[murrizi]

Publikuar: 07.08.2011 - 16:04

Londër, 7 gusht – Tentimi i fuqishëm i Prishtinës që të vendosë kontroll në pikat kufitare në veri ndoshta i ka pëlqyer publikut, por i ka tërbuar zyrtarët e BE-së, shkruan analisti Tim Judah.Ai ka vlerësuar se Qeveria e Kosovës po shkon nga një ekstrem në tjetrin.

Në një tekst për “Economist”, Judah thekson se BE-ja “frikësohet se triumfi i mëhershëm i tij në vështrimin e bisedimeve do të lëndohet”.

Në anën tjetër, shqiptarët e Kosovës, për shkak se BE nuk po tregon asnjë sinjal se do t’i lejojë Kosovës hyrjen në zonën e Schengenit, që paraqet qëllim të rëndësishëm politik, thonë “pse ne të mërzitemi”.

Ai ka vlerësuar se pas shtyrjes së bisedimeve për vulat doganore kryeministri i Kosovës, Hashim Thaçi iu ka nënshtruar presioneve të nacionalistëve dhe të tjerëve në terrenin vendas, të cilët e kanë akuzuar për tradhti” dhe për këtë ka tentuar që të marrë pikat kufitare në veri.

“Përparim është arritur më 2 korrik në kuptimin e të ashtuquajturave pikëpamje teknike: targave të regjistrimit etj. Kosova ka pritur që marrëveshja e dytë për doganat të pasojë shpejt pas kësaj”, thotë Judah.

Ai ka theksuar se KFOR-i nga tash do të lejojë kalimin e automobilave dhe kamionëve të vegjël në veri vetëm nëpër dy vendkalimet e kontestuara.

“Të gjitha të tjerat, edhe automjetet e mëdha komerciale, do të detyrohen të hyjnë në Kosovë në pikëkalimet e tjera kufitare, përkatësisht në vendet e kontrolluara nga shërbimi doganor i Kosovës”, thotë Judah.

“Për këtë shkak flas për fitore të pjesërishme të Kosovës. Mbetet të shihet se a është arritur ndonjë marrëveshje në kuptimin e vulave doganore”, përfundon Judah.