[Gentiani]

Si pikënisje për diskutim, u nisa nga postimi i shkrimit të Dilaverit, si dhe në bazë të asaj që kam lexuar lidhur me këtë rast.

Fillimisht thuhet që personat e akuzuar për planifikim të sulmit të bazës ushtarake amerikane - shihej xhirimi i paraqitur (nëse ka të bëjë me personat në fjalë) që ushtronin me armë - pushkë, pastaj thuhej që videon e kishin dërguar në një shitore armësh për shumëfishimin e tyre në DVD...më tutje pronari i shitores lajmëron FBI,...dhe e gjithë kjo përallë e muhabet zgjatë gati 1 vit hetime e përcjellje ndaj personave të akuzuar.

E së fundi, kur të akuzuarit në fjalë kanë vendosur të blejnë armët, arrestohen nga FBI ose ndonjëra nga kusherirat e saja !!!

Paramendoni e gjitha ndodhë në një shtet, shërbimi intelegjent i të cilit ka kapacitet të përgjojë, vëzhgojë e përcjellë pothuajse çdo pikë të çdo objekti në këndin tjetër të botës, qoftë nga ajri, toka ose uji dhe lejohen gjëra të tilla të përcillen me muaj, sikur të bëhej fjalë se do të sulmohet ndonjë market gjërash ushqimore, e jo ndonjë objekt që janë në pyetje jetëra njerëzish.


Pra, pas gjithë asaj kohe hetimesh, përcjelljesh e vëzhgimesh, është dashur ti lënë të futen edhe në bazë ushtarake, për ti kapur në flagrancë duke vrarë ushtarë amerikanë !!!

Mënyra e formulimit të lajmit, e bënë të duket sikur përrallë të palogjikshme, prej fillimit të momentit që kanë filluar hetimet ndaj tyre dhe deri tek arestimi.

Së fundit, nëse personat e arrestuar ngarkohen për vepra të planifikimit të sulmit të bazës ushtarake amerikane dhe vrasjen e sa më shumë ushtarëve amerikanë, siç thuhet në aktakuzë, hëm i mbetet barra vehtë atyre të përballen me prokurorinë dhe gjykatën amerikane, pa të keqen e shqiptarëve dhe të askujt tjetër mbi këtë rruzull toke. Nga mosha e tyre vërehet që nuk kanë qenë të vegjël të paramendojnë dhe mendojnë për pasojat, në anën tjetër shteti amerikan ka mjaft forcë të përballet dhe përgjigjet kur i rrezikohet rendi si dhe siguria e qytetetarëve dhe institucioneve të saja, sikur që do të reagonte çdo shtet.

Prononcimi i institucioneve shtetërore nga ana e shqiptarëve, në dyja anët e kufirit si dhe dënimi i këtyre akteve ka qenë në momentin e duhur, korrekt dhe me vend, ndërkohë që ato që lexova me peticione, demonstrata e bla,bla, bla tjera janë për mendimin tim qesharake - aktivitete për "badihavgjinjë" që vdesin nga monotonia e zero aktiviteteve të tyre ditore dhe të mirren me diçka!

Të presim edhe ndonjë dite momentin e ndonjë iniciative tjetër, të shkojmë "në t`pame" në SHBA dhe ty hyjmë rend shtëpive e mahallave, tu shprehim ngushëllime qytetarëve Amerikanëve, e nëse ndodhë një gjë e tillë, mos harroni të më lajmëroni edhe mua...

Ndërkohë, sa për rikujtim rastin e terroristit Bin Laden, si dhe pilotëve vetëvrasës -
shtetas të Arabisë Saudite, përkundër aktivitetit të tyre dhe rolit të tyre në ngjarjet dhe sulmin terrorist të 11 Shtatorit 2001, SHBA-të kanë raporte të shkëlqyeshme me Arabinë Saudite, pamvarësisht faktit që shtetasit e saj kryen vepra të atakimit të drejtpërdrejtë të SHBA-ve- Kështu që për ata që çirren se ç`paska ndodhur e qenka bërë nami për popullin shqiptarë për aktivitetin e këtyre katër shqiptarëve, mos të lodheni ëh, së fundit prapanicat e tyre me gjithë kokat e tyre ulen në karriket e lektrike e jo të shqiptarëve dhe se secili jep përgjegjësi për vetëvehten e tij dhe veprat që e ngarkojnë.


Dhe për fund, pasi erdhi fundi i shkrimit... një moment ëh! unë i dënoj rastet e tilla, jo vetëm të tentimit të sulmit të bazave ushtarake dhe rrezikimit të jetërave të njerëzve, por të çdo objekti, qofshin ato edhe kiosqe për shitjen e gazetave dhe sheqerkave.