Hajra

Erdoan flet në lidhje me marrëdhëniet me Izraelin

Kryeministri Rexhep Tajip Erdoan foli në Këshillin e Përgjithshëm të Kombeve të Bashkuara dhe dha mesazhe të qarta për liderët botërore në lidhje me temat e marrëdhënieve Turqi-Izrael.

E premte 23 Shtator 2011 10:44 Kryeministri Rexhep Tajip Erdoan foli në Këshillin e Përgjithshëm të Kombeve të Bashkuara dhe dha mesazhe të qarta për liderët botërore në lidhje me temat e marrëdhënieve Turqi-Izrael.
Erdoan theksoi se në Këshillin e Përgjithshëm të Kombeve të Bashkuara shteti i Palestinës duhet të njihet si një anëtar i Kombeve të Bashkuara.
Kryeministri Erdoan u shpreh se "Mbështetja e Turqisë për njohjen e shtetit palestinez është pa kushte".
Kryeministri kritikoi me fjalë të ashpra edhe politikën e Izraelit për Palestinën dhe reagoi ndaj qëndrimit të heshtur të Kombeve të Bashkuara në lidhje me këtë temë.
"Ai që përdorë forcë të tejskajshme është Izraeli, por sërish ai që nuk sanksionohet është po ai", tha Erdoan dhe vazhdoi duke thënë se "nuk ka asgjë që të zëvendësojë vendosjen e paqes në vendin e saj."
"Kërkesat tona për Izraelin janë të qarta, do të kërkojë falje, do ti paguajë dëmshpërblim familjeve të dëshmorëve tanë dhe do të heqë blokadën e Gazës. Nëse Izraeli nuk e rregullon gabimin e tij dhe nuk hedh hapat për të përmbushur kërkesat tona, qëndrimi ynë nuk do të ndryshojë": tha Erdoan dhe theksoi posaçërisht se problemi buron nga qeveria e Izraelit.
Erdoan nënvizoi se ata nuk kishin probleme me popullin izraelit.