Dardania.de - A mund të ketë ambient të banueshëm në Mars

Edhe sipërfaqja e Marsit dridhet

Fjodor Zotaj

Edhe në Mars toka tronditet.Është kjo një nga zbulimet e fundit të sondës Mars Global Surveyor., që prej 8 vjetësh vazhdon të fotografojë sipërfaqen e planetit . Duke u bazuar në të dhënat të dërguara në tokë, imazhe e fotografuara tregojnë gjurmë të aktiviteteve sizmike dhe ngritje të temperaturave.
‘Të shohësh hapje të kratereve dhe ndryshime në sipërfaqen e Marsit në harkun kohor të tre viteve zbulojmë se kemi të bëjmë me një planet më aktiv , më dinamik të asaj që mendonim ‘, ka deklaruar Michael Meyer, shefi i programit të eksplorimit të Marsit.
Dhe nuk është e gjitha këtu.Fotografitë e bëra tregojnë shumë masa shkëmbore të cilat kanë lëvizur, shënjë kjo e një aktiviteti të madh sizmik , mbase edhe të një tërmeti të madh. Sipas Jack Mustard , gjeolog në Universitetin Providence , në Rhode Island, » një aktivitet i tillë do të thotë që në brëndësi të Marsit ka nxehtësi, që do të thotë që brendësia ka më tepër aktivitet se çmendohej më përpara, dhe mund të ketë një ambjent të banueshëm në rajonet më të brëndshme të planetit ‘.