Njëqindë vjetë Nënë Terezë. Njëqind vjetë, Nder i Kombit. Njëqind vjetë Nënë e Botës.

[Zero Cool]

Shënohet 10 vjetori i Lumturimit të Nënë Terezë







Me rastin e 10 vjetorit të lumturimit të Nënë Terezës dhe 1 mijë e 700 vjetorin e ediktit të Milanos sot në Katedralen Nënë Tereza në Prishtinë u mbajt mesha solemne e prire nga i dërguari special i Papa Franceskut, Francesko Kanalini.

Të dy ngjarjet me vlera fetare për besimtaret e fesë katolike 10 vjetori i Lumturimit të i Nënë Terezës dhe 1 700 vjetori i Ediktit të Milanos u shënuan me një meshë solemne në Katedralen e Prishtinës ‘’Nene Tereza’. Francesko Kanalini i dërguari special i Papa Franceskut i cili i priu meshës bëri thirrje për paqe dhe tolerancë.

Ndërkaq, Kryeministri i vendit Hashim Thaçi të pranishmëve iu drejtua me një fjalë rasti tha se Gonxhe Bojaxhiu, sakrifikoi vetveten duke mos u bërë një nënë individuale, ajo bë nënë e tërë njerëzimit.

Thaçi: Nëna Tereze - nënë e tërë njerëzimit. Nëna Tereze - sintezë e vlerave më të mira të civilizimit shqiptar.


“Sot e 16 vjet më parë u shua jeta e një qenieje njerëzore me dukje të imët nga trupi, por me një shpirt të madh dhe emër vigan.

Ajo ishte Nëna Terezë, Gonxhe Bojaxhiu, murgesha e famshme katolike, Nobelistja e Paqes, në damarët e së cilës gjatë gjithë jetës kishte qarkulluar gjaku shqiptar

Që në moshë të re ajo kishte ndjerë brenda qenies së saj një thirrje supreme, një urdhër Perëndie, duke u përcaktuar si misionare për vepra bamirësie në shërbim të njerëzimit.
Gonxhe Bojaxhiu, sakrifikon vetveten duke mos u bërë një nënë individuale, ajo u shndërrua në Nënë Terezë, duke u bërë nënë e tërë njerëzimit.

Këtu qëndron madhështia e shpirtit të saj.

Ajo u bë nënë e njeriut të pambrojtur, nënë e njeriut të pashpresë, ajo u bë nënë e nevojtarit, e jetimit, e të sëmurit, e të pafuqishmit, nënë e të braktisurit dhe nënë e të gjitha qenieve fatmjera që kanë nevojë për përkrahje.

Urdhrit të saj, Nëna Terezë i qëndroi besnike deri në fund të jetës.
Kjo devotshmëri dhe ky humanizëm bëri për vete personalitete të rëndësishme botërore, institucione dhe organizata anembanë botës.

Shkalla e përvujtshmërisë, sakrificës dhe solidaritetit të Nënë Terezës ishte e pakrahasueshme më këdo në botë.

Prandaj, asaj iu përulëm me respekt të gjithë. Mbretër, mbretëresha, liderë politikë e shpirtërorë, që nga Papa Gjon Pali i Dytë e deri tek Nelson Mandela, që nga Mbretëresha e Mbretërisë së Bashkuar deri tek presidentët e Shteteve të Bashkuara të Amerikës dhe të mbarë botës demokratike.
Nënë Tereza, një nënë e përvuajtur e njerëzimit, asnjëherë nuk e fshehu origjinën e saj shqiptare, edhe atëherë kur ishte në fillim të shërbimit brenda urdhrit të murgeshës së re, edhe atëherë kur botërisht iu pranua kontributi planetar me Çmimin Nobël të Paqes.

Prandaj sot, ashtu si dje, por edhe në të ardhmen, civilizimi shqiptar do të mburret gjithmonë me emrin e Nënës Terezë.

Ajo doli nga gjiri i një populli të lashtë, me kulturë, identitet dhe histori origjinale, të veçantë dhe të pandërprerë.

Edhe pse një popull i vogël numerikisht, në nivel botëror arriti të jap personalitet të klasit të parë në fushën e humanizmit.

Ajo ishte reprezente e qëndrueshmërisë, mbijetesës dhe pathyeshmërisë së një populli, që synonte gjatë tërë historisë të jetojë në liri me dinjitet dhe krenari.

Nëna Terezë është simbol i vlerave të larta humane, i bujarisë, mëshirës, shpirtmadhësisë, flijimit për të tjerët, bashkëvajtjes dhe vënies së interesit të përgjithshëm mbi atë personal.

Vlerat shpirtërore dhe humaniste të Nënës Terezë janë sintezë e vlerave më të mira të civilizimit shqiptar, dhe shpjegues esencial i frymës tolerante dhe kulturës së unitetit tonë kombëtar, edhe pse popull me përkatësi të shumtë fetare.

Shpirti i Nënë Terezës duhet të udhëheq edhe më tej vizionin tonë për një shoqëri të tolerancës, mirëkuptimit, respektit të ndërsjellë dhe solidarizimit pa dallim të përkatësisë sociale, etnike, kulturore dhe religjioze.

Kjo vlerë e Nënë Terezë bëri që ajo të bëhet qytetare e botës, mike e popujve, e feve dhe qytetërimeve të ndryshme.

Këtë vlerë supreme arriti ta prodhojë, ta ngrit në kulm dhe ta universalizojë një bijë, grua dhe misionare fetare me origjinë shqiptare.

Ky kontribut botëror është pjesë e historisë shqiptare, si përpjekje pozitive e një populli që vazhdimisht, për shekuj me radhë ka përpunuar idenë e lirisë dhe humanizmit.

Prandaj, ne sot jemi krenarë me emrin e Nënë Terezës, jemi krenarë me emrin e të gjithë atyre figurave të ndritura që nëpër shekuj kanë ruajtur fytyrën njerëzore në shërbim të lirisë, në shërbim të emancipimit iluminist, kulturor dhe çlirimtar të vendit tonë, por edhe të popujve tjerë.
Në shtatorin e 1997-ës, në vitin kur vdiq Nëna Terezë, Kosova ishte në prag të tragjedisë më të madhe të fund shekullit njëzet.

Kosova krahas tragjedisë ishte edhe në epokën më të rëndësishme të fillim përmbysjes së robërisë shekullore.

Vizioni properëndimor, qëndrueshmëria gjenetike, ëndrra e lirisë, gatishmëria për sakrificë bëri që Kosova të dalë fuqishëm në skenën botërore.

Kultura dhe civilizimi që kishte përpunuar ato vlera që lindën dhe rritën Nënën Terezë, kishte përpunuar edhe filozofinë politike dhe instrumentet çlirimtarë, që morën mbështetjen dhe përkrahje e botës demokratike, të Shteteve të Bashkuara të Amerikës, të vendeve të Bashkimit Evropian dhe të aleancës më të fuqishme ushtarake të botës, të NATO-s.

Civilizimi perëndimor do t’i mbështes bashkatdhetarët e Nënës Terezë.

Kosova përfundimisht u çlirua nga robëria shekullore dhe sot funksionon si shtet i pavarur, demokratik, sovran i njohur nga mbi 100 shtete të botës.

Nënë Tereza shkoi nga kjo botë pa e parë Kosovën e çliruar, pa e parë Shqipërinë si shtet anëtar të NATO-s, por me rëndësi është fakti se pjesët e atdheut ë saj sot janë pjesë e botës demokratike me synime të qarta euroatlantike.

Sot kur shënojmë 10 vjetorin e iluminizmit të Nënë Terezës më lejoni që këtë fjalë ta përmbyll me fjalët e presidentit amerikan Bill Klinton, i cili në mënyrë sintetizuese e përcaktoi përmasat e personalitetit të saj:

“Me vdekjen e Nënë Terezës bota humbi njërin prej gjigantëve të epokës sonë, që ishte në të njëjtën kohë një frymëzim dhe një sfidë për të gjithë... Mbretërit, mbretëreshat, presidentët, kryeministrat, partiakët dhe papët vijnë dhe ikin. Po ashtu edhe fituesit e Çmimit Nobël, por Nënë Terezë do të ketë vetëm një. Ajo jetoi brezin tonë, në shekullin tonë dhe ne i jemi mirënjohës për këtë.”, thuhet në fjalën e kryeministrit Thaçi.

[Zero Cool]

Fjalimi i Presidentes në 10 vjetorin e Lumturimit të Nënë Terezës






Fjalimi i Presidentes Jahjaga në koncertin e Filarmonisë së Kosovës në 10 vjetorin e Lumturimit të Nënë Terezës dhe 1700 vjetorin e Ediktit të Milanos.



Të nderuar përfaqësues të institucioneve të Kosovës,
I nderuari Imzot Francesko Kanalini, i dërguar i posacëm i Atit të Shenjtë,
I nderuari delegati Apostolik i Vatikanit për Republikën e Kosovës, Monsinjor Juliusz Janusz,
Të nderuar ambasadorë dhe përfaqësues të misioneve diplomatike në Kosovë,
I nderuari Ipeshkv i Kosovës, Dod Gjergji,
I nderuari Ipeshkv arbëresh, Monsinjor Donato Oliverio,
I nderuari arqipeshkv i Shkodrës dhe Kryetar i Konferencës Ipeshkvnore të Shqipërisë, Monsinjor Angjelo Masafra,
I nderuari arqipeshkv i Tivarit, Zef Gashi
Të nderuar të pranishëm,

I përgëzoj organizatorët e manifestimit të Ediktit të Milanos dhe të shëmbëlltyrës së Kostantinit të Madh, që përputhet me përvjetorin e Lumturimit të Nënës Terezë, duke e vlerësuar këtë si një gjest shumë simbolik, por njëherit edhe përmbajtësor të kontributit të Kosovës si vazhdimësi të Dardanisë së shenjtë antike në mirëkuptimin dhe në tolerancën ndërmjet besimeve dhe ndërmjet popujve.
Edikti i Milanos ia dha të drejtën e qytetarisë besimit të krishterë, duke lejuar dhe respektuar që të ushtrohet lirshëm nga të gjitha shtresat e popullsisë për t'u bërë ma vonë besim zyrtar i Perandorisë Romake.

Mbetet përcaktim themelor dhe i lirisë së njeriut përqafimi i besimit, ushtrimi i tij dhe respekti i vlerave. Diversiteti kulturor, fetar, etnik, gjuhësor dhe racor është karakteristika themelore e njeriut si qenie e ndërgjegjshme, krahas respektimit, mirëkuptimit dhe ndihmës së ndërsjellë, që janë shtyllat që forcojnë vullnetin dhe që fisnikërojnë dhe pastrojnë shpirtin e njeriut për t'i përballuar të gjitha vështirësitë dhe për të përfunduar me sukses të gjitha punët dhe detyrat që i ka ndaj vetes, familjes dhe shoqërisë.
Kosova dhe populli i saj kanë kaluar nëpër vështirësi të shumta që, falë vullnetit, përkushtimit dhe punës vetëmohuese, ndihmës së pakursyer të miqve ndërkombëtarë, ia ka dalë të ngadhënjejë dhe sot të jemi popull dhe shtet i lirë dhe sovran, zotërues të fatit tonë, ndërtimit të një të ardhmeje të ndritur në bashkëpunim dhe mirëkuptim, në paqe me të gjithë popujt dhe vendet.

Shënimi i manifestimit të Ediktit të Milanos të punës së Kostantinit të Madh, që ishte nga këto treva, më së miri sublimohen në shëmbëlltyrën e Nënës Tereze, misionares që gjithë jetën ia kushtoi të varfërve, duke përhapur dorën e mirësisë e të dashurisë, duke forcuar besimin në njerëz dhe duke u shkrirë në bindjen se njeriu bart vlerat më të mëdha humane brenda shpirtit të vet dhe se dashuria e mirësia si dhunti dhe si angazhim janë të paskajshme dhe janë të pashterrshme.

I shpreh falënderimet Filarmonisë së Kosovës për këtë koncert të mrekullueshëm, të cilin do ta përcjellim dhe që shpreh vlerat dhe dhuntitë tona shpirtërore.

Ju faleminderit.

[Zero Cool]

Ne po e fyejmë Nënë Terezën






Ky ështe titulli i shkrimit që kishte bërë bublicisti dhe profesori i njohur nga Tirana, Ilir Yzeiri , në lidhje me figurën e Nënë Terezës, pikërisht në kohën e perkujtimit të 100 vjetorit të Lumturimit të sajë.


Në këtë ditë edhe Kryeminsitri i Shqipërisë, Edi Rama shkruante; “Plot 10 vjet nga Lumturimi drejt Shenjtërimit, i Nënë Terezës, krenari për popullin e vogël të gruas së mrekullive. Qoftë me ne bekimi i saj.” Në lidhje me këtë bublicisti Yzeiri thotë, Jo! Mos qoftë me ne bekimi i sajë, sepse ne e kemi përdhosur në mënyrë të turpshme një amanet yë sajin dhe kemi shënur me këtë rast një akt të rëndë korrupsioni. Ai thotë se, në atë mashtrim jemi fajtorë të gjithë. As edhe njëherë thotë ai nuk do resht pa përmendur me zë të lartë: përse nuk u ndërtua spitali me emrin “Nënë Tereza”, ku ai kujton historinë e largët të vitit 1993, kur Nënë Tereza erdhi në Shqipëri dhe kishte qëndruar një kohë bukur të gjatë dhe që kishte shprehur dëshirën të ndërtohej një spital me emrin e sajë pikërisht në vendin ku veq kishte filluar të ndërtohej nga shqiptaro-italiani Konti Ferra.

Ai thotë se mëqë kjo dosje tashmë ka kaluar në gjykatë, unë jam gati të përballëm me të gjithë ata që kanë dorë në mospërmbushjen e këtij amaneti dhe t’u tregoj me fakte se ajo tokë që është në zotërim nga Fondacioni “Zoja e Këshillit të Mirë” i është dhënë këtij enti për të ndërtuar spitalin “Nënë Tereza” në fillim pastaj edhe ndonjë aktivitet tjetër. Më tutje ai quditët në mospërmbushjen e këtij amaneti dhe t’u tregoj me fakte se ajo tokë që është në zotërim nga Fondacioni “Zoja e Këshillit të Mirë” i është dhënë këtij enti për të ndërtuar spitalin “Nënë Tereza” në fillim pastaj edhe ndonjë aktivitet tjetër.
Madje befasohet se si ju kujtua kryeminsitrit Rama pikërisht tani dhe nuk e ngriti zërin asnjëherë sa ishte në opozitë, madje nga asnjë përfaqësues i PS-së si opozitë e djeshme nuk kerkoi ndërtimin e spitalit për të cilin shteti shqiptar vuri në dispozicion 100 mijë m2 tokë dhe shumë lehtësi të tjera, ndërsa shteti italjan, siç dëshmoi Gjykata e Llogarive në Lacio disa vite më parë ka dhënë shuma të konsiderueshme.

Publicisti në fjalë thotë së a ka dijeni Edi Rama për këtë histori dhe kur do ta sqarojë opinionin publik mbi këtë aferë aspak dinjitoze që na turpëron të gjithëve dhe për të cilin njëriu qe duhët të na sqarojë këtë është Tritan Shehu, sepse në kohën që ai ishte ministër shëndetësie u nënëshkrua kontrata për ndërtimin e spitalit.

Dhe krejt në fund ai thotë se në themelet e spitalit, edhe Sali Berisha kur ishte president në vitin 1993 kishte hedhur brenda një shishe me një kopje të kontratës si një shenjë pak folklorike që amanetin nuk e tret dheu. Mirëpo dheu po tret trupin e vogël të Nënë Terezës dhe amanetin jo vetëm që na e ka lënë jashtë, por ai na vërtitet përditë në fytyrë si një shuplakë që na shkund e na thotë se nuk duhet të kishit arritur deri këtu, nuk duhet të ishit tallur me amanetin e Nënë Terezës, jo të paktën jo me atë, thotë publicisti dhe profesori nga Tirana, Ilir Yzeiri.

[Zero Cool]

Sot përkujtohet ditëlindja e Nënë Terezës, 10 shprehjet e saj më inspiruese










Sot përkujtohet ditëlindja e Nënë Terezës, fituesës së çmimit Nobel për paqen e cila lindi më 26 gusht të vitit 1910.

E quajtur si nëna e gjithë botës, por që jetën ia kushtoi të varfërve, të sëmurëve dhe përkushtimit ndaj Zotit Nënë, Tereza kujtohet për veprat e saj humanitare dhe thëniet e pavdekshme për jetën e njerëzimin.

Shoh Zotin në çdo njeri. Kur laj një të sëmurë me lebër, ndjej se po kujdesem për Zotin. A nuk është kjo një eksperiencë e bukur?

Ne jemi krijuar jo që të jemi të suksesshëm, por të jemi të mëshirshëm.

Të varfërit na japin më shumë seç u japim ne atyre. Ata janë njerëz kaq të fortë, duke jetuar ditë për ditë pa ushqim. Dhe ata kurrë nuk mallkojnë, as nuk ankohe. Ne nuk duhet ti japim atyre simpatinë, por duhet të mësojmë nga ata.

Kam zgjedhur varfërinë për njerëzit tanë të varfër. Por jam e nderuar të marr çmimin Nobel në emër të urisë, zhveshjes, të pastrehëve, të verbërve, të sëmurëve, të atyre njerëzve që janë të padëshiruar, që nuk i do njeri, nuk kujdesen për ta. Njerëzit që ndihen të brektisur nga shoqëria dhe të refuar nga të gjithë.

Nëse luksi na rrethon, në humbin shpirtin. Ne do jemi të aftë të duam të varfërit nëse ne njohim varfërinë dhe jemi vetë të varfër.

Nuk kam qënë kurrë më parë në një luftë, pork am parë urinë dhe vdekjen. E kam pyetur veten se çfarë ndenjë ata kur e bëjnë këtë? Nuk e kuptoj. Ata janë të gjithë bijtë e Zotit. Pse ata e bëjnë këtë? Nuk e kuptoj.

Zoti do gjejë një person tjetër më fisnik, më të devotshëm, më të përkushtuar ndaj tij dhe shoqëria do vazhdojë.

Po prisja të isha e lirë, por Zoti ka planet e tij.

Të lutem gjej mënyrën për të vënë paqe. Mund të ketë fitues dhe humbës por të gjithë tmerrohen nga kjo. Por që nuk mund kurrë të justifikojë vuajtjet, dhimbjen dhe humbjen e jetës që armët tuaja do të shkaktojnë- letër drejtuar Xhorxh Bush dhe Saddam Hussein në vitin 1991.

Kam ëndërruar sikur isha në portat e parajsës dhe Shën Pjetri më tha: Kthehu në Tokë. Këtu nuk ka njerëz të varfër.

[murrizi]

Postimi origjinal është bërë nga Makresh

Me 25 maj 1931, Goxhe Bojaxhiu ndërron emrin e saj nga Gonxhe në Mari, dhe nga Bojaxhiu në Tereza.

Emrin "nënë" i'a lan fëmijët indian të cilt e thirrnin "ma", qe dmth : Nene.

Kurse shqiptaret e thërrasin "nënë" jo pershkak qe jetoi ne Indi, por per shkak se fitoi çmimin nobel, dhe i lavdërohen botës perëndimore me nje misionare katolike e cila e nderroi me emër, mbiemer e kombesi. Idiotësia jone me e madhe dhe me e pafalshme eshte vendosja e shtatores se saj neper te gjitha qytetet e Kosovës ! Te qon mallin se je ne Kalkuta te Indis, e jo ne trojet tona te Shqipnisss !!

Pershendetje Makresh.

[Zero Cool]

“Të besosh domethënë të jetosh (...) Besimi është e vetmja gjë që qenësisht është e jona.”

Nena Tereze

[Zero Cool]

[Zero Cool]

Nuk mund t bejme gjera te medha ne kete bote. E rendesishme eshte te bejme gjera te vogla me dashuri te madhe.

[Neferta]

Ekspozite per Nene Terezen ne Muzeun Historik Kombetar




Viti 1970, mbi kërkesën e Ministrisë së Punëve të Jashtme franceze lidhur me Roza dhe Age Bojaxhiun.

Kjo është përgjigja zyrtare nga Ministria e Jashtme shqiptare pas kërkesës së bërë në vitin 1969 nga ambasada franceze lidhur me strehimin e nenës dhe motrës së Nënë Terezës pranë Caritas-it.

Ky dokument siguruar nga Ministria e Jashtme shqiptare publikohet për herë të parë në prag të ditës së lumturimit të Nënë Terezës.

Në këndin kushtuar njërës prej figurave me origjinë shqiptare me dimensione mbarëkombëtare, Nënë Terezës, në Muzeun Historik Kombëtar i është kushtuar vëmendje dhe ekspozimit të këtyre dokumenteve të rralla.

Në këtë ekspozitë, janë përfshire dhe një set fotografish e objekte personale të ekspozuara edhe më parë, që i përkasin figurës së Nënë Terezës.

Po pjese e këtij këndi, është edhe një dokumentar i vitit 2010 “Ikona e dashurisë”, një realizim i Muzeut Kombëtar dhe RTSH-së, me skenar të Luan Malltezit dhe regji të Ilir Hashorvës.

8-vjet nga Dita e Lumturimit të Nënë Terezës më 19 tetor pritet të zhvillohen aktivitete në kuadër të kësaj dite ndërsa në arkivin qendror të shtetit u shfaq dhe një dokumentar mbi jetën dhe veprimtarinë e bamirëses mbarëkombëtare.

[Zero Cool]

MOTHER TERESA : “BY BLOOD I AM ALBANIAN”


And they questioned Mother Teresa:
“Why are you wearing white?”
And she revealed a little bit of
Her white and blue striped veil
Showed them a piece of cambric underneath
And said peacefully:
“I am an Albanian woman,
We have our hair tied up
In a white cotton head kerchief
Our good omen…our tradition—is this…”
The whiteness of her spirit made her ready for Heaven.
And they questioned Mother again:
“What will you do when you retire?”
And she pronounced modestly:
“I am a good cleaner,
As all Albanian mothers and sisters,
We wash the wooden floors with brush and soap
Making them bright like a mirror,
There is no woman who can do a better job!”
She desired to clean the surface of the globe
From diseases, wounds and poverty…
Didn’t she transform, this queen of humanism,
Because she was an Albanian—nurtured
By her birthplace’s tradition of self-denial?
Teresian virtue—the sinless humanity
Is an ancient piece of the Albanian’s genes
At the beginning on Illyria’s antique lands
Echoing and revealing civilization’s first morning…
Mother Teresa ended:
“What the world needs now is Love.”


Nga: Rozi Theohari