[Peja-Boy]

Policia: Rasti i Jackson-it po hetohet si vrasje


William Bratton, kryeshef i policisë së Los Anxhelosit, tha se vdekja e Michael Jackson-it është duke u hetuar si vrasje. Ndonëse që nga fillimi i hetimeve policia nuk kishte përjashtuar mundësinë që Michael Jackson është vrarë, drejtori i policisë edhe zyrtarisht e konfirmoi që ky rast po hetohet si vrasje. William Bratton, kryeshef i policisë së Los Anxhelosit, tha se vdekja e Michael Jackson-it është duke u hetuar si vrasje, transmeton “TMZ”. Në qendër të hetimit gjendet mjeku personal i Jackson-it, Conrad Murray i cili ishte me të kur ai kishte vdekur.
Conrad Murray, mjeku personal i Jackson-it

Në shtëpinë e Jackson-it, sasi e madhe e ‘Diprivanit’
Gjatë hetimit është vërtetuar se qetësuesi ‘Diprivan’, në të cilin gjendet anestetiku ‘Propofol’, ka ‘shkaktuar’ ndaljen e zemrës. Këtë medikament e kishte sjell pikërisht Murray, avokati i të cilit nuk ka dashur që të komentoj rastin. Në shtëpinë e Michael-it gjatë hetimit janë gjetur disa lloje të barnave të forta, ndërmjet të cilave edhe sasi e madhe e ‘Diprivan-it’, i cili merret në formë intravenoze dhe përdoret kryesisht në spitale. Jackson këtë medikament e ka marrë më parë, për shërimin e problemeve që kishte më lëkurën. Në bisedë është marrë edhe mjeku Arnold Klein, dermatologu shumëvjeçar i mbretit të Popi-it.

Tito Jackson, vëllai i Michael-it
Ai ishte rrethuar me njerëz ‘jo të mirë’
Familjarët në anën tjetër disa herë ishin munduar që Jackson-in ta paralajmërojnë për dëmin që shkaktojnë përdorimi i këtyre barnave, dhe vëllai i tij Tito për ‘Daily Mirror’ ka thënë se nuk e di se a bëhet fjalë për vrasja apo jo, por Michael si duket ka qenë i rrethuar shumë shpesh nga njerëz jo aq të mirë, të cilët nuk kanë punuar gjithmonë në dobi të tij.