SHKENCA KOMPJUTERIKE

[Psikologu]

Sigurim Digjital


IBM lajmëroi që shërbimi i ri FairUCE do të bllokon SPAM por edhe ridrejton atë prej nga ka arritur. IBM raportoi që në Shtator, 76% të e-postës ishte SPAM, ndërsa rreth 2% ishin virusa. Nga shumë zgjidhje anti-SPAM që ekzistojnë vetëm kjo e IBM do t'i dërgon porositë SPAM dërguesit.

Rreziku është që IBM do të vendoset në listën bllokuese për SPAM nëse e zbaton FairUCE. IBM nuk brengoset për çështjet ligjore të FairUCE mbasi që teknologjia vetëm i'a kthen porositë dërguesit.
Sipas para-raportit mbi një ankete të re nga Mirapoint dhe Radicati Group, 10% të përdoruesve të e-postës kanë blerë diçka të reklamuar në SPAM. Anketa e re gjithashtu zbuloi që 18% të përdoruesve kanë tentuar të "ç'regjistrohen" nga SPAM, gjë që vetëm rritë numrin e porosive SPAM. Gjithashtu, 31% të përdoruesve kanë klikuar në lidhjet e vendosura në SPAM, gjë që konfirmon që këto adresa të e-postës janë aktive.

Marcel Nienhuis nga Radicati Group deklaroi "këto shënime janë befasuese dhe pak shokuese, kjo spjegon pse kërcënimet si SPAM, virusat, dhe mashtrimet vazhdojnë të përhapen...asnjë teknologji në botë nuk mund t'a mbron një organizat nëse përdoruesit nuk dinë si të përdorin e-postën".

Koha e shpenzuar në pastrimin e e-postës nga SPAM porositë i'u kushton bizneseve Amerikane gati $22 miliard në vit. Sipas një studimi të bërë nga University of Maryland, tre të katërtat e përdoruesve të konsultuar pranojnë SPAM rregullisht me mesatare të 18.5 SPAM në ditë. Mesatarja e kohës të nevojitur për t'a pastruar e-postën ishte 2.8 minuta në ditë.

National Technology Readiness Survey e bërë nga Rockbridge Associates, Inc, vlerësoi që humbja e prodhimtarisë e shkaktuar nga e-posta SPAM është në vlerë prej $21.6 miliard në vit.

Ky studim gjithashtu ka zbuluar që 14% të pranuesve i lexojnë SPAM porositë ndërsa 4% kanë bler gjërat e reklamuara në ato porosi.


Me përhapjen e SPAM-it në blog-a, Yahoo!, Google, MSN Search, Six Apart, dhe WordPress janë duke filluar iniciativën për të lufutar këtë dukuri. Tani makinat kërkuese filtrojnë URL-jat spamuese kur ato përmbajnë tag-un rel="nofollow" në lidhje (Ang: link). Kjo do të thotë që rankimi (pra populariteti) i faqeve në internet nuk ndikohet nga këto lidhje që gjinden nëpër blogje. Tagu vendoset automatikisht nga makina bloguese.

Jay Stuler, i cili që dy vite është duke fituar SPAM nga kompania SPAM-uese dhe spyware krijuese Atriks, është duke u hedhur në gjyq po nga kjo kompani mbasi që ankesat e tij ndikuan në anulime të kontratave dhe "humbje financiale". Sipas padisë, Stuler ka bërë deklarata fyese duke e quajtur Atriks "bandë famëkeqe e SPAM" dhe CEO-në "kriminel".
Në faqën e tij, Stuler thotë që "kjo padi është e dizajnuar që të më mundon dhe frikëson". Ai shton "si duket janë të zemëruar që spam-imi është tani më i vështirë...nëse unë mund të paditem për ankesa atëherë çdokush mund". Kompania deklaron që SPAM i dërguar nga ata ishte në përputhje me aktin CAN-spam të SHBA gjë që kundërshtohet nga fondacioni anti-spam, SpamHaus. SpamHaus thotë që Atriks përdorte subjekte mashtruese, gjë që është në kundërshtim me aktin CAN-spam.
Stuler është duke kërkuar ndihmë nga publiku për të luftuar kundër padisë dhe ka krijuar konto të PayPal ku ata të interesuar mund të bëjnë donacione për shpenzimet gjyqësore.
Kjo mund të jetë hapi i parë drejtë luftës së vërtet kundër SPAM. Pasi që një kompani spamuese pati guxim të bënë diçka të tillë është shumë e mundur që edhe tjerët do të fillojnë. Vendimet e këtij gjykimi do të jenë të rëndësishme dhe shpresojmë që do të jenë në favor të atyre që janë kundër SPAM.

Sean Reifschneider shkruan mbi përvojen e tij me SPAM në Gmail. Reifschneider i ka pesë adresa në Gmail. Tre të parat pranojnë prej 25 deri më 36 SPAM porosi në ditë ndërsa dy të tjerat asnjë. Sipas Reifschneider kjo ka të bëjë me vet emrin e adresës. Për tre adresat të cilat pranojnë SPAM, emri është i zakonshëm dhe përmban disa numra ose është një fjalë e zakonshme e shkruar gabimisht në gjuhën Angleze. Nga ana tjetër dy adresat e pastërta kanë emra të pazakonshëm. Njëra nga ato e ka emirn e gjeneruar me AGP, gjenerator të fjalëkalimeve, ndërsa tjetra është kombinim i dy fjalëve të shkurtëra në gjuhën Angleze. Kjo tregon që dërguesit e SPAM përdorin sulme të tipit "fjalorë" për të dërguar porositë e tyre. Megjithëse postimi i Reifschneider ka të bëjë vetëm me Gmail nuk do të ishte e pamundur që e njejta gjë punon edhe në shërbime tjera si Yahoo! dhe Hotmail.


Një ISP në Iowa fitoi paditjen gjyqësore kundër tre kompanive të cilat dërgojnë SPAM. Dëmshpërblimi prej $1 miliard "është fitore e madhe për gjitha ne të cilët e hapim e-postën dhe zbulojnë që kemi pranuar e-postë të fëlliqur, keqbërëse dhe mashtruese" deklaron Robert Kramer nga CIS Internet Services. Kompania e Kramer që ofron lidhje për internet ishte viktima e SPAM. Në një periudhë të caktuar ISP-ja e Kramer pranonte rreth 10 milion SPAM në ditë. Kompanitë e paditura ishin Cash Link Systems Inc. dhe TEI Marketing Group Inc. nga Florida, AMP Dollar Savings Inc. nga Arizona. Kramer thot "Babai im kishte të drejtë kur ka thënë që isha duke u terorizuar, dhe isha".

Kompania e sigurimit F-Secure ka zbuluar ruajtësin e ekranit të falsifikuar të Lycos i cili lufton kundër SPAM. Ky program që përhapet përmes e-postës përmban regjistrues të tastaturës (Ang: keylogger). E-posta vjen me subjektin "Be the first to fight spam with Lycos screen saver" për të cilën është e lidhur skeda "Lycos screensaver to fight spam.zip". Ruajtësi i ekranit i vërtetë për të luftuar SPAM tani është larguar nga Lycos. Ky program i falsifikuar mesiguri është reaksion nga dërguesit e SPAM të cilët para disa ditëve sulmuan serverët e SPAM.

Iniciativa e Lycos Europe për të luftuar kundër SPAM përmes ruajtësit të ekranit (Ang: screen saver) është braktisur. Iniciativa kishte tepër sukses duke rrëzuar shumë servera që dërgojnë SPAM. Ndërprerja e iniciativës është bërë nga kritikat dhe mos pajtimet të cilat i shkaktoi sepse rrëzimi i serverëve konsiderohet gjë jo-ligjore. Faqja e internetit Lycos Europe gjithashtu është sulmuar disa herë nga "cracker"-at.


Lycos Europe do të fillon përhapjën e një ruajtësi të ekranit (Ang: screensaver) që do të lufton kundër SPAM. Programi "Make Love Not Spam" mund të shkarkohet për Windows dhe Mac OS. Ruajtësi lufton kundër SPAM serverëve duke dërguar HTTP kërkesa. Në këtë mënyrë forca e bashkuar e ruajtësve tjerë mund të ngarkon dhe ngadalëson serverët e SPAM. Teste të shumta janë bërë që serverët që do të "sulmohen" nuk do të rrëzohen sepse atëherë Lycos do të jetë përgjegjëse për sulme të tipit Distributed Denial of Service (DDoS), gjë që është ilegale. Qëllimi i Lycos është që dërgimi i SPAM të bëhet më i shtrenjtë mbasi që e tërë hapësira transmetuese (Ang: bandwidth) shfrytëzohet nga kërkesat e "Make Love Not Spam". Lycos në Gjërmani beson që 10 milion programe të tilla mund të prodhojnë 33 TB të trafikut të panevojshëm dhe shtrenjtë.

AOL e ndryshon poziten ndaj SenderID dhe e pranon si protokol për luftën kundër SPAM. AOL me 15 Shtator e kishte refuzuar këtë protokol të Microsoft duke e zgjedhur SPF. AOL komentoi duke thënë që pranimi i verzionit të vjetër të SenderID do të nënkuptonte humbja e zhvillimit të deri tanishëm të bërë mbi SPF. Por si duket Microsoft nuk ka ndryshuar asgjë në aspektin e licencimit të SenderID, kështu qe aprovimi nga IETF nuk do të ndodh.


Burimi i lajmit:
http://www.tomshardware.com/hardnews/20050323_1345...