Titulli: Lajme aktuale nga vendi !
 

Reciprocitet me Serbinë!


[img]http://www.telegrafi.com/fo/kosove/f.0708203628144_m.jpg[/img]


Kryetari i Kuvendit të Republikës së Kosovës, Jakup Krasniqi, ka deklaruar të premten se kur është fjala për zgjidhjen e problemeve praktike ndërmjet Kosovës dhe Serbisë, ato duhet të zgjidhen mbi bazën e reciprocitetit, si dy shteteve të lira dhe të pavarura. “Ne jemi shprehur të gatshëm të dialogojmë me Serbinë, por çështja e statusit të Kosovës është e mbyllur njëherë e përgjithmonë”, ka thënë Krasniqi në takimin me kryetaren e Grupit Ndërkombëtar të Krizave, Louise Arbour.

Duke folur më tutje për marrëdhëniet e Kosovës me Serbinë, kryekuvendari Krasniqi ka thënë se Serbia e ka refuzuar ofertën e fqinjësisë së mirë. “Ne ia kemi zgjatur dorën e fqinjësisë së mirë Serbisë, por ajo e refuzon këtë ofertë dhe vazhdimisht i dëmton interesat e Kosovës, përzihet në punët tona të brendshme dhe manipulon me komunitetin serb në Kosovë”.

Krasniqi theksoi se gjatë tre vjetëve të pavarësisë Kosova ka miratuar legjislacionin e shtetësisë së saj. Mbështetur edhe në Pakon e Ahtisarit, sipas tij, janë formuar institucionet e sistemit demokratik të vendit.

Ndërkaq duke folur për prezencën ndërkombëtare në Kosovë, Krasniqi tha se kjo prezencë ishte e domosdoshme dhe shumë e rëndësishme, sidomos në aspektin e sigurisë. “Gjatë viteve të lirisë dhe të pavarësisë Kosova ka marrë shumë përgjegjësi, që po i ushtron me shumë kompetencë e përgjegjësi. Prezenca ndërkombëtare ka ndihmuar në ndërtimin e demokracisë në Kosovë, por prezenca ndërkombëtare ka pasur edhe dobësitë e saj që janë reflektuar në formën më të rëndë në veriun e Kosovës, ku ende nuk është vendosur rendi kushtetues dhe shteti ligjor”.

“Zyra Civile Ndërkombëtare ka luajtur rol pozitiv, por ka ardhur koha që kjo zyrë të shuhet, sepse është bërë e panevojshme mbikëqyrja ndërkombëtare e pavarësisë së Kosovës”, ka thënë ndër të tjera Krasniqi.

Titulli: Lajme aktuale nga vendi !
 

Thaçi, frikë nga ndikimi i Sali Berishës



[img]http://www.telegrafi.com/fo/kosove/f.0711092254495_m.jpg[/img]


Vizita dhe ndikimi politik i Sali Berishës në Kosovës e kishin brengosur kryeministrin Hashim Thaçi, verën e vitit 2009, pak muaj para zgjedhjeve lokale të 15 nëntorit.

Në një bisedë private me zyrtarët e Ambasadës Amerikane në Prishtinë, Thaçi ishte shprehur i brengosur nga përzierja e politikës së Shqipërisë në Kosovë, që sipas tij po e bën kryeministri i Shqipërisë, Sali Berisha.

Kështu thuhet në një kabllo ende të pabotuar diplomatike të Wikileaksit, që është dërguar nga ambasada amerikane në State Departament dhe një kopje të së cilës e posedon Koha Ditore.

Në një bisedë private menjëherë pas takimit, Thaçi i tha të ngarkuarit se ishte i brengosur nga përzierja e Sali Berishës në politikën e Kosovës. Takimi i Thaçit me zyrtarin amerikan kishte ndodhur disa ditë pas pritjes që Sali Berisha i kishte bërë Ramush Haradinajt në Tiranë, me të cilin nënshkroi marrëveshje bashkëpunimi mes Partisë Demokratike të Shqipërisë dhe Aleancës për Ardhmërinë e Kosovës.

Sipas kabllos diplomatike, Thaçi kishte përmendur se Berisha planifikonte një vizitë ta realizonte në vjeshtë dhe se ai do ta mirëpriste një vizitë nga Berisha në Kosovë, mirëpo nuk kishte dëshirë ta shihte atë duke bërë fushatë për Lidhjen Demokratike të Kosovës apo AAK.

Për më tepër Thaçi ishte shprehur se përzierja e politikës nga Shqipëria në Kosovë paraqiste kërcënim për Kosovën, ndërsa ka kërkuar ndërhyrje te amerikanët duke theksuar se Kosova është shtet i pavarur dhe jo krahinë e Shqipërisë. Ai po ashtu kërkoi nga SHBA qe Berisha te përmbahet nga deklarimet apo veprimet qe ngrisin frike në rajon nga pan-shqiptarizmi.

Në komentet që përmbyllin kabllon diplomatike, i ngarkuari me punë Murphy shton se “pajtohet që përfshirja e politikanëve nga Shqipëria dhe nga Kosova në garat jashtë vendeve të tyre është problematike dhe nuk ndihmon. “Edhe pse dyshojmë që nëse Berisha do të përqafonte PDK-në, Thaçi do të kishte më pak brenga për kërcënimin nga politika panshqiptare për Kosovën dhe rajonin, ne poashtu besojmë se do të mund të ishte e dobishme t’i përkujtojmë bashkëbiseduesit tanë në rajon për dëmin potencial që manovrat e tyre afatshkurtra politike të përbashkëta”, thuhet në komentet e fundit të kabllos diplomatike.

Ambasada e SHBA-së në Prishtinë nuk ka komentuar këtë pjesë të dosjes së WikiLeaks-it. “Departamenti i Shtetit nuk komenton lidhur me materiale të supozuara, përfshirë dokumente të klasifikuara që mund të kenë rrjedhur”, thuhet në përgjigjen e Ambasadës së SHBA-së, dërguar gazetës nëpërmjet zyrës së saj për informim.

Gazeta nuk ka arritur të sigurojë edhe qëndrimin e Qeverisë së Kosovës. Në mungesë të një zëdhënësi të Qeverisë, gazeta ka provuar disa herë të kontaktojë me zëvendëskryeministrin Hajredin Kuçi, por ai nuk u është përgjigjur thirrjeve.

Titulli: Lajme aktuale nga vendi !
 

Nuk do të konfiskohen dokumentet e reja serbe


[img]http://www.telegrafi.com/fo/kosove/f.0710164410761_m.jpg[/img]


Ministri i Punëve të Brendshme, Bajram Rexhepi, ka thënë se policia e Kosovës “do t’i tolerojë dhe nuk do t’i konfiskojë” dokumentet e reja të cilat Ministria e Punëve të Brendshme e Serbisë ua lëshon serbëve të Kosovës, deri në zbatimin e marrëveshjeve të arritura mes Prishtinës dhe Beogradit.

“Ia kam transferuar drejtorit të policisë vendimin që të tolerohet posedimi i dokumenteve të reja. Në këtë kuptim, nuk do duhej të ketë më probleme dhe t’i konfiskojë policia. (Ndërkaq) qëndron vendimi për ndalimin e qarkullimit të automjeteve me targa të reja me iniciale të qyteteve të Kosovës që i lëshon MPB-ja e Serbisë”, ka deklaruar Rexhepi për Tanjug.

Ai ka theksuar se vendimi për moskonfiskimin e dokumenteve të reja do të vlejë deri në implementimin e marrëveshjeve të arritura në procesin e bisedimeve mes Prishtinës dhe Beogradit.

Siç raporton Politika, duke komentuar konfiskimin nga Policia e Kosovës në muajt e fundit të dokumenteve që i lëshon MPB e Serbisë, Rexhepi ka thënë se dokumentet nga MPB e Serbisë që i posedojnë serbët e Kosovës janë ilegale në vendin tonë, dhe për atë arsye ato janë konfiskuar.

Titulli: Lajme aktuale nga vendi !
 

Gjendja e veteranëve, alarmante


[img]http://www.telegrafi.com/fo/kosove/f.0710162929287_m.jpg[/img]


Gjendja e rreth 100 veteranëve të Ushtrisë Çlirimtare të Kosovës të cilët shënojnë ditën e 49-të të grevës po përkeqësohet në vazhdimësi. Kryetari i këshillit për Mbrojtjen e të Drejtave të Luftëtarëve të UÇK-së, Xhevdet Qeriqi, që po ashtu është në grevë, ka deklaruar se kërkesa e grevistëve për përshpejtimin e miratimit të Ligjit për veteranët e UÇK-së nuk është përfillur fare nga institucionet e larta të vendit.


Ai ka thënë se temperaturat e nxehta dhe gjendja e grevistëve ka bërë që të krijohet një situatë alarmante, ndërsa përkundër kësaj, sipas tij, drejtuesit e institucioneve nuk i përfillin ata.

Nga ana tjetër, mjekët thonë se gjendja shëndetësore e grevistëve është e përkeqësuar, duke qenë se shumica e tyre kanë tension të lartë apo vuajnë nga ndonjë sëmundje kronike. Ashtu që u kanë rekomanduar disa prej grevistëve që urgjentisht ta lëshojnë tendën dhe të shkojnë në ambiente shtëpiake për shkaqe shëndetësore që të mos rrezikohet më shumë shëndeti i tyre.

Përkundër kësaj, grevistët do ta vazhdojnë grevën, ata madje kanë paralajmëruar edhe një protestë, ku do të ftohen të gjithë veteranët e UÇK-së.

Titulli: Lajme aktuale nga vendi !
 

Selimi: Kosova nuk është e kryeministrit


[img]http://www.telegrafi.com/fo/kosove/f.0710110304970_m.jpg[/img]


Deputeti i Lëvizjes “Vetëvendosje”, Rexhep Selimi, ka thënë se Kosova menjëherë duhet t’i ndërpresë bisedimet me Serbinë, pasi që nëse ato vazhdojnë, sipas tij, vendi do të pësojë humbje të tjera.

Në një intervistë për të përditshmen Zëri, Selimi ka deklaruar se marrëveshjet e arritura në Bruksel mes Kosovës dhe Serbisë kanë qenë një “lajm i pritshëm i keq”, duke shtuar se ky “nuk do të jetë rezultati më i keq nëse këto bisedime vazhdojnë”.

Selimi e ka akuzuar kryeministrin Hashim Thaçi duke thënë se ai po mundohet t’i përvetësojë meritat për çdo gjë në Kosovë dhe se po sillet si pronar i luftës dhe pavarësisë.

“Është shumë e kuptueshme. Ju e keni parë kryeministri i një vendi duhet të jetë në shërbim të atij vendi. Është ekzekutivi, është ai njeri i cili e ka kërkuar një mandat që t’iu shërbejë qytetarëve. Në rastin tonë konkret, kryeministri vërtet ka vazhduar të sillet si pronar i luftës çlirimtare, sepse ai më shumë se një herë është deklaruar se ‘unë e bëra luftën’, ka folur në veten e parë. Pastaj, ‘unë e shpalla pavarësinë’, e bëra autostradën, pastaj për çdo të mirë që ka ardhur në vend ai ka folur në veten e parë dhe po ashtu pretendon të thotë se ‘unë do ta çoj Kosovën në integrime Evropiane’”, ka thënë Selimi.

Më tej, ai ka deklaruar se Kosova ka nevojë për një qeveri të përgjegjshme që e udhëheq vendin në këto situata mjaft të ndejshme, ndërsa nuk ka nevojë që askush të sillet si ‘pronar’.

Titulli: Lajme aktuale nga vendi !
 

EULEX-i bllokon hyrjen në Stacionin policor në veri


[img]http://www.telegrafi.com/fo/kosove/f.0711130735740_m.jpg[/img]


Forca Speciale të EULEX-it kanë mbajtur deri pak çaste më parë të bllokuar Stacionin e policisë në veri të Mitrovicës, me qëllim të parandalimit të çdo tentimi që aty të hyjë komandanti i shkarkuar Bratislav Kragovic.

Kjo, pasi Këshilli i katër komunave paralele të veriut, dy ditë më parë vendosi që policët serb të mos zbatojnë asnjë urdhër të komandës qendrore në Prishtinë, njofton Klan Kosova.

Derisa Kragovic, nuk u kthye sot në zyrë, përfaqësues të komunës paralele i dorëzuan zv.komandantit të stacionit, Darko Gusnic një listë ku policët duhet të nënshkruajnë se nuk pranojnë urdhra nga Prishtina.

Ndërkohë, në Zveçan në këto momente po mbahet një protestë e organizuara nga Këshilli Nacional Serb kundër marrëveshjeve të arritura në Bruksel, ndërmjet Prishtinës e Beogradit.

Titulli: Lajme aktuale nga vendi !
 

Thaçi: Berisha ndërhyn ne Kosovë


[img]http://www.vizionplus.tv/images/stories/2011_07_11/hashim%20thai%20ok.jpg[/img]



“Përzierja e Shqipërisë ne politiken kosovare përben një kërcenim për ne. Kosova është një shtet i pavarur dhe jo krahinë e Shqipërisë”. Ky është një prej pasazheve te një bisede private mes kryeministrit te Kosovës Hashim Thaçi dhe te ngarkuarit me pune ne ambasadën e SHBA-ve ne Kosovë Mikael Merfi, me 13 gusht te vitit 2009, ne një dokument konfidencial te publikuar nga Wikileaks
dhe te zbardhur nga gazeta Koha Ditore. Takimi i Thaçit me zyrtarin amerikan kishte ndodhur disa dite pas pritjes qe Sali Berisha i kishte bere Ramush Haradinajt, ne Tirane, me te cilin nënshkroi marrëveshje bashkëpunimi mes PD-se dhe AAK-se. Ne kabllogramin e dërguar ne departamentin e shtetit fjalët e Thaçit citohen ne veten e trete: “Ne një bisede private menjëherë pas takimit, Thaçi i tha te ngarkuarit me pune se ishte i brengosur nga përzierja e kryeministrit Sali Berisha ne politiken e Kosovës. Thaçi tha se përfshirja shqiptare ne politiken ne Kosove paraqet një kërcenim për Kosovën dhe kërkoi nga Ambasada qe te kundërshtojë një përfshirje te tille. Me tej kryeministri i Kosovës i kërkoi diplomatit qe përmes ambasadës shqiptare te ndërhyjë te kryeministri Berisha. Ai po ashtu kërkoi nga Qeveria e SHBA-së qe, përmes Ambasadës ne Tirane, te diskutoje me Berishën dhe te kërkojë nga ai te përmbahet nga deklarimet apo veprimet qe nxisin frike ne rajon nga panshqiptarizmi”. Sipas kabllos, ne takim kryeministri Thaçi kishte “shprehur dëshirën e tij për bashkëpunim te vazhdueshëm me Ambasadën” dhe “është zotuar se nuk do te marre asnjë vendim te rendesishem politik pa konsultime paraprake”.


[url=http://www.youtube.com/embed/bFx5iR32xt8] VIDEO[/url]

Titulli: Lajme aktuale nga vendi !
 

Wikileaks: Thaci fears from Berisha



[img]http://www.albeu.com/dokumenta/foto/Berisha-Thaci.jpg[/img]



Kosovo Prime Minister, Hashim Thaci, the political impact fears from the Albanian Prime Minister, Sali Berisha and his political impact on Kosovo. This uncertainty of Kosovo′s prime minister was found from a diplomatic cable of Wikileaks.


Thaci′s reaction came after a meeting of President Berisha in Tirana with the leader of AAK, Ramush Haradinaj.

Thaci has assessed the intervention of Berisha as a threat to the Kosovo, calling Kosovo a sovereign state. He has asked the Americans to prevent the influence of Berisha and pledged that he would not act without consulting the Americans

Titulli: Lajme aktuale nga vendi !
 

[QUOTE=Zero Cool;2090879]Wikileaks: Thaci fears from Berisha



[img]http://www.albeu.com/dokumenta/foto/Berisha-Thaci.jpg[/img]



Kosovo Prime Minister, Hashim Thaci, the political impact fears from the Albanian Prime Minister, Sali Berisha and his political impact on Kosovo. This uncertainty of Kosovo′s prime minister was found from a diplomatic cable of Wikileaks.


Thaci′s reaction came after a meeting of President Berisha in Tirana with the leader of AAK, Ramush Haradinaj.

Thaci has assessed the intervention of Berisha as a threat to the Kosovo, calling Kosovo a sovereign state. He has asked the Americans to prevent the influence of Berisha and pledged that he would not act without consulting the Americans[/QUOTE]




Ja prej çka ishte frikësuar Thaçi dhe kishte kërkuar largimin e z. Sali Berisha nga bashkëpunimi me skenën politike në Kosovë.



[img]http://a7.sphotos.ak.fbcdn.net/hphotos-ak-snc6/267921_10150267752154617_505289616_7299716_3194166_n.jpg[/img]

Titulli: Lajme aktuale nga vendi !
 

Opozita i kërkon Kuvendit t’u thotë “stop” bisedimeve


[img]http://www.telegrafi.com/fo/kosove/f.0711180931924_m.jpg[/img]



Opozita në Kuvendin e Kosovës planifikon të kërkojë përkrahjen e pozitës për ta obliguar Qeverinë e Kosovës t’i ndërpresë bisedimet dhe marrëveshjet e reja me Serbinë, në kuadër të dialogut që po zhvillohet në Bruksel, nën ndërmjetësimin e Bashkimit Evropian. Një kërkesë e tillë pritet të bëhet publike gjatë seancës së jashtëzakonshme të Kuvendit e cila pritet të mbahet brenda javës.

Të tri partitë e opozitës presin që edhe pozita t’i mbështes në kërkesën e tyre për t’i ndërpre bisedimet me Serbinë, përderisa Kosova, sipas tyre, të mos jetë palë e barabartë. Ato i kanë proceduar tashmë Kryesisë së Kuvendit 40 nënshkrime të deputetëve, me të cilat e ftojnë këtë organ të thërrasë seancë të jashtëzakonshme në lidhje me bisedimet me Serbinë dhe marrëveshjet e arritura.

Shefi i Grupit Parlamentar të AAK-së, Ardian Gjini, ka thënë për Radion Evropa e Lirë se Kryesia e Kuvendit do të vendosë të martën për ditën e mbajtjes së seancës, ku ai pret që edhe pozita të reflektojë pozitivisht në raport me kërkesat e opozitës.

Partitë në pushtet janë treguar të përmbajtura nga deklaratat përderisa të mos i shohin kërkesat e definuara në letër të opozitës. Zyrtarë të këtyre partive vetëm rikujtojnë se Kuvendi tashmë ka miratuar një rezolutë me të cilën delegacionit dhe qeverisë së Kosovës, i janë përcaktuar vijat e kuqe në lidhje me dialogut e filluar me Serbinë.

Por, opozita mendon se këto vija të kuqe tashmë janë shkelur nga ana e qeverisë. Andaj, është Visar Ymeri, deputet i Vetëvendosjes, ai i cili kërkon që Kuvendi të marrë rolin që i takon, dhe të vendosë për hapat në vijim në raport me bisedimet me Serbinë.

“T’i debatojmë këto marrëveshje, meqenëse konsiderojmë që Kuvendi në një Republikë Parlamentare duhet doemos të jetë organi më i lartë edhe politik edhe legjislativ, e që është në kundërshtim me atë se si po vepron qeveria e Hashim Thaçit, e cila vazhdimisht po synon ta minimizoj rolin e Kuvendit, duke i marrë të gjitha përgjegjësitë mbi vete”.

Titulli: Lajme aktuale nga vendi !
 

Serbi që skulpturon Adem Jasharin...!



[img]http://www.telegrafi.com/fo/kosove/f.0711190249481_m.jpg[/img]



Dragisha Andrijevic nga Lipjani, nuk e ka aspak të vështirë ta gravojë në dru e qelq kryeheroin e shqiptarëve Adem Jasharin, stemën e Ushtrisë Çlirimtare të Kosovës, apo ish-presidentin e ndjerë, Ibrahim Rugova.

Ai deri më tani ka bërë dhjetëra gravime të tilla me Adem Jasharin, UÇK-në, UÇPMB-në e Rugovën, pasi që ka hasur në interesim të madh të shqiptarëve nga Kosova për blerjen e veprave të tilla artistike.

“Nuk e kam aspak problem nëse një myshteri vjen dhe e kërkon që ta blejë të gravuar në dru, apo qelq Adem Jasharin. Shumë të tilla i kam bërë edhe me Ibrahim Rugovën, ish-presidentin amerikan Bill Clinton, Skënderbeun, Nënën Terezë, stemën e UÇK-së e të UÇPMB-së etj.”, shprehet Andrijevic për gazetën Zëri.

Ai thotë se kjo punë është biznes, nga e cila e siguron mbijetesën për të gjithë anëtarët e familjes dhe nuk i interesojnë çështjet politike, përderisa çmimi i veprave të tilla sillet prej 10 deri në 40 euro. “Këtë e kam biznes dhe nuk më intereson aspak politika”, shprehet i prerë ai.

Andrijeviq më herët gravimet në dru dhe qelq i kishte bërë në mënyrë mekanike, ndërsa biznesi i tij ka filluar të zhvillohet pasi Komisioni Evropian ia ka dhuruar si donancion një makinë të kompjuterizuar gravuese, e cila ka kushtuar 3800 euro.

Titulli: Lajme aktuale nga vendi !
 

Diskutohet mbyllja e ICO-s pa e kryer punën



[img]http://www.telegrafi.com/fo/kosove/f.0712085001970_m.jpg[/img]


“Shtetet mike” të Kosovës kanë nisur të shfaqin mospajtime rreth asaj se si duhet ecur përpara në mbikëqyrjen e pavarësisë.

Derisa takimi i Grupit Drejtues Ndërkombëtar, që do të mbahet të martën në Prishtinë, shpresohet se do të rezultojë me gjetjen e një formule të përbashkët për të ardhmen e Zyrës Civile Ndërkombëtare dhe zbatimit të mandatit që ajo ka nga Pakoja e Ahtisaarit si mbikëqyrëse e pavarësisë, dallimet esenciale mes shteteve të ndryshme të GDN-së kanë të bëjnë me përmbylljen e mandatit dhe financimin e ICO-s, shkruan Koha Ditore.

Derisa një grup shtetesh duket qartë se tashmë kanë preferenca që ICO-ja të mbyllet sa më parë-deri në fund të këtij viti apo në mars 2012, me pretendimin se “nuk ka më punë për ICO-n”, disa shtete tjera janë të mendimit se derisa synim duhet të jetë mbyllja e ICO-s, një gjë e tillë nuk duhet bërë pa i kryer disa prej punëve të mbetura- para së gjithash decentralizimi në veri, që shihet si çelësi i fillimit të integrimit të kësaj pjese problematike të Kosovës.

Ndërkohë, të gjithë duket se e kanë problem çështjen e financimit të Zyrës Civile Ndërkombëtare, e cila përkundur faktit se tashmë ka reduktuar misionin janë mbyllur të gjitha zyrat rajonale, përveç asaj në Mitrovicë, edhe më tutje paraqet barrë financiare që edhe për disa vende nuk duket edhe aq e arsyeshme, sidomos duke marrë parasysh efektet e misionit.

Titulli: Lajme aktuale nga vendi !
 

Vazhdojnë çarjet në LDK


[img]http://www.telegrafi.com/fo/kosove/f.0712083531498_m.jpg[/img]


sa Mustafa dhe Fatmir Sejdiu kanë vazhduar përplasjet për zhvillimet në LDK. Sejdiu e quan të padrejtë përsëritjen e zgjedhjeve në Degën e Gjakovës. Nga disa delegatë të Këshillit të Përgjithshëm, Mustafa u akuzua për ngulfatje të reformave dhe për vendime si në kohën e komunizmit. U përmendën edhe ekspertët në thonjëza të partisë.


Lideri i Lidhjes Demokratike të Kosovës, Isa Mustafa po vazhdon të përballet Fatmir Sejdiun dhe njerëzit e tij.

Në Mbledhjen e Këshillit të Përgjithshëm të kësaj partie, të hënën, Sejdiu ka kundërshtuar përsëritjen e zgjedhjeve në Degën e Gjakovës, shkruan Express.

Sejdiu, i cili është Kryetar Nderi i LDK-së, thotë se vendimi i Kryesisë së partisë është i padrejtë. Në këtë mënyrë, ai u doli në krah zyrtarëve të LDK-së, të cilët e kishin përkrahur edhe publikisht në garën për kryetar të LDK-së, të cilën e humbi në nëntor të vitit të kaluar.

“Është një vendim i padrejtë që është marrë ndaj Degës së Gjakovës për shkak se e kam përcjellë atë proces me kohë dhe si duhet. E di se ka pasur nevojë të bëhen plotësime të arsyeshme që kanë qenë qëndrime të Degës atje”, tha ai.

Ai nuk është që udhëheqësit e Degës së “vjetër” në Gjakovë të mbesin jashtë strukturave lokale. “Është çështje e zhvillimeve të mëtejshme. Unë mendoj që është me rëndësi të ketë rezon të gjithmonshëm që të ketë unitet të përgjithshëm në aktivizim të gjithë potencialit politikë që ka LDK-ja. Dhe, ka njerëz shumë të mirë”, ka thënë Sejdiu.

Titulli: Lajme aktuale nga vendi !
 

Isufi thërret për bashkim të opozitës


[img]http://www.telegrafi.com/fo/kosove/f.0712104735925_m.jpg[/img]


Nënkryetari i Aleancës për Ardhmërinë e Kosovës (AAK), Ahmet Isufi, ka thënë se në Kuvendin e Kosovës duhet të krijohet një bllok i fuqishëm opozitar, i cili do ta detyronte Qeverinë e Kosovës të bëhet më e përgjegjshme karshi qytetarëve.

“Kur janë në pyetje interesat madhore të shtetit të Kosovës kemi treguar se jemi të gatshëm t’i bashkojmë forcat. Prej konstituimit të Kuvendit AAK-ja ka luajtur rolin e iniciues së ideve së bashku me LDK-në dhe Vetëvendosje!. Kur janë në pyetje interesat e mëdha të vendit duhet të jemi bashkë. Besoj se në rastin e dialogut jemi të bashkuar. Pra, komunikimi me LDK-në dhe VV-në është i mirë dhe jemi dakorduar që për shumë interesa të bashkëpunojmë”, është shprehur Isufi.

Në një intervistë për gazetën Epoka e re, Isufi ka vlerësuar se Qeveria është duke krijuar imazh të keq për Kosovën në arenën ndërkombëtare.

“Mendoj se funksionimi më i mirë brenda institucioneve të Kosovës është elementi garantues për shtimin e numrit të njohjeve. Elemente të tjera po aq të rëndësishme janë edhe zhvillimi ekonomik, siguria më e madhe për investitorët e huaj si dhe imazhi i krijuar nga institucionet e Kosovës dhe populli i saj në arenën ndërkombëtare. Në çështjen e njohjeve kanë ndikuar edhe lajmet e këqija për Kosovën në arenën ndërkombëtare”, ka thënë Isufi.

Ai ka folur edhe për zhvillimet brenda AAK-së. Isufi ka thënë se Grupi Parlamentar i AAK-së dhe strukturat e partisë janë të bashkuara si kurrë më parë, pavarësisht mungesës fizike të liderit Ramush Haradinaj.

Isufi ka bërë me dije se AAK-ja gjatë kësaj vjeshte do ta mbajë Kuvendin Zgjedhor me ose pa Ramush Haradinaj. Ai ka deklaruar se Haradinaj do të jetë kryetar i AAK-së, pavarësisht epilogut të rigjykimit ndaj tij në Hagë. Isufi beson se Kuvendi Zgjedhor do ta fuqizojë edhe më shumë AAK-në.

Titulli: Lajme aktuale nga vendi !
 

Podujevë, dhjetëra gra në histeri kolektive: Na helmoi magjia e zezë


[img]http://lajmifundit.com/wp/wp-content/uploads/2011/07/ambulanca124.jpg[/img]


Dhjetëra gra nga Podujeva në Kosovë, nuk rezultuan të helmuara edhe pse u paraqitën në spital me simptoma të ngjashme.
E çuditshmja është se ato kërkuan ndihmën e mjekëve për shkak të një histerie kolektive që kanë përjetuar nga magjia e zezë teksa ishin mbledhur në një aheng, e që rezultuan me alivanosje.
Mjekët kanë konstatuar në QKUK se nuk bëhet fjalë për helmim, por një shqetësim kolektiv.

Titulli: Lajme aktuale nga vendi !
 

I përgjigjet EULEX-it, imuniteti s’hiqet me rezolutë


[img]http://www.telegrafi.com/fo/kosove/f.0712180803834_m.jpg[/img]


Kryetari i Kuvendit të Kosovës, Jakup Krasniqi, i ka drejtuar një letër misionit evropian për sundimin e ligjit, EULEX, ku i është përgjigjur kërkesës së këtij misioni në lidhje me fillimin e procedurave për heqjen e imunitetit të disa deputetëve, ndaj të cilëve po zhvillohen hetime.

Përmes kësaj letre, Krasniqi i ka thënë shefit të EULEX-it, Xavier Bout de Marnhac, se nuk është përgjegjësi e Kuvendit që të merret me çështjen e imunitetit. Andaj, ai i ka sugjeruar EULEX-it që, bazuar në Kushtetutën e Kosovës, Qeveria vetë mund të kërkojë nga Gjykata Kushtetuese interpretim për imunitetin e deputetit.

“Në rastin konkret, do të ishte normale që Qeveria, e cila ka shprehur interes për një rezolutë të tillë, ta paraqesë këtë iniciativë në Kuvend dhe Kryesia e Kuvendit do ta trajtojë atë sipas rregullores së Kuvendit”, thuhet letrën e Krasniqit.

Në këtë letër, Krasniqi ka theksuar se nuk ka nevojë të miratohet një rezolutë në Kuvend, kur Qeveria me Kushtetutë i ka të përcaktuara të drejtat e saj në këtë drejtim.

“Është shqetësuese të vërejmë që Qeveria kërkon një akt jodetyrues si rezoluta që të ushtrojë një funksion të saj kushtetues. Nëse do të ishte nevoja e një rezolute të Kuvendit për ta vënë në lëvizje Qeverinë, që kjo e fundit ta vërë në lëvizje Gjykatën Kushtetuese, Kushtetuta do ta kishte përcaktuar një gjë të tillë. Për mendimin tonë, një rezolutë e tillë do të ishte në vetvete një akt antikushtetues, sepse do të shkelte të drejtën e Qeverisë për ta përdorur paragrafin 10 të nenit 93 në lirinë dhe diskrecionin e saj të plotë”, thuhet në letrën e Krasniqit.

Kjo letër ka marrë mbështetjen e Kryesisë së Kuvendit, përveç lëvizjes Vetëvendosje, e cila ka vlerësuar se nuk ka nevojë t’i njihet EULEX-it kjo e drejtë që e ka kërkuar. Ndërkohë, kryeministri, Hashim Thaçi nuk ka dashur ta komentojë kërkesën e EULEX-it lidhur me shqyrtimin e imunitetit të deputetëve të Kuvendit të Kosovës, të cilët janë nën hetime. Ai ka thënë se ende në zyrën e tij nuk ka shkuar ndonjë dokument zyrtar për këtë çështje, prandaj nuk dëshiron të komentojë.

Titulli: Lajme aktuale nga vendi !
 

Mbikëqyrjes po i vije fundi


[img]http://www.telegrafi.com/fo/kosove/f.0712193336350_m.png[/img]


Kryeministri i Qeverisë së Republikës së Kosovës, Hashim Thaçi ka shtruar një drekë pune për ambasadorët e shteteve anëtare të Grupit Ndërkombëtar Drejtues. Në këtë drekë për ambasadorët e vendeve që e kanë njohur Kosovën, ka marr pjesë edhe ndërmjetësi i Bashkimit Evropian në dialogun në mes të Prishtinës dhe Beogradit, Robert Cooper dhe përfaqësuesi i BE-së në Kosovë, Fernando Gentilini.

“Unë e falënderojë z. Piter Faith për bashkëpunimin e shkëlqyeshëm që kemi pasur mes Qeverisë dhe Zyrës Civile Ndërkombëtare. Edhe në takimin e sotëm të Grupit Drejtues Ndërkombëtar, kamë prezantuar qëndrimet e Qeverisë së Republikës së Kosovës. Takim ka qenë shumë korrektë, shumë konstruktiv dhe mbështetës në procesin e konsolidimit dhe forcimit të shtetit të Kosovës”, ka thënë kryeministri përpara mediave.

“Qeveria e Kosovës do të vazhdojë me qeverisjen e mirë, efektive dhe efikase, sundimin e ligjit, qeverisjen transparente dhe me një ballafaqim të drejtpërdrejtë me të gjitha dukuritë negative. Do të vazhdojmë reformat e thella demokratike që duhet të përfshijnë vendin, reforma këto që do ta përshpejtojnë procesin e integrimit të Kosovës në strukturat e NATO-së e Bashkimit Evropian”.

“Tash kur jemi në prag të nxjerrjes së Raportit të Progresit, Kosova besojë se e meriton liberalizimin e vizave, marrëdhëniet kontraktuale dhe marrëdhëniet tregtare me Bashkimin Evropian. Kosova do të vazhdojë të ndërtojë raporte të shkëlqyeshme me të gjitha vendet e rajonit, dhe në kuadër të saj edhe në kuadër të përgjegjësive kushtetuese dhe ligjore edhe të dialogimit me Serbinë”.

“Është hera e parë që Kosova si shtet takohet në nivel të barabartë me përfaqësuesit e Serbisë. Tri konkluzione të cilat kanë dalë deri më tani, konkluzione këto që ndërlidhen drejtë për së drejti me jetën e qytetarëve dhe dy vendeve dhe popujve tanë”.

“Gjithashtu është shumë me rëndësi të theksojë se Qeveria e Kosovës është duke punuar ngushtë me z. Faith dhe me ICO-në në procesin e përmbylljes së pavarësisë së mbikëqyrur. Ne veç kemi përmbyllur mbi 90 për qind të kërkesave nga dokumenti i Presidentit Ahtisaari. Do të vazhdojmë të punojmë bashkërisht edhe në agjendën e mbetur shtesë, pra të asaj që ka mbetur për të përmbyllur”, ka thënë ndër të tjera kryeministri.

Titulli: Lajme aktuale nga vendi !
 

Oto fon Habsburg, dikur u bojkotua, dje u nderua


Prishtinë, 12 korrik 2011 - Ministri i Punëve të Jashtme të Republikës së Kosovës, Enver Hoxhaj, dje mori pjesë në ceremonitë mortore për t'i dhënë nderimet e fundit pinjollit të familjes së fundit perandorake austro hungareze, Oto fon Habsburg, një mik i madh i shqiptarëve dhe i Kosovës, i cili vdiq më 4 korrik. Ishte ky një gjest i mirë dhe i duhur institucional. Madje Hoxhaj citohej të ketë folur me pietet, ashtu siç e meritonte i ndjeri Fon Habsburg. Por, duhet të kthehemi prapa për shtatë vjet, kur Partia Demokratike e Kosovës, së cilës i takon ministri Hoxhaj, bojkotoi një vizitë të Oto fon Habsburgut në shtator të vitit 2004. Ndonëse ishin në koalicion qeverisës me LDK-në, deputetët e PDK-së, bashkë me ata të AAK-së dhe të koalicionit serb Kthimi, për arsye që nuk u bënë të ditura, injoruan dhe bojkotuan seancën solemne të Kuvendit të Kosovës (18 shtator 2004) në të cilën foli Oto Fon Habsburg, atëbotë kryetar i Unionit Panevropian dhe eurodeputet shumëvjeçar. Fon Habsburg, atëherë 92 vjeçar, mbajti një fjalim inspirativ rreth dyzet minuta, në anglisht, pa lexuar. U prit me ovacione fjalimi i tij, por mbeti shija e hidhur për bojkotimin e kësaj seance nga ana e deputetëve të PDK-së dhe AAK-së, ndonëse fare nuk habiti bojkoti i Kthimit. Mes tjerash Fon Habsburg kërkoi që Kosova të bëhet e pavarur. Gjatë asaj vizite Presidenti i Kosovës Ibrahim Rugova i dorëzoi kryetarit të Unionini Panevropaian "Medaljen e Artë të Lirisë", me të cilin e kishte dekoruar me rastin e 5-vjetorit të çlirimit të Kosovës. Gjatë vizitës Fon Habsburg, bashkë me Presidentin Rugova, do të vendosin kurora lulesh para monumentit të Skënderbeut në Prishtinë si dhe do të vizitojnë Kompleksin e Lidhjes Shqiptare të Prizrenit. Pra ishte viti 2004, dhe vetëm katër muaj muaj më parë kishin ndodhur trazirat e njohura të marsit dhe dihen imazhet e këqija që shkonin në botë nga Kosova. Të rrallë ishin miqtë që na vinin në vizitë... Ç'është e vërteta, AAK pas një kohe do ta përmirësojë gabimin e vet. Gjatë vizitës së fundit të Oto fon Habsburgut në Kosovë në vitin 2007, në nderim të figurës së tij me propozim të AAK, komuna e Deçanit do ta emërtojë një rrugë me emrin e Oto fon Habsburgut.

Titulli: Lajme aktuale nga vendi !
 

Dell Jakupit: Po i mbron miqtë e tu



[img]http://info-kosova.net/lajme/politikana/politikana_jashtit/cristopher_dell2.jpg[/img]



Ambasadori amerikan, Christopher Dell del kundër Jakup Krasniqit, dhe qëndrimit të tij kundër heqjes së imunitetit të deputetëve nën hetime. Nëpërmjet Zërit të Amerikës Dell i ka çuar selam Krasniqit se me këtë akt po e sfidon komunitetin ndërkombëtare, dhe se SHBA do të rishqyrtojë partneritetin me të, në rast se nuk ndryshon qëndrim.

Në një intervistë ekskluzive për Zërin e Amerikës, ambasadori Dell tha se "me këtë qëndrim, kryetari i Parlamentit, Jakup Krasniqi ka zgjedhur të sfidojë komunitetin ndërkombëtar, të sfidojë miqtë më të mirë të Kosovës në emër të mbrojtjes së një apo dy miqve të tij. Përderisa zoti Krasniqi nuk dëshmon ndjenjë më të lartë të përgjegjesisë për të zgjidhur shumë probleme që ka pasur deri tash, do të jetë e pamundur për Shtetet e Bashkuara që të vazhdojnë të punojnë me të si partner”, ka thënë Dell në Ditarin që transmetohet nesër.

Kryeparlamentari Krasniqi ia ktheu letrën EULEX-it duke thënë se nuk është përgjegjësi e Parlamenti të merret me çështjen e imunitetit dhe se në bazë të Kushtetutës, qeveria mund të kërkojë nga Gjykata Kushtetuese interpretim për imunitetin e deputetëve.

Titulli: Lajme aktuale nga vendi !
 

Hoxhaj kërkon Udhërrëfyesin për vizat


Ministri i Punëve të Jashtme i Republikës së Kosovës, Enver Hoxhaj, duke iu drejtuar Komisionit për Politikë të Jashtme të Parlamentit Evropian, ka kërkuar nga Brukseli që Kosova të mos mbetet një shtet i harruar në zemër të Evropës.


Në ditën e parë të vizitës në Bruksel, Hoxhaj, ka zhvilluar takime me përfaqësues të lartë të institucioneve të BE-së, si dhe i është drejtuar me një fjalim Komisionit për Politikë të Jashtme të PE-së, ndërsa ka kërkuar Udhërrëfyesin për liberalizimin e vizave dhe vendosjen e marrëdhënieve kontraktuale të Kosovës me BE-në.

"Nëse brenda këtij viti ne nuk do të marrim udhërrëfyesin për liberalizimin e vizave, ky do të ishte mesazhi më negativ për qytetarët e Kosovës. Ne jemi qytetarët e vetëm në rajon që nuk kemi të drejtën e lëvizjes pa viza në Evropë. Do të ishte shumë keq nëse përçohet mesazhi se kosovarët janë popull i harruar. Prandaj, ne kërkojmë udhërrëfyesin për liberalizimin e vizave, në mënyrë që të vazhdojmë përmbushjen e standardeve evropiane”, ka thënë Hoxhaj, gjatë fjalimit para eurodeputetëve, duke kërkuar po ashtu që Kosova të ketë marrëdhënie kontraktuale, marrëdhënie tregtare me Bashkimin Evropian.

Ndërkaq, në takimin me raportuesen për Kosovën në Parlamentin Evropian, Ulrike Lunacek është diskutuar për mënyrat e përmbushjes sa më të shpejtë të kritereve për liberalizimin e vizave, duke u pajtuar se Kosova duhet të marrë gjatë këtij viti, udhërrëfyesin dhe të vendos marrëdhënie kontraktuale me BE-në.

Hoxhaj gjatë ditës është takuar edhe me kryesuesin e delegacionit të PE-së në marrëdhëniet me Shqipërinë, Kosovën, Bosnjën dhe Hercegovinën, Malin e Zi dhe Serbinë, Eduard Kukan.

Me këtë rast, Kukan ka thënë se Kosova ka perspektivë evropiane, duke shtuar se Kosova duhet të ketë trajtimin e njëjtë me shtete tjera të rajonit edhe sa i përket liberalizimit të vizave.

“Pajtohem që qytetarët e Kosovës nuk po trajtohen njëjtë si qytetarët e tjerë të Ballkanit, sa i takon procesit të liberalizimit të vizave. Në këtë aspekt, BE-ja duhet të bëjë më shumë. I bëjmë thirrje Komisionit Evropian që mos të humbas kohë, por të fillojë dialogun për procesin e liberalizimit të vizave me Kosovën dhe të jap udhërrëfyesin për këtë proces”, tha Kukan.

Hoxhaj ka pasur një drekë punë edhe me Pierre Mirel, drejtor për Ballkanin Perëndimor në KE, gjatë të cilës është diskutuar për çështje konkrete që lidhen me proceset integruese të Kosovës në strukturat e Bashkimit Evropian, duke përfshirë edhe procesin e liberalizimit të vizave për qytetarët e Kosovës.

Titulli: Lajme aktuale nga vendi !
 

PETICION NË MBËSHTETJET TË RAMUSH HARADINAJT


[img]http://www.rtklive.com/photos/medium/rtklive041613072011_ramush-haradinaj-.jpg[/img]


Rreth 300 personalitete nga fusha akademike kanë nënshkruar një peticion në mbështetjet të kryetarit të AAK-së, Ramush Haradinaj. ...



Peticioni do t’i dorëzohet presidentit të Tribunalit të Hagës Patrick Robinson dhe në të do të shprehet besimi ndaj pafajësisë së Haradinajt dhe bashkëluftëtarëve të tij. Gjykimi i pjesshëm i Ramush Haradinajt do të fillojë në muajin gusht.

Titulli: Lajme aktuale nga vendi !
 

Zyrtarët komunalë vodhën peshqirët e hotelit


[img]http://www.telegrafi.com/fo/kosove/f.0714152405664_m.jpg[/img]


Një delegacion i komunës së Gjilanit në muajin maj kishte udhëtuar për në Durrës dhe ditën e kthimit, posa kanë hipur në autobusë për t’u nisur drejt Kosovës, janë ndalur nga personeli i sigurimit të hotelit. Ata kanë kërkuar që t’i hapin valixhet zyrtarët komunalë, dikush kishte lajmëruar se ky delegacion kishte vjedhur peshqirët e hotelit.


Kështu, sigurimi gjen se vjedhja ishte kryer dhe kthen prapa peshqirët në hotel. Ky udhëtim ishte organizuar nën patronazhin e kryetarit të kësaj komune, Qemaj Mustafa, i cili e pranon se ka dëgjuar në një debat publik se ka ndodhur një rast i tillë.

Mirëpo, ai ka thënë për gazetën Zëri se deri tani askush nuk e ka njoftuar zyrtarisht për këtë rast.

“Po të më vijë me shkrim se një gjë e tillë ka ndodhur, unë këtë rast do ta dënoj shumë rëndë, kushdoqoftë që ka tentuar ta bëjë një gjë të tillë”, ka thënë Mustafa.

Selver Xhelili, drejtor i Rinisë, Kulturës dhe Sportit në komunën e Gjilanit, e pranon të ketë ndodhur ky rast, i cili është edhe vëllai i pronarit të hotelit ku ka qëndruar ky delegacion. Ai thotë se nuk ka qenë prezent gjatë këtij problemi, dhe se nuk di më shumë lidhur me këtë gjë, përveçse janë konfiskuar peshqirët që kanë tentuar të vidhen.

“Ato tentime për vjedhje nuk e di a kanë qenë të qëllimshme apo jo, por sipas mendimit tim mund të jenë edhe të paqëllimshme. Duke marrë valixhet kanë mundur t’i ngatërrojnë, ndërsa kontraktori ka kërkuar mirëkuptim për ndonjë ngatërresë, ku janë kthyer peshqirët dhe gjithçka ka vazhduar në rregull më pas”, ka thënë ai.

Xhelili ka thënë se nga komuna është kontraktuar kompania e autobusëve “Merkatori”, e cila ka dërguar stafin e komunës së Gjilanit në hotelin e vëllait të tij.



[b] muhahahahhahaha gjilani :P [/b]

Titulli: Lajme aktuale nga vendi !
 

Rasti Haradinaj: Dëshmitarët kryesorë nuk dëshmojnë


[img]http://www.telegrafi.com/fo/kosove/f.0715124315305_m.jpg[/img]



Në dokumentin përmbledhës të para seancave gjyqësore të paraqitur nga mbrojtja e Haradinajt, bëhet e ditur se dy dëshmitarët kryesor, Shefqet Kabashi dhe Dëshmitari 80 sërish do të refuzojnë të dëshmojnë kundër Haradinajt, njofton radio Dukagjini. Nga ana tjetër, avokati mbrojtës Michael O’Reilly thekson se për shkak të procedurave i gjithë procesi ndaj Haradinajt mund të zgjas disa muaj.


Në pjesën hyrëse të dokumentit përmbledhës të para seancave gjyqësore të paraqitur nga mbrojtja e Haradinajt, thuhet se prokuroria ka kërkuar që të thirren dy dëshmitarë të cilët kanë qenë të ftuar të dëshmojnë edhe më parë, Shefqet Kabashi dhe Dëshmitari 80.

Mirëpo, që të dy këta refuzuan që të dëshmojnë në gjykim, ndërkohë që kanë deklaruar se do të refuzojnë edhe në rigjykim. Një gjë të tillë e konfirmon edhe avokati mbrojtës i Haradinajt, Michael O’Reilly.

“Dëshmitari i mbrojtur 80 është kontradiktor në shumë çështje, madje edhe në çështjet kyçe. Dëshmia e tij ka shenja të dallueshme trillimi. Për më tepër Dëshmitari 81, i cili sipas prokurorisë plotëson atë çfarë ka deklaruar dëshmitari 80, por e gjithë kjo ka efekt të kundërt. Dëshmia e tij dallon në aspektin faktik nga versioni që ka deponuar dëshmitari i ri i mbrojtur i quajtur 81, dhe kështu provat që ata përmendin bien në kundërshti me njëra tjetrën”, thuhet në këtë dokument.

Po ashtu në një deponim gojor të mëvonshëm, Dëshmitari 81 tërhoqi pjesë të rëndësishme të deklaratës së tij të parë dhe ka bërë një varg ndryshimesh nga ato që i ka thënë më herët.

Sipas mbrojtjes kjo dëshmi duhet refuzuar. “Kjo dëshmi nuk është e sigurt dhe në asnjë mënyrë nuk e bënë z. Haradinaj përgjegjës për krimet e supozuara në Jabllanicë”, thuhet në dokumentin përmbledhës.

Prokuroria poashtu kërkon që të përfshihen edhe dëshmitarët e tjerë të mbrojtur siç janë Dëshmitari 75 dhe 76 që deklarojnë se kanë qenë prezent në Jabllanicë, por asnjëri prej tyre nuk e ka parë Haradinajn në Jabllanicë dhe dëshmitë e tyre mund të konsiderohen të vjetruara.

Ndryshe, thuhet se i mbetet dhomës së apelit të vendos se cilët dëshmitar janë të pranueshëm e cilët jo, madje kjo edhe mund ta zgjas procesin ndaj Haradinajt në përgjithësi.

“Mendoj se do të zgjas disa muaj. Saktësisht procesi në gjykatë do të zgjasë vetëm disa javë por do të duhen disa muaj që të përfundojnë të gjitha procedurat”, ka thënë avokati.

Titulli: Lajme aktuale nga vendi !
 

Daci dënohet “sa për sy e faqe”


[img]http://www.telegrafi.com/fo/kosove/f.0715150006311_m.jpg[/img]


Gjykata Supreme e ka vërtetuar dënimin ndaj ish kryetarit të Kuvendit të Kosovës, Nexhat Dacit për shpërdorim të detyrës si dhe dënimet e shqiptuara.

Bëhet e ditur se një trup gjykues i përzier me dy gjykatës kosovar dhe një të EULEX-it në Gjykatën Supreme, në aktvendimin e tyre lidhur me ankesën e parashtruar, kryesisht e kanë konfirmuar, ndërsa e kanë ndryshuar pjesërisht vendimin e shkallës së parë të Gjykatës së Qarkut në Prishtinë kundër Nexhat Dacit dhe Ahmet Alishanit të datës 10 nëntor 2010.

“Gjykata Supreme e vërtetoi dënimin e Nexhat Dacit për shpërdorim të detyrës si dhe dënimet e shqiptuara”, thuhet në njoftimin e EULEX-it.

Më tej pohohet se “Gjykata supreme e ka modifikuar aktgjykimin e shkallës së parë vetëm për arsye formale për sa i përket kontributit të Ahmet Alishanit, dhe i ka rishkruar pjesët përkatëse të dispozitivit, deri sa u vërtetua cilësimi i kontributit të Ahmet Alishanit si ndihmë në shpërdorim të detyrës të kryer nga Nexhat Daci. Po ashtu, Gjykata Supreme i urdhëroi të pandehurit që bashkërisht t’ia kompensojnë Kuvendit shumën prej 1.540 euro për dëmin e shkaktuar me këto vepra penale. Ndalimi për Nexhat Dacin që të ushtrojë funksione publike u anulua”.

Rasti kishte të bënte me blerje të pasurisë dhe shërbimeve me urdhër të Nexhat Dacit e që u paguan nga buxheti i Kuvendit të Kosovës, kurse u përdorën privatisht. Nexhat Daci në atë kohë ishte kryetar i Kuvendit, kurse Ahmet Alishani ishte këshilltar për Siguri i Kryetarit të Kuvendit.

Gjykata e Qarkut në vitin 2010 e shpalli Nexhat Dacin fajtor për shpërdorim të detyrës dhe e dënoi me një vit e 6 muaj burgim. Ahmet Alishani kishte ndihmuar në këtë vepër penale dhe u dënua me 6 muaj burgim.

Të dyja dënimet u patën pezulluar për një periudhë verifikimi prej 2 vitesh. Përveç kësaj, gjykata e kishte shqiptuar ndalimin e ushtrimit të funksionit publik për dy vite pas vuajtjes së dënimit.

Ky aktgjykim lidhur me ankesën është shpallur më 13 korrik 2011. Aktgjykimi i Gjykatës Supreme është përfundimtar. Kundër këtij vendimi nuk ka ndonjë masë ligjore.

Titulli: Lajme aktuale nga vendi !
 

[img]http://a7.sphotos.ak.fbcdn.net/hphotos-ak-snc6/261597_10150248270592252_567412251_7804024_6657650_n.jpg[/img]

Titulli: Lajme aktuale nga vendi !
 

Shaip Muja e fsheh kompaninë


[img]http://www.telegrafi.com/fo/kosove/f.0716130107822_m.jpg[/img]



Deputeti i Partisë Demokratike të Kosovës (PDK) në Kuvendin e Kosovës, Shaip Muja, ka hapur kompani për energjetikë, por këtë nuk e ka deklaruar në formularin e deklarimit të pasurisë pranë Agjencisë Kundër Korrupsion (AKK), edhe pse e obligon ligji.


Në Ligjin për deklarimin, prejardhjen dhe kontrollin e pasurisë dhe dhuratave të zyrtarëve publik, neni i 4 i tij, definohet qartë se në zyrtar i lartë, që në këtë kategori hyjnë edhe deputetët, duhet të deklarojë zotërimin nga ana e tyre të aksioneve në shoqëri komerciale.

Por deputeti Muja, që ishte edhe këshilltar i kryeministrit Hashim Thaçi, ka deklaruar vetëm 50 % të aksioneve në kompaninë “Ana Derm”, për ç’gjë edhe është duke u hetuar nga AKK-ja, shkruan Zëri.

Edhe pse gazeta ka insistuar, në AKK nuk kanë dashur të bëjnë me dije se a po hetohet deputeti Muja edhe për mosdeklarimin e aksioneve në kompaninë për energjetikë, por vetëm kanë konfirmuar hetimin.

“Agjencia është duke e trajtuar rastin për veprimet e mundshme të konfliktit të interesit, deputeti Muja është duke bashkëpunuar me ne. Ligji përcakton se faza e hetimeve është e mbyllur për publikun, ne do ta publikojmë vendimin definitiv”, ka thënë për “Zërin” Hasan Preteni, drejtor i AKK-së.

Ndryshe, kompania më e re e deputetit Muja, me emrin “Kosova Green Energy” dhe “Zëri” ka siguruar një certifikatë të këtij biznesi të regjistruar më 2 prill të këtij viti.

Sipas kësaj certifikate, deputeti Muja është në ortakëri me Ali Kastratin, por nuk dihet përqindja e aksioneve të secilit në këtë kompani. Pos pronarë, në këtë biznes që të dy aksionarët, Shaip Muja e Ali Kastrati janë regjistruar edhe si persona kontaktues të biznesit në fjalë.

Deputeti Muja edhe pas një javë pritjesh nuk ka dashur të prononcohej për këtë çështje, njëjtë sikurse nuk ka dashur të flasë as për përqindjen e jashtëligjshme të aksioneve në kompaninë “Ana Derm”.

Ky deputet i pozitës, që është ndër 12 milionerët e Kuvendit të Kosovës, ka deklaruar se ka në pronësi me një pasuri që kalon vlerën mbi 2 milionë euro. Përveç të tjerash, si të hyra ai ka paraqitur pagën vjetore nga Kuvendi në shumë 14.880 euro në vit dhe të ardhurat nga 50% e aksioneve në “Ana Derm”, që sipas deklarimit të pasurisë, nuk arrijnë më shumë se 5.000 euro për vit.

Në “Ana Derm”, deputeti Muja ka 50% të aksioneve, kurse 50% të tjera i takojnë gruas së tij, Anita Muja. Ajo është edhe pronare në kompaninë tjetër private “Ana-Z”, me anë të së cilës ka përfituar një kontratë nga fondet publike të Radiotelevizionit të Kosovës (RTK), por që këta të fundit nuk pranojnë të bëjnë publike vlerën e saj.

Me anë të kësaj kontrate, kompania e gruaja e deputetit të PDK-së, Shaip Muja, Anitës, “Ana-Z” që ka edhe 50% të aksioneve në kompaninë e burrit “Ana Derm”, që nga 1 maji ka filluar të realizojë emisionin “Estetika dhe shëndeti”, i cili do të transmetohet së paku deri në dhjetor të këtij viti.

Titulli: Lajme aktuale nga vendi !
 

Prokuroria e EULEX vendos ta marrë në pyetje Limajn


[img]http://www.telegrafi.com/fo/kosove/f.0717095036771_m.jpg[/img]


Prokuroria e EULEX-it ka vendosur që ta marrë në pyetje ish-ministrin, Fatmir Limaj, 16 muaj pas bastisjeve që janë bërë në Ministrinë e Transportit dhe Postë Telekomunikacionit, si edhe në pronat e familjarëve të tij- shkruan e përditshmja Koha Ditore.

Deputeti aktual i Partisë Demokratike të Kosovës do të paraqitet para prokurorëve ndërkombëtarë më 20 shtator, pikërisht në kohën që e ka paralajmëruar edhe kryeprokurorja në largim e Prokurorisë Speciale të Kosovës, Isabelle Arnal.

Pranimin e ftesës që i është bërë Limajt për t’u paraqitur në prokurori e ka konfirmuar të shtunën për gazetën avokati mbrojtës i tij, Tomë Gashi. Ai i ka shprehur haptas dyshimet se ky veprim i EULEX-it ka prapavijë politike.

“Çfarë arsyeje ka misioni i EULEX-it ta thërrasë dikë në pyetje pas 16 muajve që ka bërë spektakël. Ligji ia lejon, por nuk është normale”, ka deklaruar Gashi. Për bindjen e tij, kjo gjë është duke u bërë për të vetmin qëllim që të kërkohet nga Gjykata Supreme zgjatje të hetimeve edhe për së paku gjashtë muaj të tjerë, pasi brenda kësaj periudhe nuk është gjetur asnjë dëshmi që do ta bënte klientin e tij, fajtor për keqpërdorim të detyrës zyrtare.

Titulli: Lajme aktuale nga vendi !
 

Kosovë, grupet parlamentare në Kushtetuese për imunitetet


[img]http://lajmifundit.com/wp/wp-content/uploads/2011/07/kuvendi_kosove.jpg[/img]


Pas refuzimit nga kryetari i Kuvendit të Kosovës, Jakup Krasniqi, EULEX-i do të provojë një rrugë tjetër që të bindë Kuvendin për të nxjerrë një rezolutë që të pyes Gjykatën Kushtetuese për imunitetin e deputetëve.
Pas refuzimit nga kryetari i Kuvendit të Kosovës, Jakup Krasniqi, EULEX-i do të provojë një rrugë tjetër që të bindë Kuvendin për të nxjerrë një rezolutë që të pyes Gjykatën Kushtetuese për imunitetin e deputetëve.
Sipas gazetës Ekspress, EULEX-i tani do t’u dërgojë letër të gjitha grupeve kuvendare që të deklarohen për rezolutë.

Titulli: Lajme aktuale nga vendi !
 

FSK në marshimin katërditor në Holandë


[img]http://www.telegrafi.com/fo/kosove/f.0717132542480_m.jpg[/img]


Njësiti i specializuar i FSK-së do të jetë pjesë e një marshimi tradicional ushtarak, i cili do të mbahet për katër ditë, nga 19-23 korrik 2011, në Nijmegen të Holandës.

Kjo është hera e parë që FSK-ja po merr pjesë në marshin tradicional, i 95-ti me radhë, në të cilin do të marrin pjesë rreth 5.000 ushtarakë nga vende të ndryshme, të cilët do të marshojnë 160 kilometra, katër ditë nga 40 kilometra.

Ministri FSK-së, Agim Çeku dhe zëvendëskomandanti i FSK-së, gjeneralmajor Rrahman Rama, të shtunë solemnisht përcollën skuadrën, e cila do të përfaqësojë FSK-në në Holandë.

[i]Mediat i kane dhe rendesi ketij lajmi, une vertete nuk e di se si qendron puna per pjesmarrje nga vendet jasht Holandes, e sidomos si qendron puna per me marre pjese pjesetaret e nje ushtrie te huaj ne kete marshim 4 dite nga 40km, por per neve "Holandezeve" kjo eshte nje procedure e thjeshte [b] bile bile edhe turisti jone u pat lajemru 1 vjet ma heret, por per fat te keq mas 300-400 metrash marshimi, e nderprejti :( LOLzz[/b][/i]

Titulli: Lajme aktuale nga vendi !
 

[QUOTE=Zero Cool;2093140]FSK në marshimin katërditor në Holandë


[IMG]http://www.telegrafi.com/fo/kosove/f.0717132542480_m.jpg[/IMG]


Njësiti i specializuar i FSK-së do të jetë pjesë e një marshimi tradicional ushtarak, i cili do të mbahet për katër ditë, nga 19-23 korrik 2011, në Nijmegen të Holandës.

Kjo është hera e parë që FSK-ja po merr pjesë në marshin tradicional, i 95-ti me radhë, në të cilin do të marrin pjesë rreth 5.000 ushtarakë nga vende të ndryshme, të cilët do të marshojnë 160 kilometra, katër ditë nga 40 kilometra.

Ministri FSK-së, Agim Çeku dhe zëvendëskomandanti i FSK-së, gjeneralmajor Rrahman Rama, të shtunë solemnisht përcollën skuadrën, e cila do të përfaqësojë FSK-në në Holandë.

[I]Mediat i kane dhe rendesi ketij lajmi, une vertete nuk e di se si qendron puna per pjesmarrje nga vendet jasht Holandes, e sidomos si qendron puna per me marre pjese pjesetaret e nje ushtrie te huaj ne kete marshim 4 dite nga 40km, por per neve "Holandezeve" kjo eshte nje procedure e thjeshte [B]bile bile edhe turisti jone u pat lajemru 1 vjet ma heret, por per fat te keq mas 300-400 metrash marshimi, e nderprejti :( LOLzz[/B][/I][/QUOTE]


Ani se rrafsh e kan hahahah - mos t'a kalojne kufirin me dale ne kojshillek ahahah

Titulli: Lajme aktuale nga vendi !
 

Serbisë do t`i kërkohet njohja e Kosovës për në BE


[img]http://www.telegrafi.com/fo/kosove/f.0718092307595_m.jpg[/img]


Gjermania e mbështet hyrjen e Kosovës dhe të Serbisë në BE si dy shtete. Por sipas ambasadorit të parë të Gjermanisë në Republikën e Kosovës, BE-ja asnjëherë nuk do t`i pranojë brenda vetes dy shtete që nuk e njohin njëra-tjetrën.


Në një intervistë për “Kohën Ditore” ambasadori në largim i Gjermanisë, Hans Dieter Steinbach, ka thënë se në rrugën e Serbisë drejt BE-së do të vijë edhe momenti kur ajo do të duhet ta njohë Kosovën. Pas tre vjetësh shërbimi si ambasador i Gjermanisë në Kosovë, ambasadori Steinbach flet edhe për shumë zhvillime tjera. Sipas tij problemet e veriut do të duhej të adresoheshin pas një kohe në dialogun mes Kosovës dhe Serbisë.

I pyetur se a ekziston ndonjë rrezik që do të dështojë ekzistimi i Kosovës si shtet, ambasadori në largim i Gjermanisë ishte i prerë: “ Jo nuk ka. Nuk ka, sepse Kosova tash njihet nga 76 shtete. E di se procesi i njohjeve është ngadalësuar pak, por besoj se do të ketë njohje të reja. Ajo që për Gjermaninë është shumë, shumë, shumë e qartë është sovraniteti i Kosovës. Sa herë që dikush të flasë për prekjen e sovranitetit të këtij vendi, sa herë që dikush të flasë për ide të ndarjes së këtij vendi, sa herë që dikush flet për ndryshimin e kufijve të këtij vendi, Gjermania do ta kundërshtojë. Gjermania do të kundërshtojë, sepse është bindur se vetëm kufijtë e sigurt në këtë regjion sjellin stabilitet në Ballkan, dhe jo vetëm në Ballkan, por në gjithë Evropën”

Por, Steinbach nuk e fsheh shqetësimin për veriun. Ka disa vështirësi me të cilat po përballemi në veri. “Në një moment në të ardhmen, veriu duhet të jetë pjesë e dialogut. Jo në kuptim të ndarjes apo diçkaje tjetër të ngjashme, por në kuptimin e krijimit të kushteve të jetës që serbët e veriut të pranojnë shtetin e Kosovës”, tha Steinbach.

Ai ka theksuar se është fakt se Kosova është shtet sovran dhe dialogu duhet të zhvillohet në kushte dhe mbi bazën e dy shteteve të pavarura. Gjermania e ka njohur pavarësinë e Kosovës e edhe të Serbisë. Të dyja këto shtete synojnë BE-në, dhe ky dialog lehtëson këtë qëllim të tillë. Duhet biseduar. Duhet biseduar edhe për çështjet e ndërlikuara, jo vetë të lehtat. Rrethanat janë krijuar me nisjen e këtij dialogu.

Por, për hyrjen në BE të Serbisë, ai tha se është një proces i gjatë, si për Serbinë, si për Kosovën, si për shtetet e tjera në regjion. “Unë mund t’ju garantoj se BE-ja kurrë nuk do të pranojë dy shtete që nuk e njohin njëra-tjetrën”, tha ai.

Titulli: Lajme aktuale nga vendi !
 

Asistenca e BE-së për 2011-2013, 70 milionë euro


[img]http://www.telegrafi.com/fo/kosove/f.0718124309884_m.jpg[/img]


Ministri i Punëve të Brendshme, Bajram Rexhepi tha të hënën se i gjithë mekanizmi ndërinstitucional për ri-integrimin e personave të riatdhesuar është funksional dhe ka shënuar rritje të konsiderueshme në trajtimin e kërkesave për ndihmë personave të riatdhesuar. U tha se asistenca e BE-së për vitet 2011-2013 do të jetë 70 milionë euro dhe se 30 për qind e asistencës së përgjithshme do të fokusohet në asistencën për zbatimin e kritereve për procesin e liberalizimit të vizave.


Ministri Rexhepi kështu njoftoi në takimin e 11-të, të Grupit punues për liberalizimin e vizave me Bashkimin Evropian, në të cilën morri pjesë ministri ministrja për Integrime Evropiane, Vlora Çitaku, zyrtarë të lartë të MPB-së dhe ministrive tjera, si dhe zyrtarë të tjerë të institucioneve të vendit dhe atyre ndërkombëtare.

Ai tha se gjatë periudhës raportuese është përmbyllur me sukses përzgjedhja e kompanisë për prodhimin e pasaportave biometrike dhe se është finalizuar projekti për skanimin dhe digjitalizimin e regjistrave civil.

“Përkundër punëve të mëdha që kemi kryer, ka ende punë të cilat duhet ndërmarrë që të përmirësojmë sundimin e ligjit në Kosovë dhe njëkohësisht të përfitojmë nga liberalizimi i vizave. Me hapjen e dialogut për liberalizim të vizave do të krijohet një situatë e re e cila do ta dinamizojë procesin, kështu që duhet përmbajtur deri në fund të procesit të liberalizimit”, tha Rexhepi

Ndërsa ministrja, Vlora Çitaku tha se me datën 1 korrik ka përfunduar raundi i takimeve të Dialogut të procesit të Stabilizim Asociimi. Ajo tha se Ministria e Integrimit Evropian dhe Ministria e Punëve të Brendshme kanë koordinuar përgatitjen e pyetësorit për zbatimin e procesit të ri-integrimit në nivel lokal.

Ajo bëri të ditur se asistenca e BE-së për vitet 2011-2013 do të jetë 70 milionë euro dhe se 30 për qind e asistencës së përgjithshme do të fokusohet në asistencën për zbatimin e kritereve për procesin e liberalizimit të vizave.

Grupi Punues për Liberalizim të Vizave me BE-në mban takime të rregullta me ç’rast nga përfaqësuesit e institucioneve të Republikës së Kosovës raportohet për të arriturat e fundit për procesin e Liberalizimit të Vizave me BE-në.

Titulli: Lajme aktuale nga vendi !
 

LDK: PDK-ja pa njerëz të kulturuar


[img]http://www.telegrafi.com/fo/kosove/f.0718140112992_m.jpg[/img]


Ministri Memli Krasniqi dhe ekipi i PDK-së i instaluar në Ministrinë e Kulturës, Rinisë dhe Sportit, sipas partisë më të madhe opozitare në vend, LDK-së, vazhdon të shkelë ligjet e shtetit dhe të sillet pa asnjë kulturë dhe etikë.


LDK përmes një komunikate për media vlerëson se dy veprimet e fundit të paligjshme të ministrit janë emërimet e Këshillave të Teatrit Kombëtar dhe të Galerisë së Arteve të Kosovës. Këshilli i Teatrit Kombëtar të Kosovës ka mandat deri në vitin 2013, ndërsa ai i Galerisë së Arteve të Kosovës deri në vitin 2012, potencon kjo parti në reagimin e saj.

Me këto veprime të kundërligjshme ministri Krasniqi dhe PDK-ja po forcojnë rendin e rrugës që kanë vendosur në Ministri dhe që po e shtrijnë edhe në institucionet e kulturës, thuhet në reagim.

“Me sjellje të papërgjegjshme dhe të paligjshme PDK ja po synon të politizojë gjithçka, po synon të largojë nga institucionet e kulturës njerëzit e kulturës dhe të instalojë aty njerëz të politizuar dhe pa asnjë dije”, vlerëson LDK.

Lidhja Demokratike e Kosovës konsideron se politizimi dhe shkelja e ligjeve janë veprime të denja vetëm për një parti pa program për kulturën dhe pa njerëz të kulturuar siç është PDK-ja.

Lidhja Demokratike Kosovës edhe një herë kërkon nga kryeministri që ai, partia dhe njerëzit e tij të heqin dorë nga veprimet e paligjshme, jonormale dhe joetike.

“Me këto veprime, kryeministri, nëpërmjet njerëzve të tij, po rrezikon punën e institucioneve dhe të njerëzve të kulturës”, theksohet në fund të reagimit të LDK-së.

Titulli: Lajme aktuale nga vendi !
 

Tensionohet situata në ‘Lagjen e Boshnjakëve’


[img]http://www.telegrafi.com/fo/kosove/f.0718144725527_m.jpg[/img]


Tensionohet situata në ‘Lagjen e Boshnjakëve’, pas një vendimi të administratës së UNMIK-ut për rrëzimin e shtëpisë së Sebahate Selacit, e cila ka filluar ndërtimin e saj ditë më parë, raporton korrespondenti i Koha.net nga Mitrovica.


Pak para mesdite dy inspektorë serbë ( të UNMIK-ut), të shoqëruar nga një patrullë e policisë kanë vendosur në një cep të shtëpisë në ndërtim një vendim me të cilën kërkohet që të ndërpriten punët, sepse qenka ndërtim “ilegal” dhe “do të rrënohet”.

Ndërsa, sipas vendimit, të gjitha shpenzimet rreth këtij rasti do t’i bartë pronari i shtëpisë, që në këtë rast është shqiptar. Sebahtja nëse për ndërtim nuk bën kërkesën në administratën e UNMIK-ut, në veri të Mitrovicës, në afat prej 48 orëve, ajo, administrata e UNMIK-ut do të rrezojë shtëpinë e saj. Në anën tjetër vetë pronarja ka theksuar se kërkesën për ndërtim e ka dorëzuar në komunën e Mitrovicës në jug të qytetit.

Në pjesën veriore të qytetit në fakt është e pamundur bësh një gjë të tillë për shkak të mungesës së qarkullimit të lirë.

“Unë shtëpinë tim jam duke e ndërtuar në pronën time dhe me çdo mjet nuk do ta mbroj nga rrënimi”, është shprehur ajo, duke shtuar se administrata e UNMIK-ut është e përbërë nga strukturat paralele serbe dhe etnikisht e pastër serbe.

Albert Gashi, një ndër fqinjët ka theksuar se Qeveria e Serbisë ka ditë që ka filluar ndërtimin e një banese shumëkatësh në Lagjen e Boshnjakëve, në pjesën lindore. Ne banorët d të organizohemi dhe do të ndalojmë punën e strukturave paralele, ndërsa atë objekt do të rrafshojmë për tokë, ka thënë Gashi.

Titulli: Lajme aktuale nga vendi !
 

Granatë dore afër selisë së EULEX-it në Prishtinë


[img]http://www.telegrafi.com/fo/kosove/f.0719140929313_m.jpg[/img]


Sot rreth orës 09:00 policia nëpërmes rrugëve operativa ka marrë një informacion lidhur me prezencën e një mjeti shpërthyes të vendosur në një qese plastike afër rrethojave të ndërtesës së EULEX-it në rrugën “Luan Haradinaj” në Prishtinë, njofton përmes një kumtese Policia e Kosovës.


Menjëherë pas marrjes së informacionit policia ka dalë në vendin e ngjarjes dhe ka ndërmarrë të gjitha masat e nevojshme për të siguruar zonën e rrezikut dhe parandaluar ndonjë shpërthim eventual, njofton Koha.

Në të njëjtën kohë, në vendngjarje është ftuar edhe njësia e specializuar për largimin e mjeteve shpërthyese të cilët menjëherë kanë filluar kontrollimin në vendin e ngjarjes për të gjetur dhe konstatuar se për çfarë mjeti eksploziv bëhet fjalë.

Kontrolli i detajuar i vendngjarjes ka rezultuar me gjetjen e mjetit shpërthyes, granatë dore, e cila në mënyrë të kontrolluar është tërhequr nga vendi i ngjarjes.

Për shkaqe sigurie përgjatë periudhës së kontrollimit të vendngjarjes dhe kërkimit për mjetin shpërthyes policia ka bllokuar segmentin e rrugicës ku është gjetur mjeti shpërthyes për ta liruar më pas atë për qarkullim normal.

Titulli: Lajme aktuale nga vendi !
 

Hetime të reja për “Medicus”


[img]http://www.telegrafi.com/fo/kosove/f.0719102549942_m.jpg[/img]


Dy aktakuzat e ngritura në rastin “Medicus” me sa duket “nuk po ua mbushin syrin” prokurorëve të EULEX-it, të cilët nuk kanë të ndalur duke hetuar këtë rast. Ani pse gjer më tani janë ngritur e konfirmuar dy aktakuza në lidhje me rastin “Medicus” me gjithsej shtatë të pandehur, Prokuroria Speciale e EULEX-it është duke vazhduar me hetime në këtë rast. Aktakuza të reja, sipas burimeve të gazetës, pritet të ngrihen derisa hetimet janë duke vazhduar.
“Janë dy aktakuza të konfirmuara për të cilat ende nuk ka filluar gjykimi por hetimet janë zgjeruar dhe mund të ketë aktakuza të reja”, i ka thënë një burim gazetës Zëri me kusht anonimiteti.

Ky zyrtar i afërt me hetimet nuk ka mohuar se në mesin e të dyshuarve që mund të përfshihen në aktakuzën e re është edhe ish-këshilltari i kryeministrit, tashmë deputet në Parlamentin e Kosovës nga radhët e PDK-së, Shaip Muja. Ky i fundit, sipas burimeve në prokurori, dyshohet se ka pasur ndikim në dhënien e licencës për transplantim organesh në klinikën “Medicus”.

“Nuk mund të flasim në këtë kohë për emra, por për emrin konkret që ju po përmendni nuk mund as të pohoj e as të mohoj hetimet”, ka vazhduar më tej ky zyrtar.

Por, megjithatë, gazeta ka mësuar se tashmë në listën e të dyshuarve nga prokurorët specialë është Shaip Muja dhe dy zyrtarë të tjerë të lartë të vendit. Ata dyshohen se kanë qenë pjesë e krimit të organizuar në krimin që dyshohet se është kryer në klinikën private “Medikus”, klinikë në të cilën ilegalisht është bërë transplantimi i organeve.

Por, zyrtarisht EULEX nuk ka dhënë detaje në lidhje me hetimet që po vazhdojnë në rastin “Medicus”. Zëdhënësi Blerim Krasniqi vetëm ka rikonfirmuar se gjer më tani janë të ngritura dhe konfirmuara dy aktakuza me gjithsej shtatë persona të akuzuar.

Në aktakuzën e parë, për të cilën gjykimi pritet të fillojë në tetor të këtij viti, sipas tij, janë të akuzuar pesë persona për të ashtuquajturin rasti “Medicus”.

“Pohohet se veprat penale janë kryer në vitin 2008 në Klinikën Medicus në Prishtinë, ku janë përfshirë viktima nga vende të ndryshme. Katër të pandehurit do të përballen me akuza të trafikimit të personave me qëllim të heqjes së organeve, si dhe të krimit të organizuar. Tre të pandehur do të përballen me akuzë për ushtrim të paligjshëm të aktiviteteve mjekësore. Dy të pandehur do të përballen me akuzë për shpërdorim të pozitës zyrtare”, ka pohuar Krasniqi.

Të akuzuarit në aktakuzën e parë janë Lutfi Dervishi - urolog, Driton Jilta - kirurg, Ilir Rrecaj - mjek dhe ish-sekretari i Ministrisë së Shëndetësisë, Sokol Hajdini - specialist anesteziolog, Sylejman Dulla - anesteziolog, Islam Bytyqi po ashtu anesteziolog dhe Arban Dervishi, i biri i mjekut Lutfi Dervishi.

Aktakuza e dytë ndërkaq e cila është ngritur më 10 qershor të këtij viti, sipas Blerim Krasniqit, i ngarkon dy shtetas të huaj Yusuf Ercin Sonmez, shtetas turk, dhe Moshe Harel, shtetas izraelit. Ndonëse të akuzuar, që të dy gjenden jashtë vendit ndërsa për ta është lëshuar fletarrest ndërkombëtar.

Titulli: Lajme aktuale nga vendi !
 

Krasniqi nuk tërhiqet nga përgjigjja dhënë EULEX-it


[img]http://www.telegrafi.com/fo/kosove/f.0719120758681_m.jpg[/img]


Kryetari i Kuvendit të Kosovës, Jakup Krasniqi nuk e ka ndërmend të heqë dorë nga përgjigjja që ia ka dhënë EULEX-it, lidhur me çështjen e imunitetit të deputetëve. Ai tha se çështja e imunitetit të deputetëve është mirë e qartësuar me ligjet në fuqi dhe Kushtetutën, prandaj sipas tij, Kuvendi i Kosovës nuk do të nxjerrë Rezolutë për të kërkuar qartësim nga Gjykata Kushtetuese e Kosovës.
Ai pas mbledhjes së Kryesisë së Kuvendit të Kosovës, tha se çështja e imunitetit është tepër e qartë dhe kushdo që ka paqartësi, këtë vetë mund ta kërkojë në Gjykatën Kushtetuese të Kosovës.

Krasniqi ka vlerësuar ditë më parë se nuk është përgjegjësi e Kuvendit që të merret me çështjen e imunitetit. Andaj, ai i ka sugjeruar EULEX-it që, bazuar në Kushtetutën e Kosovës, Qeveria vetë mund të kërkojë nga Gjykata Kushtetuese interpretim për imunitetin e deputetit.

Ndryshe, në mbledhjen e Kryesisë së Kuvendit u vendos të mbahen dy seanca, njëra këtë javë dhe tjetra javën e ardhshme.

Titulli: Lajme aktuale nga vendi !
 

S’ka marrëveshje të reja, anulohet raundi i gjashtë


[img]http://www.telegrafi.com/fo/kosove/f.0719190744897_m.jpg[/img]


I dërguari i Bashkimit Evropian në dialogun mes Prishtinës dhe Beogradit, Robert Cooper ka njoftuar të martën se raundi i gjashtë, apo takimi i paraparë për të mërkurën mes palëve është anuluar. Ai ka thënë se deri në muajin shtator më nuk do të ketë takime mes dy delegacioneve.
“Kemi marrë vendim që të anulojmë takimin e nesërm të dialogut dhe i kam informuar që të dy palët për këtë”, ka thënë Cooper, për të shtuar se takimi është shtyrë, meqë nuk dukej se palët do të dakordoheshin për ndonjë marrëveshje.

“Tash jemi në fazën e diskutimeve ku jemi shumë afër marrëveshjeve për disa çështje dhe nuk ka pse të mbahet takimi përderisa nuk jemi në gjendje që të arrijmë ndonjë marrëveshje”, ka thënë i dërguari i BE-së në dialogun mes Kosovës dhe Serbisë, njofton REL.

“Ishte e qartë se kjo nuk do të ndodhte nesër, kështu që vendosëm se do të ishte më mirë që të mos kishte takim, por të rifillojmë në shtator, ku mendoj se do të ketë një perspektivë më të mirë për pajtueshmëri për çështje të caktuara”, ka thënë Cooper.

Ndërkohë shefja e delegacionit te Kosovës, Edita Tahiri, ka thënë se raundi i gjashtë i dialogut është anuluar me “fajin e palës serbe e cila nuk është treguar e gatshme ta pranojë marrëveshjen për tregtinë e lirë, përkatësisht njohjen e vulave të doganave të Kosovës, të njohura tashmë nga Bashkimi Evropian”.

Përmes një deklarëte për media, kryengorciatorja kosovare, ka thënë se më këtë qëndrim, Serbia vazhdon të shkel parimet e lëvizjes së lirë të mallrave, si një prej parimeve fundamentale të Bashkimit Evropian. Ajo ka porositur Serbinë që orientimi proevropian nuk bëhet me retorikë, por me politika e vendime proevropiane.

Titulli: Lajme aktuale nga vendi !
 

Vetëvendosje: Diplomohet Edita Tahiri!



[img]http://www.telegrafi.com/fo/kosove/f.0720123744596_m.jpg[/img]


Aktivistë të lëvizjes Vetëvendosje ndërmorën para ndërtesës së Qeverisë aksionin simbolik, me ç’rast zëvendëskryeministres Edita Tahirit iu nda “diploma e Universitetit të Hajnisë dhe kompromiseve me Serbinë”. Diplomë kjo, siç tha Vetëvendosje për kursin “Negociatat dhe koncesionet marramendëse me Serbinë”, për të cilin kryenegociatorja është vlerësuar me notë maksimale 10.


Aktivisti Frashër Krasniqi, me këtë rast tha se nuk do shumë mend për të vërejtur se si Qeveria dhe pushtetarët e Kosovës, përveç që janë të shitur e të korruptuar, janë edhe shumë të paditur.

“... Megjithatë, problemi kryesor nuk po na del të jetë padituria e tyre. Në fund të fundit, njeriu kur ka vullnet për të fituar dije e fiton atë. Kështu, Qeveria e Kosovës, përveç që nuk po di me zhvillu ekonominë e vendit, me shtri sovranitetin e shtetit, me rritë mirëqenien e qytetarëve, ajo as nuk po ka vullnet t’i bëjë këto. E megjithatë, ka plot gjëra tjera për bërjen e të cilave kjo Qeveri është shumë e vullnetshme. Dhe është aq e vullnetshme sa që është bërë profesioniste. Ajo ka shumë vullnet ta pasurojë veten, duke e shitur Kosovën”, tha Krasniqi.

“Ka kohë që në vendin tonë është themeluar një universitet i ri: ai i Hajnisë dhe Kompromiseve me Serbinë. Atyre që i ndjekin mësimet në të u mësohet për teknikat më të zhvilluara të vjedhjes së pasurisë publike, u mësohet për mënyrat më të sofistikuara të keqpërdorimit të pushtetit... Një kurs special dhe shumë intensiv, që ofrohet në këtë universitet, i pajisë pjesëmarrësit me shprehinë e servilitetit dhe kompromiseve të vazhdueshme me Serbinë. Rektori i këtij universiteti, kryeministri Hashim Thaçi, po kujdeset vazhdimisht që t’i edukojë në këtë frymë studentët që i ka përreth vetes dhe t’i bëjë ata sa më të përshtatshëm për t’i kryer punët e ndyta në saje të së cilave ky rektor ia ruan pushtetin vetes”, u shpreh më tej aktivisti i Vetëvendosjes.

Sipas tyre, e diplomuara më e re në Universitetin e Hajnisë dhe të Kompromiseve me Serbinë është zëvendëskryeministrja Edita Tahiri. “Kjo e fundit, me rezultat maksimal – notë 10.00 – arriti ta kalojë kursin e negociatave dhe koncesioneve marramendëse me Serbinë”, tha ai.

Sipas tij, Tahiri së bashku me kryeministrin Hashim Thaçi, treguan zell të pashoq në përmbushjen e kërkesave të shtetit që për çdo ditë e cenon sovranitetin dhe pavarësinë e Kosovës.

Titulli: Lajme aktuale nga vendi !
 

Vihet gurthemeli i burgut të sigurisë së lartë


[img]http://www.telegrafi.com/fo/kosove/f.0720142728776_m.jpg[/img]


Kryeministri i vendit, Hashim Thaçi në ceremoninë e vënies së gurthemelit për ndërtimin e burgut të sigurisë së lartë në Gërdofc të Komunës së Podujevës tha se ndërtimi i tij paraqet projektin kapital të radhës dhe i kontribuon drejtpërdrejt sundimit të ligjit në Kosovë.


Ai tha se ky projekt do të realizohet i bashkëfinancuar nga Qeveria e Republikës së Kosovës dhe Komisioni Evropian, kurse 19 hektarë tokë janë ndarë nga Komuna e Podujevës.

“Qeveria e Republikës së Kosovës mbi vete ka pasur dhe ka barrën e reformimit dhe kompletimit të të gjitha segmenteve të nevojshme të funksionimit të shtetit. Prandaj, jam plotësisht i vetëdijshëm për nevojën e një transformimi të vazhdueshëm dhe të mirëfilltë të sistemit të drejtësisë në Kosovë”, tha ai.

Ai tha se bashkëfinancimi i këtij projekti nga Qeveria e Kosovës dhe Komisionit Evropian paraqet formën më të mire të harmonizimit të prioriteteve të Qeverisë me kërkesat e integrimit evropian dhe koordinimit me Instrumentin e Para-anëtarësimit për Republikën e Kosovës.

“Ndërtimi i këtij objekti i kontribuon drejtpërdrejt fuqizimit të kapaciteteve dhe infrastrukturës të sundimit të ligjit në Kosovë. Ky projekt ju mundëson të burgosurve të shfrytëzojnë masat e nevojshme për përmirësimin e tyre dhe ri-integrimin në jetën ekonomiko-shoqërore. Ky investim do të ndikoj në shkarkimin e institucioneve tjera korrektuese në Kosovë gjë që ndikon në ngritjen e efikasitetit dhe në përmbushjen e detyrave të tyre”, tha ndër të tjera kryeministri Thaçi.

Ministri i Drejtësisë, Hajredin Kuçi fillimin e ndërtimit të burgut të sigurisë së lartë e vlerësoi si të rëndësisë vitale për Shërbimin Korrektues të Kosovës.

“...Motoja e jone se ligji duhet të sundohet me ligj promovohet edhe sot, që nënkupton që ata të cilët do të jenë në këtë objekt, do t’i kenë të drejtat e tyre ligjore sipas standardeve evropiane”, tha ministri Kuçi.

Ndërsa, shefi i Zyrës Ndërlidhëse të KE-së në Kosovë, Kjartan Björnsson tha së ndërtimi i këtij burgu do të jetë një hap tjetër i rëndësishëm për konsolidimin e sundimit të ligjit dhe përmbushjen e standardeve evropiane.

“Ndërtimi i këtij burgu është edhe një hap tjetër i rëndësishëm për konsolidimin e sundimit të ligjit në Kosovë, është edhe një standard tjetër për mbrojtjen e drejtave të njeriut, duke u bazuar në Konventën Evropiane të Drejtave të Njeriut, po ashtu do të përmbushet njërin ndër kriteret kryesore të Komitetit Evropian për Parandalimin e Torturës”, tha Björnsson.