[Mendjen]

Kaka: Shpresoj të rikthehem shpejt

Superylli brazilian i Milanit, Kaká, ka folur për lëndimin që e pësoi së fundi në ndeshjen kundër Sampdorias, në të cilën ekipi i tij u mposht në San Siro me rezultat 2-1, dhe thotë se shpreson të rikthehet në fushë sa më shpejtë.
“Tashmë ndjehem më mirë. Le të shohim sa kohë do të më marrë të rikthehem. Po punoj shumë me fizioterapeutët dhe në pishinën e notimit”, ka thënë braziliani.

“Dëmtimi ndodhi në minutat e para të ndeshjen, kur fillova të ndjej dhimbje në këmbë. U përpoqa të vazhdoj, por muskuli ishte forcuar dhe ishte diçka që më ndodhte për herë të parë, andaj edhe nuk dija çfarë të bëja. Pastaj në lëvizjet e kundërsulmeve, ndjeva se nuk do të mund të vrapoja dhe kërkova zëvendësim”, ka shtuar fituesi i Topit të Artë.