Mos e lëpij të pështyren, Shqiptar thuaj JO zgjedhes së nënshtrimit

[Gjergj Elez Alia]

Shqiptarët po i përdhosin, po ua rrëmbëjn territoret e tyre, po i rrafin e shajn, cenojn e kushtëzojn, po u mbajn zgjedhje në territor të tyre dhe askush nuk po tronditët nga ky kushtëzim sovraniteti.

I pari do jetë Kryeministri i Kosovës një javë më parë që mori guximin dhe tha:
"Në rastë ndarjeje të Kosovës, Shqiptarët do të duhej të jetonin në një Shtet".
Për ta korigjuar pak orë më vonë zëvendësi dhe njëherit këshilltari kryesor e miku më i ngusht i tijë Hajredin Kuqi me një JO të fuqishme.
Pasuar më vonë nga i gjithë spektri politik Shqiptar gjithandej me moton "kshtu si jemi mirë nuk jemi, por ndryshe s'bon".
Nga Tirana ka kohë që i kan kapluar ethet e frigës nga vdekja.

Një përjashtim të vogël bënë këtu një djalosh që nuk e lëpin të pshtyren e vetë,përkundër presionit ndërkombtar dhe thotë:


Lideri i lëvizjes Vetëvendosje, Albin Kurti, duke folur rreth situatës politike dhe ekonomike në vend, ritheksoi edhe njëherë se popullit i duhet zhvillim ekonomik, ndërsa Kosova nuk ka nevojë që t`i ndryshohet emri dhe t`i vihet në dyshim shtetësia. Sipas Kurtit, Kosova, po as Serbia nuk janë shtete normale, ndërsa dialogun në Bruksel ai e quajti proces të normalizimit të raporteve ndërmjet këtyre dy vendeve.

“Kosova nuk është shtet normal, sepse është shtet i dobët me protektorat ndërkombëtar e pa ushtri të vetën, me Mitrovicën e ndarë dhe me varfërinë më të madhe ne Evropë. Por, as Serbia nuk është shtet normal, sepse ajo nuk distancohet dhe as nuk ballafaqohet me të kaluarën e saj kriminale dhe nuk heq dorë nga strukturat ilegale në Kosovë dhe nga planet antishqiptare të saj”, tha Kurti.

Ndërsa, rreth paralajmërimit të Serbisë për mbajtjen e zgjedhjeve në Kosovë, lideri i Vetëvendosjes tha se me këtë gjest, Serbia po ia dikton agjendën e saj të brendshme Kosovës dhe po e i jep guxim Maqedonisë për të ushtruar terror ndaj shqiptarëve atje.

“Për të qenë edhe më keq se kaq, dobësimi i shtetit të Kosovës duket se po e trimëron edhe Qeverinë e Maqedonisë me ekspeditat e saj shoviniste antishqiptare kundër shqiptarëve autokton në Maqedoni”, potencoi Albin Kurti.

Kurti, veç tjerash, kritikoi Qeverinë e Republikës së Kosovës edhe për privatizimin, siç tha ai, të dështuar, ngecjen e zhvillimit ekonomik në vend, rritjen e varfërisë, kompromiset e arritura me Serbinë, që sipas tij, Serbia ende po përfiton në kurriz të Kosovës.