Tre të vdekur e 144 të plagosur nga shpërthimet në Boston

[natyra]

Pasiqe u perpoqa per nje "Titull" te tille,nese dikush e ka bere me pare lidhur me "Tragjedin ne Boston te SHBA-s!(por nuk arrijta te shoh)

Tre të vdekur e 144 të plagosur nga shpërthimet në Boston



Publikuar: 16.04.2013 - 08:35Boston, 16 prill - Tre persona janë vrarë dhe dhjetëra të tjerë janë plagosur nga dy shpërthime që kanë goditur të hënën vijën e finishit në Maratonën e Bostonit.

Mediet amerikane raportojnë për së paku 144 të plagosur, 25 nga të cilët në gjendje kritike për jetën.

Presidenti i Shteteve të Bashkuara, Barack Obama, është zotuar se përgjegjësit e krimit do të sillen para drejtësisë.

“Ne ende nuk e dimë se kush e ka bërë këtë ose përse, andaj njerëzit nuk duhet të bëjnë konstatime para se t’i kemi të gjitha faktet. Por, ne do të merremi me këtë, do ta gjejmë se kush e ka bërë dhe pse e ka bërë. Të gjithë individët përgjegjës, të gjitha grupet përgjegjëse do të ndjejnë peshën e drejtësisë”, ka thënë presidenti Obama, duke u bërë thirrje qytetarëve të Bostonit “që të qëndrojnë të bashkuar dhe të kujdesen për njëri-tjetrin”.

Shpërthimet kanë qenë të njëpasnjëshme dhe kanë ndodhur rreth dy orë pasi fituesit kanë arritur në cak, përkatësisht rreth orës 14:50, sipas kohës lokale.

Një shpërthim i tretë është raportuar në bibliotekën presidenciale John F. Kennedy, disa kilometra larg maratonës, por nuk është e qartë nëse ai ka lidhje me dy të parët.

Shpërthimet kanë shkatërruar atmosferën e njërës prej ngjarjeve më të mëdha sportive në Shtetet e Bashkuara, duke shkaktuar panik dhe konfuzion.