[Fshatari]

Kthehen për here të tretë


Nga Faton Ismajli më 23.03.2009 në ora 13:03

(Update) Në mes të ditës së sotme, zyrtarët serbë nuk u lejuan të hyjnë në Kosovë. Pasi janë legjitimuar nga Policia kosovare dhe është vërtetuar se zyrtarët serbë nuk kanë kërkuar leje për të hyrë në Kosovë, ata janë kthyer mbrapsht.

Me këtë rast, Policia e Kosovës ua ka shkruar nga një “hajmali” zyrtarëve serbë, në të cilën u janë dhënë arsyet e ndalesës.

Zëdhënësi i Policisë së Kosovës, Arebër Beka tha për Express se zyrtarët serbë nuk u lejuan të hyjnë në vendin tonë ngase nuk ishin të pajisur me leje nga Ministria e Punëve të Brendshme.

“Në ora 12 e 15 minuta zyrtarët kanë mbërritur në kufi me Kosovës, por nuk u lejuan të hyjnë në shtetin tonë sepse nuk kishin leje përkatëse”, njoftoi Zëdhënësi Beka.


Nuk lejohen të hyjnë në Kosovë?

Policia e Kosovës është e vendosur të mos i lejojë zyrtarët serbë ta vizitojnë vendin tonë, pa marrë leje përkatëse. Delegacioni serbë, i prirë nga Kryetari i Beogradit, Dragan Gjilas dhe këshilltari i presidentit serb, Mlagjan Gjorgjeviq nuk do të lejohen të hyjnë në Kosovë, ka bërë të ditur Policia.

“Nuk do të lejohen të hyjnë në Kosovë sepse nuk kanë marrë leje nga autoritetet përkatëse”, tha Zëdhënësi i Policisë, Arbër Beka.

Një ditë më herët është njoftuar se zyrtarët serbë do të vizitojnë qytetin e Kamenicës, përkatësisht vendin ku është djegur një shtëpi shëndeti si dhe do të kenë takime me përfaqësues të strukturave paralele.

Në njoftim thuhet se kjo vizitë është në vazhdën e ndihmave humanitare që shteti serb jep për serbët e Kosovës.

Nëse nuk lejohen edhe kësaj herë zyrtarët serbë të hyjnë në Kosovë, do të shënihet hera e tretë që zyrtarët serbë ndalohen të shkelin tokën e Kosovës.

Ndalimi i parë i ishte bërë pikërisht Ministrit për Kosovën, Goran Bogdanovic, muajin shkurt.

Kurse ndalimi i dytë u është bërë shtatë deputetë të Parlamentit të Serbisë të cilët ishin nisur para disa ditësh për në Ranillug të Gjilanit.

Përfaqësuesit e Serbisë nuk pranojnë të pyesin institucionet kosovare.

Në të kaluarën zyrtarët serbë, të cilët kanë qenë të interesuar për të vizituar Kosovën, i kanë dërguar njoftime UNMIK’ut. Ky mision pastaj shpesh edhe u ka siguruar përcjelljen e nevojshme policore.

Prej datës 9 dhjetor kur UNMIK’u nuk ka më policë aktivë në Kosovë, ky mision vetëm u përcjell kërkesat EULEX’it respektivisht Ministrisë së Brendshme të Kosovës.

Ministri i Brendshëm Zenun Pajaziti ditë më parë u ka bërë thirrje zyrtarëve serbë që të respektojnë procedurat ligjore nëse dëshirojnë të vizitojnë Kosovën.

“Këto grupe duhet të kuptojnë se nuk është Zyra e UNMIK’ut në Beograd mekanizëm adekuat ku ata duhet të drejtohen, por organet kompetente të Kosovës”, ka thënë Ministri Pajaziti, për Express.
__________________________________________________ _____

Kjo policia e Kamenices po e rrespekton rreptesisht Kushtetuten e shtetit te pavarur, te fuqishem e sovran të Kosovës.
I ftoj mitrovicasit te vine ne vizite atje ne komunen time e u tregojme se çka duhet me iu ba shkavellave.