Kronika e zeze

[Ylli-1]

Pedofili kriminel e dhunoi dhe mbyti 6-vjeçaren (Video)

Publikuar: 21:39 / 18.12.2013



Kamerat për mbikëqyrje të sigurisë në rrugë në Bangkok të Tajlandës, kanë xhiruar një pedofil derisa mbante për dore gjashtëvjeçare Atitaja Pehdon, të cilën e thërrisnin “Cartun” (Film vizatimor), vetëm pak çaste para se ta dërgonte atë në një truall të braktisur, ku e kishte përdhunuar seksualisht dhe e kishte ngulfatur deri në vdekje.

Në bazë të xhirimeve është vërtetuar se bëhet fjalë për personin i cili edhe më parë ishte dënuar për kidnapim të fëmijëve, njeriun pa dokumente i cili është rritur jetim, i njohur për policinë me emrin Nui.

Ai e kishte joshur vogëlushen me ëmbëlsira nga kombibusi, ku e kishte lënë i ati që të flinte, derisa ai kishte shkuar të përcillte finalen e një gare në muzikë.

I kishte premtuar se do t’i blinte ëmbëlsira dhe e kishte marrë për dore nëpër qytet, duke e dërguar deri në një truall të mbushur me barishte të gjata.

Aty ai kishte provuar ta dhunojë seksualisht, por meqë ajo kishte rezistuar fuqishëm, atëherë e ngulfat vajzën pastaj e përdhunon.

Zhdukjen e vogëlushes e kishte paraqitur e ëma, menjëherë pasi i ati i saj kishte pranuar se i kishte humbur vajza.

Pas arrestimit, Nui ka pranuar kidnapimin dhe vrasjen edhe të 10 fëmijëve të tjerë, kurse policia tash është duke zhvilluar hetimet dhe duke ndjekur gjurmët e pranimit të veprës nga i dyshuari.

Pedofili kriminel, si punëtor ndihmës kishte shoqëruar një grup muzikor i cili kohë më parë kishte bërë një turne pothuaj në tërë vendin, prandaj policia po heton zhdukjen eventuale të fëmijëve në të gjitha vendet ku ka qëndruar grupi muzikor.

Në Tajlandë çdo vit paraqitet numër i madh i rasteve të zhdukjes së njerëzve, por policia kryesisht nuk ka kapacitete njerëzore për hetim të detajuar, madje as kur bëhet fjalë për zhdukjen e fëmijëve.

Pamjet e xhiruara të kidnapimit kanë elektrizuar opinionin vendor dhe kanë alarmuar për situatën. Policia mbrëmë ka organizuar konferencë shtypi në të cilën janë prezantuar detajet e rastit, derisa kryerësi i veprës monstruoze ka shprehur pendim, ose të paktën ka provuar të aktrojë pendimin.

“Ju kërkoj falje prindërve. Nuk kam dashur ta bëj atë që e kam bërë”, ka deklaruar ai para kamerave. /Telegrafi/

http://www.youtube.com/embed/NDzwz_dQhGo

[Zero Cool]

Vritet 15 vjeçari në Prishtinë


Prishtinë, 08.01.2014

Një i ri 15 vjeçar është vrarë sot rreth orës 12:20 në rrugën “Ilir Konushevci” në Prishtinë, pranë shkollës fillore “Emin Duraku”.

Rastin për Zëri e ka konfirmuar Flora Ahmeti, zyrtare për informim në Policinë e Kosovës. Ajo nuk ka dhënë detaje rreth rastit, dhe ka thënë se njësitet përkatëse të policisë janë në vendin e ngjarjes.



15 vjeçarin dyshohet se e vranë për hakmarrje



08.01.2014

F.K. dyshohet se është vrarë për motive të hakmarrjes. Burime të Express thonë se në nëntor të viti 2012 babai i viktimës që ndodhet në paraburgim ka vrarë një person në fshatin Mazgit. Dyshohet se familjarët e të vrarit në Mazgit janë dorasit që kanë shtënë sot në viktimën, 14 vjecarin F.K.

Trupi i viktimës është ende në oborrin e shkollës, në vendin e ngjarjes, dhe aty janë njësitet e Mjekësisë Ligjore.

Djaloshi i vrarë dje kishte ardhur nga Suedia, të plagosur edhe dy të tjerë

Pos të riut rreth 15 vjeçar, që është vrarë sot në mesditë në oborrin e shkollës “Emin Duraku”, në Prishtinë, Klan Kosova mëson se edhe dy persona të tjerë kanë mbetur të plagosur.

I vrari sipas burimeve të televizionit është F.K, dhe në Kosovë ka ardhur dje nga shteti i Suedisë.

Gazetarja e Gazetës Express nga vendi ngjarjes thotë se i vrarë ka qenë nxënës i shkollës “Emin Duraku”, por ka emigruar para një kohe me familjen në Suedi.

Vritet një 14 vjeçar në Prishtinë

Një 14 vjeçar është gjetur i vdekur në afërsi të Shkollës Fillore “Emin Duraku” në Prishtinë.

Ai dyshohet se është vrarë, por policia ende nuk i di rrethanat se si ndodhi ky krim i rëndë.

“Ne jemi njoftuar se ka ndodhur një plagosje, por njësitet policore kanë gjetur trupin e pajetë të djaloshit kur kanë mbërritur në vendin e ngjarjes, në rrugën Ilir Konushevci”, ka thënë për Express një Zëdhënëse e Policisë.



Jeta e qytetarëve në rrezik



Burim Ramadani i AAK’së thotë se krimi në Kosovë ka marrë përmasa shqetësuese dhe po rrezikon jetën e secilit qytetar. Sipas tij, përgjegjësia qeverisëse nuk ndërlidhet vetëm me privilegjet dhe benefitet e disa njerëzve.


Sekretari i Përgjithshëm i AAK’së, Burim Ramadani ka reaguar pas lajmit për vrasjen e një 14 vjeçari sot në Prishtinë, në afërsi të shkollës fillore “Emin Duraku”.

Sipas Ramadanit, krimi në Kosovë ka marrë përmasa shqetësuese dhe po rrezikon jetën e secilit qytetar.

Ai thotë se qeveria ka përgjegjësi për të krijuar mjedis të qetë dhe të sigurt në vend.

“Lajmi për vrasjen e një nxënësi 16 vjeçar sot në Prishtinë është dhimbje e madhe jo vetëm për familjen e tij, por për tërë shoqërinë kosovare”.

“Siguria njerëzore në Kosovën e vitit 2014 është në nivel shqetësues. Ky është pasqyrim i vërtetë i situatës në të cilën ndodhet shteti dhe qytetarët e Kosovës”.

“Përgjegjësia qeverisëse nuk ndërlidhet vetëm me privilegjet dhe benefitet e disa njerëzve. Përgjegjësia qeverisëse ndërlidhet plotësisht me obligimin e krijimit të një ambienti të sigurt, të qetë dhe stabil të jetës në Kosovë”.

“Në një vend ku krimi ka arritur në shkallë të lartë, e tashmja nuk është e qëndrueshme dhe e ardhmja është e rrezikuar”.

“Vjedhjet e shtëpive/banesave, veturave, lokaleve afariste, bankave, filialeve të postës, dhuna në shkolla, grabitjet dhe plaçkitjet janë shpeshtuar jashtëzakonisht shumë”.

“Kjo dëshmon për mungesë të sigurisë njerëzore. Kjo dëshmon për mangësi të mëdha në udhëheqjen e sektorit të sigurisë në Kosovë”, ka komentuar Burim Ramadani.

[Zero Cool]

Ushtari austriak dyshohet për përdhunim të tri kosovareve



21.02.2014

Të enjten në Klagenfurt të Austrisë është dashur të mbahej gjykimi ndaj një ish-ushtari rezervist që kishte shërbyer në Kosovë, i akuzuar për përdhunim dhe detyrim seksual të tri femrave kosovare në kohën sa ka qëndruar atje.

Por, për shkak të një lëshimi teknik, harresës për të ftuar gjyqtarët porotë (laikë), procesi u desh të shtyhet për një kohë të pacaktuar.

Ish-nënoficeri, 37-vjeçar, sipas akuzës gjatë viteve 2009 e 2010 kishte detyruar femrat e Kosovës për veprime seksuale.

Për të marrë pjesë në këtë proces kishin ardhur dëshmitarët enkas nga Kosova. Për shkak të dështimit, ata u desh të ktheheshin në shtëpi pa mbaruar punë.

Përdhunim, detyrim seksual, shfrytëzim të pozitës, pastaj kërcënim dhe lëndim trupor, të gjitha këto vepra penale përfshihen në aktakuzën ndaj austriakut.

Forcat e armatosura të Austrisë (Bundesheer) menjëherë pas bërjes së njohur të akuzave, në vitin 2011, kishin ngritur padinë penale kundër ushtarakut.

Tri viktimat kishin qenë të punësuara si staf lokal, në shërbim të nënoficerit austriak, i cili ishte i angazhuar në punë administrative në kampin e ushtarëve të Austrisë.

/albinfo/