[Murgesha]

Musafirja e rradhës për sonte është një Zonjushe simpatike dhe e nderuar në forumin tonë.
Pra siç po e shifni edhe vetë kjo është kush tjetër pos Kaltrina.
Unë po filloj menjëherë me pyetjet, pasi që edhe kurreshtja e shikuesve është në nivel.

Murgesha: E nderuar mirë se na ke ardhë.

Kaltrina: Murgesha të falenderoj për ftesën, nuk kam pritur të më thërrasë dikush në intervju, por ju jeni nëna e befasirave e unë me kënaqësi e pranova ftesën.

Murgesha: Thatë se nuk keni pritë tju marrim në intervju, pse e keni këtë mendim???

Kaltrina: Shiqo Murgesha, unë vërtet jam një femër që kam çfarë të tregoj, e të flas, por në këtë forum më duket se nuk kam edhe shumë reputacion. E krejt kjo falë bindjeve të mia politike. Unë jam adhuruese e flaktë e PDK e valla vështirë me e gjetë veten në një forum ku shumica janë simpatizantë të partive tjera.

Murgesha: Po e kuptoj tani, edhe pse nuk pajtohem me ty. Por ti e din se unë vet jam adhuruese e LDK, pse pra pranove të të intervistoj.

Kaltrina: E di këtë Murgesha, ama ju kurr nuk më keni fyer e bile shumë herë më keni fol fjalë të mira, se unë mendoj se ju edhe pse nuk keni bindjet e mia politike, prapë se prap jeni e gjithanshme, mendoj se para së gjithash jeni njeri e pastaj në rend të dytë e keni politikën.

Murgesha: Të falenderoj për fjalët kaq të mira që po mi dedikoni. Por po e lëmë Politikën, se po kam frigë mos po na ndodhë ndonjë eksces gjatë intervjusë. Ti kthehemi pak personalitetit tënd. Ju jeni Zonjë apo Zonjushe???

Kaltrina: Ke të drejtë Murgesha, as unë me dëshirë nuk do të hyja në pikpamjet politike.
Unë për vete jam Zonjushe, nejse e kam kohën për tu bërë Zonjë, por ende po e pres Zotëriun që do ma jap këtë titull aq të lakmuar nga ana e Zonjusheve.

Murgesha: E çfarë duhet të jetë Zotëriu apo Princi që ju meriton juve????

Kaltrina: Po ai duhet të jetë i pashëm para së gjithash, pastaj të jetë seriozë, intelegjent e sështë keq me qenë edhe ka gjepi i thellë, se po ta them në besim Murgesha, se unë jam vajzë që nëna dhe babai më kanë rritë me tërë të mirat e kësaj bote, dhe dua që edhe në martesë ti posedoj këto kushte.

Murgesha: Po a ka diç konkrete në këtë drejtim, para disa kohëve më keni thënë se pikërisht në këtë forum keni gjetë Princin e ëndrrave tua, nuk po ngulmoj me e ditë se cili është por a i plotëson ai kushtet që cekët më lart???

Kaltrina: Natyrisht se po, o është me të gjitha, dhe unë e dua shumë, së shpejti do ta shpallim fejesën e mendoj se vetëm atëherë do ta bëjmë publike dashurinë tonë, hi hi hiiiiiiiii!!!

Murgesha: Më falni po pse po qesheni???

Kaltrina: Më falni ju lutem për këtë qeshjen time, por nuk munda të durohem. Se e kam vjedhë para syve të të gjithë forumistëve dhe ende askush nuk e din se cili është. A nuk të duket edhe ty qesharake, kur të kemi parasysh se në një forum të tillë çfarë është Dardania, asgjë nuk mundet të mbahet sekrete. E unë jam e zonja shumë në ruajtjen e fshehtësive sa që asnjë Shërbim, qoftë sekret apo publik nuk mundet të na zbulojë.

Murgesha: (Boll valla po më vjen inat për këte po skam çka bëjë se keni të drejtë në këtë rast) A jo Kaltrina, nuk jemi marrë shumë me ty se moti e kishim zbuluar se cili është.
Kaltrina ju jeni një vajzë mjaft atraktive dhe shumë e hapur në bisedat tuaja. Për çdo gjë flisni pa frigë, dhe pa u ndrojtur, çfarë dëshmon kjo për personalitetin tënd???

Kaltrina: Ky është një virtyt i imi, që mua më është deshtë kohë për ta perfeksionuar. Unë i them fjalët me guxim në çdo temë ku diskutoj, qofshin temat për dashni apo për politikë. Pse motër mos të thuhet fjala e lirë, këtu po mendoj për dashni, thuaje me emrin e vërtetë dhe fund, jo si disa prej juve që ju vjen turp të diskutoni në temat e dashurisë, çka ka lidhje, kur dihet se dashnia është proces i pashmangshëm e jetës sonë. Valla unë për vete kam diskutu dhe do të diskutoj ende për temat e dashnisë, bile edhe tek ato pa Censurë, se ai nënforum është hap për neve anëtarët që ta thuamë të lirë mendimin tonë për të gjitha llojet, stilet dhe mënyrat e dashnisë. Bile jam pak e nervozuar se shumë pak femra shkruajnë atje, bile Elita femërore e forumit shumë pak shkruan atje, për mendimin tim kjo dëshmon se ju ose jeni të pa afta për të bërë dashni ose po maroheni se jeni kinse Elitë dhe juve nuk ja ka ëndja ato sende.

Murgesha: (Phaaaa se kam pritë këte) Kaltrina më falni por smendoj se ne jemi të pa afta për të bërë dashni, por ndoshta jemi pak më të kufizuara në shfaqjen e ndjenjave tona.

Kaltrina: Pse moj me qenë të kufizuara??? Unë mendoj se ska asgjë të keqe aty. A i ke parë se si diskutojnë djemtë, sju vjen marre për asgjë, bile të gjitha i thojnë me emrin e vërtetë, pa i lakuar hiç në fjalorin e kulturës. A mos janë ata më të mirë se ne??? Jo, jo unë mendoj se gjinia femërore e forumit duhet të jetë edhe atje shumë aktive, për të mos ju lënë djemve të forumit bindjen se ne jemi qyqajka e nuk dijmë asgjë. Se pastaj për inatin tonë, krejt meshkujt ja nisin e kërkojnë dashnore tek racat tjera. Ne duhet ti ndezim ata me diskutimet tona, tju mbjellim në kokë se femra Shqiptare është e liruar nga paragjykimet dhe ka afinitet të ballafaqohet me çdo lloj diksutimi që mund të paraqitet në kët forum.

Murgesha: Po Kaltrina keni të drejtë (woow çfarë guximi) Kaltrina nëse nuk ke asgjë kundër, do të doja të di pak për anëtarësimin tënd në këtë forum. Ju jeni anëtare e vjetër në këtë forum, jeni regjiatruar diku në muajin Janar të këtij viti. A bën ta di pse në Janar e jo më herët???

Kaltrina: Shiqo Murgesha!!! Unë kam marrë vesh se është një forum Dardan, qysh para se të regjistrohem. Bile mendoj se që nga fillimi i këtij forumi. Arësyeja pse kam ardhë në Janar e jo më herët është. Unë lexoja për çdo ditë forumin, pa u regjistruar ende, dhe prisja momentin të dalë ndonjë Zotëri që do tmë pëlqente në bisedat e tija, ku nuk kisha harruar të bëjë grrepin me të cilin do ta zija atë zotëri.
Kur e pash se njëri prej tyre ishte me të vërtet ai që mua më përshtatej, unë e mbusha formularin që e mbaja të gatshëm dhe bëra kërkesën për pranim në këtë forum. Dhe ja tani jam këtu, e gëzuar, e dashuruar dhe e lumturuar.

Murgesha: Interesante për besë. Ama do të dëshiroja të di se pse Kaltrina e jo Bjondina për shembull??

Kaltrina: Hi, hi, hiiiiiiiiiii! Është pak sekrete po nejse me ty po e ndaj pa kurrëfar hezitimi. Kur kam lindur unë, prindërit kishin dashtë që tmë quanin Kaltrina, por o çudi ditët e para të lindjes, unë gjithnjë kisha fjet pa i hapur sytë, dhe pasi prindërit nuk e dinin se çfarë ngjyrë të syve kam, i kishin ikë që të më lenin emrin Kaltrina, nga friga se mos po më dalin sytë e zinjë. Sa po ma kishin lënë emrin unë i kisha hapë sytë dhe ata të befasuar kishin parë se unë i kam sytë e kaltër. Mos hapjen e syve para vënies së emrit e kishin marrë si shenjë nga Zoti se unë nuk do të pajtohesha të quhem Kaltrina. Çka unë mendoj se ka qenë gabim, se unë e dua shum kaltërsinë, e me dëshirë do të quhesha Kaltrinë. Por sot për sot në këtë botën tonë asgjë nuk është e pamundshme, ja që tani shumë anëtarë në këtë forum më njohin si Kaltrina, dhe unë jam krenare për këtë, se kam realizuar ëndrrën time të vjetër të quhem Kaltrina.

Murgesha: Edhe kjo interesante shumë e nderuara Kaltrina. Tani po shof se para vetes kam një person mjaft interesant. Dhe po e quaj veten të nderuar që më ofruat rastin të dijë më tepër për jetën tënde, që qenka e mbushur me plot gjëra interesante. Po për forumin dhe forumistat a keni të thoni ndonjë gjë??

Kaltrina: Po Murgesha, me të vërtetë kam një jetë mjaft interesante dhe të bujshme.
Sa i përket forumit dhe forumistëve, nuk kam ndonjë vëerejtje të madhe. Unë nuk bahem nervoze me askënd në këtë forum, edhe pse shumë herë më kanë ofenduar dhe sharë, por ajo le të mbetet në ndërgjegjjen e tyre, se mua aq më bën. Shkruaj zakonisht në temat që më terhjekin për tu inkuadruar, e them mendimin tim, dhe nuk qaj fort kokën se a e pëlqejnë të tjerët a po jo.
Për mendimin tim, forumi Dardania është një forum shumë i lezetshëm, që të jep shtytje për të diskutuar.
Pastaj unë me një farë mënyre kam edhe arësye që të jem në këtë forum, se puna ime është e lidhur ngusht me netin, dhe gjatë orarit të punës hy e argëtohem, e besa edhe lirohem nga stresi që të sjell puna.

Murgesha: Kaltrina ishte kënaqësi e posaçme për mua që pata rastin të bëj këtë intervistë me ty. Tani kur edhe po i afrohet fundi emisionit tonë, do tju kisha lutur që të shtoni diçka për fund.

Kaltrina: Murgesha, unë i thashë ato të mijat, pas kësaj interviste, pres që popullariteti im të rritet edhe më në dardani, se jam tip komplekse, dhe e meritoj këte.
Kam një porosi të vogël për të gjithë.
Shkruani, jo vetëm shkruani por thoni të lirë mendimin e juaj në të gjitha temat që parashtrohen, se vetëm kështu liroheni nga energjia e tepërt që posedoni, kur shtrydheni dhe nuk flisni të lirë.

Murgesha: Mesazh ky që me të vërtet meriton rrespekt.
Zonjushe Kaltrina, ju falendëroj shumë. Me shpresë se do të takohemi ndonjëherë tjetër për ta analizuar këtë intervistë ju dëshiroj një ditë të mirë e pa strese.

Kaltrina: Edhe unë të falenderoj shumë. Mirë u pafshim pra ciaaaaaaaaao.