[Tropojani30]

Postimi origjinal është bërë nga teutaA

aha po qysh ky sabiti koka pdk e pse djali i ti me tentu me vra thaqin hiq spo ma rrok

Fillon gjykimi për sulmin në shtëpinë e kryeministrit

T. Rexhepi
“Mirë ta kanë ba”
Prishtinë, 2 mars - Në Gjykatë e Qarkut në Prishtinë, të martën ka filluar seanca gjyqësore ndaj Fazli Sejdiut, i cili akuzohet për vepër penale vrasje në tentativë dhe armëmbajtje pa leje lidhur me rastin kur kishte hyrë në shtëpinë e kryeministrit Hashim Thaçit. Të akuzuar në këtë çështje janë edhe Alban e Kushtrim Geci (djemt e Sabit Gecit) dhe Orges Prelvukaj, të cilët akuzohen për moslajmërim të veprës penale ose i kryerjes së veprës penale dhe për dhënie të ndihmës në kryerjen e veprës penale. Gjatë kësaj seance gjyqësore, akuzën e lexuar nga prokurori i çështjes Osman Mehmeti, të akuzuarit e kundërshtuan duke deklaruar se janë të pafajshëm dhe se akuzat ndaj tyre janë të pabaza. Pas kësaj në këtë seancë janë ftuar dëshmitarët. Dëshmitari Ardian Krasniqi pronar i gjysmës së aksioneve në Mini Max, tha se të akuzuarin Fazli Sejdiun e ka marr në punë me kërkesë të nënës së tij Sadije Sejdiu. Ai tha se në natën kritike Sejdiu e ka pas orarin e punës nga ora 13 e 30 deri në 22 e 30 dhe dëshmitari ka treguar se ka dëgjuar nga një punëtor se Sejdiu në natën kritike nuk kishte hip në autobus të Mini Max-it, por kishte ecur në këmbë. Ndërsa, dëshmitari Arben Kajtazi, i cili në natën kritike ka qenë duke e siguruar shtëpinë e kryeministrit Hashim Thaçi tha se rreth orës 22 e 30 bashkëshortja e Hashim Thaçit së bashku me djalin e tij dhe vajzën e Blerim Thaçit, vëllait të kryeministrit kishin ardhur në shtëpi. Ai tha se në natën kritike rreth orës 23:00 kishte dëgjuar një zhurmë dhe më pas kishte dal për të parë se çka po ndodhte. “E kam pa një person që ishte tek dritarja përmbi ballkon. Nga kjo dritare mund të hysh në sallon të kryeministrit dhe në kuzhinë të shtëpisë. Pasi e pash këtë person i thash të ndalet dhe pas kësaj kam shtënë me armë për t’i treguar se kam revole”, tha Kajtazi. Ai më pas ka treguar se personi që e kishte vërejtur ishte pozicionuar me trup nga ai dhe dukej sikur në duar mbante diçka. “Kur e kam pa unë këtë person ka qenë duke shikuar kah dritarja. Kur unë kam shtënë me armë, ai është kthyer në drejtimin tim me trup dhe i ka pas duart si të kishte armë. Unë kam shtënë me armë aty dhe pas kësaj ka pas edhe një të shtënë nga ky person”, tha Kajtazi.
Nëna e të akuzuarit Sadije Sejdiu në dëshminë e saj tha se në natën kritike djali i saj në shtëpi ishte kthyer i plagosur dhe për këtë gjë ai i kishte thënë nënës se e kishin plagosur duke dal nga autobusi i Mini Max-it. Ajo tha se rastin e ka kuptuar të nesërmen përmes mediave, dhe për të verifikuar ato që shkruheshin e kishte zgjuar nga gjumi të shoqin, Bajramin për ta pyetur Fazliun. Ndërsa, në dëshminë tij Bajram Sejdiu babai i të akuzuarit Fazli Sejdiut tha se pasi që djali i tij kishte ardhur në shtëpi i plagosur e kishte pyetur çka i kishte ndodhur. “Fazlia më tha se duke dal nga autobusi e ka plagosur dikush. Unë i thash se mirë ta kanë bë”, theksoi Sejdiu. Seanca e radhës lidhur me këtë çështje do të zhvillohet të mërkurën me 3 mars.