[4peace]

Postimi origjinal është bërë nga yllbardh

Të nderuar vëllezër dhe motra nuk dua që t'a ofendoj askënd me këtë shkrim, por më intereson vetëm një gjë. Rastësisht hasa në një faqe në Interenet ku bëhej fjalë për drejtësi, ku vërejtjen m'a tërhoqi shkrimi rrethë autorëve të kësaj faqeje. Ndër të tjera këtu thuhet:" Ligji jonë është Kur'ani..."
Nuk jam në dijeni se personat në fjalë të jen jurist por me sa di unë si në Kosovë ashtu edhe në Shqipëri ky libër i shenjët nuk e ka rolin legjislativ, kështu që këshillat e marruna nga këta persona mundë edhe të jenë dezinformuese.
Kështu që pyetja ime është a është ky një gabim nga ana e redaksionit të këtij bllogu apo cili është roli i kuptimit të këtij libri të shenjët në këtë mënyrë, kur dihet shumë mirë se mbrenda Kur'anit gjinden vetëm rregulla se si t'i përmbahemi besimit Islam te ne.
Edhe një herë dua të cekë se ky shkrim nuk është bërë me asnjë paragjykim vetëm me qëllim të kërkimit të diturisë.
Ju falenderoj për mirëkuptim.

Përshëndetje yllbardh

Ne sot jemi të bombarduar me llo-lloj fobishë, kurse më aktualja dhe më agresivja është islamofobia. Çdo gjë që lidhet me Islam nënkuptohet si diçka negative, diçka e ligë, destruktive, terroriste…Mediat „e pavarura“ krishtero-perëndimore duhet të shiten disi duke shkruar/raportuar senzacione. Sepse ato faktikisht janë të varura. Të varura nga biznesi. Business as usually.

Në këtë mënyrë harrohet qëllimisht se në kushtetutat (legjislativin) e tyre ka elemente të bollshme biblike. Mirëpo, nëse në ndonjë kushtetutë tjetër do të kishte elemente budiste, zjarrputiste apo, siç kemi rastin tash, islame, atëherë përmenjëherë lind dyshimi. Dyshim i njëjtë lind edhe ndër ne që „ushqehemi“ nga të njëjtat media. Në këtë mënyrë lindin e formohen klishetë…

Shtohet pyetja: Çfarë të keqe ka nëse një kushtetutë përmban elemente hyjnore?

Unë do të isha përgjigjur: Asgjë të keqe. Mu përkundrazi. Sa më shumë elemente hyjnore në një kushtetutë, aq më mirë për atë vend.


Një gjë nuk duhet harruar kurrnjëherë:
Fanatikët/fundamentalistët/ konzervativët/reaksionarët nuk ekzistojnë vetëm në mesin e fetarëve. Aq më pak në mesin e fetarëve/besimtarëve muslimanë. Ata i kemi në të gjitha lëmitë e jetës.

Për sa i përket kësaj (web)faqeje nuk mund të them edhe aq shumë. Sejcili duhet të jet i vetëdijshëm për hapat që i bën dhe të mbajë përgjegjësinë adekuate.


Ajo çka është nga më primaret, nga më të rëndësishmet nga të gjithat, është që me të vërtetë të arrihet drejtësi, barazi, paqë…apo të mposhten padrejtësitë, pabarazitë, luftat e panevojshme…


Ndoshta nuk t’u kam përgjigjur ashtu siç ke pritur, por…shëndosh qofshim e ia bëfshim.


Gjitha të mirat nga unë!


*