[Dilaver]

Eu, munges e logjikës!
Po marr iniciativën të them edhe unë disa fjalë në lidhje me ketë nisje të pranimit të shtetësisë së Kosovës nga Serbia!
Absurditeti nuk është pënges për politikanët tanë. Terë ditën kam menduar; a thua ka ky njeri ndonjë këshilltarë?
Apo ndoshta edhe ata janë njerëz të cilët trurin dhe arsyen e shëndoshë nuk e kanë të nevojshme e mungesa e diturisë është më e madhe së dituria!

>> në hyrje të Kosovës është ndeshur më mbishkrimin “Mirë se vini në Republikën e Kosovës”, ka thënë kryeministri Thaçi.<<

Kjo tregon në nëntekst mangësinë e drrasave në trurin e hedhësit të kësaj ideje, atyre që e kanë botuar dhe atyre që nuk e kan pënguar një komunikatë të tillë të lansohet në publik!

Kjo puna e tabelës po me perkujton një mesele (anekdotë).
Kish qenë një vajzë pa martue edhe bukur do vjet i kish pas, e nuk i delke nafak kurku. Ni ditë prej ditve ja kishin msy deren msitet. Baba i qikës i pret e i shtjen mbrenda e ju qet kafe e duhan kotroban e ju bënë muhabet.
Qika që ish per martesë ish qobanesh, diten ruante bagëtine në mbrëmje i rahatojke e pastaj hynte mbrenda n’ode t’burrave. Ashtu veproj edhe atë natë që kishin ardhë msitet, hyri mbrënda e u përshëndet me ta edhe menihere po i pyet ata; allahile kah cila rrug erdhët? (Si me thënë a erdhët kah merdara apo kah leposaviqi.)
Ata pergjigjen, ka leposaviqi.
A e pat një shotroman sa ni deng sanë në qosh t’shtegut skaj gurit të shpuem?
Po valla e pamë, përgjigjen ata.
E nëse doni me dijt vet qeky gjyks e ka bo, ju thot qika!

Këta njerëz, titullarë të institucioneve, janë zhytur në errësirë nga etja për tituj e lavdi, edhe ajrin e nënqiellit kosovar e kanë mbushur me mëkatë e gënjeshtra të spërkatura me një dozë simbolike të së vertetës. Gënjeshtrat, absurditeti, aventurizmi papërgjegjshmëria dhe mungesa e seriozitetit ndaj premtimeve e obligimeve tregon haptas se ata duan t’i realizojnë qellimet e interesat e tyre përsonale e partiake, por në asnjë mënyrë interesin publik.