Barcelona

[LaCoStA]

Guardiola: Pa dyshim se duam ta fitojmë Kupën



Trajneri i Barcelonës, Pep Guaridola, thotë se nuk ka dyshime se lojtarët e tij janë të motivuar në prag të ndeshjes së sotme të Kupës përballë Valencias.

Sfida, e cila sonte do të vazhdojë në Camp Nou, është e ekuilibruar pas barazimit 1-1 javën e kaluar në Mestalla.


“E di se ne kemi fituar shumë tituj, por këta lojtarë dëshirojnë të arrijnë edhe në një finale. Finalja e Kupës është një prej më të bukurave”, ka thënë Guardiola.

[LaCoStA]

Benitez: Pep më i mirë se Mou dhe Fergie


Ish-trajneri i Liverpoolit, Rafael Benitez, e vlerëso trajnerin e Barcelonës, Pep Guardiola, mbi Jose Mourinhon dhe Sir Alex Ferguson.

“Është vështirë, por për të mos e shmangur pyetjen them se gjithmonë më ka pëlqyer mënyra më e veçantë e interpretimit të futbollit, që është Pep Guardiola”.


“Mendoj se fuqia e tij më e madhe ka qenë njohuria se si t’i japë vazhdimësi projektit të tij. Stabiliteti nuk është aq i komplikuar sa ndryshimet”, ka thënë Benitez.

[LaCoStA]

Guardiola ka frikë nga Banega



Trajneri i Barcelonës, Pep Guardiola, mezi pret ndeshjen kthyese në Copa del Rey ndaj Valencias, që zhvillohet sonte mbrëma në Camp Nou, e ku tekniku katalanas si rrezik kryesor e sheh mesfushorin Ever Banega.

“Banega është lojtar fantastik. Ne duhet të jemi të fokusuar në lojë për t’u siguruar që ai të mos jetë aq efektiv”.


“Nëse ata janë prapa nesh, Banega nuk do të jetë problem i madh. Nëse ne jemi prapa tyre, atëherë kjo do të jetë shumë problem i madh”, ka thënë Guardiola.

[LaCoStA]

Barcelona synon finalen, gati për Valencian





Barcelona ka kryer edhe stërvitjen e fundit para përplasjes së dytë gjysëmfinale me Valencian. Shumë e dyshimtë për këtë takim është paraqitja e disa prej lojtarëve të lënduar në ndeshjet e fundit për Barcelonën.


Iniesta, Buqsuets dhe Pedro kanë marrë pjesë në stërvitjet e sotme por mbetet misterioze prezenca e tyre apo jo në ndeshjen ndaj Valencias. Në mëngjes

“Sport.Es” ka publikuar formacionet e mundshmë të kësaj ndeshje ku Iniesta, Busquets dhe Pedro figurojnë në listën e lojtarëve që do të mungojnë.


Por ka qenë Pep Guardiola ka deklaruar se në momentin e fundit do të vendos por aktivizimin e tyre në këtë takim. Nëse 3 lojtarët e cekur mungojnë në këtë takim atëherë Barca do të sulmoj me 3-shen e frikshme Messi, Sanchez dhe Fabregas, ndërsa pozitën e Busquetsit në mesfushë mund ta zë Mascherano.Pinto do të jetë guardian i portës ndërsa në mbrojtje nuk do të ketë befasi.


Xavi rikthehet për të ndihmuar Barcen në këtë takim, ndërsa pritet ta ketë ndihmesën edhe nga Alcantara. Ndeshja e parë ndërmjet këtyre skuadrave ka përfunduar baraz 1 me 1, ndërsa fituesi I kësaj përballje do të takohet me Athletico Bilbaon e cila eliminoj skuadrën Mirandes

[LaCoStA]

Barça në finale me Bilbaon



Barcelona është kualifikuar në finalen e Copa del Rey pas fitores prej 2-0 të arritur në Camp Nou ndaj Valencias, që ishte rezultat i mjaftueshëm pas barazimit prej 1-1 në ndeshjen e parë të zhvilluar në Mestalla.

Barcelona në këtë takim që nga fillimi synoi fitoren dhe pa ndonjë problem të madh arriti të gjejë portën kundërshtare.

Fillimisht Lionel Messi ia përgatiti golin Cesc Fabregasit, i cili shënoi për 1-0 pas 16 minutash lojë.

Në vazhdim katalanasit dominojnë dhe kishin disa raste të pastra shënimi, ndër të cilat vlen të përmendim një goditje të gabuar të Cesc Fabregas pas një gafe të portierit të Valencias.



Në pjesën e dytë vetëm sa u zyrtarizua kualifikimi në finale. Feghuoli lehtësoi gjërat me përjashtimin e tij në minutën e 77-të, kurse katër minuta më vonë (81’), Xavi me asistimin e Cesc Fabregas shënoi për 2-0 dhe fitoren e Barcelonës.

Barcelona në finalen e Copa del Rey do të takohet me Athletic Bilbaon, që në gjysmëfinale s’kualifikoi skuadrën e kategorisë së tretë, Mirandes. Ende nuk dihet vendi ku do të zhvillohet finalja, por sipas zërave mund të ndodhë që Barcelona ta ngrisë Kupën e Mbretit në stadiumin mbretëror, Santiago Bernabeu.

[LaCoStA]

Alba: Çdo lojtar i ri ëndërron për Barcën



Mbrojësi i Valencias, Jordi Alba, ka shprehur admirimin e itj për Barcelonën.

Alba është lidhur me një kalim në Camp Nou, siç është përfolur edhe për një transferim të tij te Manchester United dhe Liveprool.

“Çdo lojtar që nga fëmijëria ëndërron të arrijë sukses me Barcelonën”, ka qenë i qartë mbrojtësi spanjoll.

[LaCoStA]

Barca jashtë garës për titull



Barcelona e ka pësuar edhe humbjen e dytë të sezonit në La Liga, duke u mposhtur si mysafir i Osasunas me rezultat 3-2.

Vendasit krijuan avantazh të dyfishtë në pjesën e parë, ndërsa të dy golat mbanin firmën e të njëjtit lojtar, Dejan Lekic (5’ dhe 22’).

Pak minuta brenda gjysmës së dytë (51’), Blaugranët e ngushtuan diferencën me anë të Alexis Sanchez, mirëpo shumë shpejtë atë e riktheu, Raul Garcia, me golin e tretë të vendasve.

Cristian Tello shënoi një gol të bukur për ta dramatizuar pjesën e mbetur të takimit (73’), mirëpo mysafirët nuk arritën ta barazojnë rezultatin. Ndërsa vlen të përmendet një gol i anuluar për pozitë jashtë loje, vendim që do të hapë mjaft polemika kundrejt arbitrit të ndeshjes.

Kjo humbje e lë Barcelonën shtatë pikë prapa liderit Real Madrid, që e ka mundësinë ta shtojë edhe më shumë këtë diferencë me fitore eventuale kundër Levantes.

[LaCoStA]

Guardiola: La Liga? Do ta mbrojmë Ligën e Kampionëve




Është dorëzuar Pep Guardiola. Përplasja në Osasuna duket se ka qenë verdikti final për largimin nga gara për titullin e kampionit në Spanjë.

“Po bëhet më e vështirë. Është një humbje e dhimbshme. Po largohemi nga Real Madridi dhe do të jetë më e vështirë. Do të udhëtojmë në Evropë për ta mbrojtur titullin e kampionit atje. Në Spanjë duhet luajtur ndeshjen e ardhshme më së miri që mundemi”, ka thënë Guardiola pas ndeshjes.

[LaCoStA]

Mascherano u skuq me Osasunën!?



Barcelona zhgënjej tifozët e saj në përballjen me Osasunën duke humbur këtë ndeshje që në letër dukej e lehtë për skuadrën e Pep Guardiolës. Por Barca në këtë takim humbi edhe një lojtar të rëndësishëm për ndeshjen e radhës.

Javier Mascheranos i figuron kartoni i kuq në këtë takim edhe pse të gjithë shikuesit e kësaj ndeshje panë vetëm 1 të verdhë për të. Argjentinasi është skuqur në këtë takim në tunelin e stadiumit pas përfundimit të ndeshjes.

Raportohet se Mascherano ka fyer në masë të madhe gjyqtarin e ndeshjes me akuzat për pranimin e 1 goli të rregult për Osasunën dhe anulimin e një goli të pastër të Barcelonës.

[LaCoStA]

Guardiola: E kuptoj Realin pse nuk lejon finalen



Trajneri i Barcelonës, Pep Guardiola, ka thënë se ai e kupton shumë mirë Real Madridin që nuk dëshiron të lejojë zhvillimin e finales së Copa del Rey në Santiago Bernabeu, pasi në rast të fitores së Barcelonës ndaj Athletic Bibalos, katalanasit do të festonin në mes të Madridit.

“Është një stadium fantastik që ka kapacitet të madh, por unë kuptoj hezitimin e Real Madridit për të pritur një ndeshje mes nesh dhe Athletic Bilbaos. Unë kuptoj se në një finale të Kupës, nuk mund të shkosh aty ku të është caktuar, duhet të bëhet zgjedhje natyrale”.

“Kështu, unë nuk dua që finalja të zhvillohet në San Mames pasi do të ishte përparësi për rivalët tanë. Por, në fund vendimin do ta marrë federata spanjolle e futbollit (RFEF)”, tha Guardiola.

[LuLjaa]

Selim, ksi heri hupi aaa :) sa keq na ka ardh khuu se moti se kemi pa sikur lojen e fundit, ama edhe me hilee u kan, apo ?

[Virti]

urime fitoren!

[LaCoStA]

Postimi origjinal është bërë nga LuLjaa

Selim, ksi heri hupi aaa :) sa keq na ka ardh khuu se moti se kemi pa sikur lojen e fundit, ama edhe me hilee u kan, apo ?

Po bre Sabile, hupen, po qka me ju ba?!
Ka pas gabime te gjyqtareve, po s'po du me hi anej, a ke me hile a jo, ato le ti kqyr tjeter kush

[LaCoStA]

Iniesta e Cesc në skuadër - Xavi nuk luan



Trajneri i Barcelonës, Pep Guardiola, ka mirëpritur kthimin e Andres Iniestas dhe Cesc Fabregasit në njëmbëdhjetëshin startues për takimin e Ligës së Kampionëve ndaj Bayer Leverkusenit.

Mirëpo, Xavi ende i ndjen efektet e lëndimit, ndërsa në këtë ndeshje do të mungojë edhe Gerard Pique, kurse vendin e tij do ta zë Javier Mascherano, derisa në mesfushë do të angazhohet Sergio Busquets.

Formacioni i mundshëm

Formacioni startues i Barcelonës (4-3-3): Valdes, Alves, Puyol, Mascherano, Abidal; Fabregas, Iniesta, Busquets; Adriano, Messi, Alexis.

Banka rezervë: Pinto, Bartra, Thiago, Dos Santos, Sergi Roberto, Pedro, Cuenca

[LaCoStA]

Barca drejt çerekfinales

Me rezultat prej 3-1, Barcelona ka shënuar fitore përballë Bayer Leverkusenit në BayArena, në takimin e vlefshëm për 1/8 e finales të Ligës së Kampionëve.

Ashtu siç pritej, mysafirët e dominuan ndeshjen. Mirëpo, përkundër menaxhimit total të pjesës së parë, ata shënuan vetëm një gol.



Një superpasim të Leo Messit e pranoi Alexis Sanchez, i cili i kaloi Blaugranët në epërsi (41’) dhe me këtë rezultat skuadrat shkuan në pushim.



Jo shumë kohë brenda pjesës së dytë (52’), Vedran Corluka arriti të nxjerrë një krosim për Michal Kadlec, i cili e barazoi rezultatin.

Mirëpo, festa e tifozëve vendas zgjati shumë shkurtë, pasi sërish u shfaq Alexis Sanchez për ta kthyer epërsinë e mysafirëve (55’). Asistimi ishte i Cesc Fabregas.



Aksionet e vazhdueshme të Barcës u konkretizuan edhe me një gol të shënuar nga Lionel Messi (88’), ndërsa e gjithë merita ishte e Dani Alves.

Me këtë gol Messi theu edhe rekord për numrin e golave të shënuar në fazën e nokaut të Ligës së Kampioneve duke kaluar Raul dhe Andrey Schevchenko

Ky rezultat padyshim që e favorizon Barcelonën për t’u kualifikuar në çerekfinale, pasi në takimin tjetër do ta ketë edhe mbështetjen e tifozëve katalunas.