Lajme aktuale nga vendi !

[natyra]

Ju njoftoi se postimi i fundit,ishte i gabuar,me mendim qe isha nen temen e Humorit Lol,,nese ju pengon,mund e transferoni mu nen temen e"Humorit".

perndryshe,ju falinderoi ne mirekuptim!

[Guri i madh]

Mashtron sigurimet në Gjermani, dënohet me 7 vjet burg kosovari







Publikuar: 30.11.2013 - 21:49Regensburg (Gjermani), 30 nëntor - Kur ishte paraqitur për ekspertizë te një neurologe, ai kishte sjellë një person të paralizuar, në karrocë të invalidit, ndërsa vetë luante rolin e përcjellësit të tij!

Një shqiptar 45 vjeçar nga Kosova me qëndrim në Gjermani, është dënuar me shtatë vjet heqje lirie. Trupi gjykues në Gjykatën e landit në Regensburg (Gjermani) ka gjetur se ai, duke u paraqitur si i paralizuar, ka mashtruar tri sigurime të ndryshme shëndetësore duke përvetësuar në këtë mënyrë më shumë se 750 mijë euro.

Në të gjitha rastet ai ka simuluar se ka pësuar aksidente në Kosovë dhe "e dëshmonte" se ishte i paralizuar. Duke u mbështetur në vërtetimet e mjekëve e spitaleve kosovare. Njëri nga sigurimet i kishte paguar 300 mijë franga, ndërsa dy të tjerë, pasi u kishte lindur dyshimi, nuk i kishin paguar asgjë.

Procesi gjyqësor në Regensburg kishte filluar në muajin shkurt të këtij viti dhe ka zgjatur nëntë muaj, transmeton albinfo.

Është interesante mënyra se si 45 vjeçari i ka mashtruar mjekët specialistë gjermanë. Në një rast, kur ai duhej të paraqitej për ekspertizë te një neurologe gjermane kishte sjellë një person të paralizuar, në karrocë të invalidit, ndërsa vetë ishte ne rolin e përcjellësit të tij!

Gjykata e ka dënuar atë me gjashtë vjet e nëntë muaj burg ndërsa të birin e tij të adoptuar 25 vjeçar, me dy vjet e gjysmë burg për ndihmën e ofruar në kryerjen e veprës penale të të dënuarit kryesor.

Në masën e shqiptuar janë akumuluar edhe dënimet e mëparshme për delikte të tjera. Gjykata ka konstatuar se djali i adoptuar "me një talent të jashtëzakonshëm prej aktori" i kishte raportuar agjencisë së sigurimeve lidhur me gjoja aksidentin e babait të tij. Ai, veç kësaj, u kishte shkruar letra sigurimeve.

I dënuari kryesor ka marrë një dënim edhe për një delikt tjetër. Me rastin e blerjes së një automobili me kredi, ai kishte lidhur një kontratë për sigurim të dëmit. Kjo kompani sigurimesh pastaj ka marrë mbi vete këstet e pagesave të tij, pasi që ai kishte sjellë vërtetimet mjekësore me të cilat dëshmonte paaftësinë e tij, ndërkohë që ai ishte i shëndoshë si molla, shkruan br.de.

Veç këtyre, kosovarin e ngarkon edhe një akuzë sipas të cilës ai e ka "devijuar" në konton e tij pensionin e një të vdekuri. Por trupi gjykues kësaj here nuk është ndalur në zbardhjen e kësaj akuze. Lidhur me të duhet të zhvillohet një proces tjetër, i veçantë në të ardhmen.

[natyra]

http://www.gjuhashqipe.com/lajmetari....aspx?id=61298

[Ylli-1]

Njohja e Kosovës, kusht për anëtarësimin e Serbisë në BE
Postuar: 23:31 / 17.12.2013



Bashkimi Evropian ka vendosur që nё janar tё nis negociatat e anёtarёsimit me Beogradin zyrtar si shpërblim pёr tё arriturat nё procesin e dialogut politik, por Serbia nuk do mund tё anёtarёsohet nё BE pa e njohur pavarёsinё e Kosovës.

Nё kornizёn negociuese tё miratuar sonte nga Këshilli i Minsitrave të Bashkimit Evropian thuhet se deri ne fund tё procesit tё anёtarёsimit tё Serbisё, Kosova dhe Serbia duhet tё nёnshkruajnё traktat ligjërisht detyrues, i cili do të sjell deri te normalizimi gjithёpёrfshirёs i raporteve nё mes tё Prishtinës dhe Beogradit.

Nё konkluzat qё i kushtohen Kosovës thuhet se Këshilli ka parasysh nisjen e negociatave tё Stabilizim Asociimit me Kosovёn, si dhe qëllimin e Komisionit Evropian qё ky proces tё pёrfundojё gjatё vitit 2014.

Komisioneri pёr Zgjerim i BE-së, Stefan Fyle nënvizoi sonte se ende konsideron tё mundshëm cakun qё negociatat tё pёrfundojnё nё pranverë tё vitit qё vjen.

Këshilli i Ministrave tё Bashkimit Evropian kërkon nga Prishtina zyrtare angazhim mё serioz nё luftën kundër krimit tё organizuar dhe korrupsionit, si dhe ndërmarrjen e reformave zgjedhore, e cila do mundësonte mbarëvajtjen e zgjedhjeve tё përgjithshme vitin qё vjen.

Shqipëria kësaj radhe mori JO-n e Brukselit pёr statusin e kandidatit, ndonëse kishte rekomandim tё Komisionit Evropian. Shtete anëtare u zotuan se çështjet sё statusit tё Shqipёrisё do t’i kthehen nё qershor tё vitit tjetër dhe ky konsiderohet momenti kur edhe Shqipëria do e gёzojё statusin e vendit qё ka perspektivё tё antёrёsimit tё plotё nё BE. /RTK/

[natyra]

Share on facebook Share on twitter Share on email Share on print More Sharing Services 0

[Zero Cool]

​A duhet ta marrim seriozisht më Rexhep Qosjen?



A nuk është pak e çuditshme që të shpallësh armiq dhe tradhtarë Ibrahim Rugovën, Sali Berishën, Ismail Kadarenë, Rexhep Ismailin, Shkëlzen Maliqin e t'i thurësh elozhe Shefqet Krasniqin?

Nuk janë të largëta kohët, kur rapsodët i kishin kushtuar këngë mjekrës së tij të bardhë e ndokush tjetër ia kishte dhënë edhe epitetin e babait të kombit. Të mos flasim për Fakultetin e Filologjisë ku disa nga dishepujt e tij e kanë parë si një Zeus.

Kjo është figura që e kanë ndërtuar të tjerët për Rexhep Qosjen, por me gjasë ky është edhe imazhi të cilën e pëlqen akademiku për vetën e tij.

Por, pse Express ka vendosur të merret me Qosjen.

Sic dihet nuk janë të pakëta rastet kur Qosjen e kemi parë të barikaduar kundër të gjithëve. Ai nuk ka hezituar të përdhosë të gjitha ata që i ka shpallë për kundërshtarë duke i goditur pa asnjë konsideratë.

Ju mund të habiteni nëse dëgjoni se betejat e tij, Qosja i ka filluar diku në vitet 70 gjatë viteve të sistemit monist, por mos mendoni se ato kanë qenë beteja kundër pushtetit të atëhershëm. Natyrisht profesori kishte zgjedhur kundërshtarë më të vegjël për të qëruar hesapet.

Për pushtetin vetëm lëvdata , përfshirë edhe figurën e Titos, të cilën e kishte ngritur në superlativ.

Egocentrizmin e tij Qosja nuk e ka fshehur as gjatë përballjeve të famshme me shkrimtarë serbë në fund të viteve 80'të.

Sic dihet për këto përballje në të cilat kanë marrë pjesë shumë intelektualë dhe shkrimtarë kosovarë, Qosja shpesh di ta potencojë vetëm vetën.

Akademiku që ka për qejf të flasë për "mijëra faqet" që ka shkruar kauzën kombëtare , pak kohë më vonë e hapë një front të ri ku në thumb të tij ndodhet Ibrahim Rugova, LDK dhe shumë figura me bindje më liberale si Shkëlzen Maliqi, Veton Surroi dhe të tjerë.

Sic dihet në zgjedhjet e para të pas luftës në Kosovë Qosja ishte goditur keq nga elektorati që nuk i kishte dhënë vota as për ta kaluar pragun.

Por akademiku ishte këndellur përsëri duke u bërë përsëri figurë 'joshëse' për opinionin me deklaratat e tij kundër Rugobës të cilin tashmë e ka shpallë tradhtar.

Natyrisht Qosja ka gjetur armiqë edhe në Shqipëri ku po ashtu nuk i mungojnë as aleatët të cilët aktualisht janë në pushtet.

Ndërkohë që Qosja nuk ka hezituar të kapet edhe gjigantin e letërsisë Ismail kadare të cilin e ka akuzuar edhe për racizëm.

Shumëkush edhe mund ta konsiderojë legjitimë qëndrimin e Qosjes përfshirë edhe akuzat për tradhëti me arsyetimin se një intelektual i këtij kalibri ka të drejtë të shfaqë opinionin e tij.

Por a nuk është pak e çuditshme që të shpallësh armiq dhe tradhtarë Ibrahim Rugovë, Sali Berishën, Ismail Kadarenë , Rexhep Ismailin, Shkëlzen Maliqin e t'i thurësh elozhe Shefqet Krasniqin.

"Akademiku Dr. Rexhep Qosja u dëshiroi mirëseardhje, dhe e vlerësoi lart punën e palodhshme të Dr. Shefqet Krasniqit si dhe kontributin e tij të çmueshëm për ngritjen e vlerave kombëtare e fetare të popullit tonë" thuhet në njoftimin pas këtij takimi.

Kjo deklaratë e Qosjes na shtynë të mendojmë nëse tash e tutje duhet t'i marrim seriozisht më deklaratat e Qosjes. Ne në Expres jo.

[Zero Cool]

Prizren, arrestohet “polici” që shantazhonte femrat në “Facebook”



09.01.2014

Përmes prezantimit të “rremë” si shef policor i stacionit në Prizren, shantazhoi duke shfrytëzuar seksualisht disa femra, ndërsa ra në kurthin e policisë përderisa përmes rrjetit social “Facebook” kërcënoi njërën nga viktimat, të cilën e kishte “friends”, por i kërkoi para për ta lënë të qetë nga policia, me arsyetimin se kishte informacione që viktima do të arrestohej për shkak të ndërlidhjes në vepra të kundërligjshme.

Rastin e konfirmoi zyrtari për media pranë policisë në Prizren, Hazir Berisha, i cili tha se mëngjesin e sotëm në Qendrën e Drejtorisë rajonale të policisë, një viktimë 20 vjeçare ka njoftuar për kërcënimin e saj përmes rrjetit social nga i dyshuari.

Drejtori i policisë në Prizren, Nexhmi Krasniqi, tha për “Zërin” se ekziston dyshimi se ky person përmes shantazhit t’i ketë shfrytëzuar seksualisht disa viktima, të cilat madje i kishte detyruar që edhe t’ia paguanin motelet, pas kryerjes së veprës.

“Duke u prezantuar si shef policie në Prizren, i dyshuari i kërcënonte viktimat femra duke u thënë se kishte informacione se ato po merreshin me vepra të kundërligjshme, përfshirë drogën, armët dhe veprat tjera, ndërsa për t’i heshtur rastet dyshohet t’i ketë kushtëzuar”, tha ai, raporton “Zëri”.
Sipas nënkolonelit Krasniqi, i dyshuari së fundmi ishte paraqitur si udhëheqës civil i njësisë speciale të policisë në Prizren, ndërsa atij i janë gjetur edhe foto të cilat mendohet të jenë të viktimave, numri i të cilave dyshohet të jetë mbi dhjetë.

Viktima, që zbuloi këtë të dyshuar, ka deklaruar në polici se me të dyshuarin, që ishte prezantuar me emrin Bardh Kastrati, ishte njohur përmes “Facebookut” muaj më parë.

Vajza, që lajmëroi policinë, ishte kërcënuar përmes “Facebook-ut” dhe telefonit, ndërsa i dyshuari i ka kërkuar një shumë të hollash në mënyrë që ta linte të qetë, ndryshe ai do ta arrestonte në cilësinë e policit.

Zëdhënësi Berisha, me arsyetim të ruajtjes së hetimeve, nuk bëri të ditur identitetin e viktimës e as të personit të dyshimtë, që tashmë ndodhet në duart e policisë.

Sipas njoftimit zyrtar, i dyshuari është arrestuar në momentin kur viktima kishte caktuar një takim me të dyshuarin, për t’ia dorëzuar atij shumën e parave të kërkuara, ndërsa policia kishte intervenuar menjëherë posa ai mori një shumë të vogël të parave nga viktima.
Hetuesit policorë bënë arrestimin e të dyshuarit në vepër, pas një plani operativ të përgatitur paraprakisht.

Jozyrtarisht nga burime policore, “Zëri” ka arritur t’i sigurojë inicialet e personit të dyshuar, M.K nga fshati Radostë e Rahovecit, ndërsa viktima është nga një fshat i Gjakovës.

Kryeprokurori i Prokurorisë Themelore të Prizrenit, Sylë Hoxha, tha se ndaj të dyshuarit tashmë janë hapur hetimet dhe pritet caktimi i paraburgimit, ndërkohë që po zhvillohen hetime të tjera për zbardhjen e këtij rasti.

Kjo ndërkaq nuk është hera e parë që policia rajonale në Prizren arreston persona për shkak të shantazhit, por kryesisht përmes telefonit.

[Guri i madh]

Ditari

Ballina / Ditari / Shoqëri
Pishman që ka luftuar
Artan M. Haraqija Publikuar: 16.02.2014 - 08:46 Foto: Laura Hasani
Çdo hap që shkel rrugën plot baltë dhe thik përpjetë, mallkon të gjithë, Komunën, pushtetin, anëtarët e familjes së tij, por edhe fatin e vet.
Kujtim Dërvishaj çdo ditë në orën 6 e gjysmë të mëngjesit me karrocë në dorë kalon kodrën deri te bunari që i është falur para pak kohësh. Ai nuk ka ujë në shtëpi dhe për këtë arsye, rrugën e mundimshme duhet ta bëjë pesë e nganjëherë edhe gjashtë herë në ditë.

[Guri i madh]

Hera e fundit kur ka ngrënë mish ka qenë pak ditë para zgjedhjeve të parafundit kur vetura të shtrenjta që bartnin zyrtarë të lartë të komunës së Skenderajt, përfshirë edhe kryetarin Sami Lushtaku, ndaluan në kodrën poshtë së cilës gjendet edhe shtëpia e Kujtimit.
Aty premtohej ndërtimi i rrugës disakilometërshe, ndërsa qengji i prerë ishte blerë nga vetë fshatarët.
Rruga nuk u ndërtua kurrë. Një pjese të saj iu hodh rërë sipër.
Kujtimi është e kundërta e asaj që secili e imagjinon të jetë një hero. Ai më së miri e personifikon thënien “asht e lëkurë”, ndërsa mjekra dhe trupi i zvogëluar e bën të duket në moshë të shtyrë.

Ai është baba i katër fëmijëve, i lindur më 2 dhjetor 1981. Në moshën 17 vjeçare e braktis shkollën, shkon në Shqipëri, armatoset dhe kthehet si pjesëtar i Brigadës 112 – Arben Haliti të Ushtrisë Çlirimtare të Kosovës. Gjatë luftës ai plagoset në këmbë, ndërsa gati 15 vjet më pas, ai jeton me 65 euro social, pa pension të veteranit të luftës.
“Unë jam veteran i luftës dhe jam i plagosur. Unë nuk gëzoj pensionin invalidor. Unë s’kam luftuar për pare, por për popull, por më lan të gjithë anash, më lan pa punë, pa shtëpi”, thotë Kujtimi.
S’ka buxhet për Kujtimin, por ka për milionerin Sami Lushtaku
Vizitat e shpeshta që i ka bërë te zëvendëskryetari i komunës së Skenderajt, Kujtimit i kanë dhënë vetëm kujtime të hidhura. Çdo herë kërkesat e tij për ndihmë nga shteti kanë përfunduar me fjalët, “s’ka buxhet, s’kam çfarë të bëj”.
Mirëpo, buxheti është i mjaftueshëm për shefin e Komunës së Skenderajt dhe disa nga figurat kryesore të PDK-së që kanë nga disa burime të të ardhurave.
Siç ka raportuar Gazeta JNK para një viti, Sami Lushtaku merr beneficion prej 2,400 eurosh në vit. Sipas të dhënave të Ministrisë së Punës dhe Mirëqenies Sociale, kryetari i Skenderajt merr pension invalidor nga 1 janari i vitit 2008.

[Guri i madh]

Në bazë të të dhënave të deklaratës së pasurisë së Lushtakut, brenda një viti ai merr 48 600 euro në vit. Sami Lushtaku gjithashtu ka të deklaruar patundshmëri në vlerë prej 1 milion e 580 mijë eurove, veturë BMW në vlerë 40 mijë euro etj.
“Dje më tha qika, a m’i jep babë 4 euro se duhet t’i paguaj për kifle që e marrim në shkollë. Vallahi s’pata t’ia jap. Ku me i marrë unë me ja jap”, thotë Kujtimi, që rrezikon të mbesë edhe pa shtëpi për shkak të mosmarrëveshjeve që i ka me bashkëshorten e të atit.
“Nuk kisha luftu për këtë shtet”
Historia e ish- ushtarit të UÇK-së bëhet edhe më e zymtë kur Kujtimi dhe bashkëshortja, në prani të njëri- tjetrit e thonë haptas, ata janë pishman që janë martuar me njëri tjetrin.
“Edhe unë me e pas ditë s’e kisha marrë për burrë. Se më kanë thonë mos e merr se s’ka sen, por ke igball me e marrë. Thashë more po e marr, ‘nën një therrë - nën një therrë’. Tash po hekim kështu me fmijë e më tanë. Mirë s’është që po flas, por prej zorit po e them”, rrëfehet bashkëshortja e Kujtimit.

[Guri i madh]

Unë kam luftuar që fëmija e mi, familja ime me pas një perspektivë më të mirë”, thotë Kujtimi derisa tregon se të katër fëmijët shpesh nuk i shkojnë në shkollë pasi e kanë larg 5 deri 6 kilometra. “25 centë kushton një plumb. Sikur ta dija që po vjen kjo ditë, më mirë ia kisha jap vetit një plumb. Por, tash i kam katër fëmijë e ku t’i lë ata. Ama me pas dit që vjen puna qështu, vallahi kurrë s’kisha luftu se jam kon djalë i hasretit edhe s’kisha hi me rreziku kryt tem”, thotë më tej Kujtim Dervishaj.
Rreth 60 kilometra larg fshatit Kastriot, në Prishtinë, rrethimi i objektit të qeverisë e ka të vendosur një letër me informacionin që thotë se 45 veteranë të luftës kanë bërë vetëvrasje. Arsyeja që ka çuar të gjithë ata në këtë akt është varfëria dhe pamundësia për t’i ofruar familjes kushte minimale për jetesë.

[Guri i madh]

Rrahën mes vete zëvendësdrejtori dhe mësimdhënësi në Skenderaj


Një rrahje si nëpër filma ka ndodhur në korridorin e katit të parë të shkollës fillore dhe të mesme të ulët “Ahmet Delia” në Skenderaj, të enjten.
Sipas dëshmitarëve ngjarja është zhvilluar në prani të nxënësve por edhe është incizuar në tërësi nga kamerat e sigurisë.

Gjithnjë sipas tyre kacafytja ka nisur në hapësirën e korridorit në mes të zyrave të drejtorisë dhe dhomave të mësimit, në njërën prej të cilave, klasa VIII/1, ka vazhduar rrahja në prani të nxënësve, njofton korrespondenti i Kohës Ditore nga Skenderaj.

Si pasojë e rrahjes të dy pjesëmarrësit kishin kërkuar ndihmë mjekësore në QKMF në Skenderaj, fillimisht mësimdhënësi Fadil Shaqiri, e pastaj edhe zëvendësdrejtori, Besart Rreci.

[Guri i madh]

RTK e “balldeskave” të Thaçit




RTK ka nisur t’u bëjë “konak” edhe atyre që kanë pasur fatin të lidhin martës me pjesëtarë të familjes së kryeministrit Thaçi dhe njerëzve të afërt të tij
Radio Televizioni i Kosovës (RTK) nuk i shërben kryeministrit Hashim Thaçi vetëm për qëllime politike, ashtu siç akuzohet shpesh kompania, që paguhet nga paratë e popullit të Kosovës. Megjithatë, përzgjedhja e kronikave lavdëruese për shefin e qeverisë dhe poshtëruese për të gjithë të tjerët që kanë qëndrime të ndryshme prej Hashim Thaçit, duket se nuk kanë mjaftuar për këtë të fundit, shkruanjë mediat tjera.
Një mori anëtarësh të partisë së Thaçit janë punësuar në RTK dhe për një periudhë rekord janë ngritur në pozita që u ofrojnë rroga shumë të mira, të paguara nga buxheti i Kosovës. Sipas burimeve të gazetës brenda RTK-së, në dy konkurset e fundit në transmetuesin publik janë punësuar kunata (e motra e gruas) e kryeministrit Thaçi, Nerxhivane Gërxhaliu, si dhe kunata (e motra e gruas) e Gani Thaçit (vëllai i Hashim Thaçit), Kaltrina Gashi. Nerxhivane Gërxhaliu fillimisht ishte punësuar në administratë, ndërsa vetëm pas dy muajsh ajo është dërguar në skemën programore duke iu rritur kështu edhe koeficienti i rrogës.

[Dardani_K1]

Prizren, 5 mars – Mbi 100 maune që nga e shtuna vazhdojnë ta mbajnë të bllokuar pikëkalimin Morin/Vërmicë, ku ndahen ose bashkohen Shqipëria e Kosova.
Janë skena tashmë të njohura nga viti i kaluar po në këtë vend, për shkak të taksave që u vihen transportuesve të mallrave që importohen nga Shqipëria.
Autoritetet doganore të Kosovës në pikën kufitare në Vërmicë kanë rikthyer tarifën prej 40 eurove, të cilën duhet ta paguajë çdo drejtues automjeti, i tonazhit të rëndë, i cili transporton mallra nga Shqipëria në Kosovë. Transportuesit e konsiderojnë këtë taksë barrë të papërballueshme.
Rikthimi i kësaj procedure konsiderohet si shkelje e marrëveshjeve midis Kosovës e Shqipërisë për thjeshtësimin ose eliminimin e procedurave që pengojnë qarkullimin e lirë të mallrave, po edhe të njerëzve në të dy drejtimet.



Ja se qfar bajne Qeveria e Kosoves me Shqiperin e kesi diqka ne Kufi me Serbin,Maqedonin e Malin e zi nuk sheh se atyre nuk guxojn me jau ba kesisoj e sidomos Serbis ka frik Thaqi qe ja rras shuplak Daqiqi dje ishte ne lajme thojke Daqiqi ma leht e kisha pas me ja hi shuplak se me bisedu me Thaqin dhe as nje reagim nga Thaqi se pam po ta kishte thanen Edi Rama ky Thaqi ne lloj lloj menyra e kishe sha ja se qfar qeverie kena ne Kosove duhet te hjeket menjher kjo taks e pakuptimt me Shqiperin me vellezerit tane kesto taksa te qiten me Serbin e malin e zi.

[Dardani_K1]

Nisja e punimeve në ndërtimin e një objekti komunal ka rikthyer kontestin pronësor Katedrale-Komunë e Prishtinës, shkruan sot “Koha Ditore”.
Policia ka ndërprerë punimet në projektin e Ndërmarrjes Komunale Banesore, me të cilin po bëhet një objekt ku parashihet të vendosen 15 biznese që kanë operuar në këtë zonë.
Përfaqësuesit e lokaleve afariste janë ankuar për veprimin e policisë. E Komuna ka kërkuar sqarim nga autoritetet e rendit nëpërmjet një letre. (Detajet tjera mund t’i gjeni sot në “Koha Ditore”).


Ja edhe nje loj e Kishes Katolike ne Kosove dhe e disa rroboteve te saj ne Ministri ndalojn punen e pronareve te Lokaleve qe keta te mjer me keto lokale i mbajn familjet e tyre e per qefin e kishes e disa priftave qe tata ta ken ma mire njerezit e kane humbur kafshaten e Gojes turp per Ministrin e turp per Kishen e thojn keta te kishes se jane humanitar po shihet vetem po shiqojn me uzurpu toka e troje qe sjan te tyre jane ba si Manastiri i Deqanit me popat Shkije qe veq ne uzurpime mendojn po skan faj se keta popat e priftat jane mesue me hanger badihava e ty i tymu njerezit e ty ju thane jau falim gabimet po ku munen keta me fal gabime keta veten sun e shpetojn gabimet i Fal krijusi yne e jo nje i vdekshem turp ma e keqja ashte se as Komuna e prishtines sasht ne dijeni per asgja pse jane nderpre punimet se keto pune i kane ndali rrobotat e Kishes qifti i Dardan Gashit lepiresi i sahanave te Kishe e qe e shan Islamin e qe e ndalon marimin e Xhamis.