[regi_05]

Postimi origjinal është bërë nga munti

Përse u ndalua mishi i derrit?

Përktheu Rasim Vrioni, Dentist

Klasifikimi i gjërave në të lejuara dhe në të ndaluara, bëhet sipas urdhërit të Allahut. Allahu (xh.sh.) disa gjëra i bën "hallall" e disa i bën "haram". Pra, feja është provim, është një propozim dhe alternativë që u jepet njerëzve. Allahu (xh.sh.) që t'i bëjë njerëzit të përshtatshëm për të hyrë në xhenet i kalon në provim.
--------------------------------------------------------------------------------

Si arsye për t'u sprovuar
Klasifikimi i gjërave në të lejuara dhe në të ndaluara, bëhet sipas urdhërit të Allahut. Allahu (xh.sh.) disa gjëra i bën "hallall" e disa i bën "haram". Pra, feja është provim, është një propozim dhe alternativë që u jepet njerëzve. Allahu (xh.sh.) që t'i bëjë njerëzit të përshtatshëm për të hyrë në xhenet i kalon në provim. Për këtë arsye ka vendosur disa rregulla e disa gjëra të ndaluara. Gjëja themelore është bindja ndaj këtyre urdhërave dhe ruajtja nga gjërat e ndaluara. Principet e vendosura nga Allahu (xh.sh.) kanë shumë dobi si për njeriun në planin personal, ashtu edhe për njerëzit në planin e përbashkët (të shoqërisë). Ndalimi i përdorimit të mishit të derrit është një prej atyre gjërave të quajtura "haram". Kjo ndalesë përmban në vetvete shumë dobi, disa prej të cilave do i trajtomë më poshtë.

Lëndët helmuese
Mishi i derrit është një mish shumë me dhjam, dhe mbas konsumimit ky dhjam kalon në gjak dhe në një të ardhme rrezikon shëndetin e njeriut. Kjo yndyrë që shëtit nëpër damarët e njeriut, bëhet shkak për rritjen e tensionit (hipertension), bllokimin e damarëve dhe për infarkt të zemrës.
Në mishin e derrit gjendet dhe një lëndë e dëmshme e quajtur "Sutoksin". Për t'u hedhur jashtë trupit tonë kjo lëndë që hyn me mishin e derrit, duhet që gjëndrat linfatike të punojnë më tepër. Tek fëmijët kjo gjëndje bëhet shkak për qelbëzimin dhe fryrjen e tyre. Qafa e fëmijës së sëmurë fryhet në mënyrë anormale dhe ngjan me atë të derrit. Për këtë arsye kësaj sëmundje "skrofuloz" i vihet dhe emri "sëmundja e derrit". Me avancimin e sëmundjes gjithë gjëndrat limfatike në trup infektohen, fryhen, temperatura rritet, nisin dhimbjet dhe paraqitet një gjendje e rrezikshme.

Sasia e tepërt e squfurit
Mishi i derrit është i pasur me squfur dhe me konsumimin e tij në trupin e njeriut hyn një sasi më e madhe se normalja. Ky squfur i tepërt depozitohet në pjesët kërcore, në muskuj dhe nerva, dhe në artikulacione (kyçe) shkakton inflamacion, prishje të tyre dhe sëmundje të tjera. Në qoftë se mishi i derrit konsumohet vazhdimisht, pjesët e forta kërcore në trup fillojnë të dobësohen dhe me kohë shtypen nën peshën e trupit, dhe kështu kyçet (artikulacionet) prishen. Duart e njerëzve që konsumojnë vazhdimisht mishin e derrit, qullosen, e në to formohen shtresat e dhjamit. Nëse një sportist vazhdimisht ha këtë mish, bëhet dembel, ndien lodhje dhe lëviz më pak e më ngadalë. Disa futbollistë për pasojë kanë humbur edhe profesionin e tyre.

Rritja e tepërt
Hormoni i rritjes, është një tjetër lëndë që gjendet me shumicë në trupin e derrit. Derrkuci kur lind është disa qind-gramë por brenda 6-muajsh shkon në 100 kg. Kjo rritje kaq e shpejtë bëhet shkak për infeksion dhe enjtje në organe të ndryshme.
Gjithashtu bëhet shkak për një rritje anormale në kockat e duarve, të këmbëve, hundës, dhe nofullave si dhe shkakton dhjamosje të trupit.
Efekti më i spikatur i hormonit të rritjes së derrit është krijimi i kushteve të përshtatshme për zhvillimin e kancerit. Personat të cilët merren me therjen e derrave thonë se pas një moshe të caktuar derrat meshkuj në përgjithësi preken nga kanceri.

Sëmundjet e lëkurës (dermatologjike)
Mishi i derrit përmban lëndët e quajtura "histamin" dhe "imtidazol", lëndë të cilat shkaktojnë ndjenjën e kruajtjes në lëkurë. Kjo përgatit fushën për sëmundje lëkure si; Ekzema, dermati, neuro dermatit.
Gjithashtu këto lëndë rrisin mundësinë që njeriu të preket dhe nga sëmundjet e mëposhtme; apandesiti, sëmudje të tëmthit e rrugëve të tij, infeksion të damarëve, etj. Për këtë arsye doktorët i rekomandojnë të sëmurëve të zemrës (sëmundje kardiake) që të mos hanë mish derri në mënyrë absolute.
Mjeku gjerman, Prof. Dr. Reckeweg në veprën e tij "Mishi i derrit dhe shëndeti i njeriut" tregon një kujtim të vetin duke thënë: "Për t'u çlodhur kisha vajtur në një fermë larg qytetit. Në familjen ku qëndrova, babai vuante nga antroza (sëmundje degjenerative e kyçeve) dhe nga qelbëzimi i kyçit të ngofjes (pjesa e bashkimit të kofshës me trupin). Gjithashtu kishte dhe shqetësime nga mëlçia. Nëna kishte variçe dhe një ekzemë që i jepte shumë bezdi në këmbë. Vajzat e familjes vuanin nga insufiçenca e zemrës dhe romatizma. Edhe djali që dukej më i shëndetshmi, pasi vuante nga angina filloi të kishte dhe ai insufiçensë zemre. Një tjetër vajzë vuante nga bronshiti kronik. Ndërsa djali i vogël i shtëpisë vuante nga pleuriti kronik. Gjatë vizitës mjekësore që ju bëra banorëve të sipërpërmendur të fermës vura re diçka; në oborrin e fermës një derr i madh e i pisët shëtiste sa andej-këndej e futej kudo.
Ndalova vizitën dhe i thashë banorëve të fermës: "A e shihni atë derrin atje? Mishi i tij, lëndët e dëmshme që ai përmban e që ju i konsumoni vazhdimisht janë shkaktarë të sëmundjeve tuaja.
Familja ku unë qëndrova dhe familjet e tjera fqinje që i rrethonin e që dëgjuan këshillën time, hoqën dorë nga mishi i derrit, shpëtuan ose u lehtësuan nga shumica e sëmundjeve dhe tani në fermat e tyre s'sheh veçse dele."

Mishi i derrit dhe Trishina (shiriti)
Një nga sëmundjet e rrezikshme që i kalon njeriut me anë të mishit të derrit është "Trishina". Derrat e marrin këtë sëmundje kur hanë minj ose mishin e derrave me shirit. Shiriti nuk shkakton sëmundje të rëndësishme tek derrat, por kur kalon tek njeriu shkakton një sëmundje të rrezikshme dhe vdekjeprurëse. Krimbat e vegjël të trishinës që merren me mishin e derrit, nga stomaku dhe zorrët kalojnë në gjak dhe kështu përhapen në të gjithë trupin. Në veçanti vendosen në nofull, gjuhë, qafë, dhe në muskujt në zonën e kraharorit. Ata shkaktojnë paralizë në muskujt e përtypjes e të të folurit. Gjithashtu shkaktojnë bllokim në damarë, menengjit (qelbëzim i cipës së trurit). Në disa raste të rënda përfundimi është vdekja. Ana më e keqe e kësaj sëmundjeje është se nuk ka një mjekim të caktuar.
Sëmundja e trishinës, është e përhapur veçanërisht në vendet ku konsumohet mishi i derrit. Megjithë kontrollet e rrepta të veterinerëve në Norvegji, Angli dhe Poloni vërehen epidemitë e trishinës. Për vendet islame kjo sëmundje është e panjohur pasi muslimanët nuk e përdorin mishin dhe nënproduktet e derrit.

Ushqimet dhe veçoritë e njeriut
Njerëzit dhe kafshët, pak a shumë ndikohen nga ushqimet që hanë. P.sh. macja, qeni, luani, që ushqehen me mish janë paksa të egër dhe shqyes; ndërsa delja, dhia, deveja, që ushqehen me barishte janë më të buta dhe më paqësore.
Kjo është e vlefshme dhe për njerëzit. Është vërejtur se ata që ushqehen me mish e nënproduktet e derrit në përgjithësi janë më të rreptë, ndërsa të tjerët janë më të urtë e të butë nga natyra. Derri është një kafshë që nuk ka xhelozi për femrën e tij. Tek njerëzit që vazhdimisht përdorin mishin e derrit vihet re se ndjenja e xhelozisë pakësohet ose shuhet plotësisht.
Filozofi francez Savorin, e pranon dhe e vlerëson ndikimin e të ushqyerit mbi karakterin e njeriut dhe thotë: "Më thuaj mua se çfarë ha që unë të them se çfarë je ti."

Gjërat e lejuara (hallall) i plotësojnë nevojat
I madhi Zot, ka krijuar shumë ushqime për t'i përdorur ne. Por disa gjëra të dëmshme janë të ndaluara. Allahu (xh.sh.) është i Mëshirshëm dhe i do robërit e Vet, prandaj nuk i ngarkon njerëzit me shumë detyra nga sa ata mund të mbajnë. Njerëzit me lehtësi mund t'i kryejnë urdhërat e Allahut (xh.sh.) e mund të shmangen nga ndalesat e Tij. Çfarë humbet njeriu kur nuk pi pije alkoolike e kur nuk ha mish derri?

Krijuesi e di
Inxhinieri që ka bërë makinerinë e di më mirë se, në cilat kushte dhe si punon. P.sh. në katalog shkruhet se makineria duhet të punojë në 220 volt, ndërsa ne pa ia vënë veshin katalogut, e lëmë të punojë në 500 volt. Mendoni se çdo ndodhë me makinën? Trupi i njeriut është si një motor dhe makineri e mrekullueshme e krijuar nga Allahu i Madhëruar. Pa dyshim Ai e di më së miri se si punon kjo makineri. Meqenëse Allahu (xh.sh.), Krijuesi ynë na e ka ndaluar të hamë mishin e derrit, atëherë ne s'duhet ta përdorim, pasi edhe logjika këtë konkluzion nxjerr.

All-llahu ju shpërbleftë i nderuar për këtë artikull. (Amin!)

All-llahu xh.sh ka thënë:
"Thuaj: “Në atë që më është shpallur mua (në Kur’an) nuk po gjej diçka të ndaluar nga ushqimi, përveç në qoftë se ai (ushqimi) është: coftinë, gjak i derdhur ose mish derri, ai i ndytë, dhe pos asaj që është therrur jo në emër të All-llahut (por të ndonjë idhulli) e që është mëkat. E kush detyrohet (t’i hajë këto të ndaluara), por duke mos pasur për qëllim shijen dhe duke mos e tepruar; Zoti yt është që falë e mëshiron shumë". (El-En'am: 145)
Ky ajet e ndalon konsumimin e ngordhësirave, në kohen në të cilën arabët lejonin që të konsumohen, duke e thënë këtë në mënyrë mashtruese, por vepruese: "Atë që All-llahu e bën të vdekur është më e mirë sesa ajo çka ne e mbysim me duartë tona!!" POr Kur'ani këtë e ndaloni, ndërsa përparimi shkencor e zbuloi urtësinë e kësaj ndalese. Njeriu ka kuptuar se trupi i kafshës së vdekur i është nënshturar bakterieve për kalbje, të cilat natyrshëm gjinden në zorrët e kafshëve. Ato i përfshijnë të gjitha pjesët e trupit menjëherë pas vdekjes, përmes enëve limfatike dhe të gjakut. Derisa nga këto bakterie gjat shumimit të vet, krijojnë materie të dëmshme, siç krijohen edhe materiet helmuese si rezultat i lirimit, madje edhe pas vluarjes. Megjithatë dihet coftina lirohet nga gjaku i cili në vete përmban lënde urinore, kurse rreziku shtohet nëse kafsha e ngordhur ka qenë e sëmurë, dhe në atë mënyrë, te njeriu barten këto sëmudje: tuberkulozi, ethet e gurit e tjera.
Është i ndaluar gjaku që rrjedh. Gjatë vet rrjedhjues së gjakut nga kafsha, ajo ndotet me bakterie të cilat zhvillohem me shpejtësi në të, sepse këto janë rrethana të volitshme për zhvillimin e bakterieve. Gjithashtu, rruzat e bardha të gjakut e humbin mundësinë për t'u kundërvënë. Gjaku shumë shpejt kuagullohet, madje edhe nëse mbetet sasi e tij më e vogël në lukth, njeriu atë e nxjerrë ose e vjellë, duke mos e tretur përmes fekaleve ose si materie të zezë jargëzore. Gjat kalimit të gjakut nëpër kanalet digjestive, ai kalbet dhe i bën dëm trupit. Gjaku e bart urinën tonë dhe materiet tjera të ndryshme nga trupi, të cilat në fakt janë mbeturina, andaj kthimi i sërishëm i tyre në trup nuk është në rregull. Gjaku, gjithashtu, në vete bart helme tjera andaj edhe merr pjesë në lirimin e tyre nga trupi.
1. Ajeti e ndalon edhe mishin e derrit. Ai i cili ha mish derri i është ekspozuar sëmundjes së trikinozës. Librat e mjekësisë pohojnë se kjo sëmundje gati është bërë sëmundje e përgjithshme nëpër disa pjesë të Francës, Gjermanisë dhe Italisë. Kjo sëmundje është fare e rrallë në vendet e Lindjes për shkak të ndalesës së konsumimit të mishit të derrit.
2. Ai i cili ha mishin e derrit, i nënshtrohet rrezikut që të sëmuret nga trikinoza (trahinolosis spiralis), e cila shkakton dhimbje të mëdha te njeriu, veçanërishtë në muskuj. Më e rëndësishme është që të përmendet se për këte sëmundje nuk ka ilaç, për arsye teknike, siç është e pamundur që ky rregull të zbatohet në derrin i cili nuk është i sëmurë nga kjo sëmundje nga arsye gjithashtu tjera teknike. Dr. Sefar Bajroni ne tekstin e vet nën titull "Islami dhe ruajtja e shëndetit" thotë: "Aq sa adaptohesha në jetën islame, përherë më tepër më befasonin rregullat e çuditshme të lidhura me ruajtjen e shëndetit, të cilat i Dërguari i fesë ua ka vendosur besimtarëve...Muhammedi [sal-lallahu alejhi ve sel-lem] shumë kishte kujdes në gjërat e papastërta: siç janë derrat dhe qentë. Përse kjo?! Nga shkaku se derri sëmundjen trikinoza, e cila është vdekjepruese...Qeni bart krimba të rrezokshëm, të cilët shkatërrojnë jetën e atij ne trupin e të cilit hynë".


Abdul Mexhid Aziz Ez-zendani, Njëshmëria e Krijuesit (kap. Kur'ani është në epërsi ndaj shkencave bashkëkohore)