Titulli: Lajme nga bota Islame
 

[B]Pesë vite burg për shkak të fyerjeve ndaj Profetit Muhamed në Twitter[/B]



Kuvajt Siti, 20.11.2013



Përdoruesi i rrjetit social twitter nga Kuvajti, Musab Shamsah është dënuar me pesë vite burg për shkak të fyerjeve ndaj Profetit Muhamed, njoftoi sot aktivisti nga Kuvajti për të drejtat e njeriut, Naval a Hendel.

Shamsah është burgosur, për shkak se i përmend pasardhësit e Profetit Muhamed, dhe mund të shihet si mbështetje ndaj besimit shiit, shkruan AP.

Kuvajt të cilën shumica e përbëjnë Sunitët është njëra nga shtetet më rigoroze në Gjirin Persik kur bëhet fjalë për postimet në rrjete sociale të cilat përmbajnë mesazhe fyese, shkruan Agjencia Amerikane.

Titulli: Lajme nga bota Islame
 

[B]Jam egjiptiane, mbaj shami dhe këndoj rep[/B]



Quhet Mayam Mahmoud, është 18 vjeç dhe është këngëtarja e parë rep egjiptiane e cila mban shami në kokë.

Zbulimi i saj u bë gjatë Arab’s Got Talent, talent show i lançuar dy vite më parë, i cili zbuloi talentin e saj.

Mayam nuk bën muzikë rep për arsye politike, si shumë bashkëmoshatarë të saj, si

Karem Adel dhe MC Amin, por për tu rrëfyer.

“Nisa kur isha 10 vjeç, isha në shkollën fillore, nisa të këndoja me ritëm të përshpejtuar poezitë që shkruaja. Vetëm së fundmi kam mësuar se quhej rep dhe nisa ta dëgjoja. Zbulova kështu se shumica janë djem dhe këndojnë kundër gjërave që nuk funksionojnë. Por nuk është e drejtë”, shprehet 18 vjeçarja për BBC.

Kështu që ajo rrëfehet se është egjiptiane, mban shami dhe këndon rep, edhe pse shumëkush mund ta shikoj shtrembër, nuk i bëhet vonë.

Me këngët e saj ajo synon të tregojë anën tjetër të medaljes, vajzat dhe problemet e tyre.




[YOUTUBE]cWKjfeDGvwM[/YOUTUBE]

Titulli: Lajme nga bota Islame
 

[B]Numri i myslimanëve në Kinë ka kaluar 100 milionë[/B]



Pekin, 10.12.2013

Numri i myslimanëve në Kinë në njëzet vitet e fundit është rritur dyfish . Rezulton se në Kinë, ekonominë e dytë të botës, feja e cila rritet më shpejt është Islami.

Numri i tyre në Kinë ka kaluar 100 milionë.

Interesimi për Islamin në vendin më të populluar në botë çdo ditë po rritet. Në Kinë e cila ka një popullsi prej 1 miliard e 400 mijë, sipas të dhënave zyrtare, ekzistojnë 45 mijë xhami. Nga 56 grupe etnike të ndryshme, 14 prej tyre e përbëjnë myslimanët.

Përkundër bindjes që njihet tek ne, shumicën e popullatës myslimane në Kinë, nuk e përbëjnë ujgurët turq, uzbekët, dhe kazakët. 90% të popullatës myslimane në Kinë e përbëjnë Hui kinezët, një grup etnik me prejardhje kineze.

Çdo ditë 60 kinezë pranojnë islamin

Në Kinë, ku 42% e banorëve nuk janë pjesëtarë të asnjë religjioni, sipas të dhënave zyrtare, feja e cila rritet më shpejt është Islami. Të dhënat zyrtare flasin se mesatarisht rreth 60 kinez e pranojnë islamin në ditë.

Deri para 20 vjetëve në Kinë kanë jetuar 50 milion mysliman. Në vitet e fundit ky numër ka regjistruar numra rekord dhe ka kaluar 100 milionin.

Re: Lajme nga bota Islame
 

Konvertimi i priftit bullgar në Islam ka shkaktuar tensione

Konvertimi i priftit ortodoks në fenë islame ka shkaktuar anulimin e festimit të ditës së Ashures, e cila vite me radhë i ka bashkuar muslimanët dhe ortodoksët në Vidin të Bullgarisë

Prifti bullgar, i cili zgjodhi Islamin për fe, dëmtoi traditën e festimit të përbashkët të ditës së Ashures mes muslimanëve dhe të krishterëve ortodoksë, 200 vjet të vjetër.

Atans Mihailov i cili shkoi në të njëjtën klasë me metropolitin aktual Plovdiv Nikolain në shkollën meshtarake të Shën Ivan Rilskit në Sofje, shërbeu 20 vjet si prift në kishën e Sofjes. Mihailov, i cili kohë më parë ishte larguar nga aktivitetet kishtare, për fe të tij ka zgjedhur Islamin.

Myftiu i Sofjes, Mustafa Izbistali, më 27 nëntor, në xhaminë kryesore të Sofjes, pas namazit të ikindisë, ka bërë të ditur se Atanas Mikhailov zgjodhi Islamin për fe të tij dhe u bë musliman, duke ndërruar emrin në Abdullah.

Mihailov, i cili tani quhet Abdullah, thotë se ka kohë që e kërkon vërtetën, dhe kjo ka qenë arsye e vetme që e ka shtyrë ta pranoj Islamin.
Myftiu lajmin dhe fotografinë e priftit të konvertuar e kishte vënë në faqen zyrtare të Myftinisë, duke e titulluar “ Ish prifti ortodoks e përqafon Islamin”. O Zoti ynë, ne të lutemi që të na drejtosh në rrugën e drejtë dhe të na mbrosh nga rruga e të humburve.

Mihailov vërtetoi fjalët e myftiut, duke thënë se ai tashmë ka shkëputur të gjitha lidhjet me Kishën Ortodokse Bullgare.
Mediat bullgare kanë shkruar se prifti është dashuruar me një femër muslimane dhe për këtë arsye ai e ka ndryshuar fenë.

Për shkak të reagimeve të fuqishme rreth titullit të lajmit, në faqen e internetit është ndryshuar titulli, dhe në vend të tij janë vendosur vargjet kur’anore. Megjithatë, edhe ky gjest i Myftinisë nuk i ka qetësuar tensionet.kohaislame



[url]http://www.kohaislame.com/encikloped...ktuar-tensione[/url]

Titulli: Lajme nga bota Islame
 

[B]Qosja takohet me Imam Krasniqin[/B]



[IMG]http://lajmi.net/assets/2014/01/shefqosje-660x400.jpg[/IMG]



Rexhep Qosja ka pritur në selinë e Institutit Albanologjik imamin e Xhamisë së Madhe në Prishtinë, Shefqet Krasniqin. Ata vlerësuan lartë punën e njëri-tjetrit.


Akademiku Rexhep Qosja ka pritur sot në një takim, në zyrën e tij në Institutin Albanologjik, Imamin e Xhamisë së Madhe në Prishtinë, Shefqet Krasniqi.

Qosja, sipas portalit krenaria.com pohohet të ketë vlerësuar lartë punën e palodhshme të Krasniqit si dhe kontributin e tij të çmueshëm për ngritjen e vlerave kombëtare e fetare të popullit tonë.

Edhe Imam Krasniqi thuhet se ka vlerësuar lartë Akademik Qosjen, siç thuhet në këtë portal, për punën e pakrahasueshme që ai ka bërë në fushën e shkencës, dijes dhe vlerave të popullit tonë.

“Në takim është biseduar për sfidat dhe pengesat në rrafshin kombëtar e fetar dhe mundësitë për tejkalimin e tyre”.

“Takimi u përmbyll me urimin që kontaktet mes tyre të jenë të vazhdueshme në frymën e bashkëpunimit pozitiv dhe në shërbim të shkencës, të vërtetës dhe të popullit”.

Imami Shefqet Krasniqi i ka dhuruar Akademik Qosjes librat e tij të botuar deri më tani.

Titulli: Lajme nga bota Islame
 

[B]Siri, vajza vritet me gurë sepse përdori Facebookun[/B]



[IMG]http://images.botasot.info/uploads/largea_siri-vajza-vritet1392670260.jpg[/IMG]
Një vajzë nga Siria, u gjuajt me gurë, deri në vdekje, pasi një grup i militantëve nga Siria e gjetën atë duke përdorur rrjetin social Facebook.
Fatoum Al-Jassem quhet vajza që u dërgua në një gjykatë të Sheriatit, pasi u kap duke përdorur faqen e internetit social, në Rakka të Sirisë.
Gjykata e Sheriatit deklaroi se duke përdorur një llogari të rrjetit Facebook, kjo shkon deri në adulteri, ndaj vajza duhet të dënohet me gurë, raporton agjencia FARS.
Anëtarët e grupit të al-Qaedas në Irak, të njohur gjithashtu si Shteti Islam i Irakut dhe Shamit (ISIS) janë të përfshirë në këtë incident.

Re: Lajme nga bota Islame
 

@kafir arnaut

Shumica e ketyne fotove jane montazh. Ka ba xhiro edhe nje foto tjeter neper internet me ni gru gjysme te futun ne dhe. Montazh e kullume.

Cili gazetar koka kone i pranishem kur ka ndodh kjo ngjarje? Apo kush ka fotografu?

Titulli: Lajme nga bota Islame
 

[B]Myslimanët bëjnë thirrje që të ndalohet filmi për profetin Nuh[/B]



[IMG]http://www.knninfo.com/repository/images/noah-film.jpg[/IMG]



Deklarata thotë se ligji islamik qartë e ndalon personifikimin e figurave profetike dhe filmi është “në kundërshtim me fenë”.

Një grup myslimanësh në Egjipt i ka bërë thirrje shtetit që të ndalojë një film të “Paramount Pictures”, i cili është paralajmëruar të shfaqet në ekranin e madh më 28 mars.

Arsyeja pse ky grup pretendon ta ndalojë këtë film, është se në të do të flitet për jetën e profetit Noah, i njohur në religjionin islam si Nuhu.

Grupi “Al-Ahzar” nëpërmjet një thirrjeje publike, ka thënë se ky film duhet të ndalohet sepse karakterizon profetin e Allahut.

“Al Ahzar deklaron se shfaqja e këtij filmi duhet të ndalohet, për shkak se karakterizon profetin e Allahut dhe shokët e Profetit të fundit, Muhamed”, thuhet në këtë deklaratë.

Në të gjithashtu thuhet se ligji islamik qartë e ndalon personifikimin e figurafe fetare në film dhe kjo është në kundërshtim me fenë. Filmi në të cilin luan edhe aktori Russel Croëe, është kritikuar ashpër edhe nga organizata të tjera islamike.

Ja edhe trileri i filmit:



[YOUTUBE]_OSaJE2rqxU[/YOUTUBE]

Titulli: Lajme nga bota Islame
 

[url]http://www.zeri.info/artikulli/33531/kishte-lidhje-me-nje-burre-te-martuar-ligji-i-sheriatit-e-denon-me-rrahje-ne-publik[/url]

Titulli: Lajme nga bota Islame
 

[url]https://www.google.de/url?sa=t&rct=j&q=&esrc=s&source=web&cd=1&cad=rja&uact=8&ved=0CCAQtwIwAA&url=http%3A%2F%2Fwww.youtube.com%2Fwatch%3Fv%3DA0iFWfBaMUM&ei=BxevU8zCDMm2PcG6gYAC&usg=AFQjCNGF8ljREWQ1zaO_nhh6tY7Auwd7mA&bvm=bv.69837884,d.bGE[/url]