Dardania.de - Shiko Postimin Tek

achiles · 04-09-12, 12:01

Si mund të hackohet truri

Në konferencën Usenix Security është demonstruar mënyra me të cilën pajisja që është në dispozicion komercial për manipulim të kompjuterit përmes mendimeve mund të shfrytëzohet edhe për marrjen e informatave të cilat shfrytëzuesi nuk ka dashur t’i zbulojë me vetëdije.

Pajisja për manipulim të kompjuterit përmes mendimeve është në dispozicion në mënyrë komerciale dhe është relativisht e lirë, ndërsa në esencë bëhet fjalë për pajisjen e cila punon në parimin e EEG-së (elektroencefalografisë) e cila vendoset në kokë dhe në softuerin përcjellës, i cili interpreton sinjalet nga truri. Pajisja medicinale për incizim të aktivitetit trunor është akoma shumë e shtrenjtë, por në treg ka zgjidhje komerciale për përdorim shtëpiak, si Emotiv dhe Neurosky BCI, të cilat (në SHBA) shiten për 200 deri 300 dollarë.

Zgjidhjet komerciale zakonisht kanë interfejs, i cili u mundëson zhvilluesve të pavarur të aplikacioneve shfrytëzim të rezultateve të aktivitetit të trurit për nevoja të tyre. Shkencëtarët nga universitetet Oxford, Geneva dhe California, kanë zhvilluar programin, i cili shfrytëzon këto rezultate për zbulimin e të dhënave sekrete, si lokacioni i shtëpisë, PIN-ët e kartelave bankare, bankës të cilën e përdorni, dhe ditëlindjes. Në mostrën prej 28 të anketuarve të cilët kanë marrë pjesë vullnetarisht në hulumtim, por nuk e kanë ditur se për çfarë bëhej fjalë, është konstatuar që me shfrytëzimin e kësaj teknologjie kemi 10 deri 40 për qind gjasa për të marrë informata të dobishme.

Eksperimenti është bazuar në mostrat specifike të cilat i gjeneron truri kur njeh diçka që për të ka domethënie të caktuar, ta zëmë fytyrën e një personi ose veglës së nevojshme për kryerjen e një pune të caktuar. Programi i zhvilluar nga shkencëtarët punon ashtu që shfrytëzuesit i tregon pamje të hartave, bankave dhe PIN-ëve të kartelave bankare, dhe regjistron se kur paraqiten mostrat specifike. Më pas është relativisht thjesht të kalohet nëpër këto të dhëna dhe me përqindje relativisht të lartë të zbulohet se ku jeton shfrytëzuesi, cilën bankë e përdor dhe çfarë PIN-i të kartelës ka.

Si keqpërdorime të mundshme të kësaj teknologjie shkencëtarët i kanë theksuar lojërat, të cilat janë të dizajnuara për të nxjerrë informata sekrete dhe inxhinieringun social që shfrytëzuesi të fitojë ndjenjën e rrejshme të sigurisë.
Sepse, është shumë më vështirë të nxirren informata të kuptueshme nga truri nëse ai e di se është duke u sulmuar.

04-09-12, 12:01	#204
achiles Anëtarësuar: 03-07-11 Postime: 274	Titulli: Madheshtore!!! Si mund të hackohet truri Në konferencën Usenix Security është demonstruar mënyra me të cilën pajisja që është në dispozicion komercial për manipulim të kompjuterit përmes mendimeve mund të shfrytëzohet edhe për marrjen e informatave të cilat shfrytëzuesi nuk ka dashur t’i zbulojë me vetëdije. Pajisja për manipulim të kompjuterit përmes mendimeve është në dispozicion në mënyrë komerciale dhe është relativisht e lirë, ndërsa në esencë bëhet fjalë për pajisjen e cila punon në parimin e EEG-së (elektroencefalografisë) e cila vendoset në kokë dhe në softuerin përcjellës, i cili interpreton sinjalet nga truri. Pajisja medicinale për incizim të aktivitetit trunor është akoma shumë e shtrenjtë, por në treg ka zgjidhje komerciale për përdorim shtëpiak, si Emotiv dhe Neurosky BCI, të cilat (në SHBA) shiten për 200 deri 300 dollarë. Zgjidhjet komerciale zakonisht kanë interfejs, i cili u mundëson zhvilluesve të pavarur të aplikacioneve shfrytëzim të rezultateve të aktivitetit të trurit për nevoja të tyre. Shkencëtarët nga universitetet Oxford, Geneva dhe California, kanë zhvilluar programin, i cili shfrytëzon këto rezultate për zbulimin e të dhënave sekrete, si lokacioni i shtëpisë, PIN-ët e kartelave bankare, bankës të cilën e përdorni, dhe ditëlindjes. Në mostrën prej 28 të anketuarve të cilët kanë marrë pjesë vullnetarisht në hulumtim, por nuk e kanë ditur se për çfarë bëhej fjalë, është konstatuar që me shfrytëzimin e kësaj teknologjie kemi 10 deri 40 për qind gjasa për të marrë informata të dobishme. Eksperimenti është bazuar në mostrat specifike të cilat i gjeneron truri kur njeh diçka që për të ka domethënie të caktuar, ta zëmë fytyrën e një personi ose veglës së nevojshme për kryerjen e një pune të caktuar. Programi i zhvilluar nga shkencëtarët punon ashtu që shfrytëzuesit i tregon pamje të hartave, bankave dhe PIN-ëve të kartelave bankare, dhe regjistron se kur paraqiten mostrat specifike. Më pas është relativisht thjesht të kalohet nëpër këto të dhëna dhe me përqindje relativisht të lartë të zbulohet se ku jeton shfrytëzuesi, cilën bankë e përdor dhe çfarë PIN-i të kartelës ka. Si keqpërdorime të mundshme të kësaj teknologjie shkencëtarët i kanë theksuar lojërat, të cilat janë të dizajnuara për të nxjerrë informata sekrete dhe inxhinieringun social që shfrytëzuesi të fitojë ndjenjën e rrejshme të sigurisë. Sepse, është shumë më vështirë të nxirren informata të kuptueshme nga truri nëse ai e di se është duke u sulmuar.