkimit Evropian në Bruksel. "Unë e rikonfirmoj pozicionin e qeverisë së mëparshme. Ka kufij që duhet të ruhen dhe të respektohet integriteti teritorial", tha Kristofias.

KFOR it ndodhet në Kosovë për të mbrojtur shumicën shqiptare dhe pakicën serbe, tha Skefer

Varshavë, 14 mars - Sekretari i Përgjithshëm i NATO s, Jap De Hop Skefer tha se 16 mijë pjesëtarët e KFOR it ndodhen në Kosovë për të mbrojtur shumicën shqiptare dhe pakicën serbe, si dhe për të garantuar sigurinë dhe stabilitetin. Skefer i bëri këto komente në Varshavë ku gjithashtu porositi Beogradin se e ardhmja e Serbisë është në integrimet evroatlantike. "Nuk kam asnjë dyshim në mendjen time se e ardhmja afatgjate e Serbisë shtrihet në integrimin evroatlantik. Ne duhet t'i bëjmë të qartë Beogradit dhe popullit të Serbisë se nuk kanë të ardhme të qëndrueshme në përqafimin e nacionalizmit", ka thënë Skefer.

Sot në samitin e Konferencës Islamike pritet të mirarohet një deklaratë për Kosovën

Dakar, 14 mars Në Dakar të Senegalit po i zhvillon punimet samiti dyditor i vendeve anëtare të Konferencës Islamike. Në këtë debat është edhe pavarësia e Kosovës, përkatësisht njohja e saj. Kjo organizatë ka 57 anëtarë, pesë nga të cilat tashmë e kanë njohur pavarësinë e Kosovës. Ministri i Arsimit Enver Hoxhaj, i cili po merr pjesë në këtë konferencë ka thënë se në takime të shumta Kosova edhe gjatë ditës së parë të kësaj konferencë është përmendur disa herë. Ai i tha mbrëmë RTK se në Deklaratën që pritet të miratohet gjatë ditës së sotme, thuhet tekstualisht se merret në konsideratë pavarësia e Kosovës nga organizata e shteteve anëtare të Konferencës Islamike. Ai ka shtuar se Sekretari i Përgjithshëm i Konferencës Islamike ka mbështetur pavarësinë e Kosovës menjëherë pas shpalljes së saj dhe ka bërë thirrje për mbështetje të zhvillimeve politike dhe ekonomike të Kosovës. Sipas kryesuesit të delegacionit të Kosovës pritet që pas përfundimit të samitit të Konferencës Islamike të fillojë njohja e shtetit të Kosovës nga shumica e 56 vendeve anëtare të Konferencës Islamike.

Anëtaret G 8, Japonia dhe Kanadaja, po bëjnë përpjekje të pranojnë pavarësinë e Kosovës para samitit

Prishtinë, 14 mars Vendet e G 8, Japonia dhe Kanadaja, po bëjnë përpjekje të pranojnë pavarësinë e Kosovës para samitit në ishullin japonez të Okaides në fillim të korrikut kanë bërë të ditur burime diplomatike.

[Lona]

Blloku i partive të djathta në BE ka pezulluar partinë e Koshtunicës për shkak të Kosovës

Bruksel, 14 mars - Partia e kryeministrit në largim të Serbisë Vojisllav Koshtunica është pezulluar nga blloku i partive të qendrës së djathtë në Bashkimin Evropian për shkak të qëndrimit shumë të ashpër ndaj pavarësisë së Kosovës. "Partia Popullore Evropiane ka marrë vendim të pezullojë partinë e Koshtunicës për ta paralajmëruar atë që të marrë qëndrime më proevropiane", tha eurodeputeti francez Alen Lamasur pas takimit të grupit në prag të samitit të Bashkimit Evropian në Bruksel. Pezullimi nënkupton që Koshtunica dhe anëtarët e tjerë të Partisë Demokratike të Serbisë nuk do të mund të marrin pjesë në mbledhjet e ardhshme të këtij grupi konservator evropian. Propozomin për pezullimin e partisë së Ksohtunicës e kishte dhënë eurodeputetja Doris Pak, e cila i tha BBC-së nuk ky pezullim nuk ka të bëjë me pavarësinë e Kosovës. Por ajo ka shtuar se Koshtunica nuk i takon bllokut perëndimor dhe nuk ndan vlerat e partive popullore evropiane dhe i porosit të zgjedhë ndonjë bllok tjetër.

Përfaqësuesit e Kosovës, të Shqipërisë dhe Mali i Zi u mblodhën në Shkodër për një projekt të përbashkët

Shkodër, 14 mars - Përfaqësuesit nga Kosova, Shqipëria dhe Mali i Zi u mblodhën në Shkodër për t'i dhënë vulë një projekti të përbashkët të quajtur Parku Ballkanik i Paqes, i cili pritet të shtrihet në zonën ndërkufitare, ku gjendet edhe Bjeshkët e Nemuna një nga pasuritë e mëdha natyrore dhe etnokulturore të këtij rajoni. Zëvendësministri i Mjedisit dhe Planifikimit Hapësinor në Qeverinë e Republikës së Kosovës Emin Krasniqi e vlerësoi krijimin e Parkut Ballkanik të Paqes një nismë që i përgjigjet zhvillimeve të reja politike në rajonin e Ballkanit. Ndërsa Ministri për Agrokulturën, Pyjet dhe Menaxhimin e ujërave në Qeverinë e Malit të Zi Alija Braliq shprehu mbështetjen e Qeverisë malazeze për zgjerimin e bashkëpunimit edhe në fushën e mbrojtjes së mjedisit të përbashkët. Për Ministrin shqiptar të Mjedisit tashmë qeveritë e tre vendeve kanë dhënë miratimin politik për krijimin e Parkut Ballkanik të Paqes. Ky park pritet të sjell jo vetëm një përvojë të re në ruajtjen dhe mjedisit të përbashkët natyror mes vendeve të ndryshme të rajonit, por edhe një mundësi zhvillimi dhe komunikimi të mirë të banorëve të këtyre zonave.

Dy deputetë serbë janë tërhequr nga grupi parlamentar i PLP së

Prishtinë, 14 mars Deputetët e Kuvendit të Kosovës Dragisha Miriq dhe Lubisha Zhiviq janë tërhequr nga grupi parlamentar i Partisës Liberale të Pavarur Serbe dhe iu kanë bashkuar grupit të partive serbe në të cilin gjendet edhe Mihaillo Shçepanoviq Vlladimir Todoroviq dhe Sllavisha Petkoviq.Ky grup politik është i interesuar të kyçet në institucionet e Kosovës dhe të jetë një urë në mes Qeverisë së Kosovës dhe bashkësisë serbe në Kosovë, me qëllim të arritjes së të gjitha parametrave jetësor në të ardhmen e Kosovës. Grupi garanton rikthimin e të gjithë policëve serb në Shërbimin Policor të Kosovës në vendet e tyre të punës. Mirëpo Kryetari Partisë Liberale serbe të pavarur Sllobodan Petroviq ka theksuar se Miriq dhe Zhviq nuk kanë të drejtë të ndërrojnë grupin parlamentar për shkak se në fillim është arritur pajtushmeri mes UNMIK ut dhe partive serbe të këtij grupi që ata të jenë përfaqësues të partive të tyre, por vetëm përbrenda këtij grupi. "Largimi i tyre do të thotë se ata heqin dorë nga mandati i tyre", ka thënë Petroviq. Ai ka deklaruar se shumë shpejt do të kthehet në Kuvendin e Kosovës.

Vala 900 në javën e ardhshme do t'i zbresë çmimet deri në 50 për qind për shërbime të veçanta

Prishtinë, 14 mars Vala 900 në javën e ardhshme do t[i zbres çmimet deri në 50 për qind për shërbime të veçanta. Gjithashtu do të ofrojë edhe tri pako për shfrytëzuesit e postpedit. Ky vendim është marrë nga Bordi i Drejtorëve të Postë Telekomit të Kosovës. Pra duke filluar nga java e ardhshme shfrytëzuesit e shërbimeve të këtij operatori do të kenë mundësi të zgjedhin oferta të reja, të cilat do t[i ofrojë ky operator publik. Tri produktet e reja që ofrohen janë tri pako posteid, vala infro, vala plus dhe vala ekstra të cilat kanë shënuar zbritje prej 50 për qind. Konsumatorët që dëshirojnë të jenë shfrytëzues të këtyre shërbimeve tash e tutje do të paguajnë vetëm tarifën kyçse në vlerë prej 5 euro dhe nuk do të paguajnë më depozitat si deri më tash në vlerë rreth 180 euro. Po ashtu janë liruar edhe tarifat për komunikim ndërkombëtar për 20 për qind.

Komisioni qeveritar për të pagjeturit ka pushuar së funksionuari

Prishtinë, 14 mars Që nga formimi i institucioneve të reja të Kosovës, Komisioni qeveritar për të pagjeturit ka pushuar së funksionuari dhe si pasojë e kësaj janë shtyrë takimet e grupeve punuese nga Prishtina dhe Beogradi për këtë çështje. Këshilli Koordinues i Asociacionit të Familjarëve të të Pagjeturve ka kërkuar që sa më parë të riaktivizohet Komisioni për të pagjeturit dhe të nisë hartimi i ligjit për familjarët e të pagjeturëve Nga ana tjetër, Kryetari i Kuvendit të Kosovës, Jakup Krasniqi është zotuar se do të punojë në këtë drejtim.

[Lona]

Rrëmbyesit e kryepeshkopit në Irak kishin kërkuar një milion dollarë

Mosul, 14 mars – Rrëmbyesit e kryepeshkopit katolik në Irak, Paulos Faraj Raho, i gjetur ditë më parë i vdekur në qytetin irakian Mosul, 390 kom në veri të Bagdadit, kishin kërkuar shpërblesë në këmbim të tij në shumën prej një milion dollarësh, ka bërë të ditur sot (e premte) një zyrtar i lartë policie, njofton Rojter. Ai ishte rrëmbyer më 29 shkurt pas një sulmi, në të cilin ishin vrarë shoferi dhe dy truproje të tij.

Austria i kërkon Al Kaidës lirimin e pakusht të 2 turistëve

Bruksel, 14 mars – Kancelari austriak, Alfred Gusenbauer, i ka bërë thirrje sot (e premte) krahut të Afrikës së Veriut të Al Kaidës për lirimin e pakusht të dy turistëve austriakë të rrëmbyer në Tunizi, por ka thënë gjithashtu se ai nuk ka ndërmend të përmbush kërkesat e rrëmbyesve, njofton Rojter. Kancelari Gusenbauer ka thënë gjithashtu se Austria është në kontakt me autoritetet vendëse për lirimin e tyre. Al Kaida ka vënë afat tri ditësh për përmbushjen e kërkesave të tyre.

Aeroporti Hitrou hap terminalin e pestë

Londër, 14 mars – Aeroporti Hitrou, më i ngarkuari në botë, sot e hap terminalin e tij të pestë. Terminali Pesë synon t'i zbutë tollovitë e mëdha në aeroportin Hitrou, dhe për 50 për qind të rritë numrin e përgjithshëm të udhëtarëve, të cilët e shfrytëzojnë këtë aeroport ndërkombëtar. Pritet që me terminalin e ri, numri i përgjithshëm i udhëtarëve të arrijë në rreth 100 milionë në vit. Hapja e terminalit nga ana e Mbretëreshës Elizabet shoqërohet me protesta të ambientalistëve për shkak të trafikut të madh ajror.

Në Peru zbulohet një tempull i ri i Inkëve

Limë, Peru 14 mars – Kërkuesit kanë zbuluar mbeturinat e një tempulli të lashtë të Inkëve, i cili ishte ndërtuar për ceremonitë fetare në malet e Andeve. Tempulli u zbulua në rajonin e pasur me trashëgimi arkeologjike në jug të Perusë, ku ndodhet edhe Maçu Piçu. Tempulli me sipërfaqe prej 800 metra katrorë, ka në vete 11 dhoma me madhësi të ndryshme dhe ka formën e Çakana, e cila paraqet simbolin e vjetër fetar të inkëve.
Aktivizohen sërish sulmet mes palestinezëve dhe izraelitëve

Gazë, 14 mars - Militantë palestinezë kanë qëlluar me 12 raketa nga Rripi i Gazës mbi qytetin izraelit Sderot. Sipas të dhënave të ushtrisë, ka dëmtime në materiale, por nuk ka të plagosur. Si kundërprgjigje ndaj këtij aksioni, forcat ajrore izraelite kanë sulmuar bazat e radikalëve palestinezë në Rripin e Gazës. Së fundi nga dhuna e ushtruar përsëri nga shkëmbimi i armëve, u vranë në Jordanin perëndimor pesë palestinezë militantë.

India arreston protestues tibetianë të mërgimit

Nju Delhi, 14 mars - Policia në Indi ka bllokuar një marshim protestues të tibetianëve në mërgim kundër lojërave olimpike në Pekin. Më shumë se 100 pjesëmarrës të kësaj demonstrate janë arrestuar në afërsi të qytetit Dehra në veri të shtetit federal të Himalajeve, Pradesh. Ky lajm u bë i ditur nga dëshmitarët. Qeveria në Nju Delhi kishte ndaluar demonstruesit e shqetësuar për marrëdhëniet me Republikën Popullore të Kinës. Protesta kishte nisur të hënën, në përvjetorin e kryengritjes së tibetianëve kundër sundimit kinez në vitin 1959. Marshimi protestues për pavarësinë e Tibetit do të vazhdojë për gjashtë muaj duke ecur deri në kufirin kinez.

Iranianët votojnë në zgjedhjet e përgjithshme

Teheran, 14 mars - Kanë filluar votimet në zgjedhjet parlamentare në Iran me thirrjet nga autoritetet që të ketë një pjesëmarrje të madhe si sfidë ndaj Shteteve të Bashkuara dhe vendeve të tjera që Irani i quan armiq. Reagimi i shume iranianëve ndaj mungesës së zgjedhjeve të mirëfillta do të jetë mosdalja në votime. Pjesëmarrja thuhet se do të jetë shumë më e ulët se 50 për qind, ndërsa në Teheran edhe më ulët. Prapa skenës fitues kryesor do të jetë garda revolucionare, e cila secilën herë po bëhet më e fuqishme. Konservatorët pritet të konsolidojnë kontrollin e tyre në parlamentin iranian, ndërsa shumë kandidatë liberal reformist janë diskualifikuar nga zgjedhjet për shkak, si] thonë ata, të mungesës së besnikërisë ndaj vlerave islamike.

Çmimi i arit kapërcen nivelin e 1000 dollarëve

Londër, 14 mars - Çmimi i arit ka kapërcyer për herë të parë nivelin e 1000 dollarëve. Për një oncë të hollë të metalit të çmuar në Londër u ofruan ndërkohë 1000,45 dollarë. Në muajt e fundit, çmimi i arit është rritur pa ndërprerë. Investitorët përdorin prej kohësh arin, sepse ky metal për shkak të pasigurive nga kriza e gjerë financiare konsiderohet si investim i sigurt. Përveç kësaj, për shkak të dobësisë së dollarit ky investim bëhet më interesant për investuesit nga zona e jo dollarit.

[Lona]

PDSH përfundimisht del nga koalicioni qeveritar në Maqedoni

Shkup, 14 mars - Në Maqedoni, kuvendi qendror i Partisë Demokratike Shqiptare miratoi vendimin e kryesisë qendrore të partisë për t'u larguar nga koalicioni qeveritar. Kryetari i kësaj partie, Menduh Thaçi, tha se ky vendim nuk bëhet kundër askujt, as kundër shtetit e as kundër rivalëve politikë dhe se kërkesat që partia e tij i kishte paraqitur kryeministrit të vendit, Nikolla Gruevski, kishin burimin tek Marrëveshja e Ohrit. Kuvendi qendror i PDSH së, organ më i lartë i kësaj partie, e miratoi mbrëmë njëzëri vendimin e kryesisë qendrore për të dalë nga koalicioni qeveritar. Kryetari i partisë Menduh Thaçi tha se prej ditës së sotme nuk është më pjesë e koalicionit që funksionoi për nëntëmbëdhjetë muaj. Kryetari i PDSH së, Menduh Thaçi pas mbledhjes së Kuvendit të partisë theksoi se vendimi i tyre është përfundimtar dhe i parevokueshëm dhe se kërkesat e tyre dalin nga Marrëveshja e Ohrit. "Të gjitha kërkesat të cilat PDSH i parashtron, janë pika nga Marrëveshja e Ohrit. Ne nuk kërkojmë asgjë të re përveç pranimit të Kosovës. Kërkesat e shqiptarëve në Maqedoni janë të vjetra 17 vite, ndërsa në pjesën e mosrealizimit të tyre, faj bart edhe PDSH", tha Thaçi.
Bush do të vizitojë Ukrainën, Rumaninë dhe Kroacinë

Uashington, 14 mars - Presidenti amerikan Xhorxh Bush ka në plan të vizitojë Ukrainën, Rumaninë dhe Kroacinë dhe të takohet me udhëheqësit e këtyre vendeve në kuadrin e udhëtimit të tij muajin e ardhshëm për takimin e NATO-s në Bukuresht. Shtëpia e Bardhë nxori pak detaje dje për itinerarin e Presidentit Bush. Ai do të shkojë fillimisht në Kiev dhe do të takohet më 1 prill me presidentin dhe kryeministrin e Ukrainës. Bush do të qëndrojë në kryeqytetin e Rumanisë, Bukuresht për tri ditë dhe do të takohet me udhëheqësit e Rumanisë, si edhe do të marrë pjesë në takimin e nivelit të lartë të NATO-s, që fillon më 2 prill. Më pas, presidenti Bush do të shkojë në Kroaci. Në deklaratën e Shtëpisë së Bardhë thuhet se udhëheqësi amerikan do të takohet me udhëheqësit kroatë, si edhe me “udhëheqësit e atyre vendeve, për të cilët udhëheqësit e NATO-s do të vendosin të bëjnë ftesa për anëtarësim në NATO, gjatë takimit të Bukureshtit”. Në njoftimin e Shtëpisë së Bardhë thuhet se transformimi i vazhdueshëm i NATO-s ka qenë një sukses historik në konsolidimin e Aleancës, përmes nxitjes së paqes dhe sigurisë, si edhe përparimit të lirisë dhe demokracisë në Evropën Qendrore dhe Lindore. Vizita e Presidentit dhe zonjës Bush në Ukrainë, Rumani dhe Kroaci, vazhdon më tej njoftimi, do t’i vërë theksin rëndësisë së forcimit të një Evrope të bashkuar, të lirë dhe në paqe.

[Lona]

Ushtria amerikane vret aksidentalisht 3 policë në Kirkuk

Kirkuk , 19 mars - Ushtria amerikane ka bërë të ditur se ka vrarë sot aksidentalisht tre policë dhe ka plagosur një tjetër në veri të Irakut. Zëdhënësja ushtarake tha se ushtria amerikane ka hapur zjarr kundër një automjeti me policë pasi ata po kalonin me shpejtësi afër një kordoni në provincën e Kirkukut. Ajo tha se forcat e koalicionit shprehin keqardhje për këtë aksident tragjik.

Bush: Nuk kam dyshime për luftën në Irak

Uashington, 19 mars - Presidenti Xhorxh Bush pritet të mbajë sot një fjalim me rastin e pesëvjetorit të ndërhyrjes amerikane në Irak. Bazuar në fragmente të fjalimit të publikuara më herët nga Shtëpia e Bardhë, Bush pritet të thotë se ai nuk ka dyshime në luftën në Irak, përveç atyre që ai i quan "çmim i lartë në jetëra dhe në para". Bush pritet të bëjë thirrje që përpjekjet të vazhdojnë, duke shtuar se tërheqja amerikane do ta trimërojë Iranin dhe ndihmojë terroristët e Al Kaidës.

Merkel: Gjermania ka përgjegjësi historike për Izraelin

Jerusalem, 19 mars - Në një fjalim para parlamentit izraelit, kancelarja gjermane, Angela Merkel, theksoi përgjegjësinë historike të Gjermanisë për shtetin e hebrejve. Siguria e Izraelit nuk është e negociueshme, tha Merkel në fjalimin e parë të një kryeministreje të huaj para knesetit parlamentit izraelit. Njëkohësisht, ajo kërkoi nga Izraeli dhe palestinezët "koncesione të dhimbshme" për të vendosur paqen në Lindjen e Afërt. Duke pasur parasysh holokaustin, Merkel tha se vrasja e gjashtë milionë hebrejve e mbulon me turp. Ajo përulet para viktimave dhe njerëzve, që u kanë ndihmuar atyre. Më parë, Merkel ishte takuar me presidentin Shimon Peres. Peres e cilësoi vizitën e kancelares në Izrael si "unike" dhe e falendëroi atë për angazhimin në procesin e paqes.

Gambari i zhgënjyer me ndërmjetësimin në Birmani

Nju Jork, 19 mars - I dërguari i posaçëm i Kombeve të Bashkuara, Ibrahim Gambari, e ka cilësuar përpjekjen e tij më të fundit ndërmjetësuese në Birmani, një zhgënjim. Gjatë bisedimeve, ai kishte konstatuar se junta ushtarake nuk kishte bërë asnjë përparim në drejtim të reformave demokratike, tha Gambari para Këshillit të Sigurimit në Kombet e bashkuara. Ambasadori amerikan ne Këshillin e Sigurimit, Zalmai Khalilzad, kritikoi faktin që qeveria ushtarake ende nuk ka asnjë projekt për të zhvilluar referendumin e planifikuar për ndryshimet kushtetuese, të planifikuar për në maj. "Këshilli i Sigurimit duhet për këtë të rrisë presionin ndaj juntës", këmbënguli Kahlilzad.

SHBA-të dhe Rusia ende larg marrëveshjes për raketat

Moskë, 19 mars - "Ende nuk është arritur ndonjë marrëveshje me Rusinë lidhur me planet amerikane për të dislokuar një sistem të mbrojtjes nga raketat në Evropën Qendrore", ka deklaruar sekretarja amerikane e shtetit, Kondoliza Rajs. Megjithatë, Rajs tha se të dy palët kanë rënë dakord të përgatisin një dokument, i cili të shërbejë si kornizë strategjike mbi pakësimin e stoqeve të armatimeve. Këto komente sekretarja amerikane e shtetit i bëri në Moskë, pas ditës së dytë dhe të fundit të bisedimeve me Ministrin e Jashtëm rus Sergei Lavrov. Lavrov ka thënë gjithashtu se ende ka diferenca të thella për sistemin amerikan të mbrojtjes nga raketat.

Betejë "për jetë a vdekje" në Tibet

Pekin, 19 mars - Autoritetet kineze kanë paralajmëruar se ato janë të përfshira në një betejë për jetë a vdekje rreth Tibetit, ndërsa përpiqen të shuajnë protestat e atjeshme. Në shtypin kinez citohet sekretari i partisë komuniste të Tibetit, Zhang Qingli, të ketë thënë se beteja po zhvillohej me udhëheqësin shpirtëror të Tibetit në mërgim, Dalai Lama. Protestuesit tibetianë fundjavën e kaluar dogjën dyqane e dëmtuan prona të kinezëve etnikë në shenjë proteste ndaj sundimit kinez të Tibetit. Dëshmitarët thanë se autoritete kineze përdorën forcë për shtypjen e protestave. Trazirat koinciduan me protestat e mëdha antikineze në Tibet në vitin 1959.
Abkhazia rrëzon një aeroplan të Gjeorgjisë

Tbilisi, 19 mars - Abkhazia, rajoni separatist i Gjeorgjisë, bën të ditur se forcat e saja të sigurisë kanë rrëzuar një aeroplan spiunazhi pa pilot mbi Detin e Zi. Sergei Bagapsh, lider i vetëshpallur i Abkhazisë, është cituar të ketë thënë se fluturakja i përkiste Gjeorgjisë. Në Tbilisi, ministria e Mbrojtjes e Gjeorgjisë ka mohuar të ketë ndodhur një incident i tillë. Abkhazia, e cila de fakto është e pavarur që kur u shkëput nga Gjeorgjia në fillim të viteve të 1990-ta, muajin e kaluar bëri thirrje për njohje ndërkombëtare pas pavarësimit të Kosovës.

[Lona]

Mesiq i dërgoi një letër Presidentit Sejdiu

Zagreb, 19 mars - Presidenti i Republikës së Kroacisë, Stipe Mesiq, i ka dërguar sot një letër Presidentit të Republikës së Kosovës, Fatmir Sejdiu, pasi që qeveria kroate bëri të ditur se e njohu pavarësinë e Kosovës, njofton Zyra e Presidentit kroat.

Kroacisë e njohu sot pavarësinë e Kosovës

Zagreb, 19 mars - Qeveria e Kroacisë në pjesën e mbyllur të mbledhjes e njohu sot pavarësinë e Kosovës, konfirmoi kryeministri Ivo Sanader. Kroacia kështu iu bashkua mbi 30 vendeve që e njohën Republikën e Kosovës.

Hungaria njohu pavarësinë e Kosovës

Budapest, 19 mars - Hungaria sot njohu pavarësinë e Kosovës dhe njoftoi se shpejti do të vendosë marrëdhënie diplomatike me Prishtiëns, bëri të ditur sekretarja e Shtetit në Ministrinë e Punëve të Jashtme të këtij vendi, Marta Feksi, pas takimit të qeverisë. "Ministria e Punëve të Jashtme është lutur që të përgatisë dokumentet e nevojshme për vendosjne e marrëdhënieve diplomatike me shtetin e ri të pavarur", deklaroi para gazetarëve Feksi. Ajo gjithashtu i bëri thirrje Serbisë që të garantojë sigurinë e 350 mijë hungarezëve etnikë në Vojvodinë, të cilët mund të jenë në shenjestër të nacionalistëve serbë pasi që Budapesti njohu Kosovën.

Policia e UNMIK ut dhe SHPK rikthehen në veriun e Mitrovicës

Prishtinë, 19 mars Policia e Kombeve të Bashkuara dhe Shërbimi Policor i Kosovës (SHPK) janë rikthyer sot në veriun e Mitrovicës tha zëdhënësi i SHPK së Veton Elshani. Në konferencën e rregullt për gazetarë, Elshani theksoi se policia ndërkombëtare dhe vendore do të vazhdojnë punën e tyre në këtë pjesë të qytetit, prej nga, paqeruajtësit e KFOR it pritet të tërhiqen gradualisht deri të premten. "Duke filluar nga ora 12.00, sot pjesëtarët e SHPK së do të fillojnë punën e tyre në stacionin që gjendet në pjesën veriore të Mitrovicës", tha zëdhënësi Elshani. Pjesëtaret e SHPK së së bashku me policin e UNMIK ut do të merren me situatën atje dhe nëse situata del nga kontrolli që SHPK dhe polica e UNMIK ut nuk mund ta kontrollojnë, atëherë do të ndërhyjë KFOR i në periudhën më të shkurtë të mundshme në mënyrë që policia të kthehen përsëri në detyrat e tyre të mëparshme dhe kryerjen e detyrave sipas ligjit, nënvizoi Elshani.

Protestuesit kanë sulmuar me armë zjarri ushtarët e KFOR it, UNMIK-u nis hetimet për vrasje

Prishtinë, 19 mars Protestuesit serbë të hënën kanë shtënë kundër ushtarëve të KFOR it, duke hedhur rreth 30 granata dore dhe kokteje molotovi, kurse KF0R-i përdori "përgjigje të nevojshme", bëri të ditur sot para gazetarëve zëdhënësi i KFOR it, Zhan Lyk Kotar. "Ne jemi përgjigjur në mënyrë të përshtatshme kundër këtij kërcënimi. Kemi pasur njerëz të lënduar brenda forcave tona dhe sipas rregullave ne përdorim përgjigjen e nevojshme", tha Kotar, duke shtuar se nëse vijat e kuqe do të shkelen prapë KFOR i do të ndërmarrë të njëjtin veprim kurdo qoftë në raste të tilla. Ndërkaq zëdhënësi i UNMIK ut, Aleksander Ivanko theksoi se Policia e OKB së nuk ka përdorur armët e zjarrit, as plumbat e plastikës, por as gazin lotsjellës dhe për këtë arsye, tha ai, UNMIK u nuk duhet të bartë fajin. "Faji është vetëm i atyre që kanë përdorur armët e zjarrit dhe granatat e dorës kundër KFOR it dhe policisë. Si pjesë e hetimeve penale që i kemi filluar për vrasje dhe tentim vrasje, ne do të intervistojmë sa më shumë njerëz që të jetë e mundur. Pra hetimet kanë filluar prej dje, por s'mund të jap detaje për momentin", theksoi Ivanko.

Principata e Monakos njohu Republikën e Kosovës

Prishtinë, 19 mars - Principata e Monakos njohu sot Republikën e Kosovës si shtet sovran e të pavarur. Presidenti i Republikës Fatmir Sejdiu mori sot një letër nga Zhan Pastoreli (Jean Pastorelli", Këshilltar për Marrëdhënie me Jashtë i Qeverisë së Monakos, nëpërmjet së cilës njoftohet se ky vend e njeh Republikën e Kosovës si shtet sovran dhe të pavarur. Në letrën zyrtare të njohjes së pavarësisë së Kosovës thuhet se "Principata e Monakos duke filluar nga sot e njeh Republikën e Kosovës si shtet sovran dhe të pavarur", duke shprehur "urimet më të mira për paqe dhe prosperitet".

Incidentet në veri të Mitrovicës po i shkaktojnë njerëzit e strukturave paralele, tha Rexhepi

Mitrovicë, 19 mars - Gjendja e sigurisë dy ditë pas protestave të dhunshme në veri të Mitrovicës është e qetë dhe nën kontroll të KFOR it, u tha sot në takimin e Komitetit për Siguri, ku morën pjesë përfaqësues të institucioneve politike dhe të sigurisë. Kryetari i komunës, Bajram Rexhepi, tha se dita e martë ka qenë e qetë, ndërsa aksionin në veri nga strukturat e sigurisë e ka vlerësuar si diçka të domosdoshme për të mos lejuar që grupe huliganësh të marrin situatën në dorë. Ai theksoi se incidentet në veri janë duke i shkaktuar njerëzit e strukturave paralele dhe kërkoi që të vazhdojë aksioni për shpërbërjen e këtyre grupeve të cilat tha se janë duke i dëmtuar edhe interesat e popullatës serbe në Kosovë. "Është momenti i fundit që të shpërndahen grupet që veprojnë në kuadër të strukturave paralele, qoftë si roja të urës, si pjesëtarë të Ministrisë së Punëve të Brendshme të Serbisë, të cilët janë të vendosur në objektet e spitalit në veri", tha Bajram Rexhepi. Sipas tij, rendi dhe ligji janë në të mirë edhe të popullatës serbe, prandaj strukturat e sigurisë si KFOR i, policia e UNMIK ut dhe SHPK ja duhet të mbajnë situatën nën kontroll. Rexhepi çmoi sjelljen e popullatës shumicë gjatë këtyre ditëve, të cilët kanë qenë të përmbajtur dhe nuk kanë rënë në provokimet. Ndërsa si shqetësim përmendi mosqarkullimin e autobusit për në Kodrën e Minatorëve dhe në fshatrat shqiptare të Leposaviqit. Komandanti i stacionit jugor të SHPK së, Bashkim Spahiu, tha se për shkak të gjendjes së krijuar, mungojnë raportet e hollësishme nga veriu i qytetit, ku gjendjen e kontrollon KFOR i përderisa pjesëtarët e SHPK së dhe ata të UNMIK ut nuk janë duke vepruar. Ndërsa sa i përket pjesës jugore të qytetit, ai tha se gjendja është e qetë dhe nuk ka pasur kurrfarë incidentesh.

Kroacia, Bullgaria dhe Hungaria së bashku njohin pavarësinë e Kosovës

Zagreb, 19 mars - Kroacia, Bullgaria dhe Hungaria janë tri vende e para fqinjë me Serbinë që kanë deklaruar se do të njohin pavarësinë e Kosovës. Ato kanë lëshuar një deklaratë të përbashkët ku thuhet se vendimi i tyre ishte marrë pas një shqyrtimi të hollësishëm dhe në përfundimet e BE së. "Kosova është një rast sui generis i dalë nga zhvillimet unike të shpërbrjes së ish-Jugosllavisë, si dhe i periudhës në kontinuitet të prezencës së administratës ndërkombëtare" thuhet në komunikatën e qevrsië kroate. Deklarata e përbashkët e bën të qartë se Bullgaria, Kroacia dhe Hungaria do t'i mbështesin përpjekjet e BE së dhe NATO s për të ruajtur stabilitetin dhe për të ndërtuar demokracinë në Evropë. Sot parlamenti bullgar hodhi poshtë propozimin e deputetit të pavarur Minçe Hristov për miratimnin e vendimit për mosnjohjen e pavarësisë së Kosovës. Të tri vendet pritet ta konfirmojnë së shpejti njohjen e Kosovës.

[Lona]

Ushtarët e plagosur francezë në Mitrovicë mbrëmë janë kthyer në Francë

Paris, 19 mars - Mbrëmë në aeroportin e Parisit Orli kanë mbërritur me një aeroplan ushtarak, 11 ushtarët e plagosur francezë në veriun e Mitrovicës, ku i ka pritur ministri francez i Mbrojtjes, Herve Morin. Njëzet ushtarë francezë që shërbejnë në kuadër të forcave të NAT0-s në Kosovë janë plagosur, tetë prej tyre më rëndë, gjatë përleshjeve të hënën me ekstremistët serbë në veriun e Mitrovicës. Ushtarët janë plagosur gjatë një operacioni të rimarrjes nën kontroll të ndërtesës së gjykatës së UNMIK-ut e cila ishte pushtuar nga serbët, njofton AFP.

Lobingu për njohjen e pavarësisë së Kosovës - ishte objektiv kryesor i Shqipërisë në Konferencën Islamike

Tiranë, 19 mars - Lobingu për njohjen e pavarësisë së Kosovës ishte objektivi kryesor i një delegacioni të Shqipërisë në Samitin e 11 të të Organizatës së Konferencës Islamike në Dakar, Senegal. Ministri i Punëve të Jashtme, Lulzim Basha gjatë samitit ka zhvilluar një sërë takimesh me përfaqësues të shteteve anëtare të kësaj organizate dhe ka kërkuar nga bashkëbisedueit mbështetjen e vendeve të tyre për Kosovën e pavarur, duke theksuar se solidariteti me popullin e Kosovës i shërben paqes dhe stabilitetit në rajon dhe më gjerë, thuhet në një njoftim të Ministris së Jashtme të Shqipërisë. Ndërkaq gjatë fjalës së tij në Samit, Ministri Basha pasi ka falenderuar shtetet anëtare që e kanë njohur tashmë Kosovën si shtet të pavarur, u bëri thirrje shteteve të tjera të ndërmarrin të njëjtin hap. "Gjithçka që ka lidhje me Kosovën është unike", është shprehur Basha në fjalën e tij. Gjatë Konferencës delegacioni shqiptar hapi një foto ekspozitë me materiale fotografike që dëshmonin krimet e shëmtuara të forcave serbe mbi popullsinë civile të Kosovës në vitet '98 '99. Po kështu, delegacioneve të vendeve anëtare ju shpërndanë kopje të librit të Noel Malcolm "Historia e Kosovës", dhe librit të dr. Islam Lauka "Kosova rast unik në të drejtën ndërkombëtare", si dhe një album me foto të objekteve të kultit të shkatërruara nga forcat serbe në Kosovë si pjesë e fushatës së spastrimit etnik dhe genocidit mbi shqiptarët e Kosovës në periudhën '98 '99.
Greqia nuk do ta njohë tani pavarësinë e Kosovës, tha Bakojanis

Athinë, 19 mars - Ministrja greke e Punëve të Jashtme Dora Bakojanis ka deklaruar se Greqia nuk do ta njohë tani pavarësinë e Kosovës, por do të vëzhgojë rrjedhën e ngjarjeve atje. Deklarata e ministres erdhi dy ditë para se ajo të do të zhvillojë nesër një vizitë pune në Tiranë. Situata në rajon me theks në zhvillimet në Kosovë dhe mosmarrëveshjen greko maqedonase për çështjen e emrit, si dhe perspektiva euroatlantike e Shqipërisë në prag të samitit të NATO s, do të jenë disa nga pikat e tjera të axhendës së saj në Tiranë. Bakojanis do të shkojë në Tiranë vetëm disa orë pas takimit që do të ketë zhvilluar në Athinë në mesditë, me homologun e saj serb, Vuk Jeremiq ku merret me mend se çështja e Kosovës do të jetë dominante.

Kanadaja e njohu pavarësinë e Kosovës

Otava, 19 mars - Kanadaja e njohu pavarësinë e Kosovës nga Serbia, tha Ministri i Punëve të Jashtme Maksim Barnie. "Sot ne iu bashkangjitëm komunitetit ndërkombëtar dhe e njohëm Kosovën si shtet i ri", i deklaroi dje Barnie transmetuesit publik CBS. "Kosova është rast unik", tha ai, duke shtuar se Kosova "nuk mund të krahasohet me Kuebekun". Kandaja është e fundit nga Grupi G 7 që njohën pavarësinë e Republikës së Kosovës si shtet sovran. Dje edhe Japonia e ka njohur Kosovën. Serbia e tërhoqi ambasadorin nga Tokio, ndërkaq është paralajmëruar të tërheq edhe nga Kanadaja.

GNK: Kosova është në rrezik të ndahet, BE dhe NATO të veprojnë para se të jetë vonë

Bruksel, 19 mars - Grupi Ndërkombëtar i Krizave paralajmëroi se një muaj pas shpalljes së pavarësis, Kosova është në rrezik të ndahet dhe i bëri thirrje Bashkimit Evropian dhe NATO s të veprojnë para se të jetë vonë. Ka rrezik real që ndarja të forcohet në veri të lumit Ibër dhe Kosova të shndërrohet në një konflikt të ngrirë, ka thënë Grupi Ndërkombëtar i Krizave. Përderisa Serbia ka strategji për të ndarë Kosovën, bashkësia ndërkombëtare nuk ka një përgjigje të përcaktuar dhe të koordinuar qartë. Grupi kërkon që BE OKB dhe NATO të dakordohen për strategji të përbashkët gjithëpërfshirëse për pjesën veriore të Kosovës. Grupi Ndërkombëtar i Krizave me seli në Bruksel gjithashtu bëri thirrje që sa më shumë vende të njohin e të përqafojnë shtetin e ri të Kosovës. Një njohje e tillë do të ndihmonte për të frenuar zgjerimin e ndikimit të Serbisë në rajonet e banuara me shumicë serbe në veri të Kosovës. GNK thekson se Beogradi po i shtyn serbët e Kosovës të ndërpresin gjithë kontaktet me institucionet e Kosovës që të përforcojë kontrollin e vetë mbi veriun e Kosovës.

Austria i bëri thirrje Serbisë dhe liderëve serbë të Kosovës të promovojnë qetësi në rajon

Vjenë, 19 mars - Austria i bëri thirrje Serbisë dhe liderëve serbë të Kosovës të promovojnë qetësi në rajon. Qeveria e Serbisë vazhdimisht është zotuar se do të përmbahet nga dhuna si mjet politik. Kjo duhet të bëhet me konsekvencë, tha Ministrja e Jashtme austriake, Ursula Plasnik. "E njejta vlen për liderët e serbëve. Askush nuk guxon të lejohet që t'i shmanget përgjegjësisë, qoftë nëse kthen kokën me një anë apo lejon që gjërat të ndodhin", ka thënë Plasnik, duke iu referuar ngjarjeve të dhunshme në Mitrovicë.

[Lona]

Promovohet emisioni i ri i pullave postare - Dita e Pavarësisë

Prishtinë, 20 mars Ministria e Transportit dhe Postë Telekomunikacionit dhe Postë Telekomi i Kosovës kanë bërë promovimin e emisionit të ri të pullave postare të titulluar Dita e Pavarësisë. Pulla postare - Dita e Pavarësisë simbolizon aktin më sublim të shpallje së Kosovës shtet sovran dhe demokratik, akt për të cilin derdhën gjak me mijëra shqiptarë brez pas brezi, ditë e cila Kosovën e barazon me popujt tjerë të civilizuar, u tha në këtë promovim. Ky emision i pullave postare në mënyrë simbolike prezanton Republikën e Kosovës pjesë e Aleancës Veriatlantike dhe shtet demokratik me identitet të theksuar.

Luçenko akuzon UNMIK un për dështim të aksionit për të rikthyer nën kontrollin e saj gjykatat në Mitrovicë

Prishtinë, 20 mars Ministri ukrainas i Mbrojtjes, Luçenko ka qëndruar në një takim një ditor në Kosovë. Ai ka zhvilluar një takim me Zëvendëskryeadministratorin e Kosovës Lari Rosin dhe ka vizituar policët e plagosur nga Ukraina, një polic 25 vjeçar nga Ukraina ka vdekur nga plagët e marra gjatë protestave të dhunshme të serbëve lokalë t[ hënën në veri të Mitrovicës. Ai ka akuzuar UNMIK un, i cili sipas tij ka dështuar në planifikimin e aksionit për të rikthyer nën kontrollin e saj gjykatat në veri të Mitrovicës. Ai tha se ka munguar komunikimi ndërmjet trupave të përfshira në aksionin e policisë. Luçenko tha se Ukraina ende nuk ka një vendim për tërheqjen e trupave që veprojnë nl kuadër të policisë së UNMIK ut, por paralajmëroi se çështja do të jetë problematike gjatë diskutimeve në Parlamentin e Ukrainës. Përgjegjësinë për vdekjen e policëve duhet ta marrë UNMIK u. Sipas ligjeve të Ukrainës vetëm Presidenti mund të marrë vendimin për të ardhmen e kontigjentit në Kosovë. "Nuk mendoj se do të ndërpresë misionin", ka thënë Luçenko.

Prania e Spanjës me forcat e saja në Kosovë, nuk do të thotë se ajo po e njeh pavarësinë

Madrid, 20 mars Prania e Spanjës me forcat e saja ushtarake dhe policore në Kosovë, nuk do të thotë se ajo po e njeh pavarësinë e Kosovës, Zëvendësministri i Jashtëm spanjoll, Bernardino Leon. Spanja ka afro 600 ushtarë dhe policë në Kosovë si pjesë e misionit të OKB së. Një polic spanjoll u plagos të hënën në trazirat në veri të Mitrovicës derisa ishte përpjekur për t'i ndihmuar një polici të Ukrainës, i cili më vonë vdiq. Zëvendësministri i Jashtëm spanjoll, Bernardino Leon tha se Spanja në Kosovë është sipas Rezolutës së OKB së të vitit 1999 dhe aksioni i Spanjës të hënën nuk do të thotë se e konsidron Kosovën të pavarur.

EULEX nuk ka ardhur në Kosovë për të administruar, por për të këshilluar

Prishtinë, 20 mars Ngjarjet në Mitrovicë po përcillen me vëmendje të shtuar nga Misioni Evropian, ngase dhuna e ka vijën e kuqe të forcave ndërkombëtare. Kështu u shpreh përfaqësuesi i BE së në Kosovë Pier Fejd gjatë një debati me përfaqësuesit e shoqërisë civile të organizuar nga Universiteti i Prishtinës. Ai bëri thirrje që të hiqet dorë nga përdorimi i dhunës dhe problemet të zgjidhen përmes dialogut. Fejt tha se detyra kryesore e Misionit të BE së është që të mbikëqyr zbatimin e planit të Ahtisarit gjatë dy viteve të ardhshme,.duke shpresuar se atëherë do të përfundojë mandati i misionit të tij. Fejt ka nënvizuar se EULEX nuk ka ardhur në Kosovë për të administruar, por për të këshilluar.

Në takimin me Sejdiun dhe Thaçin nuk vijnë Thaçi dhe Vejseli

Shkup, 20 mars Në lidhje me vizitën e paralajmëruar të liderëve të partive politike shqiptare nga Maqedonia në Kosovë, Kryetari i PDSH së Menduh Thaçi është duke menduar nëse duhet shkuar. Sipas tij njohja e Kosovës duhet të bëhet në Shkup dhe jo në Prishtinë. Hashim Thaçi është kryeministër në Kosovë e jo në Maqedoni, ka theksuar Menduh Thaçi. Bëhet e ditur se dy drejtuesit e partive shqiptare në pushtet nuk do të marrin pjesë në takimin e paralajmëruar për sot në Prishtinë me Presidentin Sejdiu dhe Kryeministrin Thaçi. Pozitivisht ftesës për të ardhur sot në Prishtinë u janë përgjigjur kryetarët e partive shqiptare në opozitë Ali Ahmeti, Bardhyl Mahmuti dhe Hisni Shaqiri, por jo edhe dy drejtuesit e partive në pushtet Menduh Thaçi dhe Abdylhadi Vejseli. Kryetari i PDSH së, Menduh Thaçi pas takimit që pati me Kryeministrin Gruevski tha se nuk ka nevojë të marrë pjesë në takime, që sipas tij zhvillohen vetëm për të bërë marketing politik. Ai ka shtuar se dinë datën e njohjes së Kosovës nga Maqedonia por nuk do ta zbulojë. Sipas tij nesër ose pasnesër duhet të takohen komisionet maqedono kosovare që po bëjnë demarkacionin e kufirit.

Frejzer: Ndërkombëtarët nuk duhet të lejojnë ndarjen e veriut të Kosovës

Londër, 20 mars - Përfaqësuesja e Grupit Ndërkombëtar të Krizave thotë se komuniteti ndërkombëtar duhet ta ndjekë me shumë kujdes situatën në Kosovë, për të evituar tensionimin e situatës atje dhe në rajon. Sabinë Frejzer theksoi se për BBC-në "ndërkombëtarët nuk duhet të lejojnë një ndarje të veriut të Kosovës" dhe se "plani Ahtisaari është një mundësi shumë e mirë për serbët për të garantuar respektimin e të drejtave të tyre në Kosovë". Ajo tha se komuniteti ndërkombëtar duhet të shohë me shumë kujdes situatën në Kosovën veriore dhe do të përgatisë një plan konkret dhe të qartë për të evituar ndarjen e Kosovës. Në këtë kuadër, ajo tha se "është shumë e rëndësishme që Kombet e Bashkuara dhe KFOR të koordinojnë planin dhe është e rëndësishme që ata të menaxhojnë mirë tranzicionin për të siguruar edhe dislokimin e pranisë europiane në veri", tha Frejzer. Frejzer konsideron se qeveria e Kosovës ka bërë disa hapa pozitivë, por duhet të nisë të mendojë për të ardhmen, si të zbatohet plani Ahtisaari, si të realizohet decentralizimi dhe si të krijohen edhe bashki të reja, si ajo në Mitrovicën e Veriut.

Bush autorizon dërgimin e armëve në Kosovë

Uashington, 20 mars - Presidenti amerikan Xhorxh Bush autorizoi furnizimin e Kosovës me armë, një hap i rëndësishëm në marrëdhëniet me shtetin e ri. Në një dokument dërguar Sekretares së Shtetit Kondoliza Rajs, Presidenti Bush tha dje se ai ka arritur në përfundimin se furnizimi i Kosovës me armë do të forcojë sigurinë e Shteteve të Bashkuara dhe do të nxisë paqen në botë. Presidenti Bush e udhëzon Sekretaren e Shtetit që t'ia transmetojë këtë vendim Kongresit. Ai nuk jep hollësi të tjera.