Lajme nga Mjekesia

[Naki]

Trajtimi gjenetik u kthen shikimin të verbërve
Mjekët spitalin e fëmijëve në Filadelfiat njoftuan se kanë rikthyer shikimin tek të verbërit duke riparuar gjenin, dëmtimi i të cilit shkakton humbjen e të shikimit. Ky zhvillim cilësohet si një mrekulli në trajtimin e verbimit dhe një hap i jashtëzakonshëm në fushën e terapisë gjenetike. Shkencëtarët mendojnë se kjo mënyrë hap rrugën për trajtime të reja të 140 formave të tjera verbimesh si pasoje e dëmtimit të gjenit përgjegjës për shikimin
E lindur thuajse e verbër, sytë e Manuelës dridhen. Duke parë vetëm forma të turbullta, ajo, njësoj si Tomasso që vuan nga i njëjti verbim gjenetik, mund të vrojtojë vetëm me vështirësi dhe mund të renditet mes atyre që verbohen plotësisht para se të arrijnë moshën 40 vjeç.
Këta janë doktorët Maguire. Al është kirurg dhe bashkëshortja e tij Jean Bennet, eksperte e terapisë gjenetike. Doktor Maguire tregon se një ditë e pyeti të shoqen e tij nëse ishte e mundur inplantimi i një gjeni në retinë për të zevendësuar gjenin e dëmtuar. Dhe ajo u përgjigj se po. Kështu filloi rruga e tyre në trajtimin e verbimit.
20 vjet më vonë, pas shumë kërkimesh, eksperimentesh e dështimesh, ata rikthyen shikimin tek qentë në laborator dhe ishin gati ta provonin këtë metodë tek njerëzit nëpërmjet terapisë gjenetike.
Ata gjetën një mënyrë për inplantimin e gjeneve në pjesën e mbrapme të syrit dhe i lanë aty derisa të zhvilloheshin.
Manuela, studente, ëndërronte se ky transplantim gjenetik mund t’a ndihmonte që një ditë të lexonte. Ajo pranoi menjëherë t’i nënshtrohej kësaj procedure.
5 javë pas operacionit, mjekët vunë re se sytë e Manuelës filluan të reagonin ndaj dritës. Bebja e syrit zmadhohej e ngushtohej në varësi të dritës njësoj si sytë normalë dhe ajo filloi të dallonte shkronjat e alfabetit.
Shkencëtarët mendojnë se kjo mënyrë trajtimi gjenetik hap rrugën për trajtime të reja të 140 formave të tjera verbimesh si pasoje e dëmtimit të gjenit përgjegjës për shikimin, si dhe për trajtimin e dëmtimit macular, sëmundje verbimi që prek rreth 2 milionë amerikanë. Por mbi të gjitha, ekspertët e shohin këtë zhvillim si hap të madh drejt një të ardhme kur sëmundjet jo gjithmonë do të cilësohen të pashërueshme.

[Naki]

Rrethi shoqëror, një nga faktorët për lënien e duhanit
23-05-2008

Sipas një studimi të ri, njerëzit që lënë duhanin, shpesh heqin dorë nga ky ves si rezultat i të qënurit në një grup të madh me njerëz të panjohur. Ekspertët thonë se i ashtuquajturi efekti “në grup” ka ndikim edhe në fushatën shendetin publik që synon të shtyjë duhanpirësit që të heqin dorë nga ky ves.
Studiuesit në Universitetin e Harvardit në Masaçusets ekzaminuan vesin e duhanpirjes dhe periudhën gjatë së cilës një grup shoqëror prej 12 mijë njerëzish e lënë duhanin gjatë një periudhe 30 vjeçare. Pjesmarrësit ishin pjesë e një projekti të madh në zbatim të njohur si studimi i zemrës Framingham. Autori kryesor i studimit, Nikolas Kristakis thotë se kërkuesit zbuluan se kur një ose më shumë njerëz që e njihnin njëri tjetrin lënë duahnin në të njëtën kohë, kjo kishte efektin të përfshinte edhe njerëz të tjerë të panjohur.
“Grupi që e pinte duhanin hoqi dorë i gjithi menjëherë. Njerëzit lanë duahin në grupe. Dhe këto grupe përbëhen jo vetëm nga njerëz që njihen direkt, por gjithashtu më gjerësisht brenda një rrethi më të madh. Kështu që vendimi i bashkëshortit të shoqes, apo i kolegut të punës për të lënë duahnin lidhen gjerësisht me vendimin e një personi për të lënë duahnin.”
Kërkuesit e kanë quajtur këtë efekti në grup. Kristiakos beson se ky efekt ka të bëjë me ndryshimin në normat sociale, si përshembull njohja gjerësisht gjatë 30 viteve të fundit se pirja e duhanit është e dëmshme për shendeti.
Studiuesit gjithashtu arritën në përfundimin se ndërkohë që sa më shumë amerikanë lënë duhanin pjesa prej 44 milion duhanpirësish që kanë mbetur në këtë vend ndjehen gjithnjë e më shumë të mënjanuar. Stiven Shroder është profesor mjekësie në Universitetin e Kalifornisë në San Francisko. Ai thotë se studimi është një lajm i mirë sepse tregon se më shumë njerëz po i nënshtrohen presionit për të lënë duhanin. Por, thotë ai, duahxhinjtë nuk duhen dënuar sepse nuk e kanë të lehtë që të braktisin vesin.
“Nuk duhet ushtruar presion ndaj tyre...kjo si të thuash i rëndon ata. Ndaj ajo që them unë është se duhet të tregohemi të kujdesshëm me duhan pirësit edhe pse jemi kundër këtij vesi.”
Houard Koh është profesor në Shkollën e Harvardit për Shendetin Publik. Ai thotë se përpjekjet për të vënë nën kontroll duhanin janë përqendruar prej kohësh ndaj grupeve të mëdha njerëzish dhe që nuk kanë lidhje. Por një mesazh i ri mund të përdorë efektin në grup për të dërguar mesazhe kundër pirjes së duhanit.
“Duhet të dyfishojmë këto përpjekje dhe kuptojmë se kur një njeri le duhanin nuk ndihmon vetëm veten, por gjithashtu kjo ndikon edhe tek një grup njerëzish që gjenden përreth tij.”

Studimi rreth pirjes së duhanit është publikuar në numrin e fundit të revistes mjekësore New England Journal of Medicine.

[Naki]

Studim mbi dëmet e duhanit mes grave
Lënia e duhanit mund të shpëtojë jetën e shumë njerëzve. Një studim i kryer mes grave që pijnë duhan tregon se lënia e tij pakëson dukshëm rrezikun e prekjes nga sëmundje vdekjeprurëse brenda 5 vjetëve të ardhshëm.
Liz Rajlli filloi të pijë duhan që kur ishte 15 vjeç. Ajo nuk e dinte se ky ves do të zgjaste për 30 vjet. Por më pas e kuptoi se nëse do të vazhdonte të pinte duhan, me siguri do të vdiste prej tij.
Kohët e fundit, shkencëtarët morën në shwyrtim se sa shpejt mund të pakësohet rreziku ndaj problemeve të shëndetit kur gratë lënë duhanin.
Mjekja Stacey Kenfield pranë shkollës për shëndetin public në universitetin e Harvardit thotë se ajo dhe kolegët e saj arritën në përfundimin se për disa sëmundje nuk duhet kohë e gjatë që gratë të shohin rezultatin pozitiv dhe të mirat që vijnë nga lënia e duhanit.
Shkencëtarët morrën në shqyrtim gjendjen e rreth 100 mijë grave nga viti 1980 deri më 2004 dhe krahasuan numrin e vdekshmërisë nga sëmundje të ndryshme mes atyre që pinin duhan edhe atyre që e kishin lënë atë, me grupin e grave që nuk kishin pirë asnjëherë duhan. Rezultatet e vëzhgimeve treguan një pakësim të madh rrezikut të vdekjes menjëherë sapo grate linin duhanin.
Mjekja Kenfielld thotë se brenda 5 vjetëve pas lënies së duhanit, u vu re një pakësim prej 21 përqind i rrezikut të vdekjes nga kanceri i mushkërive dhe një pakësim prej 50 përqind në rrezikun e vdekjes nga sëmundjet kardiovaskulare dhe të zemrës. Studimi tregoi gjithashtu se 20 vjet pas lënies së duhanit rreziku i vdekjes nga sëmundjet kardiovaskulare pakësohej edhe më shumë. Sipas studimit, rezultatet e të cilit u botuan në revistën e shoqatës amerikane të mjekësisë, kur organizmi pastrohet nga karcinogjenet që hyjnë në trup nëpërmjet tymit të cigares, organizmi është në gjendje të riparojë veten.
Liz Rajlly, e cila e la duhanin në vitin 2002, thotë se pas kaq shumë vjetësh është në gjendje të marrë frymë lirisht. Tani ajo këshillon gratë e tjera që të lënë duhanin.

MARRË NGA ZËRI I AMERIKËS

[Naki]

LDN, një ilaç i ri që lufton shumë sëmundje

Shkencëtarët kanë krijuar një ilaç që mund të përdoret ndaj shumë sëmundjeve përfshi sklerozën e shumëfishtë, parkinsonin madje edhe kundër virusit HIV. Por vështirësia që ndeshen ata është financiare dhe se sa do të jenë në gjendje të bindin firmat farmaceutike për të investuar në këtë prodhim të ri?
Ilaçi quhet LDN, akronim anglisht që në shqip mund të përkthehet si “dozë e ulët naltrexone”. Shumë pacientë që e kanë provuar thonë se ilaçi jep rezultat të mira dhe nuk lë efekte të këqia anësore. Por marrja e LDN-së në farmaci mund të jetë problem.
Pam Suegart përpiqet të kujdeset për fëmijët e saj. Por nuk e ka të lehtë. Ajo vuan nga sëmundje Crohn që shkakton fryrje e ndonjëherë ulcer në organin e tretjes. Si pasojë e sëmundjes, Pam ra nga pesha afro 30 kilogram dhe flokët filluan t’i binin. Dikush i tha se shkencëtarët në një klinikë po bënin prova me një ilaç të ri që mund t’a ndihmonte atë. Kështu Pam u bë pjesë e grupit të pacientëve që po eksperimenton ilaçin LDN në Kolegjin mjekësor të Pensilvanisë.
Deri tani ky ilaç është provuar i suksesshëm në doza të larta vetëm në trajtimin e personave nën ndikimin e forte të drogës si heroine e opium. Shkencëtarët mendojnë se një dozë e ulët me LDN mund të ndihmojë miliona pacientë që vuajnë nga sëmundje të ndryshme. Megjithatë mjekët kanë provuar se LDN-ja mund të pakësojë dukshëm simptomat tek pacientët me dhimbje në stomak.
Mjekja Xhill Smith thotë se LDN-ja vepron duke forcuar sistemin e imunitetitit të organizmit, ndryshe nga ilaçet e tjera që e dobësojnë atë. Dhe dobësimi i sistemit të imunitetit dihet se i hap rrugën sëmundjeve të tjera dhe mund të bëhet shkak për kancer. Deri tani shkencëtarët janë të kënaqur me rezultatet dhe pas dy a tre provave të tjera klinike, ata shpresojnë që LDN-ja të dalë në farmaci.

marrë nga Zëri i Amerikës

[Naki]

Trajtim i suksesshëm i melanomës
Shkencëtarët në Seattle të shtetit Uashington thonë se kanë zhvilluar një mënyrë tepër të suksesëshme për të luftuar melanomën, një lloj kanceri vdekjeprurës. Nga kjo teknikë, thonë ata, bjë ditë mund të përfitojnë edhe pacientë të prekur nga lloje të ndryshme kanceri.
Melanoma është një kancer i zakonshëm në lëkurë, por që shkakton vdekjen. Ajo shfaqet si një pikë e vogël dhe mbrenda disa muajsh, fillon të zmadhohet. Nëse lihet pa u trajtuar, melanoma mund të përhapë qelizat e saj kanceroze në të gjithë trupin. Një nga shkaktarët e këtij lloj kanceri është qëndrimi i gjatë në diell. Ajo që e bën melanomën të mundshme është lëkura delikate dhe historia familjare e shëndetit të pacientit.
Shkencëtarët tani thonë se një trajtim eksperimental i melanomës së zhvilluar mund të hapë rrugën për të luftuar edhe llojet e tjera të kancerit. Doktor Kasian Yee mori gjak nga një pacient me melanoma që ndodhej në prag të vdekjes. Nga ky gjak, ai veçoi ato që quhen qeliza T. Organizimi i programon këto qeliza për të goditur tumorët malinjë.
Qeilaza T, thotë doktor Kasian Yee, sulmojnë vetëm qelizat e tumorit dhe jo ato që janë normale.
Doktor Yee, pranë qëndrës Fred Hutchinson për kërkime në fushën e Kancerit, i veçoi qelizat T të pacientit, dhe i shtoi ato në miliarda. Pastaj këto qeliza ai i injektoi në trupin e pacientit. Vetëm 2 muaj pas trajtimit, kanceri u zhduk. Kanë kaluar dy vjet, dhe pacienti nuk ka asnjë shenjë kanceri. Dermatologu Darrell Rigel pranë akademisë amerikane të dermatologjisë thotë këto rezultate janë dramatike, pasi për herë të parë shihet se një melanomë e zhvilluar zhduket krejtësisht. Kjo procedurë tani do të provohet edhe tek pacientë të tjerë pasi qelizat T mund të përdoren për të luftuar edhe kancere të tjerë si ai i gjirit, prostatit dhe kanceri në mushkëri. Mjekët shpresojnë se rezultatet do të jenë të ngjashme me ato kundër melanomës.

marrë nga zëri i amerikës

[Naki]

Mungesa e vitaminës D tek fëmijët

Sipas një studimi, shumë foshnje e fëmijë kanë mungesë të vitaminës D. Por ekspertët kanë mendime të ndryshme rreth mënyrës më të mirë që këta fëmijë të marrin sasinë e nevojëshme të vitaminës D, që është thelbësore për të patur kocka të forta.

Nivelet e ulta të vitaminës D mund të shkaktojnë humbje të masës së kockës, që në disa raste bëhet shkak për sëmundjen e rakitizmit që sjell zbutjen dhe deformimin e kockës.

Një studim i ri i kryer nga ekspertë pranë spitalit të Fëmijëve në Boston, lë të kuptohet se shumë fëmijë kanë në organizëm sasi të pamjaftueshme të vitaminës D, gjë që rrezikon zhvillimin e kockës tek këta fëmijë.

Mjekët analizuan mostra gjaku nga 365 foshshje të porsalindor dhe fëmijë të tjerë dhe vunë re se 12 përqind e tyre kishin mungesë të theksuar të vitaminës D. Tek 40 përqind, sasia e kësaj vitaminë ishte nën nivelin e duhur.
Tek fëmijët me mungesë të theksuar vitamine D, 13 përqind kishin shenja të humbjes së mineraleve në kockë dhe 1 përqind tregonin shenja të rakitizmit.

Autorët e studimit dalin me propozimin se të gjithë fëmijët duhet të marrin vitaqminë D shtesë në formë tabletash ose formash të tjera; Ata e rekomandojnë këtë veçanërisht për foshnjet që ushqehen me qumësht gjiri, pasi qumështi i gjirit nuk përmban vitaminë D.
Por ekspertë të tjerë thonë se dhënia në mënyrë rutinë e vitaminës D për fëmijët do të ishte e parakohëshme, pasi ende nuk dihet se çfarë sasie vitamine D do të ishte mjaftueshme, dhe se çfarë pasojash afatgjate do të kishte marra shtesë e vitaminës D.

Domatet e thata luftojnë kancerin e prostatës
Ushqimet e gatuara me domate të thata janë më të shëndetëshme e më të shijëshme, ndërsa një studim i kryer nga shkencëtarët pranë universitetit të Mizurit thotë se domatet e thata mund të ndihmojnë për parandalimin e kancerit të prostatës.

Shumë restorante në Shtetet e Bashkuara i kanë hequr nga menutë e tyre domatet e freskëta për shkak të frikës nga salmonella. Por domatet e përpunuara mund të bëhen më të përdëproëshme për shkak të njoftimeve mbi studimin e ri.
Sipas studimit, domatet e thata ndihmojnë në parandalimin e kancerit të prostatës., të paktën tek minjtë në laborator. Kur domatja përpunohet ose thahet, ajo prodhon një carbohidrat ose sheqer, i njohur si FruHis. Ky karbohidrat, thotë profesorja Valeri Mossine, mund të jetë elementi që parandalon ose ndihmon për të luftuar kancerin e prostatës. Rezultatet me minjtë në laborator treguan se tek kafshët që u ushqyen me salcë domateje plus karbohidratin FruHis gjasat për t’u prekur nga kanceri i prostates ishin 6 herë më të pakta sesa tek kafshët e tjera nën studim.
Shumë studime kanë nxjerrë në pah vlerat e domates për parandalimin e kancerit. Sipas këtyre studimeve, substanca organike e quajtur Lycopene-Likopene, që e bën domaten të jetë e kuqe, ka vlera antikanceroze.

Por agjencia amerikane që kujdeset për cilësinë e ushqimeve dhe barnave thotë se këto studime nuk kanë arritur të provojnë lidhjen midis përdorimit të domates dhe pakësimit të rrezikut nga kanceri i prostatës ose çdo lloj kanceri tjetër.
Porfesor Mossine thotë se ende nuk dihet mirë se në ç’mënyrë licopena dhe karbohidrati FruHis janë në gjendje të luftojnë kancerin. Kur ky proces të njihet atëherë FruHis dhe Lycopena mund të përdoreshin si antitoksikë në procesin e kimoterapisë, për të lehtësuar efektet helmuese kimike të kësaj terapie.

Marrë nga Zëri i Amerikës

[Naki]

Astrit Lulushi
Zëri i Amerikës, Uashington
05-08-2008

Qëndresa ndaj antibiotikëve shkak për shtimin infeksioneve
Rastet e infeksioneve në lëkurë tek fëmijët thuajse janë dyfishuar gjatë viteve të fundit. Sipas një studimi qeveritar, në vitin 2000, ky lloj infeksioni renditej i 17 në listën e shkaktarëve për shtrimin në spital të fëmijëve, por në vitin 2006, infeksionet në lëkurë u renditën si shkaku i tetë.

Sipas studimit, vetëm në vitin 2006, në spitale u shtruan me infeksione 67 mijë fëmijë amerikanë. 50 përqind e tyre ishin fëmijë të moshën nën 4 vjeç. Numri i rasteve të infeksioneve u shtua edhe mes fëmijëve të moshave më të rritur nga 4900 raste në vitin 2 mijë, në mbi 10 mijë raste të tilla në vitin 2006.

Ekspertët mendojnë se një nga arsyet e kësaj prirjeje është shtimi i rasteve të qëndresës së organizmit ndaj antibiotikëve. Kjo qëndresë krijohet nga përdorimi i tepruar e i panevojshëm ose i parregullt i antibiotikëve, për shembull për të trajtuar një infeksion veshi ose bronkit, sëmundje që shpesh shkaktohen nga viruse e jo nga baktere. Megjithatë, shumë fëmijët vazhdojnë të trajtohen suksesshëm me antibiotikë më të fortë.

Mbajtja e një ditari ushqimor ndihmon për rënien nga pesha

A mundet një copë letër të ndihmojë për të rënë nga pesha? Përgjigja është po; nëse në letër njeriu shënon me shkrim ushqimet që ha gjatë ditës. Sipas një studimi, personat që mbajtën një ditar të rregullt ushqimor gjatë dietës ranë nga pesha dy herë më shumë sesa personat e tjerë që ndoqën të njëjtën dietë.

Studimi ku u përfshinë 1700 persona që ndiqnin dietë tregoi se ata që mbajtën rregullisht shënime se çfarë kishin ngrënë ranë nga pesha dy herë më shumë sesa të tjerët në grup që nuk mbajtën shënime. Dhe sa më të hollësishme ishin shënimet aq më e madhe ishte rënia nga pesha.
Shkencëtarët thonë se në raste të tilla, kujtesa nuk ndihmon dhe shpesh njerëzit janë të prirur të mos e vlerëzojnë sasinë e ushqimit që hanë, prandaj shënimi në një cope letër a bllok të ushqimeve që përdor shërben si një ballafaqim i tij me realitetin. Kjo gjithashtu ndihmon për të përcaktuar se cilat janë ushqimet që personi tundohet më shumë.

[Naki]

Studim mbi gjumin e fëmijëve

Një numër studimesh janë marë me problemet e gjumit tek të rriturit siç është për shembull apnea ose mungesa e frymëmarrjes në gjumë, gjendje që mund të çojë në goditje në zemër, hemoragji cerebrale ose bllokim arterjesh të gjakut në tru. Por shkencëtarët tani po i studiojnë këto probleme kur ato shfaqen tek fëmijët, madje edhe tek foshnjet.

Ky 6 vjeçar quhet Timi Vali. Si gjithë moshatarët, ai është energjik, por nëna e tij shqetësohej pasi dukej se ai nuk bënte gjumë të mirë. Merrte frymë thellë dhe gërhiste ndërsa kur zgjohej nga gjumi ankohej nga bajamet.

Doktor Sumit Bargava pranë universtitetit Yale, e vizitoi atë dhe vuri se bajamet i kishte të zmadhuara. Fëmijët që kanë mungesë frymarrjeje në gjumë ose apnea, thotë doktor Bargava, shpesh kur flenë, mbyllin pjesërisht ose plotësisht rrugët e frymëmarrjes. Dhe mungesa e frymëmarrjes në gjumë mund të shkaktojë probleme në zemër e diabet.
Gjatë ditës, fëmijët me apnea mund të mos përqëndrohen ose mund të tregohen tepër aktivë, por edhe të acaruar. Ata mund të ndeshen me vështirësi edhe në të mësuar. Prandaj diagnostikimi i hershëm i apneas ka shumë rëndësi. Kështi Timi Vali shkoi në spitalin e fëmijëve pranë universitetit Yale. Gjatë vizitës, atij iu vendosen elektroda në trup për të matur veprimtarinë e trurit si dhe iu bën analiza për të matur nivelin e frymëmarrjes. Kur Timin e zë gjumi, kompjuteri fillon të regjistrojë të dhënat e organizmit. Gjatë këtij procesi, doktor Bargava vuri re se gërhitja tek ky fëmijë shkaktonte hiperaktivitet. Mjeku gjithashtu konstatoi se mungesa e frymëmarrjes në gjumë tek Timi nuk ishte edhe aq e zhvilluar, prandaj vendosi të mos ia heqë bajamet. Por mjekët thanë se do të vazhdojnë mbikqyrin gjumin e tij.

Foshnjet diagnostikohen ndryshe, sepse edhe ato mund të kenë probleme gjumi, por dallimi apneas tek ta është pak i ndërlikuar. Sanatha Kasven në spitalin Saint Luke në Denver të Kolorados është specialiste në laboratorin e gjumit ku nje një kamera fokusohet në sytë e foshnjes për të parë sesa i thellë është gjumi që bën. Mjekët thonë se dokumentimi i çdo lëvizjeje të foshnjes në gjumë ka shumë rëndësi pasi në fund kur të gjitha të dhënat regjistrohen në kompjuter dhe fillojnë të studiohen, edhe mungesa më e vogël e një aspekti të lëvizjeve në gjumë, mund të të bëhet shkak për diagnostikim të jo të saktë.

Foshnjet e diagnostikuara me një shrregullim gjumi si ato të fëmijëve dhe të rriturve, mund të trajtohen me operacion. Disa ekspertë mendojnë se trajtimi me oksigjen eleminon nevojën për shumicën e ndërhyrjeve kirugjike, ndërsa të tjerë thonë se nëse gjumi i shrregullt shkaktohet nga ndonjë deformim në rrugët e frymëmarrjes, atëherë operimi mund të jetë i nevoshëm.

marrë nga Zëri i Amerikës

[Naki]

Teknologji e re skanimi me pamje 4 dimensionale
Disa spitale amerikane ka filluar të përdoret një teknologji të re skanimi me ultragtinguj nga e cila përftohen pamje 4 dimensionale. Duke siguruar pamje të tillla që janë më të qarta e më të zmadhuara, mjekët janë në gjendje të dallojnë problemet në formën e uterit ose fibroidet, si dhe të kontrollojnë shëndetin e foshnjeve të palindura.

Pamjet 4 dimensionale janë aq të qarta sa që kjo nënë ka në plan t’i ruajë ato në albumin e fotografive të fëmijës që ende s’ka lindur.
Spitali Lady Bird Johnson (LBJ) në Teksas është një prej qëndrave të para mjekësore e pajisur me aparate skanimi me ultratringuj që lejojnë mjekët të shohin pamje 4 dimensionale të një organi të brendshëm. Kështu, Patrisha Diaz, shtatzëne, arriti të shohë për herë të parë foshnjen e saj nëpërmjet kësaj teknologjie. Kristi Majers thotë se aparatet e skanimit me ultratinguj me pamje dy dimensionale, mjekët i përdorin për informata, ndërsa aparati 4 dimensional është thjesht 3 dimensional por me lëvizje.

Këto fotografi të qarta kanë bërë që aparati 4 dimesional të bëhet objekt debatesh në qarqet mjekësore. Janë aparate të tilla lojra apo të nevojëshme për mjekësinë? Mjekja Xhoan Mastrobatista thonë se imazhet 4 dimensionalë mund të zbulojnë defekte tek foshnja e palindur, defekte që nuk mund të shihen me aparate të tjera të skanimi. Spitali LBJ ka 5 vjet që e përdor këtë teknologji të re me ultragtinguj me pamje 4 dimensionale, e cila është zbuluar 10 vjet më parë. Por vetëm kohët e fundit kjo paisje ka gjetur përdorirm të ri si për shembull për të zbuluar problemet me formën e uterit ose fibroidet. Ekspertët thonë se edhe pse uteri dhe firboidet mund të shihen me paisje ultratinguj 2 e 3 dimensionalë, me teknologjinë e re 4 dimensionale, pamjet janë edhe më të qarta e më të zmadhuara.

Mjekët paralajmërojnë se gratë shtatzëna nuk duhet të kërkojnë të skanohen me ultratinguj 4 dimensionalë vetëm për të marrë fotografi. Megjithëse skanimi me këtët teknologji nuk sjell ndonjë efekt anësor, një studim arriti në përfundimin se skanimi i shpeshtë me ultratinguj mund të krijojë një rrezik të vogël në afektimin e trurit të foshnjes së palindur. Ekspertët gjithashtu rekomandojnë që skanimi me ultratinguj të kryhet vetëm në ato qëndra mjekësore ku gradimi i aparatit vëzhgohet e kryhet me kujdes.

marrë nga zëri i Amerikes.

[Naki]

Ndikimi i medias tek duhani

Kur aktorë të njohur ndezin cigare në skenë a film, fëmijët e të rinjtë janë të parët që ndjekin këtë shembull. Këshu thuhet në një raport të Institutit kombëtar mbi sëmundjet e kancerit. Kohët e fundit, disa shkencëtarë morrën në shqyrtim e analizuan një numër të madh raportesh e studimesh kërkimore mbi lidhjet midis medias dhe pirjes së duhanin nga të rinjtë. Ata arritën në përfundimin se filmat i nxisin të rinjtë të pijnë duhan. Gjithashtu në raport thuhet se firmat e prodhimit të cigareve po përdorin gjithnjë e më shumë forma të tjera përfshi internetin, për të tërhequr klientë të rinj.

Ekzistojnë shumë arsye përse fëmijët fillojnë duhanin; Ata kopjojnë prindërit, të afërmit apo shokët e tyre. Por në studimin e kryer nga instituti kombëtar amerikan i Kancerit, thuhet se në këtë rast edhe filmat kanë faj.

Reth 35 përqind e filmave më të mire bashkëkohorë përmbajnë skena ku aktorët pijnë cigare dhe fëmijët që shohin këto filma në të shumtën e rasteve bëhen konsumatorë të duhanit, thuhet në raport.

Përdorimi i cigares është i dukshëm edhe në media të tjera popullore. Rreth 20 përqind e shfaqejeve televizive dhe 25 përqind e videove muzikore tregojnë njerëz që pijnë duhan.

Filmat për njerëz të moshës mbi 13 vjeç përmbajnë më shumë skena ku aktorët pijnë duhan, prandaj, thuhet në studim, shmangja e fëmijëve nga këto filma mund të ndihmojë në uljen e shakllës së përdorimit të duhanit mes kësaj grupmoshe. Por ekspertët thonë se ndalimi i paraqitjes së skenave ku pihet duhan nga të gjitha filamt, do të ndikonte shumë në ulje e numrit të konsumatorëve të cigareve. Edhe mediat e tjera, si televizioni e gazetat, gjithashtu mund të luajnë një rol pozitiv në këtë drejtim, duke përhapur sa më gjerë mesazhe kundër duhanit.

[Jana]

hinjat mund te mos jene me problem për brezat e ardhshem. një grup shkencetaresh britanike dhe gjermane kane zbuluar një teknike, qe realizon kthimin e ngjyres origjinale nga rrenja.

Flitet për një metode ende ne fazen eksperimentale, por qe perben një baze te rendesishme shkencore për kerkimet e metejshme ne kete fushe.

Thinjat jane jo vetem një shenje moshe, por shkaktohen edhe nga stresi, apo semundjet e lekures. Sipas shkencetareve, tani mund te perdoret një molekule e sistetizuar ne laborator, KDPT, qe stimulon prodhimin e melanines, pigmentit qe ngjyroj floket.

Shkencetaret besojne se kjo teknike do te sherbeje si nxitese për realizimin e terapive te reja.

[Irsa]

Postimi origjinal është bërë nga Honesty^uk.

Person i verbër dhe çuditërisht ai është në gjendje të ngas makinën. Jens është pajisur me një aparat i cili e lejon atë të shohë. Një pjesë e aparatit është lidhur me trurin e tij ndërsa pjesa tjetër me një kompjuter.

Mjeku Bill Dobelle, shpikësi i aparatit, thotë se ai përdor stimulantë elektrikë për të ri aktivizuar shqisat e të parit tek të verbërit.

Kjo teknologji ndodhet ende në fazat fillestare, por shkencëtarët besojnë se kjo do të bëhet teknologjia së ardhmes në fushën e luftës kundër verbimit.

wow!!!!!!!!!!!!!

[Irsa]

Shtatë gjene ndikojnë në rrezikun për infarkt kardiak
Ndryshime të vogla në disa gjene shkojnë paralelisht me një rrezik të lartë për infarkt kardiak. Këtë e ka treguar një studim i shtrirë në disa shtete evropiane.
Shkencëtarë të Organizatës Shkencore për studimin e Genomit së bashku me kolegë gjerman, britanik dhe francez analizuan të dhënat gjenetike të grumbulluara nga dy studime të pavarura për lidhjen e genomit me sëmundjet koronare të zemrës dhe infarktin kardiak të 3 000 pacientëve dhe të 4 500 personave të shëndoshë. Bëhet fjalë për studimin deri tani më të madh të këtij lloji, që ka arritur në një përfundim. Shkencëtarët kanë zbuluar se disa pjesë të kromozomit vetëm ose në bashkëpunim me të tjerët mund të rrisin rrezikun për sëmundje koronare dhe infarkt kardiak. Ky rezultat është publikuar në New England Journal of Medicine. “Ne analizuam variante të vogla në genom, të ashtuquajtura SNP. Në këto mutacione gjenetike është e ndryshuar në çdo rast vetëm një gërmë në gjen në një vend të caktuar të materialit gjenetik”, sqaron Dr. Jeanette Erdmann, Koordinatore e Laboratorit të gjenetikës molekulare në Qendrën Spitalore Universitare Schleswig-Holstein, Gjermani. “Një prej këtyre varianteve gjenetik, i cili ndodhet në një vend të caktuar të kromosomit 9, dyfishon rrezikon për infarkt kardiak kur hasen në të dy kromozomet e çiftit kromozomik”. Në këtë rajon ndodhen gjene, të cilat luajnë rol në rregullimin e rritjes së qelizës. Një rritje e pakontrolluar e qelizës së enëve të gjakut merr pjesë midis të tjerash në krijimin e arteriosklerozës.
Parandalimi më i mirë është gjithmonë një jetesë e shëndetshme“Në total, gjetëm shtatë variantë gjenetike në kromozome të ndryshme, të cilët rrisin rrezikun për infarkt kardiak me rreth 20 deri 30 %”, shprehet Prof. Heribert Schunkert në Qendrën Spitalore Universitare Schleswig-Holstein. “Kjo tregon se sa të tmerrshme mund të jenë sëmundje komplekse të zemrës”. Në një variant gjenetik të kromozomit 2 shkencëtarët mundën të tregonin se rreziku për infarkt kardiak, i cili që vjen nga ky mutacion, varet gjithashtu nga faktorë të tjerë, si për shembull, mbipesha dhe tensioni i lartë i gjakut. Sëmundja nuk është vetëm gjenetike – një jetesë e shëndetshme është dhe mbetet një strategji efikase parandalimi.Rezultati i kësaj pune shkencore mund të çojë në mundësi të reja për të parandaluar dhe trajtuar këtë sëmundje masive.

[shfletuesi_]

Se lexova te terin... se shume kishte per t'lexuar qfar paska ndodh ne Meksik more ??

[Zana_ch]

Ndezje drejtpërdrejt të lidhura me kancerin e zorrë e trashë
03.02.2009

Potenciali i ri i drogës zbuloi objektivat



Ndërsa një inflamacion kronik besohet gjerësisht se predisposing një faktor për kancerin e zorrë e trashë, e saktë mekanizmat që lidh këto kushte kanë mbetur të papërcaktuar.

Shkencëtarët në Melburn Dega e bashkësisë ndërkombëtare për Ludwig Cancer Research Institute (LICR) dhe Universiteti Teknik i Munihut bashku kanë zbuluar një pjesë të re të këtij puzzle duke demonstruar se si Stat3 proteinike lidhje tumor inflamacion të zhvillimit, një zbulim që mund të çojë në identifikimin e objektivave të re terapeutike për dy pika kancerin.

Jonormal aktivizimin e intracellular sinjalizuar proteinike, Stat3, ka qenë i shoqëruar me inflamacion dhe disa të kancerit, duke përfshirë ato të gastrointestinal trakt. Rezultatet publikuar on-line sot në ditar Cancer Cell japin prova e parë të drejtpërdrejtë për të konfirmuar rolin Stat3 në inflamacion-shoqėruara tumorigenesis. Malcim-Duke përdorur një model të lidhur me kancer në manipuluar gjenetikisht mice, ekipi i identifikuar një marrëdhënie midis epitelial qelinë Stat3 aktivitetit dhe colonic tumor ndodhje, si dhe rritjes tumor. Ata gjithashtu ka vendosur që të stimulimit Stat3 nga cytokines IL-6 dhe IL-11, i prodhuar nga kimikatet dhe nxitëse të tjera që lidhen tumor-qeliza, promovon dy qelinë mbijetesën dhe rritjen e qelizave tumor.

Bashkëpunimi ishte shkaktuar nga diskutimet në mes Profesorët Matthias Ernst (LICR) dhe Florian Greten (Universiteti Teknik i Munihut) në një takim shkencor, kur ata të dy ata u zbuluan individualisht ndjek mekanizmi me anë të të cilit Stat3 lidhje inflamacion të gastrointestinal kancerit. Në vend që të konkurrojnë, të dy vendosën të bashkojnë forcat për të zbuluar të Stat3 lidhje ndërmjet inflamacion zorrë e trashë dhe kancerin.

"Kolon francez është kanceri i dytë më të shpeshta keqdashje në botën e zhvilluar kështu që nuk ishte befasi për të gjetur një tjetër grup pune Stat3 në pyetje dhe duke u përpjekur për të gjetur mënyra të reja për të synuar dy pika kanceri," tha LICR së Profesor Ernst, e përbashkët e të lartë të autorit publikim. "Së bashku ne kemi qenë në gjendje për të mësuar se si Stat3 urave inflamacion kronik dhe promovimin tumor nga ndërmjetëson qelinë mbijetesën gjatë një ngjarje nxitëse dhe rritjen e rritjes tumor qelizë. Jonë e re gjetjet janë shumë në përputhje me punën tonë të mëparshëm në rolin e Stat3 në ndërmjetësimin malcim-shoqëruara nga kanceri i stomakut. Ne presim që kjo njohuri për të forcuar përpjekjet për zhvillimin e terapi se objektivi i lidhjes midis inflamacion dhe kanceri në fund të fundit për të përfitojnë trajtimin e kancerit të pacientëve. "

Ra fjala, grupi i Profesor Michael Karin nga Universiteti i Kalifornisë në San Diego, ka arritur në përfundime të ngjashme në letër të botuar në të njëjtën çështje të Gaforres Cell.

Sarah Bardhë, Ph.D. | Quelle: EurekAlert!