[Zero Cool]

Jo xhami ne sheshin e heronjeve të kombit - Afrim Zhitia dhe Fahri Fazliu


Shkruan: Metush Zenuni, 28 Shkurt 2012


Letër e hapur, Për : z. Hashim Thaçi – Kryeminsitër i Kosovës z. Jakup Krasniqi – Kryetar i Parlamentit të Kosovës z. Isa Mustafa - Kryetar i Komunës së Prishtinës, Të nderuar,

Në shtator të vitit 2005, në sallën e Fakultetit Filologjik në Prishtinë, në Akademinë Përkujtimore për heroin e kombit AFRIM ZHITIA, organizuar nga Unioni i Studenteve Shqiptare- USSH, ish-Anëtari i Komitetit Drejtues të LPRK-së e më vonë, Kryetar i Klubit Politik ,, AFRIM ZHITIA”, z. Ismet Sylejmani, publikisht propozoi që lokacioni në mes të PTK- së dhe Qendrës për Mjekësi Familjare në Ulpianë – Prishtinë, të emërohet ,, Sheshi AFRIM ZHITIA dhe FAHRI FAZLIU “ dhe aty të ndërtohet një përmendore, në nderim të jetës dhe veprës së dy heronjëve të Kombit –Afrim Zhitia e Fahri Fazliu.[1]

Këto ditë në mediat e shkruara dhe ato elektronike, u njoftuam se Kryetari i Komunës së Prishtinës, ua ka miratuar kërkesën BIK-ut që të ndërtohet një xhami në sheshin, i cili me herët është propozuar të jetë shesh për heronjët e kombit - Afrim Zhitia dhe Fahri Fazliu. Duke respektuar të drejtën e lirisë fetare, në asnjë moment nuk jemi kundër ndërtimit të objekteve të kultit fetar, pa marrë parasysh për cilën fe është fjala, por duke pasur parasysh kohën në të cilën është bërë kërkesa nga Klubi Politik ,, Afrim Zhitia” dhe rëndësinë që kanë herhonjët e kombit për lirinë e Kosovës dhe të popullit të saj, nga ju te nderuar kërkojmë që:

1. Të anulohet vendimi i Kuvendit Komunal të Prishtinës, për ndërtimin e xhamisë, dhe të miratohet kërkesa e Klubit Politik ,, Afrim Zhitia“

2. Të caktohet një lokacion tjetër, ku besimtarët islam të ndërtojnë objektin e tyre fetar.

3. Të përkrahet nga institucionet e Kosovës, nisma e Klubit Politik ,, Afrim Zhitia” dhe të filloj ndërtimi i sheshit me financimin e Qeverisë së Kosovës dhe nën përkujdesjen e Kryeministrit të Kosovës, z. Hashim Thaçi.

Të nderuar udhëheqës të Qeverisë së Kosovës, Parlamentit të Kosovës, të nderuar deputet, i nderuar Kryetar i Komunës së Prishtinës,

Jemi thellësisht të bindur se nderimi për deshmorët dhe heronjët e Kombit, është nder dhe respekt edhe për institucionet që ju përfaqësoni, por edhe për ju si individ. Kosova dhe liria që tash e sa vite e gëzojmë, është e larë me gjakun e bijëve e bijave të saj më të mirë, andaj mendojmë se ata, kanë të drejtë morale e juridike që të gëzojnë pak tokë Kosove….!!!

Duke shpresuar se do të gjejmë mirëkuptim nga ana juaj, sinçerisht ju përshëndesim,

Prishtinë, 26. Shkurt 2012,

Mr sc. Metush Zenuni - Kryetar i Klubit Politik ,, Afrim Zhitia”.

________________________________________

Për shkak të aktivitetit ilegal në gjykatën e qarkut në Prishtinë, në maj 1984 denohet një grup i veprimtarëve të LRSHJ-së, të cilët ende ishin të mitur, ndërsa më 18. 6. 1984, u gjykuan anëtarët e LRSHJ-së: Bajram Ajeti, Ismet Begolli, Sherif Konjufca, Ali Ajeti etj, Të nesërmen më 19. 6. 1984, u denuan me shumë vite burg 20 anëtarë të ,, Frontit Nacionalçlirimtar“ në mesin e të cilëve ishin edhe Ramadan Avdiu dhe Afrim Zhitia. Në kohën kur pushtuesit serb kishin vënë gjendje të jashtëzakonshme në Kosovë dhe me tanke e detyruan Kuvendin e Kosovës që të aprovoj kushtetutën e sërbisë, LPRK e udhëhequr nga Afrim Zhitia, Fahri Fazliu, Fadil Vata, Ahmet Haxhiu etj, organizoi demonstratat e mars –prillit 1989. LPRK tani ishte shëndrruar në organizatë që luante rolin kryesor në drejtimin e aksioneve popullore.[1]në mars - prill 1989, në Divjakë të Malishevë, në shtëpinë e Nezir Zogajt, u mbajt Mbledhje e Parë e jashtëzakonshme e OMLK-së – LPRK-së, në të cilën merrnin pjesë rreth 40 anëtar të organizatës si: Fadil Vata, Afrim Zhitia, Ali Ahmeti, Hajdin Abazi, Xhevat Ademi, Halit Krasniqi, Ilaz Kadolli, Sahit Krasniqi, Binak Berisha, Bardhyl Mahmuti, Behajdin Allaqi, Bajram Kadriu etj.[1]Gjatë vitit 1989, Serbia e ndihmuar nga udhëheqësit e Kosovës, Rrahman Morina, Husamedin Azemi etj, të cilët ishin tërësisht në shërbim të tyre dhe të planeve shoveniste serbe intestifikuan dhunën dhe shkeljet mbi popullin e Kosovës. Udhëheqësit e LPRK-së: Afrim Zhitia, Fadil Vata, Ali Ajeti, Fahri Fazliu etj, ishin në ballë të popullit dhe në ballë të demonstratave për liri.“![1]Më 2 nëntor 1989, në Prishtinë LPRK, kishte organizuar një demonstratë të fuqishme kundër riokupimit që po i bëhej Kosovës. Në këto protesta gjithëpopullore ishte dalluar, Afrim Zhitia, i cili në këtë kohë ishte udhëheqës i LPRK-së. Gjatë protestave të asaj dite nëntori, u vra Bedri Sokoli. Po këtë ditë, pasi protesta kishte përfunduar, Afrimi do të gjendet i rrethuar bashkë me Fahri Fazliun në banesën e Fahriut në Breg të Diellit, dhe pas një lufte të pabarabartë për disa orë ata bien heroikisht. Edhe në qytete tjera të Kosovës ku kishte pasur demonstrata, armiku plagosi dhjetra demonstrues, ndërsa arrestoi qindra të tjerë.[1]Gazeta Rilindja, e cila ishte e vetme gazetë ditor në gjuhën shqipe në Kosovë, organi i LKK-së dhe altoparlant i politikës së Serbisë dhe Jugosllavisë, si dhe gazeta BORBA e Beogradit, në shkrimet e tyre rreth demonstratës së 2 nëntorit, njoftuan se gjatë kësaj demonstrate u vranë tre ekstremist shqiptar.