Shtetet e Bashkuara të Amerikës

[uliksi31]

Fried: Nuk do të lejojmë ndarjen e Kosovës


Shtetet e Bashkuara e kundërshtojnë ndarjen e Kosovës, tha për Radion Evropa e Lirë ndihmës-sekretari i Shtetit, Daniel Fried. "Ky nuk është vetëm mendim i Shteteve të Bashkuara, por edhe i partnerëve tanë evropianë. Madje, edhe Rusia formalisht e ka hedhur poshtë ndarjen e Kosovës", tha ai.
“Ne e hedhim poshtë ndarjen e Kosovës. Ne e kemi njohur pavarësinë e Kosovës dhe atë tërë Kosovën; dhe, në të njëjtën kohë, kemi insistuar, ndërsa Qeveria e Kosovës është dakorduar se duhet të respektohen të drejtat e komunitetit serb”, ka shtuar Fried.
“Ka pasur dhunë që nga shpallja e pavarësisë së Kosovës, më vjen keq të them, nga radikalët brenda komunitetit serb në Kosovë dhe e cila, druaj se është nxitur edhe nga disa radikalë në Beograd, i cili për fat të keq është mjaft i papërgjegjshëm”.
Fried ka shprehur keqardhje për incidentin, siç e quajti ai, të madh, që ka ndodhur ditë më parë në Mitrovicë. “Paqeruajtësit e Kombeve të Bashkuara, forcat e Kombeve të Bashkuara dhe KFOR-i, forcat e NATO-s, u sulmuan me granata dhe armë automatike. Kjo erdhi nga radikalët serbë. Kjo ishte gjë e keqe”, u shpreh ai.
Megjithatë ai thotë se Serbia duhet të shohë përpara drejt të ardhmes evropiane të saj. “Unë shpresoj se do të shohë. Serbia ka të drejtë për një të ardhme evropiane. Populli i Serbisë nuk do të duhej të shtyhet në izolim. Barriera të vetme ndërmjet Serbisë dhe Evropës tash janë ato, të cilat serbët do t'i vënë në rrugën e tyre”, përfundoi Fried. /rel/telegrafi/

[lazdrani]

[uliksi31]

Wisner: Beogradi ta ndërpres prezencën ilegale në Kosovë



22/03/2008

Ambasadori amerikan, Frank Wisner i cili ishte përfaqësues në bisedimet për statusin e Kosovës deklaroi se është koha që Beogradi ta ndërpres praktikën e paarsyeshme të prezencës ilegale në Kosovë dhe të tregojë më shumë përgjegjësi, njofton korrespodenti i agjencisë së lajmeve INA.
Këto komente ambasadori amerikanë i bëri në një takim me përfaqësues të bisneseve në Nju Jork.
Wisner tha se ajo që ndodhi në Mitrovicën veriore ditë më parë, posaqërishtë dhuna, është e papranueshme dhe shumë shqetësuese që tejkalon gjithë parametrat e sjelljes së mirëfilltë për të shprehur bindjet politike, që edhe u dënua nga Komuniteti Ndërkombëtar.
“Humbja e jetës është e papranueshme dhe dhuna e treguar, ku Beogradi mbanë pjese të madhe të përgjegjësisë, duhet të ndalet menjëherë. Beogradi dhe Rusia, së bashku mbajnë përgjegjësi në ndaljen e dhunës dhe ta kenë të qartë se tërë komuniteti ndërkombetarë qëndron unik dhe kërkojnë përgjegjësi për një sjellje kaq të dhunshme kundër forcave të KB, të cilët janë aty për qëllime paqësore”, tha Wisner në një takim me përfaqësues të Organizatës së Profesionistëve dhe Ndërmarrësve të Rinjë, APEN dhe përfaqësues të komunitetit shqiptaro amerikanë.
Ai edhe njëher theksoi se pa zgjidhjen e statusit të Kosovës, nuk do të kishte paqe dhe stbilitet në Ballkanin Perendimor, dhe gjithësesi nuk do të kishte progres të këtij rajoni në drejtim të antarësimit në Bashkimin Europian, jo vetëm për Kosovën, Shqipërinë, Maqedoninë, por që të arrihet suksesi i Sllovenisë, Kroacisë, Bullgarisë, në Ballkanin Perendimor, duhet të inkuadrohet i tëri dhe të vazhdojë rrugën e nisur drejtë Europës.
“Në përcëptimin amerikan, Europa e lire, stabile dhe demokratike ishte e pa mundur po qe se Kosova lihej e pazgjidhur”, tha Wisner.
Ai më pas shtoi se njohja e pavarësisë nga Japonia dhe Kanadaja, i jep karakter më të gjerë njohjes së pavarësisë në sferën ndërkombëtare, ku bota e gjërë tani pret që Kosova, t'i tregoj botës se është e denjë për këtë. (B.Sina/INA)

[uliksi31]

Albright:Putin po pengon integrimin e shtetit të Kosovës



30/03/2008

Ish- sekretarja e Shtetit, Madeline Albright tha se, Kosova është model për botën, dhe është i vetëmi një shëmbull që na bënë të mendohemi në qëndrimin Amerikan, njofton agjencia e lajmeve INA.
Qëndrimin tha ajo që duhet të mbajm tash me Rusinë në presidencën e ardhshme të SHBA-së.
Këto komente Albright i bëri me rastin e 30 vjetorit të Qëndrës Ndërkombëtare të Drejtësisë "Dean Rusk "në Universitetin "Georgia School of Law" Dean Rusk".Madelin Albright u kujtojë pjesmarrësve në këtë eveniment se, Putini i cili nga kryetari i Rusisë, po bëhet kryeministër, s’duhet të harrojmë se kemi të bëjmë me një njeri që ka qënë i involvuar në agjentuart më famëkeqe të botës, si drejtor i KGB.
“Ai ka edhe shumë e shumë gjëra të tjera që tregojnë më së qartë karakterin e tij. Duke sfiduar dhe së fundi SHBA-të, me qëndrimin e tyre kundra pavarësisë së Kosovës, dhe mos njohjen e saj dhe pengimin me të gjitha mënyrat e futjes së shtetit të ri të Kosovës në Kombet e Bashkuara dhe integrimine saj si shtet në strukturat Euro Atlantike”, tha Zonja Albright.Në këtë annual historik morën pjesë Henry Kissinger, James Baker III, Warren Christopher, Madeline Albright dhe Colin Powell në një forum unikal i cili u moderuar nga modertori Terence Smith analisti i famëshëm amerikan i programit "The NewsHour with Jim Lehrer."
Panelet të cilat u trajtuan në këtë përvjetorë qenë : "Stabilizimi i Irakut, Bisedimet për Paqe në Lindjen e Mesme, Al Qaeda dhe militantët Islamik, Reforam e Emingracionit në SHBA, Inisiativa Gloabale, SHBA dhe Energjia, Imazhi i SHBA-së në Botë, Të Drejtat e Njeriut, Tregëtia e Lirë, Irani, Pakistani, Kanadaja, Rusia, Kina, dhe pika më interesante ishte Kosova e trajtuar nga ish- skeretarja e shetit Madeline Albright. (B.SINA/INA)

[Dilaver]

Bush: Ukraina do ta njohë pavarësinë e Kosovës

Kiev, 31 mars – SHBA-të shpresojnë se Ukraina do të njohë pavarësinë e Kosovës.
Kështu ka deklaruar presidenti amerikan George Bush në një intervistë dhënë revistës ukrainase "Glavred".
"Ne vërtet shpresojmë që Ukraina do ta njohë pavarësinë e Kosovës, siç kemi bërë ne", tha Bush...

[Dilaver]

- Në qarqet e Bashkimit Evropian dhe të SHBA-ve është duke u shqyrtuar mundësia që në aspekt afatgjatë për njohjen e pavarësisë së Kosovës të shfrytëzohet formula e pranimit të dy Koreve në OKB, në vitin 1991, edhe pse Rusia atëbotë pati qëndrim se nuk do të lejojë që një rast i tillë të përsëritet.
Agjencia e lajmeve AFP ka raportuar se ende nuk është duke u punuar strategjia konkrete, mirëpo mendimi i tillë shkon kah synimi që më shumë se gjysma e shteteve anëtare të OKB-së ta pranojnë pavarësinë e Kosovës, ndërsa më pastaj, në Këshillin e Sigurimit të OKB-së të arrihet pajtimi që për pranimin e Kosovës në këtë organizëm të vendosë Asambleja e Përgjithshme e OKB-së.
Mu kështu ka ngjarë edhe me rastin e dy Koreve në Këshillin e Sigurimit - ku nuk ishte arritur pajtimi për pranimin e Seulit dhe Pjon-Jangut në këtë organizatë - ishte arritur marrëveshja që për këtë çështje të vendoste Asambleja e Përgjithshme e OKB-së. Për një vendim të tillë nevojiteshin dy të tretat e votave të shteteve anëtare të OKB-së. Atëbotë Koreja Jugore është pranuar në OKB me emrin Republika e Koresë, ndërsa Koreja Veriore si Republika Demokratike Popullore e Koresë. Por, një gjë e tillë, tani për tani, sipas Brukselit, është vështirë të paramendohet se mund të arrihet në një të ardhme të afërt, kur bëhet fjalë për Kosovën. Madje, në Bruksel konsiderojnë se kjo mund të zgjasë vite me radhë. Burime diplomatike për agjencinë "Beta" bëjnë të ditur se nëse frenohet njohja masive e Kosovës, është e mundur që Kosova ta fitojë statusin e "territorit doganor", që do të mundësonte hyrjen e saj nëpërmjet "derës së vogël" në organizatat ndërkombëtare.
Nga viti 2006, 192 vende janë anëtare të Kombeve të Bashkuara. Sipas statutit të OKB-së (neni 2, paragrafi 4) pranimi i anëtarëve të rinj në OKB varet nga vendimi i Asamblesë së Përgjithshme me rekomandim të Këshillit të Sigurimit. Sipas parimit, vetëm shtetet sovrane mund të bëhen anëtare të OKB-së.
Njëkohësisht do të vazhdohet me strategjinë për mbetjen e UNMIKut dhe të KFOR-it në Kosovë, por edhe për vendosjen e misionit të EULEX-it, që ka synim të qartë shtrirjen e tij në tërë territorin e Kosovës.

[Fshatari]

E hapin sot, e martë 8 prill 2008, ambasadën e tyre në Kosovë:

"SHBA hap Ambasadën në Prishtinë
08.04.2008
Zyra e Shteteve të Bashkuara në Prishtinë sot do të shndërrohet në Ambasadë të Shteteve të Bashkuara.
Këtë ngjarje do ta shënojë një ceremoni e rastit, në të cilën do të marrin pjesë edhe udhëheqës të lartë kosovarë.
Që prej shpalljes së pavarësisë së Kosovës më 17 shkurt të këtij viti, në Prishtinë janë hapur Ambasadat e Shqipërisë, Britanisë së Madhe, Gjermanisë dhe Zvicrës."(Radio Europa e lirë)

[Arb]

Hapja e ambasadës së SHBA-ve, një fazë e re e përkushtimit të thellë amerikan në Kosovë, tha Kajdanou

Prishtinë, 8 prill Zyra amerikane në Prishtinë sot u ngrit në nivel Ambasade të Shteteve të Bashkuara në vendin tonë, gjatë një ceremonie në të cilën morën udhëheqësit më të lartë të vendit - Presidenti i Republikës Fatmir Sejdiu, Kryeparlamentari Jakup Krasniqi dhe Kryeministri Hashim Thaçi. E ngarkuara me punë në ambasadën e posahapur në Prishtinë, Tina Kajdanou, tha se si rrjedhojë e statusit të ri të Kosovës si vend i pavarur, i njohur nga shumë prej kombeve më të fuqishme dhe më të përparuara të botës, kanë marrë leja nga Kongresi i SHBA ve për të hapur formalisht si Ambasadë e Shteteve të Bashkuara.

"Gjersa Zyra e SHBA ve në Prishtinë ka funksionuar për shumë vite me të gjitha përgjegjësitë dhe detyrat e një misioni të zellshëm diplomatik, emërimi si ambasadë pasqyron një fazë të re në zhvillimin tonë dhe nënvizon përkushtimin tonë të thellë dhe të qëndrueshëm për të punuar për përparimin e Kosovës dhe popullit të saj", tha znj.Kajdanou në ceremoninë e hapjes. "Jam shumë krenare me atë që ky Mision ka arritur gjatë këtyre viteve, dhe jam posaçërisht krenare me punën e madhe dhe përkushtimin e stafit tim, si amerikan ashtu edhe vendor", vlerësoi znj. Kajdanou.

Me këtë rast znj.Kajdanou para të pranshmëve përcolli urimet e Qeverisë amerikane dhe të Sekretares së Shtetit Kondoliza Rajs, e cila kishte dërguar përshëndetjet e saja personale.

Nga ana e tij, Presidenti Fatmir Sejdiu në fjalën e tij tha se Kosova ka tashmë një histori të marrëdhënieve speciale me Shtetet e Bashkuara të Amerikës që janë farkuar nëpër kohë të stuhishme të ekzistencës sonë.

"Po mbushen 12 vjet që kur kemi një përfaqësim diplomatik të SHBA ve në Kosovë. Hapja e Zyrës amerikane më 6 qershor 1996, që u bë nga Nënsekretari amerikan i Shtetit Xhon Kornblum, ka shënuar vendosjen e pranisë amerikane në Kosovë në rrethana të veçanta. Ky shënonte një moment të rëndësishëm të marrëdhënieve të shkëlqyeshme në mes të Kosovës dhe SHBA ve, do të thoshte më 1996 Presidenti Ibrahim Rugova, i cili me të drejtë e quante këtë lidhje 'miqësi të përhershme' në mes të dy vendeve tona", theksoi Presidenti Sejdiu.

Presidenti Sejdiu shtoi se Presidenti amerikan George W. Bush, në letrën e tij të njohjes së pavarësisë së Kosovës, që ia ka dërguar të nesërmen pas shpalljes, përkujtonte "lidhjet e thella dhe të sinqerta të miqësisë që bashkojnë njerëzit tanë". "Kjo miqësi, theksonte Presidenti Bush, e farkuar gjatë orëve më të errëta të tragjedisë së Kosovës, është bërë edhe më e fortë në nëntë vitet që kur ka mbaruar lufta në Kosovë", theksoi Sejdiu, duke shtuar se me hapjen e Ambasadës së SHBA ve në Prishtinë, po kurorëzohet njëra pjesë e punës për vendosjen e marrëdhënieve të plota diplomatike në mes të Kosovës dhe SHBA ve.

Kryeministri Hashim Thaçi e ka cilësuar si ditë të veçantë hapjen e Ambasadës amerikane në Prishtinë. "Dita e sotme është e veçantë për ne sepse miku ynë i madh, SHBA të po avancojnë statusin e pranisë së tyre në shtetin tonë të ri. Por, dita e sotme nuk ka të bëjë vetëm me ndryshimin e këtij statusi, simbolika e kësaj ngjarje është evidente dhe historike", u shpreh Kryeministri Thaçi. Ndryshe, Shtetet e Bashkuara të Amerikës (SHBA) është në mesin e vendeve të para të botës të cilat e kanë njohur Kosovën shtet të pavarur dhe sovran dhe që po hap ambasadën e saj në Prishtinë.

QIK-u

[Fshatari]

Zëdhënësi i Departamentit të shtetit: Serbia nuk ka të drejtë të ingjerojë në punët e brendshme të një shteti sovran:

"SHBA: Nuk i takon Serbisë të bëj zgjedhje në Kosovë

Thirrjet për zgjedhjet lokale serbe në Kosovë, të organizuara nga Serbia, qeveria amerikane i ka quajtur të huaja për një shtet sovran, ndërkaq ka akuzuar për trazirat në Kosovë njerëzit dhe qeveritë jashtë saj, duke aluduar në Serbinë."…Ja vlen t'ua kujtojmë të gjithëve se Kosova është një shtet sovran dhe nuk i takon një shteti tjetër sovran që të bëj thirrje dhe të organizojë zgjedhje në një tjetër shtet sovran," tha zëdhënësi i Departmentit Amerikan të Shtetit, Sean McCormack.
Zëdhënësi më tej i pyetur për situatën në Kosovë ka theksuar se ishin të huajtë që kanë agjituar dhe shkaktuar dhunën."Ne kemi punuar shumë afër me Qeverinë e Kosovës dhe është përshtypja ime se njerëzit përgjegjës për çfarëdo agjitacioni janë vërtet ata që po vijnë nga jashtë. Pra nuk janë banorët e Kosovës ata që po shkaktojnë dhunën, por janë ata që po vijnë apo që po dërgohen nga jashtë, të cilët po shkaktojnë vështirësitë dhe trazirat në Kosovë," tha McCormack. Ishin këto edhe komentet ndaj një pyetje të ngarkuar të një gazetari grek, i cili mori edhe përgjigjen meritore nga zëdhënësi i Departmentit të Shtetit."Mendoj se vëmendja juaj është përqendruar gabim, i tha zëdhënësi. Ju duhet në radhë të parë të përqendroheni tek ata njerëz dhe tek qeveeritë jashtë Kosovës të cilët po mundohen të kavërdisin trazira në Kosovë", tha McCormack. /S.gashi/

Kjo është përgjigjeja në adresë të sollanës, i cili, para deputetve evropjan në Strasburg, deklaroi se serbia do të organizojë zgjedhje edhe në veriun e Kosovës, dhe huliganve të beogradit që përpiqen të kthejnë historinë "mrapsht".Një përgjigje të ngjashme artikuloi edhe ministri i jashtëm shqiptar, Basha, para sa ditë në afërsi të athinës :"Të gjitha përpjekjet tuaja për pengimin e pavarësisë të Kosovës kanë dështuar", i tha ai "ministrit serb(në largim)", jeremiçit.

[uliksi31]

Cilat janë preferencat e shqiptaro-amerikanëve në zgjedhjet presidenciale?



2008-a është një vit i rëndësishëm zgjedhjesh në Shtetet e Bashkuara. Cilat janë preferencat e shqiptaro-amerikanëve në këto zgjedhje? Kolegu ynë Ilir Ikonomi ndodhet nw Nju Jork ku bisedoi me ish anëtarin e Dhomës së Përfaqësuesve të kongresit amerikan Xhozef Dioguardi dhe përgatiti këtë reportazh.
Nga shtëpia e tij në Osining, shpaloset pamja madhështore e lumit të gjerë Hudson. Ish kongresmenin energjik të Nju Jorkut, Joseph DioGuardi e gjen vazhdimisht duke folur në telefon. Bashkëbiseduesit janë më së shumti personalitete të rangjeve të ndryshme, nga politikanët lokalë e deri te anëtarë të Kongresit amerikan.
Brenda në shtëpi, një mjedis i veçantë i kushtohet aktivitetit të tij politik. Ish kongresmeni ka kujtime me të gjithë presidentët amerikanë të 2-3 dekadave të fundit, nga Ronald Regani e deri te Xhorxh ë. Bushi. Sonte, zoti DioGuardi shkon për të ndihmuar një mikun e tij republikan, Greg Ball, i cili përpiqet të zgjidhet anëtar i Asamblesë së shtetit Nju Jorkut. Si njëri prej sponsorizuesve të këtij aktiviteti, zoti DioGuardi ka ftuar aty edhe një grup të rinjsh, studentë shqiptarë që banojnë në zonën veriore të shtetit Nju Jork. "I kam ftuar që ata të mësojnë se si funksionon procesi politik në Amerikë. Për të shkuar deri te zgjedhjet presidenciale, fillohet këtu, me zgjedhjet lokale. Eshtë me rëndësi që të rinjtë të përgatiten sepse për fat të keq, thotë zoti DioGuardi, sot për sot, në Kongresin amerikan nuk ka asnjë shqiptar".
Në aktivitet marrin pjesë rreth 200 të ftuar. Republikanët në Amerikë ndodhen këtë vit zgjedhjesh para një sfide të madhe. Përmes aktiviteteve si ky, ata do të përpiqen të bindin elektoratin se kandidati republikan Xhon Mekein është njeriu i duhur për në Shtëpinë e Bardhë. "Unë kam qenë me senatorin Xhon Mekein qysh në fillim. Mos harroni, kam qenë anëtar i Dhomës së Përfaqësuesve dhe ai po ashtu. Ne i thërrasim njëri-tjetrit me emër. Ai është për ne një mik i mirë. Ne nuk votojmë për zotin Mekein thjesht sepse ai i do shqiptarët. Ai është një hero amerikan, ka qenë rob lufte në Vietnam për 6 vjet. Nuk është nga ata që punon vetëm për partinë e tij. Në disa cështje, ai ka dalë edhe kundër republikanëve. Ai nuk kërkon rritje taksash por përpiqet për një ekonomi konkurruese në botë. Ai ka thënë se preferon më mirë të humbasë presidencën se sa të humbasë luftën në Irak. Unë jam dakord me të dhe mendoj se edhe shumë shqiptarë janë dakord," thotë zoti DioGuardi.
Zoti DioGuardi thotë se nëse President zgjidhet senatori Barak Obama, ai do t'i kuptojë dhe mbështesë çështjet e shqiptarëve. "Ne nuk kemi patur kohë ta përgatisim atë dhe ai nuk ka qenë aty kur ne kishim nevojë për të për problemet me Milloshevicin sepse ai është një senator i ri. Por si afrikano-amerikan, zoti Obama e di se cfarë është shtypja dhe jam i sigurt se pasi t'i njohë cështjet e shqiptarëve edhe ai do t'i mbështesë ato."
Zoti DioGuardi ka mobilizuar edhe biznesmenë shqiptarë që të kontribuojnë me para për këtë aktivitet të republikanëve. Zoti DioGuardi është ftuar të flasë edhe në një aktivitet tjetër.
Në distriktin Rokland, republikanët e zonës votojnë për drejtuesit e tyre të rinj. Ish kongresmeni shpjegon se përse sipas tij, do të ishte mirë për Amerikën nëse senatori Mccain zgjidhet president. Jemi në një vit të rëndësishëm zgjedhjesh dhe atmosfera e tyre ndihet kudo. //rd//

[uliksi31]

Dita e Pavarësisë së SHBA-ve - Ditëlindja e Amerikës

04/07/2008

BEQIR SINA/INA, New York

Sot, është 4 korriku, Dita e Pavarësisë në Shtetet e Bashkuara. Më 4 korrik të vitit 1776, 56 përfaqësues të 13 kolonive britanike të Amerikës Veriore, deklaruan, se me autoritetin e popullit, ata po krijonin një komb të ri.
Do të duheshin edhe 6 vjet të tjerë luftë me Britaninë, në atë kohë fuqia më e madhe ushtarake e botës, para se të fitohej pavarësia e Amerikës nga ai vend. Më 1782, Shtetet e Bashkuara të Amerikës ishin ende larg bashkimit. Ato ishin në fakt, një konferderatë e paqëndrueshme, me një qeveri qendrore të dobët. Fuqinë e vërtetë e kishin qeveritë e sheteve të ndryshme.
Por shtetet ishin shumë të ndryshme nga njeri tjetri, përsa i përket praktikave fetare, opinionit politik dhe interesave ekonomike. Ato kishin vendosur tarifa dhe barriera tregtare ndaj njëri tjetrit. Monedha ishte e fryrë nga inflacioni dhe ishin vendosur taksa që pengonin zhvillimin.
Kaosi ekonomik çoi në paqëndrueshmërinë civile. Filluan konflitetet mes shteteve lidhur me kufijtë, Qeverisë kombëtare i mungonin forcat ushtarake për trajtimin e kërcënimeve të sigurisë. Amerikanët filluan të kërkojnë mënyra për zgjidhjen e këtyre problemeve. Përgjigja ishte një kushtetutë e re, e cila do të krijonte një qeveri kombëtare të fuqishme, e cila të trajtonte nevojat e vendit, ndërkohë që t’u jepte fuqi të caktuara shteteve të ndryshme. Por amerikanët ishin të ndarë lidhur me formën që do të merrte qeveria e re.
Shtetet e vogla kërkonin përfqësim të barabartë me shtetet e mëdha. Shumë qytetarë druheshin se një qeveri e fortë kombëtare do të shtypte të drejtat e individit. Këto çështje u zgjidhën, vetëm pas disa vite debatesh dhe kompromisesh. Kushtetuta e re u ratifikua në vitin 1789, vetëm pasi u shtuan 8 amendamente, të cilat garantonin të drejtat themelore të shtetasve, mes tyre lirinë e ushtrimit të fesë, të fjalës dhe shtypit, të drejtën për të zhvilluar procese gjyqësore dhe mbrojtjen kundër abuzimit të qeverisë ndaj qytetarëve.
Kushtetuta nuk është një instrument në duart e qeverisë për ta kufizuar popullin, tha në atë kohë Patrik Henri, një nga udhëheqësit amerikanë në luftën për pavarësi, ajo është një instrument në duart e popullit, për të kufizuar qeverinë, që ajo të mos e sundojë jetën tonë. Më tepër se 200 vjet pas miratimit të kushtetutës, ajo mbetet garancia e lirisë për të gjithë amerikanët,
Dita e Pavarësisë së Shteteve të Bashkuara të Amerikës, "binjake" me Pavarësinë e Shqipërisë dhe Pavarësinë e shtetit më të ri të botës Kosovës.
Data e sotme ofron mundësinë për një bilanc të marrëdhënieve të shkëlqyera mes Shqipërisë dhe Shteteve të Bashkuara të Amerikës, por edhe për të rikujtuar përpjekjet që themeluesit e këtij shteti kryen me mendësinë e vjetër, gjatë ditëve të themelimit të republikës, që është simbol i demokracisë Shtetet e Bashkuara të Amerikës, ishin, janë e do të jenë vendi ku gëzohen liritë e njeriut, zgjuarsia shpërblehet, komuniteti, raca dhe besimet çmohen dhe miqësia është e shtrenjtë. Kjo, ditë e 4 Korrikut - Ditëlindjes së Shteteve të Bashkuara të Amerikës, në të gjithë territorin feston idealet e njerëzve, të cilët shpresuan dhe u luten, që një vend të mund të lindë në liri.
4 Korriku 1776, na kujton çmimin që ia vlen të paguajmë për të fituar dhe ruajtur lirinë. 4 Korriku 1776, prej popullit shqiptarë tregon simpati, solidaritet dhe përkrahje të madhe edhe për amerikanët dhe SHBA-të. Në lidhje me hapat e ndërgjegjes kombëtare dhe me aspiratat e shqiptarëve për pavarësi: Presidenti i 28 amerikan (1913-1921) Uidrou Uilson(Wudrow Wilson) në Konferencën e Paqes në Paris, u parashtroi faktet dhe argumentat në lidhje me kërkesat për të ardhmen e Kombeve më të vjetër të Ballkanit. Ai u kërkoi në Konferencën e Paqes në Paris, të gjitha vendeve të vogla e të mëdha që të zbatonin me ndershmëri dhe paparagjykime parimet e shpallura, në themel të së cilës ishin parimet e kombësive, për të mbrojtur dhe mos lejuar që të shkeleshin të drejtat e kombit më të vjetër të Ballkanit, pavaresia e tij.
Uidrou Uilson(Wudrow Wilson) që presidenti Amerikan që shpëtoi Shqipërinë në konferencën e Paqes në Paris, pasi që në rezolucionin e tij 18-pikësh, kërkoi që shtetet ballkanike, të mbeteshin të lira e të pavarura. Eshtë pritja madhështore e historike që iu bë Presidentit të SHBA-së, George W. Bush, ajo që përfaqësoi çdo shqiptar, sepse, SHBA janë si një shtyllë e botës dhe kanë luajtur një rol thelbësor në momentet tona më kritike, pas pavarësisë. Ishte Presidenti Uillson ai që bllokoi planin e copëzimit të mëtejshëm të Shqipërisë. Më vonë, ne vitet ‘90, ishte Presidenti Bush, që për Kosovën vendosi të ashtuquajturën "Vija e Kuqe".
Ishte Presidenti Bill Klinton ai që udhëhoqi luftën për çlirimin e Kosovës. Dhe ishte Presidenti tjetër George W. Bush, ai që e tha në Tiranë një vitë më parë dhe e kreu Pavarësinë e Kosovës. Në këtë kontekst, janë Shtetet e Bashkuara të Amerikës, ato që siguruan një ndihmë shumë të madhe për shqiptarët, për të ndërtuar lirinë dhe demokracinë, prej rrëzimit të komunizimit dhe shembjes së diktaturës, në Shqipëri. Ndërsa më 10 Qershor 2007, në Tiranë, me deklarimin e tij presidenti i SHBA-ve, George W. Bush, jo vetëm që dha mbeshtetje për pavarësi, por në një farë mënyrë edhe e shpalli pavarësinë e Kosovës.
4 Korrikut 1776 - Ditëlindja e Shteteve të Bashkuara/Njerëzit e thjeshtë mund të kryejnë bëma të jashtezakonshme
Dëgjojini këto fjalë të Deklaratës së Pavarësisë Amerikane, të shkruara 232 vjet më parë: "Ne i konsiderojmë, këto të drejta të jënë të vetëkuptueshme: që të gjithë njërëzit janë krijuar të barabartë; që ata janë pajisur nga Krijuesi i tyre me disa të drejta të patjetërsueshme; dhe mes tyre janë jeta, liria dhe kërkimi i lumturisë; që për të siguruar këto të drejta, qeveritë krijohen nga njërëzit, duke e përftuar pushtetin e tyre të drejtë nga pëlqimi i zgjedhësve...". Këto fjalë ndryshuan përgjithmonë parimet e qeverisë. Kush i shkroi këto fjalë të jashtëzakonshme, duke ndryshuar përgjithmonë parimet e qeverisë. Ishin ata politikanë te shquar, akademikë e teoricienë politikë. Jo, ata ishin fermerë (bujq), avokatë, tregtarë, një botues librash, dhe një topograf.
Asnjë prej tyre nuk kishte mbajtur ndonje ofiq të lartë qeveritar. Në fakt, zor se ndonjeri prej tyre kishte mbajtur ndonjë ofiq qeveritar. Disa kishin lindur të varfër. Të tjerët ishin pronarë tokash. Të gjithë ishin të mirëarsimuar; pothuajse të gjithë kishin lexuar veprat e Ciceronit mbi virtytin. Të gjithë meshkuj e të bardhë, nuk ishin tipike të popullsisë si e tërë, nuk ishin as nga elita politike. Ata ishin njerëz të thjeshtë, të cilët shqetesoheshin thellësisht për lirinë, lirinë personale, për qeverinë përfaqesuese të bazuar në sovranitetin popullor. Ata janë quajtur me të drejtë brezi më i madh i talentit politik në historinë amerikane. Krijimi i nje kombi te pavarur amerikan ndodhi papritmas, jo gradualisht. Ishte nje proces revolucionar, e jo evolucionist. Asnje prej atyre qe firmosen Deklaraten e Pavaresise, nuk e dinte se si do te pefundonte.
Shtetet e Bashkuara të Amerikës janë tani republika më e vjetër që i ka qëndruar historisë botërore, me një serë institucionesh dhe traditash politike. Ato, që tani konsiderohen "idealet amerikane", jane përqafuar në mbarë botën; forma alternative të organizatave dhe qeverive politike kanë ardhur e kanë ikur gjatë këtyre 231 vjetësh. Kuadri politik i ngritur në ato fjalë të thjeshta, të sipër cituara në fillim, janë idetë për të themeluara për herë të parë Shtetet e Bashkuara të Amerikës në fund të shekullit 18-të.
Dhe kanë vazhduar. Burrat dhe gratë bëjnë historinë. Burra dhe gra të zakonshme mund të kryejnë bëma të jashtëzakonshme. Ata që rrezikuan gjithçka për të shpallur këtë Deklaratë Pavarësie ishin njerëz të thjeshtë. Deklarata mbyllet: "Dhe në mbështetje të kësaj deklarate, me një besim të patundur në mbrojtjen e Perendisë Hyjnore, ne së bashku i betohemi njeri-tjetrit me jetën tonë, pasurine tonë, dhe nderin tonë të shenjtë". Keta qytetare te thjeshte krijuan ideale politike te reja te jashtezakonshme. Hartuesit e Kushtetutes sone, 13 vjet me vone krijuan kuadrin e qeverise se SHBA-së, te bazuar ne keto ide revolucionare.
Karta e te Drejtave vijoi mbas dy vjetesh. Krijimi i nje qeverie kerkon kohe. Nuk eshte kurre e thjeshte. Kerkon eksperimentim dhe kurajon per te flakur tutje ate qe nuk funksionon. Ai perfshin edhe rrezik. Sic tregon Kushtetuta e pare e SHBA-es, kerkon kompromis. Por, qytetaret e thjeshte mund te kryejne bema te jashtezakonshme. Kombet mund te themelohen, idealet mund te perhapen. Shtetet e Bashkuara të Amerikës edhe tash pas 231 vjetëve të 4 Korrikut 1776 - Ditëlindjes së Shteteve të Bashkuara të Amerikës, vazhdojnë të përpiqen e të ndihmojn popullin shqiptarë për të arritur tek idealet tona, për të arritur tek aspiratat e shqiptarëve për pavarësin e Kosovës.
E ardhmja e SHBA-es prej qytetareve te saj i duket e qarte, ashtu si duhet t'iu kete dukur ajo e Amerikes se Eterve Themelues me 1776 apo edhe me 1783, apo edhe sot pas 230 vjetve. Qe nga ai 4 Korriku i pare, ka qene tradite qe te festohet ditelindja e Amerikes me fishekzjarre dhe sonte SHBA-es, e vazhdojne ate tradite "Gezuar Ditelindjen Amerike"

[uliksi31]

SHBA-të të ndihmojnë në njohjen e Kosovës nga më shumë vende



Dy aktivistë të njohur të lobit shqiptar në Shtetet e Bashkuara të Amerikës thonë se është shumë e rëndësishme që qeveria amerikane të vazhdojë të qëndrojë në krye të procesit për njohjen e pavarësisë Kosovës nga vende të tjera të botës.
Joseph Dioguardi dhe Shirley Cloyes kërkojnë të bindin udhëheqës në Kongresin amerikan që Shtetet e Bashkuara të tregohen më agresive politikisht dhe diplomatikisht me aleatët e tyre për të njohur Kosovën.

Ish-ligjvënësi amerikan dhe kryetari i Lidhjes Civile Shqiptaro-Amerikane, Joseph Dioguardi thotë se megjithëse pavarësia e Kosovës u njoh nga Shtetet e Bashkuara, asaj i mungon një sovranitet i vërtetë. Sipas tij, ndarja de fakto e Kosovës dhe trysnia e Rusisë dhe e Serbisë për ta mbajtur atë si një shtet të izoluar nga vendet e tjera shtrojnë nevojën e një diplomacie më agresive nga ana e Shteteve të Bashkuara që Kosova të njihet nga më shumë shtete.

Edhe ekspertja për çështjet e Ballkanit, Shirley Cloyes thotë se në Kosovë nuk ka një forcë të vetme vendimmarrëse ndërkohë që ekzistojnë pesë struktura që konkurrojnë për pushtet. “...Kosova po ecën pa një drejtim. E ardhmja nuk është e qartë dhe çfarëdo të ndodhë, secili prej faktorëve ndërkombëtarë u përgjigjet kanaleve të ndryshme. Kjo situatë nuk premton përparim për Kosovën. Dhe ky është një nga shqetësimet kryesore që po u paraqesim anëtarëve të Dhomës së Përfaqësuesve dhe të Senatit”, ka thënë ajo.

Të dy aktivistët e njohur të lobit shqiptar kanë përgatitur një raport pas vizitës së tyre të fundit në Kosovë dhe janë këtë javë në Washington për tu takuar dhe për t’ua parashtruar shqetësimet e tyre personaliteteve të njohura në Dhomën e Përfaqësuesve dhe në Senatin amerikan. /VoA/

[uliksi31]

Shala: Takimi i udhëheqësve të Kosovës me presidentin Bush, me rëndësi historike

Zëri i Amerikës

21-07-2008

Takimi i së hënës i udhëheqësve të Kosovës më presidentin e Shteteve të Bashkuara Xhorxh Bush, në Prishtinë shihet si një nga ngjarjet më të rëndësishme dhe më me peshë për të ardhmen e Kosovës. Vizita e presidentit dhe kryeministrit të vendit në Shtetet e Bashkuara, është e para që nga shpallja e pavarësisë së Kosovës më 17 shkurt. Ky hap u mbështet nga Shtetet e Bashkuara dhe vendet kryesore të Bashkimit Evropian, ndërsa u kundërshtua ashpër nga Serbia dhe Rusia.
Analistët thonë se vizita në shtetet e Bashkuara dëshmon për përkushtimin amerikan ndaj të ardhmes së shtetit të ri. Publicisti e analisti i njohur Blerim Shala thotë se pa mëdyshje që takimi i sotëm është me rëndësi historike për Kosovën.
"Nuk ka pasur takim më të preferuar për vetë udhëheqësin tonë, për kosovarët sesa të shkojnë në Uashington dhe të priten nga presidenti Bush, nga zonja Rajs, nga sekretari Gejts, sepse dihet fare mirë se çfarë kanë bërë Shtetet e Bashkuara të Amerikës për Kosovën, veçmas në harkun kohor prej vitit 1992, pra prej kërcënimit të Kërshëndellave e deri sot. Pra është një vizitë falënderimi nga pala kosovare, por është një vizitë ku pak duhet të merremi me të kaluarën e shumë më tepër me të ardhmen", tha zoti Shala.
Ai thotë se vizita e udhëheqësve më të lartë të vendit në Uashington është një rast i veçantë për vendosjen në binarë të duhur të disa proceseve siç është njohja e Kosovës, vendosja e qëndrueshmërisë, çështja e integritetit tokësor, e krijimit të forcës së sigurisë dhe në përgjithësi ndërtimit të shtetit funksional. Sipas tij, Shtetet e Bashkuara kanë investuar për krijimin e një shteti të tillë dhe që Kosova të jetë një rrëfim i suksesshëm. Zoti Shala beson se takimi i sotëm do të ndikojë edhe në shtimin e numrit të vendeve që do të njohin pavarësinë e Kosovës.
"Presidenti Bush takohet rrallë me burra shteti të vendeve të vogla, siç është Kosova. Dhe në këtë mënyrë përçohet një mesazh shumë i qartë se prapa këtij shteti qëndrojnë Shtetet e Bashkuara të Amerikës dhe perëndimi në përgjithësi. Kjo është një punë e madhe. Asesi nuk duhet të mos e vlerësojmë me nota më të larta, megjithëse, duhet të themi hapur që, Shtetet e Bashkuara të Amerikës kanë bërë punë të jashtëzakonshme prej 17 shkurtit. Duhet thënë sinqerisht që shumica e njohjeve që kanë pasuar prej 43 shteteve, janë rezultat i partneritetit midis Uashingtonit dhe Brukselit, i partneritetit midis Shteteve të Bashkuara të Amerikës dhe bashkimit Evropian".
Zoti Shala, është pjesë e një nisme joqeveritare që angazhohet për shtimin e numrit të njohjeve për Kosovën. Ai thotë se njohja e deritashme e pavarësisë nga mëse 40 vende të botës paraqet një fillim të mirë të procesit që më vonë shënoi një ngecje dhe kjo çështje kërkon një analizë reale.
"Kemi një koncentrim të njohjeve. Kur e shihni hartën e botës dhe ta zëmë, i bëni me ngjyrë të kaltër shtete që na kanë njohur, ju do ta shihni që kemi gati krejt Evropën, kemi gati krejt hemisferën perëndimore që na kanë njohur, ndërsa kemi probleme të mëdha me shtetet e kontinenteve si në Azi, në Amerikën Latine, në Afrikë që akoma hezitojnë, akoma nuk e dinë për çfarë bëhet fjalë. Mendoj që në këtë aspekt ne mund të bëjmë, diplomacia jonë megjithëse i ka hedhur tek hapat e parë, kemi shumë pengesa në këtë aspekt, kemi shumë probleme, por mund të bëhej shumëçka për arsye se shumëkush prej këtyre shteteve dëshiron të shohë se çka është Kosova, pse në jemi bërë shtet, pse e kemi merituar që të bëhemi shtet".
Zoti Shala është i bindur se Shtetet e Bashkuara do të vazhdojnë të mbështesin Kosovën edhe në të ardhmen pavarësisht se kush do të fitojë në zgjedhjet e nëntorit. E kaluara është dëshmi e një qëndrimi të tillë të Shteteve të Bashkuara, roli udhëheqës i të cilave në procesin politikë në Kosovë vlerësohet i pazëvendësueshëm.//kk//

[uliksi31]

A është gati Amerika të zgjedhë një president afrikano-amerikan?

Zëri i Amerikës, Uashington
23-07-2008



Gara presidenciale në Shtetet e Bashkuara po mbulohet nga të gjitha mediat si kurrë më parë. Ngaqë kjo garë është historike, me që pritet emërimi i senatorit Barak Obama si kandidati i partisë demokrate, e gjithë bota po e ndjek me vëmendje këtë zhvillim. Në materialin në vazhdim, korrespondenti i Zërit të Amerikës Xhefri Jang analizon në se Amerika është e përgatitur të ketë një President zezak në Shtëpinë e Bardhë.
Zgjedhjet e 4 nëntorit do të jenë si asnjëherë tjetër. Për herë të parë, një nga kandidatët e dy partive kryesore, Senatori Barak Obama është afrikano-amerikan. Krahas zgjedhjes së Presidentit të ardhshëm të Shteteve të Bashkuara, disa votues do të konfrontohen edhe me qëndrimet e tyre raciste.
Analistët politikë, ashtu si edhe njerzit nëpër rrugë, shprehin pikëpamjet e tyre për këtë çështje. Profesori Leri Sabato, në Universitetin e Virxhinias, thotë se fakti që senatori Obama është afrikano-amerikan do të jetë një faktor i paevitueshëm në zgjedhjet e nëntorit.
"Të mos tregohemi naivë. Ende ka paragjykime raciale e jo vetëm në jug, apo në shtetet e kufirit. Mendoj se ky është një problem serioz për Obamën. Sa më tepët që ai flet për racën, aq më tepër njerëzit mendojnë për këtë. Nga ana tjetër, nëse ky problem nuk trajtohet, ai do të ishte edhe më i madh".
Emërimi i Barak Obamës do të kapërcejë një pengesë shumë të madhe. Por ai nuk është zezaku i parë që vë kandidaturën për president.
Në vitin 1972, ligjvënësja demokrate e Nju Jorkut, Shërlli Çizëll, kandidoi por nuk mundi të sigurojë emërimin e partisë. Në vitin 1968, kur zonja Çizëll u bë gruaja e parë që zgjidhej në Dhomën e Përfaqëuesve, vendi po dilte nga vite të tëra marshimesh dhe protestash për të drejtat civile, që synonin t'i jepnin fund ndarjes dhe diskriminimit racial në jug të vendit.
E gjitha kjo arriti kulmin në prill të vitit 1968, me vrasjen e udhëheqësit të të drejtave civile, Martin Luther King. Në mbarë vendin, zemërimi i zezakëve dhe pakënaqësitë e tyre u shprehën me protesta nëpër rrugë.
16 vjet më vonë, Xhesi Xheksën bëri fushatë për të siguruar emërimin e Partisë Demokrate në vitin 1984. Ai mundi të sigurojë rreth 3,5 milionë vota në zgjedhjet praprake të partisë së tij. Në përpjekjen e tij të dytë, të pasuksesshëm, në vitin 1988, ai fitoi dyfishin e votave.
Barak Obama po e paraqet veten si një kandidat ndryshe, thotë Tomas Men, i Institutit Brookings këtu në Washington.
"Senatori Obama përfaqëson një brez më të ri të një kandidati të pakicave, në të njëjtën kohë, ai nuk është jashtë gjeneratës së të drejtave civile. Ai nuk është konfrontues dhe nuk kandidon si afrikano-amerikan, por si Barak Obama".
Fushata e senatorit Obama ka përkrahës të bardhë, latinë e aziatiko-amerikanë, krahas afrikano-amerikanëve. Ajo ka gjallëruar të rinjtë në shkallë të paparë, që nga koha kur mosha e votimit u ul në 18 vjeç në vitin 1972. Në vështrim të parë, dikush mund të thotë se mbështeja e gjerë që gëzon tani zoti Obama dhe rezultatet e anketave do t'i shërbejnë atij në ditën e zgjedhjeve.
Por studjuesja Vesla Uivër në Universitetin e Virxhinias paralajmëron se në zgjedhjet e mëparshme, kandidatët me ngjyrë janë ndeshur me surpriza të pakëndshme.
"Mendoj se kjo ka të bëjë me faktin, që njerëzit pasi kanë hedhur votën, nuk deklarojnë se për cilin kandidat kanë votuar kur bëhet fjalë për çështje kontradiktore si për shembull votimi për një kandidat zezak".
Në vitin 1982, në bazë të anketa të opinionit me zgjedhësit që dilnin nga qendrat e votimit, Kryetari i Bashkisë së Los Anxhelosit, kandidati me ngjyrë Tom Bredli ishte në krye të garës. Por pas numërimit të votave, doli se ai kishte humbur. Në zgjedhjet për guvernator shteti të vitit 1989, kandidati tjetër me ngjyrë Daglas Ualder kryesonte garën me 10 për qind, sipas anketave parazgjedhore. Por në zgjedhje ai fitoi me më pak se një për qind të votave. Analistët politikë e njohin këtë me termin "Efekti Bredli" dhe thonë se ky edne mbetet një faktor.
Zëri i Amerikës pyeti persona të feve, grupmoshave dhe niveleve me të ardhura të ndryshme, në se janë të gatshëm të zgjedhin një president me ngjyrë. Ndërsa disa prej tyre u përgjigjën pozitivisht, të tjerë thanë se nuk janë të sigurtë. (ze)


VOA
__________________

[BE LK]

O Uliks, te kemi korospondent persmari bre, trujt zoti !