Në pritje të 16 Shtatorit 2011

[Zero Cool]

KFOR: “STOP ose do t’ju qëllojmë”






Një ditë para se Qeveria të zbatojë planin operativ në veri të vendit për t’i marrë nën kontroll pikat kufitare në veri të vendit, duket se situata atje po eskalon.


Sipas medieve serbe, thuhet se KFOR-i tashmë ka mbyllur pikëkalimin kufitar Jarinje. Sipas raportimeve, thuhet se mbyllja e Jarinjes ka ndodhur rreth orës 20:00, raporton Zëri. Serbët e mbledhur në veri, kanë bllokuar pikën kufitare në Jarinje me kamionë pak kohë pasi KFOR-i mbylli atë vendkalim me tela me gjemba.

Mësohet se në barrikadat e KFOR-it janë vendosur mbishkrime në gjuhën serbe dhe në atë angleze: “STOP ose do t’iu qëllojmë”. Gjithashtu, janë vendosur reflektorë të fuqishëm në rrugët që çojnë në pikëkalimin në Jarinje, ndërkaq në prapavijë vërehen forca të shtuara të KFOR-it.

Ndërkaq, mësohet gjithashtu se serbët e veriut, pasi kanë mësuar se është mbyllur pikëkalimi në Jarinje, rreth orës 20:15, kanë bllokuar rrugën në vendin e quajtur Zupç dhe kanë vendosur barrikada para pikëkalimit Bërnjak.

Ndryshe, sot ka reaguar edhe Sekretari i Përgjithshëm i OKB-s, Ban Ki-moon, i cili u ka bërë thirrje të gjithëve që të përmbahen nga veprimet e njëanshme që mund të çojnë deri në eskalimin e gjendjes në rajon.

[Llapi]

Daçiqi ulë kokën, “s’luftohet me tërë botën”


Publikuar: 15.09.2011 - 21:36Kralevë, 15 shtator – Ministri i Punëve të Brendshme të Serbisë, Ivica Daçiq vlerësoi sonte se paralajmërimi i kryeministrit të Kosovës Hashim Thaçi se nesër në pikëkalim,et kufitare Jarinje dhe Bërnjak do të vendosen doganierët kosovarë nuk paraqesin rrezik në aspektin e sigurisë për serbët e Kosovës, por në mënyrë simbolike tregojnë se bashkësia ndërkombëtare dëshiron të rrumbullakojë pavarësinë e Kosovës.

“Kjo është vazhdim i asaj që Thaçi e ka nisur vet, kurse tashti e bën me shtetet më të fuqishme në botë. Forca nuk lut Zotin dhe ne nuk mund të luftojmë me tërë botën. Andaj duhet me maturi dhe me koka të ftohta të zhvillohet betejë në shtigje të gjata”, tha Daçiq.

“As Kosova nuk do të fitojë pavarësinë zyrtare me vendosjen e një doganieri, as Serbia nuk do ta humbë Kosovën nëse vendoset një doganier”, sqaroi ai.

Ai e vlerësoi këtë si një situatë virtuale, në të cilën doganierët duhet me helikopterë të vijnë në punë çdo ditë, duke shtuar se “kjo gjë nuk mund të funksionojë”.

“Autoritet serbe me tanke, forca ushtarake e policore shumë herë kanë hyrë në Prishtinë, Prizren, Gjakovë, por me këtë nuk është përfunduar storja”, përkujtoi Daçiqi.

Sipas vlerësimit të tij, “kjo është shami e kuqe për sfidim, sepse Thaçi nuk dëshiron të bëjë luftë, por dëshiron që serbët të sulmojnë KFOR-in dhe EULEX-in dhe kësisoj të duket si luftë e serbëve me tërë botën”.

Në fund ai vlerësoi se bashkësia ndërkombëtare është jo e sinqertë dhe mban anën e shqiptarëve, por Serbia nuk ka zgjidhje, sepse “nuk ekziston tjetër Këshill i Sigurimit të Kombeve të Bashkuara, pos atij vendet anëtare të të cilit e kanë njohur pavarësinë e Kosovës”.

[Zero Cool]

00:00, doganierët fillojnë vendosjen në veri






(E plotësuar) Zëvendëskryeministri i Kosovës, Hajredin Kuci e ka bërë të ditur se policët dhe doganierët, të shoqëruar nga EULEX-i e KFOR-i do të fillojnë vendosjen në pikat kuftiare që pas orë 00:00, në pak minuta.

Ai ka thënë se 16 shtatori do të jetë një ditë e zakonshme për të gjithë, përfshirë edhe serbët. Sipas tij, askush nuk duhet të shqetësohet sepse thjesht qeveria po e bën punën e saj në vendosjen e rendit dhe ligjit në veri.

Ai ka thënë se cdo kush që e kundërshton planin, është kundër SHBA-së, BE-së dhe fuqive të mëdha. Sipas tij, ky plan do të zgjasë vetëm 6 muaj ndërsa më pas parashihen hapa të tjerë.

[Zero Cool]

ROSU mbërrin në bazën e KFOR-it, “Notting Hill”





(E plotësuar) Pjesëtaret e njësisë speciale të policisë së Kosovës dhe doganieret e Kosovës tanimë janë stacionuar në bazën e KFOR-it në Notting Hill në Mitrovicë, raporton KTV-ja.

Nga ana tjetër, po sipas këtij televizioni, pas orës 00 janë dëgjuar edhe të shtëna në veri të Kosovës.

Në ora 06:00 vendosen doganierët

Ministri i Brendshëm Bajram Rexhepi në një intervistë për KTV-në ka thënë se doganierët e Kosovës do të vendosën në dy pikat në veri pas orës 6 të mëngjesit.

Ai ka thënë se kjo do të ndodh në bazë të planit që është paraparë dhe ata do të përcillen nga KFOR-i dhe policë të EULEX-it.

Nga ana tjetër mësohet se serbët kanë bllokuar një autoblind të KFOR-it polak i cili ka pasur si destinacion bazën e tyre.

Kurse ka reaguar edhe shefi i diplomacisë çeke, Karel Schëarzenberg i cili ka thënë se në rast të trazirave në veri, fajtorë janë serbët.

“Gjithmonë fajtorë do të jenë serbët. Këtë e them nga përvoja”, ka thënë Shëarzenberg.

[deti_om :-)]

Postimi origjinal është bërë nga Zero Cool

ROSU mbërrin në bazën e KFOR-it, “Notting Hill”





(E plotësuar) Pjesëtaret e njësisë speciale të policisë së Kosovës dhe doganieret e Kosovës tanimë janë stacionuar në bazën e KFOR-it në Notting Hill në Mitrovicë, raporton KTV-ja.

Nga ana tjetër, po sipas këtij televizioni, pas orës 00 janë dëgjuar edhe të shtëna në veri të Kosovës.

Në ora 06:00 vendosen doganierët

Ministri i Brendshëm Bajram Rexhepi në një intervistë për KTV-në ka thënë se doganierët e Kosovës do të vendosën në dy pikat në veri pas orës 6 të mëngjesit.

Ai ka thënë se kjo do të ndodh në bazë të planit që është paraparë dhe ata do të përcillen nga KFOR-i dhe policë të EULEX-it.

Nga ana tjetër mësohet se serbët kanë bllokuar një autoblind të KFOR-it polak i cili ka pasur si destinacion bazën e tyre.

Kurse ka reaguar edhe shefi i diplomacisë çeke, Karel Schëarzenberg i cili ka thënë se në rast të trazirave në veri, fajtorë janë serbët.

“Gjithmonë fajtorë do të jenë serbët. Këtë e them nga përvoja”, ka thënë Shëarzenberg.

[Zero Cool]

Nis plani operacional në veri






1:35 / 16.09.2011

E plotësuar- Plani operacional për vënien në funksion të dy pikave kufitare në veri ka filluar të premten rreth orës 7.00 të mëngjesit, në koordinim me KFOR-in dhe EULEX-in.
Mësohet se detaje tjera nuk po bëhen të ditura, pasi po shqyrtohen modalitetet e vendosjes së doganierëve në dy pikat kufitare në veri.

Ndërkaq, serbët vazhdojnë t’i mbajnë të bllokuara rrugët, mirëpo deri të tani nuk raportohet për ndonjë incident.

Po ashtu mësohet se nga ora 7.00 janë duke u vërejtur fluturime të shpeshta të helikopterëve për të pasur gjendjen nën kontroll.

E plotësuar- Ndryshe, zëvendëskryeministri i vendit Hajredin Kuçi në një bisedë në RTK ka thënë se janë të përkushtuar që këto pika të kthehen në pika normale doganore.

Ai me këtë rast tha se veprimet lidhur me veriun kanë qenë veprime të menduara mirë dhe jo të rastësishme. Sipas tij, zgjidhja e këtij problemi do të zhbllokojë jo vetëm një oazë të krimit, por edhe të shkaktimit të tensioneve.

Kuçi vlerësoi se vënia e pikave kufitare në veri nën kontroll është vetëm fillimi, pasi ka ende punë në zhbllokimin e rrugëve, funksionimin e gjykatave, përballja me njerëzit që kanë shkelur ligjin.

Zëvendëskryeministri tha se plani operacional është i menaxhuar direkt nga kryeministri, ndërkaq është i hartuar nga ekspertët dhe i harmonizuar me KFOR-in dhe EULEX-in.

Ai tha se sa më aktiv të jenë me bashkësinë ndërkombëtare do të ketë rezultate më të shpejta.

E plotësuar- Plani operacional për vënien në funksion të dy pikave kufitare në veri ka filluar të premten në orët e hershme të mëngjesit, ashtu sikurse ishte paralajmëruar pak orë përpara nga kryeministri Hashim Thaçi. KFOR-i është vënë në gjendje gatishmërie në Bërnjak dhe Jarinje, ndërkohë që në çdo çast pritet që Policia e Kosovës të dërgojë atje edhe doganierët. Nga ana tjetër, struktura kriminale serbe të nxitur nga Beogradi, kanë ngritur barrikadat me qëllim të pengimit të vendosjes së rendit dhe të ligjit në këtë pjesë të Kosovës.

Serbët e mbledhur në veri, kanë bllokuar pikën kufitare në Jarinje me kamionë pak kohë pasi KFOR-i mbylli atë vendkalim me tela me gjemba. I ashtuquajturi ministër për Kosovën në Qeverinë e Serbisë, Goran Bogdanovic dhe shefi i delegacionit serb në bisedimet me Kosovën, Borislav Stefanovic, janë nisur për në Kosovë për t’i mbështetur serbët lokalë në përpjekjet e tyre për t’i penguar forcat e autoriteteve kosovare që të vendosen në pikat kufitare në veri.

Por në barrikadat e KFOR-it janë vendosur mbishkrime në gjuhën serbe dhe në atë angleze: “STOP ose do t’iu qëllojmë”. Gjithashtu, janë vendosur reflektorë të fuqishëm në rrugët që çojnë në pikëkalimin në Jarinje, ndërkaq në prapavijë vërehen forca të shtuara të KFOR-it. Për këtë veprim KFOR-i e ka bekimin edhe të Sekretarit të Përgjithshëm të NATO-s, Anders Fogh Rasmussen, i cil tha të enjten në Prishtinë se forca paqeruajtëse do të reagojë nëse vjen deri te rrezikimi i sigurisë dhe paqes në veri të Kosovës.

Ndërsa kryeministri Hashim Thaçi në një konferencë të jashtëzakonshme për media, të enjten në mbrëmje, ka njoftuar se policët dhe doganierët e Republikës së Kosovës, në bashkëpunim me EULEX-in dhe KFOR-in, do të fillojnë të premten implementimin e planit operacional në pikat kufitare 1 dhe 31, respektivisht në Bërnjak dhe Jarinje. “Askush nuk ka nevojë të shqetësohet, por të vazhdojnë jetën e tyre normale në shtëpitë e tyre”, ka thënë kryeministri duke shtuar se “të shqetësuar janë vetëm shkelësit e ligjit, ata që kanë zaptuar jetën e qytetarëve tanë, ata që kanë krijuar struktura ilegale, kriminale dhe të dhunshme”, ka thënë ndër të tjera kryeministri Thaçi. /Telegrafi/

Postimi origjinal është bërë nga deti_om :-)

[Zero Cool]

Churkin, Hoxhajt: Nuk ke të drejtë të flasësh





9:11 / 16.09.2011

I padurueshëm, skandaloz dhe i shqetësuar ambasadori rus në OKB, Vitaly Churkin.
Kur ministri i jashtëm Enver Hoxhaj ishte në mesin e adresimit para mediave (pas orës 03:00 sipas kohës sonë), Churkin u afrua tek vendi i press konferencave.

“Nuk ke të drejtë të jesh aty dhe të flasësh pa prezencën e UNMIK-ut”, tha ai nga korneri. “Nuk mendoj kështu”, u përgjigj ministri Hoxhaj dhe vazhdoi të marrë pyetje të gazetarëve, raportojnë mediat.

Kur përfundoi çfarë pati për të thënë, Hoxhaj u nis andej nga ishte Churkini. Ia zgjati dorën e qeshi me aktin e tij. Ai i tregoi prapë se nuk ishte mirë çfarë bëri dhe pastaj foli vetë.

Churkin tha se i respekton përfaqësuesit e Prishtinës dhe gjithmonë i dëgjon me vëmendje kur vijnë e flasin në OKB, por ata në ndërtesën e OKB-së nuk mund të flasin pa prezencën e UNMIK-ut. Sipas tij, askush nuk u tregon çfarë të bëjnë në restorantet apo parqet e Nju Jorkut, por në OKB ka rregulla.

Pas pyetjeve të vazhdueshme të gazetarëve kosovarë, Churkin u nervozua. “Ishte thjesht këshillë miqësore. Nuk është se e grushtova zotin Hoxhaj”, tha ai.

Churkin pranoi se është i shqetësuar sepse nuk mori përkrahjen për Serbinë të anëtarëve të tjerë të Këshillit të Sigurimit.

[Zero Cool]

Policia dhe doganierët vendosën në pikat kufitare








Nga Express më 16 shtator 2011 në ora 09:23


(E plotësuar) Burime të Kosovapress-it bëjnë të diture se të premten rreth orës 8.30, Policia e Kosovës dhe doganierët e Kosovës janë vendosur në dy pikat kufitare 1 dhe 31. Sipas këtyre burimeve vendosja e tyre është bërë më helikopter të KFOR-it.

Po ashtu serbët po vazhdojnë të qëndrojnë në barrikada afër dy pikave kufitare, por në një distancë të madhe, pasi KFOR-i i ka shpallur zonë ushtarake të dy pikat dhe i ka paralajmëruar serbët që të mos afrohen.

Serbët fillojnë protestën

Gazetari i Express në Mitrovicë, ka bërë të ditur se në orët e hershme të mëngjesit serbët kanë filluar që të mblidhen afër urës së Ibrit.

Rreth 300-40 serb kanë filluar protestën e tyre, përderisa një numër i madh i policive shqiptarë janë në anën tjetër të urës që ndanë qytetin verior kosovarë.

Ende nuk ka lajme se a janë vendosur policët kosovarë në Pikat 1 dhe 31 sipas planit që e ka paraparë edhe qeveria e Kosovë.

Kurse sipas agjencisë së lajmeve Kosovapress, në këtë protestë janë duke marrë pjesë qindra nxënës, arsimtarë, punëtorë të organizatave të ndryshme në veri të Mitrovicës, të cilët kanë llokuar urën kryesore mbi lumen Ibër, duke protestuar kundër shtrirjes së pushtetit të institucioneve të Republikës së Kosovës në mbarë territorin.

Kryetari paralel në veri të Mitrovicës, Kerstimir Pantic ka thënë se sot qytetarët serbë po protestojnë duke porositur shqiptarët dhe bashkësinë ndërkombëtare se nuk dëshirojnë të integrohen në ashtuquajturat institucione të Kosovës.

“Nuk ka forcë që do të shty serbët që të gjunjëzohen dhe ata do të qëndrojnë të qetë deri në realizmin e kërkesave të tyre”, ka thënë Pantiq.

Protesta është duke u zhvilluar e qetë, ndërsa po përcillet nga Policia e Kosovës e stacionit të veriut dhe karabinierët italianë.

Ndërkohë, gazetari i Express ka thënë se helikopter janë duke fluturuar në Mitrovicë ku edhe besohet se janë duke u dërgur doganierët kosovarë në dy pikat kufitare, 1 dhe 31.

[Llapi]

Rexhepi: Operacioni u zhvillua pa problem


Publikuar: 16.09.2011 - 09:46Prishtinë, 16 shtator – Ministri i brendshëm i Kosovës Bajram Rexhepi i deklaroi Tanjug-ut se në kalimet kufitare me Serbinë në veri të Kosovës qysh sot në mëngjes ndodhen pjesëtarët e policisë dhe të doganave të Kosovës bashkë me pjesëtarë të EULEX-it.

Ministri Rexhepi tha se operacioni u bë pak para orës 8 dhe se nëpunësit e policisë dhe të doganave , bashkë me pjesëtarë të EULEX-it, u transportuan në pikëkalimet Jarinje dhe Bërnjak me helikopterë nga baza e KFOR-it në Leposaviq.

EULEX-i do të kryejë pjesën operative të punëve në vendkalime, kurse nëpunësit kosovarë do të kenë rol teknik.

[uck_aksh]

vetem duhesh me qen i vendosur ska kush te ndal ne token tende kjo qe po ndodh tash ish dasht me ndodh menjeher kur kan hy forcat e natos po vrapuan mbas karrigave dhe pasuris i lan ushtaret e UCK pa komanda dhe i shperndan per tri dit edhe pse shum pjestar u munduan te veprojn ne grupe u arrestuan nga KFOR_i dhe u burgosen e sod akuzohen po nga ky shtet dhe nga keto qeveri qe 12 vite jan ne burgje dhe pa kurrfar akuze vetem qe dyshohet per vrasje te nje shkine 90 vjeqare 12 vite paraburgim kjo ndodh vetem tek ne
po thuhet pse ka shum vdekje nga infakti te rinjeve ne Kosov, normal qe ka se gjithmon duke menduar per humbjen e shum njerzve gjat luftes, trathtia mbas luftes, jetesa ne varferi te skajshme, jeta per qdo dit me strese dhe nervoza,

[Zero Cool]

Thaçi: U kry aksioni





Nga Express më 16 shtator 2011 në ora 09:23
(E plotësuar) Kryeministri Hashim Thaçi ka konfirmuar vendosjen e doganierëve në Veri në mënyrë të suksesshme dhe u ka bërë thirrje të të qytetarëve të Kosovës për qetësi dhe maturi.

Në mbledhjen e jashtëzakonshme të Qeverisë, Thaçi i ka informuar të gjithë ministrat për aksionin e Qeverisë, i cili është mbështetur nga KFOR’i, EULEX’i dhe vendet e Quntit.

“Ky ishte një informim i vendosjes së doganierëve në Veri në mënyrë të suksesshme”, ka thënë Thaçi para anëtarëve të Qeverisë.

Shefi i Qeverisë e ka përsëritur se vendosja e rendit dhe ligjit në Veri nuk është drejtuar kundër qytetarëve, por është respektim i Kushtetutës dhe ligjeve të Kosovës.

“Barrikadat janë pengesë për të ardhmen zhvillimore dhe evropiane”, ka thënë Thaçi.

Ai ka falënderuar KFOR’in, EULEX’in dhe të gjitha vendet e Quintit, që e kanë përkrahur aksionin e Qeverisë për vendosjen e doganierëve në Veri.

Veç kësaj, Thaçi e ka falënderuar edhe Këshillin e Ministrave të Bosnjë Hercegovinës për njohjen e Vulave të Doganave të Kosovës.

Bogdanovic: Do të kundërshtojmë veprimet e Prishtinës

Ministri për Kosovë në Qeverisë së Serbisë, Goran Bogdanovic ka mbajtur një konferencë për gazetarë afër urës kryesore mbi lumin Ibër, me ç’rast ka theksuar se serbët do të kundërshtojnë fuqishëm veprimet e njëanshme të Prishtinës, e cila fatkeqësisht po përkrahet nga bashkësia ndërkombëtare.

Bogdanovic është bashkuar me grupin e serbëve protestues të cilët po qëndrojnë tek bllokada afër urës kryesore në Ibër dhe nuk po lejojnë qarkullimin në atë pjesë.

Ministri serb u tha gazetarëve se ka ardhur në Mitrovicë për të bërë të ditur mesazhin e Qeverisë së Serbisë se janë të papranueshme veprimet e njëanshme të Prishtinës.

“Kemi pasur mjaft luftëra dhe konflikte, andaj do të kundërshtojmë në mënyrë të qetë këto veprime të njëanshme të Prishtinës. Serbia nuk mund të lejojë krijimin e shtetit të Kosovës brenda territorit të serb, por fatkeqësisht Kosova e ka përkrahjen ndërkombëtare në këtë rast”, ka thënë Bogdanovic.

Ndërkaq ashtu si ka raportuar më parë Kosovapress, sipas planit të qeverisë Policia e Kosovës, doganierët dhe EULEX-i janë të vendosur në pikat kufitare 1 dhe 31. Problem tash mbeten barrikadat afër dy pikave kufitare dhe ato nëpër rrugët e veriut. Mbetet të shihet se si do të rrjedh operacioni më tutje për vendosjes e rendit e ligjit në atë pjesë të Kosovës.

Mblidhet Qeveria e Kosovës

Kryeministri Hashim Thaçi pritet që të mbledh qeverinë e tij në orën 12:00.

Mbledhja mbahet pas vendosjes në pikat doganore 1 dhe 31 të Policisë dhe doganierëve të Kosovës.

Në mbledhje pritet që të diskutohet edhe për situatën në veri.

[Zero Cool]

Ultranacionalistët: Të shkojmë në Kosovë





Deputetët e Partisë Radikale të Serbisë së bashku me disa anëtarë të partisë dhe përfaqësues të grupeve ultra nacionaliste janë nisur drejt Kosovës për të mbështetur serbët në veri dhe ata në barrikadat e vendosura.

Deputetët radikal janë nisur në mënyrë të organizuar dhe së bashku me ta janë nisur edhe Mlladen Obradovic, udhëheqës i grupit Obraz, një grup ultranacionalist i dyshuar në opinion si kryesues i grupeve huligane dhe nacionaliste për djegien e kryeqytetit serb disa herë gjatë viteve të fundit për shkak të situatës në Kosovë dhe po ashtu të ambasadave gjatë shpalljes së pavarësisë.

Dragan Todorovic, shef i grupit parlamentar të radikalëve, ka deklaruar se nuk do të futen në konflikt me pjesëtarët e KFOR-it në rast se hyrja e tyre në Kosovë pamundësohet.Vizitën e tyre në Kosovë e kanë premtuar grupe të ndryshme parlamentare nga opozita, ndërkaq Këshilli për Kosovën në Kuvendin e Serbisë ka deklaruar se do të mbaje mbledhjen e saj në pikëkalimet kufitare, ndonëse mund të mos jenë të gjithë. Gjatë tërë kohës mediat serbe kanë raportuar për serbët që qëndrojnë në barrikada gjatë tërë natës dhe qëndrimin e tyre për të mbrojtur vendin. Kjo, është konsideruar si dita D për Mitrovicën

[Zero Cool]

Zjarr në Jarinë





(E plotësuar) Në pikën kufitare në Jarinë, rreth orës 13, është përhapur një zjarr i vogël, mirëpo ende nuk dihen arsyet e këtij zjarri. Zjarri është përhapur në mes të telave me gjemba dhe barrikadave të pjesëtarëve të KFOR-it, mirëpo ata nuk kanë reaguar ta shuajnë.

Ndryshe, siç raportojnë mediet serbe, përkrahësit e SRS-së (Partisë Radikale Serbe), të cilët nuk u lejuan të hyjnë në Kosovë nga KFOR-i, kanë hequr mbishkrimet e vendosura nga KFOR-i, ku shkruante “Ndaluni, ose do të qëlloheni”.

[Zero Cool]

Radikalët hynë ilegalisht në Kosovë


(E plotësuar) Deputetët e SRS-së (Partia Radikale Serbe), të cilët sot në mëngjes u nisën drejt Mitrovicës për t’u dalë në ndihmë qytetarëve serbë në veri të qytetit, kanë hyrë në Kosovë përmes “rrugëve alternative”, raporton B92.

Më herët, ata u ndaluan në Jarinjë, sikurse edhe në Bërnjakë, nga pjesëtarët e KFOR-it, pasi që kjo pikë kufitare është e mbyllur nga KFOR-i dhe e bllokuar në anën tjetër nga serbët. (Zëri)

[Zero Cool]

Gjermania mbështet kontrollin e doganave





13:17 / 16.09.2011

Zëvendësministri i Jashtëm gjerman, Werner Hoyer, ka ftuar të gjitha palët në Kosovë që t’i kontribuojnë uljes të tensioneve dhe t’i shmangen rrethanave që mund të nxisin konflikt.
Hoyer ka thënë se fakti se “misioni evropian i drejtësisë, EULEX, ka marrë kontrollin e doganave, është hap i rëndësishëm për qarkullimin e lirë të mallrave dhe normalizimin e raporteve të Kosovës dhe Serbisë”.

Ai i fton palët të jenë të qeta, që të shmangen nga gjithçka që sjell konflikte, dhe të qëndrojnë në rrugën e qetë të zbatimit të marrëveshjes së arritur me dialog.