Titulli: Lajme aktuale nga vendi !
 

[B]Judah: Fati i Serbisë në duar të Kosovës[/B]


[IMG]http://www.telegrafi.com/fo/kosove/f.0727123228639_m.jpg[/IMG]


[I]Më ka befasuar që Qeveria e Kosovës vetëm tani ka vendosur që të aplikojë embargon ndaj mallrave të Serbisë, e jo para disa vitesh. Kam ardhur në përfundim se zyrtarët serbë mendojnë që fati i Kosovës është plotësisht në duart e tyre. Ata, ndërkaq harrojnë se Kosova në të vërtetë mban fatin e tyre në duart e veta”. Kështu është shprehur Tim Judah, analist i njohur për Ballkanin dhe korrespondent i revistë “Ekonomist” nga rajoni.


Siç thotë Judah, kur Serbia bllokoi mallrat nga Kosova, kjo kishte në njëfarë dore vetëm domethënie simbolike, meqenëse eksporti nga Kosova ishte fare i vogël, por vlera e eksportit serb nuk duhet anashkaluar.

“Pra nëse kjo masë do të zbatohej si duhet, shumë serbë do të humbitnin punën e tyre për shkak të humbjes së tregut të eksportit”, thotë Judah në bisedë me gazetën “Danas” të Beogradit.

Sipas fjalëve të tij, ky veprim i Kosovës ka si synim që të bëjë presion mbi Serbinë që të “inkurajohet” për të nënshkruar marrëveshjen për vulat doganore dhe natyrisht për t’ia bërë me dije asaj se nuk është tërë fuqia në anën e saj.

“Në të vërtetë Serbia dhe Kosova më duken si dy të burgosur që kërcejnë përreth me zinxhirë të lidhur në këmbë, njëri me tjetrin. Pres së shpejti një marrëveshje për këtë çështje”, tha Judah. [/I]

Titulli: Lajme aktuale nga vendi !
 

[I]Xhandarmëria serbe arreston dy të rinj prishtinas


Xhandarmëria serbe ka arrestuar dy të rinj, një vajzë e një djalë, në fshatin Përpellac të Podujevës, fshat ky që shtrihet përgjatë brezit kufitar me Serbinë - njofton Policia Kufitare e Kosovës.

Ata më pas janë dërguar në stacionin e policisë në Kurshumli, të cilët janë duke pritur të dalin para Gjykatës komunale të Prokulpes. Në bazë të praktikave të mëhershme, kjo gjykatë ata mund t’i dënojë me burg dhe me gjoba parash për kalim ilegal të kufirit.

“Ngjarja ka ndodhur dje në orët e pasdites, rreth 200 metra në brendi të territorit të Serbisë”, thuhet në njoftimin e policisë.

Të rinjtë prishtinas në Përpellac kishin dalë për të shëtitur dhe në momentin kritik ata kanë humbur rrugën dhe janë gjendur në territorin serb, prej nga edhe janë arrestuar. Sipas njoftimeve jozyrtare, ata kishin dalë për të bërë dashuri në fshatin malor të Përpellacit, fshat ky i boshatisur kaherë nga banorët vendas.[/I]

Titulli: Lajme aktuale nga vendi !
 

[I]Serbia kërkon takim të OKB-së për Kosovën



[IMG]http://www.telegrafi.com/fo/kosove/f.0727145940959_m.jpg[/IMG]


Serbia ka kërkuar që në ditët e të ardhshme të mblidhet Këshilli i Sigurimit i Kombeve (OKB) të Bashkuara për të siguruar situatën në veri të Kosovës.

Për ketë kërkesë, Beogradi nuk ka marrë ende përgjigje, raportojnë mediet serbe.

Sipas të njëjtave, nëse takimi aprovohet, Serbinë do ta përfaqësojë ministri i Jashtëm, Vuk Jeremiq, i cili aktualisht ndodhet për vizitë në Liban.[/I]

Titulli: Lajme aktuale nga vendi !
 

[B]Të vazhdojë luftimi i grupeve kriminale në veri[/B]


[IMG]http://www.telegrafi.com/fo/kosove/f.0727171832121_m.jpg[/IMG]


[I]Anëtarët e Komisionit për Punë të Jashtme të Kuvendit të Kosovës në mbledhjen e të mërkurës kanë diskutuar edhe lidhur me situatën dhe zhvillimet aktuale në veri të Kosovës, duke u dhënë mbështetje veprimeve të Qeverisë së Kosovës në veri të vendit.


“Komisioni për Punë të Jashtme e mbështet Qeverinë e Republikës së Kosovës për vendosjen e integritetit të kufijve të Kosovës, sundimin e ligjit dhe zbatimin e Kushtetutës, si dhe funksionimin e doganave të Republikës së Kosovës edhe në pikat 1 e 31. Komisioni për Punë të Jashtme e inkurajon Qeverinë e Republikës së Kosovës që gjithsesi ta vazhdojë luftimin e grupeve kriminale në veri, të cilat sulmuan Policinë e Kosovës duke vrarë policin Enver Zymberi dhe duke plagosur shumë të tjerë. Komisioni për Punë të Jashtme i shpreh ngushëllime familjes së policit të ndjerë Zymberi dhe ndan dhembjen me të afërmit, miqtë dhe kolegët e tij”, thuhet në deklaratën e Komisionit për Punë të Jashtme.

Komisioni për Punë të Jashtme i ka dënuar sulmet kriminale të grupeve e strukturave të ndryshme ilegale në veri të vendit, të cilat në vazhdimësi po e rrezikojnë jetën e qytetarëve, po e cenojnë rendin dhe ligjin si dhe po e dëmtojnë ekonominë e Kosovës me kontrabandën e tyre.

Ky komision, po ashtu, kundërshton përzierjen dhe ndërhyrjen e Serbisë në Republikën e Kosovës dhe thekson që vetëm reciprociteti i plotë mundëson fqinjësi të mirë dhe zbatim të drejtë të marrëveshjeve rajonale siç është ajo e CEFTA-s.

Komisioni për Punë të Jashtme u ka bërë thirrje Bashkimit Evropian dhe faktorëve të tjerë ndërkombëtarë që t’i përkrahin dhe ndihmojnë institucionet dhe popullin e Kosovës në luftimin e informalitetit dhe kriminalitetit drejt bërjes së Kosovës sovrane, demokratike, me integritet territorial dhe sundim të ligjit për të gjithë qytetarët e Kosovës pa dallim.[/I]

Titulli: Lajme aktuale nga vendi !
 

[B]Turpi i EULEX-it[/B]


[B]Merdare (E ENJTE, 28 Korrik), 00:11 – Në këto momente policët e EULEX kanë hyrë në Merdare. Këta policë kanë ikur nga Jarinja, siç ka raportuar Portali LajmeShqip.com, dhe nën përcjelljen e policisë serbe, përmes Serbisë kanë mbërritur në pikën kufitare në Merdarë.
Gjithashtu, bashkë me ta ka policë të Policisë së Kosovës të nacionalitetit serbë.
Në këtë moment janë duke u bërë kontrollat e fundit kufitare për t’i lejuar ata të që hyjnë në Kosovë.[/B]

Titulli: Lajme aktuale nga vendi !
 

[QUOTE=Zero Cool;2097922][B]Turpi i EULEX-it[/B]


[B]Merdare (E ENJTE, 28 Korrik), 00:11 – Në këto momente policët e EULEX kanë hyrë në Merdare. Këta policë kanë ikur nga Jarinja, siç ka raportuar Portali LajmeShqip.com, dhe nën përcjelljen e policisë serbe, përmes Serbisë kanë mbërritur në pikën kufitare në Merdarë.[/B]
[B]Gjithashtu, bashkë me ta ka policë të Policisë së Kosovës të nacionalitetit serbë.[/B]
[B]Në këtë moment janë duke u bërë kontrollat e fundit kufitare për t’i lejuar ata të që hyjnë në Kosovë.[/B][/QUOTE]

eu robt njo ka njo ktyne...edhe ev ropes kurv. qe ma si kisha lan me hy ne Kosove hiq, por edhe tjerte qka jan ne Kosove i kisha qit ne kufi edhe i kisha than ... hajde ej valla....

se ktyne duhet me ja u q nonen si ne irak e avganistan ...e jo me ju dhan perkthyse me veti me q.. e me marr rroga ka 10.000 euro edhe me lue qoqe

Titulli: Lajme aktuale nga vendi !
 

[B]Presidentja të shpallë gjendje të jashtëzakonshme[/B]


[IMG]http://www.lajmeshqip.com/wp-content/themes/lajmeshqip/images/cache/Albin-Kurti-0211311856625_thumb_baza1325_225.jpg[/IMG]


[I]Prishtinë – Lëvizja Vetëvendosje kërkoi nga Presidetja e vendit të shpallë gjendje të jashtëzakonshme në vend, pas rritjes së tensioneve në veri. Lideri Albin Kurti tha se me sulmet në veri janë sulmuar institucionet e vendit.

Lideri i Vetëvendosjës Albin Kurti përshendeti aksionin e policisë së Kosovës, por ka kërkuar nga bartësit e institucioneve që të shtrëngojnë masat e sigurisë. Kurti tha se presidentja duhet të shpallë gjendje të jashëtzakonshme në vend, pas rritjes së tensioneve në veri.
“Në bazë të nenit 131 të Kushtetutës së Republikës së Kosovës presidentja e vendit duhet të shpallë gjendje të jashtëzakonshme në vend. Në përputhshmëri me këtë nën Kosova ka nevojë emergjente për masa mbrojtëse neni 131 paragrafi 1 pika 1 si dhe ka rrezik të brendshëm ndaj rendit Kushtetues dhe sigurisë publike”, tha ai.
Kurti tha se tashmë Kosova duhet të ndërpresë bisedimet me Serbinë.
“Të ndërpritet menjeherë procesi i bisedmive me Serbinë. Të aktivizohen të gjitha resurset qytetare dhe institucionale për mbrojtje të Kosovës. Në ditet në vijim Kosova duhet që në këtë situatë emergjenta ta thellojë bashkëpunimin me Shqipërinë, SHBA, shtetet e BE-së që na kanë njohur shtetin dhe Turqinë për realzimin e ushtrimit të autoritetit në të gjithë teritorin e shtetit tonë”, tha ai.
Lideri i vetëvendosjes theksoi nevojën që të rishikohet pozita e misionit të EULEX-it. Ai tha se Republika e Kosovës duhet të fillojë bisedime më Brukselin që të nderpresë misionin e EULX-it dhe të ridefinojë praninë e BE-së në Kosovë. Kurti tha se këto propozime do t’i paraqesin edhe në Kuvendin e Kosovës.[/I]

Titulli: Lajme aktuale nga vendi !
 

[B]Serbia shton kontrollin në kufijtë me Kosovën[/B]


[IMG]http://www.telegrafi.com/fo/kosove/f.0728132900819_m.jpg[/IMG]



[I]Forcat policore serbe dhe trupat e NATO-së kanë përforcuar kontrollet në pikëkalimet kufitare në të dy anët e kufirit të Kosovës,.

Kjo është bërë për të ndaluar dhunën etnike pasi që pika kufitare në Veri është djegur dhe polici shqiptar është vrarë, raporton Reuters.

“Do të ndalojmë ekstremistët nga Serbia për të shkuar në Kosovë. Ne do të ndihmojmë paqeruajtësit ndërkombëtarë në të gjitha mënyrat e mundshme”, thotë shefi i policisë serbe, Milorad Veljovic.

“Dhuna, nga cilado anë, nuk është mënyrë e zgjidhjes së problemeve”, thotë për Reuters, zëdhënësi i qeverisë serbe, Miliovoje Mhajlovic.
“Për ne, dialogu është mënyra më e mirë për të zgjidhur problemet në Kosovë...”[/I]

Titulli: Lajme aktuale nga vendi !
 

[B]Topi: Sovraniteti i Kosovës i paprekshëm[/B]


[IMG]http://www.telegrafi.com/fo/kosove/f.0728131318598_m.jpg[/IMG]



[I][B]Presidenti i Republikës së Shqipërisë, Bamir Topi vlerëson se Kosova është tashmë një realitet i njohur botërisht dhe sovraniteti i saj është i pakthyeshëm e i paprekshëm. Ai dënon aktet e njëanshme të dhunës, duke i konsideruar ato krejtësisht të panevojshme dhe beson shumë tek institucionet legjitime të Kosovës për rikthimin e normalitetit afatgjatë[/B].


Presidenti Topi po ashtu mbështet dhe inkurajon vazhdimin e dialogut institucional të iniciuar nga BE midis Prishtinës dhe Beogradit, duke e vlerësuar atë si rruga më e mirë për zgjidhjen e problematikave reciproke, si dhe dhënien e kontributit konkret për forcimin e paqes e stabilitetit në përputhje me aspiratat e të gjithë rajonit për integrimin e plotë euroatlantik.

Topi i shpreh ngushëllimet më të sinqerta familjes Zymberi për humbjen e pazëvendësueshme të dashurit të tyre, dhe Policisë së Kosovës për humbjen e kolegut të rënë në krye të detyrës. [/I]

Titulli: Lajme aktuale nga vendi !
 

[B]Tërheqja e Serbisë nga dialogu solli dhunën[/B]


[IMG]http://www.telegrafi.com/fo/kosove/f.0728155730978_m.jpg[/IMG]


[I][B]Raportuesja e Parlamentit Evropian, Ulrike Lunacek ka vlerësuar se masat e qeverisë kosovare për vendosjen e rendit dhe ligjit në mbarë territorin e Kosovës janë të kuptueshme. Megjithatë, sipas saj, palët duhet të tregohen të përmbajtur ndaj dhunës.[/B]


Lidhur me përshkallëzimin e fundit të dhunës në kufirin mes Kosovës dhe Serbisë, Lunacek në një intervistë për Deutsche Welle, ka thënë se, është për të ardhur keq, që për shkak të ndërprerjes së dialogut nga pala serbe, erdhi deri tek shkallëzimi i dhunës dhe madje vdekja e një personi, transmeton Zëri.

“Të dyja palët duhet të kthehen menjëherë në tavolinën e bisedimeve, sepse kjo situatë mund të zgjidhet vetëm me mjete politike dhe jo me dhunë”, ka thënë ajo.

Krahas përgjegjësisë së qeverive në Prishtinë dhe Beograd, sipas Lunacek, këtu ekziston edhe një përgjegjësi evropiane. “Evropa duhet ta bëjë të qartë se angazhohet për dialog dhe duhet t’i thotë qartë Beogradit se dialogu duhet të sjellë rezultate konkrete. Beogradi duhet ta dijë që raportet me Kosovën duhet të përmirësohen, para se të fitojë statusin e kandidatit për anëtarësim në BE”, ka vlerësuar ajo.[/I]

Titulli: Lajme aktuale nga vendi !
 

[QUOTE=Zero Cool;2093140]FSK në marshimin katërditor në Holandë


[img]http://www.telegrafi.com/fo/kosove/f.0717132542480_m.jpg[/img]


Njësiti i specializuar i FSK-së do të jetë pjesë e një marshimi tradicional ushtarak, i cili do të mbahet për katër ditë, nga 19-23 korrik 2011, në Nijmegen të Holandës.

Kjo është hera e parë që FSK-ja po merr pjesë në marshin tradicional, i 95-ti me radhë, në të cilin do të marrin pjesë rreth 5.000 ushtarakë nga vende të ndryshme, të cilët do të marshojnë 160 kilometra, katër ditë nga 40 kilometra.

Ministri FSK-së, Agim Çeku dhe zëvendëskomandanti i FSK-së, gjeneralmajor Rrahman Rama, të shtunë solemnisht përcollën skuadrën, e cila do të përfaqësojë FSK-në në Holandë.

[i]Mediat i kane dhe rendesi ketij lajmi, une vertete nuk e di se si qendron puna per pjesmarrje nga vendet jasht Holandes, e sidomos si qendron puna per me marre pjese pjesetaret e nje ushtrie te huaj ne kete marshim 4 dite nga 40km, por per neve "Holandezeve" kjo eshte nje procedure e thjeshte [b] bile bile edhe turisti jone u pat lajemru 1 vjet ma heret, por per fat te keq mas 300-400 metrash marshimi, e nderprejti :( LOLzz[/b][/i][/QUOTE]



[B]Njësiti i FSK-së kthehet nga Holanda si ekipi më i mirë[/B]


[B][I]Nga marshi tradicional në Holandë, që u mbajt për katër ditë me radhë, nga 19-23 korrik në Nijmegen, njësiti i FSK-së, i kryesuar nga major Ali Krasniqi, është kthyer me suksesin më të madh të arritur në një garë ndërkombëtare.[/I][/B]


[IMG]http://www.telegrafi.com/fo/kosove/f.0728165730753_m.jpg[/IMG]


[I]Marshimi ka zgjatur katër ditë, kurse të gjithë garuesit është dashur t’i kalojnë nga 40 km në ditë. Marshimi ka pasur rregullat e veta të rrepta, ku secili ekip është dashur të kryejë marshimin në kohën e caktuar.

Marshimi nuk ka qenë garë shpejtësie, se kush po hyn i pari, në cak, por suksesi është matur si ekip komplet, të cilët kanë hyrë komplet në cak, në distancën prej 40 km. Në ditën e fundit, pesë kilometrat e fundit pa arritur në cak, është marshuar në paradë, përmes sheshit kryesor të qytetit Nijmegen të Holandës, bashkë me rreth 6 000 ushtarë pjesëmarrës, njofton Ministria e Forcës së Sigurisë së Kosovës.

Të gjithë pjesëtarët e Njësitit të FSK-së janë shpërblyer me medalje dhe certifikata në mënyrë individuale dhe me një medalje për ekipin më të mirë të marshimit.

[B]Sipas statistikave të organizatorit, ekipi i FSK-së ka arritur suksesin më të madh si ekip, sukses ky që e ka arritur vetëm një shtet në historinë 95 vjeçare të këtij marshimi, ku të gjithë pjesëmarrësit si ekip e kanë kaluar marshimin katër ditor.[/B]

Me kërkesën e organizatorit, Flamuri i Kosovës është vendosur, në platonë e flamujve dhe FSK-ja është ftuar që të marrë pjesë në marshim edhe vitin e ardhshëm.[/I]


[IMG]http://www.telegrafi.com/fo/2010/fskkk.jpg[/IMG]

Titulli: Lajme aktuale nga vendi !
 

[B]EULEX-i e quan ilegale ndërhyrjen e Qeverisë në veri[/B]


[B][I]Misioni evropian për sundimin e ligjit në Kosovë, EULEX, ka bindjen se ka qenë ilegal vendimi i Qeverisë për të vënë nën kontroll pikat doganore 1 dhe 31, që ndodhen në kufi me Serbinë. Prandaj, ka refuzuar ta mbështesë në aksion.[/I][/B]


[IMG]http://www.telegrafi.com/fo/kosove/f.0729121403192_m.jpg[/IMG]


[I]E përditshmja Koha Ditore referuar burimeve shumë të besueshme brenda Qeverisë së Kosovës, shkruan se ky mision evropian është thirrur në kompetencat ekzekutive, kur i është kërkuar javën e shkuar që të zbatojë vendimin e masës së reciprocitetit për mosnjohjen e vulave të Doganave të Serbinë.

Ndërkaq, kur i është thënë se Qeveria, edhe pa bekimin e EULEX-it, do të marrë masa për ta ekzekutuar vendimin, ka kthyer përgjigjen se këtë nuk mund ta bëjë. Ndërmarrjen e një veprimi të këtillë të mundshëm e kishte kualifikuar “jolegal”.

“Javën e kaluar kryeministri ka pasur kontakte me shefin e EULEX-it, nga i cili ka marrë përgjigjen refuzuese për ta mbështetur Qeverinë në aplikimin e masës së reciprocitetit edhe në vendkalimet kufitare në Jarinjë dhe në Bërnjak. Kryeministri ia ka bërë të qartë se do të veprojë i vetëm, por De Marnhac i ka thënë se as nuk do të duhej t’i shkonte mendja për të vepruar”, ka thënë ky burim. “De Marnhac ka thënë se Qeveria nuk mund ta bëjë njëanshëm veprimin, pasi që EULEX-i mund të ushtrojë përgjegjësi ekzekutive ligjore. Qëndrimin e kishte marrë në konsultim me Brukselin”.

Kryeministri Thaçi ka folur për EULEX-in një ditë më parë në pjesën e parë të mbledhjes së Qeverisë, gjatë së cilës kohë nuk janë lejuar mediat të kenë qasje.

“Thaçi tha që EULEX-i e ka konsideruar vendimin e Qeverisë si ilegal dhe se praktikisht ka qenë në anë të kundërt me ne”, ka thënë në kushte anonimiteti një anëtar i kabinetit qeveritar, pjesëmarrës në mbledhje.[/I]

Titulli: Lajme aktuale nga vendi !
 

[B]Stefanovic do që Buhler të ndërrojë qëndrim[/B]


[B][I]Shefi i delegacionit të Serbisë në bisedimet me Kosovën, Borislav Stefanovic, tha se është me rëndësi që të vazhdojnë diskutimet me komandantin e KFOR-it, Erhard Buhler.[/I][/B]


[IMG]http://www.telegrafi.com/fo/kosove/f.0729132924374_m.jpg[/IMG]


[I]Ai shtoi se shpreson se kreu i forcës paqeruajtëse do të ndryshojë qëndrim në lidhje me zbatimin e vendimit të Prishtinës në pikat kufitare në veri.

"Shpresojmë se Buhler do të dalë me një pozicion të ri. Nëse jo, ne në çdo rast do të vazhdojmë bisedimet me komunitetin ndërkombëtar për të gjetur një zgjidhje të këtij problemi", thonë mediat serbe, transmeton REL.

"Ne tani kemi dy detyra - të zgjidhim këtë krizë dhe, e dyta, kur kjo të realizohet, t'iu kthehemi të gjitha marrëveshjeve të mundshme, për të bërë një zgjidhje të përhershme", ka thënë Stefanovic.

KFOR-i ka vënë nën kontroll pikat doganore në veri të Kosovës, pas incidenteve të së mërkurës kur një grup serbësh dogji pikën doganore në Jarinë. Forca shumëkombëshe tha se i ka deklaruar dy pikat kufitare në kufirin Kosovë-Serbi zona të kufizuara ushtarake dhe ka tërhequr vërejtjen se do të përdorë armë vdekjeprurëse.[/I]

Titulli: Lajme aktuale nga vendi !
 

[B]Thaçi: Për kufij nuk do të negociojmë me askënd[/B]


[B][I]Në mbledhjen e sotme të Qeverisë së Kosovës, kryeministri Hashim Thaçi foli edhe për situatën në Veri të vendit.[/I][/B]


[IMG]http://www.telegrafi.com/fo/kosove/f.0729131949305_m.jpg[/IMG]


[I]Ai tha se “për herë të parë pas 12 vjetësh kemi arritur që me vendimin e Qeverisë së Republikës së Kosovës, me mbështetje të NATO-s të bllokojmë komplet kontrabandën”.

Në një komunikatë për shtyp, të lëshuar nga zyra e kryeministrit, Thaçi shton se kontrabanda në dy pikat kufitare në Veri është “bllokuar 100 për qind”.

“Të gjitha pikat kufitare të Republikës së Kosovës ruhen dhe mbrohen prej misioneve të rendit të ligjit të Kosovës dhe misionit të NATO-s”, thotë Thaçi, duke përsëritur se “nuk do të bëjmë as edhe një hap prapa. Nuk do të zmbrapsemi”.

Për Thaçin, qëndrimi i zyrtarëve serbë në Kosovë është një qëndrim ilegal.

“Me askënd nuk do të negociojmë, nuk do të bëjmë kompromis për sigurinë e tërësisë territoriale të Republikës së Kosovës”, thotë Thaçi i cili fton EULEX-in që në kuadër të mandatit që ka të ndihmojë autoritetet kosovare në vendosjen e rendit dhe ligjit.

Ai shton se dialog për fqinjësi të mirë me Serbinë do të ketë, por në Bruksel, me agjendë të paraparë nga BE e të mbështetur nga SHBA.

“Asnjë diplomat dhe askush tjetër nuk ka të drejtë të takohet me zyrtarë serbë për çështjen e Kosovës. Ata po qëndrojnë ilegalisht në Kosovë dhe mbahen përgjegjës direkt nga institucionet e Republikës së Kosovës për dhunën e shkaktuar në Kosovë”, thuhet ndër të tjera në komunikatë.[/I]

Titulli: Lajme aktuale nga vendi !
 

e more THAQ grahi pak bothes se boll ke pie raki me shkie e ke shpernda traktora