[Zero Cool]

Vrasja e paralajmëruar

Disa orë para se foshnja tetëmuajsh A.A të mbytej nga prindërit e vet, në familjen Azemi në Smirë kishin qenë zyrtarë të Policisë dhe Qendrës Sociale të Vitisë. Të afërmit i kishin lajmëruar se bashkëshortët ushtronin dhunë ndaj foshnjës dhe vajzës dyvjeçare. Zyrtarët e kishin parë fëmijën në djep me hundë të gjakosura.


Foshnja tetëmuajshe A.A ndoshta do të ishte gjallë sikur punëtorët e Qendrës Sociale dhe Policia e Vitisë të martën paradite të ishin pak më të vëmendshëm, shkruan “Express”.

Palët nga këto dy institucione, të martën në mëngjes vizituan pikërisht familjen e Isak Azemit në Smirë të Vitisë, pasi dikush nga të afërmit e tyre njoftoi policinë se ai së bashku me gruan Kadrije Dinolli po i keqtrajtonin fëmijët.

Ky keqtrajtim doli të jetë fatal vetëm disa orë më vonë, pasi fëmija tetëmuajsh A.A, dyshohet e nga grushtet e babait dhe nënës ndërroi jetë.

Punëtorët e Qendrës Sociale, që ishin në vendin e ngjarjes të martën paradite, e panë foshnjën që i kishte hundët me gjak, por i besuan versionit të nënës së tij se i ka rënë nga dora, pasi iu kishte rrëzuar ngase ajo vuante nga epilepsia.

Ky version dhe deklaratat e Isakut, babait të fëmijës si dhe vëllait të Isakut, axhës së fëmijës, se nuk ka asnjë problem në familjen e tyre, i bindën policinë dhe punëtorët socialë se gjithçka ishte në rregull.