Horoskopi për Vitin 2013

[Zero Cool]

BRICJAPI

Përveç shëndetit, çdo gjë tjetër do të jetë pozitive për të lindurit nga 22 dhjetori dhe deri më 19 janar. Dashuria, karriera, paratë do të jenë me shumicë, atëherë kur do të dini të vini edhe kufijtë e duhur për të mos i tepruar gjërat. Të lindurit nën shenjën e Bricjapit mund të lexojnë më poshtë parashikimin e yjeve.

E përgjithshmja

Viti 2013 do t’ju ndihmojë ta shihni jetën në një këndvështrim të ri dhe do të ndryshojë përparësitë tuaja në jetë. Do të keni më shumë kohë të lirë për t’u çlodhur dhe për t’u rigjallëruar sesa në vitin që kaloi. Sidoqoftë, duket se duhet të praktikoni ndjenjën e tolerancës në jetë. Një atmosferë më e qetë pritet që të vijë për ju këtë vit. Planetet premtojnë më shumë të mira materiale përgjatë kësaj periudhe, kështu që ju mund të përfshiheni në fushat sociale dhe të bamirësisë shumë lehtësisht.

Karriera

Në fushën profesionale gjithçka duket se do të jetë më e efektshme gjatë 2013-s. Inteligjenca, arsyetimi dhe kreativiteti juaj të mbledhura së bashku pritet që t’ju ngrenë në një nivel të ri në karrierë. Afrimiteti juaj me drejtuesit dhe kolegët do të jetë e përzemërt dhe do të keni paqe dhe mirëkuptim në vendin tuaj të punës. Përpjekjet dhe puna e rëndë pritet që të marrin shpërblim gjatë fundit të vitit. Kolegët e skuadrës suaj do të përfitojnë nga prania juaj. Mos iu dorëzoni asnjë lloj tundimi kur bëhet fjalë për çështjet financiare dhe pozitat në punë.

Dashuria

Dyert e dashurisë do të jenë të hapura cep më cep për ju këtë vit. Planetet do t’ju ndihmojnë që të stabilizoheni në fushën e ndjenjave. Do të ketë një transformim tërësor në marrëdhënien tuaj dashurore. Do të ketë vend për ju që të mund ta shprehni vetveten në mënyrë më të ndjeshme ndaj partnerit. Madje kjo është koha e duhur për të shprehur ndjenjat dhe dëshirat tuaja të brendshme ndaj gjysmës tjetër tuajës. Jeta profesionale do të kryqëzohet gjithashtu me fushën tuaj të ndjenjave. Por bëni mirë që të mbani një kufi mes të dyja dhe mos ta zhdukni atë kufi. Mos fshihni asgjë nga partneri juaj. Mund të pritet një ëmbëlsim i mëtejshëm në lidhjen tuaj gjatë fundit të vitit.

Financat

Ky vit do t’i shohë financat tuaja që të arrijnë në lartësi të reja. Do të jeni në gjendje që të kurseni më shumë për të ardhmen. Do të keni më shumë liri në botën materialiste rrotull jush. Do të jeni të aftë të gjeni kënaqësi në punët e bamirësisë tani që do të keni më shumë për të marrë. Bëni mirë të kurseni për ditët e këqija dhe të stabilizoni të ardhmen tuaj financiare. Mbani një listë për të gjitha paratë që nxirrni dhe fusni në xhepin tuaj.

Shëndeti

Ky vit do të sjellë një gjendje më të mirë mendore dhe shëndet më të mirë fizik. Shumë energji pozitive do të rrezatojnë nga ju dhe do të keni veprime të shumta në të gjitha drejtimet. Jini i avashtë kur vjen puna për të ndryshuar dietën ushqimore, oraret e gjumit dhe aktivitetet fizike. Mos bëni asgjë të tepruar. Shmangni babëzinë për të ngrënë dhe kini kujdes në çështjet e ushqimeve me karbohidrate dhe yndyrna. Qetësohuni, meditoni dhe herë pas here bëni mirë që të merrni një pushim të shkurtër nga puna.

[Zero Cool]

UJORI

Ujorët, si shenjë e ajrit shquhen për inteligjencë dhe dëshirën e tyre për pavarësi, por edhe për ndjeshmërinë. Të lindur mes datave 20 janar dhe 19 shkurt, pritet që për vitin që po troket të kenë një fat të mirë në dashuri, në financa e karrierë. Për më tepër, ata që i përkasin shenjës së parafundit të horoskopit, mund të lexojnë më poshtë:

E përgjithshmja

Ky vit 2013 do të jetë shumë herë më i qetë dhe i paqtë seç mund ta keni menduar. Do të jetë një periudhë e mundësive të mëdha dhe me shanse për rritje në të ardhmen. Do të keni shumë situata, të cilat do të kërkojnë një angazhim të plotë nga ana juaj. Sigurohuni që veprimet tuaja impulsive të mos ju kthehen mbrapsht dhe të përplasen tek ju. Do të keni marrëdhënie të favorshme me të gjithë personat rrotull jush, në të gjitha aspektet e jetës. Ky vit pritet të jetë shumë kërkues ndaj jush.

Karriera

Do të keni shumë ndryshime dhe evolim në fushën e karrierës përgjatë vitit 2013. Drejtime apo rrugë të reja janë të hapura për ju në këtë fushë. Disa aktivitete artistike dhe punë të pavarura mund t’ju propozohen dhe nëse i shfrytëzoni, do t’ju japin mundësinë që t’u tregoni të gjithëve aftësitë tuaja. Sidoqoftë, parashikohet që për të arritur rezultate më të mira në karrierë, duhet të përpiqeni shumë dhe të punoni tepër. Më shumë progres është parashikuar për ju, por jini të sigurtë se do të keni një kënaqësi të madhe nga ana mendore në të gjitha sferat. Kjo është një periudhë për të mbjellur, dhe jo për të korrur kur bëhet fjalë për çështjet e punës.

Dashuria

Viti 2013 premton kënaqësi dhe lumturi të plotë në jetën tuaj dashurore. Kini kujdes që të mos e teproni shumë kur bëhet fjalë për t’i shprehur ndjenjat partnerit tuaj. Jini të natyrshëm dhe tregoni veten tuaj të vërtetë. Disa marrëdhënie të mëparshme mund të shfaqen në jetën tuaj këtë vit. Një gjë e tillë mund t’ju trondisë shpirtin. Sigurohuni që të mos e lejoni veten të bini në grackë. Këshilla e miqve mund të jetë shumë e dobishme në rastet kur do t’ia ndjeni nevojën. Nëse jeni beqar, ky vit do të jetë periudha e emocioneve dhe romancës përgjatë gjithë kohës. Jetoni të tashmen dhe ndërtoni themele të forta për të ardhmen.

Financat

Financat duket se nuk do të jenë të rëndësishme për ju këtë vit. Sidoqoftë, kjo nuk do të thotë se duhet të jeni i vetëkënaqur në këtë fushë. Puna e madhe e viteve të fundit pritet që të sjellë të korra të mira në të tashmen. Çështjet materiale duket se do të hidhen pas krahëve tani. Në mes të vitit ka mundësi të fitoni disa para prej fatit ose trashëgimisë. Një gjë e tillë do të kërkojë një menaxhim më të mirë të parave. Kini kujdes kur bëhet fjalë për shpenzime, sepse kjo mund të rrezikojë të ardhmen tuaj financiare.

Shëndeti

Ky vit do t’ju sjellë shëndet dhe gjallëri të madhe. Mos jini shumë i ndjeshëm për të marrë përsipër gjithë shqetësimet dhe ankthet e të tjerëve. Kjo do të ishte e dëmshme për problemet tuaja shëndetësore afatgjata. Lërini mënjanë ndjenjat dhe emocionet për një periudhë kohe. Sigurohuni që të mos i përdorni të gjitha energjitë tuaja. Mundohuni të shmangni konsumin e tepër të ushqimit dhe sigurohuni që të zbatoni këshillat që ju janë dhënë kohë më parë. Përgatituni për t’u qetësuar dhe medituar në kohën që presioni rritet.

[Zero Cool]

PESHQIT

Të lindurit nga 20 janari dhe deri më 21 mars janë dhe shenja e fundit në horoskop. Të cilësuarit nën shenjën e Peshqve pritet që të kenë një vit 2013 shumë të mirë. Karriera, dashuria, paratë janë disa nga asetet. Por ndërkohë, bëjnë mirë të jenë të qetë. Qetësia dhe diplomacia në vetvete duket se do të jetë arma e tyre e fshehtë për të plotësuar një vit siç duhet.

E përgjithshmja

Do të keni progres në jetën tuaj këtë vit 2013. Do të jeni gjithashtu shumë aktiv dhe do të keni rrugë të reja në jetën tuaj. Duhet të jeni të aftë të krijoni lidhje të mira me njerëz të lartë në shoqëri. Niveli juaj i besimit do të rritet dhe do të jeni të aftë që të vini në zbatim idealet tuaja. Pritet që të keni shumë liri dhe të mund të kapërceni çdo pengesë që do t’ju dalë në rrugën tuaj këtë vit. Por për këtë duhet të përdorni shumë takt dhe diplomaci.

Karriera

Ky vit do të jetë një periudhë gjatë së cilës mund të mendoni lidhur me planet tuaja të karrierës për të ardhmen. Është koha që të vlerësoni aftësitë personale. Dhe gjithashtu duhet të punoni shumë që të kapërceni kufijtë tuaj. Disa probleme mund të përjetohen kur bëhet fjalë për marrëdhëniet me drejtuesit apo me bashkëkolegët. Trajtojini këto probleme me qetësi dhe shkathtësi. Aspiratat tuaja duket se do të arrihen dhe do të keni përparësi të mëdha në vendin e punës. Projektet afatgjata gjithashtu do të jenë në hapa pozitivë për këtë periudhë.

Dashuria

Do të jetë një periudhë euforike kur bëhet fjalë për marrëdhëniet e dashurisë. Do të keni më tepër kënaqësi në këtë fushë. Do të gjeni momente kënaqësie të mëdha që do të vazhdojnë në rrugën tuaj. Do të jetë gjithashtu një periudhë optimiste. Por kjo nuk do të thotë se gjithçka do të shkojë mirë, siç prisni. Disa ngjarje të së shkuarës mund të shfaqen duke sabotuar marrëdhëniet tuaja. Do të keni nevojë që të jeni më i qartë në vetvete dhe të vlerësoni mirë motivet tuaja të brendshme. Nëse tashmë jeni të përfshirë në një marrëdhënie, momente edhe më intime janë në pritje për ju. Një harmoni e përgjithshme pritet të përfshijë jetën tuaj dashurore.

Financat

Ky vit do të ketë një ekuilibër të përkryer mes të ardhurave dhe shpenzimeve tuaja. Këtë vit bëni mirë të mësoni nga dështimet e shkuara kur bëhet fjala për paratë. Mos bëni të njëjtat gabime të mëparshme në këtë fushë. U shkoni çështjeve deri në fund dhe analizoni në dritën e duhur për të pasur një status financiar më të mirë. Kjo nuk do të thotë se duhet të bëni më shumë përpjekje, por thjesht që duhet t’i menaxhoni lëvizjet financiare në mënyrë më të mirë. Shpirti juaj krijues do t’ju ndihmojë që të përballoni çdo situatë jo të mirë financiare të paparashikuar për këtë vit. Fundi i vitit do t’ju sjellë edhe disa ide fitimprurëse për të përmirësuar gjendjen tuaj financiare.

Shëndeti

Ky vit do t’ju bekojë me më shumë energji dhe gjallëri dhe do t’ju ndihmojë që të ecni përpara gjatë gjithë vitit me fuqi të ripërtërira dhe forcë. Duhet të ndryshoni stilin tuaj të jetës në disa gjëra dhe të ndani mendjen për t’i dhënë fund disa zakoneve të këqija, të cilat për një kohë jo pak të gjatë ju kanë ndjekur. Jini spontan dhe bëjini këto ndryshime, të cilat do të rezultojnë më të shëndetshme për ju. Tregohuni i qetë, dhe mundohuni ta shmangni stresin e gjithashtu mos u tendosni shumë. Një gjë e tillë do të ndikonte shumë keq në sistemin tuaj nervor. Menaxhoni emocionet dhe gjendjen mendore me lehtësi. Ky është një vit në të cilin do të bëni mirë të keni më shumë aktivitet fizik. Evitoni ushqimet e gatshme dhe qëndroni larg karriges sa më shumë të jetë e mundur.

[Zero Cool]

Ja sëmundjet sipas shenjave





Dashi

Personat që i përkasin shenjës së Dashit janë të ndjeshëm, kanë shumë marramendje, zjarrmi të lartë apo ndezje. Ndaj ata duhet të ruajnë fuqitë dhe shëndetin e mirë. Mjekësia astrologjike këshillon që ata të merren me aktivitete më të “nxehta”, respektivisht të ushtrojnë sporte të ashtuquajtura luftarake, në të cilat deshët mund ta tregojnë veten mirë. Gjimnastika, vallëzimi dhe e ashtuquajtura Terapi e Rajshit (thënë shkurt e shqip: seks). Mirëpo, tek njerëzit që i përkasin kësaj shenje, edhe skijimi dhe çiklizmi kanë efekte shumë të mira. “Deshët” edhe përpos nevojës së zbrazjes së energjisë së madhe, megjithatë duhet të pushojnë shpesh dhe relaksohen mirë gjatë ushtrimeve fizike. Në këto momente i rezervoni vetes kohë dhe çaste të mjaftueshme kur mund të merrni në dorë sërish ndonjë libër, po ashtu të dëgjoni edhe muzikë, ndërkaq mendimet që ju sillen çdo ditë në kokë t’i hiqni qafe, së paku për ca qaste. Këshilla: Sa më shpesh që keni mundësi bëni masazh të fytyrës.

Demi

Demi mund të ketë probleme me qafën dhe grykën së bashku me gurmazin, bajamet, veshët, hundët, gjuha, buzët dhe zverku (zverku i demit!) si dhe balli. Sistemi i demit është ndërrimi i oksigjenit, pra përpunimi i ushqimit, jo vetëm organet e tretjes, por edhe gjëndrat e regjionit të ballit janë pjesëmarrëse në veprim. Demat janë të pirur të vuajnë për kohë te gjatë nga sëmundje të ndryshme, Sëmundjet tek ta zakonisht shtrihen në rrugë joproporcionale (pra të mbitheksuar) veçmas në regjionin e organeve dhe të sistemit të frymëmarrjes. Demat janë gjithashtu të prirur që të kenë mbipeshë të theksuar dhe të tejkalojnë paksa me marrjen e ushqimit. Masat e preferuara për ta janë: agjërimi, masazh, puna në kopsht, muzika e mirë dhe qëndrimi në natyrë të pastër. Këshilla: filloni me një regjim të agjërimit (dietës) dhe do të vëreni se sa të ç’lirë do të ndjeheni në pjesë të ndryshme të trupit.

Binjakët

Sistemi i binjakëve është tërësisht sistemi qendror i nervave së bashku me mushkëritë, si dhe sistemi i imunitetit dhe gjëndrës së ashtuquajtur Thymus. Zakonisht binjakët janë të pirur të vuajnë nga mushkëritë (ngase në parim ata pinë duhan së tepërmi!), nga pengesat në sistemin nervor dhe nga ndezjet në brinjë e gjoks. Ndikojnë pozitivisht ushtrimet në të marruarit frymë, bisedat, terapitë për ç’lirim dhe terapitë për nxehje si p.sh. akupunktura. Me rëndësi të veçantë për ju edhe: i ashtuquajturi “tush në oksigjen”, ne formë të shëtisë në ajër të pastër.

Gaforrja

Gaforrja shënjon lukthin, tek gratë- gjinjtë si dhe mitrën, gjëndrat e pështymës, pastaj më tej të gjitha vrimat e lëkurës (mbështjellësit) të trurit, bebëzën e syrit, mbështjellësin (lëkurën) e zemrës dhe membranat e nervave. Gaforret janë të pirur të vuajnë nga sëmundjet e lukthit, nga depresionet, hypohondria. Ata duhet të jenë më optimist, gjërat t’ i marrin më shtruar. Terapitë e preferuara janë kurat në ujë dhe marrja në mënyrë të veçantë i çajit të malit/barishte (si tip lulelakre, por me stap të gjatë dhe fleta të gjera). Këshilla: nëse keni mundësi dhe hapësirë bëjeni një kopsht personal me lloj-lloj barishte duke filluar nga çaji i kamomilës, çaj nane etj.. Nëse nuk keni kopsht, atëherë mbusheni një bidon të bukur në terrasë ose diku në dritaren pranë tavolinës së kuzhinës. Angazhimi me këtë lloj aktiviteti do t’ju qetëson.. Ky lloj i “hobit” të ri , juve si tip social që jeni, do t’ua rivendos baraspeshën e humbur dhe do t’ju bëjë të kënaqur.

Luani

Zemra, shpretka, shtylla kurrizore si dhe arteriet shënjojnë shënjuesin e diellorit luan. Luanët kanë tendenca të vuajnë nga sëmundjet e zemrës dhe të qarkullimit të gjakut por edhe nga dhimbjet e shpinës. Ata, mu për këtë, do të duhej që më shpesh të pushojnë e ç’lirohen, të bëjnë shëtitje të gjata dhe të mos e mbivlerësojnë gjithnjë e më shumë vetveten. Për luanët terapitë tipike janë ato të ashtuquajturat terapitë e vallëzimit, banjat në diell dhe qëndrimi në lartësi. Këshilla: Gjithnjë kur të keni kohë të lirë, shtrijuni në bankë në një cep të kopshtit, dhe nënshtrojuni rrezeve jopërclluese të diellit. Për shënjuesit e zjarrtë si ju, drita është balsam i shpirtit. Për ju, po ashtu, edhe lëvizja është e nevojshme. Luanëve, deshve dhe shigjetarëve ushtrimet fizike të rregullta ju bëjnë shumë mirë. Do të ishte mirë që së bashku me partnerin tuaj të regjistroheni në një shkollë vallëzimit. Lëvizjet ritmike ju bëjnë shumë mirë në mbajtjen e trupit, dhe ju ndihmojnë që të ç’liroheni fizikisht dhe shpirtërisht.

Virgjëresha

Këtë shenjë e përcaktojnë zorra e trashë, gjëndrat e stomakut dhe organet tjera që dërgojnë elemente për tretje ( mëlçia e zezë, vreri). Sistemi i virgjëreshave është sistemi i vlerësimit të ushqimit. Virgjëreshat janë të pirur të vuajnë nga pengesat dhe vështirësitë në sistemin e tretjes në regjionin e zorrëve. Për këtë arsye ata/ato do të duhej t’i kushtojnë rëndësi ushqimit (mos të punojnë shumë, natyrisht jo edhe pak!) dhe para së gjithash: të qeshin shumë. Virgjëreshat e mbajnë shëndetin përmes dietave dhe ushqimeve me origjinë natyrore, me bimë shëruese dhe barishte të ndryshme, që ndikojnë në qetësimin e sistemit tretës, përmes kurave të agjërimit dhe meditimit. Familjet e tyre, miqtë etj. nuk mund ta marrin as me mend se sa vibrime të ndjeshme kanë nervat e kësaj shenje.

Peshorja

Shënjuesit të peshojës i përket pjesa e veshkave si dhe korja e veshkave pranë, mëshikëza dhe regjioni i ijëve. Sistemi i peshores (apo funksionet) krijojnë baraspeshë dhe rregullojnë: p.sh. vlerat e PH-së së gjakut të veshkave, temperaturën përmes “termostatit” në tru. Të lindurit peshore priren të kenë ndezje në veshkë dhe mëshikëz, por edhe gurë në veshkë. Terapia tipike e peshoreve është ajo me muzikë dhe përmes vallëzimit. Ndihmojnë edhe terapitë përmes bisedave që ka mundësi të bëhen edhe me miq. Këshilla: përdoroni sa më shumë lëngje në formë të çajeve natyrale.

Akrepi

Shënjuesit të akrepit i përket zorra e trashë dhe zorra e zgurdhit. Gjithashtu edhe organet e sekretimit, pra edhe gjëndrat embrionale. Sistemi i akrepit ngjallë jetën e re dhe eliminon atë të vdekurën, atë të përfunduarën. Akrepat janë të pirur të vuajnë nga sëmundjet e organeve që prodhojnë sekret dhe atyre gjenitale. Por nganjëherë edhe nga pasojat e jetës së tyre të stilit herë ekscesive e herë tërësisht ekstreme. Akrepat do të duhej t’ i adaptohen stilit të jetës “së lehtë, por edhe të vështirë” dhe të mos kërkojnë që të jenë të fundit, duke prodhuar më shumë ndjesi mirëkuptimi për të tjerët – shumë e rëndësishme – sa më shpesh të çlodheni e çliroheni përmes muzikës së lehtë , përmes leximit të librave me tema të lehta ose duke qëndruar në rrethe miqsh të ngushtë. Këshilla: Mësohuni njëherë emirë të çliroheni. Sa më shpesh bëni marshe në natyrë, të lirë dhe pa kurrfarë qëllimi dhe trysnie.

Shigjetari

Shigjetarit si tip sportiv, vital i përgjigjen nyejt e këmbëve dhe kofsha e epërme, pastaj vijnë: frymëmarrja dhe nxjerrja e thellë e saj, përshtatja e syve me ambientin etj. Sistemi i shigjetarit është sistem i lëvizjeve të njeriut në nxitim. Shigjetarët vuajnë nga lëndimet e natyrës sportive por të lehta, që vijnë edhe si rezultat i neglizhencës, pastaj nga lëndimet e nyejve të legenit dhe jo rrallë edhe nga lëndimet në fytyrë. Shigjetarët herë pas herë kanë nevojë të ndërrojnë stilin e jetës. Gjithsesi kjo bëhet edhe në shenjë të ruajtjes së optimizmit, si diçka tepër me rëndësi për organizmin e njeriut. Terapitë tipike të shigjetarëve kanë të bëjnë me sport: të ushtruarit e çiklizmit, vrapimi i lehtë, kalërimi, lufta me skermë, noti, fluturimi dhe ngjitja në lartësi. Shigjetarët i lodhë ndeja, rutina dhe struktura e njëjtë e ditës, por edhe disa prej lojërave a aktiviteteve të njëtrajtshme në kohë të lirë. Shigjetarët kanë nevojë për ndryshime, që t’ i ofrojnë shpirtit të tyre ushqim përherë të freskët. udhëtimet janë balsam për shpirtin e tyre dhe ruajnë freskinë e trupit dhe mendjes.

Bricjapi

Bricjapit të ftohtë dhe konservativ, sipas pikëpamjeve të mjekësisë astronautike, i përkasin eshtrat dhe nyejt, para së gjithash gjuri, gjëndrat tiroide, gjëndrat dhjamore, dhëmbët, qimet e lëkurës dhe thonjtë. Bricjapët në pleqëri vuajnë nga reuma, tendosja e muskujve, të ajurit e nyejve, dëmtimet e gjunjëve etj. Pikërisht për këtë, bricjapët duhet të pinë shumë ujë, ta gëzojnë e shijojnë si të nxehtit ashtu edhe lagështirën e natyrës sa më shumë e sa më shpesh që munden dhe mos ta çajnë kokën edhe aq për rregullat e mirësjelljes të rrethit dhe shoqërisë. Të jesh fare i lirë – kjo është deviza e bricjapëve. Terapitë e bricjapit janë – dieta, që kanë për bazë para se gjithash ato prodhime me origjinë bimore, si rrënjë, zabardhoku i patates, pastaj hudhra, preshi, qepa, rrepa e kuqe etj. Përpos këtyre edhe veprimet lehtë të zbatueshme: agjërimi, ngjitja nëpër lartësi, marshimi etj. Këto veprimet e fundit mund t’ i bëni edhe më lehtë në shoqëri, duke iu bashkuar ndonjë grupi alpinistësh a marshuesish të rregullt. Këshilla: shkarkohuni sa më shumë nga obligimet e brendshme, me të cilat vazhdimisht e ngarkoni veten.

Ujori

Kësaj shenje të jashtëzakonshme dhe shumë mbresëlënëse i përkasin pjesët e shpatullave të poshtme dhe venat e saj, pastaj pulpat (e këmbëve), thembra dhe pjesa e shpinës. Funksionalitetin e kësaj shenje e karakterizojnë: bartja dhe ushqimi kapilareve me oksigjen, sistemi i përgjithshëm i venave dhe sistemi i pavetëdijshëm nervor – i ashtuquajturi ndryshe edhe sistemi vegjetativ. Ujorët janë të pirur të vuajnë prej shtangimit të pulpave të këmbëve, shtangimit të muskujve, të ftohurit e nyejve të këmbëve. Shpirtërisht ujorët reagojnë rrallë, por nuk do të duhej që të lëndohen në atë shkallë që ata pastaj ta kalojnë çdo kufi të reagimit. Terapitë tipike të suksesshme të shërimit për ujoret janë: terapia përmes fushës magnetike, akupunktura elektronike, dhe bioenergjia (e njohur edhe me emrin Reiki).

Peshku

Shënjuesi i fundit i rrethit të shtazëve- peshku, i përshkruhet sistemi i këmbëve, respektivisht lëngu përçues i tij (gjaku dhe limfa). Peshqit ëndërrues vuajnë nga shputat e këmbëve, sëmundjet që vijnë si rezultat i të ftohurit të gjatë e të thellë, por edhe mungesave të lëvizjeve dhe si rezultat i pasivitetit të theksuar. Ata do të duhej të lëvizin më shumë (sa shpirtërisht aq edhe fizikisht!), të kenë qëndrim të qartë për jetën dhe mos të rrëshqasin drejtë ujërave të pesimizmit dhe kotësisë. Terapitë me të mira të kësaj Kategorie (peshkut) janë: drenazha e limfave, meditimi, jeta në gjallëri, masazh e zonave refleksive të këmbëve, ushtrimet e sensibilitetit, qëndrimi në det, noti dhe nxitja për t’ u shkëputur nga të menduarit për gjëra të imta, të përditshmërisë. Këshilla: Hidhuni një çast në krahët e ëndrrave. Aty janë dhuratë e veçantë për ju! Që të jeni të kënaqur në brendi të shpirtit, sikur akrepat, edhe juve do t’ ju bënte mirë ndonjë aktivitet i natyrës sociale. Mendimet se po ju ndihmoni të tjerëve, ndikojnë pozitivisht në vet harmonizimin e mendjes dhe shpirtit.

[Zero Cool]

Për botën në këtë vit 2013


Viti i revolucioneve, tërmeteve dhe konfuzioneve qe do të sjellin një të ardhme me të mire. Ky është parashikimi i astrologëve për vitin 2013.

Viti i brishte 2012 ka paraqitur vështirësi te shumta, por që sigurisht nuk do të shënojë fundin e botes te parashikuar nga fisi Maya. Toka për fat të keq do te ketë ende mundësinë të prezantohet me tërmetet, katastrofat natyrore,vullkane që rizgjohen, përmbytje, kthesa te mëdha e të papritura në shumë sektorë të jetës dhe askush nuk do të mund te konsiderohet i sigurt, por një gjë është e sigurt, fundi i botes është ende larg. Ne kemi thjesht mundësi për të realizuar një “shkundje” të shoqërisë dhe duke filluar nga fundi i janarit të vitit të ardhshëm do të ketë kolaps të shumë situatave që duket se i kanë rrënjët të thella.

Sipas astrologëve ky vit favorizon jo vetëm dashurinë, por edhe rizgjimin e ndërgjegjes se njeriut, sjell një vale solidariteti, mirëkuptimi, bota do te pësojë një ndryshim të thellë. Ky vit do te jete viti i ndryshimeve. Sigurisht qe nuk do të jetë pa drama, dështime, falimentime personale apo kolektive dhe njerëzit nuk do të jenë pa frikë dhe stres.

Rruga për liri dhe autonomi e planetëve kërkon që të thyhen zakonet e përditshme. Frika për një të ardhme pa siguri dihet që kushtëzon zgjedhjet, shpresat, objektivat dhe si pasoje nuk ndihemi të lirë të duam, të guxojmë, të reagojmë duke ndjekur pritshmërinë tona, por në 2013 çdo barrierë e brendshme duhet të mposhtet me kuraje. Është momenti që me shume se kurrë mund të jemi vetvetja.

Politikane dhe kryetare shtetesh do te përballen me konflikte të çdo lloji dhe me krize – ekonomike, për kapërcimin e së cilës shihet një drite në fund të tunelit në 2014. Në kuadrin politik dhe institucional shihen transformime të mëdha. Disa sisteme nuk korrespondojnë me realitetin dhe me shume mundësi do të jenë “sistemet” e reja që do të rebelohen ndaj të vjetërve që do të përpiqen me të gjitha forcat t’i rezistojnë çdo transformimi te vogël apo të madh të sistemeve dhe të mbajnë ekuilibrin e pushtetit.
Rezistenca për të ndryshuar do të prodhoje tension te madh, por ne një mënyrë a ne një tjetër do të pranojnë urgjencën e ndryshimit te kursit dhe rreth fundit te janarit dhe fillimit te shkurtit, fund marsi dhe muaji prill, por sidomos ne korrik për sa u përket situatave të tensionuara do të ketë momente të nxehta dhe te vështira.

Pra 2013 do të sjell një klime revolucioni që shpresojmë të sjelle në drite ekuilibrat tashme te shkatërruar. Se fundmi vendosja e planetëve për ketë vit thotë se shume vende do të jenë të detyruara të bëjnë një bilanc humbjesh, gabimesh, për të gjetur zgjidhjen e duhur, të krijojnë strategjitë e duhura për të dale nga kriza dhe në disa raste t’i vendosin fre, imponojnë rregulla të forta për korrupsionin dhe të gjithë ata që shkelin ligjin duke menduar se janë të paprekshëm. Kjo do të jetë një kërkesë e forte e vullnet i gjithë shoqërisë, te lodhur dhe te dëshpëruar nga vështirësitë e shumta financiare.

2013 mund të përmblidhet me pak fjale: vëllazëri, rizgjim i ndërgjegjes, zgjedhje jetësore, rruge te reja, vdekje dhe ringjallje, ripërtëritje.

[Albonita]

Postimi origjinal është bërë nga Zero Cool

BRICJAPI

Përveç shëndetit, çdo gjë tjetër do të jetë pozitive për të lindurit nga 22 dhjetori dhe deri më 19 janar. Dashuria, karriera, paratë do të jenë me shumicë, atëherë kur do të dini të vini edhe kufijtë e duhur për të mos i tepruar gjërat. Të lindurit nën shenjën e Bricjapit mund të lexojnë më poshtë parashikimin e yjeve.

E përgjithshmja

Viti 2013 do t’ju ndihmojë ta shihni jetën në një këndvështrim të ri dhe do të ndryshojë përparësitë tuaja në jetë. Do të keni më shumë kohë të lirë për t’u çlodhur dhe për t’u rigjallëruar sesa në vitin që kaloi. Sidoqoftë, duket se duhet të praktikoni ndjenjën e tolerancës në jetë. Një atmosferë më e qetë pritet që të vijë për ju këtë vit. Planetet premtojnë më shumë të mira materiale përgjatë kësaj periudhe, kështu që ju mund të përfshiheni në fushat sociale dhe të bamirësisë shumë lehtësisht.

Karriera

Në fushën profesionale gjithçka duket se do të jetë më e efektshme gjatë 2013-s. Inteligjenca, arsyetimi dhe kreativiteti juaj të mbledhura së bashku pritet që t’ju ngrenë në një nivel të ri në karrierë. Afrimiteti juaj me drejtuesit dhe kolegët do të jetë e përzemërt dhe do të keni paqe dhe mirëkuptim në vendin tuaj të punës. Përpjekjet dhe puna e rëndë pritet që të marrin shpërblim gjatë fundit të vitit. Kolegët e skuadrës suaj do të përfitojnë nga prania juaj. Mos iu dorëzoni asnjë lloj tundimi kur bëhet fjalë për çështjet financiare dhe pozitat në punë.

Dashuria

Dyert e dashurisë do të jenë të hapura cep më cep për ju këtë vit. Planetet do t’ju ndihmojnë që të stabilizoheni në fushën e ndjenjave. Do të ketë një transformim tërësor në marrëdhënien tuaj dashurore. Do të ketë vend për ju që të mund ta shprehni vetveten në mënyrë më të ndjeshme ndaj partnerit. Madje kjo është koha e duhur për të shprehur ndjenjat dhe dëshirat tuaja të brendshme ndaj gjysmës tjetër tuajës. Jeta profesionale do të kryqëzohet gjithashtu me fushën tuaj të ndjenjave. Por bëni mirë që të mbani një kufi mes të dyja dhe mos ta zhdukni atë kufi. Mos fshihni asgjë nga partneri juaj. Mund të pritet një ëmbëlsim i mëtejshëm në lidhjen tuaj gjatë fundit të vitit.

Financat

Ky vit do t’i shohë financat tuaja që të arrijnë në lartësi të reja. Do të jeni në gjendje që të kurseni më shumë për të ardhmen. Do të keni më shumë liri në botën materialiste rrotull jush. Do të jeni të aftë të gjeni kënaqësi në punët e bamirësisë tani që do të keni më shumë për të marrë. Bëni mirë të kurseni për ditët e këqija dhe të stabilizoni të ardhmen tuaj financiare. Mbani një listë për të gjitha paratë që nxirrni dhe fusni në xhepin tuaj.

Shëndeti

Ky vit do të sjellë një gjendje më të mirë mendore dhe shëndet më të mirë fizik. Shumë energji pozitive do të rrezatojnë nga ju dhe do të keni veprime të shumta në të gjitha drejtimet. Jini i avashtë kur vjen puna për të ndryshuar dietën ushqimore, oraret e gjumit dhe aktivitetet fizike. Mos bëni asgjë të tepruar. Shmangni babëzinë për të ngrënë dhe kini kujdes në çështjet e ushqimeve me karbohidrate dhe yndyrna. Qetësohuni, meditoni dhe herë pas here bëni mirë që të merrni një pushim të shkurtër nga puna.

Phi krejt bre ja pasa cellu vec diq jo